2026-cı il iyulun 21-də Azərbaycan Respublikasının Prezidenti İlham Əliyevin Almaniya Federativ Respublikasına etdiyi rəsmi səfər iki ölkə arasında münasibətlərin inkişafında mühüm hadisə kimi qiymətləndirilir. Səfər çərçivəsində keçirilən yüksək səviyyəli görüşlər, aparılan müzakirələr və verilən bəyanatlar Azərbaycan ilə Almaniya arasında siyasi, iqtisadi, enerji, nəqliyyat və humanitar sahələrdə əməkdaşlığın daha da genişləndirilməsi baxımından xüsusi əhəmiyyət kəsb edir.
Prezident İlham Əliyev verdiyi bəyanatda Azərbaycan ilə Almaniya arasında qarşılıqlı hörmətə, etimada və beynəlxalq hüququn prinsiplərinə əsaslanan münasibətlərin uğurla inkişaf etdiyini vurğulamışdır. Dövlət başçısı qeyd etmişdir ki, iki ölkə arasında mövcud siyasi dialoq əməkdaşlığın bütün istiqamətlər üzrə genişlənməsinə möhkəm zəmin yaradır.
Azərbaycan Avropanın etibarlı tərəfdaşlarından biri kimi Almaniya ilə əlaqələrin inkişafına daim böyük önəm verir. Almaniya isə Avropa İttifaqının aparıcı dövlətlərindən biri olmaqla Azərbaycanın əsas iqtisadi tərəfdaşları sırasında yer alır. Məhz buna görə də bu səfər və verilən bəyanat münasibətlərin gələcək inkişaf istiqamətlərini müəyyən edən mühüm siyasi sənəd kimi dəyərləndirilə bilər. Prezident İlham Əliyevin çıxışında enerji təhlükəsizliyi məsələləri xüsusi yer tutmuşdur. Azərbaycan uzun illərdir Avropanın enerji təhlükəsizliyinə mühüm töhfə verən ölkə kimi tanınır. Cənub Qaz Dəhlizi vasitəsilə Avropa bazarlarına təbii qaz ixracı həyata keçirilir və bu istiqamətdə əməkdaşlıq daim genişlənir. Dövlət başçısı vurğulamışdır ki, Azərbaycan yalnız ənənəvi enerji resurslarının ixracı ilə kifayətlənmir, eyni zamanda bərpa olunan enerji sahəsində də böyük layihələr həyata keçirir. Günəş və külək enerjisi layihələrinin inkişafı, “yaşıl enerji”nin istehsalı və ixracı ölkənin gələcək iqtisadi inkişaf strategiyasının mühüm istiqamətlərindən biridir. Almaniyanın müasir texnologiyalar sahəsində zəngin təcrübəsi Azərbaycan üçün böyük əhəmiyyət daşıyır. Bu baxımdan iki ölkə arasında yaşıl enerji, innovasiya və rəqəmsal texnologiyalar üzrə əməkdaşlığın genişləndirilməsi hər iki tərəfin maraqlarına cavab verir. Səfər zamanı iqtisadi əlaqələrin inkişafı da əsas müzakirə mövzularından olmuşdur. Prezident İlham Əliyev bəyan etmişdir ki, Azərbaycanın əlverişli investisiya mühiti xarici investorlar üçün geniş imkanlar yaradır. Alman şirkətlərinin ölkəmizdə fəaliyyətinin genişləndirilməsi iqtisadi əməkdaşlığın yeni mərhələyə yüksəlməsinə xidmət edəcəkdir.Azərbaycan son illərdə iqtisadiyyatın şaxələndirilməsi istiqamətində mühüm addımlar atmışdır. Qeyri-neft sektorunun inkişafı, sənaye parklarının yaradılması, kənd təsərrüfatı, logistika və nəqliyyat sahələrinə yatırılan investisiyalar ölkənin iqtisadi potensialını daha da artırmışdır. Almaniya isə yüksək texnologiyalar, maşınqayırma, avtomobil sənayesi, kimya və rəqəmsal iqtisadiyyat sahələrində dünyanın qabaqcıl ölkələrindən biridir. Bu sahələrdə əməkdaşlığın genişləndirilməsi qarşılıqlı faydalı nəticələr verə bilər. Prezident İlham Əliyev çıxışında Cənubi    Qafqaz regionunda davamlı sülhün təmin edilməsinin vacibliyini də xüsusi qeyd etmişdir. Azərbaycanın regionda sabitliyin və təhlükəsizliyin təmin olunması istiqamətində ardıcıl siyasət həyata keçirdiyini bildirən dövlət başçısı vurğulamışdır ki, sülh müqaviləsinin imzalanması regionun iqtisadi inkişafına və beynəlxalq əməkdaşlığın genişlənməsinə mühüm töhfə verəcək.
Azərbaycan beynəlxalq hüququn norma və prinsiplərinə əsaslanan xarici siyasət həyata keçirərək beynəlxalq təşkilatlarla fəal əməkdaşlıq edir. Almaniya ilə bu istiqamətdə əməkdaşlığın inkişafı beynəlxalq təhlükəsizlik, iqlim dəyişikliyi, enerji təhlükəsizliyi və dayanıqlı inkişaf kimi qlobal məsələlərin həllinə də müsbət təsir göstərir.

