Prezident İlham Əliyevin müharibə əlillərinə xüsusi qayğısını əks etdirən növbəti sosial dəstək proqramına start verilib. Nazirlər Kabinetinin yeni təsdiq etdiyi Qaydaya uyğun olaraq, Əmək və Əhalinin Sosial Müdafiəsi Nazirliyi tərəfindən Birinci Qarabağ Müharibəsi əlillərinə birdəfəlik ödəmələrin verilməsinə başlanılıb. Müharibə əlillərindən bir qrupu redaksiyamıza gələrək, onlara göstərilən qayğıya görə rayon qəzeti vasitəsilə Prezidentimizə təşəkkürlərini çatdırmağı xahiş ediblər.

Rəsul Məmmədov, I Qarabağ müharibəsi əlili, Tərtər rayonu üzrə DİN-in “Qələbə” Əlillər Cəmiyyətinin sədri: II qrup Qarabağ müharibəsi əliliyəm. 1991-1994-cü illərdə polis işçisi kimi Ağdərə istiqamətində gedən döyüşlərdə iştirak edib, yaralanmışam. Böyük oğlum Süleyman memar-dizayner, kiçiyi Məhərrəm isə idmançıdır. Ailəmiz daim dövlətimizin diqqət və qayğısını hiss edir. Buna görə də müharibədə əmək qabiliyyətimi itirsəm də, övladlarımın boya-başa çatdırılmasında heç bir çətinliyim olmayıb.Təqaüd alıram, indi isə cənab Prezidentin verdiyi birdəfəlik ödəmə ailəmizin maddi durumunun daha da yaxşılaşmasına kömək edəcək.
Biz I Qarabağ müharibəsi əlilləri 44 günlük Vətən müharibəsində də, bu gün də daim cənab İlham Əliyevin ətrafında sıx birləşərək, onun apardığı xarici və daxili siyasəti ürəkdən dəstəkləyirik. Təşəkkürlər, cənab Prezident! Allah Sizi qorusun!
Azər Quliyev, şəhər sakini, II qrup əlil: 1986-19888-ci illərdə Əfqanıstanda gedən müharibənin iştirakçısı olmuşam. Bu müharibədə müxtəlif növ texnikanı idarə etməyi öyrənmişdim. Ona görə də torpaqlarımıza qarşı erməni təcavüzü başlayanda, könüllü olaraq Vətənin müdafiəsinə qalxanların sırasında oldum. Əvvəlcə könüllü özünümüdafiə dəstələrinin tərkibində, 1991-ci ildən isə Tərtər Özünümüdafiə Batalyonunun tərkibində vuruşmuşam. BMP-nin sürücü-mexaniki idim. 1992-ci ilin may ayında minaya düşüb yaralandım, hospitaldan yarımçıq çıxıb, yenidən cəbhəyə qayıtdım və ikinci dəfə yaralandım. Daha ətraflı »

Rayon rəhbəri Müstəqim Məmmədov Səfərbərlik və Hərbi Xidmətə Çağırış üzrə Dövlət Xidmətinin Tərtər Rayon Şöbəsinin rəisi Elşən Abdullayev ilə birlikdə rayonun Xoruzlu kəndində Xoruzlu və Kəbirli kəndlərindən olan şəhid ailələri ilə görüşüb, onların problemləri və qayğıları ilə maraqlanıb, ərazi bütövlüyümüz uğrunda həlak olmuş şəhidlərin xatirəsinin əbədiləşdirilməsi üçün rayonda görülən işlərdən söhbət açıb. Bu istiqamətdə ölkə rəhbəri cənab İlham Əliyevin və Birinci vitse-prezident Mehriban xanım Əliyevanın bütün dövlət qurumlarına nümunə olduğunu bildirib.
Qeyd olunub ki, şəhidlərin xatirəsinin əbədiləşdirilməsi onların ailə üzvlərinə bir təskinlik verir, onların heç vaxt unudulmadığını əks etdirir.
İcra başçısı Respublika Prezidentinin sərəncamı ilə yeni tikilən Xoruzlu kənd tam orta məktəbinin həyətində şəhidlərin xatirəsinə inşa ediləcək şəhidlər abidə kompleksi ilə bağlı şəhid ailələri ilə söhbət aparıb, onların fikirlərini öyrənib.
Görüşdə rayon rəhbəri birinci Qarabağ müharibəsi şəhidi Əliyar Qaraşovun bacısı Züleyxa Qara-şovanın yaşadığı evə su xəttinin çəkilməsi ilə bağlı aidiyyəti qurumlara tapşırıq verib, sakinlərə onların Kəbirli kəndinin qəbiristanlığına gedən yolun asfaltlanması üçün etdikləri müraciətləri ilə bağlı rayon icra hakimiyyəti tərəfindən “Azəravtoyol”a müraciət olunacağını bildirib.
Şəhid ailələrinin üzvləri rayon rəhbəri ilə görüşdən razı qalıblar.

