May ayının 10-da respublikamızın hər yerində olduğu kimi xalqımızın Ümummilli lideri Heydər Əliyevin anadan olmasının 103-cü ildönümü Tərtər rayonunda da qeyd edildi. Minlərlə  tərtərli Mərkəzi Meydanda Ulu Öndərin xatirəsinə ucaldılmış abidəni ziyarət edərək önünə gül-çiçək dəstələri düzüb, dahi rəhbərə öz hörmət və ehtiramını, ümumxalq məhəbbətini nümayiş etdiriblər.

Tədbirdə Tərtər Rayon İcra Hakimiyyətinin başçısı Müstəqim Məmmədov, Milli Məclisin deputatı Anar Məmmədov, məhkəmə və hüquq-mühafizə orqanlarının rəhbərləri, YAP rayon təşkilatının, rayon Ağsaqqallar Şurasının sədrləri, şəhid ailələri, qazilər, veteranlar, idarə, müəssisə, təşkilatların kollektivləri və ictimaiyyət nümayəndələri iştirak ediblər.

Tərtər Rayon İcra Hakimiyyətinin başçısı Müstəqim Məmmədov Buruc kənd sakini, uzun illər Buruc kənd tam orta məktəbinin direktoru vəzifəsində çalışmış və rayonun təhsil sahəsində səmərəli fəaliyyəti ilə seçilən 79 yaşlı Səkinə Məmmədovanı ziyarət edib.

Rayon rəhbəri Səkinə müəllimənin səhhəti və gündəlik qayğıları ilə maraqlanaraq, belə ziyalı insanların cəmiyyət üçün örnək olduğunu vurğulayıb.

Səmimi keçən görüş zamanı Səkinə müəllimənin uzunillik pedaqoji fəaliyyəti, gənc nəslin təlim-tərbiyəsində göstərdiyi xidmətlər və təhsilin inkişafına verdiyi töhfələr xüsusi qeyd olunub.

Səkinə Məmmədova dövlət tərəfindən təhsil işçilərinə və yaşlı nəslin nümayəndələrinə göstərilən ehtiramı yüksək qiymətləndirib. O, göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlığını bildirib.

Tərtər şəhər qəbiristanlığında keçirilən dəfn mərasimində rayon icra hakimiyyətinin əməkdaşları, şəhid ailələri, qazilər, ictimaiyyət nümayəndələri və rayon sakinləri iştirak ediblər.

Mərhumənin ruhuna dualar oxunub, məzarı önünə gül dəstələri düzülüb.

Qeyd edək ki, Əsədov Mahir Yelmar oğlu 1976-cı il yanvar ayının 15-də Tərtər rayonunda anadan olub. Qarabağ müharibəsi başlayan zaman könüllü olaraq milli ordu sıralarına qoşulub, ağır və şərəfli döyüş yolu keçib. O, 1993-cü il iyul ayının 22-də Ağdərə rayonunda gedən döyüşlər zamanı artilleriya atəşi nəticəsində şəhid olub. Şəhid Tərtər şəhər qəbiristanlığında dəfn edilib və yaşadığı küçə onun adını daşıyır.

Dəfn mərasimindən sonra yas evinə gedilərək ailə üzvlərinə başsağlığı verilib, mərhuməyə Allahdan rəhmət dilənib.

Şəhidin ailə üzvləri onlara göstərilən yüksək diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya dərin minnətdarlıqlarını bildiriblər.

Müasir müstəqil Azərbaycan dövlətinin qurucusu, Ümummilli Lider Heydər Əliyevin anadan olmasının 103-cü ildönümü münasibətilə Tərtər rayonunda mühüm sosial layihə icra edilib.

Yeni Azərbaycan Partiyasının (YAP) təşəbbüsü ilə Tərtər rayonunun Ələsgərli kəndində 200-dən çox ailənin məişət şəraitini yaxşılaşdıran texniki su xətti istifadəyə verilib. Layihə çərçivəsində həmçinin kənd mərkəzində yeni park salınıb, ərazidə genişmiqyaslı abadlıq və yaşıllaşdırma işləri aparılıb.

