Tərtər 2025-ci ili də yüksək göstəricilərlə yola salır

 2019-cu ildə pambıqçıların respublika müşavirəsində Azərbaycan Respublikasının Prezidenti İlham Əliyev demişdir: “Mən bir daha demək istəyirəm ki, Tərtərdə pambıqçılıqda əldə edilmiş təcrübə öyrənilməlidir. Doğrudan da, çox böyük işlər görülübdür, özü də nəzərə almalıyıq ki, bu, düşmənlə üz-üzə yerləşən rayondur və tərtərlilər həmişə öz qəhrəmanlıqlarını, vətənə bağlılıqlarını göstərmişlər”.

Həmin müşavirədə dövlət başçısı həmçinin qeyd etmişdir ki, pambıqçılıqdakı bu yüksək nəticə ağır vəziyyətdə əldə edilib və doğrudan da, yüksək qiymətə layiqdir. O illər bədnam qonşular rayonun suyunu kəsmişdilər. Tərtərlilərin sülh arzusu ilə yanaşı, bir böyük istəkləri də vardı – əkib-becərdikləri torpaq susuzluqdan yanmasın. Daha ətraflı »

Azərbaycan Respublikasının Prezidenti İlham Əliyev cənablarının 2025-ci ilin “Konstitusiya və Suverenlik İli” elan edilməsi ilə bağlı təşəbbüsləri dövlətçilik tariximizdə mühüm mərhələ kimi qiymətləndirilir. Bu çərçivədə irəli sürülən amnistiya təşəbbüsü isə ölkəmizdə hüquqi dövlət quruculuğu, humanizm, ədalət və sosial məsuliyyət prinsiplərinin bariz ifadəsidir.

Azərbaycan Respublikasının Konstitusiyası müstəqil dövlətimizin hüquqi-siyasi əsaslarını müəyyən edən ali hüquqi sənəd olmaqla yanaşı, insan və vətəndaş hüquq və azadlıqlarının təminatçısıdır.  Möhtərəm Prezidentimiz İlham Əliyev cənablarının rəhbərliyi ilə həyata keçirilən hüquqi islahatlar Konstitusiyanın real həyatda tətbiqini, hüququn aliliyinin möhkəmləndirilməsini və cəmiyyətin rifahının yüksəldilməsini hədəfləyir. “Konstitusiya və Suverenlik İli” çərçivəsində amnistiyanın gündəmə gətirilməsi də məhz bu məqsədlərə xidmət edir.

Amnistiya təşəbbüsü dövlətin cəza siyasətində humanist yanaşmanı ön plana çıxarır. Bu addım bir tərəfdən cəzaçəkmə müəssisələrində saxlanılan şəxslərin islah olunmasına stimul yaradır, digər tərəfdən isə onların cəmiyyətə reinteqrasiyasına şərait formalaşdırır. Xüsusilə ilk dəfə az ağır və ya ağır olmayan cinayətlər törətmiş şəxslərin, sosial həssas qruplara aid məhkumların amnistiya aktı ilə azadlığa buraxılması dövlətin insana verdiyi dəyərin göstəricisidir.

Möhtərəm Prezidentimizin amnistiya təşəbbüsü həm də Azərbaycan dövlətinin güclü və suveren mövqeyinin ifadəsidir. Tam bərpa olunmuş ərazi bütövlüyü və dövlət suverenliyi şəraitində həyata keçirilən bu təşəbbüs göstərir ki, Azərbaycan yalnız hərbi-siyasi gücü ilə deyil, eyni zamanda hüquqi və mənəvi üstünlükləri ilə də regionda nümunəvi dövlətdir. Dövlət güclü olduqda bağışlamağı bacarır və bu, yüksək siyasi mədəniyyətin göstəricisidir.

Amnistiya aktları Azərbaycanda artıq davamlı hüquqi ənənəyə çevrilib. Son illərdə qəbul edilən əfv və amnistiya qərarları minlərlə ailənin sevincinə səbəb olmuş, cəmiyyətdə sosial həmrəyliyi və dövlətə inamı daha da gücləndirmişdir. “Konstitusiya və Suverenlik İli” münasibətilə irəli sürülən amnistiya təşəbbüsü də bu humanist siyasətin davamı olaraq tarixə düşəcək.

