Prezident İlham Əliyevin sədrliyi ilə yanvarın 12-də “Bakı şəhərində və Abşeron yarımadasında su təchizatı, yağış və tullantı suları sistemlərinin təkmilləşdirilməsinə dair 2026−2035-ci illər üçün Dövlət Proqramı”na həsr olunan müşavirə keçirilib. Prezident müşavirədə çıxış edib.

Dövlət başçısı bildirib ki, ölkəmizdə əsas infrastruktur məsələləri öz həllini tapmışdır.

Həm Bakıda, həm bütün bölgələrdə. İyirimi il ərzində bir neçə regional inkişaf proqramı qəbul edilmişdir. Hər proqram beş ili əhatə edirdi və proqramlar uğurla icra olundu. Biz bunun nəticəsində əsas infrastruktur məsələlərini həll etdik. İlk növbədə elektrik enerjisi ilə təchizat bütün ölkəni əhatə etmişdir. Tamamilə yeni mərhələyə qədəm qoyduq. Azərbaycan bir neçə ildən sonra, – necə ki, bu gün nefti, qazı dünya bazarlarına ixrac edir və bir çox ölkələrin enerji təhlükəsizliyini təmin edir, – eyni səviyyədə elektrik enerjisini dünya bazarlarına ixrac edəcək. Buna nail olmaq üçün indi qonşu dövlətlərlə və bizim şirkətlərlə, qonşu ölkələrin şirkətləri ilə ciddi danışıqlar aparılır.

Qeyd olunub ki, ölkədə qazlaşma 96 faizə çatıbdır.

Əhalinin 96 faizi bu gün təbii qazla təchiz edilib. Bu da son 20 il ərzində aparılan infrastruktur layihələri arasında xüsusi yer tutan məsələdir.

Avtomobil yollarının inşası geniş vüsət almışdır. Daha ətraflı »

Azərbaycan Respublikasının Prezidenti İlham Əliyev yanvarın 13-də Tərtər elektromexanika zavodunun yenidənqurmadan sonra açılışında iştirak edib.

Dövlətimizin başçısı əvvəlcə Ulu Öndər Heydər Əliyevin zavodun həyətində ucaldılmış büstü önünə gül dəstəsi qoydu.

Müdafiə sənayesi naziri Vüqar Mustafayev dövlətimizin başçısına müəssisədə yaradılmış şərait barədə məlumat verdi.

Bildirildi ki, zavod 1976-cı ildə Lionozovo elektromexanika zavodunun Tərtər filialı olaraq yaradılıb. 1977-ci ilin aprelində fəaliyyətə başlayan zavodda elektrotexnika sənayesi məhsulları və xüsusi təyinatlı məhsullar istehsal edilib. İlk illərdə burada mühərrikli qayıqlar üçün “Taxometr-spidometr” məhsulları hazırlanıb.

Zavodun əsasını qoymuş Ümummilli Lider Heydər Əliyev 1978-ci ildə onun rəsmi açılış mərasimində iştirak edib.

Prezident İlham Əliyevin 2005-ci ildə imzaladığı Sərəncama əsasən Müdafiə Sənayesi Nazirliyi yaradılıb və Tərtər elektromexanika zavodu nazirliyin tabeliyinə verilib. Daha ətraflı »

Son illər Azərbaycan Respublikasında enerji sisteminin müasirləşdirilməsi, modernləşdirilməsi və dayanıqlı inkişafı dövlət siyasətinin əsas prioritet istiqamətlərindən biri kimi müəyyənləşdirilmişdir. Qlobal enerji çağırışları, iqlim dəyişiklikləri, eləcə də yaşıl enerjiyə keçid tendensiyaları fonunda ölkəmiz bu sahədə ardıcıl və strateji addımlar atmaqdadır.

