Saytın ümumi statistikası:

Saytda məqalələrin sayı - 5,803
Saytda ismarıcların sayı - 0

Arxiv

  • 15Avq
    Milli-mənəvi dəyərlər VACİB MƏSƏLƏ üçün şərhlər bağlıdır

    Sadələşdirilmiş süfrə ehsanatını qorumağı tövsiyə edirik!

    Son zamanlar Tərtər şəhərində və kəndlərində yas mərasimlərində ehsan verilməsi sadələşdirilib. Lakin bəzi kəndlərimizdə bu qaydalara əməl edilmir. Ümumiyyətlə, yas mərasimlərində ehsan verilməsinə dini baxımdan necə yanaşılır? Bu suala cavab almaq üçün Qafqaz Müsəlmanları İdarəsinin Tərtər rayonu üzrə səlahiyyətli nümayəndəsi, Tərtər Cümə Məscidinin imamı Sadiq Cəfərova müraciət etdik.
    O bildirdi ki, müqəddəs İslam dinində istər ifrat, istərsə də təfrit müsəlmanlara və bütün bəşər övladlarına qadağan edilmişdir. Etiraf etmək lazımdır ki, son dövrlərdə yas mərasimlərində israfçılığa çox yol verilirdi. Bununla bağlı Qafqaz Mü-səlmanları Ruhani İdarəsi bir neçə il bundan əvvəl müsəlmanlara yas mərasimlərini sadələşdirməyi tövsiyə etmişdir.
    Sadiq Cəfərov söylədi ki, bəzən “ehsan” sözünün mənasını səhv anlayırıq. “Ehsan” deyəndə nəzərimizə müxtəlif növ yemək və qida məhsulları gəlir. Əslində isə ehsan yaxşılıq deməkdir. Körpü salmaq, su çəkdirmək, bir yolu səliqəyə salmaq özü də ehsanatdır, ən bəyənilmiş yaxşı əməllərdəndir.
    Təqdirəlayiq haldır ki, son illərdə ruhanilərimiz və rayon ağsaqqalları tərəfindən aparılan dini maarifləndirmə nəticəsində istər rayon mərkəzində, istərsə də kəndlərin böyük əksəriyyətində ehsan süfrələri sadələşdirilib və bu sahədə israfçılığın qarşısı alınıb.
    Tərtər Cümə Məscidinin imamı onu da xatırlatdı ki, yaxın keçmişdə yas evinə qonşular və qohumlar yemək tədarük edib aparırdılar ki, yaxınını itirmiş ev sahibinin başı qarışıqdır, o, yemək hazırlaya bilməz. Bu, həm də uzaqdan baş-sağlığına gələn qonaqların qida ehtiyacının təmin olunmasına yönələn savab bir işdir. Onların ac qalmamıası üçün yeməklərin ailə üzvləri tərəfindən deyil, qonşular və yaxınlar tərəfindən təqdim olunması daha doğru sayılır. Daha ətraflı »

  • 01Avq
    Milli-mənəvi dəyərlər Ana dilimizi qorumaq üçün böyük addımlar atan Ümummilli Liderin siyasi xətti Prezident İlham Əliyev tərəfindən inamla davam etdirilir üçün şərhlər bağlıdır

    Bütün süni məhdudiyyətlərə rəğmən Ulu Öndər Heydər Əliyev ana dili məsələsində öz mövqeyini hər zaman çox qətiyyətlə qorumağa müvəffəq olmuşdur. Dövlət dili uğrunda ardıcıl mübarizə aparan Ümummilli Lider ziyalıları, xalqı ana dilinin dövlət dili kimi yaşamaq hüququ uğrunda mübarizəyə cəlb edərək bütün qüvvələri səfərbər etmişdir. Böyük tarixi şəxsiyyət SSRİ Konstitusiyası haqqında danışarkən öz nitqində xüsusi olaraq vurğulamışdır ki, Konstitusiya vətəndaşlara təhsil hüququ vermişdir. Bu hüquq ana dilində oxumaq imkanı ilə təmin olunur.

