Tərtərdə peşəkar həkimlərin fəaliyyət göstərdiyi və ən müasir avadanlıqlarla təchiz edilmiş “Tərtər Sağlamlıq Mərkəzi”nin açılışı olub.

Açılış mərasimində Tərtər Rayon İcra Hakimiyyətinin başçısı Müstəqim Məmmədov, YAP Tərtər rayon təşkilatının sədri Eldar Əsədov, şəhid ailələri, qazilər, sağlamlıq mərkəzinin əməkdaşları və ictimaiyyət nümayəndələri iştirak ediblər.

Klinikanın təsisçisi Yamən Cəfərov çıxış edərək qonaqları salamlayıb, sahibkarlara yaradılan şəraitə görə ölkə rəhbərinə minnətdarlığını bildirib. Qeyd edib ki, kollektivin ən böyük məqsədi sağlam gələcəyə gözəl və yüksək səviyyədə xidmət göstərməkdir. Klinikada vətəndaşlar üçün laboratoriya, ginekoloq, USM (ultrasəs müayinəsi), terapevt, stomatoloq, psixoterapevt və loqoped xidmətləri fəaliyyət göstərir. O, həmçinin şəhid ailələrinin klinikada növbədən kənar müayinə və müalicə oluna biləcəyini də vurğulayıb.

Rayon rəhbəri Müstəqim Məmmədov klinikanın açılışını əlamətdar hadisə kimi qiymətləndirərək, burada çalışan həkimlərin və tibbi heyətin vətəndaşlarımız üçün yüksək səviyyədə tibbi xidmət göstərəcəklərinə inandığını qeyd edib. RİH başçısı həmçinin qeyd edib ki, əvvəllər bəzi müayinə və müalicələr üçün qonşu rayonlara üz tutan rayon sakinləri bundan sonra yeni klinikanın xidmətlərindən istifadə edə biləcəklər. Peşəkar həkimlərin fəaliyyət göstərdiyi bu müəssisə deməyə əsas verir ki,  qonşu rayonlardan da tibbi müayinələr üçün bura müraciət edənlər olacaq.

Çıxış edənlər YAP Tərtər rayon təşkilatının sədri Eldar Əsədov, şəhid Qəhrəmanlı Yaqubun valideyinləri Abdulla Qəhrəmanov, Mətanət Qəhrəmanova və Birinci Qrabağ müharibəsinin əlilləri Tərlan Zeynalov, Eldəniz İbadov yeni tibb mərkəzinin istifadəyə verilməsinə görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.

Sonda tədbir iştirakçıları klinikanın imkanları ilə yaxından tanış olublar.

17 iyun–Tibb İşçilərinin Peşə Bayramı Günü münasibətilə Tərtər Rayon İcra Hakimiyyəti, YAP Tərtər rayon təşkilatı və rayon Mərkəzi Xəstəxanasının birgə təşkilatçılığı ilə tədbir keçirilib.

Əvvəlcə tədbir iştirakçıları Ümummilli Lider Heydər Əliyevin abidəsini ziyarət edərək önünə gül dəstələri düzüb, əziz xatirəsini ehtiramla yad ediblər.

Daha sonra tədbir Yeni Azərbaycan Partiyası Tərtər rayon təşkilatının inzibati binasında “dəyirmi masa“ ətrafında davam etdirilib.

Öncə Ümummilli Lider Heydər Əliyevin və torpaqlarımızın suverenliyi uğrunda canlarından keçmiş şəhidlərin ruhu bir dəqiqəlik sükutla yad edilib.

Tədbirdə çıxış edən Tərtər Rayon İcra Hakimiyyəti başçısı Müstəqim Məmmədov tibb işçilərini peşə bayramı münasibətilə təbrik edərək, onların insanların sağlamlığının qorunması sahəsində gördükləri fədakar xidmətləri yüksək qiymətləndirib, bu şərəfli peşə sahiblərinə gələcək fəaliyyətlərində uğurlar arzulayıb. Rayon rəhbəri Ümummilli Liderin həkimlik peşəsinə verdiyi dəyəri xatırladıb: “Sizin peşəniz elə bir peşədir ki, hər bir insana lazımdır və dünyanın hər bir yerində lazımdır.”

İcra başçısı qeyd edib ki, bir əsrdən çox müddətdə Azərbaycan səhiyyəsi böyük inkişaf yolu keçib. Son illər Azərbaycan səhiyyəsinin idarə olunması, tibb müəssisələrinin maddi-texniki bazasının gücləndirilməsi, yeni tibbi texnologiyaların tətbiqi, köklü kadr islahatları və aparılan digər tədbirlər respublikamızda bu sahənin dünyanın qabaqcıl ölkələrinin səviyyəsinə çıxarmağa imkan yaradıb. Aparılan islahatlar, maddi-texniki bazanın təkmilləşdirilməsi, təchizat və kadr hazırlığı ilə əlaqədar görülən işlər əhalinin dövlət tibb müəssisələrinə olan inamını getdikcə artırır.

