RUZİLİ ADAM

Hər dövrün özünün sayılıb-seçilən insanları olub. Ötən əsrin ortalarında Tərtər rayonunda belələrindən biri Kəniş Namazov idi.
Namazov Kəniş Məmməd oğlu 1909-cu ildə rayonumuzun Borsunlu kəndində anadan olub. Azərbaycan Dövlət Qiyabi Pedaqoji Universitetini bitirib. 1933-cü ildə doğma kəndində müəllim kmi fəaliyyətə başlayıb, sonralar həmin məktəbin direktoru təyin edilib.
1955-ci ildə Kəniş Namazov rayon partiya komitəsinin katibi, bir müddət sonra isə Mirbəşir (indiki Tərtər) rayon İcraiyyə Komitəsinin sədri seçilib. Tərtərlilərin yaddaşında Kəniş müəllim məsuliyyətli, tələbkar bir insan kimi qalıb. Deyilənə görə, tənbəlləri, aciz insanları sevmirdi. Bildirirdi ki, Allah zəhməti sevən insanın ruzisini yetirir.
1959-cu ildən Kəniş Namazov tədarük kontorunun direktoru, rayon istehlak cəmiyyətinin sədri, kolxozlararası tikinti şurasının sədri vəzifələrində çalışıb. 1964-cü ildə Engels adına kolxozun sədri seçilib. Uzun illər Tərtərdə çörək zavodunun direktoru işləyib.
Azərbaycan SSR Ali Sovetinin deputatı seçilib. Deputat olduğu müddətdə sessiyalarda rayonun abadlaşdırılması ilə bağlı mühüm təkliflərlə çıxış edib və bunların reallaşdırılmasına səy göstərib.
1971-ci ildə Ulu Öndər Heydər Əliyev rayonumuzda sakinlərlə görüşü keçirirlər, bu görüşdə Kəniş Namazov çıxış edib.
Ulu Öndər onun çıxışını diqqətlə dinləyib və Bakıya qayıtdıqdan sonra Mərkəzi Komtədən rayona nümayəndə göndərilib. Tərtərin gələcək inkişafı ilə bağlı tədbirlər müəyyənləşdirilib. Kəniş müəllim Ümummilli Liderin qarşısında çıxış etməsini həmişə qürur hissi ilə xatırlayır və bu barədə gənclərə həvəslə danışırdı.
Kəniş müəllimin 6 övladı olub, 5 oğul, 1 qız. Təhsilə böyük önəm verən bu insanın bütün övladları ali məktəb bitirib.
Hər dövrün özünün mükafatları olub. Kəniş Namazov “Şərəf nişanı” ordeni və müxtəlif medallarla təltif edilib. Övladları deyirlər ki, ən böyük mükafatı atalarını tanıyanların onun haqqında “çörəkli adam idi” söyləməsidir.

“YENİ TƏRTƏR”

Tərtər Rayon İcra Hakimiyyətinin, Qarabağ Regional Mədəniyyət İdarəsinin Tərtər nümayəndəliyinin və Qaraağacı bələdiyyəsinin birgə təşkilatçılığı ilə ilaxır çərşənbə — Torpaq çərşənbəsi rayonun Qapanlı kəndində böyük coşqu ilə qeyd olunub.

Tədbirdə Tərtər Rayon İcra Hakimiyyətinin başçısı Müstəqim Məmmədov, Milli Məclisin deputatı Anar Məmmədov, hüquq-mühafizə orqanlarının rəhbərləri, məhkəmə sədrləri, YAP rayon təşkilatının sədri, mədəniyyət işçiləri, kənd ağsaqqalları və sakinlər iştirak ediblər.

Tədbir başlamazdan əvvəl rəsmi qonaqlar və kənd sakinləri tərəfindən kənddə şəhidlərin xatirəsinə ucaldılmış abidə ziyarət edilib. Vətən uğrunda canından keçən qəhrəman övladlarımızın əziz xatirəsi ehtiramla yad olunaraq abidə önünə gül dəstələri qoyulub.

