COVİD-19 pandemiyasına qarşı mübarizə ilə əlaqədar Prezident İlham Əliyevin BMT Baş Assambleyasının xüsusi sessiyasının keçirilməsi ilə bağlı təşəbbüsü və bu təşəbbüsün dünya dövlətləri tərəfindən bəyənilməsi Azərbaycanın siyasi çəkisinin daha da artmasından xəbər verir.

Dünyada pandemiyanın başlandığı gündən etibarən Prezident İlham Əliyevin rəhbərliyi altında Azərbaycan Respublikası tərəfindən həm regional, həm də qlobal səviyyədə bu bəşəri bəlaya qarşı mübarizə aparılması üçün beynəlxalq həmrəyliyin gücləndirilməsini özündə əks etdirən təşəbbüslər irəli sürülür və əməli addımlar atılır.
Tam məsuliyyətlə qeyd edə bilərik ki, digər sahələrdə olduğu kimi, koronavirusla mübarizə tədbirlərində də ölkəmiz dünyada özünə məxsus imic formalaşdırıb-Azərbaycan modeli.

Bu reallıqdır. Çünki Azərbaycanın unikal təcrübəsi dünya tərəfindən qəbul edilir, bəyənilir, eləcə də, ölkəmizdə reallaşdırılan social-iqtisadi dəstək proqramları geniş miqyaslı antiböhran tədbirlərlə beynəlxalq qurumlar tərəfindən yüksək qiymətləndirilir. Daha ətraflı »

Möhtərəm cənab Prezident!
Tərtər rayonunun yeganə mətbu orqanı olan “Yeni Tərtər” qəzetinin kollektivi Tərtərə və tərtərlilərə göstərdiyiniz diqqət və qayğıya görə Sizə öz minnətdarlığını bildirir, liderlik fəaliyyətinizdə daha böyük uğurlar diləyir, ailənizə, o cümlədən Birinci vitse-prezident, xeyirxahlıq və səmimiyyət nümunəsi olan Mehriban xanım Əliyevaya uzun ömür can sağlığı arzulayır!
Hörmətli cənab Prezident!
Bizim Tərtər rayonuna ardıcıl səfərləriniz, bu səfərlər zamanı rayon əhalisi ilə görüşləriniz, onların bir çox müraciətlərini yerindəcə həll etməyiniz, hətta döyüşlər getdiyi zamanlarda belə həyatınızı riskə ataraq tərtərlilərin yanında olmağınız düşmənlə 48 kilometrlik təmas xəttində yerləşən bu bölgənin əhalisini qürurlandırır, öz rəhbərinə güvəncini daha da artırır.
Cənab Prezident!
Onu da qeyd etməyi lazım bilirik ki, 86 yaşı tamam olan Tərtər rayon qəzeti laqeyid münasibət üzündən 7 il-dən çox (1998-2005-ci illər) öz fəaliyyətini dayandırmağa məcbur olsa da, jurnalistlərin dostu kimi Sizin yaratdığınız münbit media mühiti sayəsində yenidən həyata qayıtmışdır. Daha ətraflı »

Tərtər Rayon İcra Hakimiyyətinin başçısı Müstəqim Məmmədov inzibati ərazi dairələri üzrə nümayəndələrin, bələdiyyə sədrlərinin, aidiyyəti idarə, müəssisə və təşkilat rəhbərlərinin iştirakı ilə növbəti videokonfrans formatında görüş keçirib.
İcra başçısı əvvəlcə konfrans iştirakçılarını Dövlət Qulluqçularının peşə bayramı günü münasibəti ilə təbrik edib, onlara şərəfli və məsuliyyətli fəaliyyətlərində uğurlar diləyib.
Sovetlər İttifaqı dağıldıqdan sonra dövlət müstəqilliyini bərpa etmiş Azərbaycan Respublikasında normal idarəetmə sistemi ümummilli liderimiz Heydər Əliyevin ikinci dəfə hakimiyyətə qa-yıdışından sonra yaranmağa başlamışdır.
2000-ci il iyunun 21-də “Dövlət qulluğu haqqında” qanun imzalandıqdan sonra dövlət qulluğunun tənzimlənməsi ilə bağlı qanun, fərman və sərəncamlar imzalanmış, bu sənədlərlə müxtəlif əsasnamələr, qaydalar, nümunələr təsdiq edilmiş, dövlət qulluqçuları üçün orden və medallar, fəxri adlar təsis olunmuş, onların fəaliyyətini tənzimləyən bütün məsələlər bu aktlarda öz əksini tapmışdır. Daha ətraflı »

