Mayın 4-də Azərbaycan Respublikası Səhiyyə Nazirliyi “Respublika Qan Bankı” Publik Hüquqi Şəxsi və Tərtər Rayon İcra Hakimiyyətinin birgə təşkilatçılığı ilə Tərtər Rayon İcra Hakimiyyətində Azərbaycan Respublikasının Birinci vitse-prezidenti Mehriban xanım Əliyevanın Azərbaycanda “Talasemiyasız həyat naminə” proqramı çərçivəsində Talasemiyadan əziyyət çəkən uşaqlara qan toplamaq məqsədilə qanvermə aksiyası keçirilib.

Aksiyada Tərtər Rayon İcra Hakimiyyətinin başçısı Müstəqim Məmmədov, məhkəmələrin və hüquq-mühafizə orqanlarının rəhbərləri, rayonda fəaliyyət göstərən idarə, müəssisə və təşkilatların kollektivləri, hüquq-mühafizə orqanlarının əməkdaşları, şəhid ailələri, qazilər, ictimaiyyət nümayəndələri, gənclər, ümumilikdə minlərlə rayon sakini könüllü olaraq iştirak edib.

Qanvermə aksiyasında iştirak edənlər əvvəlcə müayinədən keçib, onlardan qan analizi götürülərək sağlam olub-olmamaları müəyyənləşdirilib. Aksiyada 201 nəfər qan verib.

Aksiyada iştirak edən rayon icra hakimiyyətinin başçısı Müstəqim Məmmədov bildirib ki, qanvermə aksiyasının məqsədi hemofiliya və talassemiya xəstəliklərindən əziyyət çəkən insanlara, xüsusən də uşaqlara yardım etmək və onlar üçün tədarük olunan qan ehtiyatını artırmaqdır.

Talassemiya və digər irsi qan xəstəliklərindən əziyyət çəkən xəstələrin həyatı kütləvi surətdə qanvermə aksiyalarından asılıdır. Bu məqsədlə 2005-ci ildə Azərbaycan Respublikasının Birinci vitse-prezidenti və Heydər Əliyev Fondunun prezidenti Mehriban xanım Əliyevanın təşəbbüsü və qayğısı ilə başlanılmış “Talassemiyasız həyat naminə” proqramı çərçivəsində mütəmadi olaraq qanvermə aksiyaları keçirilir. Könüllü qan vermə aksiyalarından toplanan qan irsi qan xəstəliklərindən əziyyət çəkənlərin müalicəsinə sərf olunur.

Mərkəzi Qan Bankının əməkdaşları tərəfindən toplanan qan ehtiyacı olan xəstələrin müalicəsində istifadə olunacaq.

2026-cı il aprelin 30-da Azərbaycan Respublikasının Prezidenti cənab İlham Əliyev Albaniyanın paytaxtı Tiranada keçirilmiş güləş üzrə Avropa çempionatında həm fərdi, həm də komanda hesabında parlaq zəfər qazanmış milli komandamızın üzvlərini, məşqçilər korpusunu və Azərbaycan Güləş Federasiyasının rəhbərliyini qəbul etmişdir. Bu görüş sadəcə bir idman uğurunun qeyd edilməsi deyil, həm də Azərbaycanın dünya idman arenasında artan nüfuzunun, dövlətin gənc nəslə və milli dəyərlərə verdiyi yüksək qiymətin növbəti təzahürü olmuşdur.

Tiranada keçirilən qitə birinciliyi Azərbaycan güləş məktəbinin nə qədər dərin köklərə və sarsılmaz sistemə malik olduğunu bir daha bütün dünyaya nümayiş etdirdi. Xüsusilə yunan-Roma güləşi üzrə yığma komandamızın 133 xal toplayaraq komanda hesabında Avropa çempionu olması, ən yaxın izləyiciləri olan Türkiyə və Gürcüstan kimi güclü güləş ölkələrini böyük fərqlə geridə qoyması tarixi nailiyyətdir.

Dövlət başçısı qəbul zamanı bu uğuru xüsusi vurgulayaraq qeyd etmişdir ki, komanda hesabında birinci olmaq hər bir çəki dərəcəsində güclü idmançıya malik olmaq deməkdir. Bu, bir təsadüf deyil, illərlə aparılan məqsədyönlü hazırlığın, idmançıların əzmkarlığının və federasiyanın düzgün strategiyasının bəhrəsidir.

Görüşdə 67 kq çəki dərəcəsində mübarizə aparan və finalda rəqibini məğlub edərək dördqat Avropa çempionu adını qazanaraq yeni rekorda imza atan Həsrət Cəfərovun uğuru xüsusi rəğbətlə qarşılanmışdır. Prezident İlham Əliyev Həsrətin gənc yaşına rəğmən bu cür sabit və yüksək nəticələr göstərməsini digər gənc idmançılar üçün nümunə adlandırmışdır.

Möhtərəm Prezidentimiz qəbuldakı dərin məzmunlu çıxışında bir neçə mühüm strateji məqama toxunaraq qeyd etdi ki,birinci idmanda ədalətsizliklə mübarizə məsələsidir. Prezident qeyd etdi ki, bəzən beynəlxalq yarışlarda Azərbaycan idmançılarına qarşı qərəzli və subyektiv yanaşmalar müşahidə olunur. Lakin bizim güləşçilərimiz xalça üzərində elə bir üstünlük nümayiş etdirirlər ki, heç bir kənar müdaxilə onların qələbəsinə mane ola bilmir. “Sizin qələbəniz həm də ədalətin zəfəridir” – deyə dövlət başçımız bildirmişdir. İkincisi, güləşin milli sərvətimiz olmasıdır. Güləşin Azərbaycan xalqının genetik yaddaşında xüsusi yer tutduğunu deyən İlham Əliyev, bu idman növünün kütləviləşməsinin gənclərin sağlam və vətənpərvər ruhda böyüməsindəki rolunu önə çəkmişdir. Üçüncüsü isə dövlət dəstəyinin davamlılığıdır. Prezident əmin etdi ki, Azərbaycan dövləti idmançıların sosial məişət şəraitinin yaxşılaşdırılması, müasir məşq bazalarının yaradılması və onların beynəlxalq səviyyədə müdafiəsi üçün bundan sonra da bütün imkanlarını səfərbər edəcəkdir.

Görüşdə çıxış edən baş məşqçilər və idmançılar dövlət başçısına onlara göstərilən ali diqqət və qayğıya görə dərin minnətdarlıqlarını ifadə etmişlər. Qeyd olunmuşdur ki, Prezidentin hər bir yarışdan sonra idmançıları qəbul etməsi, onların qayğıları ilə şəxsən maraqlanması onlar üçün ən böyük motivasiya mənbəyidir. İdmançılar bu diqqətin qarşılığında qarşıdan gələn Dünya çempionatında və növbəti beynəlxalq turnirlərdə Azərbaycan bayrağını daha uca zirvələrə qaldıracaqlarına söz vermişlər.

30 aprel 2026-cı il tarixində keçirilən bu qəbul bir daha sübut etdi ki, Azərbaycan idmanı özünün intibah dövrünü yaşayır. Prezident İlham Əliyevin rəhbərliyi ilə həyata keçirilən idman siyasəti Azərbaycanı dünyada həm güclü rəqib, həm də möhtəşəm ev sahibi kimi tanıdır. Güləşçilərimizin Tiranadakı zəfəri və Bakıdakı ali səviyyəli qəbul, xalqımızın birliyinin və dövlətimizin qüdrətinin növbəti nümayişi kimi tarixin qızıl səhifələrinə yazıldı.

Eldar Əsədov

YAP Tərtər rayon təşkilatının sədri

Azərbaycan dövlətinin idmana və idmançılara göstərdiyi yüksək diqqət və qayğı növbəti tarixi uğurla taclanıb. Tiranada keçirilmiş Avropa çempionatında həm sərbəst, həm də yunan-Roma güləşi üzrə milli komandamızın komanda hesabında birinci yeri tutması ölkəmizin idman qüdrətinin növbəti nümayişi oldu. Bu möhtəşəm qələbə münasibətilə idmançıları qəbul edən Prezident İlham Əliyev qazanılan uğuru yüksək qiymətləndirərək, bu zəfərin bütün xalqımıza böyük qürur hissi bəxş etdiyini vurğuladı.

Dövlət başçısı qeyd etdi ki, müasir dövrdə dünyada və Avropada güləş üzrə rəqabətin kəskin artdığı bir şəraitdə komanda hesabında birinciliyi əldə etmək böyük nailiyyətdir. Xüsusilə gənc güləşçilərin tanınmış idmançılarla çiyin-çiyinə yüksək nəticələr göstərməsi Azərbaycanda məşq və seleksiya prosesinin düzgün qurulduğunun, güləş ənənələrinin uğurla yaşadıldığının bariz göstəricisidir. Bu inkişaf zənciri — veteran çempionların bu gün federasiya rəhbərliyində və məşqçi korpusunda təmsil olunması, onların yetirmələrinin isə yeni zirvələr fəth etməsi Azərbaycan idmanında varislik prinsipinin qorunduğunu sübut edir.

Ölkəmizdə idman sadəcə fiziki hazırlıq deyil, həm də cəmiyyətin ayrılmaz hissəsi və gənc nəslin vətənpərvərlik ruhunda tərbiyə olunması üçün mühüm amildir. Prezident İlham Əliyevin 30 ilə yaxın müddətdə Milli Olimpiya Komitəsinə rəhbərlik etməsi bu sahədə dayanıqlı inkişafın təminatçısına çevrilib. Bu gün hər bir bölgədə, o cümlədən Tərtər rayonunda və digər rayonlarımızda fəaliyyət göstərən Olimpiya İdman kompleksləri və güləş zalları gələcək uğurlarımızın əsas bazasını təşkil edir. İdmana qayğı artıq dövlət siyasətinin prioritet istiqamətlərindən biridir. Daha ətraflı »

Tərtər Rayon İcra Hakimiyyətinin, YAP rayon təşkilatının, rayon Mərkəzi Xəstəxanası Publik Hüquqi Şəxsin və Qarabağ Regional Mədəniyyət İdarəsinin Tərtər rayonu üzrə nümayəndəliyinin birgə təşkilatçılığı ilə rayon Mədəniyyət Mərkəzində Akademik Zərifə xanım Əliyevanın anadan olmasının 103-cü ildönümü münasibətilə tədbir keçirilib.

Əvvəlcə tədbir iştirakçıları mərkəzi meydanda Ulu Öndər Heydər Əliyevin abidəsini ziyarət edib önünə gül-çiçək dəstələri düzüb, xatirəsini ehtiramla yad ediblər.

Tədbirdə rayon icra hakimiyyətinin başçısı Müstəqim Məmmədov, YAP rayon təşkilatının sədri Eldar Əsədov, məhkəmə və hüquq-mühafizə orqanlarının rəhbərləri, rayon icra hakimiyyəti başçısı aparatının məsul əməkdaşları, idarə, müəssisə və təşkilat rəhbərləri, səhiyyə, təhsil, mədəniyyət işciləri, bələdiyyə sədrləri və rayon içtimaiyyətinin nümayəndələri iştirak ediblər.

Əvvəlcə tədbir iştirakçıları akademik  Zərifə xanım Əliyevanın həyat və fəaliyyətini əks etdirən foto sərgiyə baxıblar.

Sonra  tədbir rayon Mədəniyyət Mərkəzinin zalında davam etdirilib. Daha ətraflı »

Dövlət başçısı deyib:

– Bu, bizim birinci görüşümüz olmuşdur və görüş çox məhsuldar keçmişdir, bir çox məsələlər ətrafında fikir mübadiləsi apardıq. Mən cənab Baş naziri Azərbaycana rəsmi səfərə dəvət etmişəm və şadam ki, bu gün cənab Baş nazir bu səfəri Azərbaycana həyata keçirir. Bu, iki ölkə arasındakı əlaqələrin dinamik şəkildə inkişafını göstərir. Bizim indi çox fəal siyasi dialoqumuz var. Bu gün bir çox məsələlər – həm regional, həm ikitərəfli, həm də daha qlobal xarakter daşıyan məsələlər ətrafında fikir mübadiləsi aparılmışdır.

Bildirilib ki, iqtisadi sahədə görüləcək işlərlə bağlı konkret təkliflər var. Cənab Baş nazirlə birlikdə Azərbaycana Çexiyadan böyük qrup iş adamları gəlmişdir və bu gün keçiriləcək biznes-forumda həm yeni təmaslar qurulacaq, həm də mövcud layihələrlə bağlı fikir mübadiləsi aparılacaq. Bizim çox böyük ümidimiz ondan ibarətdir ki, ticarət dövriyyəmizi daha da yüksək səviyyəyə qaldıraq. Halbuki bu gün də ticarət dövriyyəmiz əhəmiyyətli dərəcədə artmışdır, 800 milyon dollardan çoxdur. Amma əgər biz ticarət dövriyyəsinin strukturuna baxsaq görərik ki, burada əsasən Azərbaycan neftinin ixracı gözə dəyir. Ona görə biz ticarət dövriyyəsinin daha tarazlı olmasını və strukturun təkmilləşdirilməsini arzulayırıq.

Diqqətə çatdırılıb ki, əməkdaşlığımızın böyük hissəsi energetika sektoruna aiddir.

Burada da uzun illər ərzində Çexiya və Azərbaycan çox etibarlı tərəfdaşlardır. Azərbaycan nefti Çexiyaya ixrac edilir və Çexiyanın enerji balansında önəmli yer tutur. Azərbaycan dünya bazarlarına öz enerji resurslarını ixrac edən etibarlı ölkələr sırasındadır. Bunu, o cümlədən Avropa İttifaqı da qeyd edir və Azərbaycanı etibarlı tərəfdaş kimi qiymətləndirir;

Azərbaycan qazı 16 ölkəyə ixrac edilir və onlardan 10 ölkə Avropa İttifaqının üzvüdür.

O cümlədən Azərbaycan Çexiyaya qonşu olan ölkələrə təbii qaz ixrac edir.

Prezident İlham Əliyev deyib ki, ölkələrimiz arasında digər önəmli əməkdaşlıq sahəsi müdafiə sənayesi ilə bağlıdır.

Burada da uzun müddət ərzində uğurlu əməkdaşlıq aparılır. Biz Çexiyadan bir çox hərbi təyinatlı məhsullar alırıq və indiki mərhələdə birgə istehsalla bağlı konkret layihələr üzərində danışıqlar gedir. Əminəm ki, bu sahə də çox genişmiqyaslı olacaq. Çünki Azərbaycan öz müdafiə potensialını, o cümlədən yerli istehsal hesabına təmin edir və gələcəkdə bu sahədə böyük təcrübəsi olan Çexiya kimi ölkələrlə bizim müştərək işlərimiz xüsusi önəm daşıyır.

Bu gün bir çox digər sahələr ətrafında fikir mübadiləsi aparıldı. Hökumətlərarası Komissiyanın tezliklə tədbir keçirməsi, yenidən görüşməsi ilə bağlı fikir mübadiləsi aparılmışdır. Yəni bu gün bir daha Çexiya-Azərbaycan dostluğu, əməkdaşlığı öz təsdiqini tapır və bizim qarşımızda çox gözəl perspektivlər açılır.

Azərbaycan Respublikası və Çex Respublikası arasında ikitərəfli münasibətlər:

https://mfa.gov.az/az/category/avropa/cexiya

Azərbaycan Respublikasının Prezidenti İlham Əliyev və Ukrayna Prezidenti Volodimir Zelenskinin aprelin 25-də keçirilən görüşü iki ölkə arasında strateji tərəfdaşlığın yüksək səviyyədə olduğunu bir daha təsdiqləyib. Görüş zamanı əməkdaşlığın mövcud vəziyyəti, gələcək perspektivləri və qarşılıqlı maraq doğuran məsələlər ətraflı müzakirə olunub.