ƏHALİNİN MADDİ VƏ SOSİAL DURUMU YAXŞILAŞIR

Tərtər Rayon İcra Hakimiyyətinin başçısı Müstəqim Məmmədovun rayonun Seydimli kəndində səyyar qəbul-görüşü keçirilib.
Qəbulda hüquq-mühafizə orqanlarının, səhiyyə, təhsil, mədəniyyət, digər xidmət təşkilatlarının rəhbərləri, YAP rayon təşkilatının sədri, ərazi icra nü-mayəndələri, bələdiyyə sədrləri, KİV-in əməkdaşları və kənd sakinləri iştirak ediblər.
Öncə tədbir iştirakçıları kənddə şəhidlərin xatirəsinə ucaldılmış abidənin önünə gül-çiçək dəstələri düzüb, xatirəsini ehtiramla yad ediblər.
Kənd sakinlərini salamlayan icra başçısı yaşayış məntəqələrində keçirilən səyyar qəbul-görüşlər haqqında məlumat verib. Azərbaycan Respublikası Prezidenti cənab İlham Əliyevin diqqət və qayğısı altında respublikamızda, eləcə də bölgələrdə aparılan tikinti, quruculuq-abadlıq işlərindən, əhalinin sosial durumunun yaxşılaşdırılması üçün həyata keçirilən geniş həcmli layihələrdən, Vətən müharibəsində qazanılan Zəfərdən, müharibə dövründə rayonun infrastrukturuna dəymiş ziyandan, şəhid və qazi ailələrinə dövlət tərəfindən göstərilən dəstəkdən danışıb.
Qeyd olunub ki, I Qarabağ və Vətən müharibəsində ən çox atəşə Tərtər şəhəri və onun yaşayış məntəqələri məruz qalıb. Ancaq sakinlər bir gün də öz yurd-yuvalarını tərk etməyiblər, düşmənə həmişə “göz dağı” olublar. Daha ətraflı »

Rayon rəhbəri Müstəqim Məmmədov hüquq-mühafizə orqanlarının rəhbərləri və YAP rayon təşkilatının sədri ilə birlikdə Seydimli kəndində şəhid Aysənan Abbasovun ailəsində olub, onların problemləri və qayğıları ilə maraqlanıblar.
Görüşdə rayon rəhbəri 44 günlük Vətən müharibəsində tərtərli oğulların döyüşlərdə göstərdiyi sücaətlərdən söhbət açıb, hər birinin qısa, lakin mənalı ömür yolunun gənclərə örnək olduğunu bildirib. Qeyd edib ki, şəhidlərimiz öz canlarını fəda ediblər, heç nəyə baxmadan, qorxmadan ölümə gediblər ki, torpaqlarımız işğaldan azad olunsun. Ona görə də hər kəsin borcudur ki, onların problemləri ilə maraqlanıb, həllinə kömək etsin.
Qeyd edək ki, şəhid Aysənan Abbasov 1992-ci ilin iyun ayının 26-da Tərtər rayonunun Seydimli kəndində anadan olmuşdur. 2014-cü ilin dekabr ayının 27-də hərbi xidmətə çağırılmışdır. Hərbi xidməti başa vurduqdan sonra müddətdən artıq həqiqi hərbi xidmət qulluqçusu olaraq hərbi xidmətini davam etdirmişdir. Daha ətraflı »

