Prezident İlham Əliyevin sərəncamı ilə təsdiq edilmiş “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026-2030-cü illər üçün Dövlət Proqramı”nda qarşıya qoyulan vəzifələrin icrasını təmin etmək məqsədilə bölgələrdə zəruri tədbirlər həyata keçirilir, əmək ehtiyatları səfərbər edilir, görüləcək işlər müəyyənləşdirilir.

Bu günlər ölkənin bütün bölgələrində olduğu kimi, Tərtərdə də diqqətçəkən canlanma hiss olunur. Tərtər havası təmiz, suyu saf, torpağı münbit, ən başlıcası isə, sakinləri əməksevər, zəhmətə, torpağa bağlı insanlardır. Ermənistan silahlı qüvvələrinin işğalçılıq niyyətlərinə qarşı mübarizədə əsl qəhramanlıq nümunəsi göstərərək düşmənə bir qarış torpaq da güzəşt etməmiş tərtərlilər bu gün əmək meydanında xarüqələr göstərir, ölkə iqtisadiyyatının güclənməsinə sanballı töhfələr verirlər. Təsadüfi deyil ki, Ermənistan faşistlərinin Tərtərə raket və artilleriya mərmilərini dolu kimi yağdırdığı ağır və gərgin günlər Prezident, Silahlı Qüvvələrin Ali Baş Komandanı İlham Əliyev dəfələrlə bölgəyə səfər etmiş, tərtərlilərin fədakarlığını əsl qəhrəmanlıq kimi qiymətləndirmişdir.

Qarabağ iqtisadi rayonuna daxil olan Tərtər coğrafi mövqeyi və strateji əhəmiyyət baxımından ölkənin vacib bölgələrindən biri kimi tanınır. Yüksək məhsuldarlığa malik torpaqları burada kənd təsərrüfatını dinamik inkişaf etdirmək üçün geniş imkan verir. Pambıqçılıq və taxılçılıq aqrar sektorun əsas sahələridir. Heyvandarlıq və baramaçılıq da inkişaf edən sahələrdəndir. Son illər həmçinin rayonda intensiv bağçılığa diqqət nəzərəçarpacaq dərəcədə artıb.

30 illik işğal dövrünün ağrı-acısı şanlı zəfərlə başa çatdıqdan sonra Daha ətraflı »

Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Azərbaycan Respublikası Müdafiə Nazirliyinin aşağıdakı hərbi qulluqçuları və mülki işçiləri ölümündən sonra təltif edilsinlər:

Sərəncamda Tərtər rayonundan olan bir qrup Vətən müharibəsi şəhidi 3-cü dərəcəli “Vətənə xidmətə görə” ordeni ilə təltif olunmuşdur.

Aslanov Xəyal Qüdrət oğlu

 

Mirzəli Rəşad Hafiz oğlu

 

Hacıyev Qubad Cəmil oğlu

 

Qəhrəmanlı Yaqub Abdulla oğlu

 

Sabirli Əjdər Xanlar oğlu

 

Babazadə Mirşəmsi Elşad oğlu

 

Əzizov Ayşad Qaryağdı oğlu

 

İsaxlı Anar Rəsul oğlu

 

İsmayıllı Şamil Kamil oğlu

 

Quluzadə Elmin Şəmsi oğlu

 

Mehdiyev Yasən Alim oğlu

 

Məhərzadə Taleh Oqtay oğlu

 

Verdiyev İsax Ədalətoviç

 

Şirinli Nurlan Qədir oğlu

 

Məmmədov Mehti Elçin oğlu

 

Məmmədov Səbuhi Zahid oğlu

 

Məmmədov Taleh Arif oğlu

 

Mənsimli İntiqam Rövşən oğlu

 

Əhmədzadə Mürşüd Müdahil oğlu

 

Əlizadə Elşən Faiq oğlu

 

Hacıyev Rüstəm Firqani oğlu

 

Hacızadə Ceyhun İfrayıl oğlu

 

Hüseynov Eşqin Cəsarət oğlu

 

Hüseynov Anar Rəhim oğlu

 

Məhərrəmli Fuad Habil oğlu

 

Məmmədli Tural Aqil oğlu

 

Abbaslı Elnur Yaşar oğlu

 

Əliyev Elməddin İlqar oğlu

 

Ağayev İntiqam Hüseyn oğlu

 

Aslanlı Orxan Şahmar oğlu

 

Cəfərov Təbriz İlqar oğlu

 

Ələkbərli Ələkbər Ramiz oğlu

 

Qasımov Azər Yaqub oğlu

 

Hüseynov Elnur Əhliman oğlu

 

Məmmədov Elman Bəhmən oğlu

Şəhidlərin ailə üzvləri şəhidlərə göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.