Azər Ağayev,
YAP Tərtər rayon təşkilatının sədr müavini

Azərbaycan Respublikasının Prezidenti cənab İlham Əliyevin 21 iyul 2026-cı il tarixində Almaniya Federativ Respublikasına rəsmi səfəri iki ölkə arasındakı münasibətlərin keyfiyyətcə yeni müstəviyə yüksəldiyini bir daha nümayiş etdirdi. Səfər çərçivəsində Azərbaycan Respublikasının Prezidenti cənab İlham Əliyev və Almaniya Federativ Respublikasının Federal Kansleri Sayın Fridrix Merts tərəfindən “Azərbaycan Respublikası və Almaniya Federativ Respublikası arasında ikitərəfli tərəfdaşlıq üçün strateji gündəliyə dair Birgə Bəyannamə” və Azərbaycan-Almaniya Biznes Şurasının yaradılmasına və fəaliyyətinə dair Birgə Bəyannamə imzalanmışdır.

Dövlətimizin başçısı verdiyi mətbuat bəyanatında əminliyini bildirmişdir ki, imzalanmış sənədlər və start verilən strateji dialoq əlaqələrimizi yeni səviyyəyə qaldıracaq, iqtisadi münasibətlərin genişləndirilməsinə mühüm töhfə verəcəkdir. Sənədlərin tezliklə həyatda öz əksini tapması üçün bir neçə xüsusi işçi qrupunun yaradılması da nəzərdə tutulur.

İkitərəfli gündəliyin kifayət qədər geniş olduğunu vurğulayan Prezident İlham Əliyev Almaniyanın Avropa İttifaqının aparıcı ölkəsi kimi Cənubi Qafqazda rolunun artdığını və Azərbaycan-Almaniya əlaqələrinin bütövlükdə bölgəmizdə əməkdaşlığa, sülhə və əmin-amanlığa töhfə verəcəyini diqqətə çatdırmışdır. Hazırda Azərbaycanda 200-dən çox Almaniya şirkətinin uğurla fəaliyyət göstərdiyini bildirən ölkə rəhbəri, bu səfərdən sonra onların sayının daha da artacağını, qarşılıqlı sərmayə qoyuluşu və alman şirkətlərinin ölkəmizdə fəaliyyətinin genişləndirilməsi üçün konkret təkliflərin irəli sürüldüyünü qeyd etmişdir. Daha ətraflı »

 Tərtər şəhər 1 saylı tam orta məktəbinin istedadlı məzunu Günay Əlizadə ilə bağlı qürur dolu bir xəbəri sizinlə bölüşmək istəyirik.

Bu il həmin məktəbi əla qiymətlərlə bitirən, cəmi 16 yaşlı qızımız Günay Əlizadə əzmi, zəhməti və biliyi sayəsində böyük uğurlara imza atıb.

