Tamamilə aydındır ki, Azərbaycan Respublikasının tərəqqisi yolunda başlıca maneə Ermənistan Respublikasının ona qarşı ərazi iddiası səbəbindən yaranmış və genişmiqyaslı hərbi təcavüzlə nəticələnən Ermənistan Azərbaycan münaqişəsidir. Buna görə də dövlətin apardığı xarici siyasət məhz Azərbaycan Respublikasının ərazi bütövlüyünün bərpa edilməsi və erməni hərbi təcavüzünün ağır nəticələrinin aradan qaldırılması məsələsinə xüsusi diqqət yetirməkdədir.
Məlum həqiqətdir ki, bugünkü Ermənistan-Azərbaycan münaqişəsinin dərin tarixi kökləri vardır. Əsası XIX əsrin əvvəllərində Rusiya İmperiyası tərəfindən işğal olunmuş Azərbaycan torpaqlarına ermənilərin köçürülməsilə qoyulmuş bu proses 1905-1906 və 1918-1920-ci illərdə azərbaycanlıların qəddar kütləvi terror və qanlı soyqırıma məruz qalması mərhələlərindən keçmişdir. Sonralar isə sovet dövründə əzəli Azərbaycan torpaqları hesabına orada əsrlər boyu yaşamış azərbaycanlılara qarşı etnik təmizləmənin aparılması yolu ilə indiki Ermənistan Respublikasının sələfi olan Ermənistan SSR yaradılmış və Azərbaycan SSR-in tərkibində onun Mərkəzi İcraiyyə Komitəsinin 7 iyul 1923-cü il tarixli qərarı ilə Dağıq Qarabağ Muxtar Vilayəti təşkil olunmuşdur.

1987-ci ilin axırlarından o vaxt üçün son olaraq Ermənistan SSR-də qalan 250 minə qədər Azərbaycan əhalisinin planlaşdırılmış qovulmasının başlanması ilə Ermənistan-Azərbaycan münaqişəsinin müasir mərhələsinə təkan verilmişdir. 1988-ci ilin 20 fevral tarixində isə Dağlıq Qarabağ Muxtar Vilayətinin Vilayət Şurasının sessiyasında erməni nümayəndələrinin qəbul etdiyi “DQMV-nin Azərbaycan SSR-in tərkibindən Ermənistan SSR-in tərkibinə verilməsi barədə Azərbaycan SSR və Ermənistan SSR Ali Sovetlərinə müraciət haqqında” qərarı və 1989-cu il dekabrın 1-də Ermənistan SSR-in Ali Sovetinin indiyəcən ləğv edilməmiş “Ermənistan SSR və Dağlıq Qarabağın yenidən birləşdirilməsi haqqında” qətnaməsi qəbul edilmişdir. Daha ətraflı »

