Müzəffər Ali Baş Komandan İlham Əliyevin rəhbərliyi ilə qüdrətli ordumuzun 44 günlük Vətən Müharibəsində düşmən işğalından azad etdiyi qədim qalamızda – Şuşa şəhərində Dünya Azərbaycanlılarının V Qurultayı – Zəfər Qurultayı keçirilib.

Qurultayda geniş nitq söyləyən Prezident İlham Əliyev deyib: “Qurultayın adı Zəfər qurultayıdır və bu, təbiidir. Çünki tarixi Zəfərdən sonra ilk dəfədir ki, dünya azərbaycanlıları toplaşır, qurultay keçirir”.

Müzəffər Ali Baş Komandan gənclərimizin Vətən Müharibəsindəki xidmətlərini yüksək qiymətləndirərək bildirib ki, tarixi missiyanı həyata keçirən bizim qəhrəman övladlarımız tarix qarşısında, xalq qarşısında, Vətən qarşısında misilsiz xidmətlər göstərmişlər. Müstəqillik dövründə yetişən gənclər, vətənpərvərlik ruhunda yetişən gənclər bu tarixi hadisəni, tarixi müjdəni Azərbaycan xalqına bəxş etmişlər.

Qeyd olunub ki, Ulu Öndərin davamçıları V qurultayı Şuşada keçirir. Mədəniyyətimizin paytaxtı olan Şuşa öz doğmalarını günəşli hava ilə qarşılayır və bu onu göstərir ki, bu, bizim tarixi torpağımızdır. Hətta təbiət, günəş də bizimlə həmrəydir.

Azərbaycan Respublikasının Prezidenti deyib ki, Dünya Azərbaycanlılarının həmrəyliyi Qələbə ilə yekunlaşdı. Həm Azərbaycanda yaşayan Azərbaycan vətəndaşları, həm də dünya azərbaycanlıları bir nöqtəyə vururduq, bir hədəfə çatmaq üçün çalışırdıq.

Azərbaycan xalqı 30 il davam edən mənasız danışıqlar əvəzinə öz gücünü ortaya qoydu, ədaləti bərpa etdi, beynəlxalq hüququ bərpa etdi. Bütün dünyaya sübut etdi ki, biz böyük xalqıq və Azərbaycan xalqı heç vaxt işğalla barışmaq fikrində deyildi. Daha ətraflı »

YAP Tərtər rayon  təşkilatının sədri – Eldar Əsədov

Müstəqil Azərbaycan dövlətinin  tarixində  ən əlamətdar  hadisələrindən biri – Dünya Azərbaycanlılarının V qurultayının Azərbaycanın mədəniyyət beşiyi olan qədim Şuşa şəhəridə  keçirilməsi oldu. Qurultayın  Möhtərəm  Prezidentimiz , Yeni Azərbaycan Partiyasının Sədri  Müzəffər Ali Baş Komandanımız cənab  İlham Əliyevin rəhbərliyi ilə Rəşadətli  ordumuzun düşmən əsarətindən  azad edilən  Şuşa şəhərində baş tutması heç də təsadüfü deyildir. Bildiyimiz kimi  dünyanın 65 ölkəsindən 400-ə yaxın diaspor nümayəndəsinin iştirakı ilə keçirilən qurultay beynəlxalq ictimaiyyətin Azərbaycan həqiqətləri ilə bağlı məlumatlandırılmasında xüsusi rol oynayır. Bu qurultay bizim tarixi zəfər qurultayımız oldu.

İlham Əliyev cənablarının  Zəfər qurultayında dediyi kimi  uzun illərdən bəri Azərbaycanımız üçün problem olan  Qarabağ münaqişəsinin həll edilməsi Prezidentimiz üçün başlıca vəzifə olmuşdur. İkinci Qarabağ  müharibəsindəki parlaq qələbəmiz bütün dünyaya  göstərdi ki, bu missiya  Prezidentimiz tərəfində layiqincə  yerinə yetirildi.  Müzəffər Ali Baş Komandanımızın  vətənin azadlığı uğrunda olan  çağırışı  ilə vətənimizin igid övladları Vətən qarşısında əvəzolunmaz  xidmətlər göstərdilər. Müasir müstəqil Azərbaycan dövləti yarandıqdan sonra vətənpərvərlik ruhunda böyüyən  gənclərimiz  bu tarixi qələbəni Azərbaycan xalqına bəxş etdilər.

