O gün, Şuşaya getdiyim gün mən sanki yuxuda idim. Artıq yola çıxmışdıq, Şuşaya istiqaməti göstərən yol nişanları biri-birini əvəz etsə də inanmağım gəlmirdi. İnanmağım gəlmirdi ki,  2021-ci ilin son günü mənə belə bir xoşbəxtlik nəsib olar, mən Şuşamıza səfər edəcək qrupa dəvət alacağam, dağların qucağına sığınan, 30 il övladlarının yolunu gözləyərək günlərini nisgil içərisində keçirən nadir incimizi, Şuşamızı görəcəyəm. Zəfər yoluna çıxdığımız an artıq bütün şübhələrim arxada qaldı. Bəli, biz, bir qrup vətəndaş cəmiyyətinin üzvləri QHT-lərə Dövlət Dəstəyi Agentliyinin mədəniyyət beşiyimiz, musiqimizin qibləgahı, Qarabağımızın döyünən ürəyi olan Şuşaya təşkil etdiyi  səfərdə iştirak edirdik. Bundan əvvəl Suqovuşana və Xudafərinə edilən səfərlərdə də hər birimiz çox həyəcanlanmış, ermənilərin işğal olunmuş ərazilərdə  törətdikləri vəhşilikləri görərkən erməni vandalizminin hüdudu olmadığına əmin olmuş, insanlıq əleyhinə yönələn bu vəhşilikləri pisləyən Bəyanat qəbul edərək beynəlxalq təşkilatlara və hələ də işğalçını dəstəkləyən dünya dövlətlərinə ünvanlamışdıq. İndi isə Zəfər yolu bizi Şuşaya aparırdı. O Şuşaya ki, onun hər bir azərbaycanlının qəlbində özəl bir yeri var, o Şuşaya ki, onun azad olunduğu gün hər birimizin gözündən bir damla yaş axdı, bu yaş Şuşa işğal olunan gündən bir qübar kimi gözümüzə dolub durmuşdu. O yaş sevinc göz yaşı idi, o yaş artıq bizə Qələbədən xəbər verirdi. Bütün Azərbaycan ayaq üstə idi, Ali Baş Komandanın Şəhidlər Xiyabanından verdiyi o xəbəri dinləyirdi. 44 günün ağırlığına mərdi-mərdanə dözən, müharibənin ən ağır anlarında belə özünü sındıqmayan Ali Baş Komandan ilk dəfə idi kövrəlmişdi və titrəyən səsi ilə xalqını müjdələyərək deyirdi:”Şuşa, sən azadsan, Şuşa biz səni azad etmişik!”

Daha ətraflı »

Prezident İlham Əliyev cari ilin 10 yanvar tarixində yerli televiziya kanallarına müsahibə verib.

Dövlət başçısı bildirib ki, son 20 ilin tarixi göz qabağındadır və əsas məsələ ondadır ki, 2003-cü ildə Azərbaycan xalqı düzgün seçim etmişdi. Müstəqil tariximizin ən həlledici məqamı məhz 2003-cü il idi. Çünki o vaxt ölkəmizin gələcəyi ilə bağlı konseptual yanaşma tam özünü təsdiqləmişdi, yəni, Heydər Əliyev siyasəti davam etdirildi. Əgər tarix başqa istiqamətdə getsəydi, bilmək olmaz, xalqımız, dövlətimiz hansı bəlalar, faciələrlə üzləşə bilərdi.

Müstəqilliyimizin ilk iki ili əyani şəkildə göstərir ki, güclü lider olmadan və düşünülmüş siyasət olmadan istənilən ölkə, xüsusilə gənc müstəqil ölkə çox ciddi təhlükələrlə üzləşə bilər.

2003-cü ildə əsası 1993-cü ildə qoyulmuş siyasətə bir daha dəstək verildi. Bugünkü reallıqları biz 2003-cü illə yox, 1993-cü illə müqayisə etməliyik, çünki məhz o tarixdən başlayaraq Azərbaycan inkişaf yoluna qədəm qoydu, sabitlik təmin edildi, vətəndaş müharibəsinə son qoyuldu və ölkəmiz beynəlxalq təcriddən çıxdı.

1993-2003-cü illərin hadisələrinə nəzər salsaq görərik ki, məhz bu illər ərzində bugünkü dövlətçilik prinsipləri bərqərar olundu və Azərbaycanda vətəndaş cəmiyyəti yaradıldı, eyni zamanda, xalq-iqtidar birliyi artıq önəmli bir amilə çevrildi.

