Mənim Mərkəzi Asiya Dövlət Başçılarının Məşvərət görüşündə sayca üçüncü iştirakım olacaq. Dəvət aldığım ilk görüş 2023-cü ildə Düşənbədə, ikincisi isə 2024-cü ildə Astanada keçirilib və qarşıdakı görüşün Daşkənddə keçirilməsi gözlənilir.

Azərbaycan və Mərkəzi Asiya ölkələri artan strateji əhəmiyyətə malik vahid tarixi, mədəni, coğrafi və geosiyasi məkanı formalaşdırır. İlk baxışda Azərbaycanı Mərkəzi Asiya ölkələrindən fiziki olaraq ayırsa da, Xəzər dənizi, əslində, mühüm birləşdirici amildir. Bu gün Xəzər dənizi, sadəcə, coğrafi anlayış deyil, o, hər şeydən əvvəl xalqlarımızın strateji birliyinin, iqtisadi potensialının və tarixi əməkdaşlığının rəmzidir;

Azərbaycan regiondakı bütün ölkələrlə ən yüksək səviyyədə əməkdaşlığın hərtərəfli inkişafına xüsusi əhəmiyyət verir. Mərkəzi Asiya ölkələri ilə Azərbaycan arasında ikitərəfli əsasda qurulan strateji tərəfdaşlıq və müttəfiqlik münasibətləri, həmçinin fəal siyasi dialoqumuz və qarşılıqlı səfərlərimiz bu əməkdaşlıq formatının uğurunda mühüm rol oynayır.

Son bir neçə ildə dövlət başçıları arasında qarşılıqlı səfərlərin və təmasların dinamikası münasibətlərimizin yüksək səviyyəsini əyani şəkildə nümayiş etdirir. Belə ki, son üç ildə Mərkəzi Asiya dövlətlərinin başçıları Azərbaycana təxminən 30 səfər ediblər və mən özüm də həmin müddətdə qardaş ölkələrdə 13 dəfə səfərdə olmuşam. Orta Dəhlizin artan əhəmiyyəti əməkdaşlığımızın genişləndirilməsi üçün əhəmiyyətli imkanlar yaradır. Daha ətraflı »

Prezident İlham Əliyevin 12 noyabr 2025-ci ildə Naxçıvanda Prezidentin yeni səlahiyyətli nümayəndəsini və bir sıra rayonların icra hakimiyyətlərinə təyin olunan başçıları qəbul edib. Ölkə başçısı qəbul zamanı çıxış edərək bildirib ki, Sizə böyük etimad göstərilir, əminəm ki, bu etimadı doğruldacaqsınız. Siz öz işinizlə, əməyinizlə qarşıda duran vəzifələrin icrası üçün səylərinizi əsirgəməyəcəksiniz.

Əlbəttə ki, böyük məsuliyyət böyük işlər tələb edir. İlk növbədə, mənim bütün tapşırıqlarımı yerinə yetirməlisiniz. Mən hər dəfə bölgələrə rəhbər vəzifələrə şəxsləri təyin edəndə verdiyim tapşırıqlar onlar üçün əsas iş prinsipləri olmalıdır – ilk növbədə, xalqa xidmət etmək, xalqla bir yerdə olmaq. Daha ətraflı »

Əziz Şuşa, sən azadsan!

Əziz Şuşa, biz qayıtmışıq!

Əziz Şuşa, biz səni dirçəldəcəyik!

Şuşa bizimdir! Qarabağ bizimdir!

Qarabağ Azərbaycandır!

