Tərtər Rayon İcra Hakimiyyətinin, Yeni Azərbaycan Partiyası rayon təşkilatının, Heydər Əliyev Mərkəzinin, Qarabağ və Şərql Zəngəzur Regional Memarlıq və Şəhərsalma Baş İdarəsinin, Qarabağ Gənclər və İdman İdarəsinin birgə təşkilatçılığı ilə mərkəzdə “Milli Liderdən Prezidentə: Qarabağ müasir şəhər və memarlıq konsepsiyası” mövzusunda tədbir keçirilib.
Tədbirdə təşkilatçı idarə və təşkilatların əməkdaşları, ziyalılar, gənclər və ictimaiyyət nümayəndələri iştirak ediblər.
Əvvəlcə Azərbaycan Respublikasının Dövlət Himni səsləndirilib.
Sonra Ulu Öndər Heydər Əliyevin, torpaqlarımızın azadlığı və ərazi bütövlüyümüz uğrunda canlarından keçmiş şəhidlərin əziz xatirəsi bir dəqiqəlik sükutla yad olunub. Daha sonra Qarabağın bərpası, yenidən qurulması və müasir şəhərsalma konsepsiyasına həsr olunmuş videoçarx nümayiş etdirilib.
Tədbiri giriş sözü ilə açan rayon icra hakimiyyəti başçısı aparatında İctimai-siyasi və humanitar məsələlər sektorunun müdiri Zabil Paşayev bildirib ki,”Milli Liderdən Prezidentə: Qarabağ müasir şəhər və memarlıq konsepsiyası” ifadəsi Ümummilli Lider Heydər Əliyevin əsasını qoyduğu milli dövlətçilik fəlsəfəsinin Prezident İlham Əliyev tərəfindən işğaldan azad edilmiş ərazilərdə yeni, qlobal səviyyəli bir şəhərsalma modelinə çevrilməsini ifadə edir. Azərbaycan Respublikası Prezidentinin sərəncamı ilə 2026-cı ilin “Şəhərsalma və Memarlıq İli” elan edilməsi və Bakı şəhərinin BMT-nin 13-cü Dünya Şəhərsalma Forumuna (WU-F13) ev sahibliyi etməsi, Qarabağda tətbiq olunan bu müasir konsepsiyanın dünya miqyasında qəbul olunduğunu təsdiqləyir.
Çıxışda vurğulanıb ki, Prezident İlham Əliyevin rəhbərliyi ilə işğaldan azad edilmiş ərazilərdə “ağıllı şəhər” və “ağıllı kənd” konsepsiyaları əsasında genişmiqyaslı quruculuq işləri həyata keçirilir. Şuşa, Ağdam, Füzuli, Zəngilan, Laçın və digər yaşayış məntəqələrində milli memarlıq ənənələri ilə müasir şəhərsalma prinsiplərinin vəhdəti təmin olunur. Tarixi irsin qorunması, ekoloji tarazlığın saxlanılması və müasir infrastrukturun qurulması dövlət siyasətinin əsas istiqamətlərindən biridir.
Sonra YAP rayon təşkilatının əməkdaşı Gündüz Alıkişiyev, Heydər Əliyev Mərkəzinin direktoru Səlimə Yusibova, Qarabağ və Şərql Zəngəzur Regional Memarlıq və Şəhərsalma Baş İdarəsinin əməkdaşı Camal Hacıyev, Qarabağ Gənclər və İdman İdarəsinin sektor müdiri Orxan Fəxrəddinov,Tarix-diyarşünaslıq muzeyinin direktoru Aybəniz Şahbazi mövzu ilə bağlı çıxış ediblər.Çıxışlarda qeyd olunub ki,, Ulu Öndər Heydər Əliyev Azərbaycan dövlətçiliyinin memarı olduğu kimi, Prezident İlham Əliyev də Qarabağın yeni inkişaf modelinin müəllifidir. Onun sözlərinə görə, azad edilmiş ərazilərdə aparılan bərpa-quruculuq işləri ölkəmizin iqtisadi gücünü, xalqımızın iradəsini və milli həmrəyliyini nümayiş etdirir.
Qarabağda həyata keçirilən layihələr yalnız infrastrukturun bərpası deyil, eyni zamanda milli-mənəvi dəyərlərimizin, tarixi yaddaşımızın və memarlıq ənənələrimizin yenidən dirçəldilməsidir. Qeyd olunub ki, bu möhtəşəm quruculuq prosesi gələcək nəsillərə güclü və müasir Azərbaycan mirası ötürür.
Sonda tədbir iştirakçıları Prezident İlham Əliyevin rəhbərliyi ilə Qarabağ və Şərqi Zəngəzurda həyata keçirilən genişmiqyaslı tikinti və abadlıq işlərinin Azərbaycanın davamlı inkişafının, milli dövlətçilik ənənələrinin və müasir memarlıq düşüncəsinin parlaq təcəssümü olduğunu vurğulayıblar.

