Biz dünyəvi bir dövlətdə yaşayırıq. Planetimizdəki dövlətlər arasında Azərbaycan əmin-amanlıq, sabitlik hökm sürən cəmi bir neçə ölkədən biridir. Əgər 6 il bundan əvvəl bizi nankor qonşularımız narahat edirdilərsə, indi müzəffər Ali Baş Komandan, Prezident İlham Əliyevin rəhbərliyi altında Azərbaycan Ordusu onları yerində oturdub. 2023-cü ilin antiterror əməliyyatından sonra isə suverenliyimiz tam bərpa olundu. Müqəddəs Azərbaycan bayrağı ölkəmizin bütün ərazisində qürurla dalğalanır.
Belə bir ölkədə yaşamaq, təhsil almaq, işləmək qürurvericidir. Lakin 44 günlük Vətən müharibəsində əldə etdiyimiz Şanlı Zəfərimiz heç də bəzi xarici dövlətlərə xoş gəlmir. Birliyimizi sarsıtmaq, iqtisadi gücümüzü azaltmaq üçün onlar müxtəlif bəhanələr axtarırlar.
Lakin unudurlar ki, xalqımız həmişə yaxşını pisdən, düzü-əyridən ayırmağı bacarıb. Əsrlər boyu bu, belə olub, indi də belədir. Hal-hazırda ümumtəhsil məktəblərində təhsilalanlar və təhsilverənlər üçün ümumi məktəb geyiminin tətbiqi ilə bağlı yaranmış söhbətlərdə də vətəndaşlarımız qayda-qanunları müdafiə edir və bu məsələnin dinlə bağlı olmadığını söyləyirlər.
Gültəkin Əsədova, şəhər sakini, təqaüdçü:
– Mənim də iki məktəbli qız nəvəm var. Hər səhər onlar səliqəli məktəb geyimində evdən çıxanda, ürəyim da-ğa dönür. Şükür edirəm ki, rahat dərslərini keçib evə dönəcəklər. Ötən əsrin 90-cı illərində, öz uşaqlarımız təhsil aldığı zaman belə sakit deyildik. Bilmirdik ki, uşaqları ermənilərin terrorundan necə qoruyaq. Təhlükəli vəziyyət idi. İndi ümumtəhsil məktəblərində tələb olunan vahid şagird geyiminin nəyi pisdir ki? Axı, bu, din məsələsi deyil. Bizim dövlətimizdə bütün dinlərə hörmətlə yanaşılır. Məsələ ondadır ki, hələ 18 yaşına çatmamış məktəbli qızlar nəyə görə başlarını bağladıqlarını anlamırlar, bunu böyüklərin təhriki ilə edirlər. Belə uşaqlar məktəbdə yoldaşlarından seçilir, bu isə şagirdlərin fikrini təhsil prosesindən yayındırır. Mən bir nənə kimi tövsiyə edirəm ki, qızlarımız özləri böyüyüb hansı geyimdə olmalarına qərar verə bilənədək, onların uşaqlığını, xoşbəxt gələcəyini əllərindən almayaq.
İlahə Paşazadə, gənc valideyn:
–Düşünmürəm ki, hicabla məktəbə gələn qızlar bu addımı könüllü surətdə edirlər. Çünki hələ o yaşda deyillər ki, dinimizin qaydalarına əməl edə bilsinlər. Yəqin ki, böyüyərlər, həyat haqqında daha məlumatlı olarlar və o zaman öz geyimləri ilə bağlı qərar verərlər. Məktəb illəri hər bir insanın həyatında ən həlledici və unudulmaz dövrdür. Məhz sinif otaqlarında cəmiyyətimizin gələcəyi formalaşır. Ona görə də burada bərabərlik, sağlam mühit və milli-mənəvi dəyərlərimizə uyğun təlim və tərbiyə olmalıdır.
Maya İsgəndərova, şəhid anası:
– Ölkəmiz 44 günlük Vətən müharibəsində qalib gəldi, şəhidlərimizin qanı və canı bahasına torpaqlarımızı işğaldan azad etdik . Ancaq qələbə qazanmaq hələ o demək deyil ki, arxayınlaşıb oturmalıyıq. Düşmənlər yenə də sakitləşməyiblər. Azərbaycanın qüdrətli dövlətə çevrilməsi çoxlarının ürəyincə deyil. Odur ki, bəzi insanların həssas hisslərinə toxunaraq, bizə təsir göstərməyə çalışırlar. Belə bir məqamda hər bir vətəndaş dövlətinin yanında olmalıdır. Şəhid ailəsi kimi biz daim dövlətimizin dəstəyini hiss edirik. Əminəm ki, bu gün aparılan siyasət, ölkəmizdə sabitliyin qorunması üçün atılan hər bir addımı yenə də bizim rahat və azad yaşamağımız üçündür.
Beləliklə, tərtərlilərin bir neçəsi ilə söhbət edib fikirlərini qələmə aldıq. Onlar bildirdilər ki, heç bir xarici qüvvə, heç bir təxribat vətənpərvərliyimizə, dövlətçiliyimizə xələl gətirə bilməz.

