Azərbaycan Respublikasının Prezidenti İlham Əliyevin II Azərbaycan Beynəlxalq İnvestisiya Forumu çərçivəsində keçirilən tədbirdə iştirakı və burada səsləndirdiyi fikirlər ölkəmizin qarşıdakı dövr üçün iqtisadi inkişaf strategiyasının əsas istiqamətlərini bir daha nümayiş etdirib. Sentyabrın 26-da Bakıda keçirilən tədbirdə dövlətimizin başçısı moderator Adebayo Oqunlesinin suallarını cavablandıraraq Azərbaycanın iqtisadi potensialı, investisiya mühiti, enerji siyasəti, nəqliyyat-logistika imkanları, rəqəmsal transformasiya və regional əməkdaşlıq perspektivləri barədə geniş fikirlərini bildirib.
Prezident İlham Əliyevin çıxışında diqqət çəkən əsas məqamlardan biri Azərbaycanın son illərdə formalaşdırdığı dayanıqlı iqtisadi və maliyyə bazasının gələcək inkişaf üçün möhkəm təməl yaratmasıdır. Dövlət başçısının sözlərinə görə, son 20 il ərzində Azərbaycana 350 milyard ABŞ dollarından çox investisiya cəlb olunub və bunun təxminən yarısı birbaşa xarici investisiyaların payına düşür. Bu göstərici ölkənin beynəlxalq investorlar üçün formalaşdırdığı etibarlı tərəfdaşlıq mühitinin mühüm göstəricilərindən biri kimi təqdim edilib. Daha ətraflı »
-
29SenDigər Azərbaycanın yeni iqtisadi inkişaf mərhələsi: investisiya, enerji və regional bağlantılar üçün şərhlər bağlıdır
-
29SenDigər Bugünkü dünyada ən önəmli amillərdən biri siyasi və iqtisadi sabitlikdir üçün şərhlər bağlıdır
Bu proses Azərbaycanda artıq 30 ildən çoxdur ki, davam edir. Biz 1990-cı illərdə müstəqilliyimizin erkən dövründən bəri çətinliklər yaşamışıq, Ermənistan ərazimizi işğal edib, azərbaycanlılara qarşı etnik təmizləmə siyasəti aparıb. 1990-cı illərin əvvəlində bizim 1 milyon qaçqın və məcburi köçkünümüz var idi. O zaman əhalimiz 8 milyon idi. Beləliklə bu, əslində humanitar fəlakət idi. Vətəndaş müharibəsi gedirdi və iqtisadiyyat tamamilə xaos içində idi;Sabit iqtisadiyyat və müstəqil maliyyə və iqtisadi sistem olmasaydı, bu gün gələcəkdən danışmaq çətin olardı.İndiyədək görülən işlər, şübhəsiz ki, gələcək inkişaf üçün ilkin şərt oldu. Çünki görülən işlər, sabit iqtisadiyyat və müstəqil maliyyə və iqtisadi sistem olmasaydı, bu gün gələcəkdən danışmaq çətin olardı. Beləliklə, bizim bu müsbət dinamikanı daha da inkişaf etdirməyimizə ehtiyac var. Biz iqtisadiyyatın müxtəlif sektorlarını təmsil edən bir çox aparıcı beynəlxalq şirkətin Azərbaycanı etibarlı tərəfdaş kimi qəbul etməsi faktını əldə rəhbər tutmalıyıq. Əlverişli investisiya mühiti sayəsində biz son 20 ildə 350 milyard ABŞ dollarından çox investisiya cəlb etmişik. Bunun yarısı birbaşa xarici investisiyalardır;
Xəzər dənizinin Azərbaycan sektorunda biz 157 giqavatlıq enerji potensialına malikik.Bundan əlavə, quruda Günəş və külək elektrik stansiyaları artıq fəaliyyətdədir. Beləliklə, bizim hədəfimiz elektrik enerjisi istehsal etmək üçün təbii qaz istehlakını minimuma endirmək və həmin ehtiyatdan ixrac məqsədilə istifadə etməkdir. Qarşıdakı beş il ərzində Azərbaycanın hər yerində bərpaolunan enerji mənbələri olacaq;
– İqtisadiyyatın ikinci mühüm hərəkətverici qüvvəsi logistika, nəqliyyat və bağlantılardır. Daha ətraflı »
-
29SenDigər Azərbaycan iqtisadi əməkdaşlıq məkanında mövqeyini gücləndirir üçün şərhlər bağlıdır
2026-cı il sentyabrın 26-da Bakıda Azərbaycan Respublikasının Prezidenti İlham Əliyevin himayəsi altında keçirilən II Azərbaycan Beynəlxalq İnvestisiya Forumu çərçivəsində “Parçalanmış dünyada etimadın bərpası: Cənubi Qafqaz qlobal bağlantı və investisiya sabitliyinin dayağı kimi” mövzusunda mühüm tədbir təşkil olunub. Prezident İlham Əliyevin iştirak etdiyi tədbirdə Azərbaycanın iqtisadi inkişaf perspektivləri, investisiya imkanları, enerji siyasəti, nəqliyyat və logistika potensialı, rəqəmsal transformasiya, süni intellekt, insan kapitalı və regionda Azərbaycanın artan rolu ətrafında geniş fikir mübadiləsi aparılıb. Dövlət başçısı tədbirdə moderator, “Global Infrastructure Partners” şirkətinin sədri və baş icraçı direktoru Adebayo Oqunlesinin suallarını cavablandırıb.Forumun mövzusu təsadüfi seçilməyib. Qlobal iqtisadi münasibətlərin sürətlə dəyişdiyi, təchizat zəncirlərinin yenidən formalaşdığı və yeni nəqliyyat, enerji və texnoloji əlaqələrin meydana çıxdığı bir dövrdə etimad, sabitlik və dayanıqlı tərəfdaşlıq investorlar üçün mühüm amillərə çevrilir. Azərbaycan bu reallıqlar fonunda özünü yalnız enerji resurslarının ixracatçısı kimi deyil, həm də regional nəqliyyat, logistika, enerji və rəqəmsal bağlantıların mühüm iştirakçısı kimi təqdim edir. Daha ətraflı »