Bir neçə gündən sonra Azərbaycanda Müstəqillik Günü qeyd olunacaq. Müsəlman Şərqində ilk dünyəvi demokratik dövlət olan Azərbaycan Xalq Cümhuriyyətinin (AXC) yaranmasından 108 il ötür. Bu bayram artıq altıncı ildir ki, işğaldan azad edilən ərazilərdə də qeyd olunur.
1917-ci ildə Rusiyada baş vermiş Fevral inqilabı nəticəsində Çar İmperiyasının süqutu ilə ölkədə çarizmin məzlum vəziyyətə saldığı xalqların milli hərəkatı başlanıb. 1918-ci il mayın 28-də Azərbaycan Xalq Cümhuriyyəti (1918-1920) – müsəlman Şərqində ilk dünyəvi demokratik dövlət yaradılıb. Məhəmməd Əmin Rəsulzadə tərəfindən əsası qoyulan Azərbaycan Xalq Cümhuriyyəti türk və İslam dünyasında ilk parlamentli respublika, ilk demokratik, hüquqi, dünyəvi dövlət nümunəsi idi. Azərbaycan müvəqqəti hökumətinin ilk başçısı isə Fətəli Xan Xoyski olub. Milli Şura 10 gün Tiflisdə fəaliyyət göstərdikdən sonra Gəncəyə köçürülüb. Yalnız 1918-ci il sentyabrın 15-də Qafqaz İslam Ordusu Bakını daşnakrus qüvvələrindən təmizlədikdən sonra milli hökumət Gəncədən Bakıya köçüb.
Müstəqil Azərbaycan Cümhuriyyəti 23 aylıq mövcudluğu ərzində böyük nailiyyətlər və qalibiyyətlər əldə edib. Qadınlara ilk dəfə seçki hüququnun verildiyi və qadın-kişi bərabərliyi təmin edildiyi Cümhuriyyətdə milli ordu quruculuğu, Milli Bankın yaradılması və milli valyutanın tətbiqi, demokratikləşmə, azad seçkilərin təşkili istiqamətində son dərəcə mühüm addımlar atıldı. Eyni zamanda, beynəlxalq əlaqələrin qurulması və beynəlxalq ictimaiyyət tərəfindən Azərbaycan istiqlalının defakto tanınması, Azərbaycanın bütövlüyünü təmin etmək, iqtisadi islahatların həyata keçirilməsi və sair işlər müstəqil Azərbaycan Cümhuriyyətinin tarixi uğurları idi.
Azərbaycan Xalq Cümhuriyyətini (AXC) rəsmən tanıyan ilk dövlət Osmanlı İmperiyası olub (4 iyun 1918-ci il).
1918-ci il noyabrın 9-da M.Ə.Rəsulzadənin təklifi əsasında AXC-nin üçrəngli dövlət bayrağı qəbul edilib. O zamana qədər Cümhuriyyətin bayrağı yalnız qırmızı rəngdə idi.
AXC gərgin və mürəkkəb ictimai-siyasi şəraitdə öz mövcudluğunu cəmi 23 ay qoruya bildi. Təəssüf ki, müstəqil Azərbaycan Cümhuriyyəti iki yaşına çatmadan bolşevik Rusiyasının işğalına məruz qalaraq, dünyanın siyasi xəritəsindəki yerini müvəqqəti itirdi. Sovet Rusiyası Azərbaycanı məcburi surətdə öz tərkibinə daxil etdi. Bolşeviklər tərəfindən devrilməsinə baxmayaraq, istiqlal ideyası heç vaxt yenilmədi və 1991-ci ildə sovet imperiyasının dağılması ilə Azərbaycan yenidən öz müstəqilliyini bərpa etdi.
Bakıda Azərbaycan Xalq Cümhuriyyətinin şərəfinə İstiqlal bəyannaməsi abidəsi ucaldılıb.
Müstəqillik Günü 1991-ci ildən 2021-ci ilədək Respublika Günü adlandırılıb. Milli Məclisin 15 oktyabr 2021-ci il tarixli plenar iclasında isə “Müstəqillik Günü haqqında” yeni qanun qəbul edilib. Elə həmin gün Prezident İlham Əliyev tərəfindən “Müstəqillik Günü haqqında” qanun təsdiqlənib.
Qanunun təsdiqlənməsi ilə 28 May – Respublika Gününün adı dəyişdirilərək Müstəqillik Günü elan edilib. Beləliklə, həmin qanun təsdiq edildikdən sonra artıq beşinci dəfədir, Azərbaycan Müstəqillik Gününü qeyd edir.
Azərbaycanda Müstəqillik Günü qeyri iş günüdür və hər il bayram kimi qeyd olunur.
Tərtərlilər də hər il Müstəqillik Gününü böyük coşqu ilə qeyd edirlər. Rəsmi tədbirlər keçirilir, sərgilər, yarışlar, bayram konsertləri təşkil olunur.
Ulu Öndər Heydər Əliyevin titanik faəliyyəti nəticəsində Azərbaycanın əldə etdiyi müstəqillik əbədi oldu. Bu siyasəti uğurla davam etdirən Prezident İlham Əliyevin rəhbərliyi altında Şanlı Azərbaycan Ordusu torpaqlarımızı işğaldan azad edərək, suverenliyimizi, əarzi bütövlüyümüzü tam bərpa etdi.
İndi 1918-ci ildə qəbul edilən üçrəngli bayrağımız Azərbaycanın hər bir guşəsində, o cümlədən Qarabağda, Şərqi Zəngəzurda qürurla dal-ğalanır. Müstəqilliyimiz, suverenliyimiz, bayrağımız uğrunda qanını, canını qurban verən Vətən övladlarının xatirəsi bu xalqın yaddaşında əbədi yaşayır və yaşayacaq.

Ümummilli Lider Heydər Əliyevin xatirəsinə həsr olunmuş “Bakı-Xankəndi” Azərbaycan beynəlxalq velosiped yarışının həlledici 5-ci mərhələsi mayın 14-də qəhrəman Tərtər rayonundan start götürüb.
Tərtər şəhərinin Heydər Əliyev prospektində, Mərkəzi Meydanda yarışın açılış və start mərasimi keçirilib. Tədbirdə Tərtər Rayon İcra Hakimiyyətinin başçısı Müstəqim Məmmədov, məhkəmə və hüquq-mühafizə orqanlarının rəhbərləri, idarə, müəssisə, təşkilatların kollektivləri, təhsil, səhiyyə, mədəniyyət işçiləri, gənclər və çoxsaylı rayon sakinləri iştirak ediblər.
Rayon İcra Hakimiyyətinin başçısı Müstəqim Məmmədovun verdiyi start siqnalı ilə velosipedçilər prospekt boyunca hərəkətə başlayıblar. Beynəlxalq Velosipedçilər İttifaqının (UCI) təqviminə daxil edilmiş bu mötəbər yarışın beşinci günü ümumi məsafəsi 181,3 km olan Tərtər-Füzuli-Şuşa-Xankəndi marşrutu üzrə təşkil olunub.
Marşrut boyunca rayon sakinləri, xüsusilə məktəblilər və gənclər idmançıları yüksək əhval-ruhiyyə və sevinc dolu şüarlarla qarşılayıb, onlara dəstək nümayiş etdiriblər. Beynəlxalq idman yarışı rayon sakinləri və qonaqlar tərəfindən böyük maraqla izlənilib.
Qeyd edək ki, UCI-nin 2.1 kateqoriyalı, 5 mərhələdən ibarət “Bakı–Xankəndi” velosiped turunda dünyanın 20 ölkəsini təmsil edən 24 komanda birincilik uğrunda mübarizə aparır. Turnirin möhtəşəm finalı və qaliblərin mükafatlandırılması Xankəndi şəhərində baş tutacaqdır.

