2020-ci il noyabrın 8-də Azərbaycan tarixinin ən şanlı səhifələrindən biri yazıldı. Müzəffər Ali Baş Komandan, Prezident İlham Əliyev Şəhidlər xiyabanında Azərbaycan xalqına müraciət edərək Şuşa şəhərinin işğaldan azad olunduğunu böyük fəxarət və qürur hissi ilə bəyan etdi. Dövlətimizin başçısının səsləndirdiyi “Əziz Şuşa, sən azadsan! Əziz Şuşa, biz qayıtmışıq! Əziz Şuşa, biz səni dirçəldəcəyik!” sözləri xalqımızın yaddaşına əbədi həkk olundu. Bu tarixi bəyanat təkcə bir şəhərin azad edilməsinin deyil, Azərbaycanın ərazi bütövlüyünün bərpası uğrunda aparılan mübarizənin, milli iradənin və sarsılmaz birliyin təntənəsi idi.

Şuşanın azad olunması 44 günlük Vətən müharibəsinin həlledici hadisələrindən biri olmaqla, Azərbaycan Ordusunun gücünü, qəhrəmanlığını və yüksək döyüş hazırlığını bütün dünyaya nümayiş etdirdi. Prezident İlham Əliyevin qətiyyətli rəhbərliyi, Azərbaycan əsgər və zabitlərinin misilsiz şücaəti nəticəsində xalqımız uzun illər həsrətində olduğu tarixi torpağına qovuşdu. Dövlətimizin başçısının ata vəsiyyətini yerinə yetirməsi, Şuşanın azadlığına nail olması xalqımız üçün xüsusi mənəvi əhəmiyyət daşıyırdı. Şuşanın azad edilməsi ilə Azərbaycan xalqının tarixi ədalətə olan inamı və dövlətimizin qüdrəti bir daha təsdiq edildi. Daha ətraflı »

Azərbaycan xalqının çoxəsrlik dövlətçilik tarixində elə günlər var ki, onlar yalnız təqvimdə əlamətdar tarix kimi deyil, milli qürurun, yenilməz iradənin və tarixi ədalətin təntənəsi kimi yaddaşlara həkk olunur. 8 Noyabr – Zəfər Günü də məhz belə möhtəşəm tarixlərdəndir. Bu gün Azərbaycan xalqının Vətən müharibəsində qazandığı tarixi Qələbəni, Şuşa şəhərinin işğaldan azad edilməsini və dövlətimizin ərazi bütövlüyünün bərpası istiqamətində əldə etdiyi böyük uğuru özündə təcəssüm etdirir. Şuşa Azərbaycanın milli-mənəvi varlığının, mədəniyyətinin, incəsənətinin və tarixi yaddaşının ayrılmaz hissəsidir. Qarabağın tacı adlandırılan bu şəhər əsrlər boyu Azərbaycan musiqisinin, poeziyasının, memarlığının və ədəbi mühitinin inkişafına misilsiz töhfələr verib. 1992-ci il mayın 8-də Şuşanın Ermənistan silahlı qüvvələri tərəfindən işğal edilməsi xalqımızın yaddaşında ağır faciə kimi qaldı. Şəhərin işğalı nəticəsində tarixi-mədəni abidələrimiz dağıdıldı, milli sərvətlərimiz talan edildi, yüzlərlə ailə öz doğma yurdunu tərk etmək məcburiyyətində qaldı. Lakin bütün bu illər ərzində Azərbaycan xalqı Şuşaya qayıdacağına, tarixi ədalətin bərpa olunacağına inamını itirmədi. Bu inamı gerçəkliyə çevirən isə Azərbaycan dövlətinin qətiyyətli siyasəti, güclü ordusu və xalqımızın sarsılmaz birliyi oldu. 2020-ci il sentyabrın 27-də başlayan Vətən müharibəsi Azərbaycan tarixində yeni bir mərhələnin başlanğıcı oldu. Daha ətraflı »

Ölkəmizin qədəm qoyduğu yeni inkişaf mərhələsində tərtərlilər qarşıdakı hədəflərə doğru inamla irəliləyəcəklər