    Ümummilli Lider Heydər Əliyevin Azərbaycan dilinə dövlət dili statusunun verilməsində əvəzsiz rolu olmuşdur. 1978-ci il aprelin 2-də IX çağırış Azərbaycan SSR Ali Sovetinin Azərbaycan Sovet Sosialist Respublikası Konstitusiyasının layihəsi və onun ümumxalq müzakirəsinin yekunlarına həsr olunmuş VII sessiyasında məruzə ilə çıxış edən Ulu Öndər Heydər Əliyevin təklifi ilə 73-cü maddəni aşağıdakı redaksiyada vermək təklif olunmuşdur: “Azərbaycan Sovet Sosialist Respublikasının dövlət dili Azərbaycan dilidir.” Daha ətraflı »

  • 31İyl
    Milli-mənəvi dəyərlər Qərbi Azərbaycana qayıdış o yerlərdən didərgin düşənlərin mənəvi haqqıdır üçün şərhlər bağlıdır

    “Qərbi Azərbaycan irsi” kitabının təqdimatı və bütövlükdə bu irsin qorunması ilə bağlı mediamızın üzərinə böyük vəzifələr düşür. Möhtərəm Prezidentimiz cənab İlham Əliyev bu günlərdə III Şuşa Qlobal Media Forumundakı çıxışında deyib: “Bu gün Azərbaycan Mediası dövlət maraqlarını qorumağa qadirdir. Azərbaycana qarşı əsassız ittihamları arqumentlərlə, ciddi təhlillə və faktlar əsasında ifşa etməkdə də böyük uğurlar əldə edib. Bizim mediamız nəinki dövlət maraqlarını müdafiə edir, eyni zamanda lazım gəldikdə hücuma da keçir”.
    “Qərbi Azərbaycan irsi”, I cild kitabının məqsədi də elə budur – bütün dünyaya mənfur ermənilərin əsl üzünü açıb göstərmək, onların bəd əməllərini ifşa etmək. Rayon qəzeti olaraq biz də bu vəzifəni fəaliyyətimizin əsas məqsədlərindən biri hesab edirik. “Yeni Tərtər”in saytının fəaliyyət göstərməsi də materiallarımızı daha geniş auditoriyaya çatdırmnaq imkanı yaradır.
    Tərtər Qərbi Azərbaycandan müxtəlif illərdə zorla qovulmuş soydaşlarımıza ən çox qucaq açan rayonlardan biridir. Bunun bir səbəbi rayonumuzun gözəl iqlim şəraitidirsə, digər ən mühüm səbəb sakinlərimizin mehribançılığı və qonaqpərvərliyi olub. Beləliklə də ötən əsrin əvvəllərində burada İrəvanlı, Təzəkənd və digər kəndlərin təməli qoyulub, əsrin sonunda isə Qərbi Azərbaycandan deportasiya edilən insanlar Bəyimsarov kəndində məskunlaşıblar. Bundan başqa, hər bir kənddə və şəhərin özündə İrəvanlı məhəllələri var.
    Rayon qəzetinin əməkdaşı olaraq uzun illər ərzində bu insanlarla görüşüb, qəzetimiz üçün materiallar hazırlamışıq. Hər dəfə də əmin olmuşuq ki, yurdundan uzaq düşən Qərbi azərbaycanlılar burada özləri üçün nə qədər yaxşı şərait yaratsalar da, ruhən hər zaman o dağlarda, doğulub boya-başa çatdıqları yerlərdə qalıblar. Ona görə də Qərbi Azərbaycana qayıdış onların mənəvi haqqı, milli hədəfin növbəti mərhələsidir.
    Biz həmişə deyirdik ki, gün gələcək, Qarabağa dönəcəyik. Şükürlər olsun bu günü gördük. İndi də inanırıq ki, möhtərəm Prezidentimizin, dövlətimizin apardığı siyasət nəticəsində gün gələcək, Qərbi Azərbaycana soydaşlarımızın təhlükəsiz qayıdışı təmin ediləcək. Həyat göstərir ki, həqiqət hər zaman qalib gəlir. Allah bu günləri də görməyi bizə nəsib etsin.

    “YENİ TƏRTƏR”

  • 31İyl
    Milli-mənəvi dəyərlər MƏTBUAT İŞÇİLƏRİ İLƏ GÖRÜŞ üçün şərhlər bağlıdır

