Prezident İlham Əliyevin cari ilin 1 fevral tarixində Parlamentlərarası İttifaqın Baş katibi Martin Çunqonqu qəbul edib. Qəbul zamanı dövlətimizin başçısı çıxış edib.

Prezident ilham Əliyev bildirib ki, Minsk qrupu 28 il ərzində münaqişənin həlli prosesi ilə məşğul olsa da heç bir nəticə əldə edilmədi. Azərbaycan torpaqları işğaldan azad olunmadı və məcburi köçkünlərin geri qayıtması təmin edilmədi. Minsk qrupu tərəfindən Ermənistana təzyiq göstərilmədi və müvafiq sanksiyalar tətbiq olunmadı.

2020-ci ildə 44 günlük Vətən müharibəsi başa çatandan sonra Azərbaycan regionda sülh gündəliyinin təşəbbüskarı olaraq Ermənistanla sülh müqaviləsinin imzalanması təklifi ilə çıxış edib.

Amma Ermənistan tərəfindən buna adekvat reaksiya verilmədi. Ona görə də Azərbaycan sülh müqaviləsinin əsaslarını təşkil edən beynəlxalq hüququn norma və prinsiplərinə uyğun olaraq 5 prinsip irəli sürüb ki, bunun əsasında da sülh müqaviləsi üzrə danışıqlar prosesinin təşəbbüskarı Azərbaycan olub.

2020-ci ildə 44 günlük Vətən müharibəsi başa çatandan sonra üçtərəfli Bəyanat çərçivəsində Ermənistanın üzərinə düşən bir sıra öhdəliklər yerinə yetirilmirdi. Son 3 il ərzində rəsmi İrəvan Azərbaycanın Qarabağ bölgəsində separatizmi maliyyə, hərbi və digər vasitələrlə dəstəkləməyə davam edirdi.

Dövlət başçısı deyib ki, ötən il sentyabrın 2-də Ermənistan rəhbərliyinin qondarma “Dağlıq Qarabağ respublikası”nın “müstəqilliyi” münasibətilə göndərdiyi təbrik, həmçinin sentyabrın 9-da keçirilmiş dırnaqarası “prezident seçkiləri” sülh prosesinə ciddi zərbə vurmuşdur.

Azərbaycan ilə Ermənistan arasında artıq de-fakto sülh mövcuddur. İki ölkənin sərhədində bir neçə aydır sülh şəraiti hökm sürür. Amma bu prosesin məntiqi sonluğa çatdırılması üçün sülh müqaviləsi imzalanmalı və Ermənistanın Azərbaycana qarşı ərazi iddialarına son qoyulmalıdır. Daha ətraflı »

“Güllər daşır, daşlar gülür Qarabağda”