KİMLƏR GƏLDİ, KİMLƏR GETDİ…

Əliyev Qabil Cəlil oğlu “Tərtər Özünümüdafiə Batalyonu”na müraciət edəndə hamı tərəddüd etmişdi. Komandanlıq tərəfindən– “sizin həm yaşınız, həm də uşaqlarınız çoxdur”–demişdilər. Lakin bu inadkar insan əqidəsindən dönmür, 1993- cü il noyabr ayının 7-də hərbi hissəyə qəbul edilir. O gündən bir əsgər kimi vətənin müdafiəsinə qalxır və mənfur ermənilərə qarşı batalyonun digər üzvləri kimi mübarizə aparır.
Qabil Əliyev döyüşə qoşulmamışdan əvvəl ailəsini dolandırmaq üçün yaşadığı doğma Sarıcalı kəndində, sonralar isə Bərdə rayonundakı 32 saylı səyyar mexanikləşdirmə idarəsində fəhlə işləmişdi. Onun ailəsində 5 övlad böyüyürdü. Oğlu Loğman, qızları Əsmər, Ruhiyyə, Məhəbbət və Səbinə. Loğman isə anadangəlmə əlil idi.
Qabil gündüzləri fəhləçiliyini etsə də, evə gələndə həyət-bacada çalışar, doğmalarının qayğıları ilə məşğul olardı. Bəzən ailə-nin ağırlığını nəzərə alaraq həyat yoldaşı Kəkliyin üzərinə çox yük düşməsin deyə, çöl işlərinə özü gedər, “sən get ev işlərinlə məşğul ol”– deyərdi. Beləcə baş-başa verib uşaqlarının gələcəyi üçün çalışardılar. Bəzən də qonum-qonşunun Qabilə işi düşərdi. İşığı yanmayanın işığını düzəldər, ehtiyacı olanın işinə əl atardı. Necə deyərlər, əlindən beli, baltası, kəlbətini düşməzdi. Kənddə hamı onu sadə, zəhmətkeş bir insan kimi tanıyardı.
Mənfur ermənilərin Qarabağ savaşı başlayanda Qabil kişi çox düşünüb-daşınır. “Hamının evindən bir nəfər də olsa Vətənin müdafiəsinə qoşulur. Bəs, mən niyə getməyim?”–deyə düşünərdi. Nəhayət, qəti qərar verir. Lakin 4 qızının, əlil oğlunun və ailəsinin qayğıları daim onu narahat edir.
Artıq özünümüdafiə batalyonuna yazıldığı vaxtdan bir neçə ay keçmişdi. Əməliyyatları yerinə yetirib qayıdanda və yaxud da döyüş tapşırığına yollanmazdan əvvəl ailəsinə baş çəkər: “Darıxmayın, hər şey yaxşı olacaq, qorxmayın! Yuyulub üstünüzə hazır gələcəm”–deyərdi. Həyat yoldaşı Kəklik onun dediyi sözlərin mənasını anlasa da uşaqları qorxutmamaq üçün fərqinə varmırdı. Evin kişisini arxayınlıqla yola salıb, yaxşı yol diləyərdi. Daha ətraflı »

ÖMRÜN CƏSURLUQ YOLU

1994-cü ilin sonları idi. Adəti üzrə Qarabağ müharibəsi iştirakçılarından yazmalı idim. Onun üçün Qarabağ əlliləri cəmiyyətinə zəng etdim və bir nəfər döyüşçünün barəsində yazacağımı bildirdim. Heç 10 dəqiqə çəkmədi”, 2 nəfər redaksiyaya gəldi. ( O vaxt redaksiya ilə əlillər cəmiyyəti yaxın binalarda yerləşirdi). Gələnlərdən biri Akif Lalayev, digəri cəmiyyətin o zamankı sədri İlham Mustafayev idi. Bir qədər söhbətdən sonra Akif Lalayevin savadlı, intellektli döyüşçü olmasına, İlham Mustafayevin boy-buxununa, şəxsiyyətinə, heyrət etdim…
Bu gün o döyüşçülərdən biri–İlham Mustafayevlə üz-üzə oturmuşuq. O zamankı İlhamla bu günkü İlhamı müqayisə edirəm.
Vətənimiz, torpaqlarımız uğrunda bir gözünü, bir qolunu, ayaq barmaqlarından birini itirmiş, üz-gözündə dəhşətli müharibənin çapıqları varıydısa da cavan görünürdü. Bu gün isə onun görkəmində son 25 ilin izləri hiss olunur. Sanki, danışığı, əsəbi də dəyişib. Bu gün İlhamdan yazmağımın əsas səbəbi ölkə Prezidenti İlham Əliyevin sərəncamı ilə onun “Azərbaycan Bayrağı” ordeni ilə təltif edilməsi oldu. Yenidən döyüş günlərini yada saldıq, ona göstərilən dövlət qayğısından danışdı.
İlham Mustafayev:
–1990-cı ildə Özünümüdafiə Batalyonları təşkil olunanda mən də kəndimizdə yaradılmış “Cəmilli” Özünümüdafiə Batalyonuna yazıldım.
. İlk müdafiə döyüşümüz “Torpaq təpə” deyilən ərazidən başladı. Batalyona tapşırıq verilmişdi ki, Şikar Şikarovu düşmənlər vurub, onun cəsədi döyüş ərazisində qalıb, mütləq çıxarmaq lazımdır. Batalyon döyüşçüləri ilə bərabər verilən əmri yerinə yetirdik. Cəsədi çıxararaq Tərtər hospitalına təhvil verdik.
İkinci əməliyyat Səhlabad kəndi istiqamətində oldu. Rahilə Orucovanın cəsədini çıxarmaq lazım idi. Bu tapşırığı da yerinə yetirdik. Daha ətraflı »

