Azərbaycan Fövqəladə Hallar Nazirliyinin (FHN) Mülki Müdafiə Qoşunlarının hazırlıq planına müvafiq olaraq Tərtər rayonunda ərazi mülki müdafiə qüvvələri ilə xəbərdarlıq və toplanış üzrə müdafiə məşqi keçirilib.
Tədbirdə çıxış edən Tərtər Rayon İcra Hakimiyyətinin başçısı Müstəqim Məmmədov göstərib ki, rayonumuzun düşmənlə 48 km təmas xətti var. Düşmənin bir addımlığında ərazi mülki müdafiə qüvvələri ilə xəbərdarlıq və toplanış üzrə müdafiə məşqinin keçirilməsi əhalinin mülki müdafiə hazırlığının yüksək səviyyədə olmasına təminat verir.
Məşqin gedişinə Fövqəladə Hallar Nazirliyinin Ağdam Regional Fövqəladə Hallar və Mülki Müdafiə şöbəsi tərəfindən baxış keçirilib.
Məşq zamanı rayon ərazi qüvvələrinin qarşılıqlı fəaliyyəti təşkil edilib.

“Yeni Tərtər”

DÜNYANIN GƏLƏCƏK SAHİBLƏRİ

Uşaqların Beynəlxalq Müdafiəsi Günü münasibəti ilə Tərtər şəhərində “Heydər parkı”nda Tərtər Rayon İcra Hakimiyyətinin təşkilatçılığı ilə bayram tədbiri keçirilib.
Bayram şənliyində rayon ərazisində yerləşən körpələr evi-uşaq bağçalarının uşaqları ilə birgə ümumtəhsil məktəblərinin aşağı sinif şagirdləri də iştirak ediblər.
Rayon İcra Hakimiyyətinin başçısı Müstəqim Məmmədov bayram tədbirinə toplaşan çox-saylı uşaqları bayram günü münasibəti ilə təbrik edib, onlara xoş arzularını bildirib.
Sonra uşaqlar maraqlı konsert proqramı ilə çıxış etdilər.
Sonda uşaqlara bayram şirniyyatı paylanıb.

Tərtər Rayon İcra Hakimiyyəti Başçısının növbəti səyyar qəbul-görüşü Bəyimsarov kəndində oldu.
Bəyimsarov kənd İƏD üzrə nümayəndə Surxay Hüseynov kəndin sosial-iqtisadi vəziyyəti barədə məlumat verdi.
Sonra vətəndaşların müraciətləri dinlənildi.
Fermer Fazil Əliyev pay torpaqlarının şoranlaşması, kənd tam orta məktəbin direktoru Elşən İsayev məktəbin əsaslı təmiri, fermer Habil İbrahimov suvarmada olan çətinliklər, kənd sakini Hidayət Çobanov yararsız elektrik dirəklərinin dəyişdirilməsi ilə bağlı müraciət etdilər.
Qaldırılan məsələlər barədə icra başçısı əlaqədar qurumlara tapşırıqlar verdi.
Qəbul-görüşdən sonra rayon rəhbəri kəndin kümçüləri ilə görüşərək, ipəkqurdlarının saxlanma şəraiti ilə tanış oldu və lazımi tövsiyələrini verdi.
* * *
Rayon icra hakimiyyətinin başçısı Müstəqim Məmmədovun Qaynaq və Borsunlu kəndlərində də qəbul-görüşləri keçirilib.

“Yeni Tərtər”

Tərtər Rayon İcra Hakimiyyətinin başçısı Müstəqim Məmmədov məktəblilərin respublika fənn olimpiadasının rayondan olan qalibləri ilə görüşdü. Tədbirdə coğrafiya fənni üzrə 3-cü yerə layiq görülmüş Ələsgərli kənd tam orta məktəbin 11-ci sinif şagirdi Gültac Paşazadə, tarix fənni üzrə 3-cü yerə layiq görülmüş şəhər 2 saylı məktəb-liseyin 11-ci sinif şagirdi Nuranə Kərimova, qaliblərin valideynləri və müəllimləri də iştirak etdilər.
Görüşdə rayon rəhbəri uğur qazanan məktəblilərə xoş arzularını bildirdi, onları təbrik etdi.
Sonra olimpiada qaliblərinə və onların müəllimlərinə rayon rəhbəri tərəfindən qiymətli hədiyyələr və pul mükafatları təqdim olundu.

Tərtər Rayon Tarix-Diyarşünaslıq Muzeyində Azərbaycan Xalq Cümhuriyyətinin 100 illiyi münasibəti ilə tədbir keçirildi.
Tədbirdə Tərtər şəhər 3 saylı orta məktəbin müəllim və şagirdləri, Qarabağ müharibəsi veteranları və ictimaiyyət nümayəndələri iştirak edirdilər.
Tədbiri muzeyin direktor əvəzi Aybəniz Məmmədova açdı. Bildirdi ki, 1918-ci il may ayının 28-də Tiflis şəhərində 4 müsəlman partiyasının iştirakı ilə iclas keçirilir. Milli Şuranın heyəti və sədri seçilir. 22 səs çoxluğu ilə Məmməd Əmin Rəsulzadə Milli Şuranın sədri olur.
3 saylı məktəbin tarix müəllimi Kifayət Kərimova, Heydər Əliyev Mərkəzinin müdiri Səlimə Yusibova, muzeyin işçisi Aybəniz Şahbazi çıxış edərək Cümhuriyyətin 100 illiyi ilə əlaqədar öz fikirlərini söylədilər.
Sonda şagirdlərin ifasında şeirlər və mahnılar səsləndirildi.

