Qarabağ savaşında bütün Azərbaycan xalqı ağır itkilərə məruz qaldı. Torpaq, yurd, övlad, qardaş itkisi ilə üzləşdik. 20 ildən çoxdur ki, bu ağrılarla yaşayırıq. Qardaşım, Azərbaycan Bayrağı ordenli Mehrac Mahmudov bu müharibədə böyük igidliklər göstərərək vətən, torpaq uğrunda şəhid olub.
Aprel ayının əvvəllərində erməni faşistləri yenidən cəbhədə təxribat törətdilər. Lakin, vətənimizin mübariz oğlanlarının, güclü ordumuzun sayəsində düşmənə layiqli cavab verilərək geri oturduldu. Əlbəttə, bu cavab itkisiz ötüşmədi. Şəhidlərimiz oldu, şəhər və kəndlərimizdə cəbhə bölgə-sinə yaxın yerlər dağıntılara məruz qaldı. Lakin bunlar heç kəsi ruhdan salmadı, əksinə, insanlarda böyük inam yarandı. Bu inam əbəs deyildi.
O günü heç unuda bilmirəm. Mayın əvvəlində ölkə Prezidenti İlham Əliyevin öz xanımı Mehriban xanım Əliyeva ilə Ermənistan ordusunun iriçaplı silahlarla, top və mərmiatanlarla dağıtdığı yerləri ziyarət etməsi insanlarda böyük inam və coşğu yaratdı. Dövlətin rəhbəri adi bir insan deyil. O, seçilmişlərin seçilmişi olan dahi bir siyasətçinin, Ulu Öndər Heydər Əliyevin özü qədər inandığı siyasi varisi İlham Əliyevdir. Prezidentin təmas xəttinin 200 metr məsafəsində yerləşən Qapanlı kəndində evləri bir-bir gəzməsi, sadə insanlarla səmimi görüşü, balaca uşaqları əyilib öpməsi necə səmimi, gözəl insan olmasından xəbər verirdi. Zərər çəkmiş insanlara öz səmimi qayğısı və sözləri ilə təskinlik verərək, əvvəlkindən də yaxşı şəraitdə yaşayacaqlarına ümid yaradırdı. Sonda camaatla birgə xatirə şəkli çəkdirməsi Prezidentlə xalqın birliyini əks etdirdi. Daha ətraflı »

Baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov rayonumuza səfəri zamanı məcburi köçkünlərlə görüşüb. O, Tərtər Rayon İcra Hakimiyyətinin Başçısı Müstəqim Məmmədovla birlikdə aprel döyüşləri zamanı ermənilərin atdıqları mərmilərdən zərər çəkmiş evlərdə olub. Bildirib ki, bu evlərin hamısı əvvəlkindən də yaxşı bərpa olunacaq.
Şıxarx qəsəbəsində olarkən Əli Həsənov xeyli hissəsi ermənilər tərəfindən dağıdılmış “Marağa–150” abidəsinə baxıb. O deyib ki, erməni məkrini və yalanını ifşa etmək üçün bu abidənin böyük əhəmiyyəti var. Abidə tezliklə bərpa olunmalı, ölkəmizə səfər edən xarici nümayəndələr ermənilərin Qarabağda məskunlaşması münasibətilə ucaltdıqları bu abidədəki tarixi görməlidirlər.

“Yeni Tərtər”