Tərtərdə Prezident İlham Əliyevin YAP-ın VIII Qurultayındakı proqram xarakterli nitqindən irəli gələn məsələlərlə bağlı müşavirə keçirilib. Müşavirədə Tərtər Rayon İcra Hakimiyyətinin başçısı Müstəqim Məmmədov, YAP rayon təşkilatının sədri Eldar Əsədov, rayon Ağsaqqallar Şurasının sədri Faiq Məmmədov, məhkəmə və hüquq-mühafizə orqanlarının, idarə, müəssisə və təşkilatların rəhbərləri, şəhid ailələrinin üzvləri, qazilər və rayon ziyalıları iştirak ediblər.
Tədbir Azərbaycan Respublikasının Dövlət Himninin səsləndirilməsi ilə başlayıb. Daha sonra Ulu Öndər Heydər Əliyevin və Vətənimizin azadlığı, suverenliyi və ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib. Daha ətraflı »

Elmimizlə, təhsilimizlə ölkəmizi daha uca zirvələrə qaldıracağıq

Direktoru olduğum Talış məktəbinin pəncərəsindən hər baxanda gözlərim zəfər günəşinin şəfəqləndirdiyi o əzəmətli dağlara dikilir. O dağlar ki, hər daşında, hər qayasında mənim doğma övladımın, mənim qəhrəman oğlumun və onun kimi minlərlə cəsur vətən övla-dının müqəddəs qanı var. Oğlum elə o kəndin, o torpağın, o məktəbin azadlığı uğrunda gedən amansız döyüşlərdə canını fəda etdi, şəhadətə ucaldı. Mən bu gün buraya bir Şəhid Anası kimi üzüağ, alnıaçıq gəlmişəm.
Xalqımızın ictimai-siyasi həyatında, dövlətçilik tariximizdə dönüş nöqtəsi olan proseslərə, əldə etdiyimiz Böyük Zəfərə nəzər salanda insan aydın şəkildə dərk edir ki, bu gün yaşadığımız qürur təsadüfi deyil. Çünki biz tarixin ağır, çətin və sınaqlı yollarından keçərək bu günə çatmışıq. Ölkəmizin keçdiyi bu şərəfli yolda, ərazi bütövlüyümüzün və suverenliyimizin tam bərpa olunmasında atılan hər bir addım böyük bir ideoloji və siyasi iradənin təcəssümüdür. Tarix bizə unutdurmamalıdır ki, 1990-cı illərin əvvəllərində ölkəmiz hansı fəlakətlərlə, torpaq itkiləri ilə, hərc-mərcliklə və iqtisadi tənəzzüllə üz-üzə qalmışdı. Separatizm meyillərinin baş alıb getdiyi, ölkənin parçalanma təhlükəsi ilə üzləşdiyi o ağır günlərdə məhz Ulu Öndər Heydər Əliyevin xilaskarlıq missiyası, sarsılmaz iradəsi və cəsarətli addımları Azərbaycanı bəlalardan xilas etdi, dövlətçiliyimizin möhkəm təməllərini qoydu. Biz illər boyu xalq olaraq haqsızlıqlara, ikili standartlara, beynəlxalq aləmdəki ədalətsizliklərə dözdük. Lakin bir an belə ümidimizi, inamımızı və mübarizə əzmimizi itirmədik. Dövlətimizin yürütdüyü uzaq-görən siyasi xətt, günbəgün güclənən hərbi qüdrətimiz, iqtisadi müstəqilliyimiz və milli birliyimiz bizi addım-addım o müqəddəs Zəfər gününə yaxınlaşdırdı. Bizim Zəfərimiz təkcə hərbi meydanda qazanılan bir qələbə deyil; bu zəfər eyni zamanda Azərbaycan xalqının bükülməz iradəsinin, dövlətimizin sarsılmaz hərbi və iqtisadi gücünün təntənəsidir. Daha ətraflı »

