RÖVŞƏNİN YARIMÇIQ QALMIŞ UŞAQLIĞI

Müharibə! Bəlkə də, bəşər övladının eşidə biləcəyi ən dəhşətli, ən qorxunc söz elə budur. Müharibə elə dağıdıcı bir gücə sahibdir ki, hətta qalib olanlar da illərlə onun ağır təsirindən çıxa bilmir. Can, mal itkisi ilə yanaşı, ruha dəyən mənəvi ziyanlar belə uzun illər unudulmur, unudula bilmir.
Çox təəssüflər olsun ki, müharibələrdə böyüklərlə bərabər uşaqlar da, azyaşlılar da travmalar alır, əlil və həlak olurlar. Bizim qəhrəman Tərtərin də azyaşlıları belə bir faciələri yaşayıblar.
Haqqında danışacağım Qurbanov Rövşən Qurban oğlu o uşaqlardan biri olub. Rövşəngil Ağdərə şəhərində yaşayırdılar. Mənfur ermənilər bizə qarşı torpaq iddiasına başlayanda, onlar Tərtər şəhərinə məcburi köçkün kimi gəldilər. Atası Qurban kişi çox zəhmətkeş bir insan idi. Mehdi Hüseynzadə küçəsində ucuz qiymətə satılan taxta konstruksiyalı bir fin evi alıb, orada yaşamağa başladılar. Xalq arasında belə evlərə “taxta evlər” deyilir. Ancaq erməni vandallarının mənfur əlləri burada da bu başı-bəlalı ailənin yaxasından əl çəkmədi. 1991-ci ildə ermənilərin rayonumuza atdıqları “Alazan” tipli raketlərin hamısı bu küçəyə, bunlardan biri isə körpə uşaqların az öncə dağılışdıqları həyətə düşdü. Daha ətraflı »

Uzun illər kəndimizdəki orta məktəbdə müəllim, uşaq bağçasının müdiri işləmişəm. Sonralar şəhərə köçdüm, Sumqayıt Dövlət Universitetində çalışdım.
İndi təqaüdə çıxıb, yenidən doğma kəndimizə qayıtmışam.
Bu dəfə kəndimizdə gördüyüm mənzərə gənclik illərimdə olduğu kimi deyil. Müasir infrastruktur yaradılıb. Daimi işığımız, qazımız və suyumuz olur. Yollarımız rahatdır. Hətta bütün evlərə internet xətti çəkilib. Yəni məişətimiz şəhər sakinlərinin həyatından geri qalmır.
Bu yaxınlarda rayon İcra Hakimiyyəti başçısı Müstəqim Məmmədovun kəndimizdə keçirilən səyyar qəbul-görüşündən sonra isə, sakinlərin müraciəti əsasında, köhnə elektrik transformatoru yenisi ilə əvəz olunub. Bu isə yaxşılığa doğru daha bir addımdır.
Evoğlu camaatı həyat şəraitimizin daha da yaxşılaşmasına qayğı ilə yanaşdığına görə rayon rəhbərinə və Tərtər Elektrik Şəbəkəsinin işçilərinə təşəkkürünü bildirir. Arzu edirik ki, kəndimizin gəncləri gedib şəhərlərdə təhsil aldıqdan sonra yenidən doğma ocaqlarına qayıtsınlar, ocaqlarımız isə isti və gur işıqlı olsun.

Şeyda Quliyeva,
Evoğlu kəndinin sakini

Maraqlı yaşamaq üçün yaş mane deyil

İnsan taleləri müxtəlifdir, fərqlidir. Ancaq bu talelərdə ümumi bir cəhət var: həyat yolları heç də həmişə hamar olmur. Hər bir ailənin qismətinə sınaqlar, mərhumiyyətlər düşür.
Evoğlu kəndinin sakini İsgəndər İbrahimov deyir ki, onun nəsli Cənubi Azərbaycandandır. Babası İbrahim kişi 1914-cü ildə Tərtərə gəlib və burada məskunlaşıb. Lakin yenə də həyatları rahat olmayıb. 1937-ci ildə ailə Stalin repressiyasının qurbanı olub və Qazaxıstana sürgünə göndərilib. Atası ilə anası elə burada evləniblər. İsgəndər kişigilin ailəsindəki 10 uşağın 5-i sürgündə olarkən dünyaya gəlib, sonradan onlar bəraət alıb Azərbaycana qayıdıblar. 5 uşaq da vətəndə doğulub.
Ağsaqqal deyir:
-On uşağı böyüdüb boya-başa çatdırmaq asan iş deyildi. Amma rəhmətlik valideynlərimiz çox zəhmətkeş olduqları üçün, bunu bacardılar. Biz də onlara baxıb əməyi sevdik, həyatda halal zəhmətlə yaşamağı öyrəndik. İndi hər birimizin övladları, nəvə və nəticələri var. Hamı bir yerə yığışanda, həyətə sığışmırıq. Bu, böyük xoşbəxtlikdir. Daha ətraflı »

