Dekabrda doğulan tərtərli Vətən Müharibəsi şəhidləri

                                                             MƏHƏRZADƏ TALEH OQTAY OĞLU
Taleh Məhərzadə 10.12.1995-ci ildə Tərtər rayonunun Qaynaq kəndində anadan olub.
Azərbaycan Ordusunun müddətdən artıq hərbi qulluqçusu Taleh Məhərzadə Vətən müharibəsi zamanı Talış kəndinin azadlığı uğrunda gedən döyüşlərdə savaşıb. Sentyabrın 28-də Talış kəndi istiqamətində şəhid olub. Tərtər rayonunun Qaynaq kəndində dəfn olunub.
Azərbaycan Prezidenti İlham Əliyevin müvafiq Sərəncamlarına əsasən Taleh Məhərzadə ölümündən sonra “Vətən uğrunda”, “Suqovuşanın azad olunmasına görə” və “Laçının azad olunmasına görə” medalları ilə təltif edilib.
                                                                       QASIMOV AZƏR YAQUB OĞLU
Azər Qasımov 1979-cu il dekabr ayının 2-də Tərtər rayonunun Yenikənd kəndində anadan olub.
Vətən müharibəsi zamanı Suqovuşanın azadlığı uğrunda gedən döyüşlərdə savaşıb. Azər Qasımov oktyabrın 29-da Ağdərə istiqamətində şəhid olub. Tərtər rayonunun Yenikənd kəndində dəfn olunub.
Azərbaycan Prezidenti İlham Əliyevin müvafiq Sərəncamlarına əsasən Azər Qasımov sağlığında “Azərbaycan Ordusunun 100 illiyi (1918–2018)”, ölümündən sonra “Vətən uğrunda” və “Cəsur döyüşçü”, “Suqovuşanın azad olunmasına görə” medalları ilə təltif edilib.
Ailəli idi, 4 övladı yadigar qalıb.
                                                                 SABİRLİ ƏJDƏR XANLAR OĞLU
Əjdər Sabirli 1996-cı ilin dekabr ayının 22-də Tərtər rayonunun Hacallı kəndində anadan olub.
Vətən müharibəsi zamanı Suqovuşanın azadlığı uğrunda gedən döyüşlərdə savaşıb. Əjdər Sabirli oktyabrın 11-da Talış kəndi istiqamətində şəhid olub. Tərtər rayonunun Soyulan kəndində dəfn olunub. Daha ətraflı »

Həsənli Zərimxan Rafiq oğlunun ailəsi erməni işğalı nəticəsində Kəlbəcər rayonundan məcburi köçkün düşüb. Əvvəlcə Mingəçevirdə, sonra isə Tərtər rayonunun Bəyimsarov kəndində məskunlaşıblar. Elə orta məktəbə də Zərimxan bu kənddə gedib. 2019-cu ildə XI sinfi bitirib, 2020-ci ilin yanvarında isə müddətli həqiqi hərbi xidmətə yollanıb. Əvvəl Ağcabədidə, sonra isə Beyləqanda xidmət edib.
Müharibə başlayanda, ailəsi 4 gün Zərimxanla əlaqə saxlaya bilməyib. Sonra anası Afilə xanımla danışıb. Anasının həyəcanla dediyi “özünü qoru!” sözlərinə gülə-gülə cavab verib və sevinə-sevinə bildirib ki, artıq bir neçə kəndimizi düşməndən təmizləmişik.
Oktyabrın 8-də ailəsi ilə son danışığı olub və deyib: “Torpaqlarımızı azad edək, şəhid olsam, ruhum da inciməz”.
Afilə xanım deyir:
–Zərimxan üç övladımızın ortancılıydı. Bir qardaş, iki bacı olublar. Biz həmişə Zərimxanla fəxr etmişik, indi də fəxr edirik. Daha ətraflı »

Hüseynzadə Elgiz İbrahim oğlu 28.10.2001-ci ildə Tərtər rayonunun Bəyimsarov kəndində anadan olub, elə doğum tarixində, 29.10.2020-ci ildə 19 yaşında doğma torpağa tapşırılıb.
Ailə Kəlbəcərin Təkəqaya kəndindən məcburi köçkün düşüb. Erməni təcavüzü nəticəsində ev-eşiklərini qoyub Bəyimsarov kəndində məskunlaşıblar. Elgiz bu kənddə anadan olub. Ailədə 5 bacı, 2 qardaş olublar. Evin sonbeşiyi olsa da, uşaqlıqdan daim valideynlərinə kömək etməyə çalışırdı.
O, 64 saylı Kəlbəcər kənd tam orta məktəbinin məzunudur.
Elgiz Hüseynzadə Vətən müharibəsi başlayan zaman Füzuli rayonunun işğaldan azad edilməsi uğrunda aparılan döyüşlərdə şücaət göstərib.
Xüsusi təyinatlılarda döyüşürdü. O, oktyabrın 22-də şəhidlik zirvəsinə ucalıb, bir müddət nəşi tapılmayıb, oktyabrın 29-da dünyaya göz açdığı Bəyimsarov kəndində dəfn edilib.
Azərbaycan Respublikasının Prezidenti İlham Əliyevin müvafiq Sərəncamları ilə Elgiz Hüseynzadə ölümündən sonra “Füzulinin azad olunmasına görə”, “Vətən uğrunda” medalları ilə təltif olunub.

