ƏBƏDİYAŞARLIĞIN BAŞLANĞICI

44 günlük Vətən müharibəsinin başlamasından 5 il ötür. Mənə isə elə gəlir ki, dünən idi Turalımı son dəfə bağrıma basıb cəbhəyə yola saldığım gün. Müharibəyə könüllü getdi. Dedi ki, üç qardaşıq, mütləq torpaqlarımızın azadlığı uğrunda döyüşlərə qatılmalıyıq. Getdi və bu vəzifəni şərəflə yerinə yetirdi.
Tural həmlə taborunda döyüşürdü. Onun taboru ermə-nilərin uzun illər ərzində qurduqları istehkamları yararaq qəhrəmancasına irəliləyirdi. Keçdiyi döyüş yolu haqqında danışmağa Turalın imkanı olmadı. Ancaq bu barədə bizə oğlumla çiyin-çiyinə döyüşən yoldaşları danışıblar. Deyirlər ki, çox qorxmaz, cəsur və xeyirxah idi. Turalımın döyüş yolu Talışdan başlayıb Suqovuşanda başa çatdı. Ancaq bu, son olmadı. Əbədiyaşarlığın  başlanğıcı oldu.
Bizim üçün təsəlli budur ki, bu gün dövlət başçısından başlayaraq sıravi vətəndaşlaradək işğaldan azad edilmiş torpaqlara qədəm qoyan hər kəs  ilk növbədə bu yolda canından keçən oğullarımıza dualar edir, onların qəhrəmanlığı, vətənpərvərliyi barədə danışırlar.
Ötən 5 il ərzində şəhid ailələri həmişə qonaqlı olub. Xalqımız dərdimizə şərik çıxıb, bizi tək qoymayıb. Bu günlər Tərtər Rayon İcra Hakimiy-yətinin başçısı Müstəqim Məmmədov rayonun idarə və müəssisə rəhbərləri ilə birlikdə qonağımız oldu, Bəyimsarov və Sarov kəndlərindən olan şəhid ailələri və qazilərlə görüşdü, qayğılarımızla maraqlandı, qaldırılan məsələlərlə bağlı operativ olaraq məsul şəxslərə tapşırıqlar verdi. Daha ətraflı »

2003-cü il oktyabrın 15-də xalqımız Ulu Öndərin layiqli davamçısı İlham Əliyevi Azərbaycan Respublikasının Prezidenti seçdi.
Müzəffər Ali Baş Komandan, dövlət baş-çısı İlham Əliyev elə ilk vaxtlardan işğal altında olan torpaqlarımızın azad edilməsi uğrunda qətiyyətlə çalışdı. İlk növbədə iqtisadiyyatımız inkişaf etdirildi, güclü, müasir silahlarla təhciz edilmiş Azərbaycan Ordusu yarandı.
Azərbaycan xalqı həmişə humanist, sülhsevər olub. Lakin dünya siyasətçiləri ikili standartlardan çıxış etdikləri üçün, 5 il əvvəl, sentyabrın 27-də 44 günlük Vətən müharibəsi başladı və bu savaş dünyada öz unikallığı ilə tarixə yazıldı. Dünya tarixində belə bir hadisə olmamışdır ki, bir dövlət 30 ildən artıq bir müddətdə işğal altında olan torpaqlarını cəmi 44 gün ərzində azad etsin.
Azərbaycanın igid oğulları, əsgər və zabitləri döyüş meydanlarında bir addım belə geri çəkilmədilər və bu müqəddəs amal uğrunda canlarını əsirgəmədilər.
Müharibə dövründə xalqımz Prezident İlham Əliyevin ətrafında sıx birləşərək, öz ordusunun arxasında dayandı.
Bu gün o torpaqlara Böyük Qayıdış başlayıb. İllərlə düşmən tapdağında olan şəhər və kəndlərimizdə dünyanı heyran qoyan quruculuq işləri görülür. Daha ətraflı »

