TƏRTƏRDƏ MÜHARİBƏ ZAMANI EVLƏRƏ DƏYMİŞ ZİYAN ARADAN QALDIRILIR

44 günlük savaşda Tərtərin 40 yaşayış məntəqəsinə 21 raket, 16 mindən çox artilleriya mərmisi atılmışdır
İkinci Qarabağ müharibəsi milli dövlətçilik və hərb tariximizin şanlı və qürurverici səhifəsinə çevrilmişdir. Bu müqəddəs savaşda qazanılan parlaq qələbə Prezident, Silahlı Qüvvələrin Ali Baş Komandanı İlham Əliyevin yenilməz sərkərdə qüdrətinin, doğma vətənini canından artıq sevən Azərbaycan əsgərinin qəhrəmanlığı sayəsində gerçəkləşmişdir. Xalq və ordunun sarsılmaz vəhdəti dəmir yumruğa çevrilib məkrli düşməni darmadağın etmişdir.
İndi qarşıda duran vəzifə müharibənin vurduğu yaraları qısa zamanda sağaltmağa nail olmaqdır. Çünki müharibə kəndlərimizi, şəhərlərimizi dağıdıb viran qoymuşdur. Müharibədə həmçinin nə qədər vətən sevdalı oğullarımız şəhid olmuş, nə qədər igidimiz sağlamlığını itirib qaziyə çevrilmişdir. Məmnunluq doğurur ki, dövlət başçısı İlham Əliyevin böyük qayğısı sayəsində şəhid ailələri və Qarabağ qaziləri dövlətin və millətin ali ehtiram ünvanına çevrilmişdir. Daha ətraflı »

Azərbaycan Respublikası Nazirlər Kabinetinin “Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrinin fəaliyyətinin təşkili ilə bağlı əlavə tədbirlər barədə” 22 yanvar 2021-ci il tarixli 12 nömrəli Qərarının 2.1-ci bəndinə uyğun olaraq məktəbəqədər təhsil müəssisələri fevralın 15-dən fəaliyyətini bərpa edib. Rayon ərazisində yerləşən körpələr evi-uşaq bağçalarında geniş təmizlik, tibbi profilaktiki tədbirlər həyata keçirilib, müəssisələr dezinfeksiya olunub, otaqlarda, mətbəxdə, sanitar qovşaqlarında səliqə-sahman yaradılıb.

                                                                              VƏTƏN SEVDALISI

Vətənini sevən və həmişə də Vətən torpağını hər şeydən uca tutan Amid Paşayevin qəhrəmanlığından danışmaq istəyirəm. Bir müəllim kimi öz şagirdinin qəhrəmanlığından yazmaq çox qürurverici hissdir.
Amid Paşayev 1995-ci il avqustun 10-da Tərtər rayonunda anadan olub. Babasının adını daşıdığı Sabir Paşayev adına Umudlu kənd orta məktəbinin 1-ci sinifinə 2002-ci ildə daxil olur və 11-ci sinifi isə 2013-cü ildə başa vurur. O, məktəbdə oxuduğu müddətdə əxlaqi keyfiyyətlərinə və yaxşı oxumasına görə müəllimləri və məktəb yol-daşları tərəfindən çox sevilir. XI sinifi bitirdikdən sonra elə həmin il ali məktəbə sənəd verir və Azərərbaycan Tibb Universitetinin Hərbi Tibb fakültəsinin Hərbi Tibb məktəbinə daxil olur. 2015-ci ildə bu məktəbi bitirib, gizir rütbəsi ilə Naxçıvan Əlahiddə Ümumqoşun ordusunun “N” saylı hərbi hissəsinin divizion tibb məntəqə rəisifeldşer vəzifəsinə təyin olunur. 2020-ci ildə 5 illik hərbi fəaliyyəti başa çatır.
Polad Həşimovun ölümü onu da çox sarsıdır. Könüllü olaraq Naxçıvan şəhərindən Füzuli rayonuna gəlir və “N” saylı hərbi hissənin 1-ci taborunun tibb məntəqəsinin feldşer vəzifəsinə təyin olunur.
Sentyabrın 27-də Vətən müharibəsi başlayan zaman həmin hərbi hissədən döyüşlərə qatılır.
Amid hələ orta məktəbdə oxuyarkən ermənilərə çox böyük nifrət hisi bəsləyirdi. Çünki onlar onun ata və babasını yaşadığı Umudlu torpaqlarından didərgin salmış, digər tərəfdən isə bu torpaqlar uğrunda 2 əmisi-Evarist (1992-93- cü ildə 27 yaşında Qubadlının polis rəisi olmuşdur) və Ədalət Paşayevləri şəhid etmişdilər. Daha ətraflı »

