“İlin ən yaxşı ümumi təhsil müəssisəsi” adına layiq görülməsi münasibəti ilə şəhər 1 saylı tam orta məktəbində tədbir keçirilib. Tədbirdə rayon icra hakimiyyətinin başçısı Müstəqim Məmmədov, ictimaiyyətin nümayəndə-ləri, vaxtı ilə bu təhsil ocağının məzunu olan tanınmış adamlar iştirak ediblər.
Mərasimi məktəbin direktoru Nəcibə Muradova açıb. O, kollektivi və rayon ictimaiyyətini bu əlamətdar hadisə, eləcə də qarşıdan gələn bayramlar– Dünya Azərbaycanlılarının Həmrəylik Günü və Yeni il münasibəti ilə təbrik edib. Göstərib ki, kollektivin əməyinə verilən yüksək qiymət məsuliyyətlərini daha da artırıb.
Rayon rəhbəri Müstəqim Məmmədov çıxışında qeyd edib ki, təhsil işçilərinin müvəffəqiyyəti Respublika Prezidenti İlham Əliyev tərəfindən ölkəmizdə bu sahəyə göstərilən diqqət və qayğının nəti-cəsidir. Ölkə başçısının tapşırıqları əsasında rayonumuzda da yeni, müasir tipli məktəb binaları tikilir, köhnə binalar əsaslı təmir olunur. Müəllimlərin bilik səviyyəsinin artırılması diqqət mərkəzində sax-lanılır.
Bayramlar ərəfəsində ikiqat sevinc hissi yaşayan təhsil işçilərini ürəkdən təbrik edən rayon icra hakimiyyətinin başçısı təhsilin millətimizin gələcəyi olduğunu xatırladaraq, müəllim adını daim uca tutmağı tövsiyə edib.
Tədbirdə rayon ağsaq-qallar şurasının sədri, məktəbin 1953-cü il biraxı-lışının məzunu Qədir Allahverdiyev çıxış edib. O, qocaman təhsil müəssi-səsinin ənənələrindən, məzunların həyatda qazan-dıqları uğurlardan söhbət açıb, gənc nəslə bu ənənələrə sadiq qalmağın vacibliyini xatırladıb.
Rayon təhsil şöbəsinin müdiri Surxay Mirzəyev qarşıdan gələn 2016-cı ilin daha uğurlu olacağını söyləyib. Göstərib ki, hər bir məktəb kollektivinin qarşısında duran vəzifə şəxsiyyətyönümlü, fəal gənclərin tərbiyə edilməsidir.
Mərasimdə müəllimlər-dən Qönçə Musayeva, Elçin Məhərrəmov ürək sözlərini söyləyiblər, mək-təbin yüksək ada layiq görülməsinə görə Prezident İlham Əliyevə, rayon rəhbərliyinə minnətdarlıq ediblər.
Rayon təhsil şöbəsinin işçisi Rasim Bayramov təşəkkürünü yazdığı şeir-lərlə bildirib.
Beləliklə, 2016-cı ilin astanasında təhsil işçiləri ilə birlikdə bütün rayon ictimaiyyəti unudulmaz bir gün yaşayıb.
-
06Yan
Müəllif: Redaktor, 14:43
Teqlər: Təhsil