Orxan Əsgərov hərbi xidmətini bu il başa vurub. Ordudan tərxis olunandan sonra ali məktəblərə qəbul imtahanlarında iştirak edib və 635 balla Bakı Dövlət Universitetinin tarix fakültəsinə qəbul olub.
Əsgərliyə getməzdən əvvəl isə Orxan Şuşa Musiqi Texnikumunu bitirib. O, şəhər 1 saylı tam orta məktəbin məzunudur. Qardaşı Əli Sumqayıt Dövlət Universitetinin tarix fakültəsində təhsil allır.

İbrahimzadə Nicat Sahib oğlu şəhər 2 saylı məktəb-liseyin məzunudur. Rayonda 600-dən yuxarı bal toplayanlardandır. II qrupda 2 dəfə imtahan verib, hər ikisində də yüksək–600-dən çox bal toplaya-raq Azərbaycan Dövlət İqtisad Universitetinin mühasibat uçotu və auditi fakültəsinə qəbul olub. Bu arzu onda hələ üç il əvvəldən qardaşı Rəşad həmin universitetin birinci kursunda oxuyarkən yaranmışdı. Təsadüfdən qardaşların ali məktəblərə qəbulu eyni balla olub–619. Hətta Nicat ballarını yoxlayarkən elə bilib ki, qardaşı Rəşadın balı səhvən ona yazılıb.
Nicat redaksiyamıza iqtisad universitetinin 3-cü kurs tələbəsi qardaşı Rəşadla birlikdə gəlmişdi. İxtisas seçimində ona qardaşı Rəşadın böyük təsiri olub. Nicat inanır ki, universiteti də müvəffəqiyyətlə başa vuracaqdır.

Nemətova Türkan Ədalət qızı 2001-ci ildə anadan olub. Rayonumuzun Ağkənd kəndində yaşayır. O, bu il Əli Kərimov adına Cəmilli kənd tam orta məktəbini bitirib. Bir çox həmyaşıdları kimi arzusu qəbul imtahanlarını müvəffəqiyyətlə verib universitetə qəbul olmaq idi. Budur, indi Türkanın arzusu reallığa çevrilib.
Azərbaycan Dövlət Universitetinin Biologiya fakültəsinə qəbul olub.
Sevincini bütün doğmaları ilə bölüşən Türkan deyir ki, bu uğuruma görə ilk növbədə orta məktəb müəllimlərimə minnətdarlığımı bildirirəm. Bir də sevinirəm ona görə ki, valideynlərimin və müəllimlərimin çəkdikləri əziyyəti yerdə qoymadım.

Zeynəb Hüseynzadə rayonumuzun məşhur əmək adamı, Sosialist Əməyi Qəhrəmanı, Lenin ordenli Zeynəb Əhmədovanın nəticəsidir. O, bu il Naxçıvan Dövlət Universitetinin jurnalistika fakültəsinə qəbul olub.
Zeynəb deyir:
–Nənəm Tərtərin fəxri olub. Şəhərimizin küçələrinin biri onun adını daşıyır. Uzun illər unudulmamasının səbəbi isə həm zəhmətsevərliyi, həm də el üçün yanmasıdır. Görünür, valideynlərim bu adı mənə verəndə, məhz belə bir Zeynəbi görmək istəyiblər. Onların etimadını doğrultmağa çalışacağam.
Bəs, nəyə görə məhz jurnalist olmaq istədin?–deyə soruşuram.
O deyir:
–Atam II qrup əlildir. Əmək qabiliyyəti yoxdur. Anam isə ibtidai sinif müəllimidir. Ailədə üç uşaq olmuşuq. Gözümü açandan çətinliklər görmüşəm və düşünmüşəm ki, nə zamansa bunların hamısını qələmə alacağam. Onda hələ bilmirdim ki, bu, jurnalist peşəsidir. Böyüdükcə arzum da böyüdü. İndi çox sevinirəm. Arzuma aparan yolun astanasındayam. Daha ətraflı »