“Tərtər rayonundakı 51 yaşayış məntəqəsindən 38-də əhali təbii qazdan istifadə edir. Kəbirli kəndinin qazlaşdırılması başa çatıb, bundan başqa daha 4 kənddə bu iş yekunlaşmaq üzrədir. Bu kəndlərdə də qazlaşma başa çatdıqdan sonra 15230 abonentə qaz verilmiş olur ki, bu da ümumi abonentlərin 92,7 faizidir”. Bu sözləri Tərtər Rayon İcra Hakimiyyətinin Başçısı Müstəqim Məmmədov Kəbirli kəndinə qaz verilməsi münasibətilə keçirilən açılış mərasimində söyləmişdir.
Kəndlərdə sosial problemlərin həlli əhali tərəfindən böyük razılıqla qarşılanır. Bu barədə isə həmin tədbirdə iştirak edən Kəbirli kənd İƏD üzrə nümayəndə Azər Yaqubzadə, kənd sakinləri Zakir Bayramov, Rafiq Səfərov, Aybəniz Məmmədova danışıblar.
Rayon rəhbəri həmçinin Kəbirli kəndində səyyar görüş-qəbul keçirib, əhalini narahat edən məsələləri öyrənib, bunların həlli üçün konkret tapşırıqlar verib. O bildirib ki, Respublika Prezidenti İıham Əliyevin Tərtərə və tərtərlilərə daimi qayğısı var. Burada insanların rahat yaşaması üçün bütün işlər görülür və bundan sonra da görüləcəkdir. Düşmənlərimizin törətdikləri bütün təxribatlara baxmayaraq, tərtərlilər, o cümlədən Kəbirli kəndinin sakinləri,ölkə rəhbərinin ətrafında sıx birləşərək, əkin-biçin işləri ilə məşğul olur, rayonun iqtisadiyyatını möhkəmləndirirlər.
Eyni zamanda rayonumuzun sakinləri böyük həvəslə dinc quruculuq-abadlıq işlərini həyata keçirir, şəhərimizin və kəndlərimizin simasını gözəlləşdirirlər. Bütün bunlar isə düşmənlərimizin gözünə ox kimi batır.

“Yeni Tərtər”

CİDDİ TƏHLÜKƏ

5 iyun 1972-ci il tarixdə Birləşmiş Millətlər Təşkilatı Baş Assambleyası İsveçin paytaxtı Stokholm şəhərində 5 iyunun “Ümumdünya Ətraf Mühit Günü” kimi qeyd olunmasına qərar verib.
Hər il iyunun 5-də respublikamızın hər yerində olduğu kimi Tərtər rayonunda da iməciliklər təşkil olunur, yaşıllıqlara qulluq edilir, təmizlik-abadlıq işləri görülür.
Lakin rayonumuzun əhalisi BMT-nin bu qərarının Ermənistan Respublikası tərəfindən pozulmasını, əhalimizə qarşı ekoloji təxribat aparılmasını qətiyyətlə pisləyir. Belə ki, düşmənlər tərəfindən Əskipara kəndinə atılmış fosforlu mərmi, axar sularımızla sahələrimizə axıdılan zəhərli maddələr və digər qadağan olunmuş vasitələrdən istifadə edilməsi bugünümüz və gələcəyimiz üçün ciddi təhlükə yaradır.
Ekoloji terror dinc əhaliyə qarşı yönəlmiş ən güclü təxribatdır və dünya ictimaiyyəti müharibələr zamanı bu cür vasitələrdən istifadə olunmasını qətiyyətlə pisləyir.

2016-cı İLİN BİRİNCİ RÜBÜNÜN YEKUNLARI

Kənd təsərrüfatı. 2016-cı ilin birinci rübündə rayonda kənd təsərrüfatının ümumi məhsulunun faktiki qiymətlərlə dəyəri 5 milyon 506,5 min manat olmuşdur. Onun sabit qiymətlərlə dəyəri keçən ilin müvafiq dövrü ilə müqayisədə 7,3 faiz artmışdır. Onun 130,5 min manatı bitkiçiliyin, 5 milyon 376 min manatı heyvandarlığın hesabına formalaşmışdır.
Bitkiçilik. Rayonda yazlıq bitkilərin kütləvi əkininə başlanmışdır. Aprelin 1-i vəziyyətinə 3149.4 hektar sahədə yazlıq bitkilər əkilmişdir. Mövsümün əvvəlindən 81,5 hektarda dənli və dənli paxlalı bitkilər (qarğıdalı da daxil olmaqla), 20 hektarda pambıq, 929 hektarda emal üçün şəkər çuğunduru, 366 hektarda dən üçün günəbaxan, 448,1 hektarda kartof, 362,8 hektarda tərəvəz, 942 hektarda çoxillik otlar (yonca) əkilmişdir. Ümumi əkinin 25,7 faizini, yaxud 810,9 hektarını kartof və tərəvəz, 29,9 faizini, yaxud 942 hektarını çoxillik otlar, 2,6 faizini, yaxud 81.5 hektarını dənli və dənli paxlalılar (qarğıdalı da daxil olmaqla), 41,8 faizini, yaxud 1315 hektarını texniki bitkilər təşkil edir.
Heyvandarlıq. 2016-cı ilin birinci rübündə diri çəkidə 766 ton ət, 4804.7 ton süd, 2 milyon 495 min ədəd yumurta istehsal edilmiş və əvvəlki ilin müvafiq dövrü ilə müqayisədə ət istehsalı 1,7 faiz, süd istehsalı 13,6 faiz, yumurta istehsalı 1,2 faiz, artmışdır. Daha ətraflı »

Nazirlər Kabinetinin 2016-cı ilin birinci rübünün yekunlarına və qarşıda duran vəzifələrin icrasına həsr olunmuş iclasında möhtərəm Prezidentimiz cənab İlham Əliyev bütün sahələrin inkişafı ilə yanaşı sosial siyasətin də həmişə prioritet olduğunu, bu siyasətin mərkəzində Azərbaycan vətəndaşlarının dayandığını bildirmişdir. Bu gün dünyada iqtisadi və maliyyə böhranının yaşanmasına baxmayaraq, 2016-cı ilin birinci rübündə ölkəmizdə əhalinin, o cümlədən onun aztəminatlı təbəqəsinin alıcılıq qabiliyyətinin artırılması üçün müxtəlif tədbirlər görülür. Milli manatın devalvasiyasının və qiymət artımının təsirlərinin azaldılması məqsədilə müxtəlif sosial ödənişlərin, o cümlədən əməkhaqqıların, pensiyaların, müavinətlərin, təqaüdlərin və kompensasiyaların artırılması ilə bağlı möhtərəm Prezidentimizin imzaladığı 20-dən artıq sərəncam bunu bir daha təsdiq edir.
Rayon Əhalinin Sosial Müdafiəsi Mərkəzi də 2016-cı ilin birinci rübündə bu sahədə üzərinə düşən vəzifələri yerinə yetirməyə çalışmışdır.
Mərkəzdə yaşa və əlilliyə görə, Azərbaycan Respublikasının ərazi bütövlüyü uğrunda gedən döyüşlərdə əlillik dərəcəsi alanlara, şəhid ailələrinə, müharibə veteranlarına, ailə başçısını itirmiş və digər kateqoriyadan olan 4000-ə yaxın ailəyə xidmət göstərilir, onların müavinət və təqaüdlərinin vaxtlı-vaxtında ödənilməsi təmin edilir. Daha ətraflı »

Ailə-fermer təsərrüfatının başçısı kimi pay torpağımdan başqa 12 hektar sahəni icarəyə götürmüşəm. Becərmə, suvarma işlərini vaxtında və normal qaydada keçirdiyim üçün hər mövsümdə bol taxıl, mal-qara üçün yonca tədarük edirəm. Əkin sahələrindən bol məhsul götürməyimizin bir səbəbi də Prezident İlham Əliyevin fermerlərə göstərdiyi qayğı, onlara subsidiyaların, güzəştli şərtlərlə mineral gübrələrin verilməsidir. Bu il 6 hektarda taxıl və bir o qədər də sahədə yonca becəririk. Taxıl sahələrində və yoncalıqlarda suvarma işləri müvəffəqiyyətlə davam etdirilir.
Cari ildə torpaqdan daha yüksək məhsuldarlıq gözləyirik. Çünki ötən payız taxıl səpini qurtaran kimi yağan yağışlar bitişin keyfiyyətini daha da yaxşılaşdırdı.
Taxıl və yonca sahələrində ziyanvericilərə qarşı dərmanlama işlərini də başa çatdırmışıq.
Əkinçiliklə yanaşı maldarlıq və qoyunçuluqla da məşğul oluruq. Həyətimizdə iribuynuzlu mal-qara və xeyli sayda qoyun-quzu bəsləyirik.
İşlərimizin gedişi deməyə əsas verir ki, bu il bütün sahələrdə məhsuldarlıq ötən ildəkindən çox olacaqdır.

Yunis Alışanov,
Dəmirçilər kəndində ailə-fermer
təsərrüfatının başçısı.

ONUN ƏKİNİNƏ QİQQƏT ARTIRILIR

Sovetlər dönəmində pambıqçılıq sahəsində Tərtər rayonunun adı həmişə qabaqcıllar sırasında çəkilərdi. Elə o zamanlar–1970-1980-ci illərdə Ulu Öndər Heydər Əliyevin Tərtərə səfərləri, əmək adamları ilə görüşləri insanların daim ruh yüksəkliyinə səbəb olardı.
Müstəqilliyimizin ilk illərində bu sahə bir qədər unudulmuşdu. Hazırda pambıqçılığın inkişafına diqqət və qayğı xeyli artıb.
Rayon statistika idarəsinin məlumatına əsasən, ötən il rayonumuzun ailə-kəndli və ev təsərrüfatları üzrə 550 hektar sahədə pambıq əkilmişdi. Həmin sahələrdən qəbul məntəqəsinə 893 ton məhsul təhvil verildi. Bu, hər hektardan 16,2 sentner məhsul deməkdi. Pambıqçılığı inkişaf etdirmək və bu sahədə çalışan insanların işə marağını artırmaq məqsədilə ölkə Prezidenti İlham Əliyev pambıq becərənlərə mineral gübrələrin, mühərrik yağlarının güzəştli şərtlərlə verilməsini, onların hektara 50 manat hesabı ilə subsidiyalarla təmin olunmasını nəzərdə tutan sərəncam imzalayıb. Daha ətraflı »

Hazırda ölkəmizin qarşısında duran başlıca vəzifələrdən biri qeyri neft sektorunun, o cümlədən aqrar sahənin sürətli inkişafıdır. Məlum olduğu kimi, kənd əməkçilərinin yetişdirdikləri məhsulun taleyi həm də melioratorların işindən asılıdır.
Cari ildə rayonumuzda 7922 hektar sahədə taxıl, 4281 hektarda arpa, bundan başqa bostan-tərəvəz məhsulları, şəkər çuğunduru, qarğıdalı, günəbaxan, yem bitkiləri əkilmişdir. 2000 hektar sahədə isə pambıq becərilməsi nəzərdə tutulub. Məlumdur ki, rayonun yeganə təbii su mənbəyi Tərtər çayıdır. Onun üzərində tikilmiş Sərsəng Su Anbarı işğal altındadır. Buna görə də kənd təsərrüfatı bitkilərinin suvarılmasında və əhalinin kommunal-məişət ehti-yaclarının ödənilməsində əsas ağırlıq subartezian quyularının üzərinə düşür.
İdarəmizin balansında 474 subartezian quyusu vardır və bunlardan 467-i işlək vəziyyətdədir. Bu quyuların 14 ədədi cari ilin birinci rübündə balansa götürülmüşdür. Həmçinin cari ildə 7 ədəd yeni subartezian quyusunun qazılması və 3 ədəd quyu lüləsinin vurulması nəzərdə tutulmuşdur. Rüb ərzində 17 milyon 042 min kubmetr su çıxarılmış və bunun üçün 6 milyon 710310 kvt/saat enerji sərf edilmişdir. Cari və əsaslı təmir işlərinin yerinə yetirilməsi təmin olunmuşdur. Rüb ərzində 9 ədəd yeni nasos salınmış və 22 ədəd yeni idarəetmə şiti quraşdırılmışdır. Daha ətraflı »

QƏHRƏMAN TƏRTƏRİN İSTEDADLI UŞAQLARI

1950-ci il iyunun 1-də BMT-nin Baş Assambleyasının təşkilatçılığı ilə keçirilən qadınların beynəlxalq konfransında iyunun 1-ni uşaqların müdafiəsinə həsr etmək qərara alınıb. Bundan sonra həmin gün Uşaqların Beynəlxalq Müdafiəsi Günü kimi tarixə düşüb.
Ölkəmizdə uşaqların problemləri həmişə diqqət mərkəzində saxlanılır, onların hərtərəfli inkişaf etməsinə, xoşbəxt böyümələrinə qayğı göstərilir.
Ulu Öndər Heydər Əliyev uşaqları çox sevirdi və vaxtının az olmasına baxmayaraq, onların tədbirlərində məmnunluqla iştirak edirdi. Hazırda uşaqların sağlam və firavan böyüməsi Prezident İlham Əliyevin həyata keçirdiyi siyasətin prioritet istiqamətlərindən biridir. Azərbaycanın birinci xanımı və onun rəhbərlik etdiyi Heydər Əliyev Fondu da bu missiyanın həyata keçirilməsi üçün çox iş görür.
Tərtər cəbhə bölgəsi olmasına baxmayaraq, dövlətimizin və rayon rəhbərliyinin daimi diqqət və qayğısı sayəsində tərtərli məktəblilər təhsildə, idmanda və digər sahələrdə ürəkaçan nailiyyətlər qazanırlar. Daha ətraflı »