XOCALI HARAYI-ELİN HARAYI

1813-cü il Gülüstan və 1828-ci ildə Türkmənçay müqaviləsinin imzalanması ilə əzəli yurd yerlərimizin bölünməsinin başlanğıcı qoyulmuşdur. 1828-1898-ci illərdə İrandan və Türkiyədən 1 milyon 200 min erməni köçürülərək İrəvan, Naxçıvan, Qarabağ xanlıqlarının ərazilərində məskunlaşdırılmışdır. Bu ərazilərdə məskunlaşdırılmış nankor ermənilər Rusiyanın havadarlığı və himayəsi nəticəsində “erməni vilayəti”ni yaratmağa nail oldular. Bu süni ərazi bölgüsünün yaradılması nəticəsində azərbaycanlıların doğma yurd yerlərindən qovulması və məhv edilməsi prosesi başlandı. Çox-saylı tarixi sənədlər sübut edir ki, erməni millətçiləri tərəfindən 1905-1906; 1918-1920; 1948-1953-cü illərdə azərbaycanlılara qarşı açıq şəkildə genişmiqyaslı qanlı terrorlar və qanlı qətliamlar həyata keçirmişlər. Daha ətraflı »

“Bütövlükdə Azərbaycan xalqına qarşı yönəldilmiş Xocalı soyqırımı öz ağlasığmaz qəddarlığı və qeyri-adi cəza üsulları ilə bəşər tarixində bir vəhşilik aktıdır. Bu soyqırım, eyni zamanda, bütün bəşəriyyətə qarşı tarixi bir cinayətdir”.
Heydər Əliyev
Azərbaycan xalqına qarşı ən böyük ədalətsizlik, törədilmiş qətliyam hadisəsi “20 Yanvar” və Xocalı faciələridir. 1988-ci ildən quduz ermənilər azərbaycanlılarla elan olunmamış müharibəyə başladılar. Beləliklə onlar torpaqlarımıza soxulub şəhərlərimizi, kəndlərimizi zəbt etdilər. Torpaqlarımızın 20%-ni işğal edib, günahsız insanların qanını tökdülər. Bunların ən dəhşətlisi Qarabağ bölgəsində yerləşən, Azərbaycanın ən zəngin təbiətinə malik olan şəhərlərindən biri– Xocalıda baş verib. Millətimizə qarşı yönəldilmiş bu vəhşilik qəddarlığı və qeyri-insani cəza üsulları ilə bəşər tarixində tayı-bərabəri olmayan bir vəhşilikdir. Bu faciə tarixi bir cinayətdir. Daha ətraflı »

Xocalı faciəsi tariximizin ən dəhşətli və qanlı səhifəsidir. Bu səhifəni andıqca dinc əhalinin çəkdiyi əzab-əziyyətin acısına dözmək olmur. Bir gecənin dəhşətli qırğını, ermənilərin insanlığa sığmayan qəddarlığı Xocalının yüzlərlə sakininin al-qanına boyanmasına, qətlə yetirilməsinə səbəb oldu.
Əsli Kərimova da Xocalı qaçqınıdır. O, Laçın rayonundan öz əmisi oğlu Ələsgərlə ailə qurub Xocalıya gəlmişdi. Ailə xoşbəxt yaşayırdı. Ələsgər su idