İGİDLƏR MƏKANI

1988-ci ildən başlanan və tariximizə Qarabağ müharibəsi kimi daxil olan bu amansız müharibə Səhlabad kəndindən də yan keçmədi. Kəndimiz cəbhə xəttinin yaxınlığında yerləşir. Ermənistanın ölkəmizə təcavüzünün gündən-günə gücləndiyi bir şəraitdə Vətən torpağının hər qarışını göz bəbəyi kimi qorumağa hazır olan Səhlabad kəndinin cəsur oğulları da döyüş meydanına atıldılar. Belə oğullardan Vüqar Məmmədovu, Mehrac Mahmudovu, Rəhman Almuradovu, Faiq Əliyevi, Yaqub Heydərovu, Ceyhun Ağayevi və başqalarını göstərmək olar. Kəndimizin ilk şəhidi Vüqar Məmmədovdur. O, 1970-ci il dekabrın 20-də anadan olub. Səhlabad kəndi tam orta məktəbində təhsil alıb. İkillik hərbi xidmətdən sonra Tərtər rayonunun Polis Şöbəsində sıravi polis işçisi kimi fəaliyyətə başlayıb. 1992-ci il aprelin 10-da keçmiş Mardakert rayonunun Marquşevan və Marağa kəndlərinin düşməndən təmizlənməsi uğrunda gedən döyüşlərdə şəhid olub. İndi hal-hazırda Səhlabad kənd tam orta məktəbi Vüqar Məmmədovun adını daşıyır. Daha ətraflı »

2018-ci il tariximizdə Azərbaycan Xalq Cümhuriyyəti ili kimi qalacaq. Prezident İlham Əliyevin Sərəncamı ilə AXC-nin 100 illiyi bütün ölkədə təntənəli şəkildə qeyd olundu. Cümhuriyyət fədailərinin həyat yolu, onların fəaliyyəti araşdırıldı və xalqa çatdırıldı. Bütün bunlar tariximizə dərin hörmətin bariz nümunəsidir. Çünki keçmişini unudan xalqın gələcəyi də ola bilməz.
Ötən il həm də regionların sosial-iqtisadi inkişafının yerinə yetirilməsinə dair III Dövlət Proqramının sonuncu ili oldu. Bu Proqramların reallaşdırılması nəticəsində regionlarımızın həyatının necə dəyişdiyini isə biz Tərtər rayonunun simasında aydın görürük.
Kiçik köşklərlə eybəcər hala salınmış, infrastrukturu bərbad olan, kənd təsərrüfatında durğunluq yaşanan rayonumuz indi öz görkəmi ilə nəinki respublukamızın, eləcə də xarici ölkələrin şəhərləri ilə rəqabət apara bilər. Çünki burada hər şey gözəldir: son illər çəkilmiş rahat yollar, abadlaşan küçələr, yaraşıqlı ticarət obyektləri, məktəb və uşaq bağçaları. Daha ətraflı »

QƏLƏBƏ ÜMİDİ İLƏ YAŞAYIRLAR

Yeniilqabağı günlərdə Qapanlıda hansı həyətə gəlsən, hansı evin qapısını döysən, səni gülərüzlə qarşılayacaqlar. Çünki bu xüsusiyyətlər sakinlərə dədə-babadan miras qalıb: qonağı lazımınca qarşılayıb, çətinliyini, dərd-qəmini ona bildirməmək.
Amma bu çətinliklər də ki, cəbhəyanı kəndin həyatının ayrılmaz hissəsidir. Elə bir gün olmaz ki, üz-bəüz yaşayan mənfur düşmənlər nəsə bir təxribat yaratmasınlar. Münaqişə davam edən illər ərzində demək olar ki, hər bir ailə şəhid verib, yaxud kimsə yaralanıb, ömürlük şikəst qalıb, atılan mərmilər kiminsə evini darmadağın edib.
Amma düşmən niyyətinə çata bilməyib. Ən ağır məqamlarda, kənd fasiləsiz olaraq artilleriya atəşinə tutulduğu günlərdə belə, sakinlər doğma ocaqlarını tərk etməyiblər. Bu hərəkətləri ilə də hərbçilərimizi ruhlandırıblar, onlara həm mənəvi, həm də maddi dəstək olublar. Daha ətraflı »

