Sağlam nəsil yetişdirmək dövlətimizin qarşısında duran önəmli vəzifələrdəndir

Müstəqillik qazandığımız hazırkı şəraitdə yetişən nəslin fiziki tərbiyəsini günün tələbləri səviyyəsində inkişaf etdirərək formalaşdırılması bu gün mühüm aktuallıq kəsb edir. Əlbəttə ki, bu aktual problemin daha da inkişaf etdirilərək formalaşdırılması və modernləşdirilməsi bu sahədə çalışan mütəxəssislərin qarşısında təxirəsalınmaz vəzifələr qoyur. Bu vəzifələrin məktəblərimizdə də beynəlxalq normalara uyğun olaraq təkmilləşdirilməsi zəruri sayılır. Bu gün bütün təhsil müəssisələrində, məktəbdənkənar təhsil müəssisələrində gələcək nəslin fiziki cəhətdən sağlam olmaları və potensial qabiliyyətlərinin inkişaf etdirilməsi üçün hər cür şərait yaradılmışdır.
Azərbaycan Respublikasının Prezidenti cənab İlham Əliyev uşaq-gənclərin intellektual, fiziki və mənəvi inkişafını, ölkənin sosial-iqtisadi, ictimai-siyası və mədəni həyatında fəal iştirakını təmin etmək məqsədilə “2015-2025-ci illərdə Azərbaycan gənclərinin inkişaf strategiyası”nı təsdiq etmişdir. Strategiyada göstərilir ki, gənclərin sağlamlığı, təhsili, məşğulluğu, sosial müdafiəsi və digər məsələlərlə bağlı dövlət tərəfindən genişmiqyaslı tədbirlər həyata keçirilir. Hətta xüsusi qayğıya ehtiyacı olan gənclərin idmanla məşğul olması üçün güzəştli şərait yaratmaq tələbi inkişaf strategiyasında xüsusi yer tutur. Bu tələblər əsasında yanaşsaq görərik ki, uşaq-gənclərin fiziki tərbiyəsi dövlət üçün önəmli məsələlərdəndir. Məktəb, ailə və ictimaiyyətin də məqsədi sağlam nəsil yetişdirməkdir. Bu sahədə hər kəsin öz funksiyası var. Həmin məqsədin reallaşdırılmasına xidmət göstərən sahələrdən biri də uşaqların psixoloji problemlərinin aradan qaldırılmasında müstəsna rolu olan fiziki tərbiyədir. Daha ətraflı »

“Xoşbəxtəm ki, müəlliməm”

Şad xəbər “quş qanadlı” olar, – deyiblər. Azərbaycan təhsilnin inkişafındakı xidmətlərinə görə şəhər 1 saylı orta məktəbin ədəbiyyat müəllimi Fazilə Kərimovanın Azərbaycan Respublikası Prezidentinin Sərəncamı ilə “Əməkdar müəllim” adına layiq görülməsi xəbəri də çox tez yayılaraq, təhsil işçilərilə yanaşı, rayonumuzun bütün ictimaiyyətini ürəkdən sevindirdi.
Biz də Fazilə müəllimin se-vincinə şərik lduq. Onu redaksiyamıza dəvət edib, ürək sözlərini dinlədik:
– Çox böyük qürur və fərəh hissi keçirirəm. Mükafat alanların arasında möhtərəm Prezidentimizə dərs demiş iki müəllim də vardı. İnanıram ki, mənim şagirdlərim də gələcəkdə həyatda ən yüksək mövqe qazanacaqlar. Bunun üçün əlimdən gələni edəcəyəm.
– Nəyə görə müəllim peşəsini seçmisiniz? – sualına o, belə cavab verdi:
– Mənim anam savadsız idi. Amma sinəsi el deyimləri, bayatılarla doluydu. Hərdən öz-özümə məəttəl qalırdım ki, hardan bilir bunları mənim anam? Atam isə həmişə axşamlar bizə kitab oxutdururdu. Biz növbə ilə xalq dastanlarını oxuyar, bütün ailə üzvləri böyük maraqla dinləyərdilər. Bunları deməkdə məqsədim odur ki, ailəmizdə milli-mənəvi dəyərlərimizə, xalqımızın keçmişinə, adət-ənənələrinə dərin hörmət olub. Məhz bunun nəticəsində böyük bacım Roza, sonra isə mən ədəbiyyat müəllimi ixtisasını seçdik. Daha ətraflı »