Azərbaycan xalqı xoşbəxtdir ki, biz öz milli-mənəvi dəyərlərimizi, mentalitetimizi qoruyuruq, yaşadırıq və gələcək nəsillərə ötürə bilirik. Bunlardan biri də yaşlı nəslə, ağsaqqala hörmətdir. Ağsaqqalın öyüd-nəsihəti ilə böyüyən, onun yolunu layiqincə davam etdirən övlad həmişə həyatda uğur qazanır.
Belə övladlardan biri hamımızın qürur yeri, fəxri olan, ata vəsiyyətinə layiqincə əməl edən möhtərəm Prezidentimiz İlham Əliyevdir. Biz ağsaqqallar Ulu Öndərin həyata keçirdiyi siyasətin Azərbaycan xalqının həyatını necə dəyişdiyinin canlı şahidləriyik. Bu siyasətin 2003-cü ildən bu yana davam etdirildiyini və nəticə etibarilə xalqımıza Şanlı Zəfər qazandırdığını da görürük və alqışlayırıq.
Ümummilli Liderimizin müəyyən etdiyi vəzifələr uğurla icra olunub. Möhtərəm Prezidentimizin dediyi kimi, bu gün Azərbaycan beynəlxalq müstəvidə böyük hörmətə layiq olan ölkədir. Biz heç kəsdən asılı deyilik. Taleyimiz öz əlimizdədir.
Ancaq Azərbaycanda sülh və əmin-amanlıq olsa da, dünyada vəziyyət belə deyil. Müharibələr, toqquşmalar hər gün neçə-neçə insanın həyatını əlindən alır. Belə olan vəziyyətdə biz də arxayınlaşmamalıyıq. Qurultaydakı dərin və əhalətli nitqində cənab Prezident qarşıda duran vəzifələri geniş şərh etmiş, partiya üzvlərini fəal olmağa, bu vəzifələrin yerinə yetirilməsində birlik nümayiş etdirməyə çağırmışdır.
Bildirmək istəyirəm ki, həmişə olduğu kimi, bu gün də ra-yonumuzun ağsaqqalları cənab İlham Əliyevin ətrafında sıx birləşərək, ölkəmizin qarşısında duran taleyüklü məsələlərin həllinə kömək etməyə çalışırlar. Ən başlıcası, öz nümunəmizlə, dövlətə və dövlətçiliyə sədaqətimizlə böyüyən nəslə örnək oluruq. Tərtər rayon İcra Hakimiyyətinin başçısı Müstəqim Məmmədov kəndlərimizdə olarkən ilk növbədə şəhid və qazi ailələri, ağsaqqallarla görüşür. Bu görüşlərdə mən də iştirak etməyə çalışıram. Hər yerdə ağsaqqallarımız ölkə rəhbərinə, müzəffər Ali Baş Komandan İlham Əliyevə Azərbaycanın üzərindən qara buludların götürüldüyünə görə minnətdarlıq edir, şəhidlərimizə rəhmət oxuyurlar. Biz müharibənin törətdiyi bütün ağrı-acıları görmüşük və bir arzumuz var ki, bunlar bir daha təkrar olunmasın, uşaqlarımız, nəvələrimiz təhlükəsiz şəraitdə böyüsünlər, təhsil alsınlar, cəmiyyətimiz üçün xeyirli vətəndaş olsunlar.
Bunun üçün isə, cənab Prezidentin dediyi kimi, “ideolji təhlükəsizlik də fiziki təhlükəsizlik kimi önəmlidir.”
Hər birimizin ailəsində övladlar var, nəvələrimiz böyüyürlər. Biz onların həyatı, maraq dairəsi ilə ciddi maraqlanmalıyıq. Çünki ideoloji müharibə sərhəd tanımır. Bəzən övladlarımızın əlinə verdiyimiz telefon onlara bizdən yaxın olur, məsləhəti də ordan alırlar, davranış tərzini də götürürlər. Bu isə böyüyən nəsildə aqressiya, xoşagəlməz hallar yaradır. Son zamanlar məktəblərimizdə yaşanan hadisələr, saysız-hesabsız ailə münaqişələri məhz bunun nəticəsidir.
Biz gənclərimizə Azərbaycan reallıqlarını olduğu kimi çatdırlmalıyıq, ailə dəyərlərini uca tutmağı öyrətməliyik.
Sonda bir daha bildirmək istəyirəm ki, Tərtər qəhrəman şəhərdir, burada böyükdən kiçiyə hər kəs qəhrəmandır. Gənclərimiz çox vətənpərvərdilər, onlar bunu 44 günlük Vətən müharibəsində də sübut etdilər. İdeoloji müharibədə, quruculuq işlərində də biz daim Prezidentimizin yanındayıq və əlimizdən gələni edəcəyik ki, Azərbaycana qarşı təxribat törətmək istəyənlər özləri peşiman olsunlar.

