Noyabrda doğulan tərtərli Vətən Müharibəsi şəhidləri

Aslanlı Orxan Şahmar oğlu
Orxan Aslanlı 1992-ci ilin noyabr ayının 20-də Tərtər rayonunun Səhlabad kəndində anadan olub.
Orxan Aslanlı oktyabrın 8-də Ağdərə istiqamətində şəhid olub. Tərtər rayonunun Səhlabad kəndində dəfn olunub.
Azərbaycan Respublikasının Prezidenti İlham Əliyevin müvafiq Sərəncamlarına əsasən Orxan Aslanlı ölümündən sonra “Vətən uğrunda”, “İgidliyə görə” və “Suqovuşanın azad olunmasına görə” medalları ilə təltif edilib.
Quluzadə Elmin Şəmsi oğlu
Quluzadə Elmin Şəmsi oğlu 1998-ci il noyabrın 1-də Tərtər rayonunun Kəngərli kəndində anadan olub.
Cəbhənin Ağdam və Tərtər rayonları istiqamətlərində gedən ağır döyüşlərdə iştirak edib. 17 oktyabr 2020-ci il tarixində şəhidlik zirvəsinə ucalıb. Tərtər rayonunun Kəngərli kəndində dəfn olunub.
Azərbaycan Respublikasının Prezidenti cənab İlham Əliyevin müvafiq Sərəncamlarıı ilə ölümündən sonra “Vətən uğrunda”, “Cəsur döyüşçü” və “Suqovuşanın azad olunmasına görə” medalları ilə təltif edilib.
Məhərrəmli Fuad Habil oğlu
Fuad Məhərrəmli 1994-cü il noyabrın 28-də Tərtər rayonunun Evoğlu kəndində anadan olub.
Fuad Məhərrəmli oktyabrın 12-də Ağdərə istiqamətində “Tülkü dərəsi” adlandırılan ərazidə şəhid olub. Tərtər rayonunun Evoğlu kəndində dəfn olunub. Azərbaycan Respublikasının Prezidenti İlham Əliyevin müvafiq Sərəncamlarına əsasən Fuad Məhərrəmli ölümündən sonra “Vətən uğrunda”, “Cəsur döyüşçü” və “Suqovuşanın azad olunmasına görə” medalları ilə təltif edilib.

Noyabrın 20-də xalqımız qürur hissi ilə Ağdamın işğaldan azad olunduğu günü qeyd edir.
Ağdam rayonunun böyük hissəsi 1993-cü il iyulun 23-də Ermənistan Silahlı Qüvvələri tərəfindən işğal edilmişdir. Azərbaycan Prezidenti İlham Əliyevin böyük diplomatik səyləri nəticəsində Ağdam rayonu hərbi əməliyyatlar keçirilmədən, siyasi yolla işğaldan azad edildi.
Azərbaycanın ən gözəl şəhərlərindən biri olan Ağdam işğal dövründə erməni vandalizmi nəticəsində ruhlar şəhərinə çevrilib. İşğaldan sonra Prezident İlham Əliyev və Birinci vitse-prezident Mehriban xanım Əliyeva bir neçə dəfə Ağdam rayonuna səfər ediblər. Dövlətimizin başçısı deyib: “İndi Ağdam üçün yeni dövr başlayır. Bizim böyük planlarımız var. Biz bu torpaqları, bu şəhəri, bu kəndləri bərpa edəcəyik”.
Hazırda Ağdamda avtomobil və dəmir yolları çəkilir, 470 mənzildən ibarət yaşayış məhəlləsi tikilir, Pənahəli Xanın Sarayı və İmarət Kompleksində bərpa işləri görülür. Çox keçməz ki, əvvəlkindən də gözəl və yaraşıqlı Ağdam rayonu ölkəmizin müxtəlif güşələrinə səpələnmiş doğma sakinlərini yenidən öz qoynuna alar.

