Hər şeyi mühit yetişdirir. Bu mühit nə cürdürsə, şüurumuz da ona uyğun formalaşır. Çox şey ətrafımızda baş verən hadisələrə uyğun nizamlanır. Tərbiyəmiz də, əməllərimiz də bu amildən çox asılıdır.
Elə yolunu azmış jurnalistləri də yaşadığımız mühit yetişdirir.
Sovet rejimində bir az ayrı cürüydü. Həmin dönəmdə jurnalistlərə çox böyük hörmət-izzət göstərilirdi. Çünki əksərən düz yazırdılar, ələlxüsus da tənqidi yazıları və bunlara da yüksək mərtəbələrdə ciddi reaksiya verilirdi. Nəinki “Pravda” qəzetində, respublikamızda nəşr olunan “Kommunist”, “Sovet kəndi”, “Azərbaycan gəncləri” qəzetlərində, o cümlədən adi rayon qəzetində adi bir tənqidi yazı dərc olunanda “aləm qarışırdı bir-birinə”, hətta Mərkəzi Komitənin, raykomun bürolarında bu yazılar müzakirə olunurdu. Idarə müdirləri “Kirpi” jurnalının əməkdaşlarından “cin misdən qorxan kimi qorxurdular”. Düzdür, o vaxt da jurnalistlərə rüşvət verirdilər, amma çəkinə-çəkinə, rayonun rəhbərliyi ilə razılaşandan sonra. Jurnalistlər də özlərini “naza çəkər”, “arpa ilə ikili tutar”, xeyli minnətdən sonra rüşvəti onların ciblərinə, yaxud partfellərinə güya gizlicə qoyardılar, onlar isə özlərini görməməzliyə vurardılar. Daha ətraflı »

LAVANDA ÇİÇƏYİ: 8-10 qram lavanda çiçəyini 1 stəkan qaynar suyun içərisinə töküb dəmləyin. Gündə 3-4 stəkan için.
ADAÇAYI: 1 stəkan qaynar suya 2-10 qram adaçayı töküb dəmləyin. Gündə 2 stəkandan artıq içməyin.
YEMİŞAN: 3-4 ədəd yemişanı əzin. Bitkinin çiçəkləri və yarpaq-ları ilə birgə bu əzilmiş meyvələri 1 stəkan qaynar suya töküb dəmləyin. Gündə 2-3 stəkan içə bilərsiniz.
QIRMIZI ÇUĞUNDUR: Salatlara əlavə edərək yeyə bilərsiniz. Çiy halda tez təsir edər. ancaq buxarda bişmişi də faydalıdır. Alter-nativ olaraq gündə 3 stəkan çuğundur şirəsi içə bilərsiniz.
RORTAĞAL YARPAĞI: Onu qaynadaraq suyunu için.
XARDAL TOXUMU: Onu toz halına salıb gündə 0,50 qramını yeməklərə əlavə edə bilərsiniz.
ROZMARİN:1 stəkan suya 10 qram rozmarin töküb 10 dəqiqə qaynadın. Gündə 3 stəkan için.
NANƏ: 50 qram nanə, 50 qram su yoncası, 50 qram pişikotu kökünü qarışdırın. 1 stəkan qaynar suyun içərisinə 1 çay qaşığı bu qarışıqdan töküb 10 dəqiqə dəmləyin. Səhərlər və gecə yatmazdan öncə yarım stəkan için.
LİMONOTU: 1 stəkan qaynar suya 4-6 qram limonotu töküb 10 dəqiqə dəmlənməsini gözləyin. Gündə 2-3 stəkan için.