Faiq Məmmədov,
rayon Ağsaqqallar Şurasının sədri

Yeni Azərbaycan Partiyasının VIII Qurultayında nüma-yəndə kimi iştirak etmək mənim üçün böyük məsuliyyət və qürur hissi doğuran hadisə oldu. Qurultayda dövlətimizin gələcək inkişaf istiqamətləri, qarşıda duran vəzifələr və milli dövlətçilik xəttinin davamlılığı ilə bağlı səsləndirilən fikirlər hər birimiz üçün mühüm mesajlar verdi.
Qurultayda Prezident İlham Əliyev xüsusi olaraq vurğuladı: “Ulu Öndərin siyasi xətti dəyişməz olaraq qalır”. Dövlətimizin başçısı bu xəttin əsas istiqamətlərini müstəqillik, dövlətçilik, iqtisadi müstəqillik və güclü potensial kimi müəyyənləşdirdi.
Qurultayda səsləndirilən “enerji təhlükəsizliyi – bu, hər bir ölkənin milli təhlükəsizliyi deməkdir” fikri bizim fəaliyyət sahəmiz üçün də olduqca mühüm məna daşıyır.
Bu baxımdan qarşıdakı dövrdə elektrik şəbəkəsinin dayanıqlığının artırılması, mövcud avadanlıqların texniki vəziyyətinə nəzarətin gücləndirilməsi, transformator yarımstansiyalarında və elektrik xətlərində aşkar olunan problemlərin vaxtında aradan qaldırılması əsas istiqamətlərimiz olacaq. Eyni zamanda, vətəndaş müraciətlərinə diqqətin artırılması, yaranan nasazlıqlara operativ müdaxilə olunması və abonentlərə göstərilən xidmətin keyfiyyətinin yüksəldilməsi istiqamətində tədbirlərimizi davam etdirəcəyik.
Tərtər rayonunda həyata keçirilən abadlıq-quruculuq işlərinin, sosial layihələrin və digər infrastruktur tədbirlərinin fasiləsiz enerji təminatının təşkil olunması da qarşımızda duran mühüm vəzifələrdəndir.
YAP-ın VIII Qurultayında ölkə Prezidenti, Yeni Azərbaycan Partiyasının Sədri cənab İlham Əliyevin Qarabağ və Şərqi Zəngəzurda həyata keçirilən genişmiqyaslı tikinti-quruculuq işləri, infrastrukturun yenilənməsi və yaşıl enerji layihələri ilə bağlı qarşıya qoyduğu vəzifələr bizim fəaliyyətimiz üçün də mühüm istiqamətlər müəyyənləşdirir. Bu baxımdan rayon elektrik təsərrüfatının etibarlı və dayanıqlı fəaliyyətinin təmin olunması, elektrik enerjisinin fasiləsiz verilişi, mövcud şəbəkələrin yenilənməsi və müasir tələblərə uyğunlaşdırılması xüsusi əhəmiyyət daşıyır. Qarabağ və Şərqi Zəngəzurda aparılan bərpa və quruculuq prosesinin fonunda Azərbaycanın enerji siyasətində yaşıl enerjiyə keçidin sürətləndirilməsi, müasir enerji infrastrukturunun yaradılması və enerji səmərəliliyinin artırılması qarşıda duran əsas vəzifələrdəndir.
Biz də rayon elektrik şəbəkəsi olaraq bu prosesdən irəli gələn vəzifələrin yerinə yetiril-məsinə öz töhfəmizi verməli, əhalinin və təsərrüfat subyektlərinin keyfiyyətli və fasiləsiz elektrik enerjisi ilə təmin olunması istiqamətində fəaliyyətimizi daha da gücləndirməli-yik. Qarşıdakı dövrdə enerji itkilərinin azaldılması, şəbəkələrin texniki vəziyyətinin yaxşılaşdırılması, yeni istehlakçıların qoşulması zamanı müasir tələblərin nəzərə alınması, rəqəmsal texnologiyalardan və enerjiyə qənaət imkanlarından daha geniş istifadə diqqət mərkəzində saxlanılacaq. İnanırıq ki, Prezident İlham Əliyevin rəhbərliyi ilə həyata keçirilən genişmiqyaslı quruculuq siyasəti ölkəmizin bütün regionlarında olduğu kimi, enerji infrastrukturunun daha da müasirləşdirilməsinə və dayanıqlı inkişafın təmin edilməsinə böyük imkanlar yaradacaqdır.
Qurultayda ölkə rəhbəri “Yeni Azərbaycan Partiyasının qurultayı ölkəmizin ictimai-siyasi həyatında önəmli hadisə” olduğunu qeyd etdi.Bu mühüm siyasi hadisədən irəli gələn vəzifələr hər birimizdən daha böyük məsuliyyət, intizam və təşəbbüskarlıq tələb edir.