Dövlət başçıları səviyyəsindəki təmasların intensiv xarakter daşıdığını vurğulayan Prezident İlham Əliyev, son dörd il ərzində keçirilən yeddi görüşün ikitərəfli əlaqələrin dinamik inkişafının göstəricisi olduğunu bildirib. Dövlət başçıları arasında formalaşmış şəxsi dostluq və yüksək etimad münasibətləri strateji tərəfdaşlığın əsas təməllərindən biridir.

Azərbaycan-Ukrayna əməkdaşlığı möhkəm siyasi-hüquqi bazaya malikdir. 2008 və 2011-ci illərdə imzalanmış strateji tərəfdaşlığa dair sənədlər iki ölkənin bir-birinin suverenliyinə, ərazi bütövlüyünə və sərhədlərin toxunulmazlığına verdiyi dəstəyi təsbit edir. Tərəflər beynəlxalq təşkilatlarda qarşılıqlı olaraq bir-birinin ərazi bütövlüyünü prinsipial şəkildə dəstəkləyirlər və bu xətt gələcəkdə də davam etdiriləcək.

Energetika sahəsi əməkdaşlığın prioritet istiqamətlərindən biridir. SOCAR-ın Ukraynada uzun illərdir uğurla fəaliyyət göstərməsi, bu sahədə əldə olunan nailiyyətlər və yeni birgə perspektivlər müzakirə edilib. Eyni zamanda, ticarət dövriyyəsinin yarım milyard dolları ötdüyünü vurğulayan dövlət başçısı, bu rəqəmin daha da artırılması üçün böyük potensialın olduğunu bildirib.

Həmçinin, hər iki ölkənin inkişaf etmiş hərbi sənaye kompleksi mövcuddur ki, bu da birgə istehsal və sənaye sahəsində əməkdaşlıq üçün geniş imkanlar yaradır. Sonda Azərbaycan Prezidenti vurğulayıb ki, bu səfər qarşılıqlı hörmət və maraqların təmin edilməsi əsasında qurulan Azərbaycan-Ukrayna dostluq əlaqələrinin inkişafına növbəti mühüm töhfə olacaq.

Prezident İlham Əliyevin 25 aprel 2026-cı il tarixində Ukrayna Prezidenti Volodimir Zelenskinin Azərbaycana rəsmi səfəri çərçivəsində mətbuata verdiyi bəyanat, iki ölkə arasındakı münasibətlərin strateji mahiyyətini, regional təhlükəsizlik arxitekturasındakı yerini və gələcək inkişaf vektorlarını müəyyən edən hərtərəfli bir yol xəritəsi xarakteri daşıyır. Bu bəyanat, müasir beynəlxalq münasibətlər sisteminin mürəkkəb fonunda Azərbaycanın prinsipial, müstəqil və humanizm dəyərlərinə sadiq xarici siyasət kursunu bir daha bütün dolğunluğu ilə nümayiş etdirdi.

Cənab İlham Əliyev çıxışında ən fundamental məqam beynəlxalq hüququn norma və prinsiplərinə, xüsusilə də ölkələrin ərazi bütövlüyü və suverenliyinə verilən sarsılmaz dəstək idi. Prezident İlham Əliyev xatırlatdı ki, Azərbaycan və Ukrayna hər zaman beynəlxalq müstəvidə bir-birinin haqlı mövqeyini müdafiə edib. Bu dəstək sadəcə diplomatik bir etiket deyil, eyni zamanda hər iki dövlətin suverenlik uğrunda keçdiyi çətin sınaqların və ortaq dəyərlərin təzahürüdür. Azərbaycanın bu məsələdəki qətiyyəti, beynəlxalq səviyyədə tanınmış sərhədlərin toxunulmazlığının bütün dövlətlər üçün bərabər tətbiq olunmalı olduğu mesajını yenidən gündəmə gətirdi.