Tərtər Rayon İcra Hakimiyyətinin, YAP rayon təşkilatının və Qarabağ Regional Mədəniyyət İdarəsinin Tərtər nümayəndəliyinin birgə təşkilatçılığı ilə 15 May – Beynəlxalq Ailə Günü münasibətilə rayonda “Ailəmiz ən güclü dəyərimizdir” mövzusunda maarifləndirici tədbir keçirilib.Tədbirdə rayon icra hakimiyyətinin, YAP rayon təşkilatının, rayon Ağsaqqallar şurasının və İctimai Şuranın üzvləri, səhiyyə, mədəniyyət və təhsil işçiləri, gənc ailələr və ziyalılar iştirak ediblər.
Əvvəlcə Azərbaycan xalqının Ümummilli Lideri Heydər Əliyevin, eləcə də Vətən uğrunda canlarını fəda etmiş şəhidlərin əziz xatirəsi bir dəqiqəlik sükutla yad olunub.
Rayon İcra Hakimiyyəti başçısı aparatında İctimai-siyasi və humanitar məsələlər sektorunun baş məsləhətçisi Svetlana Əzizova çıxış edərək bildirib ki, ailə cəmiyyətin təməl sütunu, milli-mənəvi dəyərlərimizin qorunduğu ən müqəddəs ocaqdır. Qeyd olunub ki, ölkəmizdə ailə institutunun möhkəmləndirilməsi, milli dəyərlərin gələcək nəsillərə ötürülməsi dövlət siyasətinin prioritet istiqamətlərin-dən biridir və respublika Prezidenti cənab İlham Əliyev və Birinci vitse-prezident Mehriban xanım Əliyeva tərəfindən ailə dəyərlərinin qorunmasına xüsusi diqqət göstərilir.
Sonra rayon icra hakimiyyəti yanında fəaliyyət göstərən İctimai Şuranın sədri Svetlana Bağırova, Yeni Azərbaycan Partiyası rayon təşkilatının əməkdaşı Gündüz Alıkişiyev, rayonun sayılıb-seçilən ağbirçəklərindən olan Sofiya Həsənova, rayon mərkəzi xəstəxanasında Ailə və Sağlamlıq Mərkəzinin şöbə müdiri Şəfaqət Əzimova, rayon Mədəniyyət Mərkəzinin Kitabişləmə şöbəsinin mütəxəssisi Məhsəti Səmədova və Tərtər Peşə Məktəbinin psixoloqu Altunə Bayramova çıxış ediblər.
Çıxışçılar ailənin cəmiyyətdə sabitliyin, qarşılıqlı hörmətin və sağlam münasibətlərin əsasını təşkil etməsindən, güclü ailələrin güclü cə-miyyətin formalaşmasında mühüm rol oynadığından, ailə institutunun möhkəmləndirilməsinin dövlətin diqqət mərkəzində olmasından, milli-mənəvi dəyərlərimizin qorunmasının hər bir vətəndaşın mənəvi borcu olmasından, ailədaxili münasibətlərdə qar-şılıqlı hörmətin, hüquq və vəzifələrin düzgün dərk edilməsinin vacibliyindən, sağlam ailə mühitinin cəmiyyətdə hüquq pozuntularının azalmasına və ictimai təhlükəsizliyin təmin olunmasına mühüm töhfə verməsindən, ailədə sağlam həyat tərzinin təşviqinin vacibliyindən, valideynlərin övladlarının fiziki və psixoloji sağlamlığına diqqətlə yanaşmasının gələcək nəslin sağlam böyüməsində mühüm rol oynamasından, Azərbaycan xalqının zəngin ailə ənənələrindən, adət-ənənələrimizin və milli dəyərlərimizin qorunub yaşadılmasının əhəmiyyətindən bəhs ediblər.
Qeyd olunub ki, Azərbaycan ailəsi tarix boyu öz möhkəmliyi, böyüyə hörmət, kiçiyə qayğı prinsipləri ilə seçilib və ailədə tərbiyə olunan milli-mənəvi dəyərlər xalqımızın gələcəyinin etibarlı təminatıdır. Ailə sevgi, sədaqət, qarşılıqlı anlayış və fədakarlıq üzərində qurulur, ailədə hökm sürən mehribanlıq və birlik övladların sağlam ruhda böyüməsinə və cəmiyyətə layiqli vətəndaş kimi yetişməsinə şərait yaradır. Ailə milli kimliyimizin formalaşmasında və mədəni irsimizin nəsildən-nəslə ötürülməsində mühüm rol oynayır. Ailə cəmiy-yətin mənəvi dayağı, sevgi və etibar mənbəyidir. Güclü ailələrin formalaşması sağlam və inkişaf etmiş cəmiyyətin əsas şərtlərindən biridir.
Sonda iştirakçılar Beynəlxalq Ailə Gününün əhəmiyyətini vurğulayaraq, milli ailə dəyərlərimizin qorunmasının və gələcək nəsillərə çatdırılmasının hər birimizin müqəddəs borcu olduğunu bildiriblər.