    Tərtər Rayon İcra Hakimiyyətinin başçısı Müstəqim Məmmədov “Konstitusiya və Suverenlik İli” çərçivəsində 22 iyul- Milli Mətbuatın 150 illik yubileyi münasibəti ilə rayon icra hakimiyyətinin inzibati binasında media nümayəndələri ilə görüş keçirib.
    Görüşdə YAP rayon təşkilatının sədri Eldar Əsədov, Qarabağ və Şərqi Zəngəzur bölgəsində fəaliyyət göstərən mətbuat işçiləri iştirak ediblər.
    Tərtər Rayon İcra Hakimiyyətinin başçısı Müstəqim Məmmədov kütləvi informa-siya vasitələrinin nümayən-dələrini peşə bayramları münasibəti ilə təbrik edib, onlara uzun ömür, cansağlığı, yeni-yeni yaradıcılıq uğurları arzulayıb.
    Rayon rəhbəri öz çıxışında əsası 1875-ci il iyulun 22-də “Əkinçi” qəzetinin ilk nömrəsinin nəşri ilə Həsən bəy Zər-dabi tərəfindən qoyulan milli mətbuatımızın keçdiyi çətin və şərəfli yoldan danışaraq bildirib ki, milli mətbuatımızın inkişafı Ulu Öndər Heydər Əliyevin adı ilə bağlıdır. Belə ki, Ulu Öndərin 1993-cü ildə xalqın təkidli tələbi ilə hakimiyyətə qayıdışı mətbuatımızın inkişaf tari-xində də yeni mərhələ açdı.
    1998-ci ildə Ümummilli Lider Heydər Əliyev tərəfindən Azərbaycan mətbuatının üzərindən dövlət senzurasının ləğv edilməsi ilə ölkəmizdə söz və mətbuat azadlığının əsası qoyuldu və bu, mətbuatın inkişafına ciddi təkan verdi.
    Mətbuat-cəmiyyət münasibətlərini tənzimləmək məqsədilə Jurnalistlərin I qurultayında Mətbuat Şurasının yaradılması, media sahəsində qanunvericilik bazasının formalaş-dırılması və təkmilləşdirilməsi Ümummilli Liderin bu sahəyə diqqətinin bariz nümunələridir. Daha ətraflı »

  • 31İyl
    Milli-mənəvi dəyərlər Jurnalistlərə diqqət və qayğının təzahürü üçün şərhlər bağlıdır

    III Şuşa Qlobal Media Forumundakı çıxışında və Milli Mətbuatımızın 150 illik yubileyi münasibətilə jurnalistlərə ünvanladığı təbrik məktubunda Azərbaycan Respublikasının Prezidenti İlham Əliyev qeyd edib ki, mediamız nəinki ölkə daxilində, hətta beynəlxalq müstəvidə çox böyük nüfuz qa-zanıb. Dövlət başçısı bildirib ki, bu gün Azərbaycan mediası dövlət maraqlarını qorumağa qadirdir.
    Prezident deyib: “Media deyəndə mən ilk növbədə jurnalistləri nəzərdə tuturam. Çünki medianı nüfuzlu edən məhz əməkdaşlardır, sizin kimi insanlardır, sizin həmkarlarınızdır”.
    Dövlət başçısının media işçilərinə göstərdiyi diqqət və qayğısının təzahürünü bölgə qəzeti olaraq Tərtər Rayon İcra Hakimiyyətinin başçısı Müstəqim Məmmədovdan görürük.
    Nəinki yerli jurnalistlər, ətraf bölgələrin media nümayəndələri də Tərtər Rayon İcra Hakimiyyətinin başçısı Müstəqim Məmmədovu medianın təəssübkeşi adlandırırlar. O, bu adı media təmsilçilərinə göstərdiyi böyük diqqət və qayğı sayəsində qazanıb. Rayon rəhbərinin təşkilatçılığı ilə keçirilən qəzetimizin 90 illik yubileyi və digər tədbirlər nəinki bizim üçün, bütövlükdə bölgə mətbuatı üçün əsl bayrama çevrilib və yaddaqalan olub.
    Mili Mətbuatımızın 150 illik yubileyi münasibətilə Tərtər Rayon İcra Hakimiyyətinin başçısı Müstəqim Məmmədovun və YAP Tərtər Rayon Təşkilatının sədri Eldar Əsədov kollektivimizlə görüşdü. Çay süfrəsi arxasında aparılan səmimi söhbət, təbriklər, hədiyyələr bir daha bizə mənəvi dəstəyin və qayğının nümayişi oldu.

    “YENİ TƏRTƏR”

  • 23İyl
    Milli-mənəvi dəyərlər Tərtərdə “Konstitusiya və Suverenlik İli” çərçivəsində milli mətbuatın 150 illik yubileyi münasibəti ilə mətbuat işçiləri ilə görüş keçirilib üçün şərhlər bağlıdır

    Tərtər Rayon İcra Hakimiyyətinin başçısı Müstəqim Məmmədov “Konstitusiya və Suverenlik İli” çərçivəsində 22 iyul- Milli Mətbuatın 150 illik yubileyi münasibəti ilə rayon icra hakimiyyətinin inzibati binasında media nümayəndələri ilə görüş keçirib.