Nəticə etibarilə, Prezident İlham Əliyevin amnistiyanın elan edilməsi ilə bağlı təşəbbüsü Konstitusiyanın ruhuna, müstəqil və suveren Azərbaycan dövlətinin dəyərlərinə tam uyğun olmaqla yanaşı, cəmiyyətdə ədalət, mərhəmət və hüquqa hörmət anlayışlarını daha da möhkəmləndirir.

Eldar Əsədov,

YAP Tərtər rayon təşkilatının sədri

Mən sürücüyəm. İşimlə bağlı tez-tez şəhərimizin küçələrində olur, müxtəlif ünvanlara üz tuturam. Düzü, yaxın vaxtlaradək maşınla xüsusilə ümumtəhsil müəssisələrinin qarşısından keçərkən həyəcan keçirirdim. Çünki yol nişanları, yol hərəkəti iştirakçılarını məlumatlandırmaq məqsədi ilə yol-cizgi işarələri köhnəlmişdi, digər çatışmazlıqlar vardı. Bu isə istər-istəməz yollarda qəza şəraiti yaradırdı.
Hazırda Azərbaycan Yer-üstü Nəqliyyat Agentliyi (AYNA) tərəfindən şəhərimizdə nəqliyyat vasitələrinin təhlükəsiz və nizamlı hərəkətini təmin etmək məqsədi ilə işlər görülür.
Öyrəndik ki, bu işlər Tərtər Rayon İcra Hakimiyyəti başçısının müvafiq quruma ünvanladığı məktubun icrası ilə əlaqədar həyata keçirilir.
Həm sürücülər rahatdırlar, həm də piyadalar. Çünki yollarda təhlükəsizliyin təmin edilməsi baş verə biləcək avtomobil qəzalarının qarşısının alınması deməkdir.

Andrey Mozqovoy,
Tərtər şəhər sakini

Şıxarx qəsəbəsində keçmiş məcburi köçkünlər üçün tikilmiş qəsəbə yaxın vaxtlaradək bizimlə üzbəüz yaşayan düşmənlərə göz dağı olub. İndi şükürlər olsun ki, igid oğullarımızın qəhrəmanlığı sayəsində torpaqlarımız təmizlənib. Qəsəbə sakinləri rahat və əmin-amanlıq şəraitində yaşayırlar. Burada gözəl məktəb, uşaq bağçası, musiqi məktəbi, marketlər və digər lazımi infrastruktur var.
İşğaldan azad olunmuş torpaqlara gedən yaxın-uzaq qonaqlar qəsəbənin yanından keçən Tərtər-Kəl-bəcər magistral yolu ilə vaxtilə həsrətlə baxdığımız o yerlərə üz tuturlar.
Əlbəttə, belə olan halda, bir vətəndaş kimi bizim də üzərimizə müəyyən məsuliyyət düşür.
İlk olaraq yaşadığımız ərazini, binaların ətraflarını təmiz və səliqəli saxlamalıyıq. Zirzəmilərdə yanar konstruksiyaların olmasına, bura lazımsız əşyaların yığılmasına yol verməməliyik.
Bu yaxınlarda Tətər rayon Fövqəladə Hallar Komissiyasının üzvləri tərəfindən bizim yaşadığımız binaların zirzəmilərində monitorinq aparılarkən, burada aşkar olunmuş nöqsan və çatışmazlıqlar aradan qaldırılıb, yanar konstruksiyalar götürülüb, həmçinin ərazidə ümumi təmizlik işləri həyata keçirilib.
Bu işlərə biz özümüz də daimi nəzarət etməliyik. Mənzillərimizin təmizliyinə, səliqə-sahmanına fikir verdiyimiz kimi, zirzəmilərin vəziyyəti də hər bir sakin üçün vacib məsələ olmalıdır. Eyni zamanda zibillərin hara gəldi tökülməsinə qarşı ictimai qınaq olmalıdır.