Azərbaycan Prezidenti,

Müzəffər Ali Baş Komandan

İlham Əliyev

Prezident İlham Əliyev Ulu Öndərin qoyduğu möhkəm təməl üzərində dünyada söz sahibi olan, böyük iqtisadi və hərbi gücə malik qüdrətli Azərbaycan dövləti qurdu. Azərbaycan Ordusu ən müasir silah-sursat və hərbi texnika ilə təmin olundu, şəxsi heyətin döyüş qabiliyyətinin artırılması, mənəvi-psixoloji ruhunun yüksəldilməsi üçün bütün zəruri tədbirlər görüldü. Möhtərəm Prezidentin rəhbərliyi və davamlı səyləri ilə güclü hərbi potensial yaradıldı. İldən-ilə artan iqtisadi-hərbi güc və siyasi iradə nəticəsində BMT Təhlükəsizlik Şurasının illərdir yerinə yetirilməyən 4 qətnaməsini Azərbaycan özü icra etdi. Rəşadətli ordumuz, xüsusən Silahlı Qüvvələrin son 20-30 ildə yetişən fədakar, vətənpərvər gənc nəsli bu müqəddəs missiyanın yerinə yetirilməsinə öz əvəzsiz töhfəsini verdi. Xalqımızın öz lideri ətrafında yumruq kimi birləşməsi, görünməmiş milli həmrəylik nümayiş etdirməsi qələbənin təmin edilməsində mühüm rol oynadı. Daha ətraflı »

“Mən işğal dövründə deyirdim, hər birimiz azadlıq gününü, bu müqəddəs günü öz işimizlə yaxınlaşdırmalıyıq, yaxınlaşdırırdıq və yaxınlaşdırdıq.”

Azərbaycan Respublikasının Prezidenti,

Müzəffər Ali Baş Komandan cənab İlham Əliyev

1988-ci ildə başlayan Qarabağ hadisələri, erməni ideoloqlarının “dənizdən dənizə Ermənistan” adlı sərsəm ideyasını reallaşdırmaq cəhdi kəndlərin, şəhərlərin dağılması, on minlərə günahsız insanın ölümü, yüz minlərlə azərbaycanlının öz tarixi torpaqlarından didərgin düşməsi ilə nəticələnmişdir. Ermənistan silahlı qüvvələrinin Azərbaycan torpaqlarını işğal etməsi azərbaycanlıları doğma yurd-yuvalarından didərgin salmaqla yanaşı, ölkəmizin iqtisadiyyatına və mədəni irsinə də ağır zərbə vurmuşdur. Bir milyondan çox azərbaycanlı 30 il ərzində qaçqın və məcburi köçkün həyatı sürməyə məcbur olmuşdur. Ermənistan bu müddət ərzində işğal altında saxladığı Azərbaycan ərazilərini acınacaqlı vəziyyətə salmış, şəhər və kəndlərdə infrastrukturu tamamilə məhv etmiş, Azərbaycana milyardlarla dollar dəyərində maddi ziyan vurmuşdur. Daha ətraflı »

Azərbaycan Respublikası Konstitusiyasının müəllifi xalqımızın Ümummilli Lideri Heydər Əliyevdir.

“Konstitusiyamız ümumbəşəri dəyərlərə və mütərəqqi milli ənənələrə söykənərək, bu günün reallıqlarını, dövlətin, cəmiyyətin inkişaf perspektivlərini əks etdirir.”

                                                                                                                                                                                                                                                                                                                                                Ulu Öndər Heydər Əliyev

“1995-ci ildə referendum yolu ilə qəbul edilmiş Konstitusiya Azərbaycan xalqının inkişafı naminə müasir, demokratik, dünyəvi, hüquqi dövlət quruculuğu mərhələsinə keçidi təsbit etmişdir. Bu tarixi sənədin müəllifi xalqımızın Ümummilli Lideri Heydər Əliyev olmuşdur.”

Azərbaycan Respublikasının Prezidenti İlham Əliyev

1918-1920-ci illərdə cəmi 23 ay mövcud olmuş Azərbaycan Xalq Cümhuriyyəti dövlətin əsas Qanununu qəbul edə bilməmişdi. Bu səbəbdən Azərbaycanın konstitusiya quruluşunun tarixi SSRİ-nin tərkibində olduğu dövrə təsadüf olunur.

