Rayon icra hakimiyyəti başçısının növbəti səyyar görüş-qəbulu təmas xəttinə yaxın olan Yuxarı Qaradağlı kəndində keçirildi.
Rayon icra hakimiyyətinin başçısı Müstəqim Məmmədov tədbirə toplaşanlarla görüşdü. Sonra icra nümayəndəsi Lətif Həmidov kənd haqqında məlumat verdi.
Qapanlı kənd tam orta məktəbinin direktoru Fitat Əliyeva, kənd sakinlərindən Cəlal Rəhimov, İlham Cabbarov, Arzuman Məmmədov, Səidə İsmayılova, Nizami Həsənov, Qazyan kənd sakinləri Asif Mustafayev, Əvəz Hüseynov və başqaları çıxışlarında rayon mərkəzində və eləcə də kəndlərdə görülən quruculuq, abadlıq işlərinə görə ölkə Prezidenti İlham Əliyevə və rayon rəhbərliyinə minnətdarlıqlarını bildirdilər. Kənddəki çatışmazlıqlara da toxunuldu.
Rayon İcra hakimiyyətinin başçısı Müstəqim Məmmədov qaldırılan məsələlərin bəzilərinin həlli üçün əlaqədar təşkilatların rəhbərlərinə tapşırıqlar verdi. Qalan məsələlər nəzarətə götürüldü.
Rayon rəhbərinin Yuxarı Qaradağlı kəndində keçirdiyi səyyar görüş-qəbuldan hamı razı qaldı.

“Yeni Tərtər”

Avqustun 4-də Qax rayonunda baramaçılıq, tütünçülük və fındıqçılığın inkişafına həsr edilmiş respublika müşavirəsində Prezident İlham Əliyevin nitqindən irəli gələn vəzifələrlə bağlı Tərtər rayonunda kənd təsərrüfatı işçilərinin müşavirəsi keçirilib.
Yığıncağı açan rayon icra hakimiyyətinin başçısı Müstəqim Məmmədov respublika müşavirəsində dövlətimizin başçısının qarşıya qoyduğu vəzifələrlə bağlı məlumat verib, bildirib ki, müşavirədə ölkə rəhbəri barama, tütün və fındıq sahələrinin inkişafı ilə əlaqədar son 2 il ərzində görülmüş işləri hərtərəfli təhlil etdi. Gələcəkdə Azərbaycanda aqrar sektorun ən perspektivli sahələrinin daha da inkişaf etdirilməsi üçün görüləcək işlərdən və qarşıda duran vəzifələrdən danışdı, lazımi tövsiyə və tapşırıqlarını verdi.
Rayon rəhbəri qeyd etdi ki, möhtərəm Prezidentimizin tapşırığına əsasən rayonumuz üçün gəlirli istehsal sahələrindən biri olan baramaçılığın inkişaf etdirilməsinə son illər xüsusi diqqət yetirilir. Daha ətraflı »

Mənim iş otağımın pəncərəsindən sizin həyət darvazanız, sənin bir zamanlar bəy-gəlin otağı kimi bəzəmək arzusunda olduğun evin pəncərəsindən isə indi məzarın görünür, əziz Nicat! Bilirəm ki, ruhun çox narahatdır, Lələ Təpənin qəhrəman oğlu! Bu narahatçılıq sənin doğmalarına söylədiyin son sözlərində də var. İndi ata-ananın, bacının, bütün doğmalarının dönə-dönə, təkrar-təkrar dinlədikləri son telefon danışıqlarında.
Axı, necə də narahat olmayaydın? Sən torpaqlarımızı yağı düşməndən azad etməyə gedirdin. Qələbəyə inanırdın. Amma bununla belə ətrafındakı əsgərlərin həyatını qorumağa can atırdın. Ona görə də ilk olaraq öz ömrünü qurban verdin…
Vətən şirindir, əziz Nicat! Sənin kimi minlərlə şəhidimiz öz qəhrəmanlıqları ilə bunu sübut ediblər. Elə buna görə də indi sizin ruhlarınız narahatdır. Çünki hələ də canınızdan artıq sevdiyiniz torpaqlar düşmən tapdağı altındadır. Daha ətraflı »