Açılış mərasimində Tərtər Rayon İcra Hakimiyyətinin başçısı Müstəqim Məmmədov, Milli Məclisin deputatı Anar Məmmədov, YAP Mərkəzi Aparat rəhbərinin müavini Ramilə Bədəlova, YAP Tərtər rayon təşkilatının sədri Eldar Əsədov, partiya fəalları, şəhid ailələri, qazilər və rayon ziyalıları iştirak ediblər.

Tədbir dövlət himninin səsləndirilməsi və Ulu Öndər Heydər Əliyevin, eləcə də ölkəmizin ərazi bütövlüyü uğrunda canlarını fəda etmiş şəhidlərimizin əziz xatirəsinin birdəqiqəlik sükutla yad edilməsi ilə başlayıb. Daha ətraflı »

Tərtər Rayon İcra Hakimiyyətinin və Dövlət Məşğulluq Agentliyinin Qarabağ Regional Məşğulluq filialının birgə təşkilatçılığı ilə 06.05.2026-cı il tarixində Tərtər şəhərində 16 işəgötürənin iştirakı ilə işsiz və işaxtaran vətəndaşların məşğulluğunun təmin edilməsi məqsədilə növbəti “Əmək yarmarkası” keçirilmişdir.

Tədbirdə Tərtər Rayon İcra Hakimiyyətinin başçısı Müstəqim Məmmədov və Dövlət Məşğulluq Agentliyinin Qarabağ Regional Məşğulluq filialının müdiri Babək Tağıyev iştirak ediblər. Rəsmi qonaqlar yarmarkaya qatılan sakinlərlə görüşüb, onların müraciətləri və qayğıları ilə yaxından maraqlanıblar. Rayon rəhbəri və filial müdiri vakansiyaların təqdim olunma prosesini və yarmarkanın dinamikasını izləyərək, işəgötürənlərlə namizədlər arasında birbaşa ünsiyyətin əhəmiyyətini vurğulayıblar.

İşəgötürənlər tərəfindən mövcud vakansiyalar barədə ətraflı məlumat verilmiş, işsiz və işaxtaran vətəndaşlara ümumilikdə 104 vakant iş yeri təqdim olunmuşdur.

Filial tərəfindən təqdim olunmuş vakansiyalar təhlil edilərək Nazirliyin Mərkəzləşdirilmiş Elektron İnformasiya Sisteminin Əmək və Məşğulluq Alt Sistemində işsiz və işaxtaran şəxs kimi qeydiyyatda olan 209 vətəndaşla iş aparılmış, uyğun namizədlər tədbirə cəlb edilmişdir. Cəlb olunan şəxslər arasında müharibə iştirakçıları, qazilər və sosial müdafiəyə xüsusi ehtiyacı olan vətəndaşlar da yer almışdır.

Yarmarka zamanı vakansiyalara müraciət edən şəxslərin CV-ləri qəbul edilərək nəzərdən keçirilmiş, uyğun namizədlər növbəti mərhələyə dəvət olunmuşlar.

Azərbaycan Respublikasının Prezidenti cənab İlham Əliyevin müvafiq sərəncamına əsasən 2026-cı ilin “Şəhərsalma və Memarlıq İli” elan olunması və Ulu Öndərin anadan olmasının 103-cü ildönümü ilə əlaqədar Tərtər Rayon İcra Hakimiyyətinin təşkilatçılığı ilə Heydər Əliyev prospektində ağacəkmə aksiyası keçirilib.

