Azərbaycan Respublikasının millətlərarası, multikulturalizm və dini məsələlər üzrə Dövlət müşaviri, akademik Kamal Abdullayev Bakı Beynəlxalq Multikulturalizm Mərkəzində Nevada Ştat Assambleyasının spikeri Con Həmbrik (John Hambrick) ilə görüşüb. Qeyd edək ki, 29 aprel 2015-ci ildə Con Həmbrikin birbaşa dəstəyi ilə Nevada Ştat Assambleyası (Parlamenti) tərəfindən Azərbaycanda mövcud olan multikultural durum və tolerantlıq ənənələrinin təqdir olunduğu  sənəd qəbul edilib.

Dövlət müşaviri Kamal Abdullayev qonağı salamlayıb, Azərbaycanla bağlı xeyirxah fəaliyyətinə görə Con Həmbrikə minnətdarlığını bildirib: “Azərbaycanda sizi yaxşı tanıyırlar. Ədalətin tərəfində olduğunuz üçün sizə təşəkkür edirik. Azərbaycan Prezidenti cənab İlham Əliyev həmişə deyir ki, Dağlıq Qarabağ problemində həmişə dünya ictimaiyyətinin dəstəyinə arxalanırıq. Siz də dünya ictimaiyyətinin dəyərli nümayəndələrindən birisiniz. Xalqımız  Azərbaycanla bağlı gördüyünüz işlərə görə sizə ən xoş arzularını çatdırır”. Daha ətraflı »

“Sülhə gəlin, ey insanlar!” Bu çağırış müasir qloballaşan dün-yamızda xüsusilə aktualdır və mənə elə gəlir ki, 2016-cı il 25-27 apreldə Bakı şəhərində keçiriləcək BMT Sivilizasiyalar Alyansının 7-ci Qlobal Forumunda digər məsələlərlə yanaşı bu fikir də beynəlxalq səviyyədə dialoq və əməkdaşlıq şəraitində müzakirə ediləcək. Son illər Azərbaycan müxtəlif dövlətləri, sivilizasiyaları bir araya gətirən məkana çevrilib. Dini dözümsüzlüyün, irqi ayrıseçkiliyin və islamofobiyanın bütün dünyada geniş yayıldığı bir dövrdə Azərbaycanda multikultural dəyərlərə böyük önəm ve- rilir.
“Multikulturalizm” sözü dilimizə yeni gəlsə də, ölkəmizdə bu anlayış daim olmuşdur və qədim dövrlərdən bu günədək azərbaycanlılar başqa millətlərin və dinlərin nümayəndələri ilə dostluq və mehribançılıq şəraitində yaşamışlar.
III Ümumdünya Mədəniyyətlərarası Dialoq Forumunda çıxışı zamanı Azərbaycan Prezidenti İlham Əliyev Azərbaycanın sivilizasiyaların, mədəniyyətlərin və dinlərin kəsişməsində yerləşdiyini bildirərək deyib: “Biz Avropa ilə Asiya arasında yerləşirik. Daha ətraflı »

QƏLBLƏRİ QIRMAYAQ!

Bismillahir Rəhmanir Rəhim.
Mehriban və bağışlayan Allahın adı ilə!
“Ey iman gətirənlər! Hamınız bir yerdə sülhə gəlin! Şeytanın yolu ilə getməyin”… (Bəqərə s., ayə 208) .
“…Hər kəs bir kimsəni öldürməmiş və yer üzündə fitnə-fəsad törətməmiş bir şəxsi öldürsə, o, bütün insanları öldürmüş kimi olur. Hər kəs belə bir kimsəni diriltsə (ölümdən qurtarsa), o, bütün insanları diriltmiş kimi olur.” ..(Maidə s., ayə 32). Bu ayələr, daha doğrusu, bu hökmlər, bütün aləmləri içindəkilərlə bərabər xəlq edən Uca Allah tərəfindən, Hörmətli Rəsulu (elçisi) vasitəsiylə bütün insanlara göndərilmişdir.
Quranın başqa bir ayəsində isə (Bəqərə s., ayə11), insanlara fitnə-fəsaddan uzaq durmaq əmr olunur.
Yer kürəsi birlikdə bütün insanların yaşadıqları bir evdir sanki. Daha ətraflı »