Prezident İlham Əliyev deyib ki, müasir tariximizin yeni dövrü məhz sentyabrın 20-dən sonra başlayır. Sentyabra qədər getdiyimiz yol məqsədyönlü yol idi, məqsədə hesablanmış yol idi, düzgün yol idi. İstər siyasi müstəvidə, istər hərbi müstəvidə, istər ölkəmizdə gedən proseslər nöqteyi-nəzərindən bu hadisə bütün işlərimizin son nidası idi. Daha ətraflı »

Bu sözləri I Qarabağ müharibəsi şəhidi Məmməd Abbasovun anası Atlas Abbasquliyeva deyib. Tərtər Rayon İcra Hakimiyyətinin başçısı Müstəqim Məmmədov 100 illik yubileyi münasibətilə onu ziyarət edərkən ana öz ürək sözlərini söyləyib.
100 illiyini övladlarının, nəvə-nəticələrinin əhatəsində qeyd edən Atlas nənə onu da bildirib ki, Ulu Tanrı hər bir insana müəyyən ömür payı ayırır. Çox şükür ki, ömrü Umudlunun işğaldan azad olunduğunu görməyi ona nəsib etmişdir.
Umudlunun ilk şəhidi olan Məmməd Abbasov doğma kəndi uğrunda şirin canından keçib, sona qədər övladlarına ata qayğısı göstərə bilməyib. Bu dərd doğmalarını üzüb. Lakin kəndin 30 ildən artıq bir müddətdə işğal altında olması xüsusilə ağır idi. İndi şükür, Umudlu azaddır.
Görüş zamanı ailə üzvlərinin Umudluya qayıdışından, erməni qəsbkarlarının kənddə törətdikləri vəhşiliklərdən də söhbət gedib.
Şəhidin qardaşı Fi-ruz Abbasov bildirib ki, düşmən gülləsi Məmmədin düz ürəyindən dəymişdi. O, qardaşının son nəfəsinə çatıb, ancaq vəsiyyətini eşidə bilməyib.
Onun və yüzlərlə şəhidimizin qisasını Azərbaycan Respub-likasının Prezidenti, müzəffər Ali Baş Komandan İlham Əliyevin rəhbərliyi ilə Azərbaycan Ordusu aldı.
Rayon rəhbəri Atlas nənəyə “Təşəkkürnamə”, gül dəstəsi təqdim edib və növ-bəti ad gününü Umudluda qeyd etməyi arzulayıb. Artıq bu, real arzudur. Çünki Böyük Qayıdış başlayıb.

“Yeni Tərtər”

Azərbaycan Respublikasının Prezidenti İlham Əliyevin 30 dekabr 2023-cü il tarixli Sərəncamı ilə millət vəkili Sahib Eyvaz oğlu Alıyev Azərbaycan
Respublikasının ictimai-siyasi həyatında səmərəli fəaliyyətinə görə ”Şöhrət” ordeni ilə təltif edilib.
Tərtərlilər adından hörmətli Sahib müəllimi yüksək mükafata layiq görülməsi münasibətilə təbrik edir və yeni ildə yeni uğurlar arzulayırıq!

Qarşıdan 7 fevral – prezident seçkiləri günü gəlir. Bu, ölkəmizin həyatında çox mühüm siyasi kampaniya olmaqla, ölkəmizin gələcəyini müəyyənləşdirən bir hadisədir.
Əminəm ki, 44 günlük Vətən müharibəsində olduğu kimi, seçki günündə də tərtərlilər birlik və siyasi iradə nümayiş etdirərək, Azərbaycanın xoşbəxt gələcəyinə səs verəcəklər.
Bu seçkilərin Azərbaycanın tarixində xüsusi əhəmiyyəti olacaq. Çünki 30 illik işğaldan sonra ölkəmizin bütöv ərazisində insanlar səsvermə hüququndan istifadə edəcəklər. Ailəmizin bir neçə üzvü isə ilk dəfə səs verəcək.
Mən seçkilərdə hər kəsi fəal olmağa çağırıram. Çünki gücümüz birliyimizdədir.