2001-ci il tarixdə keçirilən Dünya Azərbaycanlılarının  I Qurultayında ulu öndər Heydər Əliyev demişdir ki, vaxt gələcək Azərbaycan öz ərazi bütövlüyünü bərpa edəcək, işğal altında olan torpaqlarımız  işğaldan azad olunacaq, Azərbaycan xalqı öz tarixi  yurdlarına  qayıdacaq. 44 günlük Vətən müharibəsindəki qələbəmiz Ulu öndərin vaxtı ilə dediyi  sözlərin həyata keçməsini təmin etdi.  Ulu öndərin siyas kursunun layiqli davamçısı  cənab  İlham Əliyevin rəhbərliyi altında 2006, 2011 və 2016-cı illərdə keçirilən dünya azərbaycanlılarının qurultaylarında dövlət başçısı diaspora nümayəndələri qarşısında Vətən, torpaq, müstəqillik amilini qabartdı, soydaşlarımızı tarixi vətənlə bağları daha da gücləndirməyə çağırdı.

Möhtərəm Prezidentimizin  dediyi kimi “Müstəqil Azərbaycan  dövləti bizim  hamımızın – bütün azərbaycanlıların vətənidir. Bizim bir vətənimiz var – Azərbaycan! Bizim bir dilimiz var – Azərbaycan dili! Bizim ümumxalq ideologiyamız var – azərbaycançılıq məfkurəsi. Bizim hər birimiz istər Vətəndə olsun, istərsə də Vətəndən kənarda bu məsələyə  hörmət hissiilə yanaşaraq  hər bir  soydaşımıza Vətəni sevmək nümunəsi göstərməliyik. Dövlət Başçımızın birlikdə olmaq çağırışı  ölkədən kənarda yaşayan soydaşlarımızı  Azərbaycan dövlətçiliyi ideyaları ətrafında sıx birləşdirdi. Dövləti  məsələlərdə həmrəylik nümayiş etdirildi.

Müzəffər Ali Baş Komandan İlham Əliyev dünya azərbaycanlılarını Zəfər bayrağı  altında mədəniyyət beşiyimiz olan Şuşa şəhərinə  toplamaqla sübut edir ki, bundan sonra bizi heç kim əyə bilməz! Bundan sonra heç bir qüvvə bizə qalib gələ bilməz! Bundan sonra xalqımız öz torpağında, öz dövlətində qalib xalq , Azərbaycan isə qalib ölkə  kimi yaşayacaq!

Hər bir xalqın taleyində liderlərin rolu əvəzsizdir. Azərbaycan xalqı xoşbəxtdir ki, Ulu Öndər Heydər Əliyev kimi əbədiyaşar lideri var. Həyatımızın hansı sahəsinə diqqət yetirsək, Ümummilli Liderin müəyyən etdiyi strategiyanın, başladığı işlərin təntənəsini görürük

70-ci illərin ortalarından başlayaraq SSRİ-ni təşkil edən respublikaların ictimai-siyasi həyatında dil məsələsi yenidən gündəmə gətirildi. SSRİ Konstitusiyasının qəbulundan sonra milli dillərin sıxışdırılması prosesi daha da gücləndirildi. Belə bir şəraitdə ana dili məsələsinin təbliği ilə məşğul olmaq cəsarət tələb edirdi. Hətta milli respublikaların rəhbərləri də ana dili məsələsini gündəmə gətirməkdə aciz idilər. Bütün bunlara baxmayaraq, o vaxt Azərbaycan Respublikasının rəhbəri olan Ulu Öndər Heydər Əliyev dil məsələsində öz mövqeyini çox cəsarətlə, qətiyyətlə bildirmişdir.