“Yeni Tərtər”

Tərtər Rayon İcra Hakimiyyətinin başçısı Müstəqim Məmmədov rayonun Qapanlı kəndinə gedən suvarma arxının beton üzlüyə alınması ilə bağlı aparılan işlərlə yerində tanış olub.

Melorasiya və Su təsərrüfatı ASC-nin əsaslı təmir planına uyğun olaraq uzunluğu 10 km olan Qapanlı arxının cari ilin sonunadək 1 kilometri, uzunluğu 8 km olan Qaynaq- Qazyan arxının isə 1,2 kilometri beton örtüyə alınacaq.

İcra başçısı rayonda fəaliyyət göstərən Suvarma sistemləri və Tərtərçay Hidroqovşağı istismarı idarəsinin  rəhbərlərinə arxın beton üzlüyə alınması ilə bağlı müvafiq tapşırıq və tövsiyyələrini verib.

Tərtər Rayon İcra Hakimiyyətinin başçısı Müstəqim Məmmədovun növbəti səyyar qəbul-görüşü rayonun Qapanlı kəndində keçirilib.

Qəbulda hüquq-mühafizə orqanlarının rəhbərləri, YAP rayon təşkilatının və ağsaqqallar şurasının sədrləri, səhiyyə, təhsil, mədəniyyət, digər xidmət təşkilatlarının rəhbərləri, ərazi icra nümayəndələri, bələdiyyə sədrləri və kənd sakinləri iştirak ediblər.

Əvvəlcə rayon rəhbəri yaşayış məntəqələrində keçirilən səyyar-qəbul görüşlər haqqında məlumat verib. Azərbaycan Respublikasının Prezidenti cənab İlham Əliyevin diqqət və qayğısı altında respublikamızda, eləcə də bölgələrdə aparılan tikinti-quruculuq-abadlıq işlərindən, əhalinin sosial durumunun yaxşılaşdırılması üçün həyata keçirilən geniş həcmli layihələrdən, Vətən müharibəsində qazanılan Zəfərdən, müharibə dövründə rayonun infrastrukturuna dəymiş ziyandan,  şəhid və qazi ailələrinə dövlət tərəfindən göstərilən dəstəkdən danışıb.

İcra başçısı kəndin sosial-iqtisadi inkişafı, əhalisi, onların məşğuliyyəti, görülən işlər barədə də məlumat verib.

Bildirilib ki, Qapanlı  kəndinin 364 hektar ərazisi, 122 təsərrüfatı, 1235 nəfər əhalisi, 350 hektar pay torpağı var. Ərazidə 1 ümumi orta məktəb, 1 ticarət obyekti, 1 iaşə obyekti, 1 məişət xidməti obyekti fəaliyyət göstərir. Kənd sakinləri əkinçilik və maldarlıqla məşğul olurlar. Kənd daimi işıq, qaz və içməli su  ilə təmin olunub.

Sakinlər 285 baş iribuynuzlu, 360 baş xırdabuynuzlu heyvan, 1370 baş quş, 46 yeşik arı ailəsi saxlayırlar.

Qapanlı kəndində son üç ildə pay torpaqlarına gedən su arxları 7 km məsafədə lildən təmizlənib, 9 ədəd subartezian quyularının nasosları təmir edilmişdir. Daha ətraflı »

Noyabrın 15-də YAP Tərtər Rayon Təşkilatının inzibati binasında “Kimsəsiz Uşaqların Sosial Müdafiəsi” İctimai Birliyi tərəfindən “Sağlam ailə sağlam cəmiyyətin, güclü dövlətin özülüdür!” adlı layihə çərçivəsində ailə dəyərləri mövzusunda tədbir keçirilib.

Tədbirdə Tərtər Rayon İcra Hakimiyyəti başçısının birinci müavini Elvin Umudov, İcra Hakimiyyəti başçısı aparatında İctimai-siyasi və humanitar məsələlər şöbəsinin baş məsləhətçisi Rəqsanə Məmmədli, məktəb, xəstəxana və digər dövlət qrumlarının nümayəndələri iştirak ediblər.