Vilayət Qafarov,
YAP-ın VIII qurultayının nümayəndəsi,
Tərtər rayon Elektrik şəbəkəsinin rəisi

44 günlük Vətən müharibəsində qazandığımız tarixi Zəfər xalqımızın birliyinin, ordumuzun qüdrətinin, əsgər və zabitlərimizin qəhrəmanlığının, Ali Baş Komandan cənab İlham Əliyevin qətiyyətli rəhbərliyinin nəticəsi idi. Bu Qələbə Azərbaycanın yalnız hərbi gücünü deyil, həm də milli iradəsini, dövlətə sədaqətini və Vətən sevgisini bütün dünyaya nümayiş etdirdi.
Bu gün bizim əsas vəzifəmiz qazanılmış nailiyyətləri qorumaq, dövlətimizin gücünü daha da artırmaq və gələcək nəsillərə müstəqil, qüdrətli Azərbaycan miras qoymaqdır.
Prezidentimizin VIII Qurultaydakı nitqində xüsusi vurğuladığı məsələlərdən biri də ideoloji təhlükəsizlikdir. Dövlətimizin başçısı qeyd edib ki, ideoloji təhlükəsizlik fiziki təhlükəsizlik qədər önəmlidir və bu sahədə təhsil ilə vətənpərvərlik mühüm rol oynayır.
Biz şəhidlərimizin qəhrəmanlıq yolunu gənclərə tanıtmalı, qazilərimizin döyüş təcrübəsini gələcək nəsillərə çatdırmalı, Vətən müharibəsinin tarixi əhəmiyyətini şagirdlərə düzgün izah etməliyik. Bu istiqamətdə məktəblərdə hərbi-vətənpərvərlik tədbirlərinin, maarifləndirici görüşlərin, hərbi idman yarışlarının və gənclərlə səmimi söhbətlərin keçirilməsi xüsusi əhəmiyyət daşıyır.
Digər mühüm məsələ gənclərin informasiya məkanında düzgün istiqamətləndirilməsidir. Müasir dövrdə informasiya texnologiyalarının inkişafı ilə yanaşı, yanlış məlumatlar və ideoloji təsirlər də geniş yayılır. Buna görə gənclərimizdə tənqidi düşüncə, informasiya savadlılığı və milli maraqlara məsuliyyətli yanaşma formalaşdırılmalıdır. Onlar əldə etdikləri məlumatları təhlil etməyi, həqiqəti yanlış məlumatlardan ayırmağı bacarmalıdırlar.
YAP-ın VIII Qurultayında qarşıya qoyulan vəzifələrin həyata keçirilməsində partiya üzvlərinin, ziyalıların, müəllimlərin və xüsusilə gənclərlə işləyən şəxslərin üzərinə böyük məsuliyyət düşür. Biz bu vəzifələrin icrasına formal yanaşmamalı, görülən işlərin real nəticələr verməsinə çalışmalıyıq. Gənclərlə işimiz onların dünyagörüşünə, davranışına və gələcək məqsədlərinə müsbət təsir göstərməlidir.
Qarabağın və Şərqi Zəngəzurun bərpası, Böyük Qayıdışın həyata keçirilməsi, ölkəmizin iqtisadi və hərbi potensialının gücləndirilməsi hər birimizin fəal iştirakını tələb edir. Biz gənclərə anlatmalıyıq ki, bugünkü inkişaf və quruculuq işləri gələcəyimizin təminatıdır və hər bir vətəndaş bu prosesə öz töhfəsini verməlidir.
Mən bir qazi kimi qürur duyuram ki, xalqımız tarixi Zəfərə nail olub, torpaqlarımızın ərazi bütövlüyü və suverenliyi bərpa edilib. Bir hərbi müəllim kimi isə ən böyük arzum budur ki, yetişdirdiyimiz gənclər savadlı, sağlam, intizamlı, milli ruhlu və Vətənini hər şeydən üstün tutan vətəndaşlar olsunlar.
İnanıram ki, Prezident cənab İlham Əliyevin müəyyən etdiyi strateji hədəflər ətrafında birləşərək, hər birimiz öz vəzifəmizi vicdanla yerinə yetirməklə Azərbaycanın daha da güclənməsinə töhfə verəcəyik.
Vətənimizin gələcəyi gənclərimizin əlindədir. Gənclərimizin vətənpərvər, bilikli və məsuliyyətli yetişməsi isə bizim bu gün gördüyümüz işdən asılıdır.