Azərbaycanın ilk Konstitusiyası 1921-ci il mayın 19-da I Ümumazərbaycan Sovetlər Qurultayında qəbul edilib. SSRİ-nin yaradılması ilə əlaqədar 1925-ci il martın 14-də IV Ümumazərbaycan Sovetlər Qurultayında Konstitusiyaya əlavə və dəyişikliklər qəbul olunub. 1927-ci il martın 26-da V Ümumazərbaycan Sovetlər Qurultayında Azərbaycan SSR-in növbəti Konstitusiyası təsdiq edilib. 1936-cı ildə SSRİ-nin yeni Konstitusiyasının qəbul edilməsi ilə əlaqədar 1937-ci il martın 14-də IX Ümumazərbaycan Sovetlər Qurultayının qərarı ilə Azərbaycan SSR-in yeni Konstitusiyası qüvvəyə minib. Daha ətraflı »

Azərbaycanın Dövlət Bayrağı milli suverenliyin simvoludur

“Azərbaycan Bayrağı, sadəcə, bayraq deyil.

O, bizim dövlətçiliyimizin, müstəqilliyimizin rəmzidir.

Bu, bizim müstəqil dövlətimizin rəmzidir.

Ona görə də gərək hər bir Azərbaycan vətəndaşı,

xüsusən gənc nəsil bunu dərk etsin, qiymətləndirsin.”

                                                                    Ümummilli Lider Heydər Əliyev

Prezident İlham Əliyevin 2009-cu il noyabrın 17-də imzaladığı Sərəncamla hər il noyabrın 9-u ölkədə Dövlət Bayrağı Günü kimi qeyd edilir. Azərbaycan Respublikası Əmək Məcəlləsinin 105-ci maddəsinə əsasən bu bayram ölkədə qeyri-iş günü olan bayramların siyahısına daxil edilib.

Dövlət Bayrağı Gününün qeyd olunması Azərbaycan Xalq Cümhuriyyətinin tarixi ilə bağlıdır. Azərbaycan Xalq Cümhuriyyətinin üçrəngli Dövlət Bayrağı ilk dəfə 1918-ci il noyabrın 9-da Bakıda, hökumətin iclasında qəbul edilib və iclasın keçirildiyi Azərbaycan Xalq Cümhuriyyəti Nazirlər Şurasının binası üzərində qaldırılıb və 1920-ci ilin aprel ayınadək dövlət statusuna malik olmuşdur.

Bayrağımızın rəngləri istiqlal ideologiyanın üç təməl prinsipini özündə ehtiva edir. Dövlət Bayrağındakı üç rəngin ifadə etdiyi və XX əsrin əvvəllərindəki milli istiqlal ideologiyamızın üç təməl prinsipini təşkil edən “Türkçülük, müasirlik və islamçılıq” düsturunun müəllifi görkəmli Azərbaycan mütəfəkkiri Əli Bəy Hüseynzadədir. Üç rəngli bayrağımız bizim azadlıq məfkurəsinə, milli-mənəvi dəyərlərə və ümumbəşəri ideallara sadiqliyimizi nümayiş etdirir. Daha ətraflı »

2025-ci il oktyabrın 21-də Astanada Azərbaycan Respublikasının Prezidenti İlham Əliyev və Qazaxıstan Respublikasının Prezidenti Kasım-Jomart Tokayevin iştirakı ilə Azərbaycan-Qazaxıstan Ali Dövlətlərarası Şurasının ikinci iclası keçirildi.

Bu mühüm hadisə iki ölkə arasında münasibətlərin daha da möhkəmləndirilməsinə və iki qardaş dövlətlərin ortaq strateji hədəflərin dəqiqləşməsi və Türk dünyasında birliyin güclənməsi baxımından xüsusi tarixi əhəmiyyət daşıyır.

