Tərtər Rayon İcra Hakimiyyətinin başçısı Müstəqim Məmmədov 31 dekabr-Dünya Azərbaycanlılarının Həmrəyliyi Günü və yeni təqvim ilinin başlanması münasibəti ilə rayon Ağsaqqallar Şurası idarə heyətinin üzvü, dəyərli ziyalı, 81 yaşlı Rauf Həsənzadəni evində ziyarət edib.
Səmimi görüş zamanı rayon rəhbəri ağsaqqalı hər iki bayram münasibəti ilə təbrik edib, ona möhkəm cansağlığı və uzun ömür arzulayaraq, bayram sovqatını təqdim edib.
Ziyarət zamanı milli-mənəvi dəyərlərimizin qorunması, ağsaqqalların cəmiyyətdəki rolu və gənc nəslə örnək olmaları da vurğulanıb. Rayon rəhbəri Ümummilli Liderin ağsaqqalları canlı arxiv adlandırdığını, onlara hər zaman böyük diqqət və qayğı göstərdiyini bildirib.
Qeyd edib ki, bu gün onun yo-lunu ata vəsiyyətini yerinə yetirən, 30 ildən sonra Qarabağı geri qaytaran, adını Azərbaycan tarixinə Müzəffər Ali Baş Koman-dan, yenilməz sərkərdə kimi yazan ölkə rəhbəri cənab İlham Əliyev davam etdirir. Respublika Prezidenti hər zaman ağsaqqallara böyük hörmət və etimad göstərir.
Sonra qonaqlar Rauf Həsənzadənin şəxsi kitabxanasında da olublar. Qeyd edək ki, onun kitabxanasında 15 minə yaxın kitab var. Zənginliyi ilə diqqət çəkən şəxsi kitabxanada Rusiya çarı I Pyotrun sifarişi ilə çap olunan, həmçinin ermənilərin ölkəmizə qarşı ərazi iddialarını ifşa edən kitab və sənədlər də var.
Rauf Həsənzadə göstərilən diqqət və qayğıya görə respublika Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıq edib, ölkəmizdə hökm sürən sabitlik və inkişafdan məmnunluğunu bildirib.

MÜSTƏQİLLİYİMİZƏ APARAN YOL

2026-cı ilin yanvar ayına qədəm qoymuşuq. Ölkəmizdə sabitlik, əmin-amanlıqdır. İgidlərimizin canı-qanı bahasına geri qaytarılmış torpaqlarımıza Böyük Qayıdış başlayıb. Şəhərlər, kəndlər tikilir, keçmiş məcburi köçkünlər yurd-yuvalarına dönürlər. Doğma Tərtərimizdə həyat qaynayır. İnsanlar rayon rəhbərinin başçılığı ilə müxtəlif sahələrdə işlərin yaxşı qurulması üçün əzmlə ça-lışırlar. İqtisadiyyatımız inkişaf edir, şəhər və kəndlərin siması günü-gündən gözəlləşir.Yollar abadlaşır.
Belə bir vaxtda 36 il əvvəl yanvar ayında baş vermiş hadisələri xatırlamamaq mümkün deyil.
1990-cı il yanvarın 19-dan 20-nə keçən gecə keçmiş sovet ordusunun hərbi hissələri Bakı şəhərində müstəqil dövlət yaratmaq və öz suverenliyini əldə etmək üçün ayağa qalxan dinc əhaliyə qarşı misli görünməmiş qətliam törədib. Bu qanlı cinayət insanların azadlıq eşqini söndürə bilməyib, xalqımız qanı bahasına da olsa, öz dövlət müstəqilliyinə qovuşub.
Qeyd etmək lazımdır ki, o soyuq yanvar günlərində küçələrə çıxıb etiraz səslərini ucaldanlar arasında tərtərlilər də az deyildi. Əksəriyyəti Bakı şəhərində təhsil alan tələbələr idi. Onlardan biri -İrəvanlı İƏD üzrə icra nümayəndəsinin müavini, icra nümayəndəsi vəzifəsini icra edən Lətifə İbrahimova deyir: Daha ətraflı »

2026-2027-ci tədris ilində DİN-in Polis Akademiyasında təhsil almaq arzusunda olan tam orta təhsil məktəblərinin buraxılış siniflə-rində oxuyan və ya tam orta təhsilli, 16-yaşdan 18 yaşadək ( cari ilin avqust ayının 1-dək 16 yaşı tamam olacaq və çağırışçı olmayan) mülki gənclər sırasından namizədlərin müvafiq forma üzrə ərizələrinin 2025-ci ilin dekabr ayının 15-dən, 2026-cı ilin fevral ayının 22-dək Tərtər RPŞ-nin inzibati binasında hər gün ( bazar günləri istisna olmaqla) saat 10:00-dan 17:00-dək təqdim etmək olar.
Əlaqə telefonları: 022- 23-3-30-34, 050-451-77-99.