Vətən müharibəsi xatırlanarkən yada raketlərin, topların vahimə dolu səsi, dağılmış şəhər və kəndlər, ev-eşiklər, insanların təlaş və narahatçılığı, bir də şəhid və yaralılarımız yada düşür. 2020-ci il Azərbaycan xalqı üçün möhtəşəm zəfər ili oldu.
İkinci Qarabağ savaşının qazilərindən biri ilə həmsöhbət olaraq döyüş xatirələrindən danışdıq.
Nəsibov Zaur Zakir oğlu həmyerlimizdir. Tərtər şəhərində doğulub burada boya-başa çatıb. Hələ hərbi xidmət dövründə silahların dilini öyrəndikcə torpaqlarımızın bu silahlarla azad olunmasını düşünürdü. İnanırdı ki, bir gün gələcək Ali Baş Komandan əmr verəcək ki, əsir torpaqlarımız düşməndən azad edilsin. Onun xidməti Naxçıvanda motoatıcı alayında keçmişdir. Nəinki, Zaurun bütün xalqımızın arzuladığı an ötən ilin sentyabrın 27-də həyata keçdi.
Artıq mənfur düşmənin torpaqlarımızdan tamamilə çıxarılması əmri verilmişdir. Bu zamanda həmyerlimiz Zaur hərbi hissədə atıcı vəzifəsində könüllü olaraq xidmət edirdi. Sentyabırın 27-də onların bölüyü Goranboy rayonunun Tapqaraqoyunlu kəndindən düşmənin hücumunun qarşısını almaqla Talış istiqamətində irəliləməyə müvəffəq oldular və bəzi yüksəkliklər alınandan sonra oktyabrın 4-də Suqovuşan istiqamətində hücum zamanı xeyli itkilər olsa da, məqsəd aydın idi geri çəkilmək olmazdı, Daha ətraflı »

Bu uca boylu, iti yerişli oğlan həmyerlimiz İsmayılzadə Elvin Şakir oğludur. O, igid qazilərimizdəndir.
Elvin hərbi xidmətini başa vurduqdan sonra qərara alır ki, hərbi hissədə qalıb müddətdən artıq xidmət etsin. Bu fikirlə də 2020-ci ilin yanvar ayından hərbi hissəyə yazılır və həmlə bölməsində müddətdən artıq xidmətə başlayır.
Hələ orta məktəbdə təhsil aldığı zaman ermənilərin azərbaycanlıların başına gətirdikləri müsibətləri öyrəndikcə qəlbində sonsuz nifrət hissi baş qaldırırdı. Elə müddətdən artıq xidmət etməsinə də bu nifrət hissi səbəb olmuşdu. Azərbaycan Ordusunun hər bir zabiti və əsgəri kimi o da əmr gözləyirdi ki, ermənilərin dərsini versin. Ötən ilin sentyabrın 27-də belə bir imkan yarandı. Ordumuzla bərabər bütün xalqımız səfərbər oldu. 30 illik Vətən, torpaq ayrılığına son qoymaq üçün hamı cəbhəyə atılmağa hazır idi. Elvin də Ordumuzun tərkibində döyüşlərə başladı.Ağdərə, Suqovuşan is-tiqamətində aparılan hücumda O da vuruşurdu. Hamı kimi Elvin də bilirdi ki, güclü Ordumuzun sayəsində qələbə qazanılacaq. Hər gün torpaqlarımızın düşmən tapdağından azad olunması haqqında xəbərləri eşidən əsgər və zabitlərimizdə böyük ruh yüksəkliyi yaranmışdı. Lakin müharibənin öz qanunları olduğunu, itkisiz başa gəlmədiyini hamı kimi Elvin də bilirdi. O, yeri düşdükcə şəhid, yaralı əsgərlərdən ürək yanğısı ilə söz açırdı. Daha ətraflı »

Xocalı soyqırımı bəşəriyyət tarixində insanlığa qarşı həyata keçirilmiş ən qəddar zorakılıq nümunələrindən biri olaraq tarixin yaddaşına həkk olunub. Bu soyqırımı nəticəsində yüzlərlə dinc insanın erməni terrorçuları tərəfindən xüsusi zorakılıqla qətlə yetirilməsi və bunların içərisində körpə uşaqların da olması baş vermiş hadisənin hər bir anlamda insanlığa yönələn cinayət olduğundan xəbər verir. Daha ətraflı »

Novruz bayramına qədər dörd çərşənbə qeyd edilir: su, od, yel və torpaq çərşənbələri. Bu çərşənbələr bürcləri özündə birləşdirən ünsürləri bildirir, insanın 4 ünsürdən yaradılışını simvollaşdırır.