“Yeni Tərtər”

Şəhərimizin Elman Səfərov küçəsində yeni 100 yerlik körpələr evi-uşaq bağçası inşa olunur. Binanın birinci mərtəbəsində işlər başa çatmışdır. İndi ikinci mərtəbədə inşaat işləri davam etdirilir. Hər gün tikintidə 14-16 nəfər işləyir.
Tikintinin sifarişçi təşkilatı Ərazilərin Bərpası və Yenidən Qurulması üzrə Dövlət Agentliyi, podratçı təşkilat isə “Qarabağ-ER”MMC-dir.

Şəhərimizn Heydər Əliyev prospektində yeni Olimpiya Kompleksinin inşasına başlanmışdır. İdman kompleksi gənclər arasında idmanın inkişaf etdirilməsi və onların asudə vaxtlarıının səmərəli keçirilməsi üçün şərait yaradacaqdır.
Bu məqsədlə 4 hektar torpaq sahəsi ayrılmışdır. Kompleksin inşasında hər gün 25-30 nəfər işçi çalışır. Hazırda idman kompleksinin ikinci mərtəbəsində işlərə başlanmışdır.
Olimpiya İdman Kompleksinin tikintisi 2019-cu ildə başa çatdırılacaqdır.

Rayonumuzun Nizami küçəsində xalça istehsalı ema-latxanasının tikintisinə başlanıb. Emalatxananın tikintisi üçün 0,42 hektar torpaq sahəsi ayrılıb. Burada 180 nəfər xalça toxuyan qadın işlə təmin olunacaq.
Emalatxananın tikintisi “Azərxalça” ASC tərəfindən aparılır. İnşaatçılar cari ilin sonunadək işi başa çatdırmağı nəzərdə tutmuşlar.

“Yeni Tərtər”

DOĞMA YERLƏRİN NİSGİLİ GÖYNƏDİR DİDƏRGİNLƏRİ

UZANIB GEDƏN YOLLAR BİZİ ARZULARIMIZA ÇATDIRACAQ…

Yollar… yollar!… Hava yolu, su yolu, maşın yolu, piyada yolu, ömür yolu, düz yol, əyri yol… Hər yolun bir sonu, bir dayanacaq nöqtəsi… Bu yolların uzanıb gedəni, mənzil başına çatmaq üçün həm qısa, həm də uzun olanı var. Arzulayaq ki, yollarımız asan keçidlərdən keçsin.
İndi isə ürəyimdən elə yollardan söz açmaq keçir ki, onlar hamının arzusu, istəyidir. Bunlar, bizi üzü dağlara sarı, doğma yurd yerlərinə aparan yollardır. Üzü yoxuşa doğru uzanan, kol-kos basmış, bu yolların hər döngəsində pusquda yatmış yırtıcıların hiyləsi durur, o əziz yerlərlə görüşümüzü çətinləşdirir.
Şəhərimizdən dağlara sarı uzanan yolun başlanğıcındayam. Xəyalım yenə pərən-pərən olub. Yaxın keçmişimizlə dərdləşirəm. Gözümün önündə hələ yeni-yetmə çağlarımda gördüyüm cığırlar, sağ tərəfdə meşələr, sıldırım qayalar, sol tərəf də isə zəhmətlə tikilmiş kənd evləri, salınmış bağbağatlar canlanır. Daha ətraflı »

1988-ci ildən ermənilər bu behişti cəhənnəmə döndərmişdilər. Şuşalılar var qüvvələri ilə müdafiə olunurdular. Mən həmin vaxt Şuşa polisində çalışırdım. İlk zamanlar özünümüdafiə dəstələri yaradaraq, bizdən qat-qat güclü olan, təpədən dırnağadək silahlanmış düşmənə müqavimət göstərirdik. Amma ruhdan düşmürdük. Çünki hər kəs bilirdi ki, Şuşa alınmaz qaladır.
Lakin o zamanlar hakimiyyət başında dayananlar xəyanətkar mövqe tutaraq, Azərbaycanın bu dilbər güşəsinin işğalına şərait yaratdılar.
Biz şuşalılar bundan sonra da mübarizəmizi dayandırmadıq. Mən özüm Ağdərə, Kəlbəcər–Laçın istiqamətlərində gedən döyüşlərdə iştirak etmişəm.
Atam rəhmətlik Qurban Quliyev də polis işçisi olub. Uzun müddət Tərtərdə Polis Şöbəsinin rəisi işləyib. Qardaşım, Şuşa Polis Şöbəsinin keçmiş rəisi Eldəniz Quliyev düşmənə qarşı döyüşlərdə həlak olub. Hazırda iki oğlum – Elxan, Orxan Şuşa Polis Şöbəsində xidmət edirlər. Kürəkənim də polis əməkdaşıdır. Daha ətraflı »