Mərasimin rəsmi hissəsində aparıcılar Novruz çərşənbələri haqqında geniş məlumat verərək, Torpaq çərşənbəsinin dördüncü, sonuncu çərşənbə olduğunu və təbiətin tamamilə oyanışını, torpağın canlanmasını simvolizə etdiyini vurğulayıblar.

Tərtər Rayon İcra Hakimiyyətinin başçısı Müstəqim Məmmədov kənd sakinlərini bayram münasibətilə təbrik edərək, hər kəsə sağlamlıq, bol ruzi və bərəkət arzulayıb. Rayon rəhbəri çıxışında xüsusi olaraq bildirib: “Bu il Bahar bayramı bizim üçün ikiqat sevinclidir. Çünki təbiətin oyanışı olan Novruzla mənəvi saflaşma ayı olan müqəddəs Ramazan bayramı eyni vaxta təsadüf edir. Bu gözəl təsadüf xalqımızın milli və dini dəyərlərinin vəhdətini bir daha nümayiş etdirir. Arzu edirəm ki, dualarımızın qəbul olunduğu bu günlərdə ocaqlarınızın odu sönməsin, süfrələriniz həmişə bərəkətli olsun.”

Milli Məclisin deputatı Anar Məmmədov çıxış edərək bayramın tarixi əhəmiyyətindən, dövlətimizin milli adət-ənənələrimizə verdiyi yüksək önəmdən bəhs edib və bütün kənd sakinlərini səmimi qəlbdən təbrik edərək xoş arzularını çatdırıb.

Kəndin mərkəzi meydanı bayram əhval-ruhiyyəsində xüsusi zövqlə bəzədilib. El ağsaqqalı Dədə Qorqud gəlişi ilə məclisi nurlandırıb, öz xeyir-duasını verib. Ardınca atlıların meydana daxil olması bayram təntənəsini daha da artırıb.

Daha sonra rayon rəhbəri tərəfindən alovlandırılan bayram tonqalı hər yanı nura boyayıb. Qonaqlar sakinlər ilə birlikdə ocaqda, sac üstündə bişən kətənin, qovurğanın dadına baxıb, çərşənbə şirniyyatlarından dadıblar. Tonqal başında kəndin gəncləri milli musiqimizin sədaları altında “Yallı” gedib, idmançılar isə öz məharətlərini göstəriblər. Şirin söhbətlər edilib, qədim adət-ənənələr və inanclar bir daha yada salınıb.

Bayram tədbiri çərçivəsində kəndin ağsaqqalı Məzahir Həsənov evində ziyarət edilib, eyni zamanda 4 aztəminatlı ailəyə baş çəkilərək onların bayramı təbrik olunub və onlara bayram sovqatları təqdim edilib.

Əziz xalqımız, Torpaq çərşənbəniz mübarək! Eviniz isti, ruziniz bol, ocağınız həmişə gur yansın!

Tərtər Rayon İcra Hakimiyyətinin başçısı Müstəqim Məmmədov İlaxır çərşənbə – Torpaq çərşənbəsi münasibətilə rayonun Mamırlı kəndində keçirilən bayram tədbirində iştirak edib.

Tədbir kəndin mərkəzində, bayram əhval-ruhiyyəsində xüsusi zövqlə bəzədilmiş meydanda təşkil olunub. Rayon rəhbəri əvvəlcə meydanda qalanmış böyük çərşənbə tonqalını alovlandırıb.

İcra başçısı kənd sakinləri ilə görüşərək onları həm Novruz bayramı, həm də bu il eyni vaxta təsadüf edən müqəddəs Ramazan ayı münasibətilə təbrik edib. O, çıxışında milli-mənəvi dəyərlərimizdən, Novruzun gətirdiyi birlik və bərabərlik ənənələrindən bəhs edərək, hər bir evə ruzi-bərəkət və cansağlığı arzulayıb.

Şənlik proqramı kənd gənclərinin ifasında şən musiqilər və ritmik rəqslərlə davam edib. Gənclər birliyin rəmzi olan “Yallı” rəqsini ifa edərək bayram coşqusuna xüsusi rəng qatıblar.