Aksiyada Tərtər Rayon İcra Hakimiyyətinin başçısı Müstəqim Məmmədov, məhkəmə və hüquq-mühafizə orqanlarının rəhbərləri, YAP Tərtər Rayon Təşkilatının sədri Eldar Əsədov, Qarabağ Regional Memarlıq və Şəhərsalma Baş İdarəsinin rəisi Qədir Babayev, İƏD üzrə nümayənəliklərin əməkdaşları, bələdiyyə sədrləri, Tərtər Şəhəri Komunal təsərrüfatı idarəsinin və “DOST” MMC-nin işçiləri iştirak ediblər.

Aksiya çərçivəsində ərazidə 200 ədəd eldar şamı əkilib, əkilən ağaclar suvarılıb, mövcud ağacların dibi yumşaldılıb və yaşıllıqlara aqrotexniki qaydada qulluq göstərilib.

Ağacəkmə aksiyasında iştirak edən rayon rəhbəri bildirib ki, təbiətin mühafizəsi, ekoloji vəziyyətin yaxşılaşdırılması xalqımızın Ümummilli Lideri Heydər Əliyevin çoxşaxəli fəaliyyətinin mühüm tərkib hissəsi olub. Ulu Öndər Heydər Əliyevin əsasını qoyduğu ekoloji siyasət Prezident İlham Əliyev tərəfindən uğurla davam etdirilərək ölkəmizdə ətraf mühitin mühafizəsi və ekoloji təhlükəsizliyin təmin edilməsi istiqamətində ardıcıl tədbirlər həyata keçirilir.

Tərtər rayonunda “Şəhərsalma və Arxitektura İli” çərçivəsində Ümummilli lider Heydər Əliyevin anadan olmasının 103-cü ildönümü münasibətilə “Heydər Əliyev və memarlıqda milli üslub” mövzusunda tədbir keçirilib.

Tədbirdə Tərtər Rayon İcra Hakimiyyətinin başçısı Müstəqim Məmmədov, məhkəmə və hüquq-mühafizə orqanlarının rəhbərləri, YAP rayon təşkilatının sədri Eldar Əsədov, Qarabağ Regional Memarlıq və Şəhərsalma Baş İdarəsinin rəisi Qədir Babayev, idarə, müəssisə, təşkilat rəhbərləri və kollektivləri, İƏD üzrə nümayəndəər, bələdiyyə sədrləri və ictimaiyyət nümayəndələri iştirak ediblər.

Tədbir iştirakçıları əvvəlcə Ulu Öndərin abidəsini ziyarət edərək, önünə gül dəstələri düzüb və Ümummilli Liderin əziz xatirəsini dərin ehtiramla yad ediblər.

Daha sonra rayon Mədəniyyət Mərkəzində davam edən mərasimdə iştirakçılar Heydər Əliyevin zəngin həyat və fəaliyyətini əks etdirən fotostendlə tanış olublar.

Mədəniyyət Mərkəzinin zalında keçirilən rəsmi hissə Azərbaycan Respublikasının Dövlət Himninin səsləndirilməsi ilə başlayıb. Ulu Öndər Heydər Əliyevin və torpaqlarımızın azadlığı uğrunda canlarından keçmiş şəhidlərimizin xatirəsi bir dəqiqəlik sükutla yad edildikdən sonra, dahi rəhbərin ömür yolundan bəhs edən videoçarx nümayiş olunub. Daha ətraflı »

Möhtərəm Prezidentimiz İlham Əliyevin 2026-cı il mayın 4-də İtaliya Respublikası Nazirlər Şurasının sədri Ciorcia Meloninin Azərbaycana rəsmi səfəri çərçivəsində verdiyi bəyanat, iki dövlət arasındakı münasibətlərin strateji mahiyyətini və gələcək inkişaf vektorlarını müəyyən edən fundamental bir sənəd xarakteri daşıyır. Bu bəyanat sadəcə diplomatik bir nitq deyil, həm də Cənubi Qafqaz və Avropa arasında qurulan yeni iqtisadi və siyasi körpünün memarlığını əks etdirir.