Dövlət İmtahan Mərkəzinin iyunun 19-da qurumun Bərdə regional bölməsinin əhatə etdiyi Füzuli və Tərtər rayonlarında keçirdiyi buraxılış (qəbul) imtahanları başa çatıb.
İmtahanların keçirilməsi üçün bu rayonlarda, ümumilikdə, 6 bina ayrılıb. Buraxılış (qəbul) imtahanları Tərtər şəhər 1, 6 nömrəli və Şıxarx qəsəbə 2 nömrəli tam orta məktəblərdə təşkil olunub. İmtahanlarda Tərtər rayonu üzrə 741 nəfər şagirdin iştirakı nəzərdə tutulmuşdur. İmtahanlar iki rayon üzrə 19 imtahan rəhbəri, 149 nəzarətçi müəllim, 6 ümumi imtahan rəhbəri tərəfindən idarə olunub. Tərtərdə, həmçinin Azərbaycan dilindən fərqli dildə təhsil alan cari ilin 9-cu sinif məzunları üçün Azərbaycan dili (dövlət dili) imtahanları keçirilib. Daha ətraflı »

Ərzaq təhlükəsizliyinin təmin edilməsində kənd təsərrüfatının əsas prioritet istiqamətlərindən biri olan taxılçılıq mühüm əhəmiyyət kəsb edir. Taxıl istehsalının artırılmasına daha məhsuldar və xəstəliklərə davamlı sortların yaradılması, yüksək reproduksiyalı taxıl toxumlarının istehsalı, intensiv becərmə texnologiyasının tətbiqi ilə nail olmaq mümkündür. Bu baxımdan Əkinçilik Elmi-Tədqiqat İnstitutunun Tərtər Bölgə Təcrübə Stansiyasının fəaliyyəti tədqirəlayiqdir.
Tərtər Bölgə Təcrübə Stansiyasının əkin sahələrində becərilmiş taxıl biçilir. Bölgə Təcrübə Stansiyasının direktoru Həqiqət Həşimova Stansiyaının fəaliyyəti, becərilən taxıl sortları barədə məlumat verərək bildirib ki, hazırda stansiyada dənli bitkilərin seleksiyası, toxumçuluq və becərmə texnologiyası istiqamətlərində üç şöbə fəaliyyət göstərir. Stansiyanın fəaliyyətinin məqsədi Qarabağın suvarma zonası üçün yüksək məhsuldar, yatmaya və xəstəliyə davamlı sortların yaradılması və yüksək reproduksiyalı toxum istehsalıdır. Daha ətraflı »

Tərtər Rayon İcra Hakimiyyətinin tədbirlər planına uyğun olaraq rayonun Şıxarx qəsəbəsində məcburi köçkünlər üçün yeni salınmış şəhərcikdə COVİD-19 infeksiyasının yarada biləcəyi təhlükənin qarşısının alınması məqsədilə mütəmadi olaraq dezinfeksiya işləri aparılır.
                                                                                                                               “Yeni Tərtər

2020-ci il yanvarın 1-nə Tərtər rayonunda dövlət qulluqçularının sayı 248 nəfər olub ki, onların da 57 nəfərini və ya 23 faizini qadınlar təşkil edir. Dövlət qulluqçula-rının 226 nəfəri və ya 91,1 faizi 4-7-ci təsnifatları, 22 nəfəri və ya 8,9 faizi isə dövlət qulluğunun yardımçı vəzifələri üzrə işləyir.
Dövlət qulluqçularının 2,8 faizi 1 ilə qədər, 25,4 faizi 1 ildən 5 ilə qədər, 17 fai-zi 5 ildən 10 ilə qədər, 16,1 faizi 10 ildən 15 ilə qədər, 38,7 faizi isə 15 il və daha çox qulluq stajına malikdir.
Dövlət qulluqçularının 17,8 faizini 30 yaşadək, 10,9 faizini 30-34 yaşda, 14,1 fai-zini 35-44 yaşda, 27 faizini 45-54 yaşda, 29 faizini 55-64 yaşda, 1,2 faizini 65 və yuxarı yaşda olan şəxslər təşkil edir. 4-7-ci təsnifatlar üzrə inzibati vəzifələrdə çalışanların 0,9 faizini icra hakimiyyəti başçısının müavinləri, 23 faizini şöbə müdirləri, 19,9 faizini şöbə müdirinin müavinləri, 5,8 faizini sektor müdirləri, 28,3 faizini baş məsləhətçilər, 3,1 faizini böyük məsləhətçilər, 9,7 faizini aparıcı məsləhətçilər, 9,3 faizini məsləhətçilər təşkil etmişlər.
2019-cu ildə Tərtər rayonu üzrə dövlət qulluqçularının orta aylıq nominal əmək-haqqı 632,3 manat təşkil edib. Bu göstərici əvvəlki illə müqayisədə 14,7 faiz, 2015-ci illə müqayisədə isə 31,9 faiz çoxdur.