Allah şəhidlərimizə rəhmət eləsin, ruhları şad olsun!

 

Tərtər Rayon İcra Hakimiyyətinin başçısı Müstəqim Məmmədov Yuxarı Qapanlı kəndində şəhid Rüstəm Hacıyevin atası Firqani Hacıyevi 50 illik yubileyi münasibəti ilə yaşadığı ünvanda ziyarət edərək, onu təbrik edib, şəhid ailəsinin qayğıları ilə maraqlanıb.

İcra başçısı bütün şəhid valdeyinlərinin baş tacımız olduğunu bildirib. Şəhid atasına rayon icra hakimiyyəti tərəfindən təşəkkürnamə, şəhid anasına isə gül dəstəsi təqdim edib.

O, məğlubedilməz sərkərdə cənab İlham Əliyevin rəhbərliyi ilə ordumuzun şəhidlərin qisasını aldığını bildirib. Bu gün torpaqlarımızın işğaldan azad olması üçün şəhidlərə borclu olduğumuzu qeyd edib.

Qeyd edək ki, Rüstəm Hacıyev 1999-cu ilin sentyabr ayının 22-də Tərtər rayonunun Yuxarı Qapanlı kəndində anadan olmuşdur.

Azərbaycan Ordusunun əsgəri olan Hacıyev Rüstəm 2020-ci il sentyabrın 27-də başlanan Vətən müharibəsi zamanı Kəlbəcərin azadlığı uğrunda gedən döyüşlərdə savaşıb. Sentyabrın 29-da Kəlbəcər rayonu istiqamətində gedən döyüşlərdə şəhid olub. Tərtər rayonu Yuxarı Qapanlı kəndində dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti İlham Əliyevin müvafiq Sərəncamlarına əsasən ölümündən sonra 3-cü dərəcəli “Vətənə xidmətə görə” ordeni və “Hərbi xidmətlərə görə”, “Vətən uğrunda” və “Kəlbəcərin azad olunmasına görə” medalları ilə təltif olunub.

Şəhidin ailə üzvləri şəhid ailələrinə, qazilərə göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezidenti Mehriban xanım Əliyevaya öz minnətdarlıqlarını bildiriblər.

 

Müstəqil dövlətimizin ən böyük dayağı, xalqımızın təhlükəsizliyinin və ərazi bütövlüyünün baş qarantı olan Azərbaycan Silahlı Qüvvələrinin yaradılmasından 108 il ötür. Bu gün qürurla qeyd etdiyimiz 26 İyun – Silahlı Qüvvələr Günü, sadəcə təqvim bayramı deyil, tarixi ədalətin bərpa olunduğu, Azərbaycan əsgərinin sarsıdıcı gücünün bütün dünyaya nümayiş etdirildiyi şərəf günüdür. Ulu Öndər Heydər Əliyevin hələ 1996-cı ildə vurğuladığı kimi, ordu mövzusu, ordunun yaranması və formalaşması bizim bütün həyatımızda əsas mövzulardan biri olmalıdır, çünki xalqla ordunun birliyi həm xalqın qüdrətini, həm də ordunu daha da qüvvətli edir.