Dövlət başçısı öz bəyanatında ilk növbədə Azərbaycan və İtaliya arasındakı siyasi dialoqun ən yüksək səviyyədə olduğunu diqqətə çatdırdı. O, İtaliyanın Azərbaycan üçün Avropa İttifaqında ən etibarlı və yaxın strateji tərəfdaş olduğunu vurğulayaraq, tərəflər arasındakı qarşılıqlı etimadın regional sabitliyə verdiyi töhfələri qeyd etdi. Prezident bildirdi ki, Bakı və Roma arasındakı münasibətlər 2020-ci ildə imzalanmış strateji tərəfdaşlıq bəyannaməsi ilə yeni bir keyfiyyət mərhələsinə qədəm qoyub və ötən illər ərzində bu əlaqələr həm beynəlxalq təşkilatlar çərçivəsində, həm də ikitərəfli müstəvidə sarsılmaz xarakter alıb. Daha ətraflı »

Prezident İlham Əliyevin İtaliya Respublikası Nazirlər Şurasının sədri Ciorcia Meloninin 2026-cı il mayın 4-də Azərbaycana səfəri zamanı səsləndirdiyi fikirlər iki ölkə arasındakı münasibətlərin strateji zirvəsini və gələcək inkişaf modelini aydın şəkildə nümayiş etdirir.

Dövlət başçısı bəyanatında ilk növbədə vurğuladı ki, 2014-cü və 2020-ci illərdə imzalanmış strateji tərəfdaşlıq sənədləri bu gün kağız üzərində deyil, real həyatda öz əksini tapır. Xanım Baş nazirin regiona səfəri çərçivəsində proqramını Ermənistanda bitirən kimi birbaşa Azərbaycana gəlməsi ölkəmizə olan xüsusi ehtiramın və strateji tərəfdaşlığın dərinliyinin rəmzi göstəricisidir. Bu addım Azərbaycan-İtaliya əlaqələrinin etibarlılığını bir daha sübut edir.

İqtisadi müstəvidə İtaliyanın Azərbaycanın bir nömrəli ticarət tərəfdaşı olması faktı, 12 milyard dollarlıq ticarət dövriyyəsi və enerji sahəsindəki sarsılmaz əməkdaşlıq xüsusi qeyd olunmalıdır. Daha ətraflı »

Azərbaycan Respublikasının Prezidenti cənab İlham Əliyev 2026-cı il 4 may tarixində videobağlantı formatında keçirilən “Avropa Siyasi Birliyi”nin 8-ci Zirvə toplantısına qatılaraq genişmiqyaslı nitq söyləmişdir. Dövlətimizin başçısı öz çıxışında bölgədə yaranmış yeni reallıqlar, Azərbaycan və Ermənistan arasında sülh quruculuğu prosesinin gedişatı və beynəlxalq platformalarda ölkəmizə qarşı sərgilənən ikili standartlar barədə mühüm mesajlar vermişdir.

Prezident İlham Əliyev çıxışında diqqətə çatdırmışdır ki, Ermənistan “Avropa Siyasi Birliyi”nin növbəti Zirvə görüşünün 2028-ci ildə Azərbaycanda keçirilməsini dəstəkləyib. Bu fakt iki ölkə arasında sülhün real olmasının aydın göstəricisidir. Dövlət başçısı qeyd etmişdir ki, tarazlı yanaşmanın saxlanılması məqsədilə 2026-cı ilin mayında Ermənistanda keçiriləcək toplantını Azərbaycan da dəstəkləyib və bunun qarşılığında 2028-ci il görüşünün Azərbaycanda keçirilməsi təklifi qəbul olunub. Cəmi doqquz aydır sülh şəraitində yaşadığımızı vurğulayan cənab Prezident, Ermənistanın bu dəstəyini iki xalqın dinc yanaşı yaşamağı öyrənməsinin müsbət nümunəsi kimi qiymətləndirmişdir. Daha ətraflı »