“Yetirmələrim həm təhsildə, həm də iş fəaliyyətlərində mənim xəyallarımı gerçəkləşdirirlər”

Şəhər 6 saylı tam orta məktəbin ingilis dili müəllimi Zümrüd Zamanova bu sözləri elə qürurla söylədi ki, elə təkcə bu kəlmələrdən onun necə müəllim olduğunu bilmək mümkündür.
Hər kəsin həyatda məqsədi olur. Müəllimin də məqsədi cəmiyyətimizin gələcəyini qura biləcək vətənpərvər, savadlı, dünyagörüşlü gənclərin yetişdirilməsidir. Bunun arxasında necə böyük zəhmət dayandığını hamımız bilirik. Çünki elə bir ailə yoxdur ki, məktəblə əlaqəsi olmasın.
Müxtəlif illərdə Azərbaycan Respublikası Təhsil Nazirliyinin, Tərtər rayon İcra Hakimiyyətinin, təhsil sektorunun Fəxri Fərmanları və mükafatları ilə təltif olunmuş, 1989-cu ildə “Baş müəllim”, növbəti il isə “Metodist müəllim”, 2004-cü ildə Azərbaycan Respublikası Prezidentinin Sərəncamı ilə “Əməkdar müəllim” fəxri adına layiq görülmüş Zümrüd müəllimi uğurlara çatdıran yol haradan və necə başlayıb? Bu sualla özünə müraciət etdik. O dedi:
– Tərtər şəhər 1 saylı tam orta məktəbin məzunuyam. Həyatda əldə etdiyim nailiyyətlərdə məktəbin, burada vaxtilə çalışan qabaqcıl müəllimlərin xüsusi rolu olub. Məktəb illərində qoyulan bünövrə möhkəmdirsə, insanın gələcəyi də ona uyğun qurulur. Əlbəttə, bura hər kəsin özünün şəxsi bacarıqlarını, zəhmətsevərliyini də əlavə etmək lazımdır.
1982-ci ildə Azərbaycan Pedaqoji Xarici Dillər İnstitutunu İngilis və alman dilləri ixtisası üzrə bitirən Zümrüd Zamanova həmin ildən bugünədək Rafiq Nuriyev adına şəhər 6 saylı tam orta məktəbdə çalışır. İstər təhsil aldığı illərdə, istərsə də iş fəaliyyətində o, həmişə fəal olmağa çalışıb, yeniliklərə can atıb. Məktəbdə linqafon kabineti yaradılanda, ingilis dilində ilk linqafon dərslərini Zümrüd müəllim tədris etməyə başlayıb. Şagirdlərin dil öyrənmək həvəsi artıb və onun iş təcrübəsi rayon səviyyəsində yayılıb. Daha ətraflı »

Prezident İlham Əliyevin fevralın 14-də keçirilən andiçmə mərasimindəki çıxışında qar-şıya qoyduğu mühüm vəzifələrdən biri gənclərin tərbiyəsidir. “Gənc nəslin tərbiyə edilməsi bizim gələcəyimizin təmin edilməsi deməkdir” – deyən dövlət başçısı birinci yerdə ailə, ikinci yerdə isə məktəb tərbiyəsinin dayandığını söyləyib. O bildirib ki, belə müzəffər gənclərimizin yetişdirilməsində Azərbaycan məktəbinin çox böyük rolu vardır.
Tərtər Rayon İcra Hakimiyyətinin başçısı Müstəqim Məmmədov bu günlərdə ra-yonun Arzuman Ağayev adına 155 şagirdin təhsil aldığı Yuxarı Sarıcalı kənd tam orta məktəbində olub, məktəbin pedaqoji və şagird kollektivi ilə görüşüb, onların qayğıları ilə maraqlanıb.
Rayon rəhbəri məktəbdə tədris, təlim-tərbiyə prosesi ilə maraqlanıb, bildirib ki, bizim qəhrəmanlıq tariximizlə bağlı uşaqlara lazımi məlumatlar verilməlidir. Bu tarix və onun əsasında verilən tərbiyə və bilik böyük önəm daşıyır.
Rayon rəhbəri qeyd edib ki, milli-mənəvi dəyərlərimizi daimi diqqətdə saxlamalıyıq. Uşaqları yad dəyərlərdən qorumaq pedaqoji kollektivin qarşısında duran mühüm vəzifələrdən biridir.