-
29SenDigər Azərbaycanın yeni inkişaf mərhələsi üçün şərhlər bağlıdır
Azərbaycanın iqtisadi inkişafının yeni mərhələsi ölkənin yalnız təbii sərvətlərə malik dövlət kimi deyil, investisiya, enerji, nəqliyyat, rəqəmsal texnologiyalar və regional əməkdaşlıq imkanlarını birləşdirən iqtisadi mərkəz kimi mövqeyinin möhkəmlənməsi ilə xarakterizə olunur. Prezident İlham Əliyevin II Azərbaycan Beynəlxalq İnvestisiya Forumu çərçivəsində keçirilən tədbirdə çıxışı Azərbaycanın qarşıdakı illər üçün iqtisadi prioritetlərinin və investisiya imkanlarının geniş təqdimatı baxımından mühüm əhəmiyyət daşıyır.“Parçalanmış dünyada etimadın bərpası: Cənubi Qafqaz qlobal bağlantı və investisiya sabitliyinin dayağı kimi” mövzusuna həsr olunmuş təbirdə Prezident İlham Əliyev Azərbaycanın son illərdə keçdiyi inkişaf yolundan, mövcud iqtisadi imkanlardan və gələcək prioritetlərdən danışaraq qeyd edib ki, bu gün gələcək haqqında danışmağa imkan verən əsas amillərdən biri əvvəlki illərdə yaradılmış sabit iqtisadi və maliyyə sistemidir. Son 20 ildə Azərbaycana 350 milyard ABŞ dollarından çox investisiya cəlb edilib və bunun təxminən yarısı birbaşa xarici investisiyaların payına düşüb. Azərbaycan iqtisadiyyatında neft-qaz sektorunun əhəmiyyətinin saxlanılması ilə paralel olaraq qeyri-neft sahələrinin inkişaf etdirilməsini nəzərdə tutur. Azərbaycan üçün bu istiqamətin həm daxili enerji tələbatının təmin edilməsi, həm də gələcəkdə elektrik enerjisinin ixracı baxımından əhəmiyyət daşıdığı vurğulanıb. Dövlət başçısı bildirib ki, yalnız Xəzər dənizinin Azərbaycanın sektorunda 157 giqavatlıq enerji potensialı mövcuddur. Quruda isə günəş və külək elektrik stansiyaları artıq fəaliyyət göstərir. Qarşıdakı beş il ərzində Azərbaycanın müxtəlif ərazilərində bərpaolunan enerji mənbələrinin inkişaf etdirilməsi nəzərdə tutulur. Beləliklə, enerji siyasətində qarşıya qoyulan məqsəd yalnız yeni elektrik istehsal güclərinin yaradılması ilə məhdudlaşmır. Buraya ötürücü xətlərin, enerji saxlanc sistemlərinin və beynəlxalq enerji bağlantılarının inkişafı da daxildir. Azərbaycanın Avropa ilə Asiyanın arasında yerləşməsi, Şərq-Qərb və Şimal-Cənub istiqamətlərinin kəsişməsində mövqe tutması nəqliyyat və logistika sahəsində ölkəyə əlavə imkanlar yaradır. Dəmir yollarına, limanlara, hava nəqliyyatına və Daha ətraflı »
-
28SenMilli-mənəvi dəyərlər 27 Sentyabr Anım Günündə bütün şəhidlərimizin xatirəsini dərin ehtiramla yad edir, onların qanı ilə yazılan tarixi zəfərimizlə qürur duyuruq üçün şərhlər bağlıdır
27 Sentyabr – Azərbaycan xalqının tarixi yaddaşına həm dərin hüzn, həm də sonsuz qürur günü kimi həkk olunmuşdur. Ərazi bütövlüyümüzün bərpası, torpaqlarımızın işğaldan azad edilməsi uğrunda canlarını fəda etmiş qəhrəman şəhidlərimizin xatirəsi xalqımızın qəlbində əbədi yaşayır.Müzəffər Ali Baş Komandan, Azərbaycan Respublikasının Prezidenti cənab İlham Əliyev şəhidlərimizin müqəddəs xatirəsi barədə demişdir: “Əziz həmvətənlər, Anım Günündə bütün şəhidlərimizin xatirəsi qarşısında, Birinci və İkinci Qarabağ müharibələrinin şəhidlərinin ruhu qarşısında bir daha baş əyir, onlara Allahdan rəhmət diləyirəm. Onların yaxınlarına, qohumlarına deyirəm ki, mən demişdim, onların qanı yerdə qalmayacaq və qalmadı. Biz onların qanını aldıq! Mən demişdim ki, biz onların qisasını döyüş meydanında alacağıq, belə də oldu. Bu Qələbəni bizə bəxş edən qəhrəman əsgər və zabitlərimiz bizim qürur mənbəyimizdir. Onların qəhrəmanlığı, onların şücaəti, fədakarlığı artıq dastana çevrilib.”Rəsmi İrəvanın işğalçı siyasəti və saxtakarlığı müharibəni qaçılmaz etdi. Rəsmi