2019-cu ilin simvolu torpaq sarı Donuzu olacaq. Ulduzlar bizə o haqda danışırlar ki, bu il ərzində çox münaqişələr həll ediləcək. İnsanlar bir-birini anlamağı daha yaxşı öyrənəcəklər, axı, ictimai əmin-amanlıq və ünsiyyət sferası fəallaşır.
Donuz ili ərzində dünyaya gəlmiş körpələr son dərəcə sülhsevər və xeyirxah olacaqlar. Onları sadəlövh adlandırmaq olmaz, amma bəzən sadəlövhlük onlara qoyulmuş hədəflərə çatmağa mane olacaq. Ona görə belə uşaqların tərbiyəsi prosesində yaxşı insanları düşmənlərdən ayırmağa mütləq öyrətmək lazımdır.
Şərq fəlsəfəsinə əsasən hər il yalnız simvol dəyişmir, həm də rəng və təbii simvol dəyişir. 2019-cu ildə Torpağın təbii simvolu keçəcək və sarı rəngə malik olacaq. Daha ətraflı »

1995-ci ildən BMT-nin təşəbbüsü ilə hər il dekabrın 19-da dünya ictimaiyyəti Kasıblara Beynəlxalq Kömək Gününü qeyd edir. Dünya iqtisadiyyatı çox sürətlə inkişaf etsə də, zəngin və dəbdəbəli həyat sürənlər kifayət qədər çox olsa da, yoxsulluq yenə də bəşəriyyətin əsas problemlərindən biri olaraq qalır. Əksər ölkələrdə kasıblara həm dövlət təşkilatları və beynəlxalq proqramlar vasitəsilə, həm də müxtəlif dini və xeyriyyə təşkilatları, eləcə də ayrı-ayrı adamlar yardım göstərirlər.
Azərbaycan Respublikası Prezidenti yanında “Bilik” Fondunun Qarabağ Regional “Bilik evi” tərəfindən həmin gün rayonumuzda da xeyriyyə aksiyası keçirilib. Bir neçə yoxsul ailəyə ərzaq yardımı edilib.
Aksiyanın keçirilməsində məqsəd həmçinin bu ailələrin problemlərinə cəmiyyətin diqqətini yönəltmək olub.

“Yeni Tərtər”

Məlum olduğu kimi, bu ilin oktyabr ayında bir qrup rusiyalı qadınla birlikdə Azərbaycanın işğal olunmuş ərazilərinə səfər edən, Ermənistanın baş naziri vəzifəsini icra edən Nikol Paşinyanın arvadı Anna Akopyan buradan “Qadınlar sülh uğrunda” təşəbbüsü ilə çıxış edib. Bu təşəbbüsdə əsas məqsəd kimi əsgər və günahsız insanların ölümünün qarşısının alınması göstərilib.
Biz, cəbhə bölgəsində yaşayan, 1988-ci ildən bəri müharibənin bütün dəhşətlərini görən, qadınlar Anna Akopyana və işğal altında olan Azərbaycan torpaqlarına səfər etmiş rusiyalı qadınlara sual vermək istəyirik: “Bu, sülhə çağırışdır, yoxsa işğalçı ölkəni dəstəkləməkdir?”.
Biz həmçinin rusiyalı qadınların Heydər Əliyev Fondunun vitse-prezidenti Leyla Əliyevaya ünvanlandırdıqları məktubu və hörmətli Leyla xanımın onlara cavabını çox diqqətlə oxuduq.
Rusiyalı qadınlar öz məktublarında səmimi etiraf edirlər: “Dağlıq Qarabağ münaqişəsinin çoxəsrlik səbəblərinin necə dərin və mürəkkəb olduğunu başa düşürük. Biz çox şeyi bilmirik, heç kəsi qınamağa haqqımız və hazır qərarlarımız yoxdur”. Bu sözlərə Leyla xanım Əliyevanın tutarlı cavabı, Dağlıq Qarabağın tarixinə, ermənilərin bura köçürülmələrinə aid dəqiq məlumat verməsi hər birimizin ürəyincə olub. Daha ətraflı »