1 İyun bütün dünyada Uşaqların Beynəlxalq Müdafiəsi Günü kimi qeyd olunur. Bu, təsadüfi deyil, çünki müasir dövrdə uşaqların problemlərinin həlli, onların hüquqlarının qorunması ən aktual məsələlərdən biridir. 1950-ci il iyunun 1-də Birləşmiş Millətlər Təşkilatının Baş Assambleyasının təşkilatçılığı ilə keçirilən Qadınların Beynəlxalq Konfransında iyunun 1-ni uşaqların müdafiəsinə həsr etmək qərara alınıb. Bundan sonra həmin gün uşaqların beynəlxalq müdafiəsi günü kimi tarixə düşüb.
Bu gün, dünyanın əksər ölkələrində olduğu kimi, Azərbaycanda da qeyd edilir. Uşaqların yüksək qayğı ilə əhatə olunması, əlverişlı mənəvi və sosial mühitdə böyüməsi üçün zəruri şəraitin yaradılması, onların şəxsiyyət kimi formalaşması əsası ümummilli lider Heydər Əliyev tərəfindən qoyulmuş dövlət uşaq siyasətinin prioritet istiqamətlərindən birini təşkil edir. Ümummilli lider Heydər Əliyev uşaq hüquqlarının müdafiəsi məqsədilə 1998-ci il avqustun 24-də “Uşaq hüquqları haqqında” Azərbaycan Respublikasının Qanununun təsdiqi ilə bağlı xüsusi fərman imzalamışdır. Qanunda uşaqların hüquq bərabərliyi, vicdan, söz və məlumat azadlığı, yaşamaq və inkişaf etmək, tərbiyə almaq, şərəf və ləyaqətinin müdafiəsi hüquqları da xüsusi vurğulanır. Bugün Ulu Öndərin siyasi xəttini uğurla davam etdirən Azərbaycan Respublikasının Prezidenti cənab İlham Əliyev uşaq dövlət siyasəti ilə bağlı silsilə fərman və sərəncamlar imzalamışdır. Daha ətraflı »