ÇAYXANA QİYBƏTLƏRİ

“Bala Kirpi” yaman darıxırdı. Bekarçılıq onu təmiz tıncıxdırmışdı. Bilmirdi ki, hara gedib başını girlətsin, bu ağırayaq vaxtı necə öldürsün.
Gözünü açanda gördü ki, “Köhnə univermağ”ın yanındakı çayxanadadır. Bura əməlli-başlı tünlük idi. Səs-küy qarışmışdı biri-birinə. Nərdtaxda şaqqıldadan kim, domino çırpan kim, qiybət qıran kim… Ağız deyəni qulaq eşitmirdi.
“Bala Kirpi” fikirləşdi: “Bu adamların ayrı işi-gücü yoxdurmu? Nəyə görə ya evdə, ya çöldə bir işin qulpundan yapışmırlar, günlərini beləcə havayı keçirirlər? Düşünmürlərmi ki, nə gedirsə ömürdən-gündən gedir?”
Yayın isti günü olduğundan hamı çöldə ağacların kölgəsinə qoyulmuş çayxana stollarının ətrafında “məzə qılırdı”. “Bala Kirpi” ha göz gəzdirdi, boş bir oturacaq görmədi. Bu ara ortada qoyulmuş stolun ətrafından bir nəfər durub getdi. Yerin boşaldığını görən “Bala Kirpi” özünü tələsik həmin boş stula yetirib əyləşdi. Bundan sonra ətrafdakılara salam verdi. Bu stolda da şıdırğı çayxana qiybəti gedirdi. Biri yana-yana danışırdı: Daha ətraflı »

BACARIQLI DƏRZİ, NÜMUNƏVİ ANA

Leyla düşünmürdü ki, həvəsi olmadan öyrəndiyi peşə ömrünün sonunadək onun “çörək ağacına” çevriləcək. El adəti üzrə ata xeyir-duası ilə ailə həyatı qurmuşdu. Xoşbəxt idi. İki ovladı vardı. Lakin onun bu xoşbəxtliyi çox çəkmədi. Ailə bəzi səbəblər üzündən dağıldı. Və Leyla 2 körpəsi ilə yenidən ata ocağına qayıtdı. Doğrudur, doğmaları onu tək qoymadılar. Lakin bir qadın kimi ailənin ağırlığı onun çiyinlərinə düşdü. Övladlarını özü böyütməli oldu…
Leyla Rəhimova 1993-cü ildə ikiillik dərzilik kursunu bitirmişdi. Rayon məişət xidməti kombinatında dərzi kimi fəaliyyətə başladı. O zamanlar dərzilərə plan qoyulurdu. Əgər o plan yerinə yetirilməsəydi, aylıq əmək haqqına təsir edirdi. Buna görə də öyrəndiyi peşəyə mükəmməl yiyələnirdi. Kombinatda çalışan təcrübəli dərzilərdən bilmədiklərini öyrənirdi. Sifariş verənlərin sayı gündən-günə artdı. Buna görə də qoyulmuş planı da vaxtında ödəyə bilirdi, uşaqların ehtiyaclarını da təmin edirdi. Onunla söhbətimizdə bildirdi ki, 28 ildən çoxdur ki, bu sadə, lakin şərəfli peşə ilə məşgul oluram. Hələ bir nəfər işimdən narazılıq etməyib. Daha ətraflı »