Azərbaycan Silahlı Qüvvələrinin inkişaf tarixi Ümummilli Lider Heydər Əliyevin adı ilə qırılmaz tellərlə bağlıdır. Hələ SSRİ dönəmində, 1969-cu ildə hakimiyyətə gəlişindən sonra Ulu Öndərin müstəsna xidmətləri sayəsində ölkəmizdə hərbi kadrların hazırlanması prosesi başlandı. Ümummilli Lider 1971-ci ildə böyük zəhmətlər bahasına Azərbaycanda hərbi kadrlar hazırlayan məktəbin – görkəmli sərkərdə Cəmşid Naxçıvanskinin adını daşıyan hərbi liseyin yaradılmasına nail oldu və bu məktəb azərbaycanlı gənclərin hərb sənətinə marağının artmasında əvəzsiz rol oynadı. 90-cı illərin əvvəllərində müstəqilliyini itirmək və parçalanmaq təhlükəsi ilə üz-üzə qalan, başıpozuq silahlı dəstələrin meydan suladığı bir vaxtda xalqın çağırışı ilə hakimiyyətə qayıdan Heydər Əliyev həmin nizamsız qüvvələri ləğv edərək mütəşəkkil, vahid komandanlığa tabe olan nizami ordu quruculuğuna start verdi. Ulu Öndərin 22 may 1998-ci il tarixli Fərmanına əsasən, 1918-ci ildə Əlahiddə Azərbaycan Korpusunun yarandığı gün – 26 iyun Azərbaycan Respublikasının Silahlı Qüvvələri Günü elan olundu və hər il bu tarix rəsmi dövlət bayramı kimi qeyd edilməyə başlandı. Heydər Əliyev hərbi təhsil sisteminin inkişafı üçün 1999-cu ildə Hərbi Akademiyanın yaradılması haqqında Fərman imzalayaraq milli kadr ehtiyatının formalaşmasını keyfiyyətcə yeni inkişaf mərhələsinə qaldırdı. Daha ətraflı »

İyunun 24-də Sabirabad rayonunda Azərbaycan Respublikası Prezidentinin 2026-cı il 25 may tarixli Sərəncamı ilə təsdiq edilmiş “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı”nda pambıqçılıq sahəsində nəzərdə tutulan hədəflərə çatmaq üçün qarşıda duran vəzifələrin müzakirəsi ilə bağlı regional müşavirə keçirilib.

Tədbir Prezident İlham Əliyevin sədrliyi ilə 2026-cı il 25 may tarixində kənd təsərrüfatı məsələlərinə həsr olunmuş müşavirədə verilmiş tapşırıqların icrası və Dövlət Proqramında nəzərdə tutulan tədbirlərin regionlar üzrə əlaqələndirilmiş, çevik və səmərəli həyata keçirilməsinin təmin olunması məqsədilə təşkil edilib.

Müşavirədə aidiyyəti dövlət qurumlarının nümayəndələri, pambıqçılıq sahəsi üzrə ixtisaslaşmış Neftçala, Salyan, Biləsuvar, İmişli, Beyləqan, Füzuli, Ağcabədi, Ağdam, Tərtər, Bərdə, Goranboy, Yevlax, Kürdəmir, Sabirabad, Saatlı, Zərdab rayonlarından fermer və sahibkarlar iştirak ediblər.

Azərbaycan Respublikası Prezidentinin köməkçisi – Prezident Administrasiyasının Ərazi-təşkilat məsələləri şöbəsinin müdiri Zeynal Nağdəliyev bildirib ki, dövlət başçısının tapşırığına əsasən iyunun 12-dən başlayaraq 13 iqtisadi zona üzrə bu proqramın geniş müzakirələri aparılıb. Müzakirələrə ümumilikdə 4 min 565 nəfər qatılıb, aqrar sektorda fəaliyyət göstərən fermerlər və sahibkarlar Azərbaycan Respublikası Prezidentinin çağırışını dəstəklədiklərini bildirərək mühüm təşəbbüslərlə çıxış ediblər. Daha ətraflı »