Tərtər rayon İcra Hakimiyyətinin başçısı Müstəqim Məmmədov icra başçısının birinci müavini Elvin Umudovun, Vətən müharibəsi İştirakçıları və şəhid ailələri ilə işin təşkili şöbəsinin müdiri Ülvi Nəcəfovun iştirakı ilə Vətən müharibəsi iştirakçısı Ramil İsmayılzadəni qəbul edib.
Ramil İsmayılzadə Kəlbəcər rayonunda qeydiyyatdadır. O, Tərtər rayonunda məcburi köçkünlər üçün Şıxarx yaşayış məntəqəsində salınmış qəsəbədə yaşayır, 1 övladı var.
Ramil Vətən müharibəsində torpaqlarımızın ərazi bütövlüyü uğrunda Tərtər rayonunun Talış və Suqovuşan uğrunda gedən döyüşlərdə iştirak edib, yaralanıb.
O, Azərbaycan Respublikasının Prezidenti tərəfindən “Cəsur döyüşçü”, “Suqovuşanın azad olunmasına görə” və “Vətən müharibəsi iştirakçısı” medalları ilə təltif olunub.
Müharibə iştirakçısını qəbul edən rayon icra başçısı Müstəqim Məmmədov ona Vətən müharibəsində göstərdiyi döyüş şücaətlərinə görə təşəkkür edib, respublika Prezidentinin Qarabağı Qarabağda böyüməyən gənclərin alması fikrini yada salıb, Ramilin də həmin gənclərdən biri olduğunu vurğulayıb, dövlət tərəfindən şəhid ailələrinə, Vətən müharibəsi əlillərinə, veteranlarına göstərilən diqqət və qayğını dilə gətirib.
Rayon rəhbəri Ramil İsmayılzadənin qayğıları ilə maraqlanaraq ona köməklik göstərib.
Vətən Müharibəsi iştirakçısı göstərilən diqqət və qayğıya görə Azərbaycan Respublikası Prezidenti cənab İlham Əliyevə və birinci vitse-prezident Mehriban xanım Əliyevaya öz minnətdarlığını bildirib.

Məhərrəm ayı ilə əlaqədar Tərtər Rayon İcra Hakimiyyətinin başçısı Müstəqim Məmmədovun rəhbərliyi ilə qərargah üzvlərinin növbəti tədbiri keçirilib.
Rayon İcra hakimiyyətində keçirilən tədbirdə hüquq-mühafizə orqanlarının, icra hakimiyyətinin əməkdaşları və din xadimləri iştirak ediblər.
Tədbiri giriş sözü ilə açan Tərtər Rayon İcra Hakimiyyətinin başçısı Müstəqim Məmmədov bildirib ki, Azərbaycanda əsası Ulu Öndər Heydər Əliyev tərəfindən qoyulan dövlətdin münasibətləri bu gün dövlətimizin başçısı İlham Əliyevin həyata keçirdiyi tədbirlər sayəsində ölkəmizin in-kişafına böyük töhfə verib. Rayon rəhbəri ölkəmizin hər yerində olduğu kimi, Tərtərdə də Məhərrəm ayı ilə əlaqədar dini ayin və mərasimləri sərbəst yerinə yetirmək üçün şərait yaradıldığını vurğulayıb. Qeyd edib ki, sülh və əminamanlıq ayı kimi qəbul edilən Məhərrəm ayı ərzində ibadət ocaqlarında ictimai asayişə riayət olunmaqla, təziyə məclislərində Kərbəla şəhidləri ilə yanaşı Vətənimiz uğrunda canlarını qurban vermiş qəhrəman övladlarımızın da əziz xatirəsi ehtiramla anılmalı, moizə və xütbələrdə Vətən təəssübü, milli və dövlət mənafelərimiz uca tutulmalıdır.
İcra başçısı çıxışında vurğulayıb ki, rayon ərazisində 5 məsçid və 1 ziyarətgahda (Ələm ocağı) dini mərasimlərin keçirilməsinə icazə verilib. Küçələrdə, evlərdə ehsan süfrələrinin açılması, dini mərasimlərin təşkili tövsiyə olunmur.
Tərtər Rayon Polis Şöbəsinin rəis müavini Həsən Məmmədov, Dövlət Təhlükəsizlik Xidmətinin Tərtər rayon şöbəsinin əməkdaşı Kamal Rəsulov, rayon prokurorluğunun əməkdaşı Məhəmməd Mahmudov Məhərrəm ayı ilə bağlı tədbirlərin mövcud qanunvericilik çərçivəsində keçirilməsinin zəruriliyini diqqətə çatdırıblar. Daha ətraflı »