Svetlana Bağırovanın “Tərtərin tarix yazan oğulları” kitabından

Tərtər Rayon İcra Hakimiyyətinin başçısı Müstəqim Məmmədov hüquq mühafizə orqanlarının rəhbərləri, Yeni Azərbaycan Partiyasının  sədri və Tərtər Cümə Məscidinin imamı ilə birgə Vətən müharibəsi  şəhidi, tibb xidməti leytenantı Aysənan Abbasovun ikinci ildönümü ilə əlaqədar ailəsini ziyarət edib, onlara başsağlığı verib.

Abbasov Aysənan 29 iyun 1992-ci ildə Tərtər rayonunun Seydimli kəndində dünyaya göz açıb. 2010-cu ildə Şəhid Fəxrəddin Orucov adına Seydimli kənd tam orta məktəbini bitirib. Aysənan uşaqlıqdan hərbçi olmaq, Vətənin müdafiəsində birbaşa iştirak etmək arzusunda olubdur. 2011-ci ildə hərbi xidmətə gedib, 2012-ci ildə təxris olunub. Aysənan torpaqlarımızın işğal altında qalması ilə heç cür barışa bilmirdi. Bu səbəbdən 2012-ci ildə MAHHXQ olaraq hərbi xidmətini davam etdirib. O, istər həqiqi, istərsə də müddətdən artıq hərbi xidməti dövründə dəfələrlə komandanlıq tərəfindən tərifnamələrə və digər təltiflərə layiq görülmüşdür. Aysənan kəşfiyyatçı kimi 2016-cı ilin aprel döyüşlərində də ona verilmiş bütün tapşırıqları ləyaqətlə yerinə yetirib.

Vətən Müharibəsi başlayanda igid əsgər kəşfiyyatçı-istehkamçı kimi xidmət edirdi. O, dəfələrlə düşmən ordusunun arxasına keçərək olduqca vacib məlumatlar əldə etmişdir.  Döyüş yoldaşları onun heç nədən qorxmadığını söyləyirlər.

Aysənan 2020-ci il sentyabrın 27-də başlayan Vətən müharibəsində iştirak edib və sentyabrın 29-da Murovdağ istiqamətində gedən şiddətli döyüşlərin birində erməni terrorçusu ilə səngərdə əlbəyaxa döyüş zamanı mənfur düşmənin arxadan snayperdən atdığı gülləyə tuş gəlib, ən yüksək zirvəyə – Şəhidlik zirvəsinə ucalıb. Daha ətraflı »

Kəşfiyyatçı Elşadın ailəsində olub, qayğıları ilə maraqlanıblar

Tərtər Rayon İcra Haki-miyyətinin başçısı Müstəqim Məmmədov hüquq mühafizə orqanlarının rəhbərləri, YAP rayon təşkilatının və Ağsaqqallar Şurasının sədrləri ilə birlikdə Zolgəran kəndində 3-cü dərəcəli Vətən müharibəsi əlili Elşad Orucovun ailəsi ilə görüşüb, onların qayğıları ilə maraqlanıb.
Rayon rəhbəri Azərbaycan Ordusunun Müzəffər Ali Baş Komandanı cənab İlham Əliyevin rəhbərliyi altında 44 günlük Vətən müharibəsində Elşad kimi igid oğulların sayəsində qələbə çaldığını bildirib. Onun Vətən, ərazi bütövlüyümüzün bərpası yolunda yaralanaraq öz sağlamlığını itirdiyini deyib.
Qeyd edək ki, “N” saylı əlahiddə kəşfiyyat taborunun müddətdən artıq xidmət keçən hərbi qulluqçusu Elşad Orucov Talış-Suqovuşan və Murovdağ istiqamətlərində gedən döyüşlərdə iştirak edib. Azərbaycan Respublikası Prezidenti cənab İlham Əliyevin müvafiq Sərəncamları ilə “Suqovuşanın azad olunmasına görə”, “Hərbi xidmətlərə görə” və Azərbaycan Respublikasının Baş naziri Əli Əsədovun Sərəncamı ilə “Vətən müharibəsi iştirakçısı” medalları ilə təltif olunub.
Onun xoşbəxt ailəsi, 2 övladı var.
Qazi şəhid ailələrinə və qazilərə göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlığını bildirib.