Azərbaycan Respublikası Silahlı Qüvvələrinin yaradılması müstəqil Azərbaycanın dövlət quruculuğunun mühüm nailiyyətlərindən biridir. Əsası Azərbaycan Xalq Cümhuriyyəti dövründə qoyulmuş Azərbaycan Ordusunun ənənələri dövlət müstəqilliyimizin bərpasından, xüsusən Ulu Öndərimiz Heydər Əliyevin xalqın təkidli tələbi ilə ikinci dəfə hakimiyyətə qayıdışından sonra inkişaf etmişdir. Müstəqil Azərbaycan Ordusunun yüksək səviyyədə inkişafı ümummilli liderimiz Heydər Əliyevin səyləri nəticəsində olmuşdur. 1999-cu il yanvarın 20-də Hərbi Akademiyanın yaradılması haqqında Ümummilli lider Heydər Əliyev tərəfindən Fərman imzalanmışdır. Azərbaycan Respublikası Prezidentinin 22 may 1998-ci il tarixli Fərmanına əsasən 26 İyun tarixi Azərbaycan Respublikası Sülahlı Qüvvələr günü elan edilmişdir. Respublikamızın hər bir guşəsində 26 İyun Azərbaycan Silahlı Qüvvələri Günü kimi bayram edilir.Bütün sahələrdə olduğu kimi ordumuzun günü-gündən möhkəmlənməsi istiqamətində də Müzəffər Ali Baş Komandamız, möhtərəm Prezidentimiz cənab İlham Əliyev tərəfindən ümummilli liderimiz Heydər Əliyevin siyasəti uğurla davam etdirilir. Bu gün ordu quruculuğu prosesi Azərbaycan Prezidenti, Silahlı Qüvvələrin Ali Baş Komandanı İlham Əliyevin rəhbərliyi altında uğurla davam etdirilib.
Azərbaycan Silahlı Qüvvələri bu gün regionun modern texnika ilə təchiz edilən, Vətənin müdafiəsinə daim hazır olan yüksək nizam-intizama malik bir quruma çevrilib.
Azərbaycanın ərazi bütövlüyünün pozulması ilə nəticələnən Ermənistanın işğalçı siyasətinin dünyada tanıdılması istiqamətində uğurlu diplomatik iş aparan Müzəffər Ali Baş Komandan İlham Əliyevin rəhbərliyi ilə Rəşadətli Ordumuz 2020-ci il 27 sentyabrda əks hücum əməliyyatı ilə başlayan 44 günlük Vətən müharibəsində düşmən üzərində qələbə çalaraq tarixi nailiyyətə imza atdı. Qəhrəman hərbçilərimizin şücaəti, rəşadəti hesabına, şəhidlərimizin qanı-canı bahasına bütün dünya Azərbaycanın şanlı qələbəsinin şahidi oldu.
Füzuli, Hadrut, Cəbrayıl, Zəngilan, Qubadlı, Şuşa, Kəlbəcər,Ağdam, Laçın və adıçəkilən rayonların 300-dən çox yaşayış məntəqəsi azad edildi. Azərbaycan Ordusu döyüş meydanında özünün üstünlüyünü sübut etdi. Düşmənin kapitulyasiyası ordumuzun gücü hesabına əldə olunmuş      nəticədir.
Azərbaycan Silahlı Qüvvələrinin bütün qoşun növlərinin, hərbi birləşmə və hərbi tədris müəssisələrinin şəxsi heyətlərinin, hərbi texnikaların iştirak etdiyi Zəfər paradında ölkə ictimaiyyəti bir daha dövlətimizin hərbi gücünün, ordumuzun döyüş və qələbə əzminin əyani şahidi oldu. Hərbi gücün praktik nümayiş olunan zaman hər bir azərbaycanlının öz ordusunun qüdrətinə olan inamını, qürur və fəxarətini qat-qat artırdı.
Bu gün fəxrlə deyə bilərik ki, Silahlı Qüvvələrin Ali Baş Komandanı, Prezident İlham Əliyevin rəhbərliyi altında Azərbaycan Ordusu öz inkişafının ən parlaq və qüdrətli zirvəsinə çatmışdır. Dünyanın ən müasir hərbi texnologiyaları və yüksəkdəqiqlikli silahları ilə təchiz olunmuş ordumuz, eyni zamanda yüksək döyüş hazırlığına və sarsılmaz mənəvi-psixoloji ruha sahib olan qlobal hərbi gücə çevrilmişdir.
Müasir tariximizdə 26 İyun Silahlı Qüvvələr Gününü xüsusi edən ən böyük reallıq – bizim bu bayramı ərazi bütövlüyünü və suverenliyini tam bərpa etmiş qalib bir millət kimi qeyd etməyimizdir. 2020-ci iftixar dolu 44 günlük Vətən müharibəsi və 2023-cü ilin antiterror tədbirləri Azərbaycan hərbçisinin nələrə qadir olduğunu bütün dünyaya nümayiş etdirdi.
Şanlı ordumuz Şuşada, Xankəndidə, Xocalıda, Laçında və Qarabağın hər bir guşəsində üçrəngli dövlət bayrağımızı ucaldaraq xalqımızın 30 illik həsrətinə son qoydu.
Hərbiçilərimiz xalqımızın güvən yeri, qürur mənbəyi və dövlətimizin onurğa sütunsuzunuz. Artıq  Qarabağda nəhəng quruculuq işləri aparılır. Biz tam əminik ki, Azərbaycanın müqəddəs bayrağı sizin güclü çiyinləriniz və sarsılmaz iradəniz üzərində hər zaman zirvələrdə dalğalanacaqdır