1978-ci il aprelin 2-də IX çağırış Azərbaycan SSR Ali Sovetinin Azərbaycan Sovet Sosialist Respublikası Konstitusiyasının layihəsi və onun ümumxalq müzakirəsinin yekunlarına həsr olunmuş VII sessiyasında məruzə ilə çıxış edən Ulu Öndər Heydər Əliyevin təklifi ilə 73-cü maddəni aşağıdakı redaksiyada vermək təklif olunmuşdur: “Azərbaycan Sovet Sosialist Respublikasının dövlət dili Azərbaycan dilidir.” Heydər Əliyevin bu təşəbbüsü 1978-ci il 21 aprel tarixində qəbul olunmuş Azərbaycan SSR Konstitusiyasında öz əksini tapmışdır. Azərbaycan dilinə dövlət dili statusunun verilməsi Ümummilli Lider Heydər Əliyevin xalq qarşısında ən böyük tarixi xidmətlərindən biridir. Ulu Öndər bununla gələcək müstəqil dövlətçiliyin milli rəmzlərindən birini məharətlə qorumuşdur. Daha ətraflı »

Qırğız Respublikasının Prezidenti Sadır Japarov Azərbaycana rəsmi səfərə gəlib. Səfər çərçivəsində on sənəd imzalanıb. İmzalanmış sənədlər sırasında Strateji Tərəfdaşlıq haqqında Bəyannamə və Dövlətlərarası Şuranın yaradılması haqqında Memorandum xüsusi əhəmiyyətə malikdirlər. Strateji tərəfdaşlıq qarşılıqlı fəaliyyətin yüksək səviyyəsidir və ölkələri məhz strateji xarakterli əməkdaşlığa kökləyir.

Dövlətlərarası Şura çərçivəsində həm ikitərəfli gündəliyə aid məsələlər, həm də regional və beynəlxalq problemlər daha effektli və fəal surətdə müntəzəm müzakirə olunacaqdır

Görüş zamanı qeyd olunub ki, Azərbaycanla Qırğız Respublikası münasibətlərinin qədim tarixi kökləri var. Qoşulmama Hərəkatı, BMT, ATƏT, İslam Əməkdaşlıq Təşkilatı, Türk Dövlətləri Təşkilatı, ECO çərçivəsində hər iki ölkə həmişə bir-birini dəstəkləyir

Bildirilib ki, nəqliyyat infrastrukturunun və Şərq-Qərb nəqliyyat dəhlizinin daha səmərəli fəaliyyət göstərməsi üçün səylər birləşdirilməlidir. Azərbaycanda yüklərin bütün istiqamətlərə – həm Şimala, həm Cənuba, həm də Qərbə göndərilməsinə imkan verən müasir nəqliyyat infrastrukturu yaradılıb. Azərbaycanın liman infrastrukturunun imkanları Qırğızıstan üçün açıqdır.

Qırğızıstan iqtisadiyyatının enerji sektoru Azərbaycan şirkətləri üçün maraqlı ola bilər. Azərbaycan şirkətlərinin müasir enerji müəssisələrinin, elektrik stansiyalarının, o cümlədən istilik elektrik stansiyalarının yaradılmasında müəyyən təcrübəsi var. Mövcud istiqamətdə səylərin birləşdirilməsinə və Azərbaycanın investisiya potensialına çox ehtiyac var. Daha ətraflı »

YAP rayon təşkilatı və rayon icra hakimiyyətinin birgə təşkilatçılığı ilə  görkəmli oftolmoloq, akademik  Zərifə xanım Əliyevanın anadan olmasının 99-cu ildönümünə həsr olunan   tədbir keçirilib.

Tədbiri giriş sözü ilə  rayon İcra Hakimiyyətinin başçısı Müstəqim Məmmədov  açıb, Zərifə xanım Əliyevanın və Vətən müharibəsi şəhidlərinin  xatirəsi bir dəqiqəlik sükutla yad edilib.

