Can Vətəndən oldu baha,
Dözüm dedik bu günaha.
İntizardan doyub daha
Ruhum dağlara çəkilib.

Kef düşkünü diksin, üşən
Bağrımdı köz üstə bişən.
Təntənədən perik düşən.
Ahım dağlara çəkilib.

Talemi bu, qəzamı bu,
Bizə Haqdan cəzamı bu,
Qiyamətdən “vizamı” bu,
Nuhum dağlara çəkilib? Daha ətraflı »

Günəş qalxdı asimana,                                                        
Ordan boylandı Orxana.
Orxan yatağından qalxdı,
Pəncərədən çölə baxdı.
Aləm nura boyanmışdı,
Nənə təzdən oyanmışdı.
İndi küpdən dən səpirdi,
Toyuq-cücə dənlənirdi.
Orxan geydi köynəyini,
Daradı ipək telini.
Çıxdı çölə əldə sini,
Salamladı nənəsini.
Gülə-gülə şən səsiylə,
Təbəssümlü çöhrəsiylə
Çevrildi nənəyə sarı:
–Dürmək elə, ver mən yeyim, Daha ətraflı »

Azərbaycan 2017-ci ilin birinci yarısında uğurla inkişaf edib, qarşıda duran bütün vəzifələr icra olunub, ölkəmiz daha da güclənib və beynəlxalq əlaqələrimiz daha da dərinləşib. Əfsuslar olsun ki, 2017-ci ildə dünyada çox təhlükəli meyillər daha da güclənir. Həm bizim bölgəmizdə, həm dünyada narahatedici məqamlar kifayət qədər çoxdur. Müharibələr, münaqişələr, qanlı toqquşmalar, böhranlar – əfsuslar olsun ki, bugünkü beynəlxalq mənzərənin əlamətləri bunlardır. Azərbaycan isə uğurla inkişaf edir. Azərbaycanda sabitlik möhkəmlənir. Sabitliyin mənbəyi Azərbaycan xalqıdır, xalq-iqtidar birliyidir.

İlham Əliyev,
Azərbaycan Respublikasının Prezidenti

“Azərbaycan Respublikası Regionlarının 2014-2018-ci illərdə sosial-iqtisadi inkişafı Dövlət Proqramı”na uyğun olaraq Tərtər rayonunda aparılan tikinti-abadlıq və quruculuq işləri 2017-ci ilin birinci yarısında uğurla davam etdirilib. Bu dövrdə 57 milyon 545,5 min manatlıq tikinti-quraşdırma işləri aparılıb, 3 milyon 988,1 min manat dəyərində əsas fondlar istifadəyə verilib. Bu barədə Tərtər rayonunda 2017-ci ilin birinci yarısının yekunlarına həsr olunan hesabat yığıncağında məlumat verilib. Rayon İcra Hakimiyyətinin başçısı Müstəqim Məmmədovun məruzəsində bildirilib ki, ilin altı ayında rayonun sosial-iqtisadi inkişafının sürətləndirilməsi, iqtisadiyyatın daha da möhkəmləndirilməsi, infrastrukturun inkişaf etdirilməsi, sahibkarlığın dəstəklənməsi, əhalinin sosial-iqtisadi problemlərinin həlli və yaşayış məntəqələrinin abadlaşdırılması sahəsində tədbirlər uğurla davam etdirilib. Daha ətraflı »

Heydər Əliyev Mərkəzində rayon ağsaqqallar şurasının sədri Qədir Allahverdiyevin sədrliyi ilə “Gənclik və zaman” mövzusunda tədbir keçirilib. Tədbirə rayonda nümunəvi işləri ilə seçilən, adları daim qabaqcıllar sırasında çəkilən yaşlı nəslin nümayəndələri, bir sıra idarə və müəssisələrin gəncləri dəvət olunmuşdular.
Görüşü Ağsaqqallar Şurasının sədri Qədir Allahverdiyev açdı. Qeyd etdi ki, bugünkü tədbiri-mizi “Gənclik və zaman” adlandırmağımız heç də təsadüfi deyil. Azərbaycan dövlətinin qurucusu və memarı Ulu Öndər Heydər Əliyev qeyd edirdi ki, gənclər bizim gələcəyimizdir. Biz onlara inanır və arxalanırıq.
Tədbirdə milli-mənəvi dəyərlərimizdən, mentalitetimizdən, vətən və torpaq sevgisindən də söbət getdi. Daha ətraflı »

Qarabağ Regional Bilik Evinin təşəbbüsü ilə Tərtər gənclərinin bir qrupu rayon ağsaqqallar şurasının üzvü, elektromexanika zavodunun keçmiş direktoru Rauf Həsənzadənin qonağı oldu. Məqsəd onun şəxsi kitabxanası ilə tanışlıq idi.
Rauf Həsənzadə kitabxana haqqında məlumat verərək bildirdi ki, şəxsi kitabxanası ötən əsrin 80-ci illərindən təşkil olunub. O illərdə zavod direktoru işlədiyim üçün Rusiyanın şəhərlərinə tez-tez ezamiyyəyə gedirdim. Həmin şəhərlərdə “Bukinist” mağazalarını gəzib tarixi kitab-ları alırdım.
Hazırda Rauf Həsənzadənin şəxsi kitabxanasında 12 mindən çox kitab var. Burada 1717-ci ildə Birinci Pyotrun sifarişi ilə çap olunmuş “Məişətdə davranış qaydaları” (rus dilində) kitabından tutmuş keçmiş SSRİ-nin tərkibində xalqların yaşam tərzini, Avropa ölkələrinin mədəniyyətini əks etdirən, ermənilərin Azərbaycan torpaqlarına köçürülmələrinə və bu torpaqlarda törətdikləri vandalizm aktlarına həsr olunan məlumatlarla zəngin kitablar vardır. Rəflərdə yerləşən kitablar içərisində ensiklopediyalar, dünya ədəbiyyatından, xalq təbabətindən bəhs edən kitablar üstünlük təşkil edir. Daha ətraflı »