Tərtər Rayon İcra Hakimiyyətinin təşkilatçılığı ilə Dünya Azərbaycanlılarının Həmrəyliyi Günü münasibətilə Elman Səfərov küçəsində ağacəkmə aksiyası həyata keçirilib.
Aksiya zamanı ərazidə təmizlik işləri aparılıb, mövcud ağaclar və yeni əkilmiş 150 ədəd eldar şamı suvarılıb, aqrotexniki qaydada qulluq göstərilib.
Bu cür tədbirlər ekologiyamızın yaxşılaşdırılmasına xidmət edir və şəhərimizi daha da gözəlləşdirir.
Son illərdə Tərtərin respublikamızın ən abad, təmiz və yaşıllığa qərq olmuş bölgələrindən birinə çevrilməsini nəinki tərtərlilər, şəhərimizin qonaqları da çox bəyənirlər.
Keçmiş hərbçi, Bakı şəhər sakini Heydər İbadov deyir:
–Mən özüm Bakıda doğulmuşam. Atam köhnə bakılıdır. 20 Yanvar hadisələrində rus ordusunun tanklarının qarşısını almaq istəyərkən yaralanan insanlardan biridir. Yolum tez-tez Tərtərə düşür. Qəhrəman şəhərin özü də, onun sakinləri də gözəldirlər. Yeni ildə onlara bol-bol uğurlar arzulayıram.

“Yeni Tərtər”

Aşıq Yaşar Məhərrəmov 1978-ci ildə Kəlbəcər rayonunun Zəylik kəndində doğulub. Hələ uşaq yaşlarından aşıq sənətinə həvəsi olan Yaşar Məhərrəmov aşıqlar içərisində özünəməxsus ifa tərzi və zəngin repertuarı ilə seçilib. 200-ə yaxın saz havasını ifa edib. Unudulmaqda olan saz havalarına yenidən həyat verib. Aşıq Yaşar gənc olmasına baxmayaraq, artıq ustad aşıq kimi tanınırdı. O, həm də öz sənətini gənclərə böyük həvəslə öyrədirdi.Aşıq sənətindəki xidmətlərinə görə Azərbaycan Aşıqlar Birliyi tərəfindən təltif olunub.
Aşıq Yaşar ötən ilin dekabr ayında 47 yaşında vəfat etmişdir.

Aşıq Yaşar Məhərrəmovun xatirəsinə

MAYIL MƏMMƏDLİ

Bu işdə ailə, məktəb, səhiyyə
sistemi və cəmiyyət bir olmalıdır

Uşaqlar və yeniyetmələr hər bir cəmiyyətin ən dəyərli sərvətidir. Onların sağlam böyüməsi, təhsil alması və psixoloji cəhətdən düzgün inkişafı üçün yaradılan şərait sabahın güclü cəmiyyətinin təməlidir. Lakin müasir dövrdə gənclərimiz müxtəlif zərərli vərdişlərin təsiri altına düşürlər.
Narkomaniya, tütünçəkmə və erkən nikahlar bu problemin başında gəlir.
Narkomaniya səssiz təhlükədir. Yeniyetmələr arasında narkotik maddələrə marağın artması narahatedici haldır. Bu, yalnız tibbi deyil, sosial problemdir. Bir çox hallarda gənclər psixoloji boşluq, ailə nəzarətsizliyi və mənəvi dəstəyin ol-maması səbəbindən bu yola sürüklənirlər. Nar-kotiklər bədəndə və beyində dərin izlər buraxır, gəncin təhsildən və normal həyat tərzindən uzaqlaşmasına səbəb olur.
Pis vərdişlərin yayılmasının qarşısını almaq yalnız bir qurumun işi deyil. Bu, ailənin, məktəbin, səhiyyə sisteminin və cəmiyyətin birgə səy-ləri ilə mümkün ola bilər. Uşaqlarımıza sağlam mühit yaratmaq, düzgün informasiya vermək və onları qorumaq bizim birbaşa borcumuzdur. Daha ətraflı »