Yanvarın 20-də saat 12:00-da Azərbaycanın bütün ərazisində olduğu kimi Tərtər rayonunda da 20 Yanvar şəhidlərinin xatirəsi bir dəqiqəlik sükutla yad olunub.

Nəqliyyatın hərəkəti dayandırılıb, avtomobillərdən siqnallar verilib, rayon ərazisində hüzn əlaməti olaraq Azərbaycan Respublikasının Dövlət Bayrağı endirilib.

Daha bir il arxada qaldı. Yeni il gecəsi hər birimiz Azərbaycan Respublikasının Prezidenti, Müzəffər Ali Baş Komandan İlham Əliyevin Yeni il təbrikini diqqətlə dinlədik və qürur duyduq. Təbrikdə deyilir: “Bu il biz Şanlı Zəfərimizin beşinci ildönümünü böyük fəxarət hissi ilə qeyd etmişik. Beş il bundan əvvəl Vətən müharibəsi zamanı əldə etdiyimiz tarixi Zəfərimiz bizimlə əbədi olacaq”.
Bu Zəfərin əldə edilməsi üçün bizim övladlarımız qan töküblər. Övlad itkisi çox ağırdır. Ancaq dərdimizlə yanaşı qürurumuz da böyükdür. Çünki övladlarımız heç zaman unudulmur və unudulmayacaq. Bu barədə dövlətimizin başçısı deyib: “ Biz döyüş meydanında qan tökərək, şəhidlər verərək Şanlı Qələbə qazanmışıq və bu Qələbəni dünyanın ən mötəbər yeri olan Amerikanın Ağ Evində, Amerika Prezidentinin iştirakı ilə möhürlədik. Beləliklə, 30 il ərzində əsas vəzifəmiz olan ərazi bütövlüyümüzün bərpası və bütün dünya tərəfindən bunun qəbul edilməsi məsələsi öz həllini tapmışdır”.
Rayonumuzda şəhid ailələrinə daimi diqqət və qayğı göstərilir. Onların adlarının əbədiləşdirilməsi üşün işlər görülür. Rayon rəhbəri Müstəqim Məmmədov, ictimaiyyət nümayəndələri tez-tez qonağımız olur. Qayğılarımızla maraqlanırlar. Bizim isə yalnız bir arzumuz var: ölkəmizdə daim sülh və əmin-amanlıq olsun! Balalarımızın qəhrəmanlığı sayəsində əldə edilmiş sülhü gələcək nəsillər qorusunlar və möhkəmləndirsinlər.
Yeni il gecəsi Prezidentimizin Azərbaycanın hərbi qüdrətini artırmaq haqqında söylədiyi fikirlər keçmiş döyüşçü və şəhid atası kimi mənim də ürəyimdən xəbər verir.

Akif Lalayev,
şəhid atası

MÜSTƏQİLLİYİMİZƏ APARAN YOL

2026-cı ilin yanvar ayına qədəm qoymuşuq. Ölkəmizdə sabitlik, əmin-amanlıqdır. İgidlərimizin canı-qanı bahasına geri qaytarılmış torpaqlarımıza Böyük Qayıdış başlayıb. Şəhərlər, kəndlər tikilir, keçmiş məcburi köçkünlər yurd-yuvalarına dönürlər. Doğma Tərtərimizdə həyat qaynayır. İnsanlar rayon rəhbərinin başçılığı ilə müxtəlif sahələrdə işlərin yaxşı qurulması üçün əzmlə ça-lışırlar. İqtisadiyyatımız inkişaf edir, şəhər və kəndlərin siması günü-gündən gözəlləşir.Yollar abadlaşır.
Belə bir vaxtda 36 il əvvəl yanvar ayında baş vermiş hadisələri xatırlamamaq mümkün deyil.
1990-cı il yanvarın 19-dan 20-nə keçən gecə keçmiş sovet ordusunun hərbi hissələri Bakı şəhərində müstəqil dövlət yaratmaq və öz suverenliyini əldə etmək üçün ayağa qalxan dinc əhaliyə qarşı misli görünməmiş qətliam törədib. Bu qanlı cinayət insanların azadlıq eşqini söndürə bilməyib, xalqımız qanı bahasına da olsa, öz dövlət müstəqilliyinə qovuşub.
Qeyd etmək lazımdır ki, o soyuq yanvar günlərində küçələrə çıxıb etiraz səslərini ucaldanlar arasında tərtərlilər də az deyildi. Əksəriyyəti Bakı şəhərində təhsil alan tələbələr idi. Onlardan biri -İrəvanlı İƏD üzrə icra nümayəndəsinin müavini, icra nümayəndəsi vəzifəsini icra edən Lətifə İbrahimova deyir: Daha ətraflı »

Tərtər Rayon İcra Hakimiyyəti və Qərbi Azərbaycan, Dərələyəz mahalı, Paşalı rayon Herher kənd icmasının təşkilatçılığı ilə “Qərbi Azərbaycana Qayıdış Konsepsiyası” çərçivəsində “Herher kəndinə qayıdış bizim mənəvi haqqımızdır” adlı tədbir keçirilib.
Tədbir iştirakçıları əvvəlcə Tərtər şəhərinin Mərkəzi Meydanında Ümummilli Lider Heydər Əliyevin abidəsini ziyarət edərək önünə gül dəstələri düzüblər.
Yeni Azərbaycan Partiyası (YAP) rayon təşkilatının inzibati binasında davam edən tədbirdə Ulu Öndər Heydər Əliyevin və şəhidlərin xatirəsi bir dəqiqəlik sükutla yad olunub.
Qərbi Azərbaycan İcmasının Tərtər rayonu üzrə nümayəndəsi Faiq Məmmədov çıxış edərək Herher kəndinin tarixi, sakinləri barədə məlumat verib, Qərbi Azərbaycana qayıdışla bağlı respublikamızın müxtəlif bölgələrində yaşayan irəvanlılarla keçirilən görüşlərin böyük əhəmiyyət daşıdığını qeyd edib.
Tədbirdə çıxış edən rayon icra hakimiyyətinin başçısı Müstəqim Məmmədov bildirib ki, torpaqlarını işğaldan azad edən ölkəmiz Prezident İlham Əliyevin rəhbərliyi ilə Qərbi Azərbaycana ləyaqətli qayıdışa da nail olacaq. Qərbi Azərbaycandan didərgin salınanların öz yurdlarına qayta-rılması, onların ləyaqətli qayıdışının təmin olunması prioritet olaraq qalır.
Digər çıxış edənlər – YAP rayon təşkilatının sədri Eldar Əsədov, Vətən müharibəsi qəhrəmanı Azər Abdullazadə, “Azərbaycan Bayrağı” ordenli şəhid Mehrac Mahmudovun oğlu Ziya Mahmudov, Herher icmasının sədri Afaq Sadıqova çıxışlarında herherlilərin öz doğma ata-baba yurdlarına qayıdacaqlarına inandıqlarını ifadə ediblər.
Görüşün sonunda icma üzvlərinə Qərbi Azərbaycan icmasına üzvlük vəsiqələri təqdim edilib.

Zəfər sözünü həmişə sevmişik. Amma 44 günlük Vətən müharibəsindən sonra bu sözü səsləndirdikdə, qəlbimizi bürüyən qürur, rahatlıq bambaşqadır.
Bəli, məhz həmin Şanlı Qələbədən sonra hər bir azərbaycanlının, eləcə də ölkəmizin hər bir vətəndaşının həyatı dəyişdi. İllərin deyil, əsrlərin çətin yükü çiyinlərimizdən götürüldü.
Vətən müharibəsi 44 gün ərzində başa çatsa da, Zəfərə aparan yol bundan xeyli əvvəl başlamışdı. Bu çətin və şərəfli yolda atılan hər bir addımın öyrənilməsi, yaddaşalarda yaşaması üçün tarixçilərimizə çox vaxt lazım gələcək. Biz isə o unudulmaz günlərin şahidləri kimi deyə bilərik ki, bu qələbə Azərbaycan Respublikasının Prezidenti, Müzəffər Ali Baş Komandan cənab İlham Əliyevin apardığı uğurlu, uzaq-görən xarici və daxili siyasətin, milli ruhumuzun, ölkəmizdəki tolerantlıq mühitinin və möhkəm birliyimizin nəticəsi oldu.
Bu illər ərzində biz milliyətindən, dinindən asılı olmayaraq, hər bir Azərbaycan vətəndaşının işğal altında olan torpaqlarımızı azad etmək arzusu ilə yaşadığını gördük.
İstər Birinci Qarabağ müharibəsində, istərsə də sonrakı dövrlərdə ölkəmizdə yaşayan xalqların nümayəndələri Vətən uğrunda canlarından keçiblər. Təsadüfi deyil ki, Qarabağ müharibəsində şəhid olan ilk qəhrəmanlar sırasında yəhudi əsilli qəhrəmanımız Albert Aqarunovun adı xüsusi çəkilir.
Vətən müharibəsi zamanı da Azərbaycanda yaşayan bütün dini icmalar, etnik azlıqlar dövlətin, ölkə Prezidentinin ətrafında sıx birləşdilər.
Milli ruhumuzdan danışarkən fəxrlə deyə bilərik ki, bunun bariz nümunəsi 30 ildən artıq bir müddətdə qəhrəman Tərtərin düşmənlə üzbəüz dayanması idi. Ermənilərin bütün çirkin cəhdlərinə baxmayaraq, evlərimizin işıqları heç zaman sönmədi, əlimiz işdən soyumadı, mübarizəmiz zəifləmədi. Bir zamanlar düşmən bizə yüksəkliklərdən baxıb, istədiyi vaxt atəş açırdı. Qəhrəman oğullarımızın sayəsində indi o yüksəkliklərdə əzəli-əbədi sakinlər yaşayır. Bu xoşbəxtliyi bizə öz gənc həyatları hesabına bəxş edən şəhidlərimizə Allahdan rəhmət diləyirik, qazilərimizə, veteranlarımıza cansağlığı arzulayırıq.

“YENİ TƏRTƏR”

Zəfər günündən 5 il ötür. 5 möhtəşəm il. Azərbaycanımızı dünyaya tanıdan, xalqımızın başını uca edən, bizləri məğlub olanlardan qaliblər sırasına çıxaran 44 günlük Vətən müharibəsi elə bir tarixdir ki, xalqımız yaşadıqca yaşayacaq.
44 günün hər birinə şəhidlərimizin qanı hopub, anaların fəryadı qarışıb. Bu ahın, bu fəryadın içində bayrağımıza bükülmüş övladlarını qarşılayan valideynlərin “Vətən sağ olsun!” kəlmələri xalqın böyüklüyünü, Vətən sevgisinin hər şeydən uca olduğunu göstərib.
Düşməni 44 gündə məğlub etsək də, Zəfərimizə aparan yol asan olmayıb. Uzun illər ərzində Azərbaycan Respublikasının Prezidenti, müzəffər Ali Baş Komandan İlham Əliyev, Azərbaycan ictimaiyyəti, diasporu bütün beynəlxalq tədbirlərdə torpaqlarımızın işğal altında olması ilə bağlı məsələ qaldırıb, əsl həqiqətləri dünya ictimaiyyətinə çatdırıblar. Aparılan siyasi və diplomatik səylərin nəticəsi olaraq bir sıra beynəlxalq təşkilatlar Azərbaycanın haqq işini tanıyıb. Bütün dünya görüb ki, beynəlxalq hüquq baxımından Qarabağ Azərbaycanın ayrılmaz hissəsidir.
Bunlar Qələbəmizə zəmin yaradıb. Daha ətraflı »

Adətən tarixi məqamlarda dönüb geriyə baxır, nələrdən və necə keçdiyimiz barədə düşünürük. Bütün bəşəriyyəti heyran qoyan, dünya hərb tarixində görünməyən bu Qələbə 44 gün ərzində qazanıldı. Alqış Müzəffər Ali Baş Komandana!
Bir az əvvələ qayıtmaq istəyirəm. O illərə ki, hələ dünya Azərbaycanın harada, hansı qitədə yerləşdiyini, Qarabağın kimə məxsus olduğunu və hələ çox şeyləri bilmirdi. Məhz o zamanlar, ötən əsrin 90-cı illərində hakimiyyətə gələn Ulu Öndər Heydər Əiyev əlinə adi coğrafiya müəlliminin çubuğunu götürüb dünyaya öz Vətəni haqqında müfəssəl məlumat vermişdi. Nadanlara dərs keçmişdi. Bununla da Qarabağa doğru işıqlı bir yola qədəm qoyuldu.
Bu yolu onun siyasi varisi, hamımızın sevimlisi, fəxri olan İlham Əliyev davam etdirdi. Addım-addım, siyasi uzaqgörənliyi, dərin zəkasi, humanizmi, nəyi və nə zaman görəcəyini bilməsi ilə bizi bugünkü sevinc dolu günlərimizə çatdırdı.
Bəli, Qarabağın Azərbaycana məxsus olduğunu sübut etmək üçün ilk növbədə bu həqiqətləri siyasi və diplomatik yollarla dünya ictimaiyyətinə çatdırmaq lazım idi. Bundan ötrü isə xalqımızın birliyi, harada yaşamasından asılı ol-mayaraq, həmrəyliyi tələb olunurdu. Biz bu yola qədəm qoyduq. Heydər Əli-yev Fondunun vitse-prezidenti Leyla Əliyevanın “Xocalıya Ədalət!” kampaniyası çərçivəsində dünyanın bir çox ölkələrində keçirilən tədbirlər zamanı erməni militarizminin indiyədək saxtalaşdırılmış sifəti açıldı. Getdikcə daha çox diaspor üzvləri Azərbaycan həqiqətlərini dünyaya çatdırmaq üçün hərəkətə keçdi. Beləliklə də, biz beynəlxalq hüquqa əsaslanaraq, Qarabağın ölkəmi-zin ayrılmaz hissəsi olduğunu sübuta yetirə bildik. Bununla bağlı BMT-nin dörd qətnaməsi, digər beynəlxalq təşkilatların müxtəlif qərar və qətnamələri qəbul edildi. Bu, Qarabağa aparan yolumuzda bir tərpəniş oldu.
Lakin ermənilər nəinki Qarabağda at oynatmağı dayandırdılar, hətta bura silah və sursat daşımağa, təbii sərvətlərimizi Ermənistana aparmağa başladılar. Bu zaman gənclərimiz bir daha həmrəyliklərini nümayiş etdirdilər. Onların soyuq havada günlərlə Xankəndi-Laçın yolunda dayanaraq, Qarabağa humanitar yardım adı ilə silah, buradan isə Ermənistana milli sərvətlərimizi daşıyan maşınların qarşısını necə kəsdiklərini hər birimiz yaxşı xatırlayırıq. Daha ətraflı »

Arzumuzun həyata keçməsinə kömək etdilər

Atalar gözəl deyib: ”Dövlətdə dəvə, övladda nəvə”. Mən də bütün nənələr kimi nəvələrimi çox istəyirəm. Ən çox da təhsili sevən nəvələrimi. Ulu Öndərin sözlərilə desək, “Təhsil millətin gələcəyidir”.
Bir gün nəvəm Məhəmməd mənə dedi:
–Nənə, mən hərbçi olmaq istəyirəm. Babam və əmilərimin yolu ilə getmək istəyirəm. Babam Sabir Kərimov Azərbaycan Respub-likasının ərazi bütövlüyü və suverenliyi uğrunda şəhid olub, əmim polkovnik-leytenant Umud Kərimov Heydər Əliyev adına Hərbi İnstitutu bitirərək 25 il Azərbaycan Silahlı Qüvvələrində qüsursuz xidmət edib, III qrup müharibə əlili olaraq ehtiyata buraxılıb. Əmim Daşqın Kərimli 44 günlük Vətən müharibəsi iştitakçısı, veterandır. Hal-hazırda Heydər Əliyev adına Hərbi İnstitutda çalışır. Əmim oğlu Hüseyn Kərimov “N” saylı hərbi hissədə əsgərdir. Mən də hərbçi olub vətənə xidmət etmək istəyirəm.
Bu sözlər məni çox sevindirdi. Məhəmmədin sənədlərini Cəmşid Naxçıvanski adına Hərbi Liseyə verdik. Tibbi komissiya zamanı məlum oldu ki, Məhəmməd cərahiyyə əməliyyatı olunmalıdır. Biz ATU-nun Tədris Cərrahiyyə Klinikasının LOR cərrahiyyə şöbəsinin müdiri, professor Vəfa Pənahianın qəbulunda olduq. Şəhid ailəsi olduğumuzu bildikdə bizə xüsusi qayğı göstərdi. Professor Vəfa Pənahian, assistent Fəridə Əbilova, həkim Fidan Ağazadə Məhəmmədi uğurlu əməliyyat etdilər. Nəvəm Cəmşid Naxçıvanski adına Hərbi Liseyə qəbul edildi. Beləliklə onun və bir nənə kimi mənim arzumuzun həyata keçməsində həkimlərin rolu böyük oldu. Kərimovlar ailəsi adından onlara dərin təşəkkürümü bildirirəm.

Kifayyət Kərimova,
təqaüddə olan müəllim

30 il düşmənlə üz-üzə, göz-gözə yaşayıb ona gözdağı olan Tərtərdənəm. Top-tüfəng səsləri altında övlad böyüdən anayam. Müharibənin ətrafa necə ölüm saçdığının, necə əlillik payladığının şahidiyəm. Zəfər tariximizin hər sətri, hər səhifəsi gözlərimiz önündə yazılıb.
Oğlunun başsız bədənini qucaqlayan atanı, qazinin əlini, ayağını özü kəfənlədiyini görmüşəm. Balasının cəsədinin tapılmasına qurban deyən anaların axan göz yaşlarını, sevdiyinin şəkli ilə uyuyan qız-gəlinlərin gizli kədərini heç vaxt unutmaram. Şəhid məzarlarını qucaqlayıb ağlayan analara baxıb itkin düşən oğulların analarının köks ötürdüyünü, “kaş mənim balamın da bir məzarı olaydı” deməsini eşitmişəm.
Mən tərtərliyəm, gəncliyini müharibə alan, vaxtından tez ahıllaşan tərtərli. Zəfər gününü 30 il gözləyən, bu günə ürəkdən inanan tərtərli. 2016-cı ilin Aprel döyüşlərini, Zəfər tariximizin ilk bünövrəsinin qoyulduğu günü yaddan çıxarmaram. Tərtərin və tərtərlilərin dar günündə təmas xəttinin 200 metrliyində yerləşən Qapanlı kəndində özünün və həyat yoldaşının həyatını riskə ataraq əhali ilə görüşə gələn Ali Baş Komandanın bu addımını qürurla xatırlayıram. Xalq ilə rəhbərin, ordunun birliyi yazdı Zəfər tariximizi. Bu birlik və Ali Baş Komandan İlham Əliyevin müdrik siyasəti işğaldan azad etdi torpaqlarımızı. Daha ətraflı »

Böyük qələbəmizə doğru ilk addımın atıldığı gün xalqımızın yaddaşından heç zaman unudulmayacaq. Qəhrəmanlıqları ilə dastana çevrilmiş Azərbaycan övladlarının Vətən savaşındakı şücaəti, əzmkarlığı nəsillərə örnək olacaq. Şəhidlərimizin əziz xatirəsi hər zaman anılacaq, onların igidlik hekayələri dillərdə dolaşacaq.

Xalqımız sentyabrın 27-də Ermənistan silahlılarının növbəti təxribatına cavab olaraq ordumuza hücum əmri verən və bununla regionda yeni bir reallıq yaradan Ali Baş Komandan İlham Əliyevin qətiyyəti, əsgər və zabitlərimizlə birgə Vətənə bəxş etdiyi tarixi Qələbə ilə daim qürur duyacaq.

Son bir neçə əsrlik tariximizdə buna bənzər zəfər olmayıb!

Prezident İlham Əliyev iki əsr ərzində yeganə ağır problemimiz olan Qarabağ münaqişəsini həll edə bildi. Yoluna qoyulması mümkün olmayan, hər dəfə yenidən alovlananda minlərlə insanın, ailənin faciəsi ilə nəticələnən, regionun bu günü və gələcəyi üçün ən böyük təhdid kimi qalan bu münaqişəni “dəmir yumruğ”un zərbəsi ilə cəmi 44 gündə həll etdi.Bu, qürurun, fəxarətin iztirablara üstün gəldiyi, xalqımızın keçmişinə boylanaraq öz böyüklüyünü bütün əzəməti ilə dərk etdiyi gündür.

Xalqımızın and yerinə çevrilən doğma torpaqlarımızın 30 il ərzində düşmən əsarətində qalması illərdən bəri qəlbimizdə dərin izlər yaratmışdı. Öz liderinin ətrafında sıx birləşən xalqımız bu həsrətə 27 sentyabr 2020-ci il tarixdə son qoydu. Bu əlamətdar gün xalqımızın çoxdan gözlədiyi Zəfər yolunun başlanğıcı kimi Azərbaycan tarixinə qızıl hərflərlə yazıldı. Dövlət başçımız, Ali Baş Komandan İlham Əliyevin rəhbərliyi ilə 44 gün davam edən Vətən müharibəsi ordumuzun qüdrətini, döyüş ruhunu, eləcə də xalqı­mızın sarsılmaz birliyini, doğma yurdu, torpağı uğrunda mübarizə əzmini bütün dünyaya nümayiş etdirdi. Daha ətraflı »