GƏNCLİYƏ ÖRNƏK

Şəhər 1 saylı tam orta məktəbin 8-ci sinif şagirdləri Nəzrin və Əfruz Kərimzadələrin şəhidlərimiz və qazilərimiz haqqında hazırladıqları kiçik videoçarxa baxandan sonra maraqlandım ki, Vətən müharibəsində döyüşərək qazi adı qazanmış bu həmyerlimiz kimdir.
Qüdrətzadə Rəşad Balamirzə oğlu, müəllim ailəsində böyüyüb, nənəsi Sona, anası Mehriban müəllimdirlər.
Rəşad həqiqi hərbi xidməti başa vurduqdan sonra müddətdən artıq xidmətə yazılıb. Buna səbəb torpaqlarımızın işğal altında qalmasıydı. Daha ətraflı »

Bu, bizim üçün tarixi bir Zəfərdir. Çünki qeyd etdiyiniz kimi, 30 il ərzində torpaqlarımız işğal altında idi. Bu, böyük ədalətsizlik idi və beynəlxalq hüququn bütün norma və prinsiplərinə zidd olan bir vəziyyət idi. Təəssüflər olsun ki, 30 il ərzində Minsk qrupu bu məsələnin çözülməsinə yaxınlaşmadı, fəaliyyəti oldu, amma nəticə etibarilə nəticə olmadı.

Bu fikirləri Azərbaycan Prezidenti cənab İlham Əliyev “CNN Türk” televiziya kanalına müsahibəsində bildirib.

Dövlətimizin başçısı qeyd edib ki, nəticə sıfıra bərabər idi və Azərbaycan xalqının ümidləri tam tükənmişdi. Çünki 30 il ərzində aparılan danışıqlar nəticəsiz qalırdısa, deməli, bu məsələnin dondurulması prosesi gedirdi. Təbii ki, biz heç zaman bu vəziyyətlə barışmaq fikrində deyildik. Mən son illər ərzində dəfələrlə demişdim ki, Azərbaycan xalqı bu vəziyyətlə heç vaxt barışmayacaq, nəyin bahasına olursa-olsun öz doğma torpaqlarını işğalçılardan azad edəcək və belə də oldu. Daha ətraflı »

Tərtər Rayon İcra Hakimiyyətinin başçısı Müstəqim Məmmədov növbəti dəfə rayon sakinlərini qəbul edib.
Şəhid ailələri, qazilər növbədənkənar qəbul edilib, problemləri yerində həll olunub.
Rayon sakinləri Vətən müharibəsində şəxsi əmlaklarına dəyən ziyanın aradan qaldırılması, dövlət tərəfindən veriləcək kompensasiyaların gecikdirilməsi, əkin sahələrinin, həyətyani sahələrinin suvarılması, özünüməşğulluq problemləri, ünvanlı sosial müavinət ala bilməmələri və sair məsələlərlə bağlı icra başçısına müraciət ediblər.
İcra başçısı Respublika Prezidentinin 06 iyul 2021-ci il tarixli Sərəncamları ilə bağlı məlumat verib, vətəndaşlara tezliklə onların şəxsi əmlaklarına dəymiş ziyanla əlaqədar kompensasiyaların ödəniləcəyini bildirib, əsassız müraciətlərə müvafiq izahatlar verilib.
Rayon sakinləri görülən işlərə görə və Vətən müharibə-sində şəxsi əmlaklarına dəymiş ziyanın ödənilməsi ilə bağlı ölkə rəhbərliyinə minnətdarlıqlarını bildiriblər.

Azərbaycan Respublikasının Prezidenti cənab İlham Əliyev 7 min əhalinin yaşadığı 5 yaşayış məntəqəsini birləşdirən 11 km uzunluğu olan “EvoğluAzadqaraqoyunlu-Aşağı Qapanlı-İlxıçılar-Köçərli” kəndinə gedən avtomobil yolunun tikintisi ilə bağlı sərəncam imzalayıb.
Azərbaycan Avtomobil Yolları Agentliyi artıq yolun çəkilişinə başlayıb. Çəkilən yol 10 metrə qədər genişləndirilib, yolun 6 metri hərəkət hissəsi, 2 metr isə çiyin hissələridir. Artıq yola iki laydan ibarət asfaltbeton örtüyü döşənir. Yol boyu avtobus dayanacaqları, yol nişanları quraşdırılacaq, hərəkətin normal təşkili üçün lazimi işlər görüləcək.
Tərtər Rayon İcra Hakimiyyətinin başçısı Müstəqim Məmmədov yeni qurulan avtomobil yolunun çəkilişi ilə bağlı Azadqaraqoyunlu kəndində olub, görülən işlərlə tanış olaraq sakinlərlə söhbət edib, onların problemlərini dinləyib.
Kənd sakinləri Natiq Umudov, Xuraman Məmmədova, Həqiqət Əliyeva, Yaqub Məmmədov, Daha ətraflı »