1. Azərbaycan Resbublikasının Baş Prokurorluğu-161
2. Daxili İşlər Nazirliyi – 102
3. Vergilər Nazirliyi – 195
4. Fövqəladə Hallar Nazirliyi – 112
5. İqtisadi İnkişaf Nazirliyi – 195-2
6. Dövlət Gömrük Komitəsi – 192
7. Tələbə Qəbulu üzrə Dövlət Komissiyası – 141
8. Təhsil Nazirliyi – 146
9. Əmlak Məsələləri üzrə Dövlət Komitəsi – 193
10. Dövlət Miqrasiya Xidməti – 919
11. Ədliyyə Nazirliyi – 539 76 75
12. Azərişıq – 440 29 21
13. Əmək və Əhalinin Sosial Müdafiəsi Nazirliyi – 142
14. Səfərbərlik və Hərbi Xidmətə Çağırış üzrə Dövlət Xidməti – 9100
15. Azərbaycan Respublikasının Dövlət Sosial Müdafiə Fondu – 190
16. Azərbaycan Respublikası Rabitə və Yüksək Texnologiyalar Nazirliyi – 1655
17. Baş Dövlət Yol Polisi İdarəsi – 902
18. Daşınmaz Əmlakın Dövlət Reyestri Xidməti – 148

AZƏRBAYCAN PREZİDENTİ İLHAM ƏLİYEV TƏRTƏR MƏKTƏBLİLƏRİ ARASINDA(3 DEKABR 2016-cı il)

Tərtər rayonunun ümumtəhsil məktəblərində yeni dərs ilinin başlanması münasibətilə təntənəli mərasimlər keçirildi.
Tərtər Rayon İcra Hakimiyyətinin başçısı və onun nümayəndələri, idarə, müəssisə rəhbərləri ümumtəhsil məktəblərində, o cümlədən, Şıxarx qəsəbəsi ərazisində 1176 məcburi köçkün ailəsi üçün inşa olunmuş yaşayış kompleksində fəaliyyət göstərən 1200 yerlik tam orta məktəbdə yerləşən Laçın rayonunun Çaylı kənd tam orta, Nərimaniya kənd ümumi orta, Ağdam rayonunun 84 saylı tam orta və Kəlbəcər rayonunun 36 saylı tam orta məktəblərində də oldular.
Rayon icra hakimiyyətinin başçısı Müstəqim Məmmədov “Bilik günü” münasibəti ilə rayonumuzun təhsil işçilərini və şagirdləri təbrik edərək, onlara təhsildə uğurlar dilədi. Bildirdi ki, respublika Prezidenti cənab İlham Əliyev və Birinci-vitse prezident Mehriban xanın Əliyeva tərəfindən milli təhsilimizə yüksək səviyyədə diqqət və qayğı göstərilir. Dövlət və Heydər Əliyev Fondu tərəfindən yeni məktəblər, uşaq evləri, liseylər tikilir, məktəblərin maddi-texniki bazası gücləndirilir. Təhsilə göstərilən qayğı gələcəyimizə göstərilən qayğıdır. Məhz bu qayğı nəticəsində təhsildə uğurlu nəticələr əldə olunur. Daha ətraflı »

