Maraqlı yaşamaq üçün yaş mane deyil

İnsan taleləri müxtəlifdir, fərqlidir. Ancaq bu talelərdə ümumi bir cəhət var: həyat yolları heç də həmişə hamar olmur. Hər bir ailənin qismətinə sınaqlar, mərhumiyyətlər düşür.
Evoğlu kəndinin sakini İsgəndər İbrahimov deyir ki, onun nəsli Cənubi Azərbaycandandır. Babası İbrahim kişi 1914-cü ildə Tərtərə gəlib və burada məskunlaşıb. Lakin yenə də həyatları rahat olmayıb. 1937-ci ildə ailə Stalin repressiyasının qurbanı olub və Qazaxıstana sürgünə göndərilib. Atası ilə anası elə burada evləniblər. İsgəndər kişigilin ailəsindəki 10 uşağın 5-i sürgündə olarkən dünyaya gəlib, sonradan onlar bəraət alıb Azərbaycana qayıdıblar. 5 uşaq da vətəndə doğulub.
Ağsaqqal deyir:
-On uşağı böyüdüb boya-başa çatdırmaq asan iş deyildi. Amma rəhmətlik valideynlərimiz çox zəhmətkeş olduqları üçün, bunu bacardılar. Biz də onlara baxıb əməyi sevdik, həyatda halal zəhmətlə yaşamağı öyrəndik. İndi hər birimizin övladları, nəvə və nəticələri var. Hamı bir yerə yığışanda, həyətə sığışmırıq. Bu, böyük xoşbəxtlikdir. Daha ətraflı »

Yeniliklərin təbliğində, qabaqcıl təcrübənin yayılmasında “Yeni Tərtər”in yeni missiyası

Milli mətbuatımızın banisi olan Həsən bəy Zərdabi Azərbaycan xalqının maariflənməsi yolunda böyük çətinliklərdən keçmiş, lakin bir an belə əqidəsindən dönməmişdir.
Həsən bəy Zərdabi xalqını zülmətdən xilas etmək üçün 1875-ci il iyulun 22-də Bakıda Azərbaycan dilində “Əkinçi” qəzetinin nəşrinə nail olmuşdur. 1877-ci ilin 29 sentyabrına qədər çap olunan qəzet ayda 300-400 tirajla nəşr edilmiş, 56 nömrəsi işıq üzü görmüşdür.
Lakin bu az müddət də insanların şüurunda dəyişiklərin baş verməsi üçün kifayət etmişdir.
Azad sözün rolunu həmişə yüksək qiymətləndirən Ulu Öndər Heydər Əliyev milli mətbuatımızın inkişafında yeni mərhələnin başlanğıcını qoydu.
Ümummilli Lider mətbuatın problemlərinin həlli ilə bağlı onlarla Fərman və Sərəncam imzalayıb.
Əsası Ulu Öndər Heydər Əliyev tərəfindən qoyulan mətbuatın inkişafına dövlət qayğısı siyasəti Prezident İlham Əliyev tərəfindən uğurla davam etdirilir. Azərbaycan milli mətbuatının yaranmasının 130, 135, 140, 150 illik yubileylərinin dövlət səviyyəsində qeyd olunması, bu münasibətlə media nümayəndələrinin təltif edilməsi dövlətimiz tərəfindən jurnalistlərin əməyinə verilən yüksək qiymətdir.
92 illik şərəfli bir tarixi olan “Yeni Tərtər” qəzeti də möhtərəm Prezidentimiz İlham Əliyevin qayğı və diqqətini daim öz üzərində hiss edir. Daha ətraflı »