Tərtər rayonunun Kəngərli kəndində birinci Qarabağ müharibəsi və Vətən müharibəsində şəhid olmuş kənd sakinlərinin xatirəsinə ucaldılan “Şəhidlər abidəsi”nin açılışı olub.
Tədbirdə çıxış edən Tərtər Rayon İcra Hakimiyyətinin başçısı Müstəqim Məmmədov ötən il sentyabrın 27-də başlayan və tarixə 44 günlük müharibə kimi düşən Vətən müharibəsindən, Azərbaycan Ordusunun qəhrəmanlığından, qazandığı şanlı Qələbədən, şəhidlərin gənclərə nümunə olan qısa, lakin şərəfli ömür yolundan danışıb.Vətən müharibəsində şəhidlərin qanının yerdə qalmadığını, Müzəffər Ali Baş Komandan İlham Əliyevin rəhbərliyi ilə torpaqlarımızın işğaldan azad edildiyini, böyük Qələbənin tarixi əhəmiyyətini xüsusi qeyd edib.
Tədbirdə şəhid polkovnik leytenant, Vətən Müharibəsi Qəhrəmanı Anar Əliyevin atası Vaqif Əliyev və şəhid baş leytenat Qənbər Qənbərlinin atası Bəhruz Qənbərli çıxış edərək Azərbaycan ordusunun qüdrətindən, hərbiçlərimizin döyüşlərdə göstərdikləri qəhrəmanlıqlardan, xalqla ordunun birliyindən bəhs ediblər. Həmçinin qeyd edilib ki, Şanlı Zə-fər tarixini yazan Vətən oğulları bütün Azərbaycan xalqının hər zaman qəlbində yaşayacaq.
Tədbirdə məktəblilərin ifasında Vətənə, ordumuza, şəhidlərimizə həsr olunan şeirlər səsləndirilib.
Şəhid ailələri və qazilər onlara göstərilən diqqət və qay-ğıya görə öz minnətdarlıqlarını bildiriblər.
Tədbirdən sonra kənddə Vətən müharibəsi şəhidi Qulu-zadə Elmin Şəmsi oğlunun xatirəsinə tikilmiş bulaq da istifadəyə verildi.

                                                            Ələkbərli Əkbər Ramiz oğlu

Şəhidimiz Ələkbərli Ələkbər Ramiz oğlunun cənnətdəki ilk doğum günü münasibətlə Tərtər Rayon İcra Hakimiyyətinin, SHXÇDX-nin Tərtər rayon şöbəsinin, “Azərişıq” ASC-nin, veteranlar təşkilatlarının nümayəndələri, qazilər şəhidin məzarını ziyarət edərək önünə gül dəstələri düzüb, ruhuna dualar oxuyublar. Sonra şəhidin yaşadığı evə gedərək ailəsinin qayğıları ilə maraqlanıblar.
Ələkbər Ələkbərli 28 iyul 1991-ci ildə Tərtər rayonunun Köçərli kəndində anadan olub. Orta məktəbi bitirdikdən sonra əsgərliyə yollanan Ələkbər hərbi xidmət müddətini bitirdikdən sonra müddətdən artıq xidmət qulluqçusu olaraq işini davam etdirib.
Ələkbər 2020-ci il sentyabrın 27-dən Ermənistan ordusuna qarşı əks-hücm əməliyyatlarına qoşularaq işğal altında olan torpaqlarımızın azad olunması uğrunda döyüşlərə qatılıb. 29 sentyabr 2020-ci ildə Ağdərə istiqamətində gedən döyüşlərdə itkin düşüb. Uzun müddət axtarılan Ələkbər Ələkbərlinin nəşi tapıldıqdan sonra 7 fevral 2021-ci ildə Tərtər rayonunun Köçərli kənd qəbiristanlığında dəfn edilib.
Azərbaycanın ərazi bütövlüyünün təmin edilməsi uğrunda mübarizə apardığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti cənab İlham Əliyevin 24.06.2021-ci il tarixli Sərəncamına əsasən ölümündən sonra “Vətən uğrunda” medalı ilə təltif edilib.

                                                           Abbasov Xaliq Asif oğlu

Vətən müharibəsində Qəhraman Tərtərin qəlbləri vətən eşqi ilə döyünən, arxa cəbhədə fəallığı və cəsurluğu ilə seçilən mülki şəhidləri Xaliq və Elşən Abbasov qardaşlarından Xaliq Abbasovun doğum günü qeyd edildi.
Abbasov Xaliq Asif oğlu 24.07.1981-ci ildə Tərtər rayonunun Poladlı kəndində anadan olub. 28.09.2020-ci tarixdə mənfur düşmənlərin Tərtər rayonunun Şıxarx qəsəbəsini artileriya atəşinə tutması nəticəsində şəhid olub.
Tərtər Rayon İcra Hakimiyyətinin məsul əməkdaşları, veteranlar təşkilatlarının nümayəndələri, şəhidin yaxınları və qazilər şəhidlərin məzarlarını ziyarət edərək önlərinə gül dəstələri düzüb, ruhlarına dualar oxuyublar. Sonra şəhidlərin ailəsini ziyarət edərək qayğıları ilə maraqlanıblar.
Şəhidin ailə üzvləri şəhid ailələrinə göstərilən diqqət və qayğıya görə ölkə başçısına minnətdarlıqlarını bildirdilər.