                                                                                                                    TƏRTƏR RAYON STATİSTİKA İDARƏSİ

Müasir dövrümüzdə öz is-tedadı, bacarığı ilə fərqlənən yeniyetmə gənclərimiz gündən-günə çoxalır. Onlar həm ailələrinin, həm təhsil aldıqları məktəblərin, həm də cəmiyyətin sevimlisinə çevrilir. Lalə Bayramlı da belə yeniyetmələrimizdən biridir. O, şəhər 6 saylı tam orta məktəbin onuncu sinif şagirdidir.
Məktəbin direktoru Azad Abbasov söz düşəndə Lalə haqqında fəxrlə danışıb deyir:
–Lalə məktəbimizin tərbiyəli və bacarıqlı şagirdlə-rindəndir. Bu sakit və mü-layim təbiətli qızımız yaxşı oxumaqla bərabər ictimaiy-yətçidir. Məktəbimizin tədbirlərində fəal iştirak edir. O, həm də vətənpərvər bir qızdır. Bunu Lalənin çıxışlarından daha aydın görmək olur. O öz kiçik həcmli yazıları ilə mətbuatda çıxış edir. Bizim məktəbin kollektivi Lalə kimi şagirdlərimizlə qürur duyur.
Lalə Bayramlı ilə görüşümüzdə məktəb direktorunun söylədiklərinin bir daha təsdiqini tapdıq. O, gözəl arzularla yaşayır.
Gələcəkdə müəllim olmaq istəyir. Xalqımızın qaçqın-köçgün dərdi, qəhrəman şəhidləri-mizin şücaəti Lalənin kövrək qəlbində bir nisgilə çevrilib. Onun bu nisgillə yazdığı bir neçə məqaləsi “Yeni Tərtər”qəzetində dərc olu-nub. “Erməni qəddarlığı – tarixin üz qarası”nı yazmağa səbəb Xocalı faciəsi olub. Daha ətraflı »

Koronavirus epidemiyasının (COVİD-19) dünyanı cənginə aldığı bir vaxtda onun vaksininin hələ də mövcud olmaması və çox ağır hə-yati təhlükələrə gətirib çıxarması bütün bəşəriyyəti narahat edən bir problemdir. Bu infeksiya qısa zaman kəsiyində çox böyük sürətlə yayılmış, dünya üzrə 7 milyondan çox insanın yoluxmasına və 400 mindən çox insanın ölümünə səbəb olmuşdur.
Azərbaycanda da koronavirus pandemiyasına qarşı dövlət səviyyəsində bütün lazımi tədbirlərin görülməsinə baxmayaraq, insanların özlərinin laqeyd münasibətindən yoluxma get-gedə genişlənmiş və əhatəsi böyümüşdür. Buna görə Nazirlər Kabineti yanında Operativ Qərərgah mövcud karantin rejimini daha da sərtləşdirməyə məcbur olmuşdur.
Tərtərdə də koronavirus epidemiyasına qarşı çox ciddi tədbirlər görülür, əhalinin bu sahədə maarifləndirilməsi daim diqqət mərkəzində saxlanılır.
Bu göstərilənləri nəzərə alaraq, infeksiya barədə məlumatı oxuculara təqdim edirik.

İnfeksiya – patogen mikroorqanizmin digər canlı orqanizminə daxil olması və bu-nun nəticəsində yoluxmuş orqanizmdə gedən cavab proseslər. İnfeksiyanı törədən amil orqanizmə daxil olduqda müəyyən orqan və toxumalarda məhdudlaşır. Nəticədə infeksion proses əmələ gəlir. İnfeksion proses kəskin və xroniki xəstəliklər, yaxud infeksiya gəzdirmə formasında aşkar ola bilər.
Hər bir İnfeksiyanın özünəməxsus yoluxma mexanizmi var; tənəffüs yollarının infeksion xəstəliklərində xəstə öskürdükdə, asqırdıqda və danışdıqda İnfeksiya selik damcıları vasitəsilə ətrafa yayılır və sağlam insana hava ilə yoluxur; səpgili yatalaq, malyariya, taunun bubonlu forması və s. xəstəliklər qansoran cücülər vasitəsilə yayılır; qoturluğun, göbələk və zöhrəvi xəstəliklərintörədiciləri isə xəstə ilə bilavasitə təmasda olduqda keçir. İnfeksiyanın yoluxma mexanizminin aydınlaşdırılması infeksion xəstəliklərin profilaktikasının əsasını təşkil edir. İnfeksiya müəyyən klinikiəlamətləri ilə özünü göstərən infeksion xəstəlik haqqında və gizli – yəni latent, inapparant infeksiya, immunlaşdırıcı subinfeksiya və mikrobdaşıyıcılıq halında gedir. Daha ətraflı »