Havalar imkan versə, çəkilən zəhmət hədər getməyəcək

Dünən döyüş meydanında qəhrəmanlıq nümunəsi göstərən tərtərlilər bu gün əmək cəbhəsində fərqlənirlər. Hər qarış torpaq uğrunda müqəddəs savaşda tarix yazan,  ölümsaçan güllələr, raketlər, artilleriya mərmiləri başlarına dolu kimi yağsa da, bir addım geri çəkilməyən tərtərlilərin 44 günlük müharibədə yaşadıqları hər gün gerçək bir qəhrəmanlıq dastanı idi.
Zəfərlə sonuclanan döyüşlərdə Ermənistan silahlı qüvvələri Tərtər şəhərinə və rayonun kəndlərinə  minlərlə raket və artilleriya mərmisi atmış, nəticədə çox sayda yaşayış evləri, sosial obyektlər dağılmış, mülki insanlar həlak olmuş, rayon iqtisadiyyatına böyük həcmdə ziyan dəymişdir. O gərgin günlərdə Prezident İlham Əliyev və birinci Vitse-prezident Mehriban xanım Əliyeva  dəfələrlə Tərtərə səfər etmiş, vəziyyətlə yerində tanış olmuş, evləri dağılan ailələrlə görüşüb zəruri tədbirlər görmüşlər. Çətin, ağrı-acılı, eyni zamanda qürurverici günlər idi.
Yaylım atəşi kimi səslənən Qələbə nidasından bizi 5 il ayırır. İndi sarsılmaz xalq-dövlət birliyinin hədəfi müharibənin vurduğu yaraları sağaltmaq, ölkəmizin iqtisadi qüdrətini daha da artırmaq, insanların güzəranını yaxşılaşdırmaq,  firavanlığını təmin etməkdir. Tərtərlilər canları, qanları bahasına qoruduqları torpaqları bu gün könül rahatlığı ilə əkib-becərirlər. Dövlətin ənənəvi kənd təsərrüfatı sahələrinin, o sıradan pambıqçılığın inkişafına dəstəyi Tərtər kəndlisinə də stimul verib. Son illər rayonun təsərrüfatlarında pambıqçılıq sahəsində böyük uğurlara imza  atılır, yüksək məhsuldarlığa nail olunur.
Bu günlər rayonun təsərrüfatlarında məhsul yığımının qızğın çağıdır. Məlumat üçün bildirək ki, cari ilin məhsulu üçün 2.668 hektara çiyid  səpilib. Becərmə zamanı aqrotexniki qaydalara ciddi əməl olunmasının  nəticəsidir ki, tarlalar bəyaz libasa bürünüb. Böyük zəhmət bahasına  yetişdirilmiş məhsulun tez və itkisiz yığılıb təhvil verilməsi üçün əmək ehtiyatları və texniki vasitələr səfərbər edilib. Məhsul yığımında texnikanın imkanlarından  maksimum istifadə olunur. Habil İbrahimovun, Vidadi Vəliyevin, Sənan Qurbanovun, Firuz Rzayevin, Vaqif Balakişiyevin, Suliddin Ələkbərovun, Fazil Vəliyevin rəhbərlik etdikləri təsərrüfatlar yığımda daha çox  fərqlənirlər. Bir çox fermerlərin nəticələri yüksəkdir – hər hektardan orta məhsuldarlıq 50-55 sentner! Daha ətraflı »

Övladlarımız üçün lazımi şərait yaradılıb

Kəndimizdəki uşaq bağçasının binası 1970-ci illərdə tikilib. Son zamanlara qədər istifadəyə yararsız idi.
Heydər Əliyev Fondunun təşəbbüsü ilə təmir olunan uşaq bağçası bu günlərdə istifadəyə verilib.
Təmir işləri yüksək səviyyədə aparılıb, bağça mebel və avadanlıqlarla təmin edilib, uşaq meydançası təşkil edilib.
İndi hər səhər övladlarımız yuxudan oyanıb, həvəslə bağçaya gedirlər. Onlar da rahatdırlar, biz valideynlər də
Yeni təmir olunmuş binada daha böyük məsuliyyətlə çalışan bağçanın kollektivi balacaların sağlam və xoş-bəxt, vətənpərvər ruhda böyümələrinə çalışırlar.
Kənd sakinləri, bütün valideynlər adından uşaqlarımız üçün yaradılan belə gözəl şəraitə görə dövlətimizə, Heydər Əliyev Fonduna təşəkkür edirəm.