Bayramın əvəzolunmaz personajları olan Keçəl və Kosa isə öz çıxışları, məzəli deyişmələri və xalq oyunlarını canlandırmaqla sakinlərə xoş anlar yaşadıblar. Onların gəlişi, xüsusən uşaqlar arasında böyük sevincə səbəb olub, bayramın qədim adətləri meydanda bir daha canlanıb.

Tədbir Mamırlı kənd sakinlərinin böyük sevinci və yüksək bayram təntənəsi ilə başa çatıb.

Tərtər şəhərinin Mərkəzi Meydanında Tərtər Rayon İcra Hakimiyyəti və Qarabağ Regional Mədəniyyət İdarəsinin Tərtər nümayəndəliyinin birgə təşkilatçılığı ilə Novruzun müjdəçisi İlaxır Çərşənbə -Torpaq çərşənbəsi münasibətilə möhtəşəm bayram şənliyi keçirilib.

Tədbirdə Tərtər Rayon İcra Hakimiyyətinin başçısı Müstəqim Məmmədov, Milli Məclisin deputatı Anar Məmmədov, hüquq-mühafizə orqanlarının rəhbərləri, məhkəmə sədrləri, YAP rayon təşkilatının sədri, idarə, müəssisə və təşkilat rəhbərləri, kollektivlər, mədəniyyət işçiləri və çoxsaylı şəhər sakinləri iştirak ediblər.

Bayramın rəmzi olan möhtəşəm tonqalı Tərtər Rayon İcra Hakimiyyətinin başçısı Müstəqim Məmmədov alovlandırıb.

Daha sonra çıxış edən rayon rəhbəri sakinləri bayram münasibətilə təbrik edərək qeyd edib ki, Novruz xalqımızın milli varlığını, qədim tarixini və zəngin mədəniyyətini özündə birləşdirən ən əziz bayramdır. Vurğulayıb ki, builki çərşənbə şənlikləri Müzəffər Ali Baş Komandan İlham Əliyevin rəhbərliyi ilə qazanılan Zəfərin sevincini yaşayaraq ölkəmizin hər yerində, o cümlədən Tərtərdə yüksək əhval-ruhiyyə ilə qeyd edilir. O, hər bir evə ruzi-bərəkət, xalqımıza əmin-amanlıq və daimi inkişaf arzulayıb.

Tədbir rayon Mədəniyyət Mərkəzinin hazırladığı rəngarəng konsert proqramı ilə davam edib. Milli geyimli rəqs qruplarının ifasında təqdim olunan xalq rəqsləri meydana xüsusi rəng qatıb, ifa olunan şən musiqilər sakinlərin bayram sevincini daha da artırıb.

Tərtər Rayon İcra Hakimiyyətinin, Qarabağ Regional Mədəniyyət İdarəsinin Tərtər nümayəndəliyinin, Qərbi Azərbaycan İcmasının Tərtər rayon nümayəndəliyinin və Qaradağlı bələdiyyəsinin birgə təşkilatçılığı ilə Novruzun üçüncü çərşənbəsi-Yel çərşənbəsi rayonun Qaradağlı kəndində böyük coşqu ilə qeyd olunub.

Bayram tədbirləri çərçivəsində Tərtər Rayon İcra Hakimiyyətinin başçısı Müstəqim Məmmədov əvvəlcə Tərtər şəhərinin Mərkəzi Meydanında bayram tonqalını alovlandıraraq sakinləri təbrik edib, onlara bahar sevincli günlər arzulayıb. Daha sonra rayon rəhbəri Qaradağlı kəndinə gedərək buradakı şənlikdə iştirak edib.

Tədbirdə hüquq-mühafizə orqanlarının rəhbərləri, məhkəmə sədrləri, YAP rayon təşkilatının sədri, mədəniyyət işçiləri, kənd ağsaqqalları və sakinlər iştirak ediblər.