Qazaxıstanın indiki dövrdə gördüyümüz inkişafı və müasirliyi ilə Türk dünyasında böyük rol oynayır. Belə ki Prezidentimiz İlham Əliyev iclasda çıxışı zamanı Qazaxıstanın son illərdə əldə etdiyi sürətli inkişafı, iqtisadi sabitliyi və modernləşmə siyasətini yüksək qiymətləndirdi. Cənab Prezidentimiz vurğuladı ki, Prezident Tokayevin rəhbərliyi ilə Qazaxıstan təkcə Mərkəzi Asiyada deyil, ümumilikdə Avrasiya bölgəsində sabitlik və tərəqqi modeli kimi tanınmaqdadır. Həmçinin Qazaxıstan Respublikasının Prezidenti Kasım-Jomart Tokayevin sözlərinə görə, Azərbaycanla əməkdaşlıq Qazaxıstanın xarici siyasətində ən mühüm və prioritet istiqamətlərdən biridir. Bu fikirlər bir daha göstərir ki, Azərbaycan və Qazaxıstan münasibətləri artıq adi diplomatik tərəfdaşlıq ölçüsündə deyil. Bu əlaqəmiz artıq dərin mənəvi və həmçinin tarixi köklərə əsaslanan qardaşlıq münasibətlərinə çevrilib. İclasda diqqət mərkəzində dayanan əsas mövzulardan biri Cənubi Qafqaz və Mərkəzi Asiya regionlarının bir-birinə daha sıx bağlanması məsələsi idi. Prezidentlər həmçinin qeyd etdilər ki, bu gün Azərbaycan və Qazaxıstan ölkələri arasında yalnız enerji və ticarət tərəfdaşları deyil, həm də Avrasiya məkanında strateji körpü rolunu oynayan iki önəm kəsb edən dövlətdir. Xüsusilə Trans-Xəzər Beynəlxalq Nəqliyyat Dəhlizi (Orta Dəhliz) və həmçinin Bakı-Tbilisi-Qars dəmir yolu kimi layihələr regionu birləşdirən əsas yollara çevrilib. Bu nəqliyyat xətləri Avropanı Asiya ilə birləşdirərib, Türk dövlətlərinin həm iqtisadi cəhətdən və həmdə siyasi yaxınlaşmasına real zəmin yaradır. Tokayev də bu fikri dəstəkləyərək qeyd etdi ki, Qazaxıstan və Azərbaycan Türk dünyasının qərb və şərq qapıları kimi fəaliyyət göstərir, və göstərməyə davam edəcək. Bu sözlərdən belə bir qənaətə gəlmək olarki bu iki ölkənin əlaqələri yalnız iqtisadi deyil, həm də geosiyasi sabitliyin mühüm dayağıdır. Astana görüşü çərçivəsində iki dövlət arasında bir sıra mühüm və iki ölkənin inkişafında mühüm rol oynayan sənədlər imzalandı. Bunlara aşağıdakılar daxildir:

Azərbaycan və Qazaxıstan arasında strateji tərəfdaşlığın genişləndirilməsi haqqında Birgə Bəyanat Ali Dövlətlərarası Şuranın qərarları hansı ki, enerji, nəqliyyat, rəqəmsal iqtisadiyyat, mədəniyyət və humanitar sahələrdə əməkdaşlığı gücləndirir. Nazirliklər və dövlət qurumları arasında əməkdaşlıq memorandumu – iqtisadi, elmi və texnoloji əlaqələrin genişləndirilməsini nəzərdə tutur. Bu sənədlər ancaq iki ölkə arasında əlaqələrin sadəcə siyasi deyil, həm də iqtisadi və texnoloji müstəvidə dərinləşəcəyini göstərir. Həmçinin iclas əsnasında Prezidentimiz İlham Əliyev Qazaxıstanın Azərbaycanın ərazi bütövlüyü və suverenliyinə verdiyi dəyişməz dəstəyə görə təşəkkür etdi. O, bu münasibətləri “əsl dostluq və qardaşlığın nümunəsi” kimi adlandırıb. Bu iki dövlət arasındakı əlaqələr Türk birliyi ideyasının praktik təzahürüdür.

Azərbaycan və Qazaxıstan münasibətləri bu gün Türk Dövlətləri Təşkilatı çərçivəsində də mühüm strateji əhəmiyyət daşıyır.