Səbuhi İbrahimov,
44 günlük Vətən müharibəsi
qazisi, baş leytenant

Müasir dövrün tələblərinə cavab verən gənclər yetişdirməliyik

Prezident cənab İlham Əliyev qurultaydakı çıxışında “Bizim əsas məqsədimiz Azərbaycanın güclənməsidir” fikrini xüsusi vurğuladı. Bu məqsədin həyata keçirilməsində təhsil sahəsinin də üzərinə böyük məsuliyyət düşür.Çünki güclü dövlətin təməlində güclü insan, savadlı və vətənpərvər gənc nəsil dayanır.
Müəllim olaraq hesab edirəm ki, YAP VIII Qurultayından irəli gələn vəzifələr sırasında gənc nəslin milli ruhda, vətənpərvərlik və dövlətçilik prinsipləri əsasında tərbiyəsi xüsusi yer tutur.
Azərbaycanın ərazi bütövlüyünün və suverenliyinin bərpa olunması bizim ən böyük tarixi nailiyyətimizdir. Bu Zəfərin mahiyyətini gələcək nəsillərə düzgün çatdırmaq hər birimizin, o cümlədən müəllimlərin müqəddəs borcudur. Biz şagirdlərimizə yalnız fənn bilikləri verməklə kifayətlənməməliyik. Onlarda Vətənə sevgi, dövlətə sədaqət, xalqımızın tarixinə və milli-mənəvi dəyərlərinə hörmət hisslərini daha da möhkəmləndirməliyik.
Prezident İlham Əliyevin qurultayda qeyd etdiyi kimi, “Azərbaycan xalqı öz iradəsini ortaya qoydu, öz gücünü göstərdi.” Bu gücün gələ-cəkdə də qorunub saxlanılması üçün savadlı, dünyagörüşlü və milli düşüncəli gənclərin yetişdirilməsi olduqca vacibdir.
Bu baxımdan müəllimin üzərinə böyük məsuliyyət düşür. Çünki bu gün sinif otağında yetişdirdiyimiz şagird sabah Azərbaycanın müxtəlif sahələrində çalışan mütəxəssis, dövlət qulluqçusu, alim, həkim, mühəndis və rəhbər olacaq. Deməli, hər bir dərs, hər bir tərbiyəvi söhbət, hər bir şagirdə göstərilən diqqət Azərbaycanın gələcəyinə qoyulan sərmayədir.
Bu gün qarşımızda duran mühüm vəzifələrdən biri də müasir dövrün tələblərinə cavab verən, innovativ düşüncəyə malik, texnologiyalardan düzgün istifadə edən gənclər yetişdirməkdir. Eyni zamanda biz gənclərimizi milli kimliyindən, tarixindən və mənəvi dəyərlərindən uzaqlaşdırmamalıyıq.
Müasirlik və milli dəyərlər bir-birini tamamlamalıdır.
İnanıram ki, Prezidentimizin müəyyən etdiyi strateji hədəflər bundan sonra da təhsil sahəsində çalışan hər birimizin fəaliyyətinə istiqamət verəcək. Biz müəllimlər öz üzərimizə düşən vəzifəni məsuliyyətlə yerinə yetirərək, dövlətimizin inkişafına layiqli töhfə verməliyik.
Əminik ki, Prezident İlham Əliyevin rəhbərliyi ilə Azərbaycan bundan sonra da öz inkişafının yeni və daha möhtəşəm mərhələlərinə qədəm qoyacaqdır.
Biz də müəllim olaraq bu böyük inkişaf yolunda öz əməyimizlə, biliyimizlə və məsuliyyətimizlə Azərbaycanın gələcəyinə xidmət edə-cəyik.