Cəsarət, yüksək peşəkarlıq və şəxsi mətanət tələb edən peşə sahibləri

Tərtər rayonunda 2 İyul – Azərbaycan Polisinin yara-dılmasının 108-ci ildönümü və polis işçilərinin peşə bay-ramı geniş qeyd olunub.
Tədbir iştirakçıları əvvəlcə xalqımızın Ümummilli Lideri Heydər Əliyevin Mərkəzi Meydanda ucaldılmış abidəsini ziyarət edib, dahi rəhbərin əziz xatirəsini ehtiramla anıblar.
Tədbir rayon Mədəniyyət Mərkəzinin zalında davam etdirilib.
Tədbirdə Tərtər Rayon İcra Hakimiyyətinin başçısı Müstəqim Məmmədov, məhkəmə və hüquq-mühafizə orqanlarının, idarə, müəssisə və təşkilatların rəhbərləri, polis şəhid ailələrinin üzvləri, polis veteranları, rayon polis şöbəsinin əməkdaşları, təhsil işçiləri, İnzibati Ərazi Dairələri üzrə nümayəndələr, bələdiyyə sədrləri və ictimaiyyət nümayəndələri iştirak ediblər.
Tədbirdə öncə Azərbaycan Respublikasının Dövlət Himni səsləndirilib. Sonra Ümummilli Lider Heydər Əliyevin və torpaqlarımızın azadlığı, suverenliyi uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ilə açan rayon Polis Şöbəsinin rəisi, polis polkovnik-leytenantı Rüfət Məmmədov iştirakçıları peşə bayramı münasibətilə təbrik edib, Daxili İşlər Naziri general-polkovnik Vilayət Eyvazovun şəxsi heyətə ünvanladığı təbrik məktubunu diqqətə çatdırıb. Şöbə rəisi Azərbaycan polisinin keçdiyi tarixi yola nəzər salaraq bildirib ki, daxili işlər orqanlarına Ulu Öndər Heydər Əliye-vin hakimiyyəti illərində böyük diqqət və qayğı göstərilib. Hazırda bu dövlət siyasəti Ümummilli Liderin siyasi kursunun layiqli davamçısı, Azərbaycan Respublikasının Prezidenti cənab İlham Əliyev tərəfindən uğurla davam etdirilir. Daha ətraflı »