    Görüşdə YAP rayon təşkilatının sədri Eldar Əsədov, Qarabağ və Şərqi Zəngəzur bölgəsində fəaliyyət göstərən mətbuat işçiləri iştirak ediblər.

    Tərtər Rayon İcra Hakimiyyətinin başçısı Müstəqim Məmmədov kütləvi informasiya vasitələrinin nümayəndələrini peşə bayramları münasibəti ilə təbrik edib, onlara uzun ömür, can sağlığı, yeni-yeni yaradıcılıq uğurları arzulayıb.

    Rayon rəhbəri öz çıxışında əsası 1875-ci il iyulun 22-də “Əkinçi” qəzetinin ilk nömrəsinin nəşri ilə Həsən bəy Zərdabi tərəfindən qoyulan milli mətbuatımızın keçdiyi çətin və şərəfli yoldan danışaraq bildirib ki, Milli mətbuatımızın inkişafı Ulu Öndər Heydər Əliyevin adı ilə bağlıdır. Beləki, Ulu Öndərin 1993-cü ildə xalqın təkidli tələbi ilə hakimiyyətə qayıdışı mətbuatımızın inkişaf tarixində də yeni mərhələ açdı.

    1998-ci ildə Ümummilli Lider Heydər Əliyev tərəfindən Azərbaycan mətbuatının üzərindən dövlət senzurasının ləğv edilməsi ilə ölkəmizdə söz və mətbuat azadlığının əsası qoyuldu və bu mətbuatın inkişafına ciddi təkan verdi.

    Mətbuat-cəmiyyət münasibətlərini tənzimləmək məqsədilə Jurnalistlərin I qurultayında Mətbuat Şurasının yaradılması, media sahəsində qanunvericilik bazasının formalaşdırılması və təkmilləşdirilməsi Ümummilli Liderin bu sahəyə diqqətinin bariz nümunələridir.

    Ümummilli Lider Heydər Əliyev jurnalist əməyini daim yüksək qiymətləndirib, jurnalistlərin peşəkarlığının artırılması istiqamətində biri-birindən əhəmiyyətli addımlar atıb, fərman və sərəncamlar imzalayıb. Ümummilli Liderin bu diqqət və qayığsının nəticəsi idi ki, 2002-ci ildə O, “Jurnalistlərin dostu” mükafatına layiq görülüb.

    Rayon rəhbəri qeyd edib ki, bu gün media ictimaiyyəti Ulu Öndər Heydər Əliyevin ölkə mətbuatının inkişafı üçün göstərdiyi tarixi xidmətləri unutmur və hər zaman əziz xatirəsini hörmətlə yad edir. İcra başçısı öz çıxışında ölkə rəhbəri cənab İlham Əliyevin jurnalistlərə göstərdiyi diqqət və qayğını da dilə gətirib, media nümayəndələrinin 44 günlük Vətən müharibəsində göstərdikləri fədakarlıqdan, sözün həqiqi mənasında qələmləri ilə informasiya müharibəsində göstərdikləri şücaətlərindən danışıb. Daha ətraflı »

  • 23İyl
    Milli-mənəvi dəyərlər İcra başçısı milli mətbuatın 150 illik yubileyi münasibəti ilə “Yeni Tərtər” qəzetinin kollektivi ilə görüşüb üçün şərhlər bağlıdır

    Tərtər Rayon İcra Hakimiyyətinin başçısı Müstəqim Məmmədov YAP rayon təşkilatının sədri Eldar Əsədovla birlikdə milli mətbuatın 150 illik yubleyi münasibəti ilə “Yeni Tərtər” qəzetinin redaksiyasında qəzetin kollektivi ilə görüşüb, onları peşə bayramları münasibəti ilə təbrik edib, uzun ömür, can sağlığı, yeni-yeni yaradıcılıq uğurları arzulayıb.

    Çay süfrəsi arxasında keçən səmimi görüşdə rayon rəhbəri milli mətbuat haqqında yerli medianın nümayəndələri ilə fikir mübadiləsi edib.

    Qeyd olunub ki, Azərbaycan öz müstəqilliyini bərpa etdikdən sonra bir çox milli mənəvi dəyərlərə qayıdış mətbuat sahəsində özünü göstərib.