Çoxdan idi ki, səhər tezdən bir yerə səfər etmirdim. Buna görə də Medianın İnkişafı Agentliyinin təşkil etdiyi Şuşa səfərinə sevindim. Səhərin sazağı, alatoranlıq heç vəchlə xoş ovqatımıza mane olmurdu. Ona görə ki, arzu qanadlarında, doğma Qarabağımızın tac şəhərinə yol alacaqdıq. Bir azdan qış günəşi çıxacaq, qırmızı şəfəqləri yolumuzu işıqlandıracaqdı. Zəngin mədəniyyət beşiyimiz olan Zəfər şəhərini ziyarət etmək, bulaqlarından su içmək, hər qarış torpağına müqəddəs şəhidlərimizin ruhu hopmuş müstəqil Azərbaycan Respublikasının alınmaz qalasını görmək çoxdankı arzum idi. Düzdür, düz 40 il əvvəl anamla Şuşaya yaxın yerə – Ağdamın Şahbulağına, qardaşım Ənvərin yanına gedəndə bunu arzulamışdım, amma gedə bilməmişdim. İndi gedirəm. Bakı, Gəncə və Lənkəran şəhərlərindən jurnalistləri Şuşaya aparmaq üçün 3 avtobus yola düşmüşdü. Dan yeri söküləndən sonra Füzuli rayonunun Qaraxanbəyli kəndinə çatdıq. Bu, həmin Qaraxanbəylidir ki, işğal dövründə “keçilməz” Ohanyan səddi və neytral zona burada yerləşirdi. Təsəvvür edin ki, Azərbaycan torpağında düşmən səddi… Düşdük, baxdıq. Televiziya ekranlarından gördüyümüz dağıdılmış kəndlər, viranə evlər də elə buradan başlanır. Bir az qabaqda, yolun sağında qəbiristanlıqdakı məzarlara qırmızı lentlər bağlanmışdı. Yəni ki, sakinlər doğmalarının məzarlarını ziyarət ediblər. Bundan qabaqkı Alxanbəyli kəndindəki postda polislər sənədlərimizi yoxlayıb, bizim Şuşa səmtinə getməyimizə xoş niyyət göstərdilər. Qrupumuzun rəhbəri, MEDİA nümayəndəsi Elşən Ağayev bu yerlərdə bir neçə dəfə olduğundan Qarabağın qədim tarixi, yaşayış məskənləri, 44 günlük Vətən müharibəsində işğaldan azad edilmiş yerlər haqqında məlumatlar verir, suallarımızı cavablandırırdı. Elşən müəllim Qaraxanbəylinin Füzulinin işğaldan azad edilmiş ilk kəndlərindən olduğunu, ermənilərin Ohanyan səddinin müzəffər ordumuzun gücüylə qısa müddətə dağıdıldığını xatırlatdı. Dedi ki, strateji və sosial obyektləri, qəbiristanlıqlar, daşı daş üstə qalmamış binaları, yolu, cığırları belə tanımaq olmur. Düşmən ağlasığmaz vandallığı ilə “Qafqazın Xirosiması” adlı acınacaqlı bir tablo yaradıb. Füzuliyə çatanda ürəyimiz bir qədər toxdadı. Şəhər müasir standartlara uyğun şəkildə bərpa olunur. İrəlilədikcə abad yolları görürdük. Yolun hər iki tərəfində quruculuq işləri gedir, ucu-bucağı görünməyən torpaqlarda müasir traktorlar işləyir, taxıl əkilirdi. Adamın sevincdən köksü qabarırdı… Daha ətraflı »

Azərbaycanı gənclər ölkəsi, gəncləri isə Azərbaycanın gələcəyi adlandıran Ulu Öndər Heydər Əliyev gənc nəslə qayğını əsirgəməyib. Ümummilli Liderin 1993-cü ildə hakimiyyətə qayıdışı ilə gənc nəslə diqqətin göstərilməsi dövlət siyasətinin prioritet istiqamətlərindən birinə çevrildi.

Müxtəlif dövlət orqanlarının gənclərlə iş sahəsindəki fəaliyyətini əlaqələndirmək məqsədi ilə Ulu Öndər Heydər Əliyevin 1994-cü il 26 iyul tarixli Fərmanı ilə Gənclər və İdman Nazirliyi yaradılmışdır. Ulu Öndərin gənclərlə bağlı imzaladığı bir çox sənədlər respublikanın ictimai-siyasi həyatında gənclərin daha fəal iştirakı üçün şərait yaratmış, gənclər siyasətinin məqsəd, prinsip və istiqamətlərini, habelə təşkilati-hüquqi əsaslarını müəyyən etmişdir.

Ulu Öndər Heydər Əliyev 1993-cü ildə hakimiyyətə qayıtdıqdan sonra təhsilimizin ötən əsrin 70-80-ci illərində mövcud olmuş bir çox ənənələri kimi, xarici ölkələrə tələbələrin göndərilməsi ənənəsi də davam və inkişaf etdirilməyə başlandı.

Dövlət hesabına xaricdə təhsil alan gənclərin sosial durumu daim Ulu Öndərin diqqət mərkəzində idi. 2003-cü ildə dünyanın inkişaf etmiş 40-a yaxın ölkəsində 160-a qədər ixtisas üzrə 3000-dən artıq azərbaycanlı gənc təhsil alırdı. Təkcə Türkiyədə dövlət hesabına təhsil alan 700 azərbaycanlı tələbənin hər birinə təqaüd verilməsi üçün ildə 2,4 milyard manat vəsait ayrılmışdı. İstedadlı gənclərin təhsilə marağını daha da artırmaq və dəstəkləmək üçün Ulu Öndər ali məktəblərə qəbul imtahanlarından ən yüksək bal toplamış abituriyentlərlə şəxsən görüşüb, onlara “Prezident təqaüdü”nün verilməsi Daha ətraflı »