O, ABŞ-ın bir çox nüfuzlu universitetlərinə – Simmons University, Saint Louis University, Suffolk University, Hofstra University və Arizona State University, eləcə də Avropanın tanınmış ali təhsil ocaqları olan Vilnius University, TalTech – Tallinn University of Technology və LCC International University və.s universitetlərinə qəbul qazanıb.

Günay bir sıra universitetlərdən yüksək məbləğdə təqaüdlərə də layiq görülüb. Saint Louis University tərəfindən ümumilikdə 128 000 ABŞ dolları, digər universitetlər tərəfindən isə 70–80 min ABŞ dollarına qədər təqaüd təklifləri alıb.

Bununla yanaşı, o, yüksək nəticə göstərərək, ADA-nın Beynəlxalq Münasibətlər ixtisasına qəbul olunub və təhsilini Azərbaycanda davam etdirməyi seçib.

Bu uğurlar Günayın illərlə davam edən zəhmətinin, məqsədyönlülüyünün və özünə olan inamının bəhrəsidir. Bu yolda onun inkişafına töhfə verən bütün müəllimlərinə, məktəb kollektivinə və hər zaman dəstək olan hər kəsə sonsuz təşəkkürümüzü bildiririk.

Günayımıza yeni həyat mərhələsində daha böyük nailiyyətlər arzulayır, onun gələcəkdə də ölkəmizi beynəlxalq arenalarda layiqincə təmsil edəcəyinə ürəkdən inanırıq. Yolun daim açıq, uğurların bol olsun!

“Milli mətbuatımızın inkişaf mərhələləri Azərbaycan xalqının azadlıq, müstəqillik uğrunda mübarizə tarixinin tərkib hissəsidir. “Əkinçi”dən üzü bəri azadlıq, demokratiya, müstəqillik uğrunda mücadilə dərslərini biz milli mətbuatımızın səhifələrindən öyrənmişik.”

Ulu Öndər Heydər Əliyev

“Əlbəttə ki, mətbuatın fəaliyyəti hər bir insanı maraqlandırır. İnsanlar bütün məlumatı mətbuatdan alırlar. Ona görə, hər bir ölkədə, o cümlədən Azərbaycanda mətbuat qərəzsiz olmalıdır, çevik, operativ fəaliyyət göstərməlidir, insanları məlumatlarla tam şəkildə təmin etməlidir. Hesab edirəm ki, biz bunu Azərbaycanda görürük. Çünki bu gün Azərbaycan mətbuatı artıq yüksək səviyyəyə qalxıbdır. Mən həm operativlik, həm milli maraqların müdafiə edilməsi sahəsində mətbuatın fəaliyyətini yüksək qiymətləndirirəm.”

İlham Əliyev,

Azərbaycan Respublikasının Prezidenti

1875-ci il iyulun 22-də görkəmli ziyalı və maarifçi-publisist Həsən bəy Zərdabi tərəfindən Azərbaycan dilində nəşr olunmağa başlamış “Əkinçi” qəzeti milli mətbuatımızın ilk nümunəsi və həmin dövr Azərbaycanın ictimai-siyasi həyatının mühüm hadisəsi kimi tarixə düşmüşdür. “Əkinçi”nin 1875-ci il iyulun 22-dən 1877-ci ilin sentyabrınadək cəmi 56 sayı işıq üzü görsə də, onun Azərbaycan milli mətbuatının təşəkkül tapmasında, inkişafında əvəzsiz rolu olub. Daha ətraflı »

22 iyul – Milli Mətbuat Günü münasibətilə Tərtər Rayon İcra Hakimiyyəti başçısının birinci müavini Elvin Umudov “Yeni Tərtər” rayon qəzetinin redaksiyasını ziyarət edərək kollektivin üzvlərini peşə bayramı münasibətilə təbrik edib.

