Əbəs yerə demirlər ki, yazılı media özündə tarixi yaşadır. Bu, həqiqətən də belədir. Qarşımda saralmış bir qəzet nüsxəsi var–6 noyabr 2003-cü il tarixli “Xalq qəzeti”. Burada mənim “Prezident İlham Əliyev hakimiyyətə ölkənin problemlərini həll etmək üçün gəlib” məqaləm dərc olunub. O zaman mən Bakı elektron hesablayıcı maşınlar zavodunun direktoru işləyirdim. Bu məqaləni oxuyarkən bir daha xalq müdrikliyinin şahidi olursan. Məqalədə deyilir: “Mən Mərkəzi Seçki Komissiyası tərəfindən prezident seçkilərində müşahidəçi kimi iştirak etdim. Əllidən çox məntəqədə oldum. Xarici müşahidəçilər də çox idi. Sözün həqiqi mənasında, heyrət edirdilər. Rusiyalı müşahidəçilər neçə dəfə dilə gətirdilər ki, kaş bizim ölkənin vətəndaşları taleyüklü məsələlərdə belə fəal olaydılar. Adamlar səs vermək üçün növbəyə durmuşdular. Səsvermə prosesi o qədər yüksək səviyyədə keçirdi ki, kimsə irad tutmağa əsas tapmırdı”.
Məqalədə daha sonra bildirilir ki, ölkəmiz işıqlı gələcək yolundadır. Bu yol Heydər Əliyev yoludur. İndi xalqı bu yolla firavan gələcəyə aparacaq şəxs İlham Əliyevdir. Onu xalq seçib, bu missiyanı da xalq ona həvalə edib. Daha ətraflı »

Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin Tərtər rayon şöbəsi rayon icra hakimiyyəti ilə birgə Səfərbərlik və Hərbi Xidmətə Çağırış üzrə Dövlət Xidmətinin yaradılmasının altıncı ildönümü münasibəti ilə tədbir keçirmişdir. Əvvəlcə tədbir iştirakçıları Ulu Öndərin xatirəsini ehtiramla yad edərək onun abidəsi önünə gül-çiçək dəstələri qoymuşlar.
Sonra tədbir Heydər Əliyev Mərkəzində davam etdirildi. Tədbir iştirakçıları əvvəlcə Ulu Öndərin həyat və fəaliyyətini əks etdirən eksponatlarla tanış oldular. Sonra torpaqlarımızın ərazi bütövlüyü, suverenliyi uğrunda canlarından keçmiş şəhidlərin ruhu bir dəqiqəlik sükutla yad edildi.
Rayon Icra hakimiyyətinin başçısı Müstəqim Məmmədov tədbir iştirakçılarını Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidmətinin yaradılmasının 6-cı ildönümü münasibətilə təbrik etdi və onlara səfərbərlik hazırlığının yüksəldilməsi istiqamətində apardıqları şərəfli və məsuliyyətli işlərində uğurlar dilədi. Daha ətraflı »

Bu dəfə rayon icra hakimiyyəti başçısının səyyar qəbul-görüşü rayonun Buruc kənd İƏD üzrə nümayəndəliyinin Gülabatlı kəndində keçirildi. Qəbulda rayonun hüquq mühafizə orqanlarının, səhiyyə, təhsil, mədəniyyət, digər xidmət sahələrinin rəhbərləri, ərazi icra nümayəndələri, bələdiyyə sədrləri və KİV nümayəndələri iştirak etdilər.
Əvvəlcə Buruc kənd İƏD üzrə nümayəndə Böyükkişi Məlikov kənd haqqında ətraflı məlumat verdi.
Sonra Gülabatlı kənd tam orta məktəbin direktoru Asif Alıkişiyev rayonda, eləcə də kəndlərində geniş vüsət alan abadlıq-quruculuq işlərindən, kəndin fasiləsiz elektrik enerjisi, təbii qaz və içməli su ilə təmin olunmasından razılıq hissi ilə danışdı. Məktəblərində yardımçı sinif otaqlarının tikilməsinə ehtiyac olduğunu bildirdi. Daha ətraflı »