TƏRTƏRLİLƏR NOVRUZU BÖYÜK SEVGİ İLƏ QARŞILADILAR

Həmin gün tərtərlilər və şəhərimizin qonaqları Ümummilli Lider Heydər Əliyevin adını daşıyan Mərkəzi meydana toplaşmışdılar. Bayram münasibətilə bəzədilmiş meydan öz möhtəşəmliyi ilə göz oxşayırdı. Novruzun atributlarından biri olan nəhəng səməni baharın yaxınlaşmasından, tezliklə təbiətin bu cür yamyaşıl rəngə boyanacağından xəbər verirdi. Rayon icra hakimiyyəti binasının üzərində əzəmətlə dalğalanan Azərbaycan bayrağı xalqın bu sevincinin, qürurunun şahidi idi. Bəli, bütün bunlar bu il 25 illik yubileyini qeyd edəcəyimiz müstəqilliyimizin bizlərə bəxş etdiyi xoşbəxtlikdir. Daha ətraflı »

Gənclər Mərkəzində “Xalqımızın milli-dini adət-ənənələri və dini radikalizm” mövzusunda seminar-müşavirə keçirilib.
Azərbaycan Respublikası Dini Qurumlarla İş üzrə Dövlət Komitəsinin və Tərtər Rayon İcra Hakimiyyətinin təşkilatçılığı ilə keçirilən tədbirdə rayon ictimaiyyətinin nümayəndələri və bölgənin din xadimləri, dini icma sədrləri iştirak ediblər. Tədbirin açılışında çıxış edən Tərtər Rayon İcra Hakimiyyətinin Başçısı Müstəqim Məmmədov ölkəmizdə milli-mənəvi dəyərlərə, dini icmaların və din xadimlərinin fəaliyyətinə göstərilən yüksək qayğıdan danışıb, rayondakı dini durum haqqında ətraflı məlumat verib. Bildirib ki, Tərtər rayonunda dini maarifçilik sahəsində, vətəndaşların radikal dini qruplaşmaların, qeyri ənənəvi təriqətlərin təsirinə düşməməsi, mövhumata və xurafata meyillənməməsi üçün mütəmadi işlər aparılır. Cəbhə bölgəsində yerləşən Tərtər rayonunda bu gün dini durum sabitdir. Daha ətraflı »

Şəhər 6 saylı tam orta məktəbində Beynəlxalq Ana Dili Günü münasibəti ilə tədbir keçirildi. Tədbirdə məktəbin müəllim və şagird kollektivi iştirak edirdi.
Sinifdənxaric və məktəbdənkənar işlər üzrə direktor müavini Zülfiyyə Abdullayeva bildirdi ki, dünyada Beynəlxalq Ana Dili Günü 1999-cu ilin noyabrında Banqladeş səfirinin təşəbbüsü ilə YUNESKO tərəfindən təsis edilmişdir.
Dil real və mücərrəd irsin qorunması və inkişaf etdirilməsi üçün ən mühüm bir amildir. Millətin dilinin dövlət statusuna yüksəlməsi tarixi hadisə, milli dövlətçilik tarixinin qızıl səhifəsidir. Bu məqam millətin millət olaraq təsdiqidir.
2002-ci il sentyabrın 30-da Azərbaycan Respublikasında “Dövlət dili haqqında” Qanunun qəbul edilməsi Azərbaycan dilinin dövlət dili kimi işlədilməsi, onun tətbiqi, qorunması və inkişaf etdirilməsi istiqamətində irəliyə doğru daha bir addım olmuşdur. Daha ətraflı »

İtaliyada Multikulturalizm Mərkəzinin filialı yaradılır

Bakı Beynəlxalq Multikulturalizm Mərkəzində(BBMM)  İtaliyanın Sandro Teti Nəşriyyat Evinin (STNE) rəhbəri, politoloq Sandro Teti ilə görüş keçirilib. Mərkəzin icraçı direktoru Azad Məmmədov və müşaviri Aytən Qəhrəmanın iştirak etdiyi görüşdə BBMM və STNE arasında ikitərəfli əməkdaşlıq və dostluq əlaqələrinin inkişafı məsələləri müzakirə edilib.  Müzakirələrdən sonra BBMM ilə STNE arasında multikulturalizmin həyat tərzinə çevrildiyi Azərbaycanın dünyaya tolerantlıq nümunəsi olaraq tanıdılmasını, bu istiqamətdə müştərək layihələrin icrasını  təmin etmək məqsədilə qarşılıqlı əməkdaşlıq haqqında anlaşma memorandumu imzalanıb. Daha ətraflı »