Seçki məntəqələri səsvermə üçün hazır vəziyyətdədir

7 fevral 2024-cü il tarixə təyin olunmuş növbədənkənar Prezident seçkilərində 97 saylı Tərtər-Naftalan-Goranboy seçki dairəsi üzrə dairənin tərkibində 59 seçki məntəqəsi fəaliyyət göstərir. Mövcud seçki məntəqələrinin 2-si işğaldan azad olunmuş ərazilərdə – Ağdərə və Suqovuşanda yaradılıb.
Seçki məntəqələrində seçkilərə hazırlıq işləri Seçki Məcəlləsinin tələblərinə uyğun aparılmaqla, məntəqələr səsvermə gününə hazır vəziyyətə gətirilib və seçkilərin şəffaf və demokratik keçirilməsi üçün hər cür şərait yaradılıb. Seçki məntəqələri lazımi avadanlıqlarla, texniki və təşviqat vasitələri, təlimat və izahlarla tam təmin olunmuşdur.
Məntəqə seçki komissiyaları üzvlərinin maarifləndirilməsi məqsədilə Dairə Seçki Komissiyasında qrafik əsasında treninqlər keçirilmiş, əyani surətdə seçki hərəkətləri komissiya üzvlərinin nəzərinə çatdırılmışdır.
Seçki məntəqələri üzrə 52553 nəfər seçici qeydə alınıb. Qeydə alınan seçicilərin 1402 nəfəri seçkilərdə ilk dəfə səs verənlər olmaqla, 10 nəfər isə 1-7 fevral 2024-cü il tarixlər üzrə 18 yaşı olanlardır. 3 nəfər isə səsvermə günü 18 yaşı tamam olan seçici vardır. 100 yaşdan yuxarı olan seçicilərin sayı 7 nəfərdir. Bunlardan ən yaşlı seçici 114 yaşlı Hacıqərvənd kənd sakini Quliyeva Səkinə Yunis qızı və 109 yaşlı Seydimli kənd sakini Həsənova Saran Daşdəmir qızıdır. Daha ətraflı »

Azərbaycan xalqının qəhrəmanlıq səhifəsi olan 20 Yanvar faciəsindən 34 il keçir. Keçən bu illər ərzində xalqımız hər il 20 Yanvar–Ümumxalq Hüzn Gününü kədər və böyük qürur hissi ilə qeyd edir. Çünki 20 Yanvar faciəsi Azərbaycan xalqına qarşı törədilmiş qanlı cinayət olsa da, həm də Azərbaycan xalqının qəhrəmanlıq manifesti, azadlıq mücadiləsidir.
Tərtər Rayon İcra Hakimiyyətinin başçısı Müstəqim Məmmədov hüquq-mühafizə orqanlarının rəhbərləri, şəhid ailələri, veteranlar, qazilər, idarə, müəssisə kollektivləri və ictimaiyyət nümayəndələri ilə birlikdə Azərbaycan tarixinin faciəli, eyni zamanda şərəfli səhifəsi olan 20 Yanvar faciəsinin 34-cü ildönümü ilə əlaqədar Tərtər şəhərində Şəhidlərin xatirəsinə ucaldılmış Abidə Kompleksini ziyarət edib. Ölkəmizin ərazi bütövlüyü uğrunda şəhid olmuş vətən övladlarının xatirələri ehtiramla yad olunub, Qafqaz Müsəlmanları İdarəsinin səlahiyyətli nümayəndəsi, Tərtər Cümə Məscidinin imamı Sadiq Cəfərov şəhidlərin ruhuna dua oxuyub, abidənin önünə gül dəstələri qoyulub.
Mərasimdə çıxış edən Tərtər Rayon İcra Hakimiyyətinin başçısı Müstəqim Məmmədov bildirib ki, hər bir xalqın tarixində həm faciəli, həm də qəhrəmanlıq səhifələri olur. Çox nadir hallarda bu iki məqam üst-üstə düşür. Azərbaycan xalqı 1990-cı ilin Yanvarını həm faciə, həm də qəhrəmanlıq səhifəsi kimi yaşadı və həmin qanlı, eyni zamanda, şərəfli tarixi hadisədən 34 il keçməsinə baxmayaraq, Vətənimizin azadlıq mübarizəsində şəhid olanların hər biri bizim yaddaşımızda əbədi yaşayır. Daha ətraflı »