Azərbaycan Respublikası Silahlı Qüvvələrinin yaradılması müstəqil Azərbaycanın dövlət quruculuğunun mühüm nailiyyətlərindən biridir. Əsası Azərbaycan Xalq Cümhuriyyəti dövründə qoyulmuş Azərbaycan Ordusunun ənənələri dövlət müstəqilliyimizin bərpasından, xüsusən Ulu Öndərimiz Heydər Əliyevin xalqın təkidli tələbi ilə ikinci dəfə hakimiyyətə qayıdışından sonra inkişaf etmişdir. Müstəqil Azərbaycan Ordusunun yüksək səviyyədə inkişafı ümummilli liderimiz Heydər Əliyevin səyləri nəticəsində olmuşdur. 1999-cu il yanvarın 20-də Hərbi Akademiyanın yaradılması haqqında Ümummilli lider Heydər Əliyev tərəfindən Fərman imzalanmışdır. Azərbaycan Respublikası Prezidentinin 22 may 1998-ci il tarixli Fərmanına əsasən 26 İyun tarixi Azərbaycan Respublikası Sülahlı Qüvvələr günü elan edilmişdir. Respublikamızın hər bir guşəsində 26 İyun Azərbaycan Silahlı Qüvvələri Günü kimi bayram edilir.Bütün sahələrdə olduğu kimi ordumuzun günü-gündən möhkəmlənməsi istiqamətində də Müzəffər Ali Baş Komandamız, möhtərəm Prezidentimiz cənab İlham Əliyev tərəfindən ümummilli liderimiz Heydər Əliyevin siyasəti uğurla davam etdirilir. Bu gün ordu quruculuğu prosesi Azərbaycan Prezidenti, Silahlı Qüvvələrin Ali Baş Komandanı İlham Əliyevin rəhbərliyi altında uğurla davam etdirilib.
Azərbaycan Silahlı Qüvvələri bu gün regionun modern texnika ilə təchiz edilən, Vətənin müdafiəsinə daim hazır olan yüksək nizam-intizama malik bir quruma çevrilib.
Azərbaycanın ərazi bütövlüyünün pozulması ilə nəticələnən Ermənistanın işğalçı siyasətinin dünyada tanıdılması istiqamətində uğurlu diplomatik iş aparan Müzəffər Ali Baş Komandan İlham Əliyevin rəhbərliyi ilə Rəşadətli Ordumuz 2020-ci il 27 sentyabrda əks hücum əməliyyatı ilə başlayan 44 günlük Vətən müharibəsində düşmən üzərində qələbə çalaraq tarixi nailiyyətə imza atdı. Qəhrəman hərbçilərimizin şücaəti, rəşadəti hesabına, şəhidlərimizin qanı-canı bahasına bütün dünya Azərbaycanın şanlı qələbəsinin şahidi oldu.
Füzuli, Hadrut, Cəbrayıl, Zəngilan, Qubadlı, Şuşa, Kəlbəcər,Ağdam, Laçın və adıçəkilən rayonların 300-dən çox yaşayış məntəqəsi azad edildi. Azərbaycan Ordusu döyüş meydanında özünün üstünlüyünü sübut etdi. Düşmənin kapitulyasiyası ordumuzun gücü hesabına əldə olunmuş      nəticədir.
Azərbaycan Silahlı Qüvvələrinin bütün qoşun növlərinin, hərbi birləşmə və hərbi tədris müəssisələrinin şəxsi heyətlərinin, hərbi texnikaların iştirak etdiyi Zəfər paradında ölkə ictimaiyyəti bir daha dövlətimizin hərbi gücünün, ordumuzun döyüş və qələbə əzminin əyani şahidi oldu. Hərbi gücün praktik nümayiş olunan zaman hər bir azərbaycanlının öz ordusunun qüdrətinə olan inamını, qürur və fəxarətini qat-qat artırdı.
Bu gün fəxrlə deyə bilərik ki, Silahlı Qüvvələrin Ali Baş Komandanı, Prezident İlham Əliyevin rəhbərliyi altında Azərbaycan Ordusu öz inkişafının ən parlaq və qüdrətli zirvəsinə çatmışdır. Dünyanın ən müasir hərbi texnologiyaları və yüksəkdəqiqlikli silahları ilə təchiz olunmuş ordumuz, eyni zamanda yüksək döyüş hazırlığına və sarsılmaz mənəvi-psixoloji ruha sahib olan qlobal hərbi gücə çevrilmişdir.
Müasir tariximizdə 26 İyun Silahlı Qüvvələr Gününü xüsusi edən ən böyük reallıq – bizim bu bayramı ərazi bütövlüyünü və suverenliyini tam bərpa etmiş qalib bir millət kimi qeyd etməyimizdir. 2020-ci iftixar dolu 44 günlük Vətən müharibəsi və 2023-cü ilin antiterror tədbirləri Azərbaycan hərbçisinin nələrə qadir olduğunu bütün dünyaya nümayiş etdirdi.
Şanlı ordumuz Şuşada, Xankəndidə, Xocalıda, Laçında və Qarabağın hər bir guşəsində üçrəngli dövlət bayrağımızı ucaldaraq xalqımızın 30 illik həsrətinə son qoydu.
Hərbiçilərimiz xalqımızın güvən yeri, qürur mənbəyi və dövlətimizin onurğa sütunsuzunuz. Artıq  Qarabağda nəhəng quruculuq işləri aparılır. Biz tam əminik ki, Azərbaycanın müqəddəs bayrağı sizin güclü çiyinləriniz və sarsılmaz iradəniz üzərində hər zaman zirvələrdə dalğalanacaqdır

Eldar Əsədov,

YAP Tərtər rayon təşkilatının sədri

Tədbirdə Tərtər Rayon İcra Hakimiyyətinin başçısı Müstəqim Məmmədov, məhkəmə və hüquq-mühafizə orqanlarının rəhbərləri, YAP rayon təşkilatının sədri, rayon icra hakimiyyəti başçısı aparatının, İnzibati Ərazi Dairələri üzrə nümayəndəliklərin əməkdaşları, həmçinin rayonda fəaliyyət göstərən idarə, müəssisə və təşkilatların rəhbərləri və dövlət qulluqçuları iştirak ediblər.

Tədbir iştirakçıları əvvəlcə Ümummilli Lider Heydər Əliyevin Mərkəzi Meydanda ucaldılmış abidəsini ziyarət edib, önünə təzə tər gül dəstələri düzüblər.