Qəhrəmanlarımızın, istedadlı insanların həyatı ilə yaxından tanış olduqca görürsən ki, onların əldə etdiklərinin bir qismi gərgin zəhmətin bəhrəsidirsə, digərləri də kökdən, nəsildən gələn fitri qabiliyyətlərin, əsrlərlə qazanılmış milli-mənəvi dəyərlərin qiymətləndirilməsinin, bunların uca tutulmasının nəticəsidir.
Mənsub olduğu nəslin adını ucadan da uca edən insanlardan biri də Azərbaycan Silahlı Qüvvələrinin polkovnik-leytenantı, usta dərəcəli hərbi qulluqçu, Naxçıvan Əlahiddə Ümumqoşun Ordusunun Xüsusi Təyinatlı Bölməsinin komandiri, ikinci Qarabağ müharibəsinin şəhidi, Vətən Müharibəsi Qəhrəmanı Anar Vaqif oğlu Əliyevdir. Anar Əliyev 28 avqust 1980-ci ildə Kəlbəcər rayonunda müəllim ailəsində dünyaya göz açmışdır.
Anar Əliyevin nəsli Kəlbəcərin ilk sakinlərindən olan “kalvavəllər” – Kərbəlayi Vəlinin nəslinə qədər gedib çıxır. O, Kərbəlayi Vəlinin tayfasından olan Kərbəlayi Əlinin yadıcası, Məşədi İsmayılın kötücəsi, Əlinin nəticəsi, Əliyev Vaqif İsmayıl oğlunun ikinci oğludur.
Bu, ilahi bir qismətdir, yoxsa alın yazısıdır, deyə bilmərəm, ancaq elə bil həyat özü uşaqlığından onu yüksək şəhidlik məqamına hazırlayırdı. Belə ki, ötən əsrin 80-ci illərində Anarın valideynləri iş yeri ilə əlaqədar keçmiş DQMV-nin Ağdərə rayonunun Həsənqaya Sovetliyinin Göyarx (o zaman ermənilər bura Levonarx deyirdilər) kəndinə köçmüşdülər. Gələcəyin məşhur hərbçisi, düşmənə qan udduran gözəgörünməz kəşfiyyatçı, fitri istedada malik komandir Anar Əliyev 1986-ci ildə ilk dəfə məhz burada, rusdilli məktəbdə erməni uşaqlarla bir partada əyləşərək, elmin sirlərinə yiyələnməyə başlamışdır. Rus dilində təhsilə başlaması müxtəlif xarici dillərin öyrənilməsinə maraq yaratmış, bu isə gələcək həyatında onu pillə-pillə ucaldan səbəblərdən biri olmuşdur. İkincisi, azərbaycanlıların qatı düşmənləri ilə kiçik yaşlarından təmasda olan qəhrəmanımız on-ların hiyləgər xüsusiyyətlərini də öyrənə bilmiş və bunları yaddaşında saxlamışdır. O, 1988-ci ilə qədər təhsilini həmin məktəbdə almışdır. 1988-ci ildə erməni terrorçularının havadarlarının köməyi ilə başladıqları hadisələr nəticəsində Vaqif müəllimin ailəsi məcburi köçkün kimi Tərtər rayonunun Bəyimsarov kəndində məskunlaşmışdır. Daha ətraflı »