Hər bir insanın həyatda qazandığı uğurlar onun ailəsindən başlayır. Savadlı şəxsiyyət, güclü biznesmen, məşhur siyasətçi olmaq olar, ancaq əgər bunların arxasında nümunəvi ailə dayanmırsa, həmin insanın həyatı tam deyil. Dünya şöhrətli siyasətçi, Ulu Öndərimiz Heydər Əliyev siyasi aləmdəki uğurlarının arxasında hər zaman ailəsinin dayandığını bildirirdi. O deyirdi: “Bu yolda mənim həmişə səmərəli, müvəffəqiyyətlə çalışmağımda, hesab edirəm ki, ailə vəziyyətimin rolu böyük olub. Zərifə xanım kimi həyat yoldaşım olduğuna və o, ailəmdə çox yüksək mənəvi mühit yaratdığına görə mən xoşbəxt olmuşam”.
Azərbaycan Respublikasının Prezidenti İlham Əliyev xarici jurnalistlərə verdiyi müsahibələrindən birində deyib: “Vacib haldır ki, 30 ildən çox müstəqil olaraq qlobal mühitdə yaşamağımıza baxmayaraq, biz ailə dəyərlərimizi və böyüklərə hörməti qoruya bilmişik. Bu, bizim cəmiyyətimizin təməlidir. Hər bir azərbaycanlı kimi, mənim üçün də atam əziz insan olb. O insan ki, ona bənzəməyə çalışırsan, xüsusilə ata ilə fəxr edə biləndə bu, belə olur. Mənim üçün bu, böyük xoşbəxtlikdir, çünki mən həm şəxsən onun üçün, həm də Azərbaycan xalqı üçün ən çətin vaxtlarda atamın yanında olmuşam”.
Ailə cəmiyyətimizin gələcəyi deməkdir. Çünki ailə olmasa, cəmiyyətimiz də inkişaf edə bilməyəcək. Çox təəssüf ki, müasir gənclər arasında savadlanmağa, karyera qurmağı maraq o qədər güclənib ki, ailə qurmağı arxa plana keçirirlər. Belə olduqda isə yaş ötür və gənclər subay qalır, dünyaya gələn uşaqların sayı getdikcə azalır.
Nədənsə indi gənc ailələr 1-2-dən çox övlad sahibi olmaq istəmirlər. Səbəb kimi göstərirlər ki, uşaqlara çəkilən xərclər artıb, onları cəmiyyət üçün xeyirli vətəndaş kimi tərbiyə etməkdən ötrü bunu edirlər. Lakin bir az keçmişə baxsaq, çoxuşaqlı ailələrdə necə nümu-nəvi uşaqların böyüdüyünü xatırlayarıq. Bu ailələrdə hər şey vardı– biri birinə kömək etmək, qayğı çəkmək, doğmalar arasında ünsiyyət, məhəbbət. İndi cavanlar övladlarını bu gözəl hisslərdən məhrum edərək əvəzində körpələrin əlinə içində yad bir dünya olan telefon veriblər.
Əlbəttə, etiraf etməliyik ki, telefonsuz indi həyatı-mızı təsəvvür etmək mümkün deyil. Uşaqların inkişafı üçün də bəzən sosial şəbə-kələrin müsbət təsiri olur. Ancaq qədərində. Asılılıq yaratmadan.
Bir sözlə, əziz gənclər, ailə qurmağı ikinci plana keçirməyin, xoşbəxt ailə sahibi olun, dəyərli övladlar böyüdün. Milli dəyərlərimi-zi qoruyun və yaşadın!