İlahə Paşazadə,
Şıxarx qəsəbə sakini

  Gənclərin İnkişaf və Karyera Mərkəzinin Tərtər nümayəndəliyinin və Tərtər İlk Peşə İxtisas Məktəbinin birgə əməkdaşlığı çərçivəsində gənclərə “Gender bərabərliyi” mövzusunda psixoloq Esmira Hüseynzadə tərəfindən təlim keçirilib.

Təlimdə Tərtər İlk Peşə İxtisas Məktəbinin direktoru Əli Babayev, Tərtər rayon İcra Hakimiyyətinin yetkinlik yaşına çatmayanların işlərinin və hüquqlarının mudafiəsi üzrə komissiyanın katibi Rəvan Həsənov və Gənclərin İnkişaf və Karyera Mərkəzinin Tərtər nümayəndəliyinin direktoru Cəmil Hacıyev iştirak edib.

Təlim zamanı Esmira xanım “Qadın hüquqları”, “Ekrən nikahın qarşısının alınması”, Qadınların təhsilə təşviq olunması” və.s mövzulara toxunub.

Daha sonra gənclər sosial videoçarx izləyib.

Təlim sonunda gənclərin və digər iştirakçıların sualları cavablandırılıb.

Ulu Öndər Heydər Əliyevin rəhbərliyi altında YAP ölkəmizin, xalqımızın həyatında olduqca təsirli rol oynaya biləcəyini qısa zaman kəsiyində inamla nümayiş etdirdi. Partiyanın yarandığı dövrdə hər şeydən dövlətçiliyin möhkəmləndirilməsi istiqamətində təxirəsalınmaz addımlar atmaq tələb olunurdu. Ulu Öndər Heydər Əliyev siyasi irsini yaşadaraq həm dövlətə, həm Yeni Azərbaycan Partiyasına rəhbərliyi dövründə milli inkişaf və maraqlarımızın qorunması istiqamətində yorulmadan fəaliyyət göstərən Prezidenti cənab İlham Əliyev ölkəmizi yeni bir keyfiyyət mərhələsinə yüksəltdi.  Ulu Öndər Heydər Əliyevin siyasi iradəsinin gücü və tarixi zərurətdən yaranmış Yeni Azərbaycan Partiyası qısa zamanda ümumxalq partiyasına çevrilmişdir. Yeni Azərbaycan Partiyası yarandığı gündən ölkəmizin daxili və xarici siyasətinin təmin edilməsində , eləcə də   ölkənin inkişaf strategiyasının qurulmasında əvəzsiz rol oynamışdır.

2021-ci il 5 mart tarixində YAP-ın Sədri, Prezident İlham Əliyevin rəhbərliyi ilə keçirilmiş Yeni Azərbaycan Partiyasının VII qurultayında qəbul olunmuş qərarlar və qarşıya qoyulmuş məqsədləri partiyanın yeni inkişaf modelinin  başlanğıcı hesab etmək olar. Daha ətraflı »

8 mart  2022- ci il tarixdə YAP Tərtər rayon təşkilatının sədri Eldar Əsədov bir qrup partiya fəalı ilə 8 Mart Beynəlxalq Qadınlar Günü ilə əlaqədar  2016- cı ilin Aprel döyüşlərində və  44 günlük Vətən müharibəsində  şəhidlik zirvəsinə ucalan şəhidlərimizin valideyinlərini ziyarət edərək,  şəhid analarını təbrik edib, onlara  bayram hədiyyələri təqdim etmişdir. Şəhid valideyinləri ilə söhbətlər zamanı vurğulanmışdır ki,  məhz Azərbaycan analarının əsl vətənpərvər övladlar yetişdirmələri sayəsində Vətən müharibəsində qələbə əldə olunaraq torpaqlarımız yağı düşmənlərdən azad edilmişdir. Şəhid anaları göstərilən diqqət və qayğıya görə möhtərəm Prezident , Müzəffər Ali Baş Komandan cənab İlham Əliyevə və Birinci vitse-prezident Mehriban xanım Əliyevaya  təşəkkürlərini bildirmişlər.