Təşkilatın sədri və layihə rəhbəri Lamiyə İsazadə açılış çıxışında layihənin donoru və məqsədi haqqında iştirakçıları məlumatlandırıb. O, layihənin gənclərin milli-mənəvi dəyərlərlə tərbiyə olunması, milli dəyərlərə bağlılıq, böyüklərə hörmət və digər milli dəyərlər işığında maarifləndirilməsini nəzərdə tutduğunu diqqətə çatdırıb.

Lamiyə İsazadə qeyd edib ki, “Ailə cəmiyyətin ən vacib dayağıdır. Bu dayağın möhkəm olması xalq və dövlətin də sağlam olması deməkdir. Bu gün qloballaşma və modernləşmə dövründə valideynlərin bu xüsusda üzərinə çox böyük məsuliyyət düşür. Ailələr texnoloji və iqtisadi inkişaflar və xüsusilə qloballaşmanın gətirdiyi problemlərlə qarşı-qarşıyadır. Bu problemləri görməyən və qarşılaşdığı zaman həll edə bilməyən millətlərin ayaqda qalması, dəyərlərini, adət-ənənələrini gələcək nəsillərə ötürməsi sual altındadır. Milli- mənəvi dəyərlərdən hər gün birinin qloballaşmanın pəncələrinə qurban edildiyi, sıradan çıxdığı dövrdə ailə mühitlərində yaşanan korlanma zamanla cəmiyyətin bütün seqmentinə yayılır. Daha ətraflı »

BMT-nin Qaçqınlar üzrə Ali Komissarlığının Azərbaycandakı nümayəndəliyi Qaçqınların və Məcburi Köçkünlərin İşləri üzrə Dövlət Komitəsinin, İcbari Tibbi Sığorta üzrə Dövlət Agentliyinin və “Xəzər Qayğıkeşlik Layihəsi” İctimai Birliyinin dəstəyi ilə münaqişədən ziyan çəkmiş Tərtər rayonunda qaçqın və məcburi köçkün ailələri üçün tibbi aksiya keçirib.

Tərtər rayon məcburi köçkün qəsəbəsində noyabrın 15-18-ni əhatə edən aksiyada 1500 şəxsin göz müayinəsindən keçməsi nəzərdə tutulur. Bu məqsədlə İcbari Tibbi Sığorta üzrə Dövlət Agentliyi tərəfindən Tərtər, Bərdə və Ağdam rayon mərkəzi xəstəxanalarında fəaliyyət göstərən həkim-oftalmoloqlar aksiyaya cəlb olunub. Aksiyada Tərtər rayonunda müvəqqəti məskunlaşmış əsasən ağdamlı, laçınlı və kəlbəcərli məcburi köçkünlər iştirak ediblər. Həkim-oftalmoloqlar tərəfindən yazılan reseptlər əsasında ehtiyacı olan şəxslərə Yaponiyanın “Fuji Optical Co. Ltd” şirkəti tərəfindən ianə olunmuş optik eynəklər paylanılıb. Müayinə nəticəsində tibbi prosedurlar tələb olunan şəxslər isə əlavə müayinə və müalicə üçün müvafiq tibb müəssisələrinə yönləndirilib.

Aksiyanı rəğbətlə qarşılayan məcburi köçkünlər sağlamlıqlarına göstərdikləri qayğıya görə təşkilatçılara təşəkkür ediblər.