Rayon tarix-diyarşünaslıq muzeyində Gənclər Günü münasibəti ilə “Gənclərlə irəli” adlı tədbir keçirilib. Fəal tərtərli gənclərin iştirakı ilə keçirilən toplantını müzeyin direktor əvəzi Aybəniz Məmmədova açıb. Fond müdiri Pəri Yusifli Gənclər Gününə həsr olunmuş məruzə ilə çıxış edib. O bildirib ki, bugünkü gənclər cəmiyyətdə fəal iştirakı, hərtərəfli bilikləri, təşəbbüskarlıqları ilə seçilirlər. Onlar dövlətin qayğısı ilə əhatə olunublar. Gənclər siyasətinin əsası Ulu Öndər Heydər Əliyev tərəfindən qoyulub və bu gün Prezident İlham Əliyev tərəfindən uğurla davam etdirilir.
Qızıl Aypara Tərtər rayon təşkilatının üzvü Aytən Qarayeva, rayon uşaq-gənclər idman şahmat məktəbinin direktoru Emin Quliyev, məktəbin metodisti Azər Musayev, “Ca qroup”un (SCAG) rəhbəri Coşqun Aslanov, musiqi məktəbinin müəllimi Müşfiq Ağayev çıxış edərək gənclərin üzərinə düşən məsul vəzifələrdən danışıblar.

Kənən HÜSEYNZADƏ

Tərtər şəhərində təşkil edilən satış-yarmarkada yerli fermerlər və məhsul istehsalçıları tərəfindən alıcılara müxtəlif növ ərzaq və kənd təsərrüfatı məhsulları təklif edilib. Məhsullar bazar qiymətlərindən 20-25 faiz ucuz satılıb. Yarmarkanın keçirilməsində əsas məqsəd fermerlərin öz məhsullarını bazara çıxarmasına kömək etmək, bazarlarda süni qiymət artımının qarşısını almaq, fermerlərlə emal müəssisələri və alıcılar arasında əlaqə yaratmaqdır.
Şəhərin Mehdi Hüseynzadə küçəsində, əhalinin gediş-gəlişinin sıx olduğu yerdə təşkil edilən yarmarkaya alma, mandarin, apelsin, qoz və fındıq ləpəsi, yerli soğan, kartof, pendir və şor, müxtəlif növ göyərtilər və digər məhsullar çıxarılıb. Alıcılar yarmarkadakı qiymətlərdən və yaradılmış şəraitdən razı qaldıqlarını bildiriblər. Satış-yarmarkanın hər həftənin şənbə və bazar günləri təşkil edilməsi nəzərdə tutulur.

Ölkə Prezidenti cənab İlham Əliyevin sərəncamına əsasən 2014-cü ildən başlayaraq hər il fevral ayının 12-dən mayın 1-dək əhali pulsuz olaraq tibbi müayinədən keçirilir.
Bununla bağlı mərkəzi rayon xəstəxanasında baş həkimin müavini Sevda Əliyeva ilə əlaqə saxladıq. Həkim bildirdi ki, ötən illərdə olduğu kimi bu il də pulsuz tibbi müayinəyə insanlar həvəslə gəlir, bu kampaniyada yaxından iştirak edirlər.
Rayon icra hakimiyyəti tərəfindən təsdiq edilmiş cədvələ əsasən rayon mərkəzi xəstəxanasında vətəndaşların pulsuz müayinəsi davam edir.
Ümumiyyətlə, rayon üzrə əhalinin kütləvi müayinə olunması üçün 6 həkim briqadası fəaliyyət göstərir. Bununla yanaşı Azadqaraqoyunlu və Bəyimsarov kənd xəstəxanalarında da əhalinin tibbi müayinədən keçirilməsi işləri mütəşəkkilliklə təşkil olunub. Daha ətraflı »

“Hərəyə bir ağac əkək!” kampaniyası çərçivəsində Yeni Azərbaycan Partiyasının YAP Tərtər Rayon Təşkilatının və rayon icra hakimiyyətinin birgə təşkilatçılığı ilə Bərdə Meşə Mühafizəsi və Bərpası Müəssisəsinin Tərtər rayonunun Buruc–Hüləbətli kəndləri ərazisində yerləşən meşə zolağının daha 2,5 hektar sahəsində 3 min ədəd ağac əkilmişdir. Beləliklə, YAP rayon təşkilatı ümumilikdə meşə zolağında 7 min ədəd ağacın əkinini başa çatdırmışdır.
Ağacəkmə kampaniyasında rayonun idarə, müəssisə və təşkilatlarında çalışan yüzlərlə YAP üzvü böyük həvəslə iştirak etmişdir.