Eldar Əsədov,

YAP Tərtər rayon təşkilatının sədri

 

2026-cı il iyunun 22-də Bakıda baş tutan yüksək səviyyəli Azərbaycan-Türkmənistan görüşləri, iki qardaş ölkə arasında strateji tərəfdaşlığın keyfiyyətcə yeni və daha dinamik bir mərhələyə qədəm qoyduğunu sübut etdi. Türkmənistan Prezidenti Sərdar Berdiməhəmmədovun  Azərbaycana dövlət səfəri çərçivəsində  Prezident İlham Əliyevin mətbuata verdiyi birgə bəyanat, sadəcə diplomatik protokol deyil, həm də gələcək onilliklərin yol xəritəsini cızan strateji bir vizyon kimi səciyyələndirilir.
Prezident  İlham Əliyev öz çıxışında iki ölkə arasındakı münasibətlərin tarixi köklərinə diqqət çəkərək, Azərbaycan və Türkmənistanın vahid mədəni-mənəvi məkana aid olduğunu vurğuladı. Dövlət başçısı qeyd etdi ki, Türkmənistanın yürütdüyü balanslı və neytrallıq siyasəti, Azərbaycanın regional sabitliyə yönəlmiş fəaliyyəti ilə üst-üstə düşür. Bu siyasi uyğunluq, iki ölkəyə beynəlxalq təşkilatlarda, xüsusilə Türk Dövlətləri Təşkilatında və Qoşulmama Hərəkatında bir-birini dəstəkləmək üçün geniş imkanlar yaradır. Prezident İlham Əliyev bir daha təsdiqlədi ki, Türkmənistanın regional təşəbbüsləri Azərbaycan tərəfindən həmişə yüksək qiymətləndirilir və dəstəklənir.
Səfərin ən parlaq və emosional məqamlarından biri Füzuli şəhərində inşa edilən məscid  məsələsi oldu. Prezident İlham Əliyev Türkmənistan xalqına və şəxsən Türkmənistan Xalq Məsləhətinin sədri Qurbanqulu Berdiməhəmmədova Füzulidə məscid tikintisi ilə bağlı göstərdikləri təşəbbüsə görə xüsusi təşəkkürünü bildirdi. Bu məscid, işğaldan azad edilmiş torpaqlarda qardaşlıq münasibətlərinin daş üzərində həkk olunmuş sənədidir. Dövlət başçısı vurğuladı ki, mədəni-humanitar sahədəki bu kimi layihələr xalqlarımızı bir-birinə daha da yaxınlaşdırır və gələcək nəsillər üçün örnək təşkil edir.
İqtisadi sahədə səfərin əsas gündəliyini Orta Dəhlizin və Xəzər dənizinin potensialının maksimum səviyyədə reallaşdırılması təşkil etdi. Prezident İlham Əliyev bəyanatında bildirdi ki, Azərbaycan və Türkmənistan artıq qarşılıqlı etimadın yüksək səviyyədə olduğu bir müstəvidədirlər və bu, iqtisadi layihələrin həyata keçirilməsini daha da asanlaşdırır. İmzalanan sənədlər gömrük və statistika sistemlərinin inteqrasiyası, nəqliyyat logistikası, eləcə də Xəzər dənizindəki karbohidrogen yataqlarının birgə işlənilməsi sahəsində yeni bir yol xəritəsi müəyyən edib. Prezident İlham Əliyev qeyd etdi ki, hökumətlərarası komissiya qarşısında konkret tapşırıqlar qoyulub və bu, sənədlərin kağız üzərində qalmayaraq, real iqtisadi səmərəyə çevriləcəyinin qarantıdır.
Sonda Prezident İlham Əliyev Azərbaycan və Türkmənistanın təkcə iki qonşu dövlət deyil, həm də regional proseslərin mərkəzində dayanan iki strateji tərəfdaş olduğunu bəyan etdi. Qeyd olundu ki, iki ölkənin koordinasiyalı fəaliyyəti, bütövlükdə regionun iqtisadi cəlbediciliyini artırır və qlobal enerji təhlükəsizliyinə mühüm töhfə verir. Bu dövlət səfəri, ikitərəfli münasibətləri gələcəyə daha inamla daşıyan, müasir çağırışlara cavab verən sarsılmaz bir tərəfdaşlıq modelinin növbəti təsdiqidir.