Ermənistan silahlı qüvvələri Tovuz rayonunun Qaralar kəndini atəşə tutublar. Hadisə nəticəsində bir dinc sakin yaralanıb. Yaralanan şəxs 2004-cü il təvəllüdlü Yusifov Ramin Sabir oğludur. O, öz həyətlərində olarkən yanına mərmi düşüb. Mərminin qəlpələri Yusifov Ramini ağır şəkildə yaralayıb. Bədənində çoxsaylı qəlpə yarası alan Ramin Yusifov dərhal təcili tibbi yardım maşını ilə xəstəxanaya aparılıb. Yaralının vəziyyəti nisbi yaxşıdır.
Ermənistan silahlı qüvvələri tərəfindən Xocalıdan başlamış uşaq qətlləri 25 ildir ki, davam edir. Bu vəhşiliyin son təzahürlərindən biri Füzuli rayonunun Alxanlı kəndində bir az əvvəl öldürülən 1 yaş 6 aylıq körpə Zəhradır.

“Yeni Tərtər”

ƏSL İŞ ADAMI

Mirzə Cümşüdov əslən Laçın rayonunun Minkənd kəndindəndir. Məcburi köçkün düşəndən sonra Bakı şəhərində məskunlaşmışdı. Amma kənddən, təbiət qoynundan ötrü darıxırdı. Ona görə də Tərtər rayonunun İsmayılbəyli kəndinə gəldl, burada torpaq aldı, əkin-biçinlə məşğul olmağa başladı.
Bu il o, 17 hektarda taxıl, 10 hektarda arpa, 11 hektarda pambıq, 5 hektarda şəkər çuğunduru, 5 hektarda qarğıdalı, 3 hektarda soya və 1 hektarda qarabaşaq əkdi. Taxıl və arpa sahələrində biçin başa çatıb. Buğdanın hər hektarında 51 sentner, arpanın isə hər hektarında 35 sentner məhsul alınıb.
Pambıq, qarğıdalı və şəkər çuğunduru sahələrində son becərmə işləri gedir. Bol məhsul gözlənilir.
Mirzə Çümşüdov çalışır ki, torpağı ilboyu əkib-becərsin. Taxıl və arpa sahələrinin məhsulunu yığıb qurtaran kimi yerində təkrar əkin aparıb, 6 hektar qarğıdalı əkib. Daha ətraflı »

Sərdar Muradov bu il 2 hektarda taxıl, 6 hektarda arpa, 16 hektarda şəkər cuğunduru əkib-becərib. O, taxıl sahəsinin hər hektarından 38 sentner və arpa sahəsindən isə 40 sentner məhsul götürdü. Bu fermerin 30 hektaradək torpağı var. Şəkər çuğunduru sahələrində də becərmə, suvarma işləri vaxtlı-vaxtında və keyfiyyətlə aparıldığından, bol məhsul hasilə gəlir. Bu məhsulun bazarı var. Əvvəlcədən İmişli şəkər zavodu ilə müqavilə bağlayırlar. Məhsul hasilə gələndə həmin zavoda təhvil verib pulunu alırlar.
Ərazimizin digər torpaq mülkiyyətçilərindən Pənah Məmmədov, Elman Binnətov, Eldəniz Abdullayev, Amil Quliyev, Emil Mahmudov və Vilayət Qasımov həm də xurma və fındıq bağlarını genişləndirirlər.
Bir sözlə, ilin yay fəslində torpaqla təmasda olan kəndlinin işi başdan aşır. Bax, elə bizim Cəmilli və Balakəngərli kəndlərində yaşayan insanlar kimi.

Mənaf Məmmədov, Cəmilli kənd İƏD üzrə icra nümayəndəsi

RAYONUMUZUN FƏXRİ

“Atam məni hüquqsünas kimi görmək istəyir. Bunu nəzərə alaraq III qrup üzrə imtahanlara ciddi hazırlaşdım”. Bu sözləri Cəmilli kənd tam orta məktəbinin məzunu Cümşüd Qurbanov redaksiyamızda olarkən söylədi.
Builki qəbul imtahanları zamanı Cümşüdün qazandığı uğur hamını sevindirib. O, 659 bal toplayaraq Tərtər rayonunun abituriyentləri arasında birinci olub.
Cümşüd onun bu uğurunda zəhməti olan orta məktəb müəllimlərinə, rayonumuzda fəaliyyət göstərən “Kainat” kursunda Nigar, Mehman, Röya, Hümbət müəllimlərə, valideynlərinə dərin minnətdarlığını bildirir.
Ali məktəbə daxil olanlar böyük və məsuliyyətli bir yola qədəm qoyurlar. Müstəqil Azərbaycanın gəncləri kimi tələbə adını qazanmış hər kəsə, o cümlədən Bakı Dövlət Universitetinin Hüquq fakültəsinin tələbəsi adını qazanan Cümşüd Qurbanova bu yolda daim inamla, qətiyyətlə addımlamağı arzulayırıq.