Biz yeni texnologiyalar əsrində yaşayırıq: hər şey inkişaf edir – səhiyyə, mədəniyyət, nanotexnologiyalar. Artıq süpürgədən istifadə etmirik, qab-qacağı, paltarı özümüz yumuruq. Biz özümüz etmədiyimiz işlərin siyahısını artırmaq da olar. Qəzetlərdə oxuduğumuz və televiziyadan eşitdiyimiz reklamlarda isə pulunuza uyğun olaraq hər cür arzunuzun yerinə yetiriləcəyi barədə vədlər eşidirsiniz – ərinizi qaytaracağam, qaynananızı daha mehriban, qocalığınızı təminatlı edəcəyəm, bəxtinizin bağlılığını açacağam və s. Əvvəlcə ondan başlayaq ki, pulsuz pendir yalnız tələdə olur. Bu cür elanlar yalnız gülüş və təəccüb doğurur. Mən ekstrasenslərin, baxıcıların və digər belə insanların əleyhinə deyiləm. Ona görə ki, əgər bizim zəmanədə onlar varsa, deməli, onlara yer də var. Ancaq heç də hər özünü təbib adlandıran əslində belə deyil. Mən bütün bunlara tənqidi yanaşıram. Yəqin, ciddi xəstəliyi olan insanın baxı-cılara müraciət etməsi axmaqlıqdır. Bu işə öz sağlamlıqlarını, pullarını, vaxtlarını sərf edirlər. Müxtəlif otlar, bıçaqlar, yaxud da daha yaxşı, qadınlar üçün ilan zəhərini icad ediblər, sizə xoş gəlməyən insanı öldürə də bilər. Yəqin bu, kimdənsə xilas olmağın ən sadə yoludur, heç killer də tutmaq lazım deyil, artıq xərcdir, bu, mən gördüklərimin , eşitdiklərimin yarısıdır. Daha ətraflı »

Georgiy Pryaxin Dövlət müşaviri Kamal Abdullayevə təşəkkür məktubu göndərib

«Xudojestvennaə literatura» nəşriyyatının baş redaktoru, professor Georgiy Pryaxin Azərbaycan Respublikasının millətlərarası, multikulturalizm və dini məsələlər üzrə Dövlət müşaviri, akademik Kamal Abdullayevə təşəkkür məktubu ünvanlayıb. Məktubda qeyd olunur: “ Hörmətli Kamal Abdullayev! Rəhbərlik etdiyiniz Bakı Beynəlxalq Multikulturalizm Mərkəzinin təşkilatçılığı ilə fəaliyyət göstərən qış məktəbində iştirak etməyimə imkan yaratdığınız üçün Sizə ürəkdən minnətdaram. Deməliyəm ki, təşkil olunan mühazirə və diskussiyalar əsnasında şəxsən mən özüm yeni və ibrətamiz mətləbləri öyrəndim. Mənə elə gəlir ki, Azərbaycanın bu aktual sferadakı təcrübəsi Rusiyada da, bütün dünyada da qəbul edilməyə layiqdir. Daha ətraflı »

Bakı Beynəlxalq Multikulturalizm Mərkəzində (BBMM) 8-15 fevral tarixlərində fəaliyyət göstərən “Multikulturalizm Azərbaycanda həyat tərzi kimi: öyrən, araşdır, paylaş-2016” adlı Beynəlxalq Multikulturalizm qış məktəbinin nəticələri ilə bağlı yekun toplantı keçirilib. İclasda Mərkəzin müvafiq şöbələri qış məktəbi ilə bağlı hesabat verib, görülən işlər diqqətə çatdırılıb. Toplantıda layihə çərçivəsində həyata keçirilən tədbirlərin yerli və xarici mətbuatda işıqlandırılması müzakirə edilib, xarici tələbələrin və mühazirəçilərin qış məktəbi ilə bağlı təəssüratlarının  vaxtaşırı dərci ilə bağlı fikirlər səsləndirilib. İclasda qış məktəbində iştirak edən xarici tələbələrlə bundan sonra da əlaqələrin və əməkdaşlığın davamlılığının əhəmiyyəti diqqətə çatdırılıb.  Toplantıda gələcəkdə təşkil olunacaq yay və qış məktəblərində mövcud təcrübənin üstünlükləri ilə yeni ideyaların birgə vəhdətindən istifadə edərək Azərbaycan multikulturalizmi modelinin təbliği və təşviqi istiqamətində daha yüksək nəticələrin əldə olunması ilə bağlı təkliflər səsləndirilib. Daha ətraflı »