Süleymanov Mübariz Böyükkişi oğlu 1974-cü il iyunun 26-da Tərtər rayonunun Sarov kəndində doğulub. Evin sonbeşiyi idi. Beş qardaşın, iki bacının ən sevimlisi, ən yaxşısıydı. Müharibə sübut elədi ki, Vətən yolunda canlarını ən yaxşılar qurban verir. Bu ailədən də tale Mübarizi seçdi.
Taleyin hökmümü apardı onu, bu yola? Bəlkə də qismət yazısıymış, bir söz deyə bilmərik. Amma Mübarizin özü də yaman tələsirdi. Hələ yaşı çatmamış orduya yazılmaq istəyirdi. Evdən qoymurdular. Deyirdilər, yaşın çatar, sən də başqaları kimi ge-dib döyüşərsən. 18 yaşı tamam oldu. Saxlamaq da olardı. Çünki tələbəydi, Mingə-çevirdə oxuyurdu. Acığı tutdu. Dedi ki, ermənilər gəlib bizim rayonumuzu, kəndimizi alandan sonra mənim oxumağım kimə lazımdır? Qeyrətsiz yüz il yaşamaqdansa, Vətənin üçün əlindən gələni edib qeyrətlə ölmək yaxşıdır. Daha ətraflı »

Qısa arayış: Əhmədov Məhəmməd İbrahim oğlu ötən əsrin əvvəllərində Kəlbəcər mahalının Qaracanlı kəndində anadan olub. O, uşaq yaşlarında Kəlbəcərin kəndli gənclər məktəbində oxuyub. Məktəbi bitirəndən sonra rayonda vergilər idarəsində işləyib. İnsanların mal-heyvanlarını oğurlayanlara qarşı barışmaz idi. Oğurlanan mal-qaranı yiyəsinə qaytarardı. Bunu bilənlər həmişə Məhəmmədə müraciət edərdilər.
Cavan yaşlarından Məhəmməd yaxşı at çapardı, sərrast tüfəng atardı.Həm də yaxşı ovçu idi. Atın dördnala çaparağında onun qarnının altından fırlanıb bir də yəhərə qalxardı. Bu zaman kənardan seyr edənlər elə bilərdilər ki, atın üstündə adam yoxdu. Məhəmməd gənc yaşlarından belə igid oğlan idi.
Ağsaqqalların söhbətlərindən: Daha ətraflı »

Hörmətli cənab Məmmədov!
17 iyun tarixində Tərtərə səfərim ərzində mənimlə görüşdüyünüzə və göstərdiyiniz hərtərəfli dəstəyə görə Sizə təşəkkür edirəm. Sizin sayənizdə rayon barədə dəyərli məlumatlar aldım. Birləşmiş Ştatların Beynəlxalq İnkişaf Agentliyinin maliyyə dəstəyi ilə yaradılan Tərtər Regional Peşə Təlim Mərkəzinin məcburi köçkünlərin və onların ailələrinin həyatının yaxşılaşdırılmasına kömək etməsini görməkdən şad oldum və qürur duydum. Şagirdlərlə görüşmək, onların suallarını cavablandırmaq, fikirlərini və narahatlıqlarını dinləmək imkanını xüsusi qiymətləndirirəm. Sizin vətəndaşların, xüsusilə məcburi köçkünlərin sosial-iqtisadi inkişaf səviyyəsini yüksəltmək üçün göstərdiyiniz səylər ruhlandırıcıdır. Mən rayonda daha çox qala bilmədiyimə görə təəssüf edirəm və mən Tərtərə tezliklə yenidən daha uzun müddətə və əhatəli səfər etməyi səbirsizliklə gözləyirəm.
Qonaqpərvərliyinizə və hədiyyələrə görə Sizə bir daha təşəkkür edirəm. Sizə yeni-yeni uğurlar diləyir və Sizinlə yenidən görüşməyi səbirsizliklə gözləyirəm.