Ziyarətdən sonra tədbir rayon icra hakimiyyətinin akt zalında davam etdirilib. Yığıncağın əvvəlində Azərbaycan Respublikasının Dövlət Himni səsləndirilib. Daha sonra Ümummilli Lider Heydər Əliyevin və torpaqlarımızın suverenliyi uğrunda canlarından keçmiş şəhidlərin müqəddəs ruhu bir dəqiqəlik sükutla yad edilib.

Rayon icra hakimiyyətinin başçısı Müstəqim Məmmədov çıxış edərək bütün dövlət qulluqçularını peşə bayramı münasibətilə səmimi qəlbdən təbrik edib, onlara məsuliyyətli işlərində uğurlar, həmişə dövlətə və dövlətçiliyə sadiq olmağı arzulayıb. Rayon rəhbəri bildirib ki, 23 iyun Azərbaycanda Dövlət Qulluqçularının Peşə Bayramı günü Azərbaycan Respublikasının Prezidenti cənab İlham Əliyevin 2006-cı il 25 may tarixli Sərəncamı ilə təsis edilib. Bu gün Azərbaycanın sürətlə inkişaf edərək beynəlxalq aləmdə nüfuzunu möhkəmləndirməsinin, mühüm regional faktora çevrilməsinin təməlində Ulu Öndər Heydər Əliyevin dövlət idarəetmə sistemində reallaşdırdığı fundamental islahatlar dayanır. Prezident İlham Əliyevin bu islahatları daha da genişləndirərək davam etdirməsi sayəsində ölkəmizin qüdrəti gündən-günə artmaqdadır. Bu gün tam əminliklə söyləmək olar ki, respublikamızda müasir tələblərə cavab verən dövlət idarəetmə sistemi qurulub, hakimiyyətin bütün qollarının funksiyaları dəqiq müəyyən edilib, vətəndaşların hüquq və azadlıqlarının qorunması, təmin olunması üçün zəruri təsisatlar yaradılıb. Daha ətraflı »

17 iyun 2026-cı il tarixdə YAP Tərtər rayon təşkilatının inzibati binasında yekun attestasiya imtahanlarında yüksək nəticə göstərən abituriyentlərlə görüş keçirilib.

Görüşdə çıxış edən YAP Tərtər rayon təşkilatının sədri Eldar Əsədov qeyd edib ki, gənclərimizin elmə, təhsilə marağının artması və qazandıqları yüksək nailiyyətlər dövlətimizin bu sahəyə göstərdiyi diqqətin bariz nümunəsidir. O, əsası Ulu Öndər Heydər Əliyev tərəfindən qoyulan və Prezident cənab İlham Əliyev tərəfindən uğurla davam etdirilən gənclər siyasətinin gələcək mütəxəssislərin yetişməsində mühüm rol oynadığını vurğulayıb. Eldar Əsədov gənclərə zəngin biliklərə yiyələnməyi və dövlətçilik ənənələrinə sadiq qalmağı tövsiyə edib

E.Əsədov abituriyentləri qazandıqları nailiyyətlərə görə təbrik edib, onlara gələcək təhsil və karyera yollarında uğurlar arzulayıb.

Çay süfrəsi ətrafında keçən səmimi görüşün sonunda yüksək bal toplayan gənclərə Fəxri Fərmanlar və gül buketləri təqdim olunub.

Abituriyentlər onlara göstərilən diqqət və qayğıya görə Yeni Azərbaycan Partiyasına öz dərin minnətdarlıqlarını bildiriblər.

Gənclərimizin uğuru – rayonumuzun və ölkəmizin uğurudur!

Bir daha hər birini təbrik edir, böyük hədəflərinə çatmalarını arzulayırıq!

Hörmətlə, YAP Tərtər Rayon Təşkilatı

15 İyun – Milli Qurtuluş Günü münasibətilə Tərtər rayonunda ümumrayon tədbiri keçirilib.

Tədbirdə Tərtər Rayon İcra Hakimiyyətinin başçısı Müstəqim Məmmədov, məhkəmə və hüquq-mühafizə orqanlarının rəhbərləri, YAP rayon təşkilatının sədri, idarə, müəssisə və təşkilat rəhbərləri, təhsil, səhiyyə, mədəniyyət işçiləri, şəhid ailələri, qazilər, veteranlar və rayon ictimaiyyətinin nümayəndələri iştirak ediblər.