    Azərbaycanda söz, fikir, mətbuat azadlığının formalaşması ulu öndər Heydər Əliyevin adı ilə bağlıdır. Ümummilli lider KİV-nin cəmiyyətdə rolunu yüksək qiymətləndirmiş, bu məsələyə böyük önəm vermişdir. Məhz buna görə də “Jurnalistlərin dostu” olmuşdur. Bu gün isə möhtərəm Prezidentimiz cənab İlham Əliyev dövlət-mətbuat münasibətlərində Heydər Əliyev siyasətini uğurla davam etdirir. Azərbaycan Respublikasının Prezidenti Cənab İlham Əliyevin diqqət və qayğısı nəticəsində mətbuat orqanlarının maddi-texniki bazası möhkəmləndirilir, jurnalistlərin sosial- iqtisadi, mənzil-məişət şəraitləri yaxşılaşdırılır.

    Rayon rəhbəri Respublika Prezidenti cənab İlham Əliyevin Azərbaycan mətbuatı haqqında bir fikrini vurğulayıb: “Bünövrəsi “Əkinçi” ilə qoyulmuş Milli Mətbuatımız bu gün Azərbaycanın dünyada eşidilən səsidir”.

    Media işçiləri istər torpaqlarımız işğal altında olanda, istərsə də Vətən müharibəsi zamanı Azərbaycanın haqq səsini bütün dünyaya çatdırıb. Ali Baş Komandanımızın dediyi kimi jurnalistlər vətənpərvərlik, yüksək milli şüur, ali məqsədlər uğrunda cəmiyyətimizin səfərbər olunmasına layiqli tövhələr veriblər.

    Sonra “Yeni Tərtər” qəzetinin redaktoru Svetlana Bağırova çıxış edərək, mətbuata dövlət dəstəyindən, müasir mətbuatın vəzifələrindən, mətbuatın cəmiyyətin tərəqqisindəki rolundan danışıb. Media işçilərinə göstərilən diqqət və qayğıya görə respublika Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlığını bildirib.

    Sonda xatirə şəkilləri çəkilib.

     

     

     

     

     

     

     

     

     

  • 18İyl
    Milli-mənəvi dəyərlər 22 İyul Milli Mətbuat Günüdür üçün şərhlər bağlıdır

    Dövlət maraqlarını həmişə uca tutan Azərbaycan mediası

    Ulu Öndər Heydər Əliyev deyib: “Milli mətbuatımızın inkişaf mərhələləri Azərbaycan xalqının azadlıq, müstəqillik uğrunda mübarizə tarixinin tərkib hissəsidir. “Əkinçi”dən üzü bəri azadlıq, demokratiya, müstəqillik uğrunda mücadilə dərslərini biz milli mətbuatımızın səhifələrindən öyrənmişik.”

    Prezident İlham Əliyevin qeyd etdiyi kimi, Azərbaycan mətbuatı 1875-ci il iyulun 22-də görkəmli ziyalı, publisist, təbiətşünas alim Həsən bəy Zərdabi tərəfindən Azərbaycan dilində nəşr olunmağa başlamış “Əkinçi” qəzetinin bəyan etdiyi prinsipləri rəhbər tutaraq böyük inkişaf yolu keçmişdir.

    “Əkinçi”nin 1875-ci il iyulun 22-dən 1877-ci ilin sentyabrınadək cəmi 56 sayı işıq üzü görsə də, onun Azərbaycan milli mətbuatının təşəkkül tapmasında, inkişafında əvəzsiz rolu olub.

    Əsasən maarifçilik missiyasını üzərinə götürmüş “Əkinçi” qısa müddətdə həm ziyalı təbəqə, həm də sadə insanlar arasında çox məşhurlaşıb.

    1875-ci ildən sonra çoxsaylı nəşrlərlə zənginləşən milli mətbuatımız Azərbaycan ədəbi dilinin və maarifçilik hərəkatının inkişafına əhəmiyyətli töhfələr vermiş, milli özünüdərk və istiqlal məfkurəsinin formalaşmasında, qabaqcıl ideyaların təbliğində böyük xidmətlər göstərmişdir.