İqtisadi və enerji əməkdaşlığı bəyanatın sütunlarından birini təşkil edirdi. Prezident İlham Əliyev qeyd etdi ki, Azərbaycanın enerji resursları və Avropanın enerji təhlükəsizliyində oynadığı mühüm rol Ukrayna ilə əlaqələrdə yeni perspektivlər açır. SOCAR-ın Ukrayna bazarındakı aktiv fəaliyyəti, enerji infrastrukturuna qoyulan investisiyalar və yanacaq təminatında göstərilən etibarlılıq iki ölkə arasındakı iqtisadi etimadın ən bariz göstəricisidir. Bundan əlavə, Azərbaycanın təşəbbüskarı olduğu nəqliyyat-logistika layihələri, xüsusilə “Orta Dəhliz” və Bakı-Tbilisi-Qars dəmir yolu xətti vasitəsilə Ukraynanın Şərq-Qərb yükdaşımalarına inteqrasiyası məsələsi geniş müzakirə olunan mövzular arasında yer aldı. Bu, təkcə ikitərəfli ticarət dövriyyəsinin artmasına deyil, həm də bütün regionun iqtisadi dayanıqlılığına xidmət edən strateji bir addımdır.

Eldar Əsədov,

YAP Tərtər rayon təşkilatının sədri 

Daha ətraflı »

Azərbaycan Dövlət İqtisad Universitetinin “Maliyyə və audit”  kafedrasının dosenti  Kifayət Xudaverdiyevanın müəllifi olduğu “Azərbaycanın ziyalı xanımları” kitabı respublikamızın müxtəlif bölgələrində olduğu kimi, Tərtər rayonunda da maraqla qarşılanıb. Nəşrdə Azərbaycanın elmi, mədəni, siyasi və ictimai həyatında mühüm iz qoymuş qadınların həyat və fəaliyyəti geniş şəkildə əks olunub. Kitabda Mehriban Əliyeva, Zərifə Əliyeva, Aida İmanquliyeva, Nərgiz Paşayeva, Leyla Əliyeva, Arzu Əliyeva, Gövhər Baxşəliyeva, Nailə Vəlixanlı, Zemfira Səfərova, Firəngiz Əlizadə, Bahar Muradova, Aynur Sofiyeva, Gülçöhrə Məmmədova, Mahirə Hüseynova, Telli Pənah qızı, Zülfiyyə Vəliyeva, Məhəbbət Paşayeva və digər tanınmış ziyalı xanımlar haqqında ensiklopedik məlumatlar təqdim olunub. Bunlar yalnız ensiklopedik məlumatlar deyil, Azərbaycan qadınının müdrik obrazının təcəssümü, bu günün və gələcəyin gəncləri üçün gözəl nümunədir. “Azərbaycanın ziyalı xanımları” kitabını oxuduqda aydın olur ki, qadınlarımız zərif olduqları qədər də güclüdürlər və əldə etdikləri uğurlarla Azərbaycanımızın inkişafına samballı töhfələr verirlər. Bu kitab həmçinin ziyalı xanımlarımızı beynəlxalq ictimaiyyətə tanıtmaqla ölkələrarası dostluq və əməkdaşlıq əlaqələrinin möhkəmlənməsinə töhfə vermiş olacaq.

Kitabda tərtərlilərin sevimlisi və fəxri, həmyerlimiz Məhəbbət Paşayevanın həyat və fəaliyyəti haqqında məlumatın dərc edilməsini böyük razılıq hissi ilə qarşıladıq. Məhəbbət xanıma verilən dəyər ümumilikdə qəhrəman Tərtərin qəhrəman qadınlarına verilən yüksək qiymətdir. O, şəhidlərimizin, əsgərlərimizin bacısı, anası, silahdaşı, son vəsiyyətlərini eşidən bir mələk olub. Məhəbbət xanımın müharibə illərində göstərdiyi igidliklər, eləcə də onun həkimlik fəaliyyəti Azərbaycan qadınının yüksək mənəvi xüsusiyyətlərinin təcəssümüdür.