Məryəm Cavadova Böyük Vətən müharibəsi və sonrakı bərpa illərində rayonumuzda ən məşhur adamlardan biri sayılırdı. Daim kişilərlə çiyin-çiyinə çalışan, müxtəlif ali məclislərdə respublika və ümum-ittifaq səviyyəsində Tərtəri təmsil edən bu qadının elə özündə də kişi xüsusiyyətləri üstünlük təçkil edirdi. Mən onun haqqında yazmaq istəyəndə bütün tərcümeyi-hal xarakterli faktları əldə etmişdim.
Öyrənmişdim ki, Məryəm xanım 1912-ci ildə Tərtər rayonunun Qazyan kəndində anadan olmuşdur. Kənddə ibtidai məktəbi, sonra Bakıda pedaqoji texnikumu bitirmişdi.
Əmək fəaliyyətinə 1933-cü ildən Köçərli kəndindəki uşaq bağçasında tərbiyəçi kimi başlamış, elə bu kənddə də ailə qurub, isti, meh-riban bir ocağın sahibi olmuşdur. Böyük Vətən müharibəsi illərində Məryəm yaşadığı kənddə kolxoz sədri seçilmişdir.
Onu tanıyanların hamısı bu qadının çox təzadlı, tərs xasiyyəti olduğunu, eyni zamanda insanları dolandırmağı bacardığını söyləyirlər. Amma təsadüf nəticəsində Məryəm xanım haqqında əsl həqiqətləri onu yaxından tanıyan, hətta biraz qohumluq əlaqələri olan texnika elmləri doktoru mərhum Rasim Axundovdan öyrəndim. Rasim müəllim redaksiyamızın qonağı idi. Vaxtilə yaşadığı Azadqaraqoyunlu kəndin-dən, bu kəndin insanlarından danışırdıq. Yaddaşında iz qoymuş şəxsiyyətlər arasında kolxoz sədri Məryəmin də adını çəkdi. Rasim müəllimin dediklərindən:
– Müharibə illəri və bundan sonrakı bərpa dövrü, üstəlik də o rejmin sərt qanunları nəinki kişiləri, hətta qadınları da olduqca sərt-ləşdirirdi. Həddindən artıq tələbkarlıq, güzəştə getməmək– bunlar o zamanın tələbləri idi. Məryəm də belə idi. Onu at belində uzaqdan görən insanlar özlərini yığışdırırdılar. Bəzən bunlar çətinliklərdən doymuş insanları bezdirirdi: Məhz belə anların birində Məryəmi tüfənglə atmışdılar.
Rasim müəllimin dediyinə görə, gülləni onun ürəyinə tuşlamışdılar, amma sol qoluna dəyib dağıtmışdı. O zaman Azadqaraqoyunluda həkim işləyən Fərrux bəy kənd şəraiti olmasına baxmayaraq, Məryəmin qolunu müalicə edir, sonra isə onu əməlli-başlı danlayır:
–Belə olmaz axı, ay Məryəm! Pambığı da yığmalıyıq, taxılı da sonuncu dəninə qədər dövlətə təhvil verməliyik, amma unutmayaq ki, biz hər şeydən əvvəl insanıq və hər birimizin ürəyi var. Sən adamlara yaxşılıq etmək istəyirsən, onların dolanışığını təmin etməyə çalışırsan, amma bundan ötrü çoxlarının qəlbinə dəyirsən. Vaxt keçəcək, sənin qolunun yarası sağalacaq, amma kobud sözlərinlə, hərəkətlərinlə adamların ürəyinə vurduğun yara sağalmayacaq.
Bu sözlərindən sonra Fərrux bəy gözləyirdi ki, Məryəm ondan inciyəcək və birdəfəlik çıxıb gedəcəkdir. Amma əksinə oldu. Səmimi sözlərilə həkim Məryəmin ürəyində gizlətdiyi hissləri oyatmışdı. Məryəm yuxudan qəfil diksinib qalxan adamlara oxşayırdı. Uzun illər ərzində qazandığı şanşöhrət, müxtəlif adlar, vəzifəli adamlarla oturub-durması, bütün bunlar onu xoşbəxt etmişdirmi? Birdən yeganə övaldı olan Minayə yadına düşdü, qeyri-ixtiyari səsləndi:
–Fərrux bəy, mən sizinlə qohum olmaq istəyirəm.
Deyilənə görə, sonralar o, həkimin oğlu Səlimi qucağına alaraq onlarla kirvə olmuşdur.

Svetlana Bağırova

Əhalinin məşğulluğunun təmin
edilməsində sahibkarlığın rolu

Müzəffər Ali Baş Komandan, Azərbaycan Respublikasının Prezidenti İlham Əliyev Ulu Öndər Heydər Əliyev haqqında deyib: “Heydər Əliyev öz xalqını zamanın mürəkkəb tarixi-siyasi sınaqlarından uğurla çıxarmış və ardıcıl mübarizə apararaq onu müstəqilliyə qovuşdurmuş qüdrətli şəxsiyyətdir. Azərbaycan xalqı yeni əsrə və yeni minilliyə məhz Heydər Əliyev zəkasının işığında qədəm qoymuşdur. Davamlı yüksəliş yolunda inamla irəliləyən müasir Azərbaycan Heydər Əliyevin həyat amalının təntənəsidir”
Ölkəmizdə sahibkarlığın dinamik inkişafının təməlində də Heydər Əliyev ideyaları dayanır.
“İqtisadiyyatı güclü olan dövlət hər şeyə qadirdir” prinsipinə əsaslanan Ulu Öndərin uzaqgörən siyasəti nəticəsində bir ictimai-iqtisadi sistemdən digərinə, iflasa uğramış sosializmdən bazar iqtisadiyyatı normalarına və çoxmülkiyyətçiliyə əsaslanan sistemə keçid təmin edilib. Xüsusi mülkiyyətə geniş meydan açılması, sənaye və xidmət müəssisələrinin özəlləşdirilməsi, aqrar islahatlar və digər çox çətin vəzifələrin yerinə yetirilməsi Heydər Əliyevin adı ilə bağlıdır.
“Sahibkarlığın inkişaf etdirilməsi, sərbəst iqtisadiyyata yol verilməsi, bazar iqtisadiyyatının yaradılması bizim strateji yolumuzdur” deyən Heydər Əliyev ölkənin gələcək iqtisadi inkişafının məhz özəl sektorla bağlı olduğunu vurğulayırdı. Daha ətraflı »