Tərtər Rayon İcra Hakimiyyətinin, SHXÇDX-nin Tərtər rayon şöbəsinin, veteranlar təşkilatlarının nümayəndələri, qazilər və şəhidin yaxınları Aprel döyüşlərində böyük hünər, rəşadət göstərərək şəhidlik zirvəsinə yüksəlmiş gizir Nicat İsgəndərovun məzarını doğum günündə ziyarət edərək önünə gül dəstələri düzüblər.
Tədbirdə 2016-cı ilin Aprel döyüşlərində erməni işğalçılarının cəbhədə törətdiyi təxribatlara Azərbaycan Ordusunun verdiyi layiqli cavabdan, igid Azərbaycan əsgərinin döyüşlərdə göstərdiyi şücaətdən, bir sıra vacib yüksəkliklərin və yaşayış məntəqələrinin azad edilməsindən, qazanılan tarixi qələbədən danışılıb.
Məlumat verilib ki, Nicat Bəhruz oğlu İsgəndərov 1989-cu il avqustun 4-də Tərtər şəhərində anadan olub. Azərbaycan Silahlı Qüvvələrində həqiqi hərbi xidmətini başa vurduqdan sonra gizirlik məktəbində təhsil alıb. Sonra Vətənə xidmətini cəbhənin Füzuli istiqamətində davam etdirib. Daha ətraflı »

Azərbaycan Respublikasının Gənclər Fondunun maliyyə dəstəyi və NAYORA-nın təşkilatçılığı ilə Azərbaycan Skautlar Assosiasiyası Tərtər Rayon İcra Hakimiyyəti ilə birlikdə Seydimli kəndində “Ucqar kənd gənclərinin inkişafında gənclər təşkilatlarının rolu” layihəsi çərçivəsində karantin qaydalarına uyğun formatda tədbir keçirib.
Layihənin həyata keçirilməsində əsas məqsəd gənclər təşkilatları vasitəsilə ölkəmizin müxtəlif bölgələrində ucqar kəndlərdə yaşayan, ölkə gəncləri üçün yaradılan imkanlardan xəbərdar olmayan, gənclər təşkilatları haqqında məlumatsız olan, həmçinin ictimai işlərdən və aktiv vətəndaşlıqdan geri qalan gənclərin məlumatlandırılması, ictimai fəaliyyətə gənclər təşkilatları vasitəsilə qoşulması və onların inkişafının təmin olunmasıdır.
Layihə çərçivəsində kənd gəncləri üçün müxtəlif təlim və vörkşoplar keçirilib, gənclər siyasəti, gənclər təşkilatları haqqında məlumatlar, gənclərlə iş, həmçinin uğurlu karyera, düzgün peşə seçimi mövzusunda məlumatlar verilib.

Bu günlərdə bir işlə əlaqədar 42 saylı yol istismarı idarəsinə getmişdim. Hər şeydən əvvəl burada sağlam və mehriban bir mühitin şahidi oldum. Xatırladım ki, illər öncə də – 30 il bundan əvvəl bu təşkilatın fəaliyyəti ilə bağlı bir məqalə yazmışdım. Hətta orada olarkən bəzi işçilər həmin yazımı xatırladılar. Fikirləşdim ki, bu gün həmin müəssisənin gördüyü ağır zəhmət tələb edən işlərdən yazsam, yerinə düşər. Odur ki, müəssisənin rəhbəri ilə əlaqə saxladım. Öyrəndim ki, müəssisənin rəhbəri uzun müddət yol istismarı sahəsində, həm Tərtər rayonunda, həm də ətraf rayonlarda rəhbər vəzifələrdə çalışan Əliqulu Bayramovun oğlu Ramin Bayramovdur. Hətta burada elə işçilər var ki, Əliqulu müəllimlə xeyli müddət bir yerdə işləyiblər.
Ramin Bayramovdan müəssisənin gördüyü işlər barədə soruşdum. Böyük fəxrlə əvvəl rəhbəri olduğu kollektiv üzvülərindən, sonra isə gördükləri işlərdən söz açdı. Ramin müəllimin söhbətindən məlum oldu ki, o bir rəhbər kimi hər bir işçini öz xasiyyətinə uyğun qəbul etməyi, öz dili ilə dindirməyi bacarır və bundan da məmnunluq duyur. Hətta maraqlı bir məsəl də çəkdi. Daha ətraflı »

İkinci Qarabağ müharibəsi, Vətən müharibəsi və ya “Dəmir Yumruq” əməliyyatı — Azərbaycan Silahlı Qüvvələri və Ermənistan Silahlı Qüvvələri arasında Dağlıq Qarabağda davam edən silahlı qarşıdurma. Atəşkəsdən sonra müşahidə olunan ən gərgin və uzunmüddətli döyüşdür. Beynəlxalq səviyyədə Azərbaycanın bir hissəsi kimi tanınan, lakin Ermənistan hökümətinin idarəetməsi altında yaradılan Qondarma Dağlıq Qarabağ Daha ətraflı »