Bu günlərdə Ağdam Dövlət Dram Teatrının kollektivi tərtərlilərin qonağı olmuşdur. Kollektivin təqdim etdiyi Miraslan Mirtoviçin “Gecə yarısı soyğunçuluq” tamaşası teatrsevərlər tərəfindən böyük maraqla qarşılanmışdır. Daha ətraflı »

Uşaqlar bizim gələcəyimizdir. Gələcəyimizi nə cür tərbiyə edəcəyiksə, böyüdəcəyiksə, ölkəmizin, millətimizin, dövlətimizin gələcəyi bundan asılı olacaqdır».

Heydər Əliyev

1980-ci illərin sonları idi. İşim elə idi ki, uşaq və gənclərin yaşam tərzindən xəbərim olurdu. Mən deyərdim ki, bu illər mənim üçün maraqlı  illərdən idi. O dönəmdə uşaqları mağazalara siqaret, içki almağa göndərməzdilər, çayxanalarda azyaşlıların işləməsinə icazə verilməzdi, gecə saat 1-2-yə qədər televizora baxmağa qoymazdılar, məktəblərdə elə dərs keçilərdi ki, hansısa repetitor muəllimin yanına getməyə ehtiyac olmazdı.Uşaqların  küçələrdə boş-boşuna veyillənməsinə, bazarlarda xırda alverlə məşğul olmalarına, marşrut avtobuslarında pul yığmalarına heç kəs razı olmazdı. Bəs indi?! Bu gün dövlətimiz böyüməkdə olan nəslin fiziki və mənəvi inkişafına daha böyük diqqət göstərir. Bütün bölgələrdə, o cümlədən rayonumuzda Olimpiya kompleksləri, Gənclər Mərkəzləri, müasir məktəblər tikilir. Gənclər müxtəlif idman yarışlarına, müsabiqələrə cəlb olunurlar. Lakin təəssüf ki , bəzi ailələrdə uşaqların tərbiyəsinə lazımınca diqqət yetirilmir. Daha ətraflı »

Baharın gəlişi rayonumuzda bö-yük təmtəraqla qarşılandı. Bu münasibətlə şəhərin Mərkəzi meydanı bayramsayağı bəzədilmişdi. Hər tərəfdə Novruzun atributları diqqəti cəlb edirdi. Bir yanda böyük səməni qoyulmuş, digər tərəfdə bayram tonqalı qalanmışdı. Kəndirbazlar, pəhləvanlar öz məharətlərini göstərirdilər.
Bütün meydana baharın ilk müjdəçisi olan ətirli göylərdən bişirilən kətənin, saclarda qovrulan buğdanın ətri yayılmışdı.
Tədbir başlamazdan öncə rayon icra hakimiyyətinin başçısı Müstəqim Məmmədov, Milli Məclisin deputatı Sahib Alıyev, rayonun hüquq-mühafizə orqanlarının rəhbərləri rayonumuzun istedadlı şagird-lərinin əl işlərindən ibarət maraqlı sərgi ilə tanış oldular, rayon Mərkəz-ləşmiş Kitabxana Sisteminin hazırladığı kitab sərgisinə, idmançılarımızın çıxışlarına baxdılar. Elə buradaca tarix-diyarşünaslıq muzeyinin eksponatları –qədim mis əşyalar, cəhrə, xurcun və s. sərgilənmişdir. Daha ətraflı »

Tərtərdə Novruzla bağlı xüsusi bayram adətləri geniş yayılmışdır. Bayramda hökmən aş dəmlənib, bayram süfrəsi açılmalıdır. Bayram axşamını, Novruzu hamı öz evində qarşılamalıdı. Bayram ərəfəsində elçi getmək, toy, nişan, bəlgə etməklə sevincə sevinc qatılır. Bayramda küsülülər barışarlar. Bayramda boyanmış yumurta, şirniyyat və digər şeylərdən xonça düzəldilib süfrəyə qoyular. Bağ-bağça təmizlənib səliqəyə salınardı. Suyun üstündən hoppanar, axar sudan içib əl-üzlərini yuyarlar. Bayramı təzə paltarla qarşılarlar, Novruza pak, təmiz halda çıxarlar. Səhərə qədər küçədə tonqallar, evdə lampalar sönməz. Bayram günü evdən kibrit, neft, od, kömür verməzlər. Daha ətraflı »

Milli-mənəvi dəyərlərimizi özündə yaşadan adət-ənənələrimizdən biri də Novruz bayramıdır. Novruz bayramı öz gəlişi ilə insana ruh yük- səkliyi gətirir.

24-25-ilə yaxındır ki, Nizami küçəsindəki 30 mənzilli beşmərtəbəli binada yaşayıram. Bu binanın sakinləri hər novruz bayramında daha da mehribanlaşır və doğmalaşırlar.

İlaxır çərşənbələrin gəlişi azyaşlı uşaqların sevincinə səbəb olur. Hə- lə gündüzdən arx kənarından, çal-çəpərlərdən çırpı yığılaraq şər qarışanda ocaq yandırılır. Hamı tonqalın ətrafına yığılır. Daha ətraflı »

Novruz hamımızın bayramı olsa da, əlbəttə, onun gəlişinə ən çox sevinən balacalardır. İlaxır çərşənbəsində bü- tün evlərdə səbirsizliklə onların yolunu gözləyirlər. Bayram tonqalları yanıb qurta- randan sonra uşaqlar dəstə-dəstə evlərə papaq atmağa gedirlər. Bizim Qarağacı kəndində qadınlar əvvəlcədən hazırlıq görürlər. Papaqlara, torbalara qoyulası şirniyyat, meyvə, xüsusən də boyanmış yumurtalar ayrıca yığılır ki, uşaqlar gözləməsinlər və daha çox evə baş çəkə bilsinlər.