                                                                                      Su çərşənbəsi:
İlk çərşənbə olan su çərşənbəsi suya tapınma inamı ilə bağlıdır. Xalqın inamına görə Su çərşənbəsi günü “təzə su”dan keçənlər, azarını, bezarını ona verənlər il boyu xəstəlikdən uzaq olarlar. Həmin gün su üstündə müxtəlif mərasimlər keçirilir. Su çərşənbəsi ilə əlaqədar çoxlu sayda inanclar, fallar, türkəçarələr, bayatılar, əfsanələr və rəvayətlər var. İlk çərşənbənin gəlişi ilə evlərdə təmizlik işləri aparılır. Qızlar bulaqlardan sərin, şirin su gətirərlər, evin ətrafına çiləyər, üzlərini yuyarlar. Daha ətraflı »

Fevralın 21-i bütün dünyada Beynəlxalq Ana Dili Günü kimi qeyd olunur. 1999-cu ilin noyabrında Banqladeş səfirinin təşəbbüsü ilə UNESCO tərəfindən fevralın 21-i Beynəlxalq Ana Dili Günü elan edilib.
Beynəlxalq Ana Dili Günü 1952-ci il fevralın 21-də Banqladeşin Benqal şəhərində öz ana dilinin rəsmi dil olması uğrunda mübarizə aparan 4 tələbənin öldürülməsi hadisəsini bir daha insanların xatirəsində canlandırır.
Dil hər bir millətin maddi və mənəvi irsini qoruyan və inkişaf etdirən ən mühüm və ən güclü vasitədir. Hər bir insan öz ana dilini yaxşı bilməli və onu qorumalıdır. Ana dili insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, öz soydaşları ilə ünsiyyət qurmasında mühüm rol oynayır. Ana dili millətin özünəməxsusluğunu qorumaqla yanaşı, tərcümə vasitəsilə başqa xalqların mədəni irsi ilə tanış olmağa, onlarla ünsiyyət qurmağa imkan yaradır.
Millətin dilinin dövlət dili statusuna yüksəlməsi tarixi hadisə, milli dövlətçilik tarixinin qızıl səhifəsidir. Daha ətraflı »

Tərtər rayonunda xüsusi karantin rejiminin qaydalarına əməl olunmaqlaGənclər Günü münasibətilə tədbir keçirilib. Tədbir iştirakçıları əvvəlcə Mərkəzi Meydanda ulu öndərin abidəsini ziyarət edərək önünə gül-çiçək dəstələri qoydular.
YAP Tərtər Rayon Təşkilatında davam edən tədbirdə Tərtər Rayon İcra Hakimiyyətinin başçısı Müstəqim Məmmədov Gənclər Günü münasibəti ilə gəncləri təbirik edib, əsası ulu öndər Heydər Əliyev tərəfindən qoyulmuş və bu gün möhtərəm Prezident İlham Əliyev tərəfindən uğurla davam etdirilən gənclər siyasətindən, rayonda gənclərin inkişafı üçün yaradılan şəraitdən danışıb.Vətən Müharibəsindən də da-nışan rayon rəhbəri bildirib ki, 44 gün davam edən döyüşlər və qazanılan qələbə Müzəffər Ali Baş Komandan cənab İlham Əliyevin yenilməz qətiyyətini, ordumuzun qüdrətini və xalqımızın milli birliyini bütün dünyaya bir daha nümayiş etdirdi.
Sonda rayonun ictimai siyasi həyatında fərqlənən bir neçə gənc Tərtər Rayon İcra Hakimiyyəti tərəfindən fəxri fərman və qiymətli hədiyyələrlə təltif edilib.

Yeni Azərbaycan Partiyasının təşəbbüsü ilə keçirilən “şəhid ailələrinə qayğı” aksiyası çərçivəsində YAP Tərtər Rayon Təşkilatı Vətən müharibəsində şəhidlik zirvəsinə ucalan şəhidlərin ailələri ilə görüşlər keçirir. Bu günlərdə keçirilən görüşlərdə YAP Tərtər Rayon Təşkilatının sədri Ramiz Şabanov, rayon təşkilatının Şura üzvü Kamil Məmmədov və fəal YAP üzvü Eldar Əsədov rayonun Yenikənd kəndindən şəhid Qasımov Azər Yaqub oğlunun və Hacallı kəndindən şəhid Sabirli Əjdər Xanlar oğlunun ailələrini ziyarət etdilər. Ziyarət zamanı qeyd olunub ki, şəhid Qasımov Azər Yaqub oğlu müddətdən artıq hərbi qulluqçu kimi Aprel 2016-cı il döyüşlərində və Vətən müharibəsində qəhrəmanlıqlar göstərib. O, rayonun Suqovuşan qəsəbəsinin azad edilməsi zamanı şəhid olub. Azər Qasımov göstərdiyi qəhrəmanlığa görə Azərbaycan Milli Ordusunun yaranmasının 100 illiyi, “Cəsur döyüşçü” və “Suqovuşanın azad olunmasına görə” medalları ilə təltif olunmuşdur.
Rayonun Hacallı kənd sakini Sabirli Əjdər Xanlar oğlu Tərtər rayonunun Talış kəndinin azadlığı uğrunda gedən döyüşlərdə şəhidlik zirəsinə ucalıb.