 Rayon İcra Hakimiyyətinin başçısı Müstəqim Məmmədov  görkəmli alim, ictimai xadim Zərifə xanım Əliyevanın həyat və fəaliyyəti haqqında geniş məruzə edib. O qeyd edib   ki, akademik Zərifə xanım Əliyeva 1942-ci ildə orta məktəbi bitirdiktən sonra Azərbaycan Dövlət Tibb İnstitutunun müalicə-profilaktika fakültəsinə daxil olub və 1947-ci ildə həmin institutu bitirib. Sonra Moskva şəhərində Mərkəzi Həkimləri Təkmilləşdirmə İnstitutunda oftalmologiya üzrə ixtisaslaşdırma kursu keçib. Zərifə  Əliyevanın elmi tədqiqatlara olan sonsuz marağı onu Azərbaycan Oftalmologiya Elmi-Tədqiqat İnstitutuna gətirib çıxarmış və o, orada həkim-ordinator kimi işə başlamışdır. Zərifə  xanım 1950-ci ildə aspiranturaya daxil olmuş, aspiranturanı bitirdiktən sonra respublika Oftalmoloqiya Elmi-Tədqiqat İnstitutunda elmi işçi kimi fəaliyyət göstərmişdir.   Həmin illərdə Azərbaycanı traxoma göz xəstəliyi bürümüşdü. O zaman xəstəliyə qarşı təsirli müalicə üsulları yox idi və onunla mübarizə təkçə oftalmologiya elmi üçün deyil, bütövlükdə respublikanın səhiyyəsi üçün mühüm əhəmiyyət daşıyırdı. Belə bir dövrdə Zərifə xanım traxoma xəstəliyinə qarşı aparılan müalicəvi və profilaktik tədbirlərin təşkilində və keçirilməsində fəal iştirak edir. Konkret müalicə təcrübəsindən başqa o, Azərbaydanda traxoma xəstəliyinin daha geniş yayıldığı rayonlara gedir, həkim-oftalmoloqlara məruzələr oxuyur, əhali arasında çoxlu söhbətlər aparırdı. Daha ətraflı »

Dövlətin  milli  dəyərlərinin qorunmasında,  inkişaf etməsində  ana dilinin rolu xüsusi əhəmiyyət kəs edir . Hər bir xalqın milli mənəvi dəyərlərini yaşadan, inkişaf etdirən onun dilidir. Dil hər bir xalqın varlığının ən əsas təminatçısıdır. Azərbaycan xalqının da ana dili onun milli varlığını müəyyən edən başlıca şərtlərdəndir. Ana dili dövlət rəmzlərimiz olan bayraq, gerb, himn kimi müqəddəsdir. Ana dilini hifz etmədən, onun inkişafı, zənginləşməsi üçün zəruri tədbirlər həyata keçirmədən xalqın milli özünəməxsusluğunu, milli ruhunu qorumaq mümkün deyildir. Ana dili xalqın keçdiyi bütün tarixi mərhələlərdə  yaşayıb,  müasir dövrə gəlib çatan ən böyük mənəvi sərvətlərdəndir. Dilimizin keçdiyi ən çətin dövr məhz  Sovetlər dönəmində olub. Belə ki,  sovet dövründə ana dilimizin qorunması və inkişaf etdirilməsi, Azərbaycan dilinin dövlət dili statusunun təmin edilməsi ilə bağlı ümummilli lider Heydər Əliyev tarixi faktları gerçəkləşdirdi.  Ulu Öndər Heydər Əliyevin sonsuz  qayğısı və diqqəti nəticəsində  Azərbaycan dili ölkəmizdə dövlət dili kimi rəsmiləşmişdir.

Dahi şəxsiyyətin  birbaşa təşəbbüsü ilə 1978-ci il aprelin 27-də Azərbaycan SSR Konstitusiyasına “Azərbaycan SSR-nin dövlət dili Azərbaycan dilidir” maddəsi yazılıb. Azərbaycan SSR-in 1978-ci il Konstitusiyasına Azərbaycan dilinin dövlət dili kimi daxil edilməsi və təsbit olunmasından sonra Azərbaycan dilinin istifadəsində və inkişafında yeni mərhələ başladı. Daha ətraflı »

Tərtər Rayon İcra Hakimiyyətinin başçısı Müstəqim Məmmədovun növbəti səyyar görüş-qəbulu Azadqaraqoyunlu kən-dində keçirilib. Vaxtaşırı keçirilən bu cür görüşlər rayon rəhbərinə əhalinin problemləri ilə daha yaxından tanış olmağa və onların həlli üçün operativ tədbirlər görməyə kömək edir.
Budəfəki görüşdə də Azadqaraqoyunlu kənd İƏD üzrə nümayəndə Nazim Xəlilov kənddəki mövcud vəziyyət barədə məlumat verəndən sonra, kənd sakinlərinin müraciətləri dinlənilib.
Vətəndaşlar səmimi şəraitdə keçən görüşün nəticələrindən razı qalıblar.
Kənd ağsaqqalları Arif Hüseynov, Vəli Mehdiyev və başqaları Azərbaycanda sülh və əmin-amanlıq şəraitinin yaradılmasına, hər bir vətəndaşa qayğı və diqqətlə yanaşılmasına görə ölkə Prezidenti İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.