Aliyə Balakişiyeva,
şəhər 1 saylı tam orta
məktəbin müəllimi

Xoşbəxtəm ki, o dahi insanla bir neçə dəfə görüşmüşəm

1923-cü il 10 may tarixində dünyaya bir uşaq gəldi. Amma heç kim bilməzdi ki, bu uşaq Azərbaycanın dahi şəxsiyyəti Heydər Əlirza oğlu Əliyevdir.
Heydər Əliyev gəncliyindən liderlik xüsusiyyətləri ilə yoldaşlarından fərqlənib, hər yerdə rəhbərliyi öz üzərinə götürüb. Daim öz üzərində çalışıb.
Cəsarəti və qorxmazlığı iş sahəsində də özünü göstərib. Qısa müddətdə dövlət orqanlarında məsul vəzifələrə irəli çəkilib.
SSRİ imperiyası dövründə azərbaycanlı gənclərin dövlət orqanlarında çalışmaları müşkül idi. Heydər Əliyev cəsarəti, intellektual səviyyəsi, iş bacarığı sayəsində qarşıya çıxan bütün maneələri aşaraq yüksəlişə doğru irəliləyirdi. Yüksək biliyə sahib olması onu Dövlət Təhlükəsizlik orqanında ən yüksək vəzifəyə – Azərbaycan SSR-də Dövlət Təhlükəsizlik Komitəsinin sədri vəzifəsinə gətirdi. Qısa müddətdə peşəkarlığı, işgörmə bacarığı qiymətləndirilərək 1969-cu ildə Azərbaycan Kommunist Partiyası Mərkəzi Komutəsinin birinci katibi vəzifəsinə seçiməsinə səbəb oldu. Bundan sonra Azərbaycan SSR aqrar respublikadan tədricən sənaye respublikasına çevrilməyə başladı. Heydər Əliyev milli kadrların yetişdirilməsinə xüsusi önəm verirdi. Onun respublikada gördüyü işlər Azərbaycan ictimaiyyətinə məlumdur. Bir faktı bildirmək istəyirəm ki, onun 1969-1982-ci illərdə 220-dən artıq zavod və fabrik tikdirməsi bugünkü Azərbaycanın təməlinin möhkəm olmasına zəmin yaratmışdır. Elm, təhsil, səhiyyə, mədəniyyət sahələrində götdüyü işlər danılmazdır. Dahi şəxsiyyət Heydər Əliyev SSRİ imperiyasında yeganə azərbaycanlıdır ki, SSRİ rəhbərlərindən biri olmuşdur. O, SSRİ Nazirlər Soveti sədrinin birinci müavini, siyasi büronun üzvü olmuşdur. Bu, Azərbaycan xalqının qələbəsi idi. Artıq xalqın içərisindən öz lideri yetişmişdir. Ümummilli Liderimizin dünyanın siyasi xadimləri tərəfindən tanınması Azərbaycanın tanınması demək idi. Daha ətraflı »

Əsas hədəflərdən biri “Böyük Qayıdış” konsepsiyasıdır

Heydər Əliyev Azərbaycan təhsilinin inkişafı tarixindən danışarkən onun keçdiyi yollara nəzər salmağı, hər şeyə obyektiv yanaşmağı vacib sayırdı. Azərbaycan müəllimlərinin XI qurultayında dediyi belə bir konseptual fikir də məhz bunu təsdiq edir. O xatırladırdı ki, “… xalqımızın maariflənməsi, təhsillənməsi üçün o dövr çox əhəmiyyətli bir dövr olmuşdur. Biz bunu qiymətləndirməliyik, heç vaxt unutmamalıyıq. Biz tariximizə doğru, ədalətli qiymət verməliyik”.
15-16 dekabr 2023-cü il tarixində Bakı Konqres Mərkəzində Ümummilli Lider Heydər Əliyevin 100 illik yubileyinə həsr olunmuş Azərbaycan müəllimlərinin XVI qurultayı Azərbaycan Respublikasının ərazi bütövlüyünün təmin olunduğu vaxtda keçirilən ilk qurultaydır.
Bu qurultayın iki gün davam etməsi və panel müzakirələr əvvəlki qurultaylardan fərqlənirdi. Xüsusilə panel müzakirələrin çox əhəmiyyətli olduğunu qeyd etmək istəyirəm.
Burada ümumi, orta ixtisas və ali təhsil müəssisələrinin təmsil olunması təhsilin pillələri arasında əlaqələri qurmağa da kömək edən bir vasitədir.
Müəllimlərə birinci gün rəsmi şəxslərlə görüşmək və öz fikir və təkliflərini çatdırmaq imkanlarının verilməsi Azərbaycan təhsilinin inkişafına yönəlib.
Qurultayın qətnaməsini təhlil edəndə görürük ki, “Böyük Qayıdış” konsepsiyası əsas hədəflərdən biridir.
Eyni zamanda növbəti 5 il üçün müəllimlərin qarşısına hədəflərin qoyulması Azərbaycan təhsilinə təkan verəcək bir addımdır. Daha ətraflı »

