TARİXİN QANLI GERÇƏKLİKLƏRİ

Cənubi Qafqaz və Ön Asiya yaylasında çoxluq təşkil edən azərbaycanlıların (azəri türklərin) dəfələrlə öz tarixi torpaqlarından kütləvi şəkildə köçürülməyə, qovulmağa məruz qaldıqları haqqında məlumatlar inkarolunmaz gerçəkliklərdir. 1828-1832, 1877-1878, 1905-1907, 1918-1920, 1948-1953 və 1988-ci illərdə çirkin etnik təmizləmə, qırğınlar, talanlar törədən ermənilər daha hansı qəddarlıqları etməlidirlər ki, qulaqları kar olmuş bu dünya doğrunu doğru kimi eşitsin?!
1828-ci ildən bu yana İran və Türkiyədən gəlmə ermənilər «Böyük Ermənistan İmperiyası» yaratmaq xülyası altında millətimizə qarşı nə qədər qanlı münaqişələr, qətlamlar törətdilər! Bütün bunlara tarix şahiddir. Daha ətraflı »

“…ölkəmizdə Yaz bayramı mədəni irsə qayğıkeş münasibətin və ənənəvi dəyərlərə bağlılığın rəmzinə çevrilmişdir. Müstəqil Azərbaycanın dinamik inkişafla səciyyələnən müasir həyatı və yurdun bütün guşələrini əhatə edən genişmiqyaslı quruculuq-abadlıq işləri isə bayramın yeniləşdirici ab-havası ilə həmahəngdir.”

İlham Əliyev,
Azərbaycan Respublikasının
Prezidenti

Hörmətli Mehriban xanım!
Sizin Azərbaycan Respublikasının Birinci vitse-prezidenti təyin olunmağınız xəbəri tərtərliləri də həddindən çox sevindirdi.
Desək ki, Sizi Tərtərdə çox sevirlər, bu, azdır, Sizi bütün Azərbaycanda, hər bir ailədə, hətta Azərbaycanın hüdudlarından uzaqlarda da sevirlər. Siz Heydər Əliyev Fondunun Prezidenti, UNESCO-nun və İSESCO-nun xoşməramlı səfiri, millət vəkili kimi geniş və çoxşaxəli ictimai fəaliyyətinizlə, humanistliyiniz və xeyirxahlığınızla insanların böyük hörmətini qazanmısınız.
Ulu Öndər Heydər Əliyev ocağının layiqli bir nümayəndəsi kimi, Siz ölkəmizin dünya miqyasında geniş tanınması və yüksək nüfuz sahibi olması üçün yorulmadan çalışırsınız. İndi böyük sevinc hissi ilə qarşılamağa hazırlaşdığımız Novruz bayramı məhz Sizin təşəbbüsünüz əsasında UNESCO-nun Qeyri-Maddi İrs siyahısına daxil olmuşdur. Xal-qımızın digər milli-mənəvi dəyərlərinin qorunub saxlanılması istiqamətində də dəyərli işlər görürsünüz. Daha ətraflı »

Hörmətli Mehriban xanım!
Sizi Azərbaycanın Birinci vitse-prezidenti təyin olunmağınız münasibətilə ürəkdən təbrik edir, ölkəmizin daha da çiçəklənməsi naminə xeyirxah və yorulmaz fəaliyyətinizdə yeni-yeni zirvələr fəth etməyinizi arzulayıram.
Hər bir azərbaycanlı qadın üçün Siz humanistlik, nəciblik, xeyirxahlıq simvolusunuz. Biz Sizinlə fəxr edirik. Ən çətin məqamlarda Siz ümid yerimizsiniz. Təsadüfi deyil ki, rəhbərlik etdiyiniz Heydər Əliyev Fondu indiyədək minlərlə insanın müraciətini həll edərək, onlara sonsuz sevinc bəxş etmişdir. Heydər Əliyev Fondunun xeyirxah layihələri təkcə ölkəmizi əhatə etmir. Odur ki, Sizi Azərbaycanın hüdudlarından kənarda da sevirlər, rəğbət bəsləyirlər.
Hörmətli Mehriban xanım!
Hər bir qadının, ananın ən böyük arzusu sülhdür, əmin-amanlıqdır. Əminik ki, möhtərəm Prezidentimiz, Ali Baş Komandan zati-aliləri İlham Əliyevin düsünülmüş siyasəti və Sizin sülhsevər fəaliyyətiniz nəticəsində tezliklə Ermənistan–Azərbaycan, Dağlıq Qarabağ münaqişəsinə son qoyulacaq, işğal altında olan torpaqlarımız erməni tapdağından tə-mizlənəcək.
Hörmətlə,