Tədbir iştirakçıları əvvəlcə Ümummilli Lider Heydər Əliyevin şəhərin mərkəzində ucaldılmış abidəsini ziyarət edərək önünə gül dəstələri düzüb, dahi şəxsiyyətin əziz xatirəsini dərin ehtiramla yad ediblər.

Sonra rayon Mədəniyyət Mərkəzinin foyesində təşkil olunmuş, Ulu Öndərin zəngin həyat və siyasi fəaliyyətini əks etdirən foto-sərgiyə baxış keçirilib.

Təntənəli mərasim rayon Mədəniyyət Mərkəzinin akt zalında davam etdirilib. Azərbaycan Respublikasının Dövlət Himni səsləndirildikdən sonra Ümummilli Lider Heydər Əliyevin və ölkəmizin ərazi bütövlüyü, suverenliyi uğrunda canlarından keçmiş şəhidlərin xatirəsi bir dəqiqəlik sükutla yad olunub. Ardınca Milli Qurtuluş Gününün tarixi əhəmiyyətini və Ulu Öndərin xalqımız qarşısındakı misilsiz xidmətlərini əks etdirən videoçarx nümayiş etdirilib.

Tədbirdə çıxış edən rayon icra hakimiyyətinin başçısı Müstəqim Məmmədov Milli Qurtuluş Gününün Azərbaycan dövlətçiliyinin taleyində müstəsna rolundan bəhs edib. Qeyd edib ki, 1993-cü ilin iyununda xalqın təkidli tələbi ilə hakimiyyətə qayıdan Ümummilli Lider Heydər Əliyev ölkəni parçalanmaq və vətəndaş qarşıdurması təhlükəsindən xilas edərək sabitliyin, inkişafın və müasir dövlət quruculuğunun əsasını qoyub. Bildirilib ki, Ulu Öndərin müəyyənləşdirdiyi siyasi kurs bu gün Azərbaycan Respublikasının Prezidenti, Müzəffər Ali Baş Komandan cənab İlham Əliyev tərəfindən uğurla davam etdirilir, işğaldan azad olunmuş ərazilərdə geniş tikinti-abadlıq işləri aparılır.

Sonra YAP rayon təşkilatının sədri Eldar Əsədov, Qaçqınların və Məcburi Köçkünlərin İşləri üzrə Dövlət Komitəsinin rayon şöbəsinin baş məsləhətçisi Elmir Xəlilov və rayon icra hakimiyyətində könüllü, gənc jurnalist Əfşanə Əlizadə  çıxış  ediblər.

Tədbirin sonunda rayonun ictimai-siyasi həyatında fəal iştirakına görə fərqlənən bir qrup şəxsə YAP rayon təşkilatı tərəfindən Fəxri fərmanlar və qiymətli hədiyyələr təqdim olunub.

Tədbir Qarabağ Regional Mədəniyyət İdarəsinin Tərtər nümayəndəliyinin hazırladığı  konsert proqramı ilə başa çatıb.

Məhərrəm ayının başlanması ilə əlaqədar Tərtər Rayon İcra Hakimiyyətində qərargah üzvləri ilə keçirilən görüşdə Tərtər Rayon İcra Hakimiyyətinin başçısı Müstəqim Məmmədov, polis şöbəsinin rəisi Rüfət Məmmədov, Dövlət Təhlükəsizliyi Xidmətinin (DTX) Tərtər Rayon Şöbəsinin rəisi Rəşad Nadirov, rayon prokurorunun böyük köməkçisi Elmar Ələddinzadə, Qafqaz Müsəlmanlar İdarəsinin səlahiyyətli nümayəndəsi Tərtər Cümə Məscidinin imamı Sadiq Cəfərov, Dini Qurumlarla İş üzrə Dövlət Komitəsinin Qarabağ Regional bölməsinin müdiri Pərviz Eyvazov və qərargah üzvləri iştirak ediblər.

Tərtər rayon İcra Hakimiyyətinin başçısı Müstəqim Məmmədov çıxış edərək Məhərrəm ayı ərəfəsində rayonda dini durumun vəziyyəti barədə danışıb və keçiriləcək dini mərasimlərin Qafqaz Müsəlmanları İdarəsi Qazılar Şurasının verəcəyi fətvanın tələblərinə uyğun aparılmasını tövsiyyə edib.