Mingəçevir Dövlət Universitetinin beynəlxalq əlaqələrin genişləndirilməsi və tələbələrin inkişafına yönəlmiş təşəbbüslər çərçivəsində Səmərqənd Dövlət Universitetində təşkil olunan Beynəlxalq təcrübə proqramında iştirak etmək imkanı qazandım. Bu səfər həm elmi, həm də şəxsi inkişaf baxımından olduqca dəyərli və yadda qalan bir təcrübə oldu.
Mingəçevir Dövlət Universiteti ilə Səmərqənd Dövlət Universiteti arasında imzalanmış qarşılıqlı akademik əməkdaşlıq memorandumuna əsasən, 2026-cı ilin 20–23 aprel tarixlərində universitetin bir müəllim və bir tələbədən ibarət nümayəndə heyəti Səmərqənd şəhərinə səfər etdi. Nümayəndə heyətində Mingəçevir Dövlət Universitetinin Fizika və ekologiya kafedrasının müəllimi Şəbnəm İslamova və Ömürboyu Təhsil Məktəbinin “Turizm işinin təşkili” ixtisası üzrə V kurs tələbəsi kimi mən iştirak edirdim. Daha ətraflı »

Tərtər Rayon İcra Hakimiyyətinin başçısı Müstəqim Məmmədov YAP rayon təşkilatının sədri Eldar Əsədovla birlikdə Birinci Qarabağ müharibəsi şəhidi Əsədov Mahir Yelmar oğlunun anası Əsədova Zelimə Fərman qızının yas mərasimində iştrak edib. O, mərhumənin yaxınlarına dərin hüznlə başsağlığı verib.

Qeyd edək ki, Əsədov Mahir Yelmar oğlu 1976-cı il yanvar ayının 15-də Tərtər rayonunda anadan olub. Qarabağ müharibəsi başlayan zaman könüllü olaraq milli ordu sıralarına qoşulub, ağır və şərəfli döyüş yolu keçib. O, 1993-cü il iyul ayının 22-də Ağdərə rayonunda gedən döyüşlər zamanı artilleriya atəşi nəticəsində şəhid olub. Şəhid Tərtər şəhər qəbiristanlığında dəfn edilib və yaşadığı küçə onun adını daşıyır.

Şəhidin ailə üzvləri onlara göstərilən yüksək diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya dərin minnətdarlıqlarını bildiriblər.

Prezident İlham Əliyevin tapşırıq və tövsiyələrinə uyğun olaraq, son illər ölkəmizdə kənd təsərrüfatının ənənəvi və ixracyönümlü sahələrindən olan baramaçılığın inkişafı istiqamətində mühüm işlər görülür. Respublikamızın digər bölgələrində olduğu kimi, Tərtər rayonunda da baramaçılığın keçmiş şöhrətinin qaytarılması istiqamətində mühüm addımlar atılır, ipəkçiliyin müasir infrastrukturu yaradılır və yeni tut bağları salınır.

Rayonda bu sahədə dinamik artım müşahidə olunmaqdadır. Belə ki, ötən il Tərtər rayonunda 6,5 ton barama istehsal edildiyi halda, bu il 12 tona yaxın yaş barama istehsalı nəzərdə tutulub. Bu məqsədlə Qax Damazlıq İpəkçilik Stansiyasından 300 qutu barama qurdu gətirilərək artıq kümçülərə təhvil verilib. Hazırlıq prosesi çərçivəsində rayonun yaşayış məntəqələrində fəaliyyət göstərən kümçülərə mütəxəssislər tərəfindən kümxanaların hazırlanması ilə bağlı müvafiq təlimatlar verilib, həmçinin ipəkqurdunun aqrotexniki qaydada bəslənməsi üçün maarifləndirici bukletlər paylanılıb.

Rayon ərazisindəki mövcud və yeni əkilən tut ağacları, əhalinin baramaçılıq sahəsindəki zəngin təcrübəsi və bu sahənin yüksək gəlirliliyi yaxın gələcəkdə barama istehsalını dəfələrlə artırmağa geniş imkanlar açır.