Hətta bizdə hesab edirlər ki, papaq atanların sayı nə qədər çox olsa, il bir o qədər bərəkətli və ruzili olacaq.

Yandırdığımız bayram tonqalları mənfur qonşularımız olan ermənilərin gözünə ox kimi batır. Onlar xalqımızın bayram ovqatını korlamaq üçün həmin günlərdə atəşkəsi daha tez-tez pozurlar. Amma kənd arxayın bayramını keçirir. Çünki səngər-lərdə dayanan və dincliyimizi qoruyan igid əsgərlərimiz var.

Novruzda onlar da yaddan çıxmır. Hər evdən, ailədən əsgərlərə bayram sovqatı göndərilir.

Novruzda heç kim yaddan çıxmamalıdır, xüsusən də qocalar, xəstələr və tənha yaşayanlar. Odur ki, həmin vaxt kənarda yaşayanlar da kəndə gəlib valideynlərinə, doğmalarına baş çəkir, onlara sovqat gətirirlər. Əlbəttə ki, əsas məqsəd bayram pa-yı gətirmək deyil, könülləri sevindirməkdir.

Arzu edirəm ki, qarşıdan gələn bahar bütün könüllərə sevinc, elimizə-obamıza xeyir-bərəkət gətirsin.

Şəlalə  

Hər il Novruz gələndə mənim xəyallarım çox-çox uzaqlara, uşaqlıq illərimə gedib çıxır. O zman sovet hakimiyyəti yeni qurulmuşdu və bizim milli bayramlarımızın açıq şəkildə qeyd olunmasına icazə verilmirdi. Buna baxmayaraq, hər evdə bayrama hazırlıq işləri görülürdü. Bu qədim adətlərimiz bizim varlığımızda, ruhumuzda idi və bunları kənardan idarə etmək mümkün deyildi.

Hətta Böyük Vətən müharibəsi cəbhələrində döyüşərkən biz azərbaycanlılar bombarduman altında belə baharın gəlişini qeyd etməyi unutmurduq. Yaxşı yadımdadır, bir dəfə evdən mənə kiçik bağlama göndərmişdilər. Daha ətraflı »

Aşıq Şəmşirin vətəni olan Kəlbəcərin Ağdaban kəndində doğulub, ilk dəfə bu dünyanın gözəlliklərini – meşələrimizi, dağlarımızı orada görüb sevmişəm. Kəndimiz xalqımızın milli varlığınını əks etdirən adət və ənənələrimizi, o cümlədən Novruz adətlərini daim yaşadırlar.

Ağdabanın içindən Ağdaban çayı keçib Tərtər çayı ilə qovuşurdu. Cavanlar həmişə çərşənbə tonqallarını bu çayın kənarında qalayardılar. Həm də su çərşənbəsində qız-gəlinlər sübh tezdən durub səhənglərlə çaydan su gətirər, ev-eşiyə, həyət bacaya göz yaşı kimi durru su səpərdilər. Daha ətraflı »

Televiziya ekranı və milli mentalitetimiz

«Dəyirman öz işindədir, çax-çax baş ağrıdır»

                                                    (Atalar sözü)

Hazırda televiziya ekranlarından milli mentalitetimizə vurulan ağır zərbələri ən azından bir qədər yumşaltmaq üçün yüksək səviyyələrdə, hətta Prezident adminstrasiyasının rəhbəri hörmətli Ramiz Mehtiyev tərəfindən dəfələrlə kəskin iradlar söylənilməsinə baxmayaraq, onlar yenə öz əməllərindədir, yəni «Dəyirman öz işindədir, çax-çax baş ağrıdır». Mən də dəfələrlə milli-mentalitetimizə qənim kəsilən, düşmən mövqeyindən əl çəkməyən bu üzdən iraq televiziya kanalları haqqında ciddi yazılar yazıb respublika mətubatında çap etdirmişəm. Lakin «zəhmətim özümə qalıb», heç kəs bu yazılara əhəmiyyət verməyib, yəni «cəhd çarıq yırtar» məntiqindən o yana getməyib.

Yaxşı, bəs nə edək? Oturub gözləyək ki, görək bu millimənəviyyatsızlar milli-mənəvi dəyərlərimizin axırına nə vaxt çıxacaqlar?! «söz azadlığı», «müstəqillik» anlayışlarını əllərində bayrağa çevrilib, bu qədim-qayın xalqın tarixinə ermənilərdən betər ləkə yaxan, adət-ənənələrimizə xor baxan müstəqil televiziya kanallarına hansı yolla təsir olunmalıdır ki, onlar bu nankorluğa son qoysunlar?!

«İndi bazar iqtisadiyyatıdır»–deyib, «başlı-başını saxlasın» prinsipi ilə işləyərək, Azərbaycan xalqının milli mental dəyərlərini yıxıb sürümək də düz deyil, axı! «Dədəm mənə kor deyib, hər yetəni vur deyib» düşünərək, ağına-bozuna baxmadan milli-mənəvi keyfiyyətlərimizə yad və iyrənc olan əməlləri təlqin və təbliğ etmək hansı əndazəyə sığır ki? Daha ətraflı »