Zahirə Abbasova,
əməkdar müəllim

2026-il oktyabrın 2 də Bakıda, Heydər Əliyev Mərkəzində keçirilən YAP-ın VIII qurultayında Prezident İlham Əliyevin nitqini mən də hamı kimi diqqətlə, həm də təkrar olaraq dinlədim. Ölkəmizin keçdiyi həm çətin, həm şərəfli inkişaf yolundan, regionda yaranmış yeni reallıqlardan, qarşıda duran vəzifə və hədəflərdən çox diqqətlə və əhatəli danışdı cənab Prezident. Dövlət başçısını dinlədikcə Vətən müharibəsi zamanı İlham Əliyevin xarici telekanallara, mətbuata və məkrli jurnalistlərə yorulmadan, təmkinlə və heyrətamiz bir diplomatiya ilə verdiyi müsahibə və çıxışları xatırladım. Cənab Prezident Azərbaycanın bugünki inkişaf reallıqlarına, görülmüş böyük işlərə, iqtisadi irəliləyişə, siyasi və hərbi gücə, Qarabağ reallıqlarına, misilsiz Zəfərə kölgə salmaq istəyənlərə, bunları görməzdən gələnlərə aydın bir mənzərə açdı.
Prezidentin qurultaydakı nitqinin əsas istiqamətlərindən biri təhsil və ideoloji təhlükəsizlik məsələsi idi. Təhsilin millətimizin gələcəyi üçün əhəmiyyəti xüsusi qeyd edildi.
Təhsil millətin gələcəyidir, cəhalətə, qaranlığa işıq tutur. Biz təhsil işçiləri əlimizdən gələni edirik və bundan da artıq etməliyik ki, gələcəyimiz olan gənclik təhsilli olsun. Ağı qaradan, pisi yaxşıdan seçə bilsinlər. Dövlətin qərarlarını dəstəkləyərək yanında olsunlar.
Vətənpərvər yetişsinlər, qanlar, canlar və müdrik bir siyasətlə qorunan bu Vətən torpaqlarının layiqli varisləri olsunlar. Milli maraqlarımızı qorusunlar, milli-mənəvi dəyərlərimizə sahib çıxsınlar. Bu gün dünya təlatümlü bir okeanı xatırladır. Ətrafda müharibə ocaqları var. Belə şəraitdə, qüdrətimizi, böyük Zəfərimizi, dünyada söz haqqına və öz taleyimizə sahib olmağımızı həzm etməyənlər çoxdur. Azərbaycanı təlatümlü okeanda üzən bir gəmi kimi təhlükəli dalğalardan, aysberqlərdən qoruya– qoruya aparan bir Koman-dan var: İlham Əliyev. Dövlətimizin gözəl gələcəyi, bu millətin aydına açılan sabahları üçün, var olmamız üçün onun ətrafında sıx birləşək. Dövlətimizin rifahı üçün verdiyi qərarları hər zaman dəstəkləyək. Qarabağı öz yenilməz ordusu ilə düşmən əsarətindən geri alıb qaytaran Ali Baş Komandana bizim də qaytarmalı sədaqət borcumuz var. Məqsədi bəlli olanlara, düşmən dəyirmanına su tökənlərə niyyətlərinə çatmağa imkan verməyək.

Vəsilə Mehdiyeva,
Sarıcalı kənd tam orta məktəbinin direktoru

Oktyabrın 16-da Bakıda Rəşid Behbudov adına Mahnı Teatırında Azərbaycan Jurnalistlərinin IX qurultayı keçirildi. Bundan əvvəl VII və VIII qurultaylarda da iştirak etmişdim. Paytaxtımızda keçirilən bu cür ali tədbirlər ölkənin media mühiti ilə daha sıx təmasda olmağa, bütövlükdə müasir jurnalistikanın abu-havasını hiss etməyə bir fürsət yaradır.
Bu dəfə də belə oldu. Ölkəmizin veteran jurnalistləri ilə bir cərgədə əyləşib məruzələri və çıxışları diqqətlə dinlədim. Qeyd edim ki, həm gənc, həm də yaşlı nəslin nümayəndələrinin çıxışları çılğın və emosional idi. Ancaq bu emosionallığın içində ümumi bir fikir səsləndi: müasir dövrümüzdə, ideoloji mübarizənin sərhəd tanımadığı, kibercinayətkarlığın artdığı zamanda söz adamlarının üzərinə daha məsul vəzifələr düşür. Bu vəzifələrin ən ümdəsi vətənpərvərlik və dövlətçilikdir. Gənclər xəbər janrında operativliyə, süni intellektin köməyinə üstünlük verildiyini qeyd etsələr də, ümumən qərara alındı ki, jurnalistikamız milli mətbuatımızın klassik, demokratik ənənələri əsasında inkişaf etdirilməlidir.
Qurultayda Mətbuat Şurasının 14 jurnalistdən və 9 ictimaiyyət nümayəndəsindən ibarət 23 nəfərlik İdarə Heyətinin tərkibi əsaslı surətdə yeniləndi. Daha ətraflı »