Rayon rəhbəri bildirib ki, rayon ərazisində 5 məsçid və 1 ziyarətgahda (Ələm ocağı) dini mərasimlərin keçirilməsinə icazə verilib. Küçələrdə, digər ziyarətgahlarda, evlərdə ehsan süfrələrinin açılması, dini mərasimlərin təşkili tövsiyyə olunmur.

Rayon icra hakimiyyətinin başçısı hüquq-mühafizə orqanlarına Aşura günlərində içtimai asayişin sabitliyinə nəzarəti gücləndirməyi, məscidlərdə fəaliyyət göstərən din xadimlərinə isə dini mərasimlərin təşkili zamanı öz üzərlərinə düşən vəzifələri layiqincə yerinə yetirməyi, tədbirlərdə son dərəcə məsuliyyətli olmağı tapşırıb.

Sonra rayon polis şöbəsinin rəisi Rüfət Məmmədov, Dövlət Təhlükəsizliyi Xidmətinin (DTX) Tərtər Rayon Şöbəsinin rəisi Rəşad Nadirov, Qafqaz Müsəlmanlar İdarəsinin səlahiyyətli nümayəndəsi Tərtər Cümə Məscidinin imamı Sadiq Cəfərov və Dini Qurumlarla İş üzrə Dövlət Komitəsinin Qarabağ Regional bölməsinin müdiri Pərviz Eyvazov digərləri çıxış edərək Məhərrəm ayı ilə bağlı tədbirlərin mövcud qanunvericilik çərçivəsində keçirilməsinin zəruriliyini diqqətə çatdırıb, rayon ərazisində dini mərasimlərin layiqincə yerinə yetirilməsi barədə görüləcək işlər barədə danışıblar.