Tərtər Rayon İcra Hakimiyyətinin və rayon Təhsil sektorunun birgə təşkilatçılığı ilə Uşaq Gənclər İdman Şahmat məktəbinin foyesində ümumtəhsil məktəblərinin şagirdlərinin rəsm və əl işlərindən ibarət “Xocalı soyqırımını unutma!” adlı rəsm müsabiqəsi keçirilib.
Məktəblilərin rəsm müsabiqəsində Tərtər Rayon İcra Hakimiyyətinin əməkdaşı Rəqsanə Məmmədli, Təhsil sektorunun əməkdaşı Lamiyə Məmmədova, Aysel Ağayeva və Uşaq Yaradıcılıq Mərkəzinin direktoru Ülviyyə Qənbərova çıxış ediblər.
Sonra şagirdlərin Xocalı faciəsinə həsr etdikləri rəsmlərə baxış keçirilib.

Təbiəti qorumaq həyatı qorumaq deməkdir

“İnsanları təbiətin övladı” kimi dəyərləndirən Ulu Öndər Heydər Əliyev Azərbaycana rəhbərlik etdiyi bütün dövrlərdə daim təbiətə qayğı göstərmiş, onun sərvətlərini göz bəbəyi kimi qorumağı tövsiyə etmişdir.
Prezident İlham Əliyev də öz çıxışlarında Azərbaycan vətəndaşlarının təmiz ekoloji şəraitdə yaşamasını cəmiyyətimiz qarşısında duran mühüm bir vəzifə olduğunu qeyd edir.
Bu dəyərli tövsiyələrin timsalında təbiətimizi qorumağı özümüzə bir həyat borcu seçdik və sevdik.
“Təbiətə qayğı” dərnəyimizin 12 nəfər üzvü var. 2023-cü ilin 1 noyabrında fəaliyyətə başlamışıq.
Dərnək üzvləri ilə bərabər təbiətə, suya, tullantılara, havaya, heyvanlara, bitkilərə, təbiət hadisələrinə, antropogen hadisələrə aid şagirdlərin maarifləndirilməsi üçün videoçarxlar hazırlayır, maarifləndirici təqdimatlar edirik.
Azərbaycan Respublikasının Birinci vitse-prezidenti Mehriban xanım Əliyevanın “Təbiət naminə birləş, Həyat naminə birləş!” sözləri fəaliyyətimizdə bizə stimul verir.
Azərbaycan Respublikası Ekologiya və Təbii Sərvətlər Nazirliyi 9 saylı Regional Ekologiya və Təbii Sərvətlər idarəsinin Ətraf mühitdən istifadənin tənzimlənməsi və ekoloji maarifləndirmə Sektorunun müdiri İsrafil Paşayev və həmin sektorun baş məsləhətçisi Vaqif Əliyev dərnəyimizin qonağı olub və məktəbin həyətində sərv ağacları əkiblər.
“Şəhidlər vurulanda ölmürlər, unudulanda ölürlər!” devizi altında dərnəyimizin üzvləri şəhidlərə həsr olunmuş ədəbi-bədii kompozisyalarla şəhid ailələri qarşısında çıxış ediblər. Tədbirin sonunda məktəbin həyətyanı sahəsində şəhid ailələri ilə birlikdə “8 Noyabr – Zəfər Günü” münasibəti ilə sərv ağacları və qızılgül kolları əkilib. Daha ətraflı »