Elvin Umudov çıxış edərək bildirib ki, əsası 1875-ci il iyulun 22-də görkəmli maarifçi Həsən bəy Zərdabi tərəfindən nəşr olunan “Əkinçi” qəzeti ilə qoyulan Azərbaycan milli mətbuatı ötən dövr ərzində şərəfli inkişaf yolu keçərək cəmiyyətin maariflənməsində, milli-mənəvi dəyərlərin təbliğində, dövlətçilik ənənələrinin möhkəmləndirilməsində və ictimai rəyin formalaşmasında mühüm rol oynayıb. Qeyd edilib ki, Ümummilli Lider Heydər Əliyevin müəyyən etdiyi media siyasəti bu gün Azərbaycan Respublikasının Prezidenti cənab İlham Əliyev tərəfindən uğurla davam etdirilir, ölkəmizdə söz və mətbuat azadlığının təmin olunması, media nümayəndələrinin fəaliyyətinin dəstəklənməsi istiqamətində ardıcıl tədbirlər həyata keçirilir.

Vurğulanıb ki, yerli mətbuat da rayonun ictimai-siyasi, sosial-iqtisadi və mədəni həyatının operativ işıqlandırılmasında, dövlət siyasətinin əhali arasında təbliğində mühüm rol oynayır. “Yeni Tərtər” rayon qəzetinin kollektivi də bu istiqamətdə öz üzərinə düşən vəzifələri layiqincə yerinə yetirir. Daha ətraflı »

Hər il iyulun 22-si Azərbaycanda Milli Mətbuat Günü kimi qeyd olunur. Bu əlamətdar tarix Azərbaycan milli jurnalistikasının banisi Həsən bəy Zərdabinin 1875-ci il iyulun 22-də nəşr etdirdiyi “Əkinçi” qəzetinin ilk nömrəsinin çap olunması ilə bağlıdır. “Əkinçi” qəzeti xalqın maariflənməsinə, milli şüurun formalaşmasına və ana dilinin inkişafına böyük töhfələr vermiş, Azərbaycan mətbuatının təməlini qoymuşdur. Milli mətbuatımız ötən 150 ilə yaxın dövr ərzində böyük inkişaf yolu keçmiş, cəmiyyətin maariflənməsində, milli-mənəvi dəyərlərin qorunmasında, dövlətçilik ənənələrinin möhkəmləndirilməsində mühüm rol oynamışdır. Tarixin müxtəlif mərhələlərində mətbuat xalqın problemlərini işıqlandırmış, milli azadlıq ideyalarının yayılmasına xidmət etmiş, müstəqillik uğrunda mübarizədə əhəmiyyətli rol oynamışdır. Müstəqilliyini bərpa etdikdən sonra Azərbaycanda söz və mətbuat azadlığının inkişafı dövlət siyasətinin mühüm istiqamətlərindən birinə çevrilmişdir. Ümummilli Lider Heydər Əliyev mətbuatın inkişafına xüsusi diqqət yetirmiş, demokratik cəmiyyətin qurulmasında azad medianın rolunu yüksək qiymətləndirmişdir. Onun təşəbbüsü ilə 1998-ci ildə Azərbaycanda kütləvi informasiya vasitələri üzərində senzura ləğv edilmiş, bu da milli mətbuatın inkişafında yeni mərhələnin başlanğıcı olmuşdur.
Bu siyasət bu gün Azərbaycan Respublikasının Prezidenti cənab İlham Əliyev tərəfindən uğurla davam etdirilir. Dövlət başçısının rəhbərliyi ilə informasiya siyasəti daha da təkmilləşdirilmiş, media qurumlarının maddi-texniki bazasının gücləndirilməsi, jurnalistlərin sosial rifahının yaxşılaşdırılması və peşəkarlığının artırılması istiqamətində mühüm addımlar atılmışdır. Daha ətraflı »

Prezident İlham Əliyev Slovakiya Respublikasının Prezidenti Peter Pelleqrinin Azərbaycana səfəri zamanı iyulun 14-də Şuşada bəyanat verib.

Bəyanatda bildirilir ki, Slovakiya-Azərbaycan əlaqələrinin inkişafı uğurla davam edir.

Bizim siyasi təmaslarımız müntəzəm xarakter alır. Keçən ilin sonunda Slovakiyaya rəsmi səfərimi məmnunluqla xatırlayıram və mənə göstərilən qonaqpərvərliyə görə bir daha Sizə təşəkkürümü bildirmək istəyirəm.