“Yeni Tərtər”

Fərid və Fəridə Arazzadələr şəhər 5 saylı tam orta məktəbin məzunlarıdır. Bir ailənin sevinc payı olan bu bacı-qardaş ali məktəblərə qəbul üçün keçirilən test imtahanlarından yüksək nəticə əldə ediblər. Fəridə 636, Fərid isə 630 bal toplayıb.
Bir il fərq ilə eyni ayda, eyni gündə dünyaya gələn bu uşaqlar məktəbə, “Kainat” hazırlıq kursuna qoşa gedib-gəlib və valideyinlərilə bərabər doğma məktəblərinə, onları tanıyanlara ikiqat fərəh hissi yaşadıblar.
Cəbhə bölgəsi olan Tərtərin fəxrinə çevrilən gənc tələbələr əldə etdikləri yüksək nəticələrlə bir daha sübut etdilər ki, mənfur düşmən tərtərlilərin əzmini heç zaman qıra bilməyib və bilməyəcək də. II qrup üzrə imtahan verən bu uşaqlar ali məktəbi də əla qiymətlərlə bitirərək, Vətənə layiqincə xidmət etmək arzusundadırlar.

“Yeni Tərtər”

QƏZETİN İLK REDAKTORU İLƏ MÜSAHİBƏ

–Tofiq müəllim, mən mətbuata təxminən sizinlə eyni vaxtda, yəni ötən əsrin 60-cı illərinin sonunda gəlmişəm. Yaxşı xatırlayıram, mən korrektor, siz isə yerli radio verilişlərinin təşkilatçı müxbiri işləyirdiniz. O dövrdə, bir rayonun radio verilişlərinin məktəb partası arxasından yenicə ayrılmış gəncə tapşırılması böyük məsuliyyət idi. Bu, necə mümkün olmuşdur?
–Bəli, razıyam ki, bu verilişlərin hazırlanması məsuliyyət tələb edirdi. Lakin o biri məsələlərə gəldikdə isə, təcrübəm olmasa da, bu sahəyə kifayət qədər marağım vardı. Orta məktəbi medalla bitirmişdim. Azərbaycan ədəbiyyatını gözəl bilirdim. Üstəlik özüm də yaradıcılıqla məşğul olurdum. Yəni şeir, hekayə yazırdım. Odur ki, Azərbaycan Dövlət Radio və Televiziya Verilişləri Komitəsində həm müsahibədən müvəffəqiyyətlə keçdim, həm də verilən tapşırığı lazımi səviyyədə yerinə yetirdim. Ona görə də həmin vəzifədə işləmək üçün əmrim verildi, o zaman 17 yaşım vardı. Daha ətraflı »

Baş redaktor Tofiq Yusif.“Yeni Tərtəri” öz övladı qədər sevir.Həm də “Yeni Tərtər”lə Tofiq Yusifi ən etibarlı dostlar hesab etmək olar. Qəzetin yaşaması üçün bəzən istəmədiyi adamlardan belə xahiş edir. Dizaynını heç kəsə etibar etmir.Əsəbi adamdır. Lakin bu, anidir, ötərgidir. Əslində hər bir əməkdaşı ürəkdən sevir, onlara böyük hörmət və qayğı bəsləyir. Vay o günə ki, kimsə kənar bir şəxs qəzetin hər hansı işçisi haqqında xoşagəlməz söz desin, onda bütün varlığıyla “üsyan”a qalxır.Hər bir işçinin dərdi-səriynən ayrıca maraqlanır, imkanı daxilində köməklik göstərir.İlk baxışdan sərt görünsə də, çox kövrək, həssas və səmimi bir şair ürəyi var.

Qələminə isə söz ola bilməz. Satirik yazıları dipçəkdə bitən bibər kimi zəhər-zəqqum, publisist yazıları isə maraqlı və oxunaqlıdır… Bunlara görə də qələmi ona böyük hörmət qazandırıb. Daha ətraflı »