Kitabın nəşrində zəhməti olan hər kəsə, eləcə də müəllif  Kifayət Xudaverdiyevaya Tərtər ziyalıları adından təşəkkürümüzü bildiririk.

Svetlana Bağırova

Aprelin 15-də Tərtər Rayon İcra Hakimiyyətinin və YAP Tərtər rayon təşkilatının birgə təşkilatçılığı ilə YAP Tərtər rayon təşkilatının inzibati binasında akademik Zərifə xanım Əliyevanın anım gününə həsr olunmuş tədbir keçirilib.

Tədbirdə Tərtər Rayon İcra Hakimiyyəti başçısı aparatında İctimai-siyasi və humanitar məsələlər sektorunun müdiri Zabil Paşayev, YAP Tərtər rayon təşkilatının sədr müavini Azər Ağayev, rayonda fəaliyyət göstərən idarə, müəssisə və təşkilatların əməkdaşları və ictimaiyyət nümayəndələri iştirak ediblər.

Əvvəlcə Ümummilli Lider Heydər Əliyevin, akademik Zərifə xanım Əliyevanın və torpaqlarımızın ərazi bütövlüyü uğrunda canlarını qurban vermiş şəhidlərin ruhu bir dəqiqəlik sükutla yad edilib.

Tərtər rayon İcra Hakimiyyəti başçısı aparatında İctimai-siyasi və humanitar məsələlər sektorunun müdiri Zabil Paşayev tədbiri açaraq, Zərifə xanım Əliyevanın həyat və elmi fəaliyyəti barədə məruzə edib. Bildirib ki, 1981-ci ildə oftalmologiyanın inkişafına verdiyi böyük töhfəyə – görmə orqanının peşə patologiyası sahəsində apardığı elmi tədqiqatlara görə professor Zərifə xanım Əliyeva oftalmologiya aləmində ən yüksək mükafata – SSRİ Tibb Elmləri Akademiyasının akademik M.İ.Averbax adına mükafatına layiq görülüb. Professor Zərifə Əliyeva həmin mükafata layiq görülən ilk qadın idi.

Sonra YAP Tərtər rayon təşkilatının sədr müavini Azər Ağayev Azərbaycanın görkəmli alimi, Əməkdar elm xadimi, tibb elmləri doktoru, professor, Azərbaycan Elmlər Akademiyasının həqiqi üzvü Zərifə Əziz qızı Əliyevanın zəngin mənəviyyata sahib əsl ziyalı olmasından, ölkəmizdə tibb sahəsinin inkişafına əhəmiyyətli töhfələr verməsindən danışıb.

Rayon Mərkəzi xəstəxanasının oftomoloqu Yeganə Əlişova, Heydər Əliyev Mərkəzinin bələdçisi  Əzizə Kərimova çıxış edərək, alimin oftalmologiyanın aktual məsələlərinə dair uzunmüddətli araşdırmalarının uğurlu nəticələrindən, tədqiqatlarında irəli sürülən yeni və effektli müalicə metodlarından, kompleks profilaktik tədbirlərinin qısa müddətdə müvəffəqiyyətlə geniş tətbiqindən söhbət açıblar. Qeyd olunub ki, Azərbaycanda oftalmologiya məktəbinin ilk tədqiqat mərkəzi olaraq ixtisaslaşdırılmış elmi tədqiqat laboratoriyası, məhz akademik Zərifə Əliyevanın təşəbbüsü ilə yaradılib. Həkimlik etikasını bütün elmi və pedaqoji fəaliyyəti boyu daim diqqət mərkəzində saxlayan Zərifə Əliyeva respublikada yüksəkixtisaslı kadrların hazırlanması işinə gərgin əmək sərf etmiş, gənc alimlərin və həkim-oftalmoloqların böyük bir nəslini formalaşdırmışdır. Zərifə xanım Əliyevanın çoxcəhətli elmi, tibbi fəaliyyəti təkcə, öz dövrü üçün deyil, bu gün üçün də mühüm əhəmiyyət kəsb edir, aktuallığını qoruyur və onun xatirəsi həmişə xalqımızın qəlbində yaşayır.