Hər iki ölkə Türk dünyasının siyasi birliyinin, mədəni inteqrasiyasının və iqtisadi əməkdaşlığının əsas dayaqlarındandır. Bu gün Bakı və Astana birgə təşəbbüslərlə Türk dövlətlərini birləşdirən yeni reallıqlar formalaşdırır.

Beləliklə, Astana görüşü sadəcə ikitərəfli diplomatik bir hadisə deyil, həm də Türk birliyinin daha real və praktik müstəviyə keçməsinin göstəricisidir.

2025-ci ilin oktyabrında Astanada baş tutan Azərbaycan–Qazaxıstan görüşü iki ölkə arasında münasibətləri yeni strateji mərhələyə daşıdı.

Bu görüş sübut etdi ki, Bakı və Astana yalnız iqtisadi və siyasi tərəfdaş deyil, bir ideya, bir mədəniyyət və bir gələcək vizionunun daşıyıcılarıdır.

Bu gün Cənubi Qafqazdan Mərkəzi Asiyaya uzanan bu əməkdaşlıq xətti təkcə iki ölkəni yox, bütün Türk dünyasını birləşdirən sülh, sabitlik və tərəqqi körpüsünə çevrilir.

Azərbaycan və Qazaxıstan – ortaq köklər, dostluq və qardaşlıq üzərində qurulmuşdur və bu əlaqələrin sayəsində – Türk birliyinin gələcək nəsillər üçün möhkəm təməlini yaradır.

 

 

 

 

 

 

 

 

 

Daha ətraflı »

2025-ci il oktyabrın 18-də Azərbaycan Respublikasının Prezidenti İlham Əliyev cənabları Qazaxıstanın nüfuzlu “Kazinform” informasiya agentliyinə eksklüziv müsahibə verib. Müsahibə, Azərbaycan–Qazaxıstan münasibətlərinin yüksək səviyyədə inkişaf etdiyi, eyni zamanda regionda mühüm geosiyasi dəyişikliklərin baş verdiyi bir dövrdə həyata keçirilib. Dövlət başçısının bu çıxışı iki qardaş xalq arasında möhkəm dostluq, iqtisadi tərəfdaşlıq və türk dünyasının gələcəyi barədə strateji baxışını əks etdirib.

Azərbaycan–Qazaxıstan münasibətləri barədə Cənab İlham Əliyev müsahibəsində vurğulayıb ki, Azərbaycanla Qazaxıstan arasındakı əlaqələr “qardaşlıq və etimad modeli” kimi dəyərləndirilə bilər. Dövlət başçısı qeyd edib ki, Nursultan Nazarbayevin və hazırkı Prezident Kasım-Jomart Tokayevin rəhbərliyi dövründə Qazaxıstan–Azərbaycan münasibətləri daha da möhkəmlənib. Bu gün iki ölkə beynəlxalq təşkilatlar çərçivəsində də bir-birini dəstəkləyir. Daha ətraflı »

Füzuli Qarabağ dağ silsiləsinin cənub şərq ətəklərindən Araz çayına qədər maili düzənlik və alçaq sahələri əhatə edir. Füzuli rayonu Cəbrayıl, Xocavənd, Ağcabədi, Beyləqan rayonları, habelə Araz çayı boyunca İranla həmsərhəddir. Ərazidə axan Quruçay, Köndələnçay, Çərəkən çayları Araz hövzəsinin çaylarıdır. Füzuli rayonunun ərazisi 1386 km²-dir. Azərbaycanın iri yaşayış məskənlərindən olan Füzulinin əsası 1827-ci ildə qoyulmuşdur. Qarabulaq adlanan yaşayış məskəninin əsasında 1930-cu ildə rayon təşkil olunmuş və Qaryagin adlandırılmışdır. 1959-cu ilin aprelində böyük Azərbaycan şairi Məhəmməd Füzulinin anadan olmasının 400 illiyi şərəfinə Qaryagin rayonunun adı dəyişərək Füzuli rayonu adlandırılmışdır;

Daha ətraflı »