“Yeni Tərtər”

VƏTƏNPƏRVƏR, FƏAL VƏ BİLİKLİ GƏNCLƏR AZƏRBAYCAN DÖVLƏTİNİN ƏN BÖYÜK SƏRVƏTİDİR

Əsl azərbaycanlı haqqında söhbət
Rayonumuzdakı Heydər Parkı digər bölgələrdəkindən seçilir. Bu fərq onun təbii relyefi ilə bağlıdır. Parkın içərisindən keçən iki təbii arx bura xüsusi gözəllik verir. Nəvələrim Heydər Parkında gəzməyi çox sevirlər. Amma bir məsələ onları narahat edir: nəyə görə soyuq qış aylarında arxlarda su bol olur, yazda və yayda isə quruyur? Sualların getdikcə artdığını görüb, hiss elədim ki, uşaqlar böyüyüblər və onlara bəzi məsələləri izah etməyin vaxtı çatıb.
Elə buradaca, parkda, Heydər Əliyev Mərkəzi yerləşir. Uşaqların əllərindən tutub, bu müqəddəs məkana gəlirəm. Azərbaycanda körpəlikdən Ulu Öndərimizi yaxşı tanıyırlar. Mənim məqsədim onun haqqında nəvələrimin bilmədiklərini danışmaq və göstərmək idi. Mərkəzin direktoru Səlimə Yusibovadan icazə alıb, bələdçi ilə birlikdə pilləkənlərlə yuxarı qalxırıq. Burada hər bir eksponat Ümummilli Liderimizin Vətənimizə, xalqına olan məhəbbətindən və bu istiqamətdə gördüyü misilsiz işlərdən danışır. Daha ətraflı »

PAMBIQÇILIQDA QABAQCIL TƏCRÜBƏNİN ÜNVANI

Respublika Prezidenti İlham Əliyevin ölkə iqtisadiyyatının neftdən asılılığını aradan qaldırmaq məqsədilə böyük uzaqgörənliklə verdiyi tapşırıq və tövsiyələr uğurla reallaşdıqca respublikamızın iqtisadi mənzərəsi də dəyişib yeniləşir. Kənd təsərrüfatında ənənəvi sahə olan pambıqçılığı inkişaf etdirmək, bu sahədə əvvəlki şöhrəti qaytarmaq barədə dövlət başçısının müəyyən etdiyi istiqamət ölkənin pambıqçılıq rayonlarında qeyri-adi bir canlanma yaratdı. Torpaqdan küsdürülən, əli işdən soyuyan kəndli yeni həvəslə, xoş arzularla bərəkətli çöllərə qədəm qoydu. Bolluğa, firavanlığa, xoş güzarana aparan bu halal zəhmət yolunun yolçularına Tərtər kəndlisi də böyük ümidlərlə qoşuldu. Yeni qədəm qoyduğu ot basmış, gəlişi-gedişi seyrəlmiş tarla yolu ürəyi təpərli, bolluq həvəsli Tərtər kəndlisinə çoxdan tanış idi. Yaxşı bilirdi ki, bu yol şöhrət yoludu. Yaxşı bilirdi ki, bu yolun yolçularının, ağ örpəkli tarlaları hünər meydanına çevirib xarüqələr yaradan əmək adamlarının adına nəğmələr qoşulur, şeirlər yazılır. Onlar mötəbər məclislərə dəvətlər alır, el-obanın xeyir–şər məclislərinin yuxarı başında əyləşirlər. Daha ətraflı »

Regionların sosial-iqdisadi inkişafına dair Dövlət Proqramlarının icrası ilə əlaqədar yerlərdə aqrar sahənin,o cümlədən maldarlığın inkişafına xüsusi diqqət yetirilir.
Azərbaycan Respublikasnın Prezidenti İlham Əliyevin 19 avqust 2015-ci il tarixli Sərəncamı ilə süni mayalanma yolu ilə alınmış hər buzova görə subsidiyanın verilməsi və heyvandarlığın cins tərkibinin yaxşılaşdırılmasına dövlət dəstəyi respublikanın hər yerində olduğu kimi, Tərtər rayonunda da heyvandarlığın inkişafına təkan vermişdir.
Damazlıq işinin məqsədi cinsindən və növündən asılı olmayaraq, kənd təsərrüfatı heyvanlarının genetik potensialını və məhsuldarlıq keyfiyyətini yaxşılaşdırmaqdır. Əhalinin heyvandarlıq məhsulları ilə təminatının daha da yaxşılaşdırılması, yüksək məhsuldarlığa malik olan heyvanların baş sayının artırılması və bu sahəyə marağın gücləndirilməsi üçün süni mayalanma yolu ilə alınmış hər baş buzova görə heyvan sahiblərinə 100 (yüz) manat həcmində subsidiya müəyyən edilmişdir. Daha ətraflı »