Svetlana BAĞIROVA

Yeniliklərin təbliğində, qabaqcıl təcrübənin yayılmasında “Yeni Tərtər”in yeni missiyası

Milli mətbuatımızın banisi olan Həsən bəy Zərdabi Azərbaycan xalqının maariflənməsi yolunda böyük çətinliklərdən keçmiş, lakin bir an belə əqidəsindən dönməmişdir.
Həsən bəy Zərdabi xalqını zülmətdən xilas etmək üçün 1875-ci il iyulun 22-də Bakıda Azərbaycan dilində “Əkinçi” qəzetinin nəşrinə nail olmuşdur. 1877-ci ilin 29 sentyabrına qədər çap olunan qəzet ayda 300-400 tirajla nəşr edilmiş, 56 nömrəsi işıq üzü görmüşdür.
Lakin bu az müddət də insanların şüurunda dəyişiklərin baş verməsi üçün kifayət etmişdir.
Azad sözün rolunu həmişə yüksək qiymətləndirən Ulu Öndər Heydər Əliyev milli mətbuatımızın inkişafında yeni mərhələnin başlanğıcını qoydu.
Ümummilli Lider mətbuatın problemlərinin həlli ilə bağlı onlarla Fərman və Sərəncam imzalayıb.
Əsası Ulu Öndər Heydər Əliyev tərəfindən qoyulan mətbuatın inkişafına dövlət qayğısı siyasəti Prezident İlham Əliyev tərəfindən uğurla davam etdirilir. Azərbaycan milli mətbuatının yaranmasının 130, 135, 140, 150 illik yubileylərinin dövlət səviyyəsində qeyd olunması, bu münasibətlə media nümayəndələrinin təltif edilməsi dövlətimiz tərəfindən jurnalistlərin əməyinə verilən yüksək qiymətdir.
92 illik şərəfli bir tarixi olan “Yeni Tərtər” qəzeti də möhtərəm Prezidentimiz İlham Əliyevin qayğı və diqqətini daim öz üzərində hiss edir. Daha ətraflı »

Cəsarət, yüksək peşəkarlıq və şəxsi mətanət tələb edən peşə sahibləri

Tərtər rayonunda 2 İyul – Azərbaycan Polisinin yara-dılmasının 108-ci ildönümü və polis işçilərinin peşə bay-ramı geniş qeyd olunub.
Tədbir iştirakçıları əvvəlcə xalqımızın Ümummilli Lideri Heydər Əliyevin Mərkəzi Meydanda ucaldılmış abidəsini ziyarət edib, dahi rəhbərin əziz xatirəsini ehtiramla anıblar.
Tədbir rayon Mədəniyyət Mərkəzinin zalında davam etdirilib.
Tədbirdə Tərtər Rayon İcra Hakimiyyətinin başçısı Müstəqim Məmmədov, məhkəmə və hüquq-mühafizə orqanlarının, idarə, müəssisə və təşkilatların rəhbərləri, polis şəhid ailələrinin üzvləri, polis veteranları, rayon polis şöbəsinin əməkdaşları, təhsil işçiləri, İnzibati Ərazi Dairələri üzrə nümayəndələr, bələdiyyə sədrləri və ictimaiyyət nümayəndələri iştirak ediblər.
Tədbirdə öncə Azərbaycan Respublikasının Dövlət Himni səsləndirilib. Sonra Ümummilli Lider Heydər Əliyevin və torpaqlarımızın azadlığı, suverenliyi uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.
Tədbiri giriş sözü ilə açan rayon Polis Şöbəsinin rəisi, polis polkovnik-leytenantı Rüfət Məmmədov iştirakçıları peşə bayramı münasibətilə təbrik edib, Daxili İşlər Naziri general-polkovnik Vilayət Eyvazovun şəxsi heyətə ünvanladığı təbrik məktubunu diqqətə çatdırıb. Şöbə rəisi Azərbaycan polisinin keçdiyi tarixi yola nəzər salaraq bildirib ki, daxili işlər orqanlarına Ulu Öndər Heydər Əliye-vin hakimiyyəti illərində böyük diqqət və qayğı göstərilib. Hazırda bu dövlət siyasəti Ümummilli Liderin siyasi kursunun layiqli davamçısı, Azərbaycan Respublikasının Prezidenti cənab İlham Əliyev tərəfindən uğurla davam etdirilir. Daha ətraflı »