    “Ziya”, “Ziyayi-Qafqaziyyə”, “Kəşkül”, “Şərqi-Rus”, “Həyat”, “Füyuzat”, “Dəbistan”, “İrşad”, “Tazə həyat”, “Molla Nəsrəddin”, “Tərəqqi”, “Həqiqət”, “Məktəb”, “Açıq söz” kimi onlarla qəzet və jurnal ötən əsrin əvvəllərində anadilli mətbuatımızın sonrakı tarixini yaratdılar. 1896-cı ildən Həsən bəyin fəal iştirakı və kürəkəni Əlimərdan bəy Topçubaşovun redaktorluğu ilə nəşr olunan rusdilli “Kaspi” qəzeti də mövzu və məfkurə baxımından Zərdabi istəklərinin daşıyıcısına çevrildi. Daha ətraflı »

  • 24İyn
    Milli-mənəvi dəyərlər Gəlin bu barədə düşünək üçün şərhlər bağlıdır

    Doğma evin divarları…

    Bu gün ailə mövzusu cəmiyyətdə ən çox müzakirə edilən məsələlərdəndir. Nəyə görə gənc ailələr belə həssas və dözümsüz olublar?
    Yaşlı nəslin nümayəndəsi kimi bu barədə düşünərkən belə qənaətə gəlirəm ki, səbəblərdən biri, bəlkə də ən böyüyü elə bizim gənc nəslə televiziya, sosial şəbəkələr vasitəsilə təqdim etdiyimiz nümunələrdir. Çoxları bu fikirlə razılaşmır və bildirirlər ki, ailə kiçik bir dövlətdir və tərbiyə ilk növbədə buradan başlamalıdır. Bəli, ailə kiçik dövlət və cəmiyyətimizin bir parçasıdır. Ancaq, əlbəttə ki, ailə cəmiyyətdən ayrı deyil. Ona görə burada valideynlərin rolu nə qədər vacib olsa da, böyüyən nəsil eyni zamanda gözünü açıb televiziya ekranlarında, sosial şəbəkələrdə təbliğ edilən bəzi səviyyəsiz verilişləri görür, onların şüuru getdikcə zəhərlənir.
    İndi yeni ailə quranların heç biri valideynlərlə yaşamaq istəmir. Ailələr tanışlıq üçün bir araya gələndə ilk verilən sual “evi varmı, harada yaşayacaqlar” olur. Əgər “valideynlərlə yaşayacaqlar” cavabı verilirsə, bəri başdan bu iş alınmır.
    Halbuki nənə və babalar yeni evlənənlər, eləcə də nəvələr üçün bir “xəzinə”dir və onlar yaşlı nəsildən öyrəndiklərini heç bir məktəbdə, televiziyada, internetdə öyrənə bilməzlər.
    Ailədə böyük sözünün, nəsihətinin eşidilməməsinin nəticəsidir ki, bəzi gənclər milyonların qarşısına çıxıb, şou yaradan aparıcıların vasitəsilə öz övladlarının atası kim olduğunu aydınlaşdırmağa çalışırlar. Xalqımızın mentalitetinə uyğun olmayan, ikrah hissi doğuran bu hərəkətlər uşaqların tərbiyəsinə ciddi mənfi təsir göstərir. Daha ətraflı »

  • 13İyn
    Milli-mənəvi dəyərlər Qurban Bayramı qeyd olunub üçün şərhlər bağlıdır

    Hər il olduğu kimi, bu il də Tərtər rayonunda Qurban Bayramı böyük təntənə ilə qeyd olunub.
    Bayram münasibəti ilə şə-hərin Cavanşir küçəsi, 84 ünvanında yerləşən kəsim məntəqəsində, bütün gigiyenik qaydalara və dini ənənələrə əməl edilərək, qurban kəsiləcək heyvanlara Tərtər Cümə Məscidinin imamı Sadiq Cəfərov tərəfindən dualar oxunub, sonra qurbanlar kəsilib.
    Kəsim məntəqəsində olan Tərtər Rayon İcra Hakimiyyətinin başçısı Müstəqim Məmmədov müqəddəs bayram münasibətilə tərtərliləri təbrik edərək bildirib ki, xalqımız həmişə milli-mənəvi dəyərlərinə böyük ehtiramla yanaşır. Ölkəmizdə Qurban bayramı böyük təntənə və ruh yüksəkliyi ilə qeyd edilir. İnsanları bir-birinə yaxınlaşdıran bu bayram bərəkət, mərhəmət və xeyirxah əməllərin rəmzidir.
    Sonra Tərtər Rayon İcra Hakimiyyətinin təşkilatçılığı ilə kəsilən qurbanlar şəhid ailələrinə, qazilərə, ağsaqqallara və daha çox yardıma ehtiyacı olan ailələrə göndərilib.