2026-cı il yanvarın 8-də Bakıda, “Gülüstan” sarayında keçirilmiş 240 meqavat gücündə “Xızı–Abşeron” Külək Elektrik Stansiyasının rəsmi açılış mərasimi ölkənin enerji tarixində əlamətdar hadisə kimi qiymətləndirilir. Səudiyyə Ərəbistanı Krallığının “ACWA Power” şirkəti tərəfindən inşa edilmiş bu stansiya Azərbaycanda bərpaolunan enerji sahəsində beynəlxalq əməkdaşlığın uğurlu nümunəsidir.

Açılış mərasimində çıxış edən Azərbaycan Respublikasının Prezidenti cənab İlham Əliyev bu layihənin ölkənin enerji potensialının gücləndirilməsində mühüm rol oynayacağını vurğulamışdır. Dövlətimizin başçısı bildirmişdir ki, 240 meqavat gücündə olan bu stansiya təkcə enerji istehsalına deyil, ümumilikdə ölkənin sosial-iqtisadi inkişafına öz töhfəsini verəcəkdir. Prezident qeyd etmişdir ki, stansiyanın təməli 2022-ci ilin yanvar ayında qoyulmuş və bu müddət ərzində intensiv tikinti və quraşdırma işləri aparılmışdır. Nəticədə qısa zaman kəsiyində müasir texnologiyalara əsaslanan iri enerji obyekti istifadəyə verilmişdir. Daha ətraflı »

İndi rayonun qarşısında duran vəzifələr də fərqlidir

      Bu gün hər birimiz azad və müstəqil, qalib və qüdrətli, firavan həyat və xoş güzəran üçün zəruri əsasların bərqərar olduğu, sabit, inkişaf edən, beynəlxalq aləmdə söz sahibinə çevrilən Azərbaycan adlı bir dövlətin vətəndaşı olmağımızla qürur duyuruq. Müstəqillik tariximizin son 20 ili xalqımızın Ümummilli Lideri Heydər Əliyev siyasi kursunun layiqli davamçısı İlham Əliyevin adı ilə bağlıdır.

Prezident İlham Əliyev bu illər ərzində dövlətin daxili və xarici siyasətini böyük müdriklik və siyasi uzaqgörənliklə yönəldərək bir zamanlar əlçatmaz hesab edilən siyasi və iqtisadi hədəfləri fəth etmiş, müzəffər sərkərdə qüdrəti ilə nankor qonşularımızın – Ermənistan silahlı qüvvələrinin 30 il işğal altında saxladığı Qarabağ və Şərqi Zəngəzuru azad edərək öz xilaskar adını tarixə qızıl hərflərlə yazmışdır.

Dövlət başçısı yeni ilin ilk yaddaqalan görüşünü jurnalistlərlə keçirərək yerli televiziya kanallarına geniş müsahibə vermişdir. Müxtəlif suallara verdiyi tutarlı cavablar, siyasətçi peşəkarlığı ilə apardığı təhlillər, dünyaya verdiyi mesajlar, sosial-iqtisadi inkişafımızın yeni istiqamətləri, Qarabağ və Şərqi Zəngəzurun bərpası və yenidən qurulması, uğurla reallaşan Böyük qayıdışın detalları ölkə daxilindəki ictimai rəydə, eləcə də beynəlxalq mediada gündəm effekti yaratmışdır. Daha ətraflı »

Azərbaycan Respublikasının Prezidenti İlham Əliyevin 05 yanvar 2026-cı il tarixində yerli televiziya kanallarına verdiyi müsahibə ölkənin mövcud siyasi mərhələsini dərindən anlamaq baxımından mühüm mənbə hesab olunur. Bu çıxış Azərbaycanın artıq yeni keyfiyyət mərhələsinə keçdiyini, dövlətçilik baxımından formalaşmış  və idarəolunan sistemə malik olduğunu nümayiş etdirir.