Səmimiyyətlə, Robert F. Sekuta
27 iyun 2016-cı il

Yeni Azərbaycan Partiyası Tərtər Rayon Təşkilatının qərargahında rayon təşkilatının yaradılmasının 23-cü ildönümü ilə əlaqədar təşkilatın Şura üzvləri, Gənclər Birliyi, Qadınlar Şurası, Nəzarət-Təftiş Qrupunun üzvləri, ərazi ilk partiya təşkilatı sədrləri və yerli mətbuatın nümayəndələrinin iştirakı ilə tədbir keçirilib. Tədbiri giriş sözü ilə açan YAP rayon təşkilatının aparat rəhbəri Kamil Məmmədovun təklifi ilə tədbir iştirakçıları Ulu Öndər, partiyanın yaradıcısı Heydər Əliyevin xatirəsini bir dəqiqəlik sükutla yad ediblər.
Məruzə ilə çıxış edən YAP rayon təşkilatının aparat rəhbəri Kamil Məmmədov qeyd edib ki, tarixi zərurətdən doğan və Ulu Öndər Heydər Əliyev tərəfindən yaradılan Yeni Azərbaycan Partiyası bu gün cənab İlham Əliyevin rəhbərliyi altında doğma Azərbaycanımızın dünya dövlətləri içərisində tutduğu layiqli mövqeyinin möhkəmləndirilməsi yolunda yorulmaz fəaliyyət göstərir.
1993-cü il iyul ayının 25-də yaradılan YAP Tərtər Rayon Təşkilatının sıralarında hazırda 5860 nəfər partiya üzvü vardır.
Bu gün rayon təşkilatının üzvlərinin 3047 nəfərini qadınlar, 1431 nəfərini isə gənclər təşkil edir. Cari ilin ötən dövründə partiya sıralarına 149 nəfər fəal, Heydər Əliyev ideyalarına, dövlətə və dövlətçiliyə sədaqəti ilə seçilən insanlar qəbul olunmuşdur ki, onların da 78 nəfəri və ya 51 faizi gənclər, 104 nəfəri isə qadınlardır. Daha ətraflı »

Qonaqları əvvəlcə Tərtər Rayon İcra Hakimiyyətinin başçısı Müstəqim Məmmədov qarşılayaraq, onlara rayonda görülən işlər barədə məlumat verib. Rayon rəhbəri bildirib ki, Bilik Fondu fəaliyyətə başladığı gündən qurumun həyata keçirdiyi layihələr daim diqqət mərkəzində olub. Cəmiyyətin maariflənməsi istiqamətində Bilik Fondunun gördüyü işlərin təqdirəlayiq olduğunu bildirən icra başçısı qurumun yerli nümayəndəsinin rayonda mütəmadi olaraq maraqlı tədbirlər hazırladığını diqqətə çatdırıb.
Bilik Fondunun icraçı direktoru Oktay Səmədov rayonun təhsil, mədəniyyət obyektlərində, yeni tikilmiş şahmat məktəbində, Tərtər Cümə məscidində olub, ermənilərin Qarabağa köçməsinin 150 illiyi münasibəti ilə inşa etdikləri “Marağa-150” abidəsinin qalıqlarına baxış keçirib, ictimaiyyət nümayəndələri ilə görüşüb. Bölgələrdə hər sahədə geniş islahatlar aparıldığını xatırladan Oktay Səmədov Bilik Fondunun missiyasının ölkədə gedən sürətli inkişaf barədə həm yerli, həm də dünya ictimaiyyətinə dolğun məlumat çatdırmaq olduğunu deyib.
Sonra qonaqlar rayon ərazisində yerləşən N. saylı hərbi hissədə olub, əsgərlərlə görüşüb, hərbi hissəyə kitablar hədiyyə ediblər.

Azərbaycan Milli Mətbuatının yaranmasının 141 illiyi münasibəti ilə “Yeni Tərtər” qəzeti redaksiyasında tədbir keçirildi. Tədbiri qəzetin redaktoru Tofiq Yusif açaraq kollektivi və eləcə də qəzətimizin oxucularını əlamətdar gün münasibəti ilə təbrik etdi. Tofiq müəllim banisi Həsən bəy Zərdabi olduğu Azərbaycan mətbuatının cəmiyyətimizin həyatındakı mühüm yerindən danışdı, müstəqillik illərində mediaya dövlət qayğısını bir daha xatırlatdı.
O bildirdi ki, redaksiya kollektivinin gərgin əməyi sayəsində “ Yeni Tərtər ” də respublikamızda sayılan-seçilən bölgə qəzetlərindən birinə çevrilmişdir. Bu, həm də Prezident İlham Əliyevin qayğı və diqqəti sayəsində ölkədə medianın inkişafına, jurnalistlərin sosial vəziyyətinin yaxşılaşdırılmasına yönəlmiş tədbirlərin həyata keçirilməsinin bəhrəsidir.
Rayonumuzun həyatının aynasına çevrilən, öz səhifələrində onun tarixini yazan və yaşadan “Yeni Tərtər” in fəaliyyətinə rayon rəhbərliyi də daim həssas yanaşır, burada çalışan əməkdaşların maddi və mənəvi həvəsləndirilməsinə qayğı göstərir. Daha ətraflı »