Qeyd edək ki, Yaponiyanın “Fuji Optical Co. Ltd” şirkəti 2005-ci ildən etibarən hər il Azərbaycanda göz müayinəsi və eynək paylanışı aksiyasını həyata keçirib. COVID-19 pandemiyası səbəbindən ənənəvi aksiyanı 2020-ci ildə reallaşdıra bilməsə də, şirkət BMT-nin Qaçqınlar üzrə Agentliyi vasitəsilə Azərbaycana humanitar dəstəyini davam etdirib. Ötən il olduğu kimi, bu il də “Fuji Optical Co. Ltd.” şirkəti Azərbaycana 3500 ədəd yüksəkkeyfiyyətli optik eynək göndərib. Daha ətraflı »

Noyabırın 14-də “Tariximizə sahib çıxaq” Tarixi araşdırmalar və maarifləndirmə İctimai Birliyi tərəfindən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilən “Vətən mənə oğul desə…44 günlük zəfər tariximiz şagirdlərimizin gözü ilə” layihəsi çərçivəsində Tərtər rayon, R. Kərimov adına Sarov kənd tam orta məktəbinin  8-9-10-cu sinif şagirdləri arasında inşa müsabiqəsi keçirilib.

Əvvəlcə təşkilatın nümayəndələri tərəfindən sinif otağında olan şagirdlərə layihə haqqında məlumat verilib, sonra şagirdləri inşanın mövzusu və şərtləri ilə tanış etdilər.

Şagirdlər tərəfindən yazılan inşalar orta məktəbin müəllimləri və təşkilatın ekspertləri tərəfindən yoxlanıb qiymətləndirildikdən sonra tədbir məktəbin akt zalında davam etdirilib.

Tədbirdə Tərtər Rayon İcra Hakimiyəti Başçısı Aparatında İctimai-siyasi və humanitar məsələlər şöbəsinin baş məsləhətçisi Rəqsanə Məmmədli, Sarov kənd tam orta məktəinin direktoru Rüfət İsmayılov, Sarov kəndindən olan şəhid Şirinli Nurlan Qədir oğlunun anası Esmira Şirinova, AMEA Folklor İnstitutunun əməkdaşı Vəfa Saleh, tarixçi Vəfa Şamilova, Sarov kəndinin qaziləri Kürdoğlu Abbaslı, Təhmuraz Muradov və Vətən müharibəsi iştirakcısı Şirinov Kamil, məktəbin müəllim və şagirdləri iştirak ediblər. Daha ətraflı »

Noyabr 14-də Tərtər şəhərində “Sosial-Mədəni Dəyişikliklərin öyrənilməsi” İctimai Birliyi tərəfindən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi ilə “Sosial problemlərin həllində yeni metodolji üsulların tətbiqi” layihəsi çərçivəsində tədbir keçirilib.

Əvvəlcə Tərtər Rayon İcra Hakimiyyəti başçısı aparatında İctimai-siyasi və humanitar məsələlər şöbəsinin baş məsləhətçisi Rəqsanə Məmmədli çıxış edib. “Sosial-Mədəni Dəyişikliklərin öyrənilməsi” İctimai Birliyi tərəfindən həyata keçirilən Sosial problemlərin həllində yeni metodoloji üsulların tətbiqi” layihəsinin komando heyəti ilə təlim iştirakçılarını tanış edib.

Layihənin rəhbəri, məruzəçi dosent H. İbrahimov çıxış edərək, hazırki dövrdə ölkəmizdə davam edən uğurlu islahatlar paketi sosial problemlərin həllində yeni metodların axtarışlarını zəruri və əhəmiyyətli olduğunu bildirərək, yaxın dövrdə yaşadığımız pandemiya bu istiqamətdə ictimai təşəbbüslərin daha geniş əlaqələndirilməsini tələb etdiyini, sosial problemlərin həllində yeni metodların tətbiqi ilk növbədə nəzəri cəhətdən sosial işin aparılması prinsiplərinə söykəndiyini qeyd etmişdir.

Keçirilən tədbirdə belə prinsiplərin yerinə yetirilməsi işində dövlət və ictimai təsisatların birgə iş aparması və könüllü fəaliyyətin gücləndirilməsi meyarları aydınlaşdırıldı.

Məruzəçi dosent H. İbrahimov, rayon İcra Hakimiyyəti Aparatının mütəxəssisləri tədbirdə geniş məruzələr etdilər.  Sosial problemlərin həllinə dəstək olacaq yeni metodları özündə ehtiva edən kitabça tədbir iştirakçılarına paylanıldı.