Müsahibədə formalaşan əsas xətt ondan ibarətdir ki, Azərbaycan artıq öz gələcəyini müəyyən edən subyektdir. Burada söhbət yalnız siyasi suverenlikdən deyil, iqtisadi və ideoloji müstəqillikdən gedir. Dövlətin qərarvermə mexanizmləri daxili resurslara, milli maraqlara və uzunmüddətli strateji hesablamalara əsaslanır. Bu yanaşma Azərbaycanın regional və beynəlxalq mühitdə özünü daha inamlı aparmasına imkan yaradır.

Müsahibənin mühüm istiqamətlərindən biri əldə olunmuş reallıqların dönməzliyidir. Dövlətin bütün ərazilər üzərində real idarəetmə imkanlarına malik olması təkcə hüquqi fakt deyil, həm də siyasi və sosial reallıq kimi çıxış edir. Bu vəziyyət ölkə daxilində sabitliyin möhkəmlənməsinə, idarəetmədə vahidliyin təmin olunmasına və milli təhlükəsizlik sisteminin daha effektiv işləməsinə zəmin yaradır. Daha ətraflı »

“Ölkəmizin enerji potensialını gücləndirəcək stansiya bu gün artıq fəaliyyətə başlayır”, – bu sözləri Azərbaycan Respublikasının Prezidenti cənab İlham Əliyev 8 yanvar 2026-cı ildə “Xızı–Abşeron” Külək Elektrik Stansiyasının rəsmi açılış mərasimində çıxışı zamanı bildirib.

Ölkə başçısı qeyd edib ki, bu gün ölkəmizin həyatında əlamətdar bir gündür və “Xızı–Abşeron” Külək Elektrik Stansiyasının istismara verilməsi bunu bir daha təsdiqləyir. Gücü 240 meqavat olan stansiya ölkəmizin ümumi inkişafına mühüm töhfə verəcəkdir.

2022-ci ilin yanvar ayında bu stansiyanın təməlini qoymuşduq. Bu illər ərzində fəal iş aparılmışdır və bu gün biz bu gözəl hadisəni birlikdə qeyd edirik. İlk növbədə, bu stansiyanın tikintisində əməyi keçmiş bütün insanlara, şirkətlərə təşəkkürümü bildirmək istəyirəm, ilk növbədə, investor olan “ACWA Power” şirkətinə, onun rəhbərliyinə. Bu, “ACWA Power” tərəfindən Azərbaycanda inşa edilmiş birinci bərpaolunan elektrik stansiyasıdır, ancaq sonuncu deyil. Şirkətin daha böyük planları var və Azərbaycan dövləti bu planları tam dəstəkləyir. Onu da bildirməliyəm ki, “ACWA Power” şirkəti bu sahədə dünyada aparıcı şirkətlərdən biridir və eyni zamanda, Azərbaycan qurumları ilə əməkdaşlıq əsasında yeni layihələrin icra edilməsində maraqlıdır. O cümlədən ölkəmizdə ilk dəfə inşa ediləcək Xəzər dənizinin suyunun duzsuzlaşdırılması layihəsini də yenə də bu şirkət investor kimi icra edəcəkdir. Daha ətraflı »

 Yeni ilin ilk günlərində dövlət başçısının xalqla birbaşa ünsiyyəti artıq Azərbaycanda formalaşmış mühüm siyasi ənənəyə çevrilib.

05 yanvar 2026-cı il tarixində Prezident İlham Əliyevin yerli televiziya kanallarına verdiyi müsahibə də məhz bu ənənənin davamı olmaqla yanaşı, ölkənin keçdiyi yolun, qazandığı təcrübənin və qarşıda duran strateji hədəflərin dolğun siyasi-fəlsəfi təqdimatı kimi yadda qaldı. Bu müsahibə təkcə ötən ilin xronikası deyil, həm də gələcəyin konturlarını cızan dövlət mövqeyi, milli iradənin ifadəsi, zamanın çağırışlarına verilən qətiyyətli cavab idi.

