1 iyun – Uşaqların Beynəlxalq Müdafiəsi Günü münasibətilə Tərtər şəhər 5 nömrəli körpələr evi–uşaq bağçasında bayram tədbiri keçirilib.
Tədbirdə Tərtər Rayon İcra Hakimiyyətinin başçısı Müstəqim Məmmədov, YAP Tərtər Rayon Təşkilatının sədri Eldar Əsədov və Tərtər rayon Təhsil sektorunun müdiri Oqtay Sarıkişiyev də iştirak ediblər.
Rayon rəhbəri balaca fidanları əlamətdar gün münasibətilə təbrik edərək, onlara xoşbəxt gələcək, sağlam və qayğısız uşaqlıq arzulayıb. Qeyd edib ki, uşaqların hüquqlarının qorunması, onların hərtərəfli inkişafı və layiqli vətəndaş kimi formalaşması dövlət siyasətinin əsas prioritet istiqamətlərindən biridir. Ulu Öndər Heydər Əliyevin müəyyən etdiyi dövlət uşaq siyasəti bu gün Azərbaycan Respublika-sının Prezidenti cənab İlham Əliyev tərəfindən uğurla davam etdirilir. İcra başçısı Birinci vitse-prezident Mehriban xanım Əliyevanın uşaqlara göstərdiyi diqqət və qayğının cəmiyyət tərəfindən hər zaman yüksək qiymətləndirildiyini dilə gətirib.
Tərtər rayon Təhsil sektorunun müdiri Oqtay Sarıkişiyev uşaqların tərbiyəsi və təhsili üçün yaradılan şəraitdən söz açaraq, böyüyən nəslin gələcəyin savadlı və vətənpərvər vətəndaşları kimi yetişməsində məktəbəqədər təhsil müəssisələrinin rolunu vurğulayıb.
Sonda bağçanın kollektivi uşaqlara göstərilən sonsuz diqqət və qayğıya görə Respublika Prezidenti cənab İlham Əliyevə və Birinci vitse-prezident Mehriban xanım Əliyevaya öz dərin minnətdarlıqlarını bildiriblər.
Daha sonra bağçanın balaca sakinləri tərəfindən hazırlanmış maraqlı ədəbi-bədii kompozisiyalar, şeirlər, mahnı və rəqs nümunələri təqdim olunub. Körpələrin rəngarəng çıxışları tədbir iştirakçıları tərəfindən böyük maraq və alqışlarla qarşılanıb. Tədbirə dəvət olunmuş klounlar isə uşaqların sevincinə xüsusi rəng qataraq onları daha da şənləndiriblər.
Tədbirin sonunda uşaqlara bayram hədiyyələri təqdim olunub və xatirə şəkilləri çəkdirilib.

Tərtər kəndlisi bolluq yaratmaq əzmindən geri çəkilmir

Azərbaycanın bütün bölgələri bizim üçün doğmadır, əzizdir. Ancaq Tərtərin iqlimində, torpağında bir qeyri-adilik, insanları bura cəlb edən xüsusi gözəllik var. Bəlkə də bu, rayonun dağətəyi olmasından irəli gəlir. Tərtər Kiçik Qafqazın şimal-şərq ətəklərində, Qa-rabağ düzündə, Tərtər çayının sahilində yerləşdiyinə görə iqlimi də mülayimdir.
Rayonun ümumi ərazisi 42258 hektardır. Bunun 25352 hektarı suvarılandır. Onun da 20332,7 hektarı əkinəyararlı, 1969,9 hektarı həyətyanı, 2623,4 hektarı meyvə, giləmeyvə və üzüm bağları, 426 hektarı isə meşə sahələridir. Bunlardan əlavə, rayonun 3669,52 hektar örüş sahəsi var.
Tərtər çayı üzərində su tutumu 560 milyon kubmetr olan Sərsəng Su Anbarı və 5,84 milyon kubmetr su tutan Suqovuşan Su Anbarı tikilmişdir. Sərsəng Su Anbarındakı su ilə rayonun əkin sahələrinin 70 faizini suvarmaq mümkündür. Bu yerdə qeyd edək ki, rayonda məşğul əhalinin 57,9 faizi, yəni 21,93 min nəfəri kənd təsərrüfatı işləri ilə məşğuldur.
Tərtərin iqtisadiyyatında kənd təsərrüfatının sanballı payı var. Ötən il rayon üzrə ümumi daxili məhsul isteh-salının dəyəri 270,7 milyon manat olmuşdur ki, onun da 128,4 milyon manatı (47,4 faizi) kənd təsərrüfatı məhsullarının payıdır. Bu-nun 55,8 faizi bitkiçilik, 44,2 faizi heyvandarlıq məhsullarının dəyəri olmuşdur. Daha ətraflı »