“Yeni Tərtər”

Rayon Gənclər Mərkəzində Azərbaycan Qarabağ Müharibəsi Əlilləri, Veteranları və Şəhid Ailələri İctimai Birliyi tərəfindən “Şəhid ailələri, Qarabağ müharibəsi iştirakçılarının sosial problemlərinin həlli istiqamətində sosial-iqtisadi islahatların həyata keçirilməsinə dəstək” mövzusunda təlim keçirilib.
Təlimdə Əmək və Əhalinin Sosial Müdafiəsi Nazirliyinin Dövlət Məşğulluq Agentliyinin Ərazi məşğulluq filialına müraciət edən Tərtər rayonundan olan şəhid ailələrinin üzvləri və Qarabağ Müharibəsi iştirakçıları iştirak ediblər.
Qarşılıqlı diskussiya şəklində keçirilən təlimdə iştirakçılara fərdi sahibkarlıqla məşğul olmaq və peşə seçiminə dəstək göstərmək üçün müvafiq təlimatlar verilib və onların sualları cavablandırılıb.

Bu il rayonda 3446,9 hektarda çiyid səpilməsi nəzərdə tutulub. Səpin aparılacaq təsərrüfatlarda sahələr vaxtında şumla-nıb, arata qoyulub, malalanaraq hazır vəziyyətə gətirilib.
Ərazidə fəaliyyət göstərən “MKT İstehsalat Kommersiya” MMC tərəfindən 633 istehsalçı və “Azərpambıq” MMC tərəfindən isə 460 istehsalçı ilə müqavilə bağlanılıb. Bağlanan müqaviləyə əsasən pambıq istehsalçıları lazımi texnika, toxum, gübrə və kimyəvi preparatlarla tam təmin edilirlər.
Rayonda bu kampaniyaya 22 səpin aqreqatı cəlb olunub və səpin işlərinin 10-15 gün müddətinə başa çatdırılacağı planlaşdırılır.
Səpin işlərinin gedişi ilə tanış olan Tərtər Rayon İcra Hakimiyyətinin başçısı Müstəqim Məmmədov fermerlərə müvafiq tövsiyələrini verib. Qaraağacı kənd sakini, 2-ci də-rəcəli “Əmək” ordenli İlkin Qurbanovun və Qazyan kənd sakini Suliddin Ələkbərovun sahələrində səpin işlərinin gedişini iz-ləyib.
Qeyd edək ki, 2021-ci ildə Tərtər rayonunda 3440 hektar sahədə pambıq becərilib və hər hektardan 31,1 sentner olmaqla, 10701,5 ton məhsul tədarük edilib.

Tərtər Rayon İcra Hakmiyyətinin başçısı Müstəqim Məmmədov növbəti dəfə vətəndaşları qəbul edib. Əvvəlcə şəhid ailələri və qazilərin müraciətləri dinlənilib və problemləri həll edilib.
Qəbula gələn digər vətəndaşlar Vətən müharibəsi zamanı evlərinə dəymiş ziyan, təmir-bərpa işlərinin düzgün aparılmaması, işlə, Beynəlxalq Qızıl Xaç Komitəsi tərəfindən verilən maddi yardımla bağlı müraciət ediblər. Onların müraciətləri rayon rəhbəri tərəfindən diqqətlə dinlənilib, icra hakimiyyətinin səlahiyyətlərinə aid müraciətlər qanun çərçivəsində həll olunub, əsassız müraciətlərlə bağlı isə vətəndaşlara izahatlar verilib.
Qəbulda müraciət edən vətəndaşlar ölkəmizdə həyata keçirilən islahatlara, əhalinin sosial rifah halının yüksəldilməsinə göstərilən diqqət və qayğıya görə möhtərəm Prezident cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.