Doğrudan da belə dinamik əlaqələrin inkişafı iki tərəfin niyyətini göstərir. Bu gün biz bir çox məsələləri müzakirə etdik və bir daha gördük ki, gündəliyimiz kifayət qədər genişdir. Nümayəndə heyətlərinin tərkibinə baxmaq kifayətdir ki, hər kəs görsün hansı istiqamətlər üzrə fəal işlər gedir, dialoq gedir və təkcə dialoq yox, praktiki işlər.

Qeyd olunub ki, Slovakiya-Azərbaycan siyasi əlaqələri çox yüksək səviyyədədir və qarşılıqlı səfərlər bunu əyani şəkildə göstərir.

2024-cü ildə biz strateji tərəfdaşlığa dair Birgə Bəyannamə imzalamışıq və bəyannamənin icrası göz önündədir. Çünki belə fəal siyasi təmaslar və birgə layihələrin icra olunması, əlbəttə ki, güclü siyasi iradə tələb edir. Daha ətraflı »

Ümummilli Lider Heydər Əliyevin ilk dəfə siyasi hakimiyyətə gəlişinin ildönümü münasibətilə Tərtər rayonunun Yuxarı Qapanlı kəndində Milli Məclisin deputatı Anar Məmmədovun təşəbbüsü ilə 250-yə yaxın sakinin su təminatını yaxşılaşdıran su çənləri (su kompleksi) əsaslı təmir-bərpa edilərək yenidən əhalinin istifadəsinə verilib.

Tədbirdə Tərtər rayon İcra Hakimiyyətinin başçısı Müstəqim Məmmədov, YAP Tərtər rayon təşkilatının sədri Eldar Əsədov, Dövlət Su Ehtiyatları Agentliyinin Tərtər rayon şöbəsinin müdiri və kollektivi, şəhid ailələri, qazilər, kənd sakinləri iştirak ediblər.

Sözügedən infrastruktur layihəsi şəhid ailələri və qazilərin millət vəkilinə müraciəti əsasında həyata keçirilib. Sakinlərin müraciətinə operativ reaksiya verən millət vəkili, Azərbaycan Dövlət Su Ehtiyatları Agentliyinin Tərtər rayon şöbəsinin rəhbərliyi ilə görüşərək məsələni müzakirə edib. Birgə dəstək və sıx əməkdaşlıq çərçivəsində su çənləri yerinə quraşdırılıb və bərpa işləri uğurla tamamlanıb. Millət vəkili Anar Məmmədov kənd sakinlərinin uzunillik su probleminin qısa zamanda həllində göstərdikləri operativliyə və səmərəli əməkdaşlığa görə Azərbaycan Dövlət Su Ehtiyatları Agentliyinin rəhbərliyinə və Tərtər rayon şöbəsinin bütün kollektivinə öz dərin təşəkkürünü bildirib.

Kənd sakinləri  göstərilən diqqət və qayğıya görə Azərbaycan Prezidenti İlham Əliyevə və Birinci vitse-prezident Mehriban Əliyevaya minnnətdarlıqlarını bildiriblər.

Bu gün Forumda 53 ölkədən 160 qonaq, o cümlədən 30 xəbər agentliyinin nümayəndələri, 60-dan artıq media qurumu, bu sahədə fəaliyyət göstərən 10 beynəlxalq təşkilat və təsisat iştirak edir. Son dörd il ərzində Forum 81 ölkənin 600-ə yaxın media nümayəndəsini bir araya gətirmişdir.