Svetlana BAĞIROVA

6 il əvvəl bu gənclər-Vətən Müharibəsi Qəhrəmanı Azər Abdullazadə, Vətən Müharibəsi qazisi Amid Paşazadə və Vətən Müharibəsi qazisi Elvin İsmayılzadə döyüş meydanında qəhrəmanlıq göstərərək, Vətən qarşısında borclarını şərəflə yerinə yetirdilər. Bu yolda yaralandılar, qan tökdülər. Onların yaralarından axan qan düşmən tapdağı altında inləyən müqəddəs torpağımızın yaralarını sağaltdı, millətimizin başını uca, üzünü ağ etdi. Dövlətimiz igid oğulların şücaətini yüksək qiymətləndirdi. Azər Abdullazadə Vətən Müharibəsi Qəhrəmanı kimi şərəfli ada layiq görüldü. İndi onların hər üçünün sinəsini Azərbaycan Respublikasının Prezidenti, Ali Baş Komandan İlham Əliyevin Sərəncamları ilə təltif edildikləri medallar bəzəyir.
Elin-obanın böyük məhəbbətini qazanan bu oğullar müharibədən sonra ailə qurub, nümunəvi ailə sahibi olublar. Qeyd edək ki, Tərtər rayon İcra Hakimiyyətinin başçısı Müstəqim Məmmədov hər üç gəncin xeyir işində iştirak edərək, onları təbrik etmiş, xeyir-dua vermişdir. Artıq bu dualar eşidilib. İndi həmin ailələrdə övladlar dünyaya gəlib. 6 il bundan əvvəlki döyüş səhnələrini xoşbəxt ailə mühiti, övlad səsi əvəz edir. Evlərinin ən əziz qonağı isə yenə də rayon rəhbəridir. Bu günlərdə icra başçısı hər üç ailədə olaraq, gəncləri valideyn olmaları münasibətilə ürəkdən təbrik edib, körpələrin sağlam böyümələrini, layiqli övlad olmalarını arzulayıb. Bildirib ki, 44 günlük Vətən Müharibəsində qazanılan Şanlı Zəfər sayəsində ölkəmizin suvernliyi tam bərpa olundu. İndi xalqımız əmin-amanlıq şəraitində yaşayır, körpələr azad, müstəqil dövlətdə böyüyürlər. Lakin bu əmin-amanlığı gözü götürməyənlər çoxdur. Ona görə də əldə olunan nailiyyətləri qorumaq üçün hamı çalışmalıdır.
Azər Abdullazadə deyib:
-44 günlük Vətən Müharibəsi günlərində də, bugünkü ideoloji müharibədə də biz Prezidentimizin, dövlətimizin yanında olmuşuq və oluruq. Bizim üçün Vətən anlayışından yüksək bir anlayış yoxdur.
Gənclər onu da qeyd ediblər ki, böyüyən nəslin vətənpərvərlik ruhunda tərbiyəsində yaxından iştirak edəcəklər.