Vətən müharibəsi başlayanda oğlum Azər Qasımov müddətdən artıq hərbi qulluqçu kimi Azərbaycan Ordusunda xidmət edirdi. Dörd övladını, ailəsini mənə tapşırıb getmişdi. Demişdi ki, narahat olma, ana, biz düşməndən intiqamımızı alacağıq.
O, dediyi kimi də etdi, ancaq özü geri dönmədi, şəhidlik zirvəsinə ucaldı.
Bu gün Azər övladlarının yanında olmasa da, biz tək deyilik. İlk növbədə Müzəffər Ali Baş Komandan İlham Əliyevin, Birinci vitse-prezident Mehriban xanım Əliyevanın, dövlətimizin, rayon rəhbərliyinin daim diqqət və qayğıkeşliyi ilə əhatə olunmuşuq.
Oğlumun ailəsi üçün hər cür şəraiti olan ev tikilib, kənddə adına bulaq inşa olunub. Nəvələrim igid ataları ilə fəxr edirlər.
Ailəmizə göstərilən bu diqqətə görə hər kəsə, ilk növbədə dövlət başçısına təşəkkürümü bildirirəm.

Esmira QASIMOVA,
şəhid anası, Tərtər rayo-nunun Ələsgərli kəndi
“Azərbaycan”

Bu sətirlər şəhər 1 saylı tam orta məktəbin 3 “v” sinif şagirdi Tuncay Fərmanlının şəhidə həsr etdiyi şeirdəndir. Həmin şeiri Tuncay şəhidin doğum günündə onun məzarı qarşısında valideynlərinə müraciət edərək söyləyib.
3 “v” sinfi igid döyüşçü Fuad Məhərrəmlinin adını daşıyır. Burada şəhidə həsr olunmuş guşə var. Şagirdlərin hər biri Fuadın həyatı ilə bağlı məlumatları öyrənərək, müəllimləri Ramilə Heydərli ilə birlikdə onun qısa, lakin şərəfli ömür yolunun səhifələrini vərəqləyiblər.
Şəhidin doğum günündə isə şagirdlər ailəsini ziyarət ediblər. Məktəbin direktor müavinləri Ziyafət Rüstəmova, İntiqam Nuriyev, müəllimlərdən Ramilə Heydərli və Aliyə Balakişiyeva, 3 “v” sinfinin şagirdləri və valideynlər əvvəlcə Evoğlu kəndində ucaldılmış “Şəhidlər abidəsi”ni ziyarət ediblər. Sonra Evoğlu kənd qəbiristanlığına gələrək, Fuad Məhərrəmlinin məzarı önündə şəhidlərimizə həsr olunmuş şeirlər söyləyiblər. Saf uşaq qəlbindən gələn “Ana, qurban ağ saçına, durma belə qəmli-qəmli”, “Ata, belin bükülməsin” kəlmələri yaralı qəlblərə məlhəm olub.
Məktəbin direktor müavini Ziyafət Rüstəmova ziyarətlərinin məqsədi barədə belə deyib: Daha ətraflı »

Tərtər Rayon İcra Hakimiyyətinin başçısı Müstəqim Məmmədov Səfərbərlik və Hərbi Xidmətə Çağırış üzrə Dövlət Xidmətinin Tərtər rayon şöbəsinin rəisi Elşən Abdullayev, YAP rayon Təşkilatının sədri Eldar Əsədov və Tərtər Cümə Məscidinin axundu Sadiq Cəfərovla birlikdə Evoğlu kəndində Vətən müharibəsi şəhidi Əhmədzadə Mürşüd Müdahil oğlunun ailəsində olub, onların qayğıları ilə maraqlanıb.
Mürşüd Əhmədzadə 2000-ci il yanvar ayının 4-də Evoğlu kəndində anadan olub.
Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi və Azərbaycanın ərazi bütövüyünün bərpa olunması üçün başlanan Vətən müharibəsində TalışSuqovuşan istiqamətində gedən döyüşlərdə iştirak edib. Noyabrın 27-də Talış-Suqovuşan istiqamətində gedən döyüşlərdə şəhid olub. Tərtər rayonunun Evoğlu kəndində dəfn edilib.
Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti cənab İlham Əliyevin müvafiq sərəncamları ilə Mürşüd Əhmədzadə ölümündən sonra “Vətən uğrunda”, “Suqovuşanın azad olunmasına görə” və “Cəsur döyüşçü” medalları ilə təltif edilib.
Şəhid Əhmədzadə Mürşüdün xatirəsi doğulub boya-başa çatdığı kənddə əbədiləşdirilib. Onun adı Evoğlu kəndində şəhidlərin xatirəsinə inşa edilmiş bulağa və şəhidlər abidə kompleksinə həkk olunub.
Şəhidin ailə üzvləri onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildirilər.
Allah bütün şəhidlərimizə rəhmət, qazilərimizə cansağlığı versin!