İrəvan Azərbaycana qarşı uzun illər ərzində düşmənçilik siyasəti aparırdı. Tarixi Azərbaycan torpağı olan Qarabağa ermənilərin çar Rusiyası zamanı köçürüldüyü dövrdən etibarən xalqımıza qarşı başlamış düşmənçilik siyasəti 200 ildən çox davam edirdi. Ermənilər Azərbaycan ərazisində məskunlaşdıqları dövrdən etibarən xalqımızın toponimlərini dəyişməyə başlamış, münbit əraziləri ələ keçirməyə çalışmış və əksəriyyət təşkil etdikləri yaşayış məntəqələrində azərbaycanlıları sıxışdırmışlar. İfrat millətçilik üzərində qurulmuş Daşnaksutyun siyasəti də bu düşmənçiliyi dərinləşdirdi. Rusiya inqilablarının yaratdığı şəraitdən sui-istifadə edərək erməni qəsbkarları 1905–1907-ci və 1918-ci illərdə yüz minlərlə soydaşımızı vəhşicəsinə qətlə yetirmişlər. 1918–1920-ci illər isə xalqımızın yaddaşında erməni silahlı quldur dəstələrinin xüsusi qəddarlığı ilə yadda qalmışdır. Həmin illərdə İrəvanda, Dərələyəzdə, Zəngəzurda, Göyçədə, Tiflisdə, Naxçıvanda, Bakıda, Gəncədə, Şamaxıda, Qubada, Lənkəranda, Qarabağda, Muğanda, Göyçayda on minlərlə dinc azərbaycanlı əhali soyqırımına məruz qalmış, yaşadıqları yerlərdən qovulmuş, onlara işgəncələr verilmiş, yüzlərlə yaşayış məntəqəsi dağıdılıb yerlə yeksan edilmişdir.Rəsmi İrəvanın “dənizdən dənizə Ermənistan” adlı sərsəm ideyası növbəti faciələrə yol açdı. 1948–1956-cı illərdə Ermənistandakı öz tarixi dədə-baba torpaqlarından 150 minə yaxın azərbaycanlı deportasiya olunaraq Azərbaycanın Kür-Araz düzənliyində yerləşdirilmişdir. 1987-ci ildən başlayaraq daha 300 minə yaxın azərbaycanlı öz doğma yurdundan qovulmuş, bununla da Ermənistan monoetnik dövlətə çevrilmişdir. 1988-ci ildə başlayan Qarabağ hadisələri, erməni ideoloqlarının “dənizdən dənizə Ermənistan” adlı sərsəm ideyasını reallaşdırmaq cəhdi kəndlərin, şəhərlərin dağılması, on minlərlə günahsız insanın ölümü, yüz minlərlə azərbaycanlının öz tarixi torpaqlarından didərgin düşməsi ilə nəticələnmışdir.Xarici havadarları tərəfindən silahlandırılan ermənilər Azərbaycan ərazisinin 20%-ni işğal etmişdilər. İşğal zamanı yaşayış məntəqələri dağıdılmış, dinc əhali amansızcasına qətlə yetirilmişdir. Başlıbel, Ağdaban və Baqanis-Ayrım kəndlərində törədilmiş vəhşiliklər erməni faşizminin əsl simasını göstərir. Dinc azərbaycanlılara qarşı törədilən qətliamlar içərisində Xocalı qətliamı xüsusi qəddarlığı ilə seçilir. 1992-ci il fevralın 26-da Ermənistan hərbi birləşmələri 7 min əhalisi olan Xocalı şəhərində soyqırımı həyata keçirmişdir. Xocalı soyqırımı zamanı 613 nəfər, o cümlədən 106 qadın, 63 azyaşlı uşaq, 70 qoca öldürülmüş, 8 ailə tamamilə məhv edilmiş, 25 uşaq hər iki valideynini, 130 nəfər valideynlərindən birini itirmiş, 1000 nəfər müxtəlif yaşlı dinc sakin aldığı güllə yarasından əlil olmuşdur.Müharibəni təhrik edən əsas amillərdən biri beynəlxalq təşkilatların “ikili standartlar” siyasəti oldu. Münaqişənin nizamlanması üçün 1992-ci il 24 mart tarixində təsis olunmuş ATƏM-in (indiki ATƏT) Minsk qrupu fəaliyyətinin 29 ili ərzində məsələnin həllinə yox, dondurulmasına çalışmış və bununla da illər ərzində aparılan danışıqlar nəticəsiz qalmışdır. Həm işğalçıya, həm də işğala məruz qalmış tərəfə eyni münasibət bəslənilmiş və beynəlxalq qətnamələr kağız üzərində qalmışdır. Azərbaycan daim beynəlxalq hüquqa sadiqliyini nümayiş etdirmiş və münaqişənin danışıqlar vasitəsilə həllinə çalışmışdır. Birləşmiş Millətlər Təşkilatı (BMT) işğalçı Ermənistana təzyiq göstərməkdə acizlik nümayiş etdirmiş, tərəfləri sülhə çağıran bəyanatlarla kifayətlənmişdir. BMT Təhlükəsizlik Şurasının Ermənistan silahlı qüvvələrinin işğal olunmuş Azərbaycan ərazilərindən dərhal çıxarılmasını tələb edən 4 qətnaməsi 27 il kağız üzərində qalmış və icra olunmamışdır. Belə ki, Azərbaycana qarşı hərbi təcavüzün nəticələrinin aradan qaldırılması və BMT Təhlükəsizlik Şurasının 822, 853, 874 və 884 saylı qətnamələrinin həyata keçirilməsi üzrə 30 ilə yaxın davam edən danışıqlar prosesi Ermənistanın destruktiv mövqeyinə görə nəticə verməmişdir.30 il ərzində Ermənistan işğalçı siyasətini davam etdirmiş, ərazilərimizdə təxribatlar törətmiş, təmas xətti boyunca yaşayan dinc əhalimizə mütəmadi atəş açmış, onların rahat yaşamasına imkan verməmişdir. Lakin Azərbaycan xalqı işğalla heç zaman barışmamışdır. 