“Yeni Tərtər”

“Meyvəçilik, bağçılıq kənd təsərrüfatının gəlirli sahəsi olsa da, bu işlə məşğul olmağa qərar verən insandan ilk növbədə səbr, böyük zəhmət və innovativ üsullara üstünlük verilməsini tələb edir”. Bu sözləri “Tərtər-1” MMC-nin təsiscisi Muxtar Orucov söyləyib. O bildirib ki, müasir standartlara uyğun qurulan “Tərtər 1” MMC-nin ümumi əkin sahəsi 98 hektardır. Bu sahənin 75 hektarını xurma, 12 hektarını nektarin və 11 hektarını şaftalı təşkil edir. Bağların 49 hektarı isə yeni salınmışdır. Ümumilikdə, bağların salınmasına 3,8 milyon manat vəsait sərf edilib. Rayonun məşğulluğuna mühüm töhfə verən müəssisədə hazırda 14 nəfər daimi, 80 nəfər yerli sakin isə mövüsmi işlə təmin olunmuşdur.
Müəssisədə su ehtiyatlarından səmərəli istifadə edilməsi və su itkisinin qarşısının alınması məqsədilə müasir tələblərə cavab verən mütərəqqi avtomatlaşdırılmış damlama suvarma sistemi qurulub. Eyni zamanda, ərazidə suvarma suyunun fasiləsizliyini təmin etmək üçün 1,5 hektar sahədə tutumu 130 min kubmetr olan xüsusi süni göl yaradılıb ki, bu da bitkilərin vegetasiya dövründə optimal su təminatına tam zəmanət verir. Daha ətraflı »

Tədbirdə rayon icra hakimiyyətinin başçısı Müstəqim Məmmədov, “SOY Produc-tion” şirkətinin rəhbəri, “Əməkdar artist” Dilarə xanım Əliyeva,YAP rayon təşkilatının sədri Eldar Əsədov, hüquq-mühafizə orqanlarının rəhbərləri, şəhid ailələri, qazilər, Azərbaycanın Milli Qəhrəmanı Natiq Qasımovun ailə üzvləri, idarə, müəssisə və təşkilat kollektivləri iştirak ediblər.
Əvvəlcə Azərbaycan Respublikasının Dövlət Himni səsləndirilib. Sonra Ümummilli Lider Heydər Əliyevin və torpaqlarımızın suverenliyi uğrunda canlarını qurban vermiş şəhidlərin ruhu bir dəqiqəlik sükutla yad edilib.
“SOY Production” şirkətinin rəhbəri, “Əməkdar artist” Dilarə xanım Əliyeva tədbir iştirakçılarına filmin hazırlanması, ideyası və ərsəyə gəlmə prosesi haqqında məlumat verib.
Dilarə xanım bildirib ki, bu gün Azərbaycanın qəhrəmanlıq tarixinin unudulmaz səhifələrindən birinə həsr olunmuş “Düşmənə qarşı tək” filminin nümayişi münasibətilə bir araya gəlmişik. Bu film Birinci Qarabağ müharibəsi zamanı göstərdiyi misilsiz şücaətlə xal-qımızın yaddaşında əbədi yer tutmuş Azərbaycanın Milli Qəhrəmanı Natiq Qasımovun həyat və döyüş yoluna həsr olunub. Natiq Qasımovun qəhrəmanlığı Vətənə sədaqətin, cəsarətin, iradənin və mənəvi gücün parlaq nümunəsidir. Onun adı Azərbaycan xalqının qəhrəmanlıq salnaməsində xüsusi yer tutur. Belə qəhrəmanların həyat yolunun öyrənilməsi, onların şücaətinin gələcək nəsillərə çatdırılması hər birimizin mənəvi borcudur. Bu baxımdan, “Düşmənə qarşı tək” filminin ərsəyə gəlməsi və tamaşaçılara təqdim olunması mühüm əhəmiyyət daşıyır. Müasir texnologiyaların imkanlarından istifadə edilməklə hazırlanmış bu ekran əsəri tarixi yaddaşımızın qorunmasına, milli qəhrəmanlarımızın tanıdılmasına və gənclərin vətənpərvərlik ruhunda tərbiyəsinə xidmət edir. Daha ətraflı »

   2026-cı il oktyabrın 27-də Bakıda “Ortaq gələcək naminə dialoq” mövzusunda VII Ümumdünya Mədəniyyətlərarası Dialoq Forumunun açılış mərasimi keçirilib. Azərbaycan Respublikasının Prezidenti İlham Əliyev tədbirdə çıxış edərək mədəniyyətlərarası və dinlərarası dialoqun əhəmiyyətinə, beynəlxalq münasibətlərdə qarşılıqlı hörmət və etimadın vacibliyinə, Azərbaycanın sülh və əməkdaşlıq təşəbbüslərinə, eləcə də ölkəmizin beynəlxalq nüfuzunun artmasına dair mühüm fikirlər səsləndirib. Dövlət başçısının çıxışı müasir dünyada sivilizasiyalar arasında anlaşmanın gücləndirilməsi və qlobal problemlərin dialoq yolu ilə həlli baxımından xüsusi əhəmiyyət daşıyır.