Prezident İlham Əliyev müsahibəsində 2025-ci ilin nəticələrinə toxunaraq vurğuladı ki, Azərbaycan artıq postmünaqişə dövrünün yeni mərhələsindədir. Ölkə yalnız hərbi və siyasi qələbənin deyil, həm də strateji məsuliyyətin daşıyıcısına çevrilib. Dövlət başçısının fikirlərində bir əsas xətt açıq şəkildə sezilirdi: qazanılan uğurların qorunması və möhkəmləndirilməsi. Bu yanaşma Cənab Prezidentin siyasi fəlsəfəsinin mahiyyətini əks etdirir – Azərbaycan üçün qələbə son deyil, başlanğıcdır. Dövlətin gücü təkcə nəticələrdə yox, həmin nəticələri uzunmüddətli sabitliyə çevirmək bacarığındadır. Daha ətraflı »

2026-cı ilin 5 yanvar tarixində Azərbaycan Respublikasının Prezidenti İlham Əliyev cənabları yerli televiziya kanallarına verdiyi müsahibə ölkənin ictimai-siyasi həyatında mühüm hadisə kimi yadda qaldı. Dövlət başçısı bu müsahibədə ötən ilin yekunlarını, Azərbaycanın əldə etdiyi tarixi nailiyyətləri, mövcud regional reallıqları və qarşıdakı dövr üçün müəyyənləşdirilən əsas prioritetləri ətraflı şəkildə şərh etdi.

Möhtərəm Prezidentinizin çıxışı yalnız hesabat xarakteri daşımadı, eyni zamanda Azərbaycanın gələcək inkişaf yolunu, milli maraqlara əsaslanan müstəqil siyasət kursunu və dövlətçilik fəlsəfəsini aydın şəkildə ortaya qoydu.

Müsahibədə Prezidentimiz 2025-ci ili Azərbaycan üçün xüsusi əhəmiyyət daşıyan, tarixi nəticələrlə yadda qalan bir il kimi dəyərləndirdi. Dövlət başçısı qeyd etdi ki, ölkəmiz ötən il ərzində həm siyasi, həm iqtisadi, həm də diplomatik müstəvidə mühüm uğurlar əldə edib. Daha ətraflı »

Azərbaycan Prezidenti İlham Əliyevin yerli televiziya kanallarına müsahibə verib. Prezident deyib ki, bizim görüşlərimiz ənənəvi xarakter daşıyır. Hər ilin əvvəlində görüşərək Azərbaycan ictimaiyyətinə sizin vasitənizlə ilin yekunları ilə bağlı həm məlumat verilir, həm də ki, öz fikirlərimi bir də bölüşmək üçün imkan yaranır.

Qeyd olunub ki, keçən il doğrudan da tarixi il sayıla bilər. Çünki məhz keçən 2025-ci ildə Ermənistan-Azərbaycan müharibəsinə siyasi nöqteyi-nəzərdən son qoyuldu və artıq biz bir neçə aydır ki, sülh şəraitində yaşayırıq. Biz artıq cəmi beş ay bu şəraitdə yaşamağımıza baxmayaraq, bunun bəhrəsini görürük – həm siyasi, həm iqtisadi müstəvidə. Cəmiyyətdə mövcud olan xoş əhvali-ruhiyyə, sabitliyə və təhlükəsizliyə olan inamın artması, bütün bu amillər, əlbəttə, bizə imkan verir ki, uğurla irəliyə addımlayaq və ölkə qarşısında duran bütün vəzifələri bundan sonra da həll edək.

Dövlət başçısı bildirib ki, Azərbaycan-Amerika münasibətlərinin kontekstində 2025-ci il tarixi il sayıla bilər.