Zərif cinsin nümayəndələri güclü  iradələri ilə milli azadlıq hərəkatının ön sıralarında vətənimizin ərazi bütövlüyü və suverenliyi uğrunda mətinliklə mübarizə aparıblar . Bu gün Azərbaycan qadını yeni bir cəmiyyətin fəal qurucusu olaraq  hər bir sahədə- idarəetmədə qanunverici orqanlarda , xarici siyasətdə ölkəmizi ləyaqətlə təmsil edir. Bir sözlə qadınlarımızın cəmiyyətdə olduqca böyük rolu var. Bu günki cəmiyyət dünənki qadınların , anaların tərbiyəsinin məhsuludur.Qadınlar nə qədər vətənpərvər, iradəli, fədakar və fəaldırsa gələcəyimiz o qədər inkişaf etmiş olar.

Ölkəmizdə dövlət qadın siyasətinin əsas prisiplərini müəyyən edilməsini dövlət səviyyəsinə qaldırılması Ulu Öndər Heydər Əliyevin adı ilə bağlıdır.Bu siyasət Ulu Öndərin layiqli davamçısı Möhtərəm Prezidentimiz , Yeni Azərbaycan Partiyasının Sədri İlham Əliyev cənabları tərəfindən layiqincə davam etdirilir

E. G. Əsədov,

YAP Tərtər rayon təşkilatının sədri

2020-ci il martın 10-da altıncı çağırış Azərbaycan Respublikası Milli Məclisinin ilk iclası keçirilib. Ali Baş Komandan altıncı çağırış Milli Məclisin fəaliyyətə başlaması münasibətilə təbriklərini çatdırıb. Azərbaycan Prezidenti altıncı çağırış Milli Məclisin uğurla fəaliyyət göstərəcəyinə, ölkəmizdə aparılan genişmiqyaslı və çoxşaxəli islahatlara, onların dərinləşməsi işinə öz töhfəsini verəcəyinə əminliyini ifadə edib. 1300-dən çox namizədin mübarizə apardığı seçkilərin uğurla keçdiyini deyən Prezident İlham Əliyev bütövlükdə seçkilərin xalqımızın iradəsini tam ifadə etdiyini söyləyib.

Prezident İlham Əliyev onu da vurğulayıb ki, seçkilərdə bütün siyasi qüvvələr iştirak ediblər. Nəticədə altıncı çağırış Milli Məclis çoxpartiyalı məclis kimi formalaşıb. Seçkilərdə Yeni Azərbaycan Partiyasının yerlərin əksəriyyətini əldə etdiyini deyən Ali Baş Komandan vurğulayıb ki, siyasi sistemin möhkəmləndirilməsi, siyasi münasibətlərin sağlam zəmində inkişaf etdirilməsi üçün bütün partiyaların nümayəndələri Milli Məclisin rəhbərliyi və komitələrinin rəhbərliyində təmsil olunmalıdırlar. Daha ətraflı »

                                                                     “Patron” həm iş, həm də ümid yerimizdir

Mən Xoruzlu kəndində yaşayıram. Bura bərəkətli torpaqları və zəhmətkeş insanları ilə seçilir.
Ölkəmiz müstəqillik əldə etdikdən sonra aparılan iqtisadi islahatlar bizim kəndimizə də öz müsbət təsirini göstərib. Belə ki, indi Xoruzlu özünün günəbaxan tumları sexləri ilə nəinki rayonumuzda, respublikamızda şöhrət qazanıb. Bunlardan mən “Patron”u, yəni “Vəkiloğlu MMC”-ni xüsusi qeyd etmək istərdim. “Patron”un sayəsində biz əkdiyimiz günəbaxan məhsulunu sərfəli qiymətə sata bilirik.
Özündə mehriban bir kollektivi, böyük işçi qüvvəsini birləşdirən “Patron”un rəhbərliyi burada çalışanlara xüsusi diqqət və qayğı göstərir.
“Patron” haqqında çox şey yazmaq olar. Mən də öz fikrimi bir neçə şeir misrası ilə ifadə etmək istərdim.