Prezident İlham Əliyev vurğulayıb ki, Ümumdünya Mədəniyyətlərarası Dialoq Forumu ötən illər ərzində mədəniyyətlərarası münasibətlərin və qlobal gündəlikdə duran mühüm məsələlərin müzakirəsi üçün ən səmərəli beynəlxalq platformalardan birinə çevrilib. 2011-ci ildə Azərbaycanın təşəbbüsü ilə əsası qoyulan bu forum müxtəlif ölkələri, beynəlxalq təşkilatları və fərqli mədəniyyətləri təmsil edən insanları bir araya gətirərək qarşılıqlı anlaşmanın inkişafına mühüm töhfə verir. VII Forumda 100-dən artıq ölkədən 2000-dən çox iştirakçının qeydiyyatdan keçməsi tədbirin beynəlxalq miqyasını və qlobal əhəmiyyətini bir daha nümayiş etdirir. Daha ətraflı »

Müasir dünyada sülhün qorunması, xalqlar arasında qarşılıqlı etimadın möhkəmləndirilməsi, dini və mədəni müxtəlifliyin düzgün dəyərləndirilməsi bəşəriyyət qarşısında dayanan mühüm vəzifələrdəndir. Müharibələrin, siyasi qarşıdurmaların, ayrı-seçkiliyin və qarşılıqlı anlaşılmazlığın artdığı bir şəraitdə dialoqun əhəmiyyəti daha da yüksəlir. Belə bir zamanda müxtəlif sivilizasiyaların nümayəndələrini bir araya gətirən beynəlxalq platformaların fəaliyyəti xüsusi aktuallıq kəsb edir. Azərbaycan Respublikasının Prezidenti İlham Əliyevin 2026-cı il oktyabrın 27-də Bakıda keçirilən VII Ümumdünya Mədəniyyətlərarası Dialoq Forumunun açılış mərasimindəki çıxışı da məhz bu baxımdan mühüm əhəmiyyət daşıyır. “Ortaq gələcək naminə dialoq” mövzusuna həsr edilən forum Azərbaycanın beynəlxalq əməkdaşlığın genişləndirilməsi, mədəniyyətlər arasında körpülərin qurulması və qlobal problemlərin müzakirəsi istiqamətində həyata keçirdiyi siyasətin növbəti təzahürüdür. Prezident İlham Əliyev çıxışında ölkəmizin multikulturalizm ənənələrini, milli birliyin əhəmiyyətini, beynəlxalq hüquqa hörmətin vacibliyini, münaqişələrin həlli və davamlı sülhün təmin olunması məsələlərini geniş şəkildə diqqətə çatdırmışdır. Azərbaycanın coğrafi mövqeyi tarixən onu Şərqlə Qərbin, Avropa ilə Asiyanın qovuşduğu məkanlardan birinə çevirib. Əsrlər boyunca müxtəlif xalqların, dinlərin və mədəniyyətlərin nümayəndələri bu torpaqda yaşayıb, öz ənənələrini qoruyub və ümumi ictimai həyatın inkişafına töhfə veriblər. Bu tarixi təcrübə müasir Azərbaycan cəmiyyətinin mənəvi zənginliyinin əsas mənbələrindən biridir. Daha ətraflı »

Ən azından biz məsələyə belə yanaşırıq. Bundan əlavə, sizdə daha dolğun təsəvvür yaratmaq üçün onu da demək istəyirəm ki, Azərbaycanda bu 35 il ərzində əldə olunan bütün nailiyyətlər Azərbaycan xalqının öz zəhməti sayəsində mümkün olmuşdur. Biz heç bir beynəlxalq yardım almamışıq. Dağıntılardan, işğaldan, geniş yayılmış yoxsulluqdan tərəqqiyə, inkişafa və uğurlara doğru yol keçmişik;