Avropa Komissiyası ilə Azərbaycan arasında münasibətlərin çox mühüm mərhələsindəyik.Bu ilin martında biz Avropa İttifaqı Şurasının Prezidenti cənab Koştanı, sonra may ayında isə Avropa diplomatiyasının rəhbəri xanım Kallası qəbul etdik. Bu gün isə Avropa Komissiyasının Prezidenti bizimlədir;

Əməkdaşlığımız müsbət mənada sürətlə inkişaf edir.Əməkdaşlığımızı genişləndirmək və tərəfdaşlığımızı gücləndirmək məqsədilə hər iki tərəfin qarşılıqlı iradəsini əks etdirən münasibətlərimizdə görünməmiş dinamika müşahidə olunur.Biz Avropa Komissiyası ilə münasibətləri yüksək dəyərləndiririk. Bu gün xanım Prezident və nümayəndə heyətləri ilə birgə çox böyük təəssürat bağışlayan gündəliyi geniş şəkildə müzakirə etdik.

Ticarətimizin 40 faizdən çoxu üzv dövlətlərlə aparılır və Azərbaycan Avropa İttifaqı üçün Cənubi Qafqazda əsas ticarət tərəfdaşıdır. Cənubi Qafqazda ticarətin təxminən 70 faizi Azərbaycanla aparılır. Əlbəttə ki, biz enerji sahəsində əməkdaşlığımızı geniş müzakirə etdik və həmçinin xanım Prezidentin Azərbaycana dörd il əvvəlki səfəri də olduqca əhəmiyyətli idi. Daha ətraflı »

Prezident İlham Əliyevin sərəncamı ilə təsdiq edilmiş “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026-2030-cü illər üçün Dövlət Proqramı”nda qarşıya qoyulan vəzifələrin icrasını təmin etmək məqsədilə bölgələrdə zəruri tədbirlər həyata keçirilir, əmək ehtiyatları səfərbər edilir, görüləcək işlər müəyyənləşdirilir.

Bu günlər ölkənin bütün bölgələrində olduğu kimi, Tərtərdə də diqqətçəkən canlanma hiss olunur. Tərtər havası təmiz, suyu saf, torpağı münbit, ən başlıcası isə, sakinləri əməksevər, zəhmətə, torpağa bağlı insanlardır. Ermənistan silahlı qüvvələrinin işğalçılıq niyyətlərinə qarşı mübarizədə əsl qəhramanlıq nümunəsi göstərərək düşmənə bir qarış torpaq da güzəşt etməmiş tərtərlilər bu gün əmək meydanında xarüqələr göstərir, ölkə iqtisadiyyatının güclənməsinə sanballı töhfələr verirlər. Təsadüfi deyil ki, Ermənistan faşistlərinin Tərtərə raket və artilleriya mərmilərini dolu kimi yağdırdığı ağır və gərgin günlər Prezident, Silahlı Qüvvələrin Ali Baş Komandanı İlham Əliyev dəfələrlə bölgəyə səfər etmiş, tərtərlilərin fədakarlığını əsl qəhrəmanlıq kimi qiymətləndirmişdir.

Qarabağ iqtisadi rayonuna daxil olan Tərtər coğrafi mövqeyi və strateji əhəmiyyət baxımından ölkənin vacib bölgələrindən biri kimi tanınır. Yüksək məhsuldarlığa malik torpaqları burada kənd təsərrüfatını dinamik inkişaf etdirmək üçün geniş imkan verir. Pambıqçılıq və taxılçılıq aqrar sektorun əsas sahələridir. Heyvandarlıq və baramaçılıq da inkişaf edən sahələrdəndir. Son illər həmçinin rayonda intensiv bağçılığa diqqət nəzərəçarpacaq dərəcədə artıb.

30 illik işğal dövrünün ağrı-acısı şanlı zəfərlə başa çatdıqdan sonra Daha ətraflı »

Azərbaycan Respublikası Konstitusiyasının 109-cu maddəsinin 23-cü bəndini rəhbər tutaraq qərara alıram:

Azərbaycan Respublikasının ərazi bütövlüyünün bərpa edilməsi uğrunda gedən döyüş əməliyyatlarında iştirak edərək igidlik və mərdlik göstərmiş, hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirərək şəhid olmuş Azərbaycan Respublikası Müdafiə Nazirliyinin aşağıdakı hərbi qulluqçuları və mülki işçiləri ölümündən sonra təltif edilsinlər:

Sərəncamda Tərtər rayonundan olan bir qrup Vətən müharibəsi şəhidi 3-cü dərəcəli “Vətənə xidmətə görə” ordeni ilə təltif olunmuşdur.