Nigar ƏLİYEVA,
Hüsənli kəndinin sakini, valideyn

Tərtərlilərin fəxri, valideynlərinin Sevinci

Prezident İlham Əliyevin 4 oktyabr 2025-ci il tarixdə imzaladığı Sərəncama əsasən, 2025-2026-cı tədris ilində tələbə qəbulu imtahanlarında ixtisas qrupları üzrə ən yüksək nəticələr göstərmiş və Azərbaycan Respublikasının ali təhsil müəssisələrinə daxil olmuş bir qrup tələbəyə Prezident təqaüdü veriləcək. Həmin tələbələr arasında həmyerlimiz, Tərtər şəhər 5 saylı tam orta məktəbin məzunu Sevinc Əlizadə də var.
Biz Sevinclə görüşəndə, hələ abituriyent idi. Tələbə adını qazanmaq üçün qarşıda onu çətin imtahan gözləyirdi. Ancaq çox rahat və özünə inamlıydı. Artıq yolun yarısını keçmişdi. Özü də böyük uğurla.
Öyrəndik ki, Sevinc Əlizadə kiçik yaşlarından ömür yolunun memarı olmağa çalışıb. İllər ötdükcə qədəm qoyduğu cığırlar genişlənib və böyük bir yola çevrilib. Bu yolda ilk bələdçiləri olan valideynlərinin və müəllimlərinin hər sözünə, tövsiyəsinə diqqətlə yanaşıb, bunları gərgin zəhməti ilə birləşdirib və pillə-pillə ucalıb, nəinki təhsil aldığı məktəbdə, yaşadığı rayonda, eləcə də respublikada tanınıb, adı daim qaliblər sırasında çəkilib.
Məktəb illərində o, üç dəfə tarix üzrə respublika fənn olimpiadasının finalçısı, XI sinifdə isə olimpiadanın gümüş mükafatçısı olub. IX sinfi fərqlənmə attestatı, XI sinfi isə “Xüsusi nümunəvi attestat” və qızıl medalla bitirib.
İnşa yazı müsabiqələrində, məktəblər arasında keçirilən müxtəlif yarışmalarda dəfələrlə birinci olub. Sınaq imtahanlarında iki dəfə qızıl, bir dəfə gümüş sertifikat alıb.
Bu uğurların hər biri onun gərgin zəhmətinin, vaxtı düzgün bölüşdürmək qabiliyyətinin, eləcə də özünə inamın, həyatda məqsədli olmasının nəticəsidir. Daha ətraflı »

Tərtərdə “Konstitusiya və Suverenlik İli” çərçivəsində şəhərin Mərkəzi meydanında abadlıq və yaşıllaşdırma işləri həyata keçirilib.
Görülən işlər çərçivəsində meydandakı gecə işıqlandırma dirəkləri rənglənib, dekorativ gül kolları əkilib, ərazinin ümumi abad görünüşünün yaxşılaşdırılması istiqamətində tədbirlər görülüb.
Aparılan abadlıq işləri şəhərin estetik görünüşünün daha da gözəlləşdirilməsinə və sakinlərin istirahəti üçün əlverişli şəraitin yaradılmasına xidmət edir.

Düşənbədə dəfələrlə olarkən ölkənin paytaxtının necə sürətlə inkişaf etdiyini, yeni binaların tikildiyini görürəm. Bütün bunlar bizi dost kimi çox sevindirir. Şəhərsalma sahəsində uğurlar münasibətilə təbrik edirəm və Düşənbənin ildən-ilə gözəlləşdiyinə şadam.

Bu gün, həmçinin Tacikistan ilə Azərbaycan arasında ikitərəfli münasibətlərin ardıcıl inkişafını qeyd etmək istərdim. Onlar qardaşlıq, dostluq, qarşılıqlı dəstəyə əsaslanır və böyük inkişaf potensialına malikdir.