Tərtər Rayon İcra Hakimiyyəti başçısının növbəti səyyar qəbul-görüşü Qaraağacı kəndində oldu. Tədbirdə rayon icra hakimiyyətinin, hüquq-mühafizə orqanlarının, səhiyyə, təhsil, mədəniyyət və digər xidmət təşkilatlarının rəhbərləri, ərazi icra nümayəndələri, bələdiyyə sədrləri və kənd sakinləri iştirak etdilər.
Əvvəlcə Qaraağacı kənd İƏD üzrə nümayəndə Lətif Həmidov kəndin sosial-iqtisadi inkişafı, əhalisi, onların məşğuliyyəti və görülən işlər barədə məlumat verdi.
İcra nümayəndəsinin məlumatından sonra sakinlərin müraciətləri dinlənildi. Kənd ağsaqqalı Şükür Əhmədov görülən işlərə görə respublika Prezidentinə kənd camaatı adından minnətdarlığını bildirdi. Erməni quldurları ilə təmas xəttində yaşayan kənd sakinlərinin sosial problemlərinin həlli istiqamətində görülən işlərdən danışdı.
Sonra Şükür Əhmədov “Qulubəyli yeri” adlanan ərazidə yerləşən 80 hektara yaxın əkin sahələrinin suvarılmasında yaranan çətinlikdən danışaraq bu ərazidə subartezian quyusunun qazılmasına ehtiyac olduğunu bildirdi. Eyni təklifə kənd sakini Mamed Nuriyev də qoşuldu.
Sakinlərdən Zahid Əhmədov içməli su xəttinin 24 ailənin yaşadığı küçəyə də çəkilməsi, ll qrup Qarabağ müharibəsi əlili Ceyhun Məmmədov ona 2-ci pay torpağı sahəsinin verilməsi, Elnur Əhmədov isə kənd yolunda maşınların sürət həddinin azaldılması üçün yol nişanı qoyulması ilə bağlı müraciət etdilər. Daha ətraflı »

Təhsil nazirliyi tərəfindən müsabiqə yolu ilə rayonun müxtəlif məktəblərinə işə qəbul olunmuş müəllimlərlə rayon icra hakimiyyətinin başçısı Müstəqim Məmmədovun görüşü keçirildi.
Görüşdə rayon rəhbəri işə yeni qəbul edilmiş müəllimləri təbrik etdi, onlara gənc nəslin təlim-tərbiyəsi kimi şərəfli işlərində uğurlar dilədi. Gənc müəllimlərin hər birini ayrı-ayrılıqda dinləyərək qayğıları ilə maraqlandı, dövlətimiz tərəfindən təhsilə göstərilən diqqət və qayğıdan danışdı.
Gənc müəllimlər böyük həvəslə öz arzu və istəklərini, qayğılarını rayon rəhbəri ilə bölüşdülər.
Qeyd edək ki, bu il rayonun ümumtəhsil məktəblərinə müxtəlif ixtisaslar üzrə vakant yerlərə 30-u daimi, 19-u müddətli müqavilə ilə olmaqla 49 nəfər müəllim qəbul edilib.
Tədbirin sonunda xatirə şəkli çəkdirildi.

“Yeni Tərtər”

Azərbaycan reallıqlarının dünya mediasında işıqlandırılması məqsədi ilə ölkəmizdə səfərdə olan ABŞ-ın tanınmış “Bachelor show” verlişinin baş redaktoru Con Batçelor Tərtər rayonuna səfər edib.
Səfər çərçivəsində qonaq Tərtər Rayon İcra Hakimiyyətinin başçısı Müstəqim Məmmədovla görüşüb, müsahibə götürüb. Görüşdə icra başçısı rayon haqqında ətraflı məlumat verib.
Qonaq səmimi qəbula və ətraflı məlumata görə rayon rəhbərinə öz minnətdarlığını bildirib.
Sonra rayon rəhbəri qonaq ilə birlikdə təmas xəttində yerləşən Qapanlı kəndində və “N” saylı hərbi hissədə olublar.

“Yeni Tərtər”

Səhiyyə Nazirliyinin Elmi-Tədqiqat Hemotologiya və Transfiziologiya İnstitutunun və Tərtər Rayon İcra Hakimiyyətinin birgə təşkilatçılığı ilə rayon mərkəzi xəstəxanasında talassemiyalı və hemofiliyalı xəstələrə dəstək olmaq məqsədilə qanvermə aksiyası keçirilib.
Vətəndaşlar əvvəlcə müayinədən keçib, onlardan qan analizi götürülüb. Aksiyada 242 nəfər qan verib.
Aksiyada iştirak edən rayon icra hakimiyyətinin başçısı Müstəqim Məmmədov bildirib ki, həyatının davamı üçün başqalarının köməyinə ehtiyacı olan insanlara kömək etmək hər birimizin vətəndaşlıq borcudur.
Elmi-Tədqiqat Hemotologiya və Transfiziologiya İnstitutunun Mərkəzi Qan Bankının əməkdaşları tərəfindən toplanan qan ehtiyacı olan xəstələrin müalicəsində istifadə olunacaq.

“Yeni Tərtər”