Ağdərə həsrəti çox uzun çəkdi. Bu illər ərzində agdərəlilər doğma yerləri xatirələrində, yuxularında yaşatdılar. 2023-cü ilin 19-20 sentyabr günlərində isə bir möcüzə baş verdi: Ağdərənin, bütün Qarabağımızın azad olması haqqında xəbəri eşitdik. Əvvəl eşitdik, sonra isə Müzəffər Ali Baş Komandan, Azərbaycan Respublikasının Prezidenti İlham Əliyevin Ağdərədə, erməni terrorcularından azad edilmiş digər ərazilərdə bayraq ucaltdı-ğının şahidi olduq. Həmin gündən yalnız ağdərəlilərin deyil, hər bir azərbaycanlının həyatı dəyişdi. Hər kəs bütöv bir Vətənin vətəndaşı olmağın qürurunu yaşadı.
İndi budur, Ağdərə növbədənkənar Prezident seçkilərinə hazırlaşır. 59 saylı Ağdərə seçki məntəqəsinin sədri Mahir Səmədov deyir ki, məntəqə üzrə 156 seçici var. İlk dəfə olaraq işğaldan azad edilmiş ərazilərdə səs verəcəkləri üçün hər kəs qürurludur. Məntəqədə seçkilərə hazırlıq işləri bütün mövcud tələblərə uyğun olaraq görülüb.
Onlar Ağdərənin yeni həyatına səs verəcəklər.

“YENİ TƏRTƏR”

30 illik işğal dövründən sonra ilk dəfə olaraq Azərbaycanın bütöv ərazisində Prezident seçkiləri keçiriləcək. Uzun illərin həsrətindən sonra doğma torpaqlarına qayıdan, burada lazımi şəraitlə təmin edilən insanlar məhz bu yerlərdə təşkil olunan seçki məntəqələrində səs verəcəklər. Belə məntəqələrdən biri də 58 saylı Suqovuşan seçki məntəqəsidir.
Məntəqənin sədri Tural Əzizov deyir:
– Məntəqəmizdə 73 seçici səs verəcək. Hazırlıq işləri tam başa çatmışdır. Seçicilərimizdən biri ilk dəfə səs verəcək.
Suqovuşan başdan-başa tarixdir. Burada hər qarış torpaq bizə qanlı döyüşləri xatırladır. Belə bir ərazidə səs vermək qürurvericidir.

“YENİ TƏRTƏR”

7 fevral 2024-cü il tarixdə keçiriləcək Prezident seçkilərində YAP-ın sədri möhtərəm Prezidentimiz İlham Heydər oğlu Əliyevin namizədliyinin irəli sürülməsi cəmiyyətimizin yekdil rəyi və xalqın iradəsinin ifadəsidir.
Ali Baş Komandan, Prezident İlham Əliyev 30 illik həsrətini çəkdiyimiz torpaqlarımzı geri qaytararaq, xalqımızın ən böyük arzusunu gerçəkləşdirdi.
Vətən müharibəsində qazanılan şanlı Zəfər, ərazi bütövlüyümüzün bərpası və sentyabrda keçitilən antiterror tədbirləri nəticəsində suverenliyimizin tam təmin olunması müstəqil ölkəmizin daha da inkişafı və güclənməsi, beynəlxalq müstəvidə mövqelərimizin möhkəmlənməsi üçün yeni imkanlar açıb. Eyni zamanda, qalib dövlətimiz regionda yeni reallıqlar yaradıb. Müharibənin başa çatmasından ötən 3 il ərzində möhtəşəm nailiyyətlər möhtərəm Prezidentimiz, YAP-ın sədri İlham Əliyevin adı ilə bağlıdır. Ali Baş Komandanımız İlham Əliyevin üçrəngli bayrağımızı Xankəndidə, Şuşada, Xocalıda, Laçında, Kəlbəcərdə, Cəbrayılda, Xocavənddə, Zəngilanda, Füzulidə, Ağdərədə və başqa azad olunmuş ərazilərdə ucaltması cənab İlham Əliyevin xalqın siyasi dəstəyinin qazanmasının bariz göstəricisidir.
Ulu Öndər Heydər Əliyev deyirdi ki, “mən ona özüm qədər inanıram. Mənim axıra çatdıra bilməyəcəyim işləri o, axıra çatdıracaqdır.” O, ata nəsihətini tam yerinə yetirdi.
İlham Əliyev bu günə verdiyi bütün vədlərə əməl etdi. Şübhə yoxdur ki, qarşıdakı seçkilərdə xalqımız Qarabağ fatehi İlham Əliyevin yanında olacaq və seçki məntəqələrinə gələrək yekdilliklə ona səs verəcəkdir. Daha ətraflı »