Heydər Əliyev Fondunun diabetli, talassemiyalı xəstələrə göstərdiyi qayğı və onların müalicəsinin təşkilində, qanvermə aksiyalarının keçirilməsində, ana və uşaqların sağlamlığının qorunmasının yaxşılaşdırılmasında gördüyü işlər də böyük razılıq və rəğbət doğurur.

Rayon rəhbəri yeni növ koronavirus (COVID-19) pandemiyası və 44 günlük Vətən müharibəsi dövründə tibb işçilərinin öz vəzifə borclarını ləyaqətlə yerinə yetirdiyini də dilə gətirib.

Sonra YAP Tərtər rayon təşkilatının sədri Eldar Əsədov çıxış edərək səhiyyə sahəsində həyata keçirilən dövlət siyasətindən, tibb işçilərinin cəmiyyət həyatındakı mühüm rolundan danışıb, onların əhalinin sağlamlığının keşiyində dayandıqlarını vurğulayıb.

Rayon Mərkəzi Xəstəxanasının baş həkimi Bəkir Nağıyev çıxışında səhiyyə işçilərinə göstərilən diqqət və qayğıya görə minnətdarlığını bildirib, rayon səhiyyəsinin inkişafı istiqamətində görülən işlərdən, tibb işçisi şəhid bacısı Sevda İsmayılova, həkim-infeksionist Yeganə Səfərova və qeydiyyatçı Bəsirə Həsənzadə də çıxış edərək, tibb işçilərinin üzərinə düşən məsuliyyətdən, vətəndaşlara göstərilən tibbi xidmətin keyfiyyətinin yüksəldilməsi istiqamətində görülən işlərdən danışıblar.

Sonda səhiyyə sahəsində səmərəli fəaliyyətlərinə görə bir qrup tibb işçisinə Tərtər Rayon İcra Hakimiyyəti tərəfindən fəxri fərmanlar təqdim olunub.

Tədbir iştirakçıları göstərilən diqqət və qayğıya görə Azərbaycan Respublikasının prezidenti cənab İlham Əliyevə öz minnətdarlıqlarını ifadə ediblər.

 Hörmətlə, YAP Tərtər Rayon Təşkilatı

Tərtər Rayon İcra Hakimiyyətinin və YAP rayon Təşkilatının birgə təşkilatçılığı ilə Tibb İşçilərinin Peşə Bayramı Gününə həsr olunmuş tədbir keçirilib.
Tədbir iştirakçıları əvvəlcə Ümummilli Lider Heydər Əliyevin Mərkəzi meydanda ucaldılmış abidəsini ziyarət edərək, önünə gül-çiçək dəstələri düzüb, xatirəsini ehtiramla yad ediblər.
Daha sonra tədbir YAP rayon təşkilatının inzibati binasında davam etdirilib.
Tədbirdə Tərtər rayon İcra Hakimiyyətinin başçısı Müstəqim Məmmədov çıxış edərək tibb işçilərini peşə bayramları münasibəti ilə təbrik edib, onlara çətin və şərəfli işlərində uğurlar arzulayıb. Ulu Öndər Heydər Əliyevin səhiyyə sahəsinə göstərdiyi diqqət və qayğıdan bəhs edərək bildirib ki, Ümummilli Lider Heydər Əliyevin 2001-ci il iyunun 4-də imzaladığı Sərəncama əsasən, hər il iyunun 17-si ölkəmizdə Tibb İşçilərinin Peşə Bayramı Günü kimi qeyd olunur.
Rayon rəhbəri Azərbaycan Respublikasının Prezidenti cənab İlham Əliyevin və Birinci vitse-prezident Mehriban xanım Əliyevanın ölkədə səhiyyə sahəsinə göstərdikləri diqqət və qayğıdan bəhs edib. Qeyd olunub ki, son illər Azərbaycan səhiyyəsinin idarə olunması, tibb müəssisələrinin maddi-texniki bazasının gücləndirilməsi, yeni tibbi texnologiyaların tətbiqi, köklü kadr islahatları və aparılan digər tədbirlər respublikamızda bu sahəni dünyanın qabaqcıl ölkələrinin səviyyəsinə çıxarmağa imkan yaradıb. Daha ətraflı »