Avqustda doğulan tərtərli Vətən müharibəsi şəhidləri

Əlizadə Elşən Faiq oğlu

Elşən Əlizadə 10 avqust 1995-ci ildə Tərtər rayonunun İsmayılbəyli kəndində anadan olmuşdur.
Elşən Əlizadə 16 oktyabr 2020-ci ildə Tərtər rayonunun Suqovuşan kəndi istiqamətində döyüş tapşırığının yerinə yetirilməsi zamanı şəhid olmuşdur. Tərtər rayonunun İsmayılbəyli kəndində dəfn olunub.
Azərbaycan Prezidenti İlham Əliyevin müvafiq Sərəncamlarına əsasən Elşən Əlizadə ölümündən sonra “Vətən uğrunda”, “Cəsur döyüşçü” və “Suqovuşanın azad olunmasına görə” medalları ilə təltif edilib.

Şəmilov Azər Elyas oğlu

Azər Şəmilov 1971-ci il avqustun 13-də Tərtər rayonunun Qapanlı kəndində anadan olub. 1991-1994-cü illərdə Birinci Qarabağ müharibəsində savaşan qəhrəman döyüşçümüz 1994-2000-ci illərdə Azərbaycan Tibb Universitetində (ATU) ali təhsil alıb.
Azərbaycan Ordusunun tibb xidməti leytenantı olan Azər Şəmilov 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazi-lərin azad edilməsi üçün başlanan Vətən müharibəsi zama-nı Suqovuşanın və Talışın azadlığı uğrunda gedən döyüş-lərdə yaralı hərbçiləri döyüş meydanından çıxarıb.
Azər Şəmilov oktyabrın 14-də Talış kəndinin azad olunması uğrunda gedən döyüşlər zamanı şəhid olub. Bərdə rayonunun Kələntərli kəndində dəfn olunub.
Azərbaycan Prezidenti İlham Əliyevin müvafiq Sərəncamlarına əsasən Azər Şəmilov ölümündən sonra 3-cü dərəcəli “Rəşadət ordeni”, “Suqovuşanın azad olunmasına görə” və “Hərbi xidmətlərə görə” medalları ilə təltif olunub. Daha ətraflı »