2016-cı il aprel ayında Lələtəpə və 2020-ci il iyul ayında Tovuz döyüşləri zamanı Azərbaycan bu işğalla barışmayacağını nümayiş etdirmişdir. Lakin Ermənistan bu döyüşlərdən də nəticə çıxarmamış, Azərbaycana qarşı diversiyaları davam etdirmiş, erməni siyasətçiləri xalqımıza qarşı aşağılayıcı və təxribatçı bəyanatlar vermişlər. 2020-ci il 27 sentyabr tarixində atəşkəs rejimini kobud şəkildə pozan Ermənistan silahlı qüvvələri cəbhə boyu Azərbaycan silahlı qüvvələrinin mövqelərinə intensiv zərbələr endirməklə yanaşı Tərtər, Ağdam, Füzuli və Cəbrayıl rayonlarının yaşayış məntəqələrini qəsdən artilleriya atəşinə tutaraq Azərbaycana qarşı növbəti təcavüzə başladılar. Nəticədə, hərbi qulluqçular ilə yanaşı Azərbaycanın 11 dinc sakini, o cümlədən 2 uşaq həlak olmuşdur. Bu hərbi təxribat sülhsevər və tolerant Azərbaycan xalqının səbir kasasına son qoydu. Düşmənin hərbi təxribatını dəf etmək və təcavüzünə son qoymaq məqsədilə Silahlı Qüvvələrin Ali Baş Komandanı İlham Əliyev dərhal bütün cəbhə boyu əks-hücuma keçmək əmri verdi.Azərbaycan Ordusunun sentyabrın 27-də Qarabağda başladığı uğurlu əks-hücum əməliyyatı nəticəsində noyabrın 9-dək 5 şəhər, 4 qəsəbə və 286 kənd işğaldan azad edildi. Cəbrayıl şəhəri və rayonun 90 kəndi, Füzuli şəhəri və rayonun 53 kəndi, Zəngilan şəhəri, rayonun Mincivan, Ağbənd, Bartaz qəsəbələri və 52 kəndi, Xocavənd rayonunun Hadrut qəsəbəsi və 35 kəndi, Tərtər rayonunun 3 kəndi, Qubadlı şəhəri və rayonun 41 kəndi, Xocalı rayonunun 9 kəndi, Şuşa şəhəri, Laçın rayonunun 3 kəndi, həmçinin Ağdərə və Murovdağ istiqamətlərində bir neçə strateji yüksəklik, Zəngilanda isə Bartaz, Sığırt, Şükürataz yüksəklikləri və daha 5 adsız yüksəklik azad olundu. Qələbə hərbi-siyasi yollarla təmin edildi. Hərbi müstəvidə əldə edilmiş qələbənin siyasi müstəvidə davam etdirilməsi nəticəsində 44 günlük Vətən müharibəsindən sonrakı 20 gün ərzində 3 rayon – noyabrın 20-də Ağdam, noyabrın 25-də Kəlbəcər, dekabrın 1-də isə Laçın Azərbaycana təhvil verildi. 2022-ci il avqustun 26-da Laçın şəhəri, Zabux və Sus kəndləri nəzarətə götürüldü. Bununla da üçtərəfli bəyanata uyğun olaraq, Ağdam, Kəlbəcər və Laçın rayonlarının sülh yolu ilə qaytarılması prosesi yekunlaşdı.Vətən Müharibəsi Azərbaycanın tarixi qələbəsi ilə yekunlaşdı. Azərbaycanın mədəniyyət paytaxtı hesab edilən Şuşa şəhəri Şanlı Azərbaycan Ordusu tərəfindən azad edildikdən dərhal sonra, noyabrın 10-da Azərbaycan Prezidenti, Ermənistanın baş naziri və Rusiya Prezidenti münaqişə zonasında atəşin və bütün hərbi əməliyyatların tam dayandırılması barədə bəyanat imzalayıblar. Bu 44 günlük müharibə Azərbaycan torpaqlarının uzun müddət davam edən işğalına son qoydu. Vətən müharibəsində 2908 Azərbaycan hərbçisi şəhid olmuş, mindən çox əsgər yaralanmış, 6 nəfər itkin düşmüşdür. Müharibə dövründə hamımız bir şüarla yaşayırdıq – öldü var, döndü yoxdur! Qələbəmiz milli iradə, milli ruh, milli ləyaqət təntənəsidir. Azərbaycan xalqı Azərbaycan Ordusunun arxasında möhkəm dayanaraq ordumuza əlavə güc verirdi.Vətən müharibəsi bizim şanlı tariximiz, şəhidlər və qazilər qürur mənbəyimizdir. Respublikamızın suverenliyi və ərazi bütövlüyü uğrunda gedən mübarizədə qəhrəmanlıq göstərən əsgər və zabitlərimiz, arxa cəbhədə çalışan mülki insanlarımız, bütövlükdə xalqımız əzm və iradə, bir yumruq kimi birlik və həmrəylik nümayiş etdirərək, düşmənə sarsıdıcı zərbələr endirib. Biz şəhidlərin qisasını döyüş meydanında aldıq. Bu Qələbəni bizə bəxş edən qəhrəman əsgər və zabitlərimiz bizim qürur mənbəyimizdir. Onların qəhrəmanlığı, onların şücaəti, fədakarlığı artıq dastana çevrilib. Biz bundan sonra qalib ölkə, müzəffər xalq kimi yaşayacağıq və azad edilmiş torpaqları quracağıq, bərpa edəcəyik. Prezident, Müzəffər Ali Baş Komandan İlham Əliyev bu barədə vurğulamışdır: “Birinci Qarabağ və İkinci Qarabağ müharibələrinin şəhidləri bizim