Mərasim başlamazdan əvvəl rəsmi qonaqlar və kənd sakinləri şəhidlərin xatirəsinə ucaldılmış abidəni ziyarət edib, qəhrəman övladlarımızın əziz xatirəsini ehtiramla yad edərək abidə önünə gül dəstələri qoyublar.

Mərasimin rəsmi hissəsində aparıcılar Yel çərşənbəsinin təbiətin oyanışının, yazın nəfəsinin və təzələnmənin rəmzi olduğunu vurğulayıblar. Qeyd olunub ki, xalq inancına görə, bu günün küləyi dünyanı gəzir, yatmış təbiəti oyadır, qışın soyuğunu baharın ilıq havası ilə əvəz edir. Qədim Azərbaycan inanclarında yel müjdəçi sayılır və baharın gəlişini hər yerə çatdırır. Daha ətraflı »

8 mart Beynəlxalq Qadınlar Günü münasibətilə Beynəlxalq Avrasiya Mətbuat Fondunun qadın minaaxtaranlarının, regional ofisinin qadın əməkdaşlarının, BAMF-ın prezidenti Umud Mirzəyevin və Tərtər Rayon İcra Hakimiyyətinin başçısı Müstəqim Məmmədov iştirakı ilə tədbir keçirilib.

EDnews xəbər verir ki, açılış nitqi ilə çıxış edən BAMF-ın prezidenti Umud Mirzəyev qadın minaaxtaranlar komandasının fəaliyyətindən və uğurlu nəticələrindən danışıb:

“2023-cü ilin iyun ayında yaradılan BAMF-ın qadın minaaxtaranlar komandası hazırda Azərbaycan Respublikası Minatəmizmələ Agentliyinin (ANAMA) dəstəyi ilə öz işinə davam edir. Komanda bu günə qədər 700 hektara yaxın ərazini mina və partlayıcı sursatlardan təmizləmiş, 96 ədəd piada əleyhinə mina, 261 ədəd tank əleyhinə mina və 383 ədəd isə partlamamış hərbi sursat aşkarlanıb. Bu çox ciddi statistikadır və böyük uğurdur. Bu gün komandamız kişi minaaxtaranlarımızla birlikdə çiyin-çiyin bu şərəfli missiyanı davam etdirməkdədir.” – deyə Umud Mirzəyev bildirib. Daha ətraflı »

Tərtər Rayon İcra Hakimiyyətinin və YAP Tərtər rayon təşkilatının birgə təşkilatçılığı ilə “Tərtər İstirahət Mərkəzi”ndə 8 Mart – Beynəlxalq Qadınlar Günü münasibətilə tədbir keçirilib. Bayramın müqəddəs Ramazan ayına təsadüf etməsi münasibətilə tədbir iftar süfrəsi ətrafında təşkil olunub.

Tədbirdə Tərtər Rayon İcra Hakimiyyətinin başçısı Müstəqim Məmmədov, hüquq-mühafizə orqanlarının rəhbərləri, məhkəmə sədrləri, YAP rayon təşkilatının sədri, şəhid anaları, şəhidlərin həyat yoldaşları və rayonun ictimai-siyasi həyatında fərqlənən qadınlar iştirak ediblər.

Rayon İcra Hakimiyyətinin başçısı Müstəqim Məmmədov çıxış edərək, ilk növbədə şəhid analarını və bütün tərtərli qadınları bayram münasibətilə ürəkdən təbrik edib, onlara möhkəm cansağlığı və ailə səadəti arzulayıb. O, bu ilin 8 Mart bayramının müqəddəs Ramazan ayı ilə üst-üstə düşməsinin tədbirə xüsusi mənəvi dərinlik qatdığını vurğulayıb və tutulan orucların Allah tərəfindən qəbul olunmasını diləyib. Daha ətraflı »

Tərtər rayon Heydər Əliyev Mərkəzində 8 Mart–Beynəlxalq Qadınlar Gününə həsr olunmuş bayram tədbiri keçirilib. Tədbirdə müxtəlif nəsilləri təmsil edən rayonumuzun fəal qadınları iştirak ediblər.