Bugünkü iclasda humanitar sahədə əməkdaşlığın möhkəmləndirilməsi məsələlərinə toxunmaq istərdim. Bu ilin iyununda Laçında “MDB-nin mədəniyyət paytaxtı İli”nin açılış mərasimi keçirildi, Azərbaycanın bu qədim torpağının tarixi, mədəni irsi haqqında məlumat verildi. Tədbirin qonaqları Laçının Ermənistanın 30 illik işğalından azad ediləndən sonra sürətli dirçəlişinin əyani şəkildə şahidi oldular. Tamamilə dağıdılmış şəhər bir neçə il ərzində ən gözəl və yaşayış üçün rahat şəhərlərdən birinə çevrilib;

Birliyin həyatında daha bir mühüm hadisə sentyabrın 28-dən oktyabrın 8-dək qədim Gəncə şəhərində – XII əsrin dahi Azərbaycan şairi və mütəfəkkiri Nizami Gəncəvinin vətənində keçirilən III MDB Oyunları oldu. Gəncə ilə yanaşı, Azərbaycanın daha altı şəhərində – Qəbələ, Göygöl, Yevlax, Mingəçevir, Xankəndi, Şəkidə 13 ölkədən – həm MDB üzvləri olan, həm də qonaq ölkələrdən 1600-dən çox idmançı qəbul edildi. Bu qəbildən tədbirlər MDB məkanında və onun hüdudlarından kənarda dostluğu, əməkdaşlığı möhkəmləndirir, bərabərhüquqlu, qarşılıqlı maraqlara və qarşılıqlı hörmətə əsaslanan münasibətlərin güclənməsinə kömək edir.

Cari ilin oktyabr ayının 10-da Tacikistanın paytaxtı Düşənbədə keçirilən MDB Dövlət Başçıları Şurasının məhdud tərkibdə olan iclas regional əməkdaşlığın yeni mərhələsinə təkan verən mühüm siyasi hadisə kimi yadda qalıb. Görüşdə Müstəqil Dövlətlər Birliyinin üzv ölkələri qarşısında dayanan çağırışlar, təhlükəsizlik, iqtisadi inkişaf, nəqliyyat əlaqələri və humanitar əməkdaşlıq məsələləri müzakirə olunub. İclasda  Dövlətimizi  təmsil edən Möhtərəm Prezidentimiz   İlham Əliyev cənabları çıxışında təşkilatın fəaliyyətinə dair fundamental mövqeyini ifadə edərək regional təhlükəsizliklə bağlı mühüm mesajlar verib.

Müstəqil Dövlətlər Birliyi uzun illərdir ki, postsovet məkanında dövlətlər arasında əməkdaşlığı təmin edən əsas siyasi və iqtisadi platformalardan biri kimi fəaliyyət göstərir. Azərbaycanın bu təşkilatda iştirakı onun regional proseslərdə fəal və müstəqil siyasət yürütməsi ilə sıx bağlıdır. Dövlətimiz Müstəqil Dövlətlər Birliyinin bərabərhüquqlu üzvü kimi təşkilatın bütün formatlarında əməkdaşlığın möhkəmlənməsinə və səmərəli qarşılıqlı fəaliyyətə önəm verir.

İclasda  əsas məqam MDB məkanında təhlükəsizlik və sabitliyin təmin olunması məsələsi idi. Regional sabitlik yalnız beynəlxalq hüququn prinsiplərinə əsaslanan siyasət, qarşılıqlı hörmət və suverenlik prinsiplərinə sadiqlik sayəsində mümkündür. Azərbaycanın beynəlxalq arenada qazandığı təcrübə göstərir ki, sülhün və təhlükəsizliyin möhkəmləndirilməsi üçün dialoq, qarşılıqlı maraqların qorunması və praqmatik yanaşma vacib amillərdir. Daha ətraflı »

Türk Dövlətləri Təşkilatına (TDT) uğurla sədrlik etmiş Qırğız Respublikasına təşəkkürümü bildirirəm. Bu gün Türk Dövlətləri Təşkilatı, sadəcə, əməkdaşlıq platforması deyil, ciddi geosiyasi mərkəzlərdən biri kimi formalaşır. Təşkilatımızın beynəlxalq səviyyədə nüfuzunun artması məmnunluq doğurur. Ortaq tarixi və etnik köklərimiz, müştərək milli-mənəvi dəyərlərimiz bizi bir ailə kimi birləşdirir.