Şikar Şikarov adına şəhər 5 saylı tam orta məktəbin kollektivi üçün “Heydər Əliyev ili” yaddaşlarda əlamətdar hadisə ilə qalmışdır. Məhz həmin il şagird və müəllim kollektivi rayon ictimaiyyəti ilə birlikdə gözəl, yaraşıqlı yeni məktəb binasının istifadəyə verilməsini qeyd etdi.
1974-cü ildə tikilmiş və müharibə nəticəsində dəfələrlə dağıntılara məruz qalmış 220 şagird yerlik binanın yerində Təhsil Nazirliyi tərəfindən 360 şagird yerlik yeni bina inşa olunmuşdur. Məktəbin geniş akt zalı, idman zalları, bütün lazımi avadanlıqlarla təhciz olunmuş fənn kabinələri, laboratoriyaları, oğlan və qızlar üçün ayrıca 2 texnologiya kabinəsi, kitabxana və 60 yerlik mətbəxi var.
Məktəbdə yaşanan yüksək əhval-ruhiyyə növbədənkənar Prezident seçkiləri ərəfəsində daha da artaraq, fevralın 7-də böyük bir bayrama çevrildi.
Belə ki, burada yerləşən 5 saylı seçki məntəqəsində bu siyasi kampaniyanın yüksək səviyyədə keçirilməsi üçün əvvəlcədən bütün hazırlıq işləri görülmüşdür.
Məntəqənin sədri Arzu Babayeva deyir:
– Səhər saatlarından insanlar sevinc hissi ilə məntəqəyə gəlməyə başladılar. Özü də qeyd etmək istəyirəm ki, bu seçkilərdə yaşlı adamların da sayı əvvəlkindən çox idi. Hər kəs möhtərəm Prezidentimizə olan sevgi və ehtiramını məntəqəyə gələrək ona səs verməklə bildirmək istəyirdi.
Seçki məntəqəsinin katibi Aytən Quliyeva isə ilk dəfə səs vrerən Quluzadə Nicat Elşən oğlunun adını çəkdi. Bu tarixli seçkilərdə iştirak etdiyinə görə onun çox qürurlu olduğunu söylədi.
Seçki prosesi başa çatdıqdan və ilk nəticələr elan olunduqdan sonra müəllimlər cənab İlham Əliyevin yenidən Prezident seçilməsini çay süfrəsi arxasında qeyd etdilər.

“YENİ TƏRTƏR”

Prezident İlham Əliyevin həyata keçirdiyi gənclər siyasətinin mühüm bir istiqamətini gənclərin qabaqcıl xarici təhsil proqramlarına cəlb edilməsi təşkil edir.
Belə gənclərdən biri də həmyerlimiz Orxan Mustafazadədir. Orxan 2001-ci ilin 28 noyabrında rayonumuzun Əskipara kəndində anadan olub. Şikar Şikarov adına şəhər 5 saylı tam orta məktəbin məzunudur.
Orxan Mustafazadənin həyatı müasir Azərbaycan gəncinin parlaq nümunəsidir. Cəmi 23 yaş və saymaqla bitməyən uğurlar, qələbələr, nailiyyətlər, araşdırmalar, ictimai fəallıq, mübarizə və daha nələr, nələr…
O, 2019-cu ildə 502 qəbul balı və YÖS nəticəsi ilə Türkiyədə iqtisadiyyat ixtisası üzrə təhsil almağa başlayıb. Bakalavr təhsilini 3 ilə yekunlaşdırıb. Hal-hazırda magistratura pilləsi üzrə təhsilini Türkiyə Respublikasında davam etdirir. İkinci kurs magistr tələbəsi olaraq “Dayanıqlı inkişaf”, “Dayanıqlı ekoloji inkişaf” adlı araşdırmaların, “İnternationl Journal of Social and Humanities Sciences Research” elmi jurnalında yayımlanan “Sürdürülebilir Kalkınma Bilinci Üzerine Bir Araştırma” məqaləsinin müəllifidir.
Orxan Mustafazadənin bugünkü uğurlarından danışarkən qeyd etmək lazımdır ki, onların bünövrəsi orta məktəb illərində qoyulub. O, bu barədə belə deyir: Daha ətraflı »