Mərasimi Heydər Əliyev Mərkəzinin direktoru Səlimə Yusibova açıb. Ulu Öndər Heydər Əliyevin və torpaqlarımızın işğaldan azad edilməsi uğrunda şəhidlik zirvəsinə ucalan oğullarımızın əziz xartirəsi bir dəqiqəlik sükutla yad edilib. Qadınları bayram münasibətilə təbrik edən Səlimə xanım bildirib ki, Azərbaycan qadını hər zaman vətənpərvərlik, sədaqət və fədakarlıq nümunəsi göstərmişdir. Qarabağ uğrunda gedən 44 günlük Vətən müharibəsi zamanı bütün dünya bir daha Azərbaycan qadınlarının vətən sevgisinin şahidi oldu.

Çıxış edənlər Ulu Öndər Heydər Əliyevin Azərbaycan qadınlarının cəmiyyətdəki rolunu yüksək qiymətləndirməsindən, müasir cəmiyyətimizdə onların millətin mənəvi sütunu olmasından danışıblar. Vətənimizin inkişafına Tərtər qadınlarının verdiyi töhfələr qeyd olunub.

Tədbirdə Mərkəzin əməkdaşlarının 8 Mart Qadınlar Günü münasibətilə hazırladıqları videoçarxlar nümayiş etdirilib.

Sonda bələdçi Əzizə Kərimova qadınlara Ulu Öndər Heydər Əliyevin həyat və fəaliyyətini əks etdirən eksponatlar barədə ətraflı məlumat verib.

“Yeni Tərtər”

Tərtər Rayon İcra Hakimiyyətinin, Qarabağ Regional Mədəniyyət İdarəsinin Tərtər nümayəndəliyinin, Qərbi Azərbaycan İcmasının Tərtər rayon nümayəndəliyinin və Mamırlı bələdiyyəsinin birgə təşkilatçılığı ilə Novruzun ikinci çərşənbəsi-Od çərşənbəsi rayonun İrəvanlı kəndində böyük coşqu ilə qeyd olunub.

Tədbirdə Tərtər Rayon İcra Hakimiyyətinin başçısı Müstəqim Məmmədov, hüquq-mühafizə orqanlarının rəhbərləri, məhkəmə sədrləri, YAP rayon təşkilatının sədri, mədəniyyət işçiləri, kənd ağsaqqalları və sakinlər iştirak ediblər.

Tədbir başlamazdan əvvəl rəsmi qonaqlar və kənd sakinləri tərəfindən kənddə şəhidlərin xatirəsinə ucaldılmış abidə ziyarət edilib, Vətən uğrunda canından keçən qəhrəman övladlarımızın əziz xatirəsi ehtiramla yad olunaraq abidə önünə gül dəstələri qoyulub.

Mərasimin rəsmi hissəsində aparıcılar Novruz çərşənbələri haqqında geniş məlumat verərək, Od çərşənbəsinin istiliyin, günəşin və dirçəlişin rəmzi olduğunu vurğuladılar. Qeyd olundu ki, od yalnız yandıran və istilik verən ünsür deyil, həm də insanı mənəvi çirklərdən təmizləyən, görünməz ağırlıqları yox edən bir güc hesab olunur. El arasında tez-tez işlədilən “Suyun yumadığını od təmizlər” deyimi də məhz bu qədim inancdan qaynaqlanır. Beləliklə, Od çərşənbəsi xalq yaddaşında əsasən “ağırlığın məhv olduğu gün” kimi yaşayır. İnanca görə, insanın üzərinə qonan uğursuzluqlar və mənfi enerjilər məhz od vasitəsilə yox edilir. Buna görə də tonqal adətən həyət qapısının sonunda qalanardı ki, evə daxil olan hər kəs dərdini, ağırlığını odda qoyub içəri keçsin. Tonqalın üzərindən atlanan hər kəs isə “köhnə dərdlər odda qalsın, yeni il isə işıqla başlasın” arzusunu pıçıldayır.