34 ildir ki Hacıqərvənd kəndinin sakini, Birinci Qarabağ Müharibəsində itkin düşmüş Kəmaləddin Alışovun atası Əhəd kişinin gözləri yoldadır. Oğul həsrəti atanın belini büksə də, ümidini itirməyib, vüqari sınmayıb. Ona görə ki, ailə tək deyil. Tərtər Rayon İcra Ha-kimiyytinin başçısı Müstəqim Məmmədov ictimaiyyət nümayəndələri ilə birlikdə onların yanında olur, qayğıları ilə maraqlanır, vətən üçün dəyərli, igid övlad böyütdükləri üçün təşəkkür edirlər.
Bu günlərdə şəhid atasının 90 yaşı tamam olub. Bu əlamətdar gündə rayon rəhbəri digər qonaqlarla birlikdə ailəni ziyarət edib. Görüşdə Bakı Dövlət Universitetinin dosenti, filologiya üzrə fəlsəfə doktoru Rasim Süleymanov da iştirak edib.
Qeyd olunub ki, şəhid Alışov Kəmaləddin Əhəd oğlu 24 oktyabr 1973-cü ildə Tərtər rayonunun Hacıqərvənd kəndində anadan olub. Orta təhsilini həmin kənd orta məktəbində aldıqdan sonra doğma kəndlərində M.F.Axundov adına kolxozda əmək fəaliyyətinə baş-layıb. 1992-ci ilin avqust ayında Milli Ordu sıralarına həqiqi hərbi xidmətə çağırılan Kəmaləddin Alışov 701 saylı hərbi hissənin tərkibində Kəlbəcər bölgəsində erməni işğalçılarına qarşı aparılan döyüşlərdə fəal iştirak edib və 2 aprel 1993-cü ildə Kəlbəcər uğrunda gedən şiddətli döyüşlərdə itkin düşüb. Şəhid subay idi. Daha ətraflı »