Beynəlxalq Müəllimlər Günü ərəfəsində rayonumuzun bir qrup təhsil işçisi fəxri adlarla və döş nişanları ilə mükafatlandırılıb. Əsəd Məmmədov adına 1 saylı tam orta məktəbin riyaziyyat müəllimi Sevda Vəliyevanın da adı mükafatlandırılanlar arasındadır. Bununla əlaqədar məktəbdə müəllimlə görüşdüm. Əvvəlcə qısa tərcümeyi-halını soruşdum. Öyrəndim ki, 1963-cü il mayın 17-də Tərtər şəhərində doğulub. 1969-cu ildə rayonun ən qabaqcıl ümumtəhsil məktəblərindən olan, həm də özündən böyük qardaş və bacılarının təhsil aldığı 1 nömrəli tam orta məktəbin birinci sinfinə gedib. 1979-cu ildə orta məktəbi bitirib. Elə həmin il ali məktəbə qəbul olub. 1983-cü ildə keç-miş V.İ.Lenin adına Azərbaycan Dövlət Pedaqoji İnstitutunun riyaziyyat fakültəsini bitirib və təhsil aldığı orta məktəbdə riyaziyyat müəllimi olaraq fəaliyyətə başlayıb.
Sevda müəllim söhbət zamanı bildirdi ki, pedaqoji fəaliyyətə başladığı gündən 41 ildən artıq vaxt ötüb. Bu illər müəllimin ömrünə öz naxışlarını çəkib. Hər şeydən əvvəl peşəsini və şagirdlərini sevərək çalışıb. Bu sevgini onda orta məktəbdə dərs demiş müəllimləri yaradıb. Sabir Paşayevin, Mikayıl Səfərovun yetişdirdiyi yüzlərlə müəllimlərdən biri də Sevda müəllimdir. Bu anda vaxtı ilə söylənmiş bir atalar sözü yadıma düşdü: “Müəllim bir memar, ya mühəndisdir ki, insanların düşüncələrini, ağlını düzəldir”. Bu fikirləri Sevda müəllim haqqında da söyləmək yerinə düşər. Bu gün onun yetirmələri ölkəmizin hər yerində fəaliyyət göstərir, təhsil ocaqlarında çalışaraq təhsilimizin inkişafına nail olurlar. Yaddaşında olan bir neçə yetirməsinin adını iftixarla çəkdi. Daha ətraflı »

Tərtər rayon İcra Hakimiyyəti, Qarabağ Regional Təhsil İdarəsinin Tərtər təhsil sektoru və Yeni Azərbaycan Partiyası Tərtər rayon təşkilatının birgə təşkilatçılığı ilə rayonda yeni istifadəyə verilmiş şəhər 5 nömrəli tam orta məktəbin akt zalında ”Heydər Əliyev İli” çərçivəsində 5 oktyabr –“Beynəlxalq Müəllimlər Günü”ndə “Heydər Əliyev və Azərbaycan təhsili” mövzusunda konfrans keçirilib. Konfransda Tərtər Rayon İcra hakimiyyətinin başçısı Müstəqim Məmmədov, Tərtər Təhsil sektorunun müdiri Oktay Sarıkişiyev, YAP rayon təşkilatının sədri Eldar Əsədov, Səfərbərlik və Hərbi Xidmətə Çağırış üzrə Dövlət xidmətinin Tərtər rayon şöbəsinin rəisi Elşən Abdullayev, rayon Ağsaqqallar Şurasının sədri Faiq Məmmədov, ümumtəhsil məktəblərinin direktorları və müəllimlər iştirak ediblər.
Tədbirdən öncə təhsil işçiləri rayonun mərkəzi meydanında ucaldılan Ulu Öndər Heydər Əliyevin abidəsini ziyarət edib, xatirəsinə ehtiram əlaməti olaraq abidə önünə gül-çiçək dəstələri düzüblər.
Ümummilli Lider Heydər Əliyevin, şəhidlərin və ötən təhsil ili müddətində dünyadan kö-çən müəllimlərin xatirəsi bir dəqiqəlik sükutla yad edilib və Azərbaycan Respublikasının dövlət himni səsləndirilib.
Tədbirdə çıxış edən rayon rəhbəri ümumtəhsil məktəbləri-nin bütün müəllimlərini peşə bayramları münasibəti ilə səmimi qəlbdən təbrik edib, onlara uzun ömür, cansağlığı, şərəfli fəaliyyətlərində uğurlar diləyib. O, öz çıxışında “mən dünyada müəllimdən yüksək ad tanımıram”–deyən Ulu Öndər Heydər Əliyevin hakimiyyətinin bütün dövrlərində milli təhsilə göstərdiyi diqqət və qayğıdan söhbət açib. Daha ətraflı »