Noyabrda doğulan tərtərli Vətən Müharibəsi şəhidləri

Aslanlı Orxan Şahmar oğlu
Orxan Aslanlı 1992-ci ilin noyabr ayının 20-də Tərtər rayonunun Səhlabad kəndində anadan olub.
Orxan Aslanlı oktyabrın 8-də Ağdərə istiqamətində şəhid olub. Tərtər rayonunun Səhlabad kəndində dəfn olunub.
Azərbaycan Respublikasının Prezidenti İlham Əliyevin müvafiq Sərəncamlarına əsasən Orxan Aslanlı ölümündən sonra “Vətən uğrunda”, “İgidliyə görə” və “Suqovuşanın azad olunmasına görə” medalları ilə təltif edilib.
Quluzadə Elmin Şəmsi oğlu
Quluzadə Elmin Şəmsi oğlu 1998-ci il noyabrın 1-də Tərtər rayonunun Kəngərli kəndində anadan olub.
Cəbhənin Ağdam və Tərtər rayonları istiqamətlərində gedən ağır döyüşlərdə iştirak edib. 17 oktyabr 2020-ci il tarixində şəhidlik zirvəsinə ucalıb. Tərtər rayonunun Kəngərli kəndində dəfn olunub.
Azərbaycan Respublikasının Prezidenti cənab İlham Əliyevin müvafiq Sərəncamlarıı ilə ölümündən sonra “Vətən uğrunda”, “Cəsur döyüşçü” və “Suqovuşanın azad olunmasına görə” medalları ilə təltif edilib.
Məhərrəmli Fuad Habil oğlu
Fuad Məhərrəmli 1994-cü il noyabrın 28-də Tərtər rayonunun Evoğlu kəndində anadan olub.
Fuad Məhərrəmli oktyabrın 12-də Ağdərə istiqamətində “Tülkü dərəsi” adlandırılan ərazidə şəhid olub. Tərtər rayonunun Evoğlu kəndində dəfn olunub. Azərbaycan Respublikasının Prezidenti İlham Əliyevin müvafiq Sərəncamlarına əsasən Fuad Məhərrəmli ölümündən sonra “Vətən uğrunda”, “Cəsur döyüşçü” və “Suqovuşanın azad olunmasına görə” medalları ilə təltif edilib.

Tərtər Rayon İcra Hakimiyyətinin başçısı Müstəqim Məmmədov hüquq-mühafizə orqanlarının rəhbərləri, YAP rayon Təşkilatının sədri Eldar Əsədov və Tərtər Cümə Məscidinin axundu Sadiq Cəfərovla birlikdə rayonun Umudlu kəndindən olan Vətən müharibəsi şəhidi Abbasov Elvin Şamil oğlunun ikinci ildönümü ilə əlaqədar Bərdə şəhərində yaşayan  ailəsini ziyarət edib, onların qayğıları ilə maraqlanıb.

Qeyd edək ki, Elvin Abbasov 1992-ci il may ayının 6-da Tərtər rayonunun Umudlu kəndində anadan olub.

Azərbaycan Respublikası Daxili İşlər Nazirliyinin Daxili Qoşunlarının baş çavuşu olan Elvin 2020-ci il sentyabrın 27-də başlayan Vətən müharibəsi zamanı Şuşanın azadlığı uğrunda gedən döyüşlərdə vuruşub. Noyabrın 7-də Şuşa döyüşləri zamanı şəhid olub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti cənab İlham Əliyevin müvafiq sərəncamları ilə “Vətən uğrunda” və “Şuşanın azad olunmasına görə” medalları ilə təltif edilib.

Şəhid Elvin Abbasov və onun kimi igid Vətən oğullarının xatirəsi xalqımızın qəlbində əbədi yaşayacaq.

Şəhidin ailə üzvləri onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanmım Əliyevaya öz  minnnətdarlıqlarını bildiriblər.

Allah bütün şəhidlərmizə rəhmət, qazilərimizə, veteranlarımıza isə can sağlığı  versin!