Çünki sirr deyil ki, Azərbaycan dövlət müstəqilliyini qazandıqdan sonra Amerika-Azərbaycan əlaqələrinin üzərində bir qara bulud kimi mənfur 907-ci düzəliş, necə deyərlər, fırlanırdı və Azərbaycan gənc, müstəqil ölkə olmasına baxmayaraq, Amerika kimi dünya miqyasında bir nömrəli dövlətlə lazımi səviyyədə münasibətlər qura bilməmişdi – Amerikadakı anti-Azərbaycan qüvvələrin fəaliyyəti, erməni lobbisinin fəaliyyəti nəticəsində. Azərbaycan tərəfindən belə cəhdlər dəfələrlə göstərilmişdir. Müəyyən mərhələlərdə münasibətlər müsbət istiqamətdə inkişaf edirdi. Ancaq mövcud məhdudiyyətlər, xüsusilə Ermənistan-Azərbaycan müharibəsinin davam etməsi Amerikadakı söz sahiblərinə imkan vermirdi ki, Azərbaycanla genişmiqyaslı münasibətlər qurulsun. Artıq bu məhdudiyyət də yoxdur və bunun təbii ki, iki əsas səbəbi var: birincisi, Ermənistan-Azərbaycan müharibəsinin rəsmən sona çatması, ikincisi, Amerikada Prezident Tramp administrasiyasının hakimiyyətdə olması.

Amerika ilə Azərbaycan arasında strateji işçi qrupunun yaradılması sənədi imzalanmışdır. Daha ətraflı »

Azərbaycan Respublikasının Prezidenti İlham Əliyevin rəhbərliyi ilə həyata keçirilən dövlət siyasətinin əsasını insan amili, vətəndaş rifahı və milli maraqlar təşkil edir. Dövlət başçısının “Siyasətimizin mərkəzində Azərbaycan vətəndaşı dayanır” fikri ölkədə aparılan bütün islahatların, qəbul edilən qərarların və icra olunan proqramların ideoloji əsasını müəyyən edir. 2026-cı il 5 yanvar tarixində Respublika Prezidenti İlham Əliyevin yerli televiziya kanallarına verdiyi müsahibədə, olkə başçısı vurğuladı ki ,Əgər son 20 ilin statistikasına baxsaq, təkcə onu demək kifayətdir ki, minimum əməkhaqqı Azərbaycanda 40 dəfədən çox artıb. Düzdür, ilkin baza çox aşağı idi, amma bu artım da əldə edilmiş vəsait hesabına mümkün olmuşdur. Yəni biz iqtisadi islahatları apararaq, neft-qaz layihələrini icra edərək, ilk növbədə əldə edilən gəlirləri sosial sahəyə yönəldirdik və bu gün də belədir. İşğal dövründə bizim əsas xərclərimiz hərbi təyinatlı xərclər idi, ondan sonra təhsil xərcləri idi, ondan sonra məcburi köçkünlər üçün nəzərdə tutulan xərclər idi. Yəni biz işğal dövründə 300 mindən çox köçkünü yeni evlərlə, mənzillərlə təmin etmişdik, 100-dən çox şəhərcik inşa olunmuşdur. Yəni bu, niyyətimizi əyani şəkildə göstərir və bu gün insanların rifah halını yaxşılaşdırmaq üçün sosial siyasət daha dəqiq aparılır. Yəni vaxtilə bu sahədə olan pozuntular aradan qaldırılır, ədalətsizliklər aradan qaldırılır, şəffaf mexanizm tətbiq olunur. Bu, bizə imkan verib ki, biz bir neçə ciddi sosial islahat paketi icra etmişik, daha doğrusu, son yeddi il ərzində 5 sosial islahat paketi icra edilmişdir. Bu islahatların əhatə dairəsi 4 milyon insandır və təqribən 8 milyard manata yaxın olan vəsaitdir. Təkcə keçən il 1,4 milyard büdcə vəsaiti bu məqsədlər üçün xərclənib. Yəni maaşlar, pensiyalar, müavinətlər müntəzəm olaraq artırılır, pensiyalar indeksləşdirilir. Daha ətraflı »