Bu bəla arzuolunmaz yoluxucu xəstəlik,
sağlamlığın və mənəviyyatın qənimidir

Narkotik adətən beyin və sinir sisteminə təsir edən və istifadə edildikdə fiziki və ya psixoloji asılılıq yaradan maddələrə verilən ümumi addır. Bu maddələr ümumiyyətlə əyləndirici məqsədlərlə istifadə olunur, amma bu, onların sağlamlığa zərərli təsirini aradan qaldırmır. Narkomaniya insanların düçar olduğu çıxılmaz bataqlıqdır. Onu haqlı olaraq “ağ ölüm” də adlandırırlar. Ümumdünya Səhiyyə Təşkilatının məlumatına görə, bu gün dünya əhalisinin 270 milyonu planetimizin ən qlobal problemlərindən birinə çevrilən, insanları ölümün ağuşuna atan, genofonda sarsıdıcı zərbələr endirən bu ağır bəlanın əzabını yaşamaqdadır. Narkomanlıq və narkotiklərin qanunsuz dövriyyəsi ən ciddi və təhlükəli qlobal problemlərdən biri olmaqla, cəmiyyətin mənəvi və əxlaqi dəyərlərinə böyük zərbə vurur, cinayətkarlığın artmasına səbəb yaradır, eyni zamanda, terrorizmin maliyyə mənbəyi olmaqla beynəlxalq təhlükəsizliyə ən ciddi təhdidlərdən biri kimi çıxış edir. Bu baxımdan dünya dövlətlərinin əksəriyyətinin gündəliyində duran əsas məsələlərdən biri narkomanlığa və narkotik vasitələrin qeyri-qanuni dövriyyəsinə qarşı səmərəli mübarizənin təşkil edilməsidir. Azərbaycan Respublikası narkotiklərin qanunsuz dövriyyəsinə qarşı mübarizəni tənzimləyən beynəlxalq hüquq normalarını tam, hərtərəfli və sistemli şəkildə əks etdirən Birləşmiş Millətlər Təşkilatının Konvensiyalarına, o cümlədən 1972-ci il protokolu ilə edilmiş düzəlişlərlə “Narkotik vasitələrə dair 1961-ci il Vahid Konvensiyasına”, “Psixotrop maddələr haqqında” 1971-ci il Konvensiyasına və “Narkotik vasitələrin və psixotrop maddələrin qanunsuz dövriyyəsi ilə mübarizə haqqında” 1988-ci il Konvensiyasına qoşulmaqla bu cinayətlərə qarşı mübarizədə öz üzərinə mühüm vəzifələr götürmüşdür.
Bütün dünyada son dərəcə mürəkkəb ictimai təhlükəli hadisə sayılan narkomaniya və narkotik vasitələrin qanunsuz dövriyyəsi bəşəriyyəti öz əsarətinə alıb. Narkotiklə mübarizə bütün dünyada olduğu kimi, Azərbaycanda da insanları düşündürən ən aktual məsələlərdən biridir. Azərbaycan Respublikasının Prezidenti cənab İlham Əliyevin 2019-cu il 22 iyul tarixli Sərəncamı ilə təsdiq edilmiş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019-2024-cü illər üçün dövlət proqramı” adiyyəti dövlət orqanları tərəfindən icra olunub.
Bəşəriyyət üçün ən təhlükəli bəla olan narkomaniya ilə bağlı problemləri dünya ictimaiyyətinin diqqətində saxlamaq məqsədi ilə BMT iyun ayının 26-nı “Narkomaniyaya və Narkobiznesə qarşı Beynəlxalq Mübarizə Günü” elan edib. Məhz həmin gün narkomaniyaya qarşı mübarizə ilə bağlı atılan addımların hesabatı kimi dəyərləndirilir. Yaşadığımız dövrün ən aktual, ağrılı problemi olan narkomaniya və onun fəsadlarına qarşı mübarizə ilə bağlı əhali, xüsusən də gənc nəsil arasında maarifləndirmə və təbliğat işlərinin aparılması ölkəmizdə də ümumxalq hərəkatına çevrilib.
Narkomanlıq insan cəmiyyətinin mənəvi və əxlaqi dəyərlərinə ciddi zərbə vuran, sosial-iqtisadi inkişafa mənfi təsir göstərən, insanların həyat və sağlamlığına böyük təhlükə yaradan, həmçinin cinayətkarlığın artmasına səbəb olan əsas amillərdən biridir. Məhz bunlara görə Ümummilli Liderimiz Heydər Əliyev bu növ cinayəti cəmiyyətin “sosial bəlası” adlandırmışdır. Ümummilli Liderimiz Heydər Əliyevin 15 iyul 2000-ci il tarixli fərmanı ilə 2000-2006-cı illəri əhatə edən narkomanlığın yayılmasına, narkotik vasitələrin, psixotrop maddələrin qeyri-qanuni dövriyyəsinə qarşı mübarizə üzrə Milli Proqram qəbul edilmiş, həmçinin xüsusi Dövlət Komissiyası yaradılmışdı. Narkotik maddələrin qəbul edilməsi ilə insan fiziki və psixoloji cəhətdən məhv olur. Narkomaniya yaddaş və təfəkkürü pozur, həyata, siyasi proseslərə qarşı laqeydlik yaradır. Cəmiyyətin böhranlı dövründə narkomanlıq artır, sosial münasibətlərə mənfi təsir göstərir. Narkotik maddələrin qanunsuz dövriyyəsi və narkomanlığa qarşı mübarizə sahəsində dövlət orqanlarının qeyri-hökumət təşkilatları ilə yaxından əməkdaşlıq etməsi, qarşılıqlı əlaqəli işləməsi təqdirəlayiq hesab edilməlidir. Narkomaniya bəşəriyyətin mübarizə apardığı arzuolunmaz yoluxucu xəstəlik, sağlamlığın və mənəviyyatın qənimidir. Ona görə də hər kəs insanlığa bəla olan bu problemlə mübarizədə fəal olmalıdır.