qəlbimizdə əbədi yaşayacaq. Allah bütün şəhidlərimizə rəhmət eləsin. Onların qəhrəmanlığı, fədakarlığı nəticəsində biz torpaqlarımıza qayıdırıq. Allah bütün yaralı hərbçilərimizə şəfa versin, onlar tezliklə sağalıb normal həyata dönsünlər, onların sağalması üçün də əlimizdən gələni edirik və edəcəyik. Hətta ən ağır vəziyyətdə olan yaralı əsgərimiz, zabitimiz bilməlidir, əlimizdən gələni edəcəyik ki, onu normal həyata qaytaraq. Biz bu Qələbəyə görə onlara borcluyuq.”Anım Günü dərin ehtiramın ifadəsidir. Prezident İlham Əliyevin 2020-ci il 2 dekabr tarixli Sərəncamına əsasən Vətən müharibəsində qəhrəmancasına döyüşmüş, Azərbaycan Bayrağını işğaldan azad edilən torpaqlarımızda dalğalandırmış, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq, hər il sentyabrın 27-si Azərbaycan Respublikasında Anım Günü kimi qeyd edilir.Şəhidlərimizin əziz xatirəsi hər il sentyabrın 27-də saat 12:00-da ölkəmizin bütün ərazisində bir dəqiqəlik sükutla yad olunur. Vətən müharibəsi zamanı Azərbaycanın ərazi bütövlüyü uğrunda döyüşlərdə həlak olmuş əsgər və zabitlərimizə, qətlə yetirilən mülki vətəndaşlara və itkin düşmüş soydaşlarımıza ehtiram əlaməti olaraq 2021-ci il sentyabrın 27-də – Anım Günündə Bakı şəhərində yürüş təşkil edilmişdir. Prezident İlham Əliyev və birinci xanım Mehriban Əliyeva bu yürüşdə iştirak etmişdilər.Dövlət hər zaman öz əsgərinin yanındadır. Prezident, Müzəffər Ali Baş Komandan İlham Əliyev Vətən uğrunda canından keçən şəhidlərimizin xatirəsinə daim yüksək ehtiram göstərir, onların xatirəsinin əbədiləşdirilməsini, eləcə də qazilərimizin müalicəsini və sağlamlıqlarının bərpasını diqqət mərkəzində saxlayır. Bu məqsədlə bütün aidiyyəti dövlət qurumlarının potensialı səfərbər olunmuşdur. Vətən müharibəsində Qələbə münasibətilə medal və ordenlərin təsis olunması yeni Qələbənin əbədiləşdirilməsi və iştirakçılara ayrılan ali diqqətin təcəssümüdür. Azərbaycan Respublikası ərazilərinin işğaldan azad olunması zamanı hərbi əməliyyatlarda iştirak edərək igidlik və şücaət nümayiş etdirmiş, vəzifə borcunu ləyaqətlə və vicdanla, döyüş tapşırıqlarını uğurla yerinə yetirmiş Silahlı Qüvvələrin hərbi qulluqçuları Prezident, Müzəffər Ali Baş Komandan İlham Əliyevin sərəncamları ilə müxtəlif orden və medallarla təltif olunublar. Vətən müharibəsində qələbə münasibətilə “Zəfər” və “Qarabağ” ordenləri, həmçinin 15 yeni – “Vətən Müharibəsi Qəhrəmanı”, “Cəsur döyüşçü”, “Döyüşdə fərqlənməyə görə”, “Suqovuşanın azad olunmasına görə”, “Cəbrayılın azad olunmasına görə”, “Xocavəndin azad olunmasına görə”, “Füzulinin azad olunmasına görə”, “Zəngilanın azad olunmasına görə”, “Qubadlının azad olunmasına görə”, “Şuşanın azad olunmasına görə”, “Kəlbəcərin azad olunmasına görə”, “Ağdamın azad olunmasına görə”, “Laçının azad olunmasına görə”, “Vətən müharibəsi iştirakçısı” və “Vətən müharibəsində arxa cəbhədə xidmətlərə görə” medalları təsis olunub.Prezident İlham Əliyevin təşəbbüsü ilə salınmış Hərbi Qənimətlər Parkının açılışı 2021-ci il 12 aprel tarixində olub. 5 hektar ərazini əhatə edən Parkda eksponatlar arasında Silahlı Qüvvələrimizin işğaldan azad olunan ərazilərdə ermənilərdən qənimət götürdüyü 2 mindən çox hərbi avtomobilin nömrə nişanlarından hazırlanan və üzərində “Qarabağ Azərbaycandır!” şüarı əks olunan kompozisiya, Ermənistan tərəfindən törədilən müharibə cinayətləri, o cümlədən döyüş bölgəsindən uzaq olan ərazilərimizin raket zərbələrinə məruz qalması, dinc sakinlərin qətlə yetirilməsi və yaralanması barədə faktlar, düşmən tərəfindən Azərbaycan ərazisinə atılmış “İsgəndər-M” raketinin qalıqları var. Burada Vətən müharibəsinin gedişində düşməndən qənimət götürülən hərbi texnikanın bir qismi, ümumilikdə 300-dən çox eksponat, o cümlədən 150-dək ağır texnika, tanklar, döyüş maşınları, artilleriya qurğuları, zenit-raket kompleksləri, atıcı silahlar, hərbi nəqliyyat sərgilənir. Təqdim edilən eksponatlar, 10 səddən ibarət müdafiə sistemi, sığınacaqlar, hərbi kazarmalar, Vətən müharibəsinin gedişatı barədə məlumatlar Azərbaycana Zəfər qazandıran döyüşləri bir daha göz önündə canlandırmağa geniş imkan yaradır.Prezident İlham Əliyevin 2020-ci il dekabrın 3-də imzaladığı Sərəncamda Azərbaycan xalqının Vətən müharibəsində göstərdiyi misilsiz qəhrəmanlığın və qazandığı möhtəşəm tarixi Zəfərin yaddaşlarda yaşadılması və ictimaiyyətə nümayiş etdirilməsi, şəhidlərimizin əziz xatirəsinin əbədiləşdirilməsi məqsədilə Bakıda Vətən müharibəsi memorial kompleksinin və Zəfər muzeyinin yaradılması tapşırılmışdır. Sərəncamdan dərhal sonra Vətən müharibəsi memorial kompleksinin və Zəfər muzeyinin layihələri hazırlandı və tikinti işlərinə başlanıldı. 