2024-cü il öz ərazi bütövlüyünü və suverenliyini bərpa etmiş müsttəqil Azərbaycan Respublikasının həyatında parlaq səhifələrin açılması ilə başladı.
7 fevral 2024-cü il tarixdə bütöv Azərbaycanda növbədənkənar Prezident seçkiləri keçiriləcək.
İlham Əliyev cənablarının namizədliyinin qeyd olunduğu gündən sevincimin həddi-hüdudu yoxdur. Belə ki, möhtərəm Prezidentimiz, Ali Baş Komandan İlham Əliyev bütün Azərbaycana, xüsusilə biz tərtərlilərə firavan həyat bəxş elədi. 1990-cı illərdə olan böhranı, özbaşınalığı görən, eşidən hər bir Azərbaycan vətəndaşını 7 fevral 2024-cü il tarixdə seçki məntəqələrinə gələrək gələcəyimizin memarı olan cənab İlham Əliyevə səs verməyə çağırıram.
Mən YAP-ın üzvü olaraq YAP Rayon Təşkilatının rəhbərliyi ilə birlikdə rayon ərazisində şəhid ailələrinin evlərində olur, yaşayış məntəqələrində seçki hüququ olan vətəndaşlarla görüşlərdə iştirak edirəm. Bizim və həmçinin bütün tərtərlilərin görüşlər zamanı söylədikləri bir fikir, bir amal var: Ulu Öndərin layiqlı davamçısı olan İlham Əliyevə yekdilliklə səs verək!
Bu gün efirlərdə çıxış edən Prezidentimizi ekrandan görən azyaşlı nəvələrimiz: “Baba, İlham baba danışır, gəl bax,” – deyirsə, şəxsən mən bu ifadələrdən qürurlanıram.
Mən, ailə üzvlərim, yaxınlarım və deyərdim Qəhrəman Tərtər rayonunun bütün sakinləri Prezidentliyə namizəd İlham Əliyev cənablarına səs verəcəklər.

Adil HÜSEYNOV,
şəhər sakini

Məlum olduğu kimi, 7 fevral 2024-cü il tarixdə növbədənkənar Prezident seçkiləri keçiriləcək. Mən bu seçkilərlə bağlı YAP Tərtər Rayon Təşkilatında yaradılmış təbliğat-təşviqat qrupunun üzvüyəm və bununla qürur duyuram. Qürur duyuram ki, Qalib Liderin təbliğat-təşviqat işlərində yaxından iştirak edirəm. Vətəndaşlarla görüşlərimiz zamanı seçicilərdə Ali Baş Komandana olan sevgi, dəstək insana qürur verir. Hər bir görüş zamanı eyni bir fikirlə rastlaşıram: Biz Ali Baş Komandandan başqa namizəd tanımırıq.
Həqiqətən də, cənab Prezidentin Azərbaycan xalqı üçün gördüyü işlər, apardığı daxili və xarici siyasət bir Azərbaycan gənci olaraq məni çox sevindirir. Ölkəmizin bütün sahələrdə inkişafı, idmanda və dövlətlərarası əməkdaşlıqda qazandığımız uğurlar danılmazdır. Bütün bunların tək bir səbəbi var, o da Prezident İlham Əliyevin siyasətidir. Bu siyasətin ən bariz nümunəsi 30 il işğalda olan torpaqlarımızın azad olunması və qısa bir müddətdə orada yenidənqurma işlərinin aparılmasıdır. Cənab Prezidentin rəhbərliyi dövründə görülmüş işlər barəsində yazmaqla, danışmaqla qurtarmaz. Mən bir gənc olaraq əminəm ki, 7 fevral 2024-cü il tarixdə keçiriləcək Prezident seçkilərində Azərbaycan xalqı öz Qalib Liderinin nə qədər Azərbaycan xalqı üçün dəyərli, qiymətli, əvəzolunmaz olduğunu sübut edəcəkdir.
Yaşasın Qalib dövlətin, Qalib Lideri!

Emin QULİYEV,
Uşaq-Gənclər İdman
Şahmat məktəbinin direktoru