Azər Cəfərov,
Tərtər rayon prokurorunun
köməkçisi, III dərəcəli hüquqşünas

Hərdən polis əməkdaşları ilə bərabər məktəblərimizdə olur, narkomaniya ilə mübarizə tədbirlərində iştirak edirəm. Bu zaman şa-girdlərimizin maraq dolu baxışlarını, bəyaz köynəklərini görüb düşünürəm ki, indi onların həyatı da bax beləcə bəmbəyaz, təmiz və safdır. Onların həyat kitabının ağ səhifələrinə “ağ ölüm” sözü yazılmayıb və Allahdan arzu edirəm ki, heç zaman yazılmasın.
Lakin hər şey arzuladığımız kimi olmur. Narkomaniya yalnız ölkəmizin, rayonunumuzun bəlası deyil, bəşəriyyətin məhvedici bir xəstəliyidir. Digər xəstəliklərdən fərqi budur ki, bundan qurtuluş ya mümkün deyil, ya da çox iradəli insanlar nadir hallarda ona qalib gələ bilirlər. Odur ki, maarifləndirmək, maariflənmək vacibdir.
Kim zəmanət verə bilər ki, başqasını da düşdüyü hala salmağa, yaxud hansısa bir yolla pul əldə etməyə cəhd edən narkotik alüdəçisi əllərini bu uşaqlara uzatmayacaq? Odur ki, yalnız narkomaniyaya qarşı mübarizə günündə deyil, elə hər gün, həmişə bu bəlanın yaxında olduğunu və ondan necə qorunmğın yollarını şagirdlərə öyrətmək vacib və xeyirxah bir vəzifədir.
Hal-hazırda rayonumuzda narkomaniyaya qarşı ciddi mübarizə tədbirləri həyata keçirilir. Bununla belə, həyəcan doğuran xəbərlər eşidirik. Bu bəlanın yaşı cavanlaşır, hətta nəinki uşaqlar, qadınlar da “ağ ölüm”ə düçar olurlar. Cəmiyyət olaraq hər kəs bu işdə öz üzərinə düşən vəzifəni yerinə yetirsə, yəqin ki, övladlarımızın ömür kitabına heç zaman “ağ ölüm” sözü yazılmayacaq.

Svetlana Bağırova

Hüseyn Arif boşluğu

Müasir dünya iqtisadiyyatının və geosiyasətinin mühüm dialoq platformalarından sayılan Bakı Enerji Həftəsi, öz təməlini və tarixi əsasını vaxtilə ulu öndər Heydər Əliyevin uzaqgörən strategiyası ilə reallaşdırılan Xəzər Neft və Qaz Sərgisindən götürmüşdür. Prezident İlham Əliyev cənabları  açılış mərasimindəki çıxışında bu tarixi təkamül prosesinə xüsusi toxunaraq bildirdi ki, otuz il əvvəl əsası qoyulan bu sərgi müasir müstəqil Azərbaycanın enerji inkişafının və iqtisadi müstəqilliyinin bünövrəsini təşkil etmişdir. Zaman keçdikcə bu layihə təbii bir inkişaf yolu keçərək regional çərçivələri aşmış, əhatə dairəsini genişləndirmiş və bu gün qlobal miqyasda ən aktual mövzuların, irihəcmli investisiya müqavilələrinin müzakirə edildiyi möhtəşəm bir foruma çevrilmişdir. Dövlət başçısı builki tədbirin həm də rəmzi və çox mühüm bir yubileylə üst-üstə düşdüyünü vurğuladı.