2024-cü il noyabrın 8-də kompleksdə Zəfər parkının açılış mərasimi keçirilib. Paytaxtın 8 Noyabr prospektində inşa olunan Zəfər parkının ərazisi 10 hektara yaxındır. Parkın girişində 44 günlük Vətən müharibəsinin rəmzi kimi hündürlüyü 44 metr, eni 22 metr, sütunlarının sayı 44 olan Zəfər tağı inşa edilib. Parka keçid hissədə 8 Noyabr – Zəfər Gününü əks etdirən memorial abidə ucaldılıb. Abidə Zəfər Gününü və sarsılmaz birliyi təcəssüm etdirir. Zəfər parkında, həmçinin tematik bağça, kaskad tipli şəlalə, Qarabağ yaddaş bağçası və parka ümumi baxış nöqtəsi yaradılıb. Yaddaş bağçasının ətrafında istirahət guşələri salınıb. Parkın sonunda Azadlıq Bayrağı Meydanı inşa olunub.2025-ci ilin noyabrın 8-də Zəfər muzeyinin açılışı olmuşdur. Burada 8 ekspozisiya zalı yaradılıb: “Qarabağ və Şərqi Zəngəzur. Əsrlərin hekayəsi”, “Ermənistan–Azərbaycan münaqişəsi. Tarixə baxış”, “44 günlük Vətən müharibəsi. “Dəmir yumruq” əməliyyatı”, “Şanlı Zəfər. Şuşanın azad olunması”, “Qəhrəmanlar yolu”, “Qarabağ Azərbaycandır!”, “Dövlət suverenliyinin bərpası. 20.09.2023”, “Qarabağ və Şərqi Zəngəzur. Dirçəliş”. Muzeyin girişində tarixi Qələbənin rəmzinə çevrilmiş “Dəmir yumruq” instalyasiyası və Prezident İlham Əliyevin çıxışından fikirlər əks olunur. Muzeyi əhatə edən divarda 44 günlük Vətən müharibəsində şəhid olmuş qəhrəmanlarımızın adı ehtiram əlaməti kimi həkk edilib. Muzeyin ekspozisiya zallarında isə Qarabağda Vətən müharibəsinədək və Zəfər Günündən sonra həlak olmuş şəhidlərimizin adları var.Bütün qazilərə, şəhid ailələrinə dövlət tərəfindən hərtərəfli köməklik göstərilir. Müharibə dövründə əlini, qolunu itirmiş qazilərimiz üçün ən müasir protezlər sifariş edilmişdir. Əsas məqsədi şəhid ailələrinin və hərbi əməliyyatlar nəticəsində əlilliyi müəyyən olunmuş şəxslərin sosial müdafiəsi sahəsində dövlət tərəfindən həyata keçirilən tədbirlərə əlavə dəstək verilməsi istiqamətində vətəndaş cəmiyyəti təşəbbüslərinin reallaşdırılması üçün yaradılmış “YAŞAT” Fondu tərəfindən indiyədək 19 mindən yuxarı şəxs öhdəliyə götürülmüşdür, 96 milyona yaxın vəsait müvafiq istiqamətlər üzrə xərclənmişdir.Bütün şəhidlərimizin ruhu qarşısında bir daha baş əyir, onların əziz xatirəsini dərin ehtiramla yad edirik. Şəhidlərimizin qanı ilə yazılan bu şanlı Zəfər Azərbaycan xalqının qəlbində əbədi yaşayacaq -
25SenMilli-mənəvi dəyərlər Milli Birliyin və Qəhrəmanlığın rəmzi – 27 Sentyabr üçün şərhlər bağlıdır
27 Sentyabr Anım Günü Azərbaycan Respublikasında Vətən müharibəsində şəhid olmuş qəhrəmanlarımızın xatirəsini anmaq məqsədilə təsis olunmuş rəsmi gündür.Bu tarix Prezident İlham Əliyevin 2 dekabr 2020-ci il tarixli sərəncamı ilə Anım Günü kimi elan olunmuşdur. 2020-ci ilin 27 sentyabr tarixində Ermənistan silahlı qüvvələrinin genişmiqyaslı təxribatlarına cavab olaraq Azərbaycan Ordusu əks-hücum əməliyyatlarına başlamış və 44 gün davam edən Vətən müharibəsində torpaqlarımızın böyük hissəsini işğaldan azad etmişdir.
2020-ci ilin 27 sentyabr səhəri Ermənistan silahlı qüvvələri cəbhənin müxtəlif istiqamətlərində Azərbaycan Ordusunun mövqelərini və yaşayış məntəqələrini intensiv atəşə tutdu. Cavab olaraq, Azərbaycan Ordusu əks-hücum əməliyyatına başladı və bu əməliyyatlar 44 gün davam etdi. Nəticədə- Şuşa şəhəri də daxil olmaqla yüzlərlə şəhər, kənd və qəsəbə işğaldan azad olundu,Azərbaycan tarixi ədaləti və ərazi bütövlüyünü bərpa etdi. 10 noyabr 2020-ci ildə üçtərəfli Bəyanat imzalanaraq müharibə dayandırıldı.