Tarixin bir ili də artıq tamamlanaraq xatirəyə çevrilir. İllərin qovuşuğunda gözəl, yaraşıqlı, müasirliyi ilə göz oxşayan yeni qaçqın qəsəbəsindəyik. Mənfur qonşularımızın xəyanəti nəticəsində darmadağın olan bölgələrimizin öz yurdunda qaçqına, məcburi köçkünə çevrilən insanlarını xatırlayıram. Sıralanan bu binalar qoynuna sığınan insanların rifahı üçündür.
Ölkə Prezidenti İlham Əliyevin və ölkənin birinci xanımı Mehriban Əliyevanın Tərtərə sonuncu gəlişində bu qəsəbənin açılışı oldu.
Yola saldığımız ilin başlanğıcında burada 34 çoxmərtəbəli binada 1176 qaçqın ailəsi yerləşdirildi ki, bu da 4691 nəfərin rahatçılığına, yaşayışının yaxşılaşmasına səbəb olub. Daha ətraflı »

GÜC BİRLİKDƏDİR

20 ildir ki, Ukraynanın Xarkov şəhərində “Aynur-Xatun” adlı qadınlar cəmiyyəti fəaliyyət göstərir. Cəmiyyətin sədri İsmayıllı rayonunun Basqal kəndindən olan Kifayət Cəfərovadır. Yeni il və Dünya Azərbaycanlılarının Həmrəyliyi Günü qarşısında Kifayət xanımla əlaqə saxlayıb, cəmiyyətin fəaliyyəti barədə qəzetimizə məlumat verməsini xahiş etdik. O dedi:
–Harada yaşamağımızdan asılı olmayaraq, hər birimizin bir Vətəni var – Azərbaycan. Dilimiz, dinimiz və adət-ənənələrimiz də dəyişməzdir. Lakin bütün bunları qəriblikdə yaşatmaq, qorumaq, ən başlıcası isə, gənc nəslə aşılamaq o qədər də asan deyil. Ona görə 20 il əvvəl mən qərara aldım ki, yaşadığımız Xarkov şəhərində azərbaycanlı qadınları bir araya gətirərək, bu istiqamətdə işlər aparaq. Yəni cəmiyyətimizin əsas məqsədi övladlarımızı milli ruhda böyütmək, onlara öz ana dilimizi öyrətməkdir. Eyni zamanda, xeyriyyəçilik fəaliyyəti ilə məşğul olur, qadınlarımızın sosial problemlərinin həllinə kömək edir, Ukraynada xalqımızın qədim mədəniyyətini, adət-ənənələrimizi təbliğ edirik.”Bazar günü” məktəbi yaratmışıq. Övladları ilə bərabər valideynlər də bu məktəbin məşğələlərində həvəslə iştirak edirlər. Daha ətraflı »

Murad Allahverdiyev, Avropa çempionu:
–2018-ci ildə Rusiyanın Anapa şəhərində yeniyetmə boksçular arasında keçirilən Avropa birinciliyində irlandiyalı Patrik Myersi 5:0 hesabı ilə məğlub edib fəxri kürsünün ən yüksək pilləsinə qalxdım.
Bu döyüşədək isə türkiyəli Əmir Böyükdağa, belaruslu Vladislav Novikova və rusiyalı Andrey Voyvodinə qalib gəlmişdim.
Bu ili idman karyeramda ən unudulmaz bir tarix kimi daim xatırlayacağam. Daha ətraflı »

AİLƏMİZİN MİNNƏTDARLIĞINI BİLDİRİRƏM

İllər bir-birini əvəz edir. Xalqımızın yaddaşına zəfər tarixi kimi yazılan Aprel hadisələri də bizdən uzaqlaşır. Amma həmin günlərdə böyük qəhrəmanlıq və şücaət göstərmiş oğullarımızın adları unudulmur. Bunu ötən il şəhərimizin yaraşıqlı küçələrindən birinə övladımız Nicat İsgəndərovun adının verilməsi də göstərdi. Burada Nicatın barelyefi qoyulub, küçə başdan-başa abadlaşıb.
Açıılış mərasimində rayon rəhbərinin, ictimaiyyət nümayəndələrinin şəhidlər haqqında, o cümlədən Nicat barədə dedikləri sözlər qəlbimizə məlhəm oldu.
Rayonumuzda bu istiqamətdə görülən işlər Prezidentimiz, dövlətimiz tərəfindən şəhid ailələrinə göstərilən qayğının bariz nümunəsidir. Bu qayğı və diqqətə görə Prezident İlham Əliyevə, rayon rəhbərliyinə ailəmizin minnətdarlığını bildirirəm.

Maya İSGƏNDƏROVA,
şəhid anası