Ümumdünya Mədəniyyətlərarası Dialoq Forumu mədəniyyətlərarası münasibətləri və digər əlaqədar məsələləri həll etmək üçün olduqca səmərəli və əhatəli platformalardan birinə çevrilmişdir.Qeydiyyatdan keçmiş 2000-dən artıq iştirakçı, 100-dən artıq ölkədən gəlmiş 500-dən çox qonağımız var. Əslində bu rəqəmlər göstərir ki, ötən 15 il ərzində Ümumdünya Mədəniyyətlərarası Dialoq Forumu mədəniyyətlərarası münasibətləri və digər əlaqədar məsələləri həll etmək üçün olduqca səmərəli və əhatəli platformalardan birinə çevrilmişdir. Çünki ənənəvi olaraq, biz forumlarda qlobal gündəlikdə duran təxirəsalınmaz məsələlər haqqında danışırıq. Bizim təşəbbüsümüzlə hələ 2011-ci ildə təşkil olunmuş ilk forumu çox yaxşı xatırlayıram. Biz həmin təşəbbüsə dəstək vermiş, həmçinin bu illər ərzində bizimlə olmuş tərəfdaşlarımıza və ilk növbədə, BMT-nin Sivilizasiyalar Alyansına çox minnətdarıq. Həmin vaxtdan etibarən xeyli dəyişikliklər baş vermişdir.Təbii ki, iki ildən bir keçirilən hər Forum zamanı biz hamımızı narahat edən məsələlər haqqında söhbət edirik. Əlbəttə, mədəniyyətlərarası və dinlərarası münasibətlərə aid məsələlər gündəliyimizdə birinci yer tutur. Azərbaycan tarixən hər zaman mədəniyyətlərin çox olduğu ölkə Daha ətraflı »

Azərbaycan Respublikasının Nazirlər Kabineti 2025-ci il 9 sentyabrda “Qubadlı şəhərinin 2040-cı ilədək inkişafına dair Baş planı”nı təsdiq etmişdir (https://e-qanun.az/framework/60498). Qubadlı rayonunun gələcək inkişafı ilə bağlı əməli-praktiki işlər aparılır.

İşğala qədər 38 min nəfərdən çox əhalisi olan, sənaye və digər təsərrüfat sahələri üzrə Qubadlı rayonunun ümumi tələbatı 12 MVt olmaqla bir ədəd 110 kV-luq yarımstansiyadan qidalanıb. 47 mindən çox əhalinin məskunlaşması proqnozlaşdırılan Qubadlıda inkişaf istiqamətləri nəzərə alınmaqla 2040-cı il üçün elektrik enerjisi tələbatının 38 MVt-dan artıq olacağı gözlənilir.

2021-ci il oktyabrın 25-də sistem əhəmiyyətli 110/35/10 kV-luq “Qubadlı” yarımstansiyasının açılışı olmuşdur. Yarımstansiyanın tikintisi ilə paralel olaraq Qubadlının Azərbaycanın ümumi enerji sisteminə qoşulması, rayonun dayanıqlı elektrik enerjisi ilə təchiz edilməsi üçün Füzulidəki “Şükürbəyli” yarımstansiyasından “Cəbrayıl” yarımstansiyasına giriş-çıxış olmaqla 76 kilometr məsafədə ikidövrəli 110 kV-luq yüksəkgərginlikli “Qubadlı-1”, “Qubadlı-2” elektrik verilişi xətti çəkilib.

Yeni çəkilən xətt boyunca ildırımdan mühafizə və yarımstansiyalararası informasiya mübadiləsi, internet üçün fiberoptik kabel çəkilib və bununla da Qubadlıya təkcə elektrik xətti deyil, həm də ən yüksək ötürücülük qabiliyyətinə malik sürətli internet xətti gətirilib;

“Qubadlıya öz sahibləri qayıdıb. Qubadlının işğaldan azad edilməsi tarixi hadisə idi. Oktyabrın 25-də Qubadlı şəhərinin azad edilməsi bizim qələbəmizi yaxınlaşdırdı”.

Prezident Müzəffər Ali Baş Komandan İlham Əliyev.