Vətən müharibəsi Azərbaycan üçün böyük bir qələbə oldu. Bu müharibə göstərdi ki, müstəqillik və ərazi bütövlüyü hər şeydən üstündür və qorunmalıdır. Bu hər bir Azərbaycan vətəndaşının müqəddəs borcudur. Şəhidlərimizin qanı ilə əldə edilən bu zəfər Azərbaycanın gələcək inkişafı üçün möhkəm təməl yaratdı.
Vətən müharibəsində Azərbaycan yüzlərlə igid övladını şəhid verdi. Onların fədakarlığı və qəhrəmanlığı nəticəsində bu qələbə mümkün oldu. Onların ruhu Azərbaycan xalqının qəlbində əbədi yaşayacaq. Bu gün hər bir şəhidin ailəsi və doğmaları dövlət tərəfindən diqqət və qayğı ilə əhatə olunmuş, qazilərimiz isə müvafiq sosial dəstək proqramları ilə təmin olunmuşdur.
27 Sentyabr həm də Azərbaycanın milli birlik və həmrəyliyinin göstəricisidir. Xalqın hər bir üzvü, fərq etməz ki, harada yaşasın, vətənin müdafiəsi üçün birləşdi. Bu müharibədə qazanılan qələbə Azərbaycan xalqının qürur mənbəyidir və gələcək nəsillərə ötürüləcək böyük bir tarixdir.
Hər il 27 Sentyabr ölkə üzrə sükut dəqiqəsi, anım mərasimləri, şəhidlərimizin məzarlarının ziyarəti, fənn dərslərində və tədbirlərdə vətənpərvərlik mövzuları ilə qeyd olunur. Eyni zamanda dövlət və ictimai qurumlar, təhsil müəssisələri və mədəniyyət ocaqları bu günlə bağlı silsilə tədbirlər həyata keçirir.
Anım Günü yalnız Azərbaycan xalqının birliyi, döyüş ruhu, vətən sevgisi və qəhrəmanlıq salnaməsinin simvoludur. Bu gün şəhidlərimizin qanı bahasına əldə edilmiş Zəfərin başlanğıc nöqtəsidir.
Taleh İsazadə,
YAP Tərtər rayon təşkilatı Statistika
Ərazi partiya təşkilatının sədr müavini
-
25SenMilli-mənəvi dəyərlər “Anırıq, Yaşadırıq, Unutmarıq” üçün şərhlər bağlıdır
27 Sentyabr – Anım Günü ilə əlaqədar Tərtər rayon Heydər Əliyev Mərkəzi və Qarabağ Regional Gənclər və İdman İdarəsinin birgə təşkilatçılığı ilə “Anırıq, Yaşadırıq, Unutmarıq” adlı tədbir keçirilib.
Tədbirdə Tərtər Peşə Məktəbinin kollektivi və şəhid ailələri iştirak ediblər.
Tədbir zamanı 27 Sentyabr – Anım Gününün tarixi əhəmiyyəti, Vətən müharibəsində xalqımızın göstərdiyi həmrəylik və şəhidlərimizin keçdiyi şərəfli döyüş yolu barədə məlumat verilib.
Tədbirdə şəhid anaları çıxış edərək öz övladları haqqında danışıb, onların həyatından, Vətənə sevgisindən, keçdikləri döyüş yolundan və göstərdikləri qəhrəmanlıqdan söz açıblar. Şəhid anaları övladlarının xatirəsinin daim qəlblərdə yaşayacağını bildirərək, onların Vətən uğrunda göstərdikləri fədakarlıqla fəxr etdiklərini vurğulayıblar.
Qarabağ Regional Gənclər və İdman İdarəsinin Gənclər İş Sektorunun müdiri Orxan Fəxrəddinov çıxışında 27 Sentyabr – Anım Gününün xalqımızın yaddaşında xüsusi yer tutduğunu qeyd edib, şəhidlərimizin əziz xatirəsinin daim ehtiramla yad edildiyini bildirib.
Tərtər Peşə Məktəbinin psixoloqu Altunə Bayramova çıxış edərək şəhid ailələrinə göstərilən diqqət və qayğının, şəhidlərimizin həyat və döyüş yolunun gələcək nəsillərə çatdırılmasının əhəmiyyətindən danışıb.
Sonda Tərtər rayon Heydər Əliyev Mərkəzinin direktoru Səlimə Yusibova çıxış edib. O, 27 Sentyabr – Anım Gününün şəhidlərimizin əziz xatirəsinə ehtiramın ifadəsi olduğunu bildirərək, onların qəhrəmanlığının gələcək nəsillərə çatdırılmasının vacibliyini vurğulayıb.
Səlimə Yusibova, həmçinin Cənab Prezident İlham Əliyevin rəhbərliyi ilə şəhid ailələrinə və qazilərə göstərilən dövlət qayğısından bəhs edərək, onların sosial müdafiəsinin gücləndirilməsi və rifahının yaxşılaşdırılması istiqamətində həyata keçirilən tədbirlərin əhəmiyyətini qeyd edib. O, şəhid ailələrinin daim diqqət və qayğı ilə əhatə olunmasının vacibliyini vurğulayıb.
Tədbirin sonunda 27 Sentyabr – Anım Gününə həsr olunmuş videoçarx nümayiş etdirilib.
Şəhidlərimizin əziz xatirəsini dərin ehtiram və sonsuz minnətdarlıqla yad edirik.
Allah bütün şəhidlərimizə rəhmət eləsin!