Qubadlının işğalı Dağlıq Qarabağın Ermənistana birləşdirilməsi, «Dənizdən dənizə böyük Ermənistan» yaradılması daşnaq ideoloqlarının çoxillik sərsəm xülyalarının tərkib hissəsi idi. 1993-cü ilin iyul-avqust aylarında bütün cəbhə boyu erməni hücumlarının miqyası genişləndirildi. Bir-birinin ardınca Ağdam, Füzuli və Cəbrayıl rayonları işğal edildi. Bu rayonların boşalması Qubadlını faktiki olaraq, mühasirə vəziyyətinə saldı. Avqust ayı ərzində həm Ermənistan, həm də Laçın istiqamətindən hücumlar gücləndirildi. Avqustun 30-da Həkəri çayı boyu kəndlərə atılan mərmilərin ardı-arası kəsilmirdi. Günün ikinci yarısında başlanan yaylım atəşi isə insanların son ümidini də qırdı. Həmin gecə Xanlıq kəndinə qədər olan bütün kəndlər ermənilərin əlinə keçdi. Səhəri gün isə tamamilə mühasirəyə düşən qubadlıların geri çəkilməkdən başqa çarəsi qalmadı. Daha ətraflı »

Bu ilin altı ayında ixrac 36 faiz, qeyri-neft ixracı 27 faiz artıb. Kənd təsərrüfatı ixracı 40 faizdən çox olub. 6 ayda valyuta ehtiyatlarını nəinki qoruya bilmişik, görülmüş tədbirlər, düşünülmüş iqtisadi siyasət nəticəsində 3 milyard dollar əlavə valyuta gəlib, 5 milyard investisiya qoyulub. Davos Ümumdünya İqtisadi Forumu Azərbaycan iqtisadiyyatını rəqabətqabiliyyətliliyinə görə 37-ci yerə layiq görüb. Bu, MDB məkanında birinci göstəricidir.

İlham Əliyev,
Azərbaycan Respublikasının Prezidenti

Prezident İlham Əliyevin sərəncamı əsasında ha-zırlanmış milli iqtisadiyyat perspektivləri üzrə Strateji Yol Xəritəsi 2010-cu ilədək iqtisadi inkişaf strategiyası və tədbirlər planı, 2015-ci ilədək olan dövr üçün uzunmüddətli baxış və 2015-ci ildən sonrakı dövrləri əhatə edən hədəf baxışdan ibarətdir.
Strateji Yol Xəritəsinə əsasən bizim rayonda da həm yaxın dövrü əhatə edən tədbirlər planındakı məsələlər yerinə yetirilir, həm də perspektivdə görü-ləcək işlərin reallaşdırılması məqsədilə hazırlıq həyata keçirilir.
Bu, xüsusən aqrar sahənin inkişafına öz müsbət təsirini göstərir.
Belə ki, rayon statistika idarəsinin məlumatına əsasən, 2017-ci ilin birinci yarısında kənd təsərrüfatı məhsullarının ümumi həcmi əvvəlki ilin müvafiq dövrünə nisbətən 4,5 faiz artaraq 38 milyon 420 min manat təşkil etmişdir. Daha ətraflı »

Son illər regionların sosi-aliqtisadi inkişafı sahəsində böyük nailiyyətlər əldə olunub. Prezident İlham Əliyev bu barədə belə deyib: “Heç vaxt Azərbaycanın tarixində belə qısa müddət ərzində bu qədər işlər görülməmişdir. Bu gün Azərbaycanın bölgələrində lazım olan bütün infrastruktur layihələri icra edilib və biz sürətli inkişaf dövrünü yaşayırıq.”
Regionların sosial-iqtisadi inkişafına dair Dövlət Proqramlarının yerinə yetirilməsində sahibkarlığın dəstəklənməsi xüsusi yer tutur. Bu sahədə bizim rayonda da böyük işlər görülür.
Belə ki, təkcə cari ilin altı ayı ərzində 542 nəfər rayon sakini sahibkarlıq fəaliyyəti ilə məşğul olmaq üçün vergi orqanlarında qeydiyyatdan keçib.
Köçərli kəndinin ərazisində sahibkar Əhməd Səfərov tərəfindən tikilmiş yeni müasir tələblərə cavab verən yanacaqdoldurma məntəqəsi istifadəyə verilib. Burada 30 yeni iş yeri açılıb. Daha ətraflı »