Fitat Əliyeva,
Qapanlı kənd tam orta məktəbinin direktoru

Hörmətli Mehriban xanım!
Ölkəmizin inkişafı naminə böyük səylərinizin zati-aliləri Prezident İlham Əliyev tərəfindən dəyərləndirilərək Birinci vitse-prezident vəzifəsinə təyin olunmağınız münasibətilə Sizi səmimi qəlbdən təbrik edirəm. Siz öz qabiliyyətiniz, mehribanlığınız, humanistliyinizlə Azərbaycan cəmiyyətinin böyük rəğbətini və hörmətini qazanmısınız.
Tərtər ictimaiyyəti, tərtərli qadınlar əmindirlər ki, Sizin yeni vəzifəyə təyin olunmağınız ölkəmizin ictimai-siyasi həyatına yeni bir nəfəs gətirəcək. Bu qərarına görə bütün tərtərlilər adından möhtərəm Prezident İlham Əliyevə minnətdarlığımızı bildiririk.
Əziz Mehriban xanım, Prezident İlham Əliyevə və Sizə cansağlığı, xalqımızın rifahı naminə səmərəli fəaliyyətinizdə yeni-yeni uğurlar arzulayıram.
Hörmətlə,

Sofya Həsənova,
təqaüdçü

Hörmətli soydaşlarımız, əziz tərtərlilər!
Novruz təzə gün, ilin başlanğıcı, yazın gəlişi deməkdir. Bu, həm də təmizlik, paklıq bayramıdır.
Novruzun çox qədim tarixi var. Sovet hakimiyyəti illərində xalqın bu sevimli adət-ənənəsinə dini don geyindirərək, onun unudulmasına çalışsalar da bunu bacarmamışlar. Ailə daxilində olsa da, bu ənənə yaşamışdır.
Müstəqillik illərində ölkəmizin hər bir guşəsində Novruz yüksək səviy-yədə qeyd olunur, meydanlarda şənliklər qurulur, xalqımızın qədim adət-ləri nümayiş etdirilir.
Bu il tərtərlilər yazın gəlişini xüsusi coşqu ilə qarşılayırlar. Şəhərimiz başdan–başa yenilənmiş, gözəlləşmişdir. Hər yanda yeni bir təravət duyulur. Yeni parklar salınır, yollar çəkilir, körpülər qurulur, binalar tikilir.
Ötən il iki dəfə – may və dekabr aylarında rayonumuza səfər edən Azərbaycan Respublikasının Prezidenti İl-ham Əliyev və ölkəmizin birinci xanımı, hazırda Azərbaycan Respublikasının Birinci vitse-prezidenti Mehriban Əliyeva Tərtərin inkişafından razı qaldıqlarını bildirmiş, rayonun qəhrəman sakinlərinin əməyini və vətənpərvərliyini yüksək qiymətləndirmişlər. Daha ətraflı »

Xalqımızın ən qədim və əziz bayramı Novruz yurdumuza qədəm qoyur. Bayram münasibətilə şəhərimizin mərkəzi meydanında tədbir keçiriləcək. Meydanda qoyulmuş Novruzun rəmzi olan nəhəng səməni tərtərlilərdə xoş ovqat yaradır.
Novruz bütün türk dünyasına xas olsa da, Azərbaycanda daha möhtəşəm qeyd edilir. Milli adət-ənənələrimizə, o cümlədən Novruz bayramına yüksək qiymət verən Ulu Öndər Heydər Əliyev bu bayram haqqında deyib: “Novruz xalqımızın əsrlərdən bəri qoruyub saxladığı və bütün dövrlərdə həmişə əziz tutduğu bayramlardan biridir. Onun tarixi də Azərbaycan xalqının tarixi kimi kəşməkəşli, enişli-yoxuşlu olmuşdur. Bu ulu bayramın müstəqil respublikamızda dövlət səviyyəsində qeyd edilməsi öz milli köklərimizə, adət-ənənələrimizə, tarixi keçmişimizə dərin ehtiram bəslədiyimizi və sarsılmaz tellərlə bağlı olduğumuzu nümayiş etdirir”.
Ümummilli Lider ölkədə siyasi hakimiyyətə yenidən qayıtdıqdan sonra bu bayramın yüksək əhval-ruhiyyədə qeyd olunması üçün lazımi tədbirlər həyata keçirmişdir. Novruz bayramı dövlət səviyyəsində qeyd olunmağa başlamışdır. Bu, digər dövlət bayramlarından ona görə seçilir ki, Novruz təbiətdən gələn bayramdır, eyni zamanda, maddi vəziyyətindən asılı olmayaraq, hər bir insan onu qeyd edir. Daha ətraflı »