Eldar Əsədov

YAP Tərtər rayon təşkilatının sədri

 

Prezident İlham Əliyev Türkmənistan Prezidenti Sərdar Berdiməhəmmədovun 2026-cı il iyunun 22-də Azərbaycana səfəri zamanı mətbuata bəyanat verib.

Dövlət başçısı deyib: “Qarabağın bərpasında köməyə görə Türkmənistana, əziz qardaşım Arkadağ Qurbanqulu Məlikquliyeviç Berdiməhəmmədova bir daha təşəkkürümü bildirmək istərdim”.

Bildirilib ki, Türkmənistan Prezidenti ötən ilin iyulunda ölkəmizə səfər edərkən Füzuli şəhərində məscidin tikintisi təşəbbüsünü irəli sürdü və artıq tikintiyə başlanılıb. Bu, Türkmənistanın, onun Ümummilli Liderinin və bütün qardaş Türkmənistan xalqının Azərbaycana səmimi, dostcasına münasibətinin daha bir göstəricisi idi.

Prezident İlham Əliyev əmin olduğunu bildirib ki, gələn ay Türkmənistanda keçiriləcək Hökumətlərarası Komissiya çərçivəsində bu gün verdiyimiz tapşırıqlar həmin vaxta qədər hərtərəfli işlənib hazırlanacaq və biz yeni birgə problemlərin həlli, yeni layihələrin reallaşdırılması mərhələsinə keçəcəyik.

Qeyd olunub ki, münasibətlərimiz möhkəm təməl – tarixi bağlar, mədəni əlaqələr və mənəvi əlaqələr üzərində qurulub. Daha ətraflı »

Tərtər Rayon İcra Hakimiyyətinin başçısı Müstəqim Məmmədov rayondan olan bir qrup şəhid ailəsinin üzvü və qazi ilə görüş keçirib. Görüşün keçirilməsində məqsəd şəhid ailələrinin və müharibə iştirakçılarının qayğıları, problemləri ilə yaxından maraqlanmaq, onları narahat edən məsələlərin yerindəcə həllinə nail olmaqdır.