Forumun ideyası maraq doğuran məsələləri, qarşılıqlı surətdə narahatlıq doğuran sualları müzakirə etmək, həmçinin Qarabağ və Şuşa ilə tanış olmaq məqsədilə dünyanın müxtəlif guşələrindən media nümayəndələri üçün mühit yaratmaqdan ibarətdir. Əminəm ki, vaxt keçdikcə dövri olaraq buraya gələn qonaqlarımızın bir çoxu Qarabağın inkişafını, yenidənqurmanı görürlər. Onlar ilk dəfə gəldikləri zaman, bəlkə də yalnız dağıntıları gördülər, lakin indi şəhərləri görürlər. Onlar yeni mənzillərdə və evlərdə yaşayan insanları görürlər. Bir sözlə, bu, müxtəlif meyarların kombinasiyasıdır. Birincisi, hər dəfə, hər il Forumun mövzusu sadəcə cari çağırışları əks etdirir. İkincisi, mühit çox mehriban, çox müsbətdir və müxtəlif mediadan olan bir çox insanlar, əminəm ki, Şuşada görüşlərdən sonra yaxın dostlara çevrilirlər. Əlbəttə ki, bizim üçün mühüm meyar qərarların qəbul edilməsi prosesinə təsir göstərən, öz ölkələrində və onun hüdudlarından kənarda ictimai rəyi formalaşdıran insanlardan ibarət böyük qrupu toplamaqdır və Qarabağın öz köklərinə qayıtmasını, bu torpaqların yiyələrinin qayıtmasını, real inkişafı göstərməkdir; Daha ətraflı »

KƏND TƏSƏRRÜFATININ İNKİŞAFINDA YENİ DÖVR BAŞLAYIB

İyunun 16-da Qarabağ iqtisadi rayonunda Prezidentin 2026-cı il 25 may tarixli Sərəncamı ilə təsdiq edilmiş “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026-2030-cu illər üçün Dövlət Dövlət Proqramı”nın müzakirəsi ilə bağlı regional müşavirədə iştirak edən Tərtər Rayon İcra Hakimiyyətinin başçısı Müstəqim Məmmədov deyir:
–Hazırda proqramın icrası ilə bağlı rayonun aqrar sektorunda işləri daha da canlandırmaq məqsədilə tədbirlər həyata keçirilir. Bu tədbirlər kənd təsərrüfatında məhsuldarlığın artrılmasını, mövcud torpaq və su ehtiyatlarından daha səmərəli istifadə edilməsini nəzərdə tutur. Bununla əlaqədar yerlərdəki vəziyyəti və fermerlərin rəy və təkliflərini öyrənib gələcəkdə görüləcək işləri müəyyənləş-diririk.
Müşavirədəki nitqində Prezident İlham Əliyev deyib: “İntensiv bağçılıq, xüsusilə meyvə yetişdirilən bölgələrdə əsas prioritet olmalıdır və burada qarşıya məqsəd qoyulur ki, 20 min yeni hektarda intensiv bağçılıq səviyyəsində bağlar qurulsun”.
Qeyd edək ki, Tərtər rayonunda 2371,5 hektar meyvə və giləmeyvə bağları var. Bunlardan 824,9 hektarı intensiv, 1546,6 hektarı isə ənənəvi bağlardır. Bağların 49 hektarı yeni salınmışdır. Mövcud meyvə bağlarının 845,7 hektarı isə ixracat yönümlü xurma bağlarıdır.
Rayondakı iri müəssisələrdən birinin– “Frutti Aqro” MMC-nin rəhbəri Zaur Əliyevin verdiyi məlumata görə, “Frutti Aqro” MMC-nin ümumi əkin sahəsi 315 hektardır və bu sahənin 175 hektarını xurma, 70 hektarını nektarin, 44 hektarını şaftalı, 16 hektarını əncir,10 hektarını isə ərik bağları təşkil edir. Rayonun məşğulluğuna mühüm töhfə verən müəssisədə hazırda 60 nəfər daimi, mövsüm zamanı isə 200 nəfər yerli sakin işlə təmin olunur. Burada müasir tələblərə cavab verən mütərəqqi avtomatlaşdırılmış damlama suvarma sistemi qurulub. Eyni zamanda, ərazidə suvarma suyunun fasiləsizliyini təmin etmək üçün tutumu 200 min kubmetr olan xüsusi süni göl yaradılıb ki, bu da bitkilərin vegetasiya dövründə optimal su təminatına tam zəmanət verir. Daha ətraflı »