Azərbaycanın dünya miqyasında nümayiş etdirdiyi etibarlı tərəfdaşlıq imici və rəsmi Bakının təşəbbüskarı olduğu meqa-layihələrin qlobal çəkisi tədbir zamanı oxunan beynəlxalq təbrik məktublarında öz aydın ifadəsini tapdı. Daha ətraflı »

Prezident İlham Əliyev 2026-cı il 1 iyun tarixində Bakı Enerji Həftəsinin rəsmi açılış mərasimində çıxış edib. Dövlət başçısı bildirib ki, Xəzər Neft və Qaz Sərgisi müasir Azərbaycanın enerji inkişafının bünövrəsini qoydu. Vaxt ötdükcə o dəyişdi, daha böyük vüsət aldı və hazırda çoxsaylı tədbirlər və xeyli faydalı mərasimlərlə yadda qalan “Bakı Enerji Həftəsi” adlanır. Dünyanın ən iri qaz yataqlarına aid “Şahdəniz” müqaviləsi dəqiqliklə 30 il əvvəl, 1996-cı ilin iyununda imzalanıb. Beləliklə, sayı artan ölkələrin enerji təhlükəsizliyinə töhfə verən Azərbaycanın müasir qaz hasilatında yeni səhifə açıldı. Bu tədbirin əhəmiyyəti, həmçinin ABŞ Prezidenti Donald Trampın nəzakətli məktubunda əks olunub.

“Bakı Enerji Həftəsi” qlobal enerji səhnəsində həqiqətən aparıcı tədbirlərdən biridir.

Prezident İlham Əliyev nəzakətli məktubuna görə Prezident Trampa və həmçinin tədbirə məktub göndərmiş Türkiyə Prezidenti Ərdoğana və Birləşmiş Krallığın Baş naziri Starmerə təşəkkürünü bildirib.Enerji məsələsini yenidən normal məcraya qaytardığına görə Prezident Trampa daha bir təşəkkür düşür. Hamımız bilirik ki, uzun illər neft və qaz hasilatı ilə məşğul olan ölkələr və şirkətlərə damğa vurulurdu, bəzən qarayaxma obyektinə çevrilirdilər, planetin dağıdılmasında ittiham olunurdular. Hər hansı əsas olmadan, ictimai rəylə küncə sıxışdırılırdılar. Daha ətraflı »

Azərbaycan Respublikasının Prezidenti İlham Əliyevin rəhbərliyi ilə həyata keçirilən iqtisadi şaxələndirmə siyasətində kənd təsərrüfatı sektoru hər zaman strateji prioritetlərdən biri olaraq qalmaqdadır.

Dövlət başçısının kənd təsərrüfatı məsələlərinə həsr olunmuş geniş tərkibli müşavirədəki proqram xarakterli çıxışı ölkənin aqrar sektorunun mövcud vəziyyətini təhlil etmək, qarşıda duran vəzifələri müəyyənləşdirmək və gələcək inkişaf trayektoriyasını cızmaq baxımından müstəsna əhəmiyyət kəsb edir. Prezidentin çıxışında qida təhlükəsizliyinin təmin edilməsi, işğaldan azad olunmuş ərazilərin aqrar potensialının dövriyyəyə cəlb edilməsi, su ehtiyatlarından səmərəli istifadə və subsubsidiyalaşdırma sisteminin təkmilləşdirilməsi kimi qlobal və regional çağırışlara cavab verən fundamental məsələlər ön plana çəkilmişdir.

Prezident İlham Əliyev öz çıxışında qlobal bazarlarda baş verən geosiyasi dəyişiklikləri fonunda qida təhlükəsizliyinin milli təhlükəsizliyin tərkib hissəsi olduğunu xüsusi vurğulamışdır. Ölkə rəhbəri qeyd etmişdir ki, Azərbaycan əsas ərzaq məhsulları ilə özünü təminetmə səviyyəsini maksimum dərəcəyə çatdırmalıdır. Xüsusilə taxılçılıq, heyvandarlıq və quşçuluq sahələrində yerli istehsalın artırılması, idxaldan asılılığın minimuma endirilməsi hökumət qarşısında mühüm vəzifə kimi qoyulmuşdur. Prezident ənənəvi kənd təsərrüfatı sahələrinin inkişafının həm daxili tələbatı ödəmək, həm də ölkəyə valyuta axınını təmin edən qeyri-neft ixracını stimullaşdırmaq baxımından əhəmiyyətini diqqətə çatdırmışdır Daha ətraflı »