Tərtər rayon Mədəniyyət Mərkəzində Azərbaycanın Dövlət Müstəqilliyinin bərpasının 25 illiyi və 8 Mart – Beynəlxalq Qadınlar Günü münasibətilə “Müstəqilliyin bərpasında qadınların rolu” adlı tədbir keçirilib.
Ailə, Qadın və Uşaq Problemləri üzrə Dövlət Komitəsi, Fövqəladə Hallar Nazirliyi, Tərtər Rayon İcra Hakimiyyəti və “Təmiz ürəklər” Qeyri-Hökumət Təşkilatının təşkilatçılığı ilə keçirilən tədbirdə Ağdam, Füzuli, Goranboy, Tərtər rayonlarından və Naftalan şəhərindən olan fəal qadınlar, həmçinin Qarabağ döyüşlərində xidmətləri olan, şəhid və aztəminatlı ailələrdən olan qadınlar iştirak ediblər.
Tədbir iştirakçıları Ümummilli Lider Heydər Əliyevin Tərtər şəhərinin mərkəzi meydanındakı abidəsi önünə tər çiçəklər düzərək, dahi rəhbərin xatirəsinə hörmət və ehtiramlarını bildiriblər.
Azərbaycanın dövlət himninin səsləndirilməsi ilə başlayan tədbirdə respublikamızın müstəqilliyi və ərazi bütövlüyü uğrunda canından keçən Vətən övladlarının xatirəsi bir dəqiqəlik sükutla yad edilib. Daha ətraflı »

Tərtərdə Azərbaycanın Milli Qəhrəmanı Elman Hüseynovun 65 illiyinə həsr olunmuş tədbir keçirilib. Mərasimdə Tərtər Rayon İcra Hakimiyyətinin, rayon ictimaiyyətinin nümayəndələri, qəhrəmanın döyüş yoldaşları, ailə üzvləri iştirak ediblər. Tədbir iştirakçıları əvvəlcə Milli Qəhrəmanın və torpaqlarımızın azadlığı uğrunda şəhid olmuş vətən oğullarının xatirəsini bir dəqiqəlik sükutla yad edib, qəhrəmanın büstü önünə tər gül dəstələri qoyublar.
İştirakçılar öncə Milli Qəhrəmana həsr olunmuş videoçarxa baxıblar. Sonra onun həyat və döyüş yolu haqqında məlumat verilib. Qeyd olunub ki, Elman Hüseynov 1993-cü il yanvarın 15-də Vəng yüksəkliyi uğrunda gedən döyüşdə qəhrəmancasına şəhid olub.
1995-ci il yanvarın 15-də ölümündən sonra Azərbaycanın Milli Qəhrəmanı adına layiq görülüb.
Sonra Elman Hüseynovun tələbə yoldaşı Əli Əliyev, döyüş yoldaşları Suliddin Yusibov, Nizami Heydərov onunla bağlı xatirələrini bölüşüblər. Daha ətraflı »

“Yaddaş” studiyasının tərtər Özünümüdafiə Batalyonunun keçdiyi döyüş yolundan bəhs edən “Batalyon” sənədli filminin təqdimatı oldu. Tədbirə filmin yaradıcı heyəti, rayon icra hakimiyyətinin, hüquq-mühafizə orqanlarının nümayəndələri, Qarabağ müharibəsi veteranları, əlillər, şəhid ailələri, rayon Ağsaqqallar şurasının üzvləri və ictimaiyyət nümayəndələri qatılmışlar. Öncə onlar Ulu Öndərin xatirəsini yad edərək abidəsi önünə gül-çiçək dəstələri qoydular. Sonra tədbir rayon Mədəniyyət Mərkəzində davam etdirildi. Əvvəlcə torpaqlarımızın azadlığı uğrunda canlarından keçmiş şəhidlərimizin ruhu bir dəqiqəlik sükutla yad edildi.
Tədbiri giriş sözü ilə respublika Mədəniyyət Nazirliyinin əməkdaşı Almaz Sultanzadə açaraq hər kəsi Tərtərin qəhrəmanlıq tarixini yazan özünümüdafiə batalyonunun şücaətindən bəhs edən filmə baxmağa dəvət etdi.
Təqdimatdan sonra filmin rejissoru Nizami Abbas öz ürək sözlərini bildirərək, filmin çəkilişində onlara dəstək olmuş Tərtər Batalyonunun veteranlarına öz təşəkkürünü bildirdi. Sonra Tərtər Özünümüdafiə Batalyonunun keçmiş qərargah rəisi Pənah Məmmədov veteranlar adından çıxış etdi. Daha ətraflı »