Tərtər Olimpiya İdman Kompleksi 2 il bundan əvvəl, 2020-ci ilin 3 iyun tarixində istifadəyə verilib. Kompleksin açılışında dövlətimizin başçısı İlham Əliyev iştirak edib. Bu kompleksin tikintisi Prezident İlham Əliyevin Fərmanı ilə təsdiq edilmiş “Azərbaycan Respublikası regionlarının sosial-iqtisadi inkişafı Dövlət Proqramı”na əsasən aparılıb. Qeyd edək ki, dörd hektar ərazidə inşa edilən Olimpiya İdman Kopleksinin ümumi sahəsi 10 min 773 kvadratmetr, açıq idman meydançalarının sahəsi isə 8558 kvadratmetrdir. Burada müxtəlif idman növləri üzrə məşqlərin və yarışların keçirilməsi üçün nəzərdə tutulan universal zal, üzgüçülük hovuzu, sauna, güləş, boks, baksketbol və trenajor zalları, tennis kortu inşa edilib. Həmçinin mehmanxana, konfrans zalı, restoran , qış və yay kafeləri, mətbəx, həkim otaqları, inzibati kabinetlər, digər texniki və köməkçi otaqlar var. Fiziki imkanları məhdud olan tamaşaçıların və idmançıların kompleksdən tam və təhlükəsiz istifadə etməsi üçün zəruri şərait yaradılıb. Kompleksin ərazisində 1043 tamaşaçı yerlik tribunası olan stadion, mini futbol, voleybol və basketbol meydançaları, transformator, qazanxana, nasosxana, hər biri 400 kubmetrlik içməli və yanğın su anbarları, avtodayanacaq, nəzarət buraxılış məntəqəsi də inşa edilib. Olimpiya İdman Kompleksinin açılışında Prezident İlham Əliyev deyib: “Əminəm ki, Tərtər idmançıları bu imkanlardan istifadə edərək həm ölkə daxilində, həm beynəlxalq arenada yaxşı nəticələr göstərəcəklər. Tərtərdə idman həmişə inkişaf edib. İndiki şəraiti nəzərə alsaq, əlbəttə ki, daha da böyük ümidlərimiz vardır”. Kompleksin istifadəyə verildiyindən keçən müddət ərzində Vətən müharibəsi, sonra isə pandemiya dövrü burada işləri bir qədər ləngitmişdi. Cari ilin aprel ayında Emin Dadaşovun Tərtər Olimpiya İdman Kompleksinə direktor təyin edilməsindən sonra burada işlər canlanıb.
Bu günlərdə Emin Dadaşovu redaksiyamıza dəvət edib, Kompleksin fəaliyyəti ilə bağlı müsahibə almışıq. Həmin müsahibəni oxucularımıza təqdim edirik. Daha ətraflı »

Ölkəmizdə gənclərin təhsil səviyyəsinin yüksəldilməsi, dünyagörüşlərinin artırılması məqsədi ilə bir sıra proqramlar həyata keçirilir. Onlardan biri də yay və qış düşərgələrinin təşkilidir. Hazırda yay düşərgələrinin keçirilməsi davam etdirilir. Bu günlərdə Umudlu kənd tam orta məktəbinin şagirdləri Nilufər Zeynalzadə, Bəhram Məmmədli və Nərgiz Məmmədova təhsil üçün “Əl-ələ” yay düşərgəsindən xeyli təəssüratlarla geri dönmüşlər. Bununla əlaqədar Nilufər Zeynalzadə ilə görüşüb söhbət etdim.

Nilufər 9-cu sinfi bitirib . Dərs əlaçısıdır. Buraxılış imtahanlarından yüksək nəticə göstərdiyi üçün Təhsil Nazirliyi tərəfindən fərqlənmə attestatına layiq görülüb. Onunla söhbətimizdən öyrəndim ki, gələcəkdə savadlı, qanunlarımızın ke-şiyində dayanan hüquqşünas olmaq arzusu ilə yaşayır. Mükəmməl bir hüquq işçisi olmaq üçün təkcə dərslərinə fikir vermir, həm də fənn olimpiadalarında iştirak edir, sosial bacarığını artırmağa çalışır. Elə Təhsil Nazirliyi tərəfindən Azərbaycan və Böyük Britaniya Məzunları İctimai Birliyinin (AUKAA) dəstəyi ilə təşkil olunmuş yay düşərgəsində keçirilən təlimlər bu məqsədlə təşkil olunmuşdur.
Nilufər düşərgədən razılıq hissi ilə söz açırdı. Bildirdi ki, Böyük Britaniya Səfirliyinin dəstəyi ilə keçirilən layihə əsasən on rayonun kənd məktəblərinin şagirdləri üçün təşkil olunmuşdu. “Lebraff” kitabxanasında, ölkəmizin tanınmış universitetlərində, parlamet binasında və başqa görkəmli yerlərdə keçirilmiş ekskursiyalar hər birində xoş təəssüratlar yaratdı, sosial sahəyə maraqlarını artırdı. Ən əsası burada əldə olunan biliklər xaricdə təhsil almaq arzusunda olan gənclərə qarşılaşacaqları çətinlikləri uğurla dəf etməyə köməkdir. Daha ətraflı »