-
24SenMilli-mənəvi dəyərlər 27 Sentyabr Tariximizin vətəndaşlıq və qəhrəmanlıq salnaməsidir üçün şərhlər bağlıdır27 Sentyabr Anım Günü Azərbaycan xalqının müasir tarixində həm dərin hüznün, həm də sarsılmaz milli qürurun və Böyük Zəfərin rəmzidir. Otuz ilə yaxın bir dövr ərzində Azərbaycan Respublikası daim beynəlxalq hüququn norma və prinsiplərinə sadiqlik nümayiş etdirmiş, münaqişənin dinc və danışıqlar vasitəsilə həllinə səy göstərmişdir. Lakin Ermənistanın ifrat millətçilik və şovinizm ideologiyası üzərində qurulmuş Daşnaksutyun siyasəti regionda sülhün bərqərar olunmasına imkan verməmiş, etnik təmizləmə və işğalçılıq xəttini davam etdirmişdir. Ermənistan rəhbərliyinin ardıcıl hərbi təxribatları və BMT Təhlükəsizlik Şurasının məlum qətnamələrini nümayişkaranə şəkildə qulaqardı etməsi münaqişənin dinc yolla həllini imkansız etmişdir.
2020-ci il sentyabrın 27-də Ermənistan silahlı qüvvələrinin növbəti genişmiqyaslı hərbi təxribatına cavab olaraq Azərbaycan Ordusu Müzəffər Ali Baş Komandan İlham Əliyevin rəhbərliyi ilə “Dəmir yumruq” əks-hücum əməliyyatına başladı. 44 gün davam edən Vətən müharibəsi Azərbaycan xalqının mübarizə əzmini və ordumuzun yenilməz gücünü sübut etdi. Azərbaycan Respublikasının Prezidenti, Müzəffər Ali Baş Komandan İlham Əliyev Anım Günündə xalqımıza müraciət edərək şəhidlərimizin müqəddəs xatirəsi qarşısında baş əydiyini bəyan etmişdir. Daha ətraflı »
-
24SenMilli-mənəvi dəyərlər Zəfərə aparan tarixi yol 27 sentyabr 2020- ci il üçün şərhlər bağlıdır
Ermənistan silahlı qüvvələrinin Azərbaycan torpaqlarını işğal etməsi azərbaycanlıları doğma yurd-yuvalarından didərgin salmaqla yanaşı, ölkəmizin mədəni irsinə, iqtisadiyyatımıza da ağır zərbə vurmuşdur. Ermənistan 30 il ərzində Azərbaycan ərazilərini acınacaqlı duruma salmış, şəhər və kəndlərimizi, abidələrimizi, hətta qəbristanlıqlarımızı dağıtmış, infrastrukturu məhv etmiş, ölkəmizə mənəvi itkilərlə yanaşı, milyardlarla dollar dəyərində maddi ziyan vurmuşdur.Ermənistanın Respublikasının ölkəmizə qarşı 2020-ci il sentyabrın 27-dən başlayan növbəti hərbi təcavüzünə cavab olaraq, Azərbaycan Respublikası Silahlı Qüvvələri Ali Baş Komandanın rəhbərliyi altında işğal altındakı torpaqlarımızın azad edilməsi məqsədilə Vətən müharibəsinə başlamışdır. Azərbaycan Respublikasının suverenliyi və ərazi bütövlüyü uğrunda gedən mübarizədə rəşadət göstərən əsgər və zabitlərimiz, arxa cəbhədə çalışan mülki insanlarımız, bütövlükdə xalqımız əzm və iradə, bir yumruq kimi birlik və həmrəylik nümayiş etdirərək, düşmənə sarsıdıcı zərbələr endirmişdir. 44 günlük Vətən müharibəsi Ermənistanın işğalçılıq siyasətinə son qoydu, düşmənə unutmayacağı tarixi dərs verdi. Qəhrəman hərbçilərimizin misilsiz rəşadəti hesabına, cənnətməkan şəhidlərimizin müqəddəs qanı bahasına bütün dünya Azərbaycanın şanlı qələbəsinin şahidi oldu. Müharibənin gedişində də çox fərqli dairələrdən gələn ardıcıl təzyiqlər, təhdidlər Azərbaycanı öz haqq yolundan döndərə bilmədi. Daha ətraflı »
-
24SenMilli-mənəvi dəyərlər Tərtərin yaddaşından Vətən üçün verilən canlar unudulmur üçün şərhlər bağlıdır
27 Sentyabr – Anım Günü xalqımızın yaddaşında həm ağrı, həm də qürur hissi ilə yaşanan xüsusi bir gündür. Bu tarix 2020-ci il sentyabrın 27-də başlayan Vətən müharibəsinin ilk gününü, Azərbaycanın ərazi bütövlüyü uğrunda canından keçən şəhidlərimizin əziz xatirəsini yad etdiyimiz günü ifadə edir. Həmin gün başlayan 44 günlük müharibə Azərbaycanın tarixində böyük Zəfərlə nəticələndi.
Bu tarixin Tərtər üçün isə tamam başqa bir mənası var. Çünki Tərtər torpağı müharibənin ağrısını illərlə öz üzərində hiss edən, düşmən atəşinə məruz qalan, şəhidlərinin, qazilərinin izlərini yaşadan bir yurddur. 2020-ci ilin sentyabrında başlayan döyüşlər zamanı Tərtər və ətraf ərazilərdə ağır döyüşlər getdi. Suqovuşan, Talış və Ağdərə istiqamətlərində gedən döyüşlər Tərtərin müharibə tarixində xüsusi yer tutur. Bu döyüşlərdə Tərtərdən olan igid oğullarımız da Vətənin azadlığı uğrunda qəhrəmancasına mübarizə apardılar.
Bu gün Tərtərin küçələrində, kəndlərində şəhidlərimizin adı yaşayır. Onların hər birinin arxasında bir ailə, bir ana, bir ata, bir övlad, bir yarımçıq qalan həyat hekayəsi var. Şəhidlər Vətənin bütövlüyü naminə öz həyatlarını fəda etdilər. Onların ailələri isə ömürlərinin ən ağır imtahanı ilə üz-üzə qaldılar. Daha ətraflı »
Yeni ismarıclar