Tarixi mənbələrdə “Üskü çərşənbə” və ya “Üskü gecəsi” adları ilə də tanınan bu gündə tonqallar digər günlərlə müqayisədə daha möhtəşəm qalanardı. Qədim Azərbaycan inanclarına görə, od işıqlı sabahın, bolluğun və xeyir-bərəkətin rəmzi idi. Bu gün də İrəvanlı kəndində sakinlər həmin qədim adətlərə sadiq qalaraq möhtəşəm tonqal başına toplaşdılar.

Tərtər Rayon İcra Hakimiyyətinin başçısı Müstəqim Məmmədov irəvanlıları Od çərşənbəsi münasibətilə təbrik edərək, hər kəsə sağlamlıq, bol ruzi və bərəkət arzuladı. Rayon rəhbəri çıxışında xüsusi olaraq bildirdi ki: “Bu il Bahar bayramı bizim üçün ikiqat sevinclidir. Çünki təbiətin oyanışı olan Novruzla, mənəvi saflaşma ayı olan müqəddəs Ramazan bayramı eyni vaxta təsadüf edir. Bu gözəl təsadüf xalqımızın milli və dini dəyərlərinin vəhdətini bir daha nümayiş etdirir. Arzu edirəm ki, dualarımızın qəbul olunduğu bu günlərdə ocaqlarınızın odu sönməsin, süfrələriniz həmişə bərəkətli olsun.”

Daha sonra alovlandırılan bayram tonqalı hər yanı nura boyadı. Qonaqlar sakınlərlə birlikdə ocaqda, sac üstündə bişən kətənin, qovurğanın dadına baxdılar, çərşənbə şirniyyatlarından daddılar. Tonqal başında kəndin cavanları milli musiqimizin sədaları altında “Yallı” getdilər, pəhləvanlar öz güc və məharətlərini göstərdilər. Şirin söhbətlər edildi, qədim adət-ənənələr və inanclar bir daha yada salındı.

Tədbirin sonunda kəndin ağsaqqalı Yedigar Məmmədov evində ziyarət edilərək bayramı təbrik olundu.

Əziz xalqımız, Od çərşənbəniz mübarək!

Eviniz isti, ruziniz bol, ocağınız həmişə gur yansın!

Azərbaycan Respublikasının Prezidenti cənab  İlham Əliyev cənabları Xocalı Soyqırımı Memorialının açılış mərasimində çıxış edərək qeyd etdi ki, müasir Azərbaycanın yaddaş siyasətinin, tarixi ədalət mövqeyinin və milli həmrəyliyinin parlaq ifadəsi kimi yadda qaldı. Dövlət başçısının nitqi təkcə anım xarakteri daşımadı, həm də beynəlxalq ictimaiyyətə mühüm mesajlar verdi, Xocalı həqiqətlərinin unudulmaması və gələcək nəsillərə çatdırılmasının vacibliyini bir daha önə çəkdi.

Möhtərəm Prezidentimiz  vurğuladı ki, Xocalı soyqırımı Azərbaycan xalqına qarşı törədilmiş ən ağır cinayətlərdən biridir və bu faciənin qurbanlarının xatirəsinin əbədiləşdirilməsi dövlətin ardıcıl siyasətinin tərkib hissəsidir. Onun sözlərinə görə, memorial kompleksinin yaradılması həm şəhidlərin ruhuna ehtiramın ifadəsi, həm də gələcək nəsillərin tarixdən dərs çıxarması baxımından mühüm əhəmiyyət daşıyır.

Qeyd edək ki, Azərbaycan dövləti Xocalı həqiqətlərinin dünyaya çatdırılması istiqamətində uzun illərdir sistemli fəaliyyət göstərir. Bu istiqamətdə həyata keçirilən diplomatik, informasiya və maarifləndirmə tədbirləri nəticəsində bir çox ölkələr və beynəlxalq qurumlar Xocalı faciəsinə hüquqi-siyasi qiymət veriblər. Daha ətraflı »