Məntəqəmiz ötən il 515 hektar sahədə pambığın əkilib becərilməsinə dair fermerlərlə müqavilə bağlamışdırsa, bu il həmin rəqəm 2 dəfədən çox artıraq 1063 hektara çatdırılmışdır.
Cari ildə Qaynaq, Qazyan, Əksipara, Qaraağacı, Bəyimsarov, Evoğlu, İsmayılbəyli, İrəvanlı və digər kəndlərin fermerləri ilə müqavilələr bağlamışq. Bu sənədlərə əsasən becərmə, dərmanlama, kultivasiya zamanı, bir sözlə, becərmə vaxtı bütün işlərdə həm texnika sarıdan, həm də gübrə və digər pesdisidlərin çatdırılmasında fermerlərə lazımi köməklik göstəririk.
Tarlalarda beçərmə işlərinin son mərhələsidir. Bir azdan kənd əməkçiləri hasilə gətirdikləri məhsulu toplayıb məntəqəmizə təhvil verəcəklər. Becərmə vaxtı olduğu kimi məhsul toplanışında da yerlərdə lazımi köməklik göstərəcəyik. Məntəqəmiz məhsul qəbuluna tam hazırdır. Pambığı daşımaq üçün 20-dən çox lafet, 11 traktor var.
Məntəqənin ümumi sahəsi 3 hektara yaxındır. Taya vurmaq üçün 8 meydanca hazırlanıb. Burada 40 nəfər işçi çalışacaq. Hamının məqsədi gərgin zəhmət bahasına hasilə gətirilmiş məhsulu tez və itkisiz tədarük etməkdir.

Fəqani Babışov,
“CTS Aqro” MMC Tərtər Pambıq İstehsalı və Tədarükü Məntəqəsinin direktoru

Ötən il bizim Qapanlı kəndi ərazisində “Toxmaq yeri” adlanan sahədə yeni subartezian quyusu vuruldu. Bundan sonra suvarma zamanı yaranan çətinliklər aradan qalxdı. Hazırda həmin sahədə həmkəndlim Ərşad Ərşadlı ilə birlikdə 5 hektar pambıq, 3 hektar şəkər çuğunduru, 2 hektar sorqo (süpürgə) əkmişik.
Indiyədək sahələrdə 3 becərmə, 3 suvarma aparmışıq. Pambıq və çuğundur sahələrində ziyanvericilərə qarşı dərmanlama tədbirləri görmüşük. Bitkilərə yemləmə gübrəsi vermişik.
Işlərimiz yaxşıdır. İnanırıq ki, çəkdiyimiz zəhmət bəhrəsini verəcək

Surxay Zeynalov,
Qapanlı kəndində torpaq mülkiyətçisi

MƏHSUL BOL OLACAQ

Xurma bağlarında məhsul yığımına hələ bir neçə ay qalıb. Amma bağların indiki vəziyyəti deməyə əsas verir ki, bu il tərtərli bağbanlar nəinki rayon əhalisini bu qiymətli meyvələrlə təmin edəcək, eləcə də xarici bazarlarda “Made in Azerbaijan” brendi layiqincə təmsil olunacaq.
Rayon kənd təsərrüfatı idarəsində bitkiçilik sektorunun müdiri Bayram Əliyevdən xurma bağlarının indiki vəziyyəti barədə məlumat verməsini xahiş etdik. O dedi:
– Rayon üzrə meyvə verən xurma bağları 288,4 hektardır. 27,4 hektar sahədə isə yeni bağlar salınıb. Ötən il rayonda 3237 ton xurma toplanıb. Hər hektarın məhsuldarlığı 112,2 sentner olub.
Öyrəndik ki, Mamırlıda Zəfər Nəsirov, İrəvanlıda Məhyəddin Abbasov, Xəyyam Əliyev bu sahədə yaxşı təcrübə toplayıblar. Onlar həm ağacların becərilməsi texnologiyasını yaxşı mənimsəyiblər, həm də məhsulun nə zaman yığılmasını, necə qablaşdırılmasını bilirlər. Buna görə də çəkdikləri zəhmət hər zaman bəhrə verir.
Daha sonra Bayram Əliyev dedi: Daha ətraflı »

Tikinti
2017-ci ilin yanvar-iyun aylarında Tərtər rayonunda iqtisadi və sosial sahələrin inkişafı üçün bütün maliyyə mənbələrindən əsas kapitala 66 milyon 158,1 min manat və ya əvvəlki ilin müvafiq dövründəkindən 7,1 dəfə çox vəsait yönəldilmişdir. Əsas kapitala yönəldilmiş investisiyaların 57 milyon 545,5 min manatı və ya 87 faizi tikinti-quraşdırma işlərinə yönəldilmişdir..
2017-ci ilin yanvar-iyun aylarında əsas kapitala yönəldilmiş bütün vəsaitin 83,87 faizi tikinti işlərinin, 7,9 faizi sənayenin, 7,8 faizi nəqliyyatın, 0,03 faizi rabitənin, 0,4 faizi isə kənd təsərrüfatının inkişafına sərf edilmişdir.
Əsas kapitala yönəldilmiş investisiyanın 65 miyon 630,1 min manatı və ya 99,2 faizi dövlət mülkiyyətinə məxsus müəssisələr, 528 min manatı və ya 0,8 faizi qeyri-dövlət müəssisə və təşkilatlar tərəfindən yönəldilmişdir. Daha ətraflı »