Aslanov Xəyal Qüdrət oğlu

 

Mirzəli Rəşad Hafiz oğlu

 

Hacıyev Qubad Cəmil oğlu

 

Qəhrəmanlı Yaqub Abdulla oğlu

 

Sabirli Əjdər Xanlar oğlu

 

Babazadə Mirşəmsi Elşad oğlu

 

Əzizov Ayşad Qaryağdı oğlu

 

İsaxlı Anar Rəsul oğlu

 

İsmayıllı Şamil Kamil oğlu

 

Quluzadə Elmin Şəmsi oğlu

 

Mehdiyev Yasən Alim oğlu

 

Məhərzadə Taleh Oqtay oğlu

 

Verdiyev İsax Ədalətoviç

 

Şirinli Nurlan Qədir oğlu

 

Məmmədov Mehti Elçin oğlu

 

Məmmədov Səbuhi Zahid oğlu

 

Məmmədov Taleh Arif oğlu

 

Mənsimli İntiqam Rövşən oğlu

 

Əhmədzadə Mürşüd Müdahil oğlu

 

Əlizadə Elşən Faiq oğlu

 

Hacıyev Rüstəm Firqani oğlu

 

Hacızadə Ceyhun İfrayıl oğlu

 

Hüseynov Eşqin Cəsarət oğlu

 

Hüseynov Anar Rəhim oğlu

 

Məhərrəmli Fuad Habil oğlu

 

Məmmədli Tural Aqil oğlu

 

Abbaslı Elnur Yaşar oğlu

 

Əliyev Elməddin İlqar oğlu

 

Ağayev İntiqam Hüseyn oğlu

 

Aslanlı Orxan Şahmar oğlu

 

Cəfərov Təbriz İlqar oğlu

 

Ələkbərli Ələkbər Ramiz oğlu

 

Qasımov Azər Yaqub oğlu

 

Hüseynov Elnur Əhliman oğlu

 

Məmmədov Elman Bəhmən oğlu

Şəhidlərin ailə üzvləri şəhidlərə göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.

Allah şəhidlərimizə rəhmət eləsin, ruhları şad olsun!

 

Tərtər Rayon İcra Hakimiyyətinin başçısı Müstəqim Məmmədov Yuxarı Qapanlı kəndində şəhid Rüstəm Hacıyevin atası Firqani Hacıyevi 50 illik yubileyi münasibəti ilə yaşadığı ünvanda ziyarət edərək, onu təbrik edib, şəhid ailəsinin qayğıları ilə maraqlanıb.

İcra başçısı bütün şəhid valdeyinlərinin baş tacımız olduğunu bildirib. Şəhid atasına rayon icra hakimiyyəti tərəfindən təşəkkürnamə, şəhid anasına isə gül dəstəsi təqdim edib.

O, məğlubedilməz sərkərdə cənab İlham Əliyevin rəhbərliyi ilə ordumuzun şəhidlərin qisasını aldığını bildirib. Bu gün torpaqlarımızın işğaldan azad olması üçün şəhidlərə borclu olduğumuzu qeyd edib.

Qeyd edək ki, Rüstəm Hacıyev 1999-cu ilin sentyabr ayının 22-də Tərtər rayonunun Yuxarı Qapanlı kəndində anadan olmuşdur.

Azərbaycan Ordusunun əsgəri olan Hacıyev Rüstəm 2020-ci il sentyabrın 27-də başlanan Vətən müharibəsi zamanı Kəlbəcərin azadlığı uğrunda gedən döyüşlərdə savaşıb. Sentyabrın 29-da Kəlbəcər rayonu istiqamətində gedən döyüşlərdə şəhid olub. Tərtər rayonu Yuxarı Qapanlı kəndində dəfn olunub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti İlham Əliyevin müvafiq Sərəncamlarına əsasən ölümündən sonra 3-cü dərəcəli “Vətənə xidmətə görə” ordeni və “Hərbi xidmətlərə görə”, “Vətən uğrunda” və “Kəlbəcərin azad olunmasına görə” medalları ilə təltif olunub.

Şəhidin ailə üzvləri şəhid ailələrinə, qazilərə göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezidenti Mehriban xanım Əliyevaya öz minnətdarlıqlarını bildiriblər.