2023-cü il başa çatdı. Məncə zamanın və ömrünün hər bir ilini geridə qoyan hər kəs özlüyündə düşünür: “Necə bir il oldu, nə ilə yadda qaldı bu il”.
Mən də hamı kimi bu düşüncəyə vardım. Şəxs olaraq deyil, hamımız üçün, dövlətimiz üçün “Tarixi il oldu” deyə düşündüm. Bəli, tarixi il! Təkcə 2023-cü il deyil, 2020-2023-cü illər qədim tariximizə qızıl hərflərlə və rəqəmlərlə nəqş olunacaq: Zəfər, Qələbə, Qayıdış illəri.
Və illər, zaman keçdikcə bu dövrdə yaşayan hər kəs qürurla deyəcək ki, mən Azərbaycanın şanlı tarixi dövründə yaşamışam. Böyük və tarixi hadisələrin şahidi olmuşam. Həm də bu tarixi yazanların müasiri olduğumuz üçün, o qəhrəmanlarla bir dövrdə yaşadığımız üçün özümüzü xoşbəxt sanacağıq.
2020-ci ilin payızından başlayan müqəddəs torpaqlarımız uğrunda müqəddəs savaşımız Böyük Qələbə ilə başa çatdı.
2023-cü ilin yenə payızında cəmi 23 saatlıq savaşla tarixi ata-baba torpaqlarımız yağı pəncəsindən azad olundu.
Ali Baş Komandan, möhtərəm Prezidentimiz öz yenilməz Ordusu ilə Azərbaycanın ərazi bütövlüyünü təmin etdi və bütün dünyaya bir daha sübut etdi ki, Azərbaycanın ərazi bütövlüyü toxunulmazdır. Və 2023-cü ilin sentyabrında Qarabağ məsələsinə birdəfəlik son qoyuldu. Daha ətraflı »

97 saylı Tərtər-Naftalan-Goranboy Seçki Dairəsi üzrə:
Tərtər şəhəri

Qapalı şərait üçün Gənclər mərkəzi və Olimpiya İdman Kompleksinin qapalı mini futbol meydançası
Açıq şərait üçün Tərtər Olimpiya Kompleksinin stadionu
Təşviqat üçün Seçki məntəqələri ərazisində quraşdırılmış lövhələr

Buruc kənd İƏD-nin Buruc kəndi

Qapalı şərait üçün Müvafiq yer yoxdur
Açıq şərait üçün İdman meydançası
Təşviqat üçün Seçki məntəqəsi ərazisində quraşdırılmış lövhə

Buruc kənd İƏD-nin Güləbatlı kəndi

Qapalı şərait üçün Klub binası
Açıq şərait üçün Klubun qarşısındakı meydan
Təşviqat üçün Seçki məntəqəsi ərazisində quraşdırılmış lövhə

Cəmilli kənd İƏD-nin Cəmilli kəndi

Qapalı şərait üçün Müvafiq yer yoxdur
Açıq şərait üçün Kəndin mərkəzi meydanı
Təşviqat üçün Seçki məntəqəsi ərazisində quraşdırılmış lövhə Daha ətraflı »

Ötən il şəhərimizdə, müasir şəhərsalmanın tələblərinə uyğun olaraq, təmir-tikinti işləri aparılıb.
Şəhərin Heydər Əliyev prospektində, Şıxəli Qurbanov, Mehdi Hü-seynzadə, Mahir Əsədov, Rasim Mürsəlov, Şakir Həsənov və Eldar Məmmədov küçələrində aparılan abadlıq işləri başa çatıb. Səkilərdəki köhnə bardyorlar yenisi ilə əvəz olunub, yeni yaşıllıq zolaqları yaradılıb, işıq, qaz, telekommunikasiya xətləri qaydaya salınıb. Bununla yanaşı Qənbər Qənbərli, Sənan Məmmədli, Azər Şəmilov, Süleyman Məmmədov küçələrində istinad divarları hörülüb hündürləşdirilib, divarlar aqlay və bəzək daşları ilə üzlənib. Kommunikasiya, işıq, telefon xətləri səliqəyə salınıb, təmizlik işləri aparılıb.
Küçələrlə yanaşı üzun İllərdir təmir-abadlıq işləri aparılmayan M.Ə. Sabir adına parkda da aparılan yenidənqurma və təmir işləri başa çatıb. Parkda köhnə tamet daşları və bardyorlar yenisi ilə əvəz olunub, əraziyə yeni münbit torpaq verilərək gül kolları və müxtəlif bəzək ağacları əkilib. M. Ə. Sabirin büstü və onun satirik əsərlərinin personajlarının heykəlləri təmir-bərpa olunub, sakinlərin istirahəti üçün söhbətgahlar qaydaya salınıb, yeni işıqlandırma sistemi qurulub, istinad divarları aqlay daşları ilə üzlənib, mühəccərlər təmir olunaraq rənglənib, insanların istirahəti üçün şərait yaradılıb. Daha ətraflı »