MÖHTƏŞƏM BAYRAM TƏDBİRİ

Tərtər Rayon İcra Hakmiyətinin, Qarabağ Regional Təhsil İdarəsinin Tərtər və Ağdərə rayonları üzrə Təhsil Sektorunun və Qarabağ Regional Mədəniyyət İdarəsinin Tərtər rayonu üzrə nümayəndəliyinin birgə təşkilatçılığı ilə 1 İyun – Uşaqların Beynəlxalq Müdafiəsi Günü münasibətilə bayram tədbiri təşkil edilib.
Tədbirdə Tərtər Rayon İcra Hakimiyyətinin başçısı Müstəqim Məmmədov, Milli Məclisin deputatı Anar Məmmədov, Qarabağ Regional Təhsil İdarəsinin müdiri Sənan Mənsimli, Tərtər və Ağdərə rayonları üzrə Təhsil Sektorunun müdiri Oktay Sarıkişiyev, Qarabağ Re- gional Mədəniyyət İdarəsinin Tərtər rayonu üzrə nümayəndəsi Fərid Hacıyev, şəhid və qazi övladları, rayonda fəaliyyət göstərən məktəbəqədər təhsil müəssisələrinin kollektivləri, ümumtəhsil məktəblərinin məktəbəhazırlıq qruplarının üzvləri, valideynlər və rayon ictimaiyyətinin nümayəndələri iştirak ediblər.
Tədbir iştirakçıları əvvəlcə məktəbdə yaradılmış şəhidlərin xatirə lövhəsinin önünə gül dəstələri düzərək, qəhrəmanlarımızın əziz xatirəsini ehtiramla yad ediblər. Sonra uşaqların əl işlərindən ibarət rəngarəng yaradıcılıq sərgisi ilə tanış olublar.
Tədbirin rəsmi hissəsi Azərbaycan Respublikasının Dövlət Himninin səsləndirilməsi ilə başlayıb. Daha sonra Ümummilli Lider Heydər Əliyevin və torpaqlarımızın suverenliyi, eləcə də ərazi bütövlüyü uğrunda canlarını fəda etmiş şəhidlərimizin ruhu bir dəqiqəlik sükutla anılıb.
Tərtər Rayon İcra Hakimiyyətinin başçısı Müstəqim Məmmədov balaca fidanları əlamətdar gün münasibətilə təbrik edərək, onlara xoşbəxt gələcək, sağlam və qayğısız uşaqlıq arzulayıb. Rayon rəhbəri qeyd edib ki, uşaqların hüquqlarının qorunması, onların hərtərəfli inkişafı və layiqli vətəndaş kimi formalaşması dövlət siyasətinin əsas prioritet istiqamətlərindən birini təşkil edir. Ulu Öndər Heydər Əliyev tərəfindən müəyyən edilmiş dövlət uşaq siyasəti bu gün Azərbaycan Respublikasının Prezidenti cənab İlham Əliyev tərəfindən uğurla davam etdirilir. İcra başçısı, həmçinin Birinci vitse-prezident Mehriban xanım Əliyevanın uşaqlara, xüsusilə həssas qrupdan olan az-yaşlılara göstərdiyi yüksək diqqət və qayğının cəmiyyət tərəfindən hər zaman böyük rəğbətlə qarşılandığını dilə gətirib.
Milli Məclisin deputatı Anar Məmmədov çıxış edərək ölkəmizdə uşaqların təhsili, sağlamlığı və sosial müdafiəsinin gücləndirilməsi istiqamətində mühüm dövlət proqramlarının və layihələrin həyata keçirildiyini, məktəbəqədər təhsil müəssisələrinin maddi-texniki bazasının möhkəmləndirilməsinin daim diqqət mərkəzində saxlanıldığını bildirib. Deputat vurğulayıb ki, uşaqlar hər bir xalqın ən qiymətli sərvəti, dövlətin və cəmiyyətin gələcəyidir. Onların sağlam, savadlı, vətənpərvər və yüksək mənəvi dəyərlərə sahib vətəndaşlar kimi formalaşması ölkəmizin sabahının etibarlı təminatıdır.
Qarabağ Regional Təhsil İdarəsinin müdiri Sənan Mənsimli də təbriklərə qoşularaq qeyd edib ki, bu gün Azərbaycan uşaqları müasir standartlara cavab verən məktəblərdə təhsil alır, idman və incəsənət sahələrində öz potensiallarını nümayiş etdirərək beynəlxalq arenalarda ölkəmizi layiqincə təmsil edirlər. S.Mənsimli uşaqların milli-mənəvi dəyərlərimizə sadiq qalaraq, bilik və bacarıqlarını daim artıracağına və müstəqil Azərbaycanın daha da güclənməsi naminə çalışacaqlarına əminliyini ifadə edib.
Rəsmi çıxışların ardından uşaqların iştirakı ilə rəngarəng bayram konserti keçirilib. Balacaların ifasında təqdim olunan ədəbi-bədii kompozisiyalar, şeirlər, şən mahnılar və rəqs nömrələri tədbir iştirakçıları tərəfindən böyük maraq və sürəkli alqışlarla qarşılanıb.
Tədbirin sonunda xatirə şəkilləri çəkdirilib.

Tərtər şəhərində 1 İyun – Uşaqların Beynəlxalq Müdafiəsi Günü münasibətilə şəhid və qazi övladları üçün bayram tədbiri təşkil olunub.
Tədbirdə Tərtər Rayon İcra Hakimiyyətinin başçısı Müstəqim Məmmədov, Milli Məclisin Deputatı Anar Məmmədov və Qarabağ Regional Təhsil İdarəsinin müdiri Sənan Mənsimli iştirak ediblər.
Rəsmilər uşaqları bayram münasibətilə təbrik edərək onlara gələcək həyatlarında və təhsillərində uğurlar arzulayıblar.
Şəhid və qazi ailələrinə göstərilən dövlət qayğısının tərkib hissəsi olan tədbirdə 100-ə yaxın şəhid və qazi övladı bir araya gələrək rəngarəng və xoş anlar yaşayıblar. Əlamətdar gün çərçivəsində millət vəkili tərəfindən uşaqlara bayram əhval-ruhiyyəsini artıracaq müxtəlif dəyərli hədiyyələr təqdim edilib.
Tədbir boyu uşaqların asudə vaxtının xoş keçməsi üçün hər bir şərait təmin olunub, onlara xüsusi diqqət və qayğı göstərilib.