Regionların sosial-iqtisadi inkişafına istiqamətlənmiş üçüncü Dövlət Proqramının icrasını əhatə edən 1 yanyar 2014-cu ildən 1 iyul 2016-cü il tarixinə qədər olan dövr ərzində rayonda ümumilikdə 3790 olmaqla 1880 daimi iş yerləri yaradılmışdır. 2016-cı ilin birinci yarısı ərzində rayonda 1360 yeni , o cümlədən 1008 daimi iş yerləri açılmışdır. Bu dövr ərzində açılmış iş yerlərinin 70,2 faizi qeyri-dövlət sektorunda açılmışdır. 2016-cı ilin 6 ayı ərzində açılmış daimi iş yerlərinin 21,4 faizi yeni yaradılmış müəssisə və təşkilatlarda, 22,8 faizi mövcud müəssisə və təşkilatlarda, 9,9 faizi fəaliyyəti bərpa edilmiş müəssisə və təşkilatlarda, 45,9 faizi isə fiziki şəxslər tərəfindən yaradılmışdır.
Yanvar-iyun ayları ərzində iqtisadi fəaliyyət növlərinə görə 1008 daimi açılmış yeni iş yerləri tam olaraq qeyri-neft sektorunda, o cümlədən 45,9 faizi fiziki şəxslərdə, 26,1 faizi sənaye sahəsində, 19,0 faizi tikinti sahəsində, 4,3 faizi isə kənd təsərrüfatı, meşə təsərrüfatı və balıqçılıq sahəsində, 3,3 faizi ticarət, nəqliyyat vasitələrinin təmiri sahəsində, 1,2 faizi təhsil sahəsində, 0,1 faizi peşə, elmi və texniki fəaliyyət sahəsində, 0,1 faizi digər sahələrdə ixtisaslaşan müəssisə və təşkilatlarda yaradılmışdir.

Tərtər Rayon Statistika İdarəsi

Tərtər cəbhə bölgəsində yerləşir, mənfur qonşularımız olan ermənilərlə üzbəüz yaşayırıq. Buna baxmayaraq, şəhərimiz günbəgün qurulur, gözəlləşir. Həyat oz axarı ilə davam edir. Bu gözəlliyi hamı görür. Hətta şəhərimizə gələn istər yerli, istərsə də xarici qonaqlar bu gözəllikdən zövq alırlar.
Quruculuq-abadlıq işləri son illər daha da surərləndirilib. Belə ki, Ümummilli Lider Heydər Əliyevin adını daşıyan Mərkəzi meydan yenidən qurulmuş, meydanın 8200 kvm sahəsi yeni keyfiyyətli tamet daşı ilə üzlənmişdir. Yagış sularının axıdılması üçün 500 metr yeni kanalizasiya xətti çəkilmişdir. Heydər Əliyev prospektində və şəhərin digər yaşayış məhəllələrində 4 500 metrdən çox su xətti yenilənmişdir. Şəhərin Nizami küçəsində 100 yerlik körpələr evi-uşaq bagçası, Heydər Əliyev prospektində kənd təsərrüfatı idarəsi üçün inzibati laboratoriya binası, Şahmat məktəbi inşa olunmuşdur. Gənclər Mərkəzinin və təhsil şöbəsinin inzibati binalarının fasad hissələri aqlay daşı ilə üzlənmişdir. Mərkəzi meydanın yaxınlığında bir çox idarə və təşkilatların yerləşib fəaliyyət göstərdiyi uçmərtəbəli inzibati binanın əsaslı təmir işləri başa çatdırılmışdır. Şəhərin E. Səfərov küçəsində Qarabağ müharibəsi, əlillər və şəhid ailələri üçün 54 mənzilli 6 mərtəbəli yaşayış evi rayon icra hakimiyyətində mənzil növbəsində duran əlillərə və şəhid ailələrinə paylanmışdır. Daha ətraflı »