Səmimi və qarşılıqlı dialoq mühitində keçən görüşdə rayon rəhbəri Müstəqim Məmmədov çıxış edərək bildirib ki, şəhid ailələri və qazilərimiz hər birimiz üçün ən əziz insanlardır. Azərbaycan Respublikasının Prezidenti, Müzəffər Ali Baş Komandan cənab İlham Əliyevin və Birinci vitse-prezident hörmətli Mehriban xanım Əliyevanın rəhbərliyi altında ölkəmizdə şəhid ailələrinin, qazilərin və müharibə veteranlarının sosial müdafiəsinin gücləndirilməsi, onların mənzil, məişət şəraitinin yaxşılaşdırılması istiqamətində dövlət səviyyəsində çox mühüm, ardıcıl tədbirlər həyata keçirilir. Biz bu gün azad, suveren və bütöv bir Azərbaycanda yaşayırıqsa, buna görə canlarını Vətən uğrunda fəda etmiş şəhidlərimizə və sağlamlığını itirmiş qazilərimizə borcluyuq. Tərtər rayonu həm Birinci, həm də İkinci Qarabağ müharibəsində böyük qəhrəmanlıqlar göstərib, düşmən qarşısında mərdliklə dayanıb. Rayon İcra Hakimiyyəti olaraq bizim də ən ümdə vəzifəmiz, borcumuz hər an şəhid ailələrinin və qazilərin yanında olmaq, qarşıya çıxan məsələlərin operativ şəkildə həllini təmin etməkdir. Dövlətimizin bu ali diqqət və qayğısı bundan sonra da hər bir şəhid ailəsinə və müharibə iştirakçısına daim hiss etdiriləcəkdir.

Görüşdə çıxış edən şəhid ailələrinin üzvləri və qazilər onlara göstərilən davamlı diqqət və qayğıya, həmçinin problemlərinin operativ şəkildə həll olunmasına görə ölkə başçısı cənab İlham Əliyevə və Birinci vitse-prezident Mehriban xanım Əliyevaya dərin minnətdarlıqlarını bildiriblər.

Tədbirdə Tərtər Rayon İcra Hakimiyyətinin başçısı Müstəqim Məmmədov, məhkəmə və hüquq-mühafizə orqanlarının rəhbərləri, YAP rayon təşkilatının sədri, rayon icra hakimiyyəti başçısı aparatının, İnzibati Ərazi Dairələri üzrə nümayəndəliklərin əməkdaşları, həmçinin rayonda fəaliyyət göstərən idarə, müəssisə və təşkilatların rəhbərləri və dövlət qulluqçuları iştirak ediblər.

Tədbir iştirakçıları əvvəlcə Ümummilli Lider Heydər Əliyevin Mərkəzi Meydanda ucaldılmış abidəsini ziyarət edib, önünə təzə tər gül dəstələri düzüblər.

Ziyarətdən sonra tədbir rayon icra hakimiyyətinin akt zalında davam etdirilib. Yığıncağın əvvəlində Azərbaycan Respublikasının Dövlət Himni səsləndirilib. Daha sonra Ümummilli Lider Heydər Əliyevin və torpaqlarımızın suverenliyi uğrunda canlarından keçmiş şəhidlərin müqəddəs ruhu bir dəqiqəlik sükutla yad edilib.

Rayon icra hakimiyyətinin başçısı Müstəqim Məmmədov çıxış edərək bütün dövlət qulluqçularını peşə bayramı münasibətilə səmimi qəlbdən təbrik edib, onlara məsuliyyətli işlərində uğurlar, həmişə dövlətə və dövlətçiliyə sadiq olmağı arzulayıb. Rayon rəhbəri bildirib ki, 23 iyun Azərbaycanda Dövlət Qulluqçularının Peşə Bayramı günü Azərbaycan Respublikasının Prezidenti cənab İlham Əliyevin 2006-cı il 25 may tarixli Sərəncamı ilə təsis edilib. Bu gün Azərbaycanın sürətlə inkişaf edərək beynəlxalq aləmdə nüfuzunu möhkəmləndirməsinin, mühüm regional faktora çevrilməsinin təməlində Ulu Öndər Heydər Əliyevin dövlət idarəetmə sistemində reallaşdırdığı fundamental islahatlar dayanır. Prezident İlham Əliyevin bu islahatları daha da genişləndirərək davam etdirməsi sayəsində ölkəmizin qüdrəti gündən-günə artmaqdadır. Bu gün tam əminliklə söyləmək olar ki, respublikamızda müasir tələblərə cavab verən dövlət idarəetmə sistemi qurulub, hakimiyyətin bütün qollarının funksiyaları dəqiq müəyyən edilib, vətəndaşların hüquq və azadlıqlarının qorunması, təmin olunması üçün zəruri təsisatlar yaradılıb. Daha ətraflı »