– Qubadlı rayonu Azərbaycan Respublikasının cənub-qərbində, Qarabağ yaylasının cənub şərqində yerləşir. Rayonun sahəsi 802 kvadrat kilometrdir. Səthi əsasən dağlıqdır. Qubadlı rayonu qərbdən 120 km məsafədə Ermənistan Respublikası ilə, Şimaldan Laçın rayonu, Xocavənd rayonu, şərqdən Cəbrayıl rayonu, cənubdan isə Zəngilan rayonu ilə həmsərhəddir. Kəndlərin əksər hissəsi Həkəri və Bərgüşad çayları ətrafında yerləşir; Daha ətraflı »

21 oktyabr 2026-cı il tarixində YAP Tərtər rayon təşkilatının inzibati binasında yubiley yaşını qeyd edən partiya veteranları ilə çay süfrəsi ətrafında görüş keçirilib.

Görüşdə YAP Tərtər rayon təşkilatının sədri Eldar Əsədov, partiya veteranları Cəfərova Nazilə Əli qızı və Şəmilov Cəfər Hilal oğlu iştirak ediblər.

YAP Tərtər rayon təşkilatının sədri Eldar Əsədov Yeni Azərbaycan Partiyası veteranlarının dövlətə və dövlətçiliyə sədaqətini yüksək qiymətləndirib, onların rayonun ictimai-siyasi həyatında fəal iştirakının vətəndaş-partiya münasibətlərinin möhkəmlənməsi baxımından mühüm dayaq olduğunu vurğulayıb.

Partiya veteranları YAP-ın yarandığı ilk illərdən, keçdikləri şərəfli ömür yolundan bəhs edib, onlara göstərilən diqqət və qayğının böyük mənəvi stimul verdiyini qeyd ediblər.

E.Əsədov yubilyarları təbrik edərək onların mənalı ömür yolundan və rayonun ictimai-siyasi həyatında göstərdikləri xidmətlərdən danışıb. O, Yeni Azərbaycan Partiyasının ən çətin dövrlərində fədakarlıq göstərmiş bu insanların zəngin təcrübəsinin gənc nəsil üçün böyük örnək olduğunu bildirib.

Sonda yubilyarlara qiymətli hədiyyələr təqdim olunmuşdur.

 YAP Tərtər Rayon Təşkilatı

Azərbaycan Respublikasının Prezidenti cənab İlham Əliyevin cari ilin 25 may tarixində kənd təsərrüfatının inkişafı ilə bağlı keçirdiyi müşavirədə verdiyi tapşırıqların icrasını təmin etmək, aqrar və su təsərrüfatı sahəsində aparılan yeniliklərlə yaxından tanış olmaq, həmçinin “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı”ndan irəli gələn vəzifələrin rayonda uğurlu icrasını təşkil etmək məqsədilə Tərtər Rayon İcra Hakimiyyətinin başçısı Müstəqim Məmmədov, Tərtər Dövlət Aqrar İnkşaf Mərkəzinin direktoru Mehman Babayevlə birlikdə rayonda fəaliyyət göstərən “Tərtər 1” MMC-nin Seydimli kəndində salınmış xurma bağlarında olub.

Rayon rəhbəri müəssisənin təsisçisi Muxtar Orucovla birlikdə xurma bağlarına baxış keçirib, məhsulun yığılması, saxlanılması və ixrac olunması barədə geniş fikir mübadiləsi aparıb.O dbildirilib ki, bugünə kimi 200 ton məhsul yığılaraq Rusiya bazarlarına ixrac olunub, mövsüm başa çatana qədər isə 2500 ton məhsulun yığılması nəzərdə tutulmuşdur.

Baxış zamanı məlumat verilib ki, müasir standartlara uyğun qurulan “Tərtər 1” MMC-nin ümumi əkin sahəsi 98 hektardır. Bu sahənin 75 hektarını xurma, 12 hektarını nektarin və 11 hektarını şaftalı təşkil edir. Bağların 49 hektarı isə yeni salınmışdır. Ümumilikdə, bağların salınmasına 3,8 milyon manat vəsait sərf edilib. Rayonun məşğulluğuna mühüm töhfə verən müəssisədə hazırda 14 nəfər daimi, 80 nəfər  yerli sakin isə mövüsmi işlə təmin olunmuşdur. Daha ətraflı »