Daxili siyasi və iqtisadi sabitlik, əhəmiyyətli geostrateji mövqe, müsbət demoqrafiya və gənc əhali, nəqliyyat-logistika sahəsində böyük imkanlar, təbii resurslar, habelə hərbi və hərbi-texniki sahədə artan potensial TDT-ni qlobal arenada vacib aktora çevirir.

Sevindirici haldır ki, Türk Dövlətləri Təşkilatının rəsmi Zirvə görüşləri ilə yanaşı, qeyri-rəsmi Zirvə görüşlərinin keçirilməsi artıq ənənəyə çevrilib. Ötən il ilk dəfə Şuşada keçirilmiş qeyri-rəsmi Zirvə Görüşü və bu il Budapeştdə baş tutmuş görüşümüz mühüm qərarlarla yadda qalmışdır; Daha ətraflı »

Türk Dövlətləri Təşkilatı Dövlət Başçılarının XII Zirvə görüşü tarixi əhəmiyyət daşımaqla hazırkı geosiyasi çağırışlar fonunda TDT-nin sülhün və sabitliyin təmin olunmasında birgə səylər göstərmək niyyətini nümayiş etdirir. Zirvə görüşü sadəcə diplomatik protokol deyil, həm də siyasi məna daşıyan bir mesaj idi. Türk dövlətləri artıq mədəni və dil birliyindən çıxaraq, real iqtisadi, siyasi və təhlükəsizlik sisteminə çevrilmək yolundadır. Azərbaycanın xarici siyasətində türk dövlətləri ilə əməkdaşlıq ön sırada durur.

Qəbələdə keçirilən XII Zirvə Görüşündə sədrliyin Qırğızıstandan Azərbaycana keçməsi də ölkənin bu təşkilatdakı liderlik mövqeyinin rəsmi təsdiqidir. Görüşdə səsləndirilən fikirlər bir daha göstərdi ki, artıq Türk Dövlətləri Təşkilatı sadəcə əməkdaşlıq platforması deyil, geosiyasi mərkəzə çevrilmiş strateji güc birliyidir. Prezident İlham Əliyevin Zirvədəki çıxışı türk birliyinin gələcək yol xəritəsini müəyyənləşdirdi. O, açıq şəkildə bildirdi ki, Türk Dövlətləri Təşkilatı regionda sülhün, əməkdaşlığın və sabitliyin əsas dayaqlarından birinə çevrilib. Azərbaycanın Qarabağ zəfərindən sonra türk coğrafiyasındakı nüfuzu təkcə hərbi yox, həm də siyasi reallığa çevrilib. Möhtərəm Prezidentimiz İlham Əliyev cənablarının sözləri ilə desək: “Bu gün Türk Dövlətləri Təşkilatı, sadəcə, əməkdaşlıq platforması deyil, ciddi geosiyasi mərkəzlərdən biri kimi formalaşır.”

2009-cu ildə imzalanan Naxçıvan sazişi Türk Dövlətləri Təşkilatı Türk Dünyası ölkələri arasında əməkdaşlığı dərinləşdirmək məqsədilə qarşısında dayanan vəzifələri reallaşdırmaq istiqamətində uğurlu inkişaf yolu keçib. Azərbaycan həmişə Türk Dünyası ölkələri arasında siyasi, təhlükəsizlik, müdafiə sənayesi, iqtisadi, sosial və mədəni sahələrdə əməkdaşlığın dərinləşdirilməsinin əsas aktoru və hərəkətverici qüvvəsi kimi çıxış edib. Qəbələ Zirvəsi isə bu sənədin ruhuna uyğun olaraq vahid təhlükəsizlik məkanının möhkəmləndirilməsi yolunda mühüm mərhələ oldu. Daha ətraflı »