Noyabrın 15-də Tərtər rayon Seydimli kənd tam orta məktəbinin 10-cu və 11-ci sinif şagirdləri arasında “Narkomaniya-Əsrin bəlası” və “Erkən nikaha yox deyək!”  mövzusunda maarifləndirici tədbir keçirilib.

Tədbirdə Tərtər Rayon İcra Hakimiyyəti Başçısı Aparatında Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Rəvan Həsənov, şöbənin məsləhətçi psixoloqu Pərişan Orucova, İctimai-siyasi və humanitar məsələlər şöbəsinin baş məsləhətçisi Rəqsanə Quliyeva, rayon Mərkəzi Xəstəxanasının həkimi Lütüfə Bağırova, rayon Təhsil şöbəsinin əməkdaşı Gülxar Abbasova və məktəbin direktoru Nurəddin İbrahimov iştirak ediblər.

Tədbirdə çıxış edənlər erkən nikahın gənclərə, ailələrə, bütövlükdə cəmiyyətə vurduğu zərərlər, bu sosial problemin aradan qaldırılması yolları haqqında danışılaraq bildiriblər ki, erkən nikah hallarına zəmin yaradan əsas səbəblərdən birincisi təhsildən yayınmaqdır. Valideynlərin maddi imkansızlıq bəhanəsi ilə övladlarını məktəbdən uzaqlaşdırılması son nəticədə erkən nikaha yol açır. Bunun qarşısının alınması üçün ardıcıl maarifləndirmə tədbirlərinin aparılması zəruridir.

Qeyd edilib ki, uşaq hüquqlarının müdafiəsi, ailələrin rifah halının yaxşılaşdırılması, erkən nikahın qarşısının alınması hər zaman dövlətimizin qarşısında duran prioritet məsələ olub.

Tədbirin sonunda iştirakçıları maraqlandıran suallar cavablandırılıb.

Azərbaycan Respublikasının Prezidenti İlham Əliyev noyabrın 15-də Albaniya Respublikasına dövlət səfərinə gedib. Bu səfər Prezident İlham Əliyevin Albaniyaya ilk səfəridir. Səfərin məqsədi ölkələrimiz arasında yüksək səviyyədə olan əlaqələrin daha da inkişafına və qarşılıqlı maraq doğuran sahələrdə əməkdaşlığın gücləndirilməsinə töhfə verməkdir. Səfər çərçivəsində Azərbaycan Respublikasının Prezidenti İlham Əliyevin Albaniya Respublikasının Prezidenti Bayram Beqay ilə təkbətək görüşü olub. Görüşdən sonra liderlər mətbuata bəyanat veriblər. Ölkə başçımız çıxış edərək iki ölkə arasındakı iqtisadi, siyasi münasibətlərə və ikinci Qarabağ müharibəsindən sonra regionda yaranmış vəziyyətlə bağlı məqamlara toxunmuşdur.

Prezident İlham Əliyev Albaniyanın həmişə olduğu kimi, İkinci Qarabağ müharibəsində də Azərbaycanın ərazi bütövlüyünə verdiyi dəstəyi yüksək qiymətləndirib və vurğulayıb ki, bu, Albaniyanın Azərbaycan üçün dost və qardaş ölkə olduğunu bir daha göstərir.

Enerji sahəsində əməkdaşlıq iqtisadi əlaqələrimizin əsas istiqamətlərindən olduğunu söyləyən dövlət başçımız bildirmişdir: “Bu ilin iyul ayında Azərbaycanla Avropa Komissiyası arasında enerji sahəsində strateji əməkdaşlıq üzrə Anlaşma Memorandumu imzalanmışdır. Həmin Memorandum əsasında 2027-ci ilə qədər Avropaya gedən qaz təchizatı iki dəfə artırılacaqdır”. Daha ətraflı »