“Ümumdünya Qan Donoru Günü” münasibətilə Tərtər Rayon İcra Hakimiyyəti Respublika Qan Bankı tərəfindən qan donorluğunun təşkili sahəsində fəal iştirakına və göstərdiyi dəstəyə görə təltif edilib.
Bu günün qeyd olunması cəmiyyətin diqqətini insan sağlamlığı üçün həyati əhəmiyyət daşıyan təhlükəsiz qan və qan komponentlərinə ehtiyac məsələsinə yönəltmək, əhalini bu sahədə maarifləndirmək, eləcə də başqalarının həyatını xilas etmək məqsədilə könüllü qan verməyə təşviq etmək məqsədi daşıyır. Eyni zamanda bu təşəbbüs donorların göstərdiyi xeyirxah və mərhəmətli fəaliyyətə dərin hörmətin ifadəsidir.
Tədbir çərçivəsində Respublika Qan Bankı tərəfindən Tərtər Rayon İcra Hakimiy-yətinin başçısı Müstəqim Məmmədova qan donorluğu sahəsindəki təşəbbüskarlığına və dəstəyinə görə fəxri fərman təqdim olunub.

Son vaxtlar metapnevno-virusunun yayılması ilə bağlı müxtəlif xəbərdarlıqlar edilir. Artıq bu virus Çində, Qazaxıstanda, Qırğızıstanda, Rusiyada və Türkiyədə qeydə alınıb. Lakin o da bildirilir ki, virusla bağlı pandemiya təhlükəsi yoxdur.
Bununla belə məlumdur ki, qış aylarında əhali arasında boğaz ağrısı, yüksək hərarət, öskürəklə müşayiət olunan və bizim soyuqdəymə kimi qəbul etdiyimiz xəstəliklərin sayı artıb.
Unutmaq olmaz ki, xəstəliyin geniş yayılmasının qarşısını almaq üçün qışda hər kəs orqanizminin immunitetinin gücləndirilməsi qayğısına daha çox qalmalıdır. Eləcə də insanlar xəstə olduqları müddətdə əhalinin sıx olduğu yerlərə getməkdən çəkinməli, ev, yaxud xəstəxana şəraitində müalicə olunmalıdırlar.

“Yeni Tərtər”

Son zamanlar insanlar arasında hər şeyi internet platformasından almaq dəbdədir. Yəqin bu da müasirliyin bir növüdür və yaşlı nəslin nümayəndələri üçün qəbuledilməz olsa da, gənclər artıq “Trendyol” sifarişlərini həyat tərzinə çeviriblər.
Lakin mütəxəssislər dərman preparatlarını internet vasitəsilə almağı tövsiyə etmirlər. Çünki bu zaman aldanmaq olar və belə bir alış-veriş insan sağlamlığına ciddi təhlükə ilə nəticələnə bilər.

VALİDEYNLƏRƏ SÖZÜMÜZ VAR

Valideynlər yeniyetmə övladlarını niyə başa düşmək istəmirlər?
Hazırda valideynlərin tez-tez “bizim dövrümüzdə yeniyetmələr belə deyildi, biz belə hərəkətlər etməzdik, biz bu cür danışmazdıq” kimi fikirlərlə övladlarını tənqid etdiklərinin şahidi oluruq. Çox qəribədir ki, hər dövrün orta yaşlı ata və anası düşünür ki, onlar öz dövrlərində fərqli olublar. Məsələ burasındadır ki, hər bir dövrün yeniyetməsi və gənci özünə daha çox bənzəyir, nəinki keçmişə. Keçmişin onları qəbul edə bilməməsinin səbəbi isə valideynlərin məsələyə subyektiv yanaşmasıdır. Əslində illərdir ki, valideynlərin yeniyetmələrlə bağlı şikayətlərinin səbəbi də məhz bunlardır.
Bildiyimiz kimi yeniyetməlik dövrü 11-12 yaşdan başlayaraq 14-15 yaşadək davam edir və orta məktəbin beşinçi-səkkizinci sinif şagirdlərini əhatə edir. 11-13 yaşlı oğlan və qızları adətən kiçik yeniyetmə, 13-15 yaşlıları isə böyük yeniyetmə adlandırırlar, lakin yeniyetməlik dövrünün başlanmasına və qurtarmasına dəqiq sərhəd qoymaq olmaz. Müxtəlif amillərin təsiri altında həmin yaş dövrü bir il tez və ya gec başlaya, yaxud əksinə, bir il və ya gec başa çata bilər. Bu dövr özünün praktik əhəmiyyəti, pedaqoji çətinlikləri və uşaq şəxsiyyətinin dinamikasında baş verən psixoloji xüsusiyyətləri ilə diqqəti cəlb edir. Yeniyetməlik dövrünün əsas xüsusiyyətləri uşağın öz “mən”ini qabartması, heç kəsi qəbul etməməsi və özünün fikirlərinin hər kəsinkindən daha düzgün hesab etməsidir.
Sadalanan bu fikirlər valideynlərə sözün əsl mənasında dəhşətli gəlir. Dünənədək uşaq saydığı, asanlıqla öz fikirlərini yeritdiyi və yönləndirə bildiyi övladı ilə ünsiyyət qurmaq valideyn üçün müşkülə çevrilir. Valideynlə yeniyetmə övladı arasında ən kəskin konfliktlər daha çox erkən yeniyetməlik dövrünə təsadüf edir. Bu dövrün özəlliyi ondan ibarətdir ki, valideyn övladının böyüməsindən xəbərsizdir. O, həmişəki tələbkarlığı edir, amma əvəzinə etiraz görür. Daha ətraflı »

Hazırda insanlar arasında ən çox yayılmış infeksiyalardan biri məhz qripdir. Qripin ilkin əsas əlamətləri baş, boğaz, sinə ağrıları, öskürək, asqırma və titrəmədir. Qısa müddət sonra isə hərarət, burun axması, əzələ ağrıları, halsızlıq bunlara əlavə olunur. Qrip müalicə edildikdə bir həftə, müalicə edilmədikdə isə yeddi gündən artıq davam edə bilər. Qrip zamanı orqanizmdə olan digər xəstəliklər də “baş qaldıra” bilər. Ona görə də bu infeksiyanın qarşısını vaxtında almaq məsləhət görülür. Üç gündən artıq davam edən hərarət, qusma, tənəffüs çətinliyi müşahidə olunarsa, gecikmədən həkimə müraciət etmək lazımdır.
Qripdən necə qorunmaq olar?
Qripin hər fəsildə özünü göstərə biləcəyi məlumdur. Lakin, qış aylarında hava şəraiti, qapalı məkanlar və havasızlıq ilə əlaqədar olaraq bu virus özünü daha çox büruzə verir. Qripdən qorunmağın əsas yolu gigiyena və qidalanmadır.
Xəstəlikdən qorunmaq üçün ilk növbədə tərkibində bol, əsasən də, A, C, E vitaminləri ilə zəngin olan qidalardan faydalanmaq, səhər yeməklərinə xüsusi diqqət yetirməyə və yeni sıxılmış təbii meyvə şirələrindən istifadə etməyə çalışmaq lazımdır. Qida rasionundan ət və ət məhsulları, yumurta, müxtəlif meyvə-tərəvəzlər, süd və süd məhsullarını əskik etməməyiniz, gün boyu bol maye qəbul etmək, idmanla məşğul olmaq məsləhət görülür. İmmunitetinizi möhkəmləndirmək üçün hər gün eyni vaxtda yatıb-durmağa çalışın. Daha ətraflı »

Hər bir problemin həlli zamanla tapılır

Həyat başlar və bitər. Onun necə başlayıb, harada sona çatdığı əsas deyil. Əsas odur ki, həyatda cinayətdən və cinayətkardan uzaq olasan. Müasir dövrün insanları problemlə qarşılaşdıqca, bütün həll yollarının tükəndiyini hiss etdikdə cinayəti yeganə çıxış yolu kimi görür. Cinayət etmək istəyənlərin əksəriyyəti əslində sonu fikirləşmirlər. Onlar həyatda öz ümidlərini itirir, hər şeyə ümidsiz yanaşırlar. Bu zaman qara dalğalar ruhu bürüyür və həyat, ümidlər bütün mənasını itirir. İnsanın ümdini itirməsilə qorxu hissi yox olur və bu cür insanların psixologiyasında pozğunluqlar əmələ gəlir. Bu cür insanlara psixoanomaliyalı şəxs deyilir.Onlar elə bilir ki, dolaşıq bir düyünə düşüb və oradan çıxa bilmir.
Cinayət etmək istəyənlərin əksəriyyəti əslində anlaqlı vəziyyətdə olmur. Son onilliklərdə dünyada baş verən qlobal hadisələr səbəbindən insanın psixi Daha ətraflı »

Nəvəm sağlamlığına qovuşdu

3 yaşlı nəvəm ağır xəstələnmişdi. Onu təcili olaraq Mərkəzi Rayon Xəstəxanasının uşaq şöbəsinə apardıq.
Burada bizi mehriban və qayğıkeş tibb personalı qarşıladı. Şöbə müdiri Rüxsarə Mustafayeva, baş tibb bacısı, xadimələr, bir sözlə burada çalışan hər kəs uşağın tezliklə sağalıb evimizə qayıtması üçün əlindən gələni etdi. Nəvəm günbəgün yaxşılaşdı və sağlamlığına qovuşdu.
Bir baba kimi xəstəxananın uşaq şöbəsinin kollektivinə ailəmizin dərin təşəkkürünü bildirirəm.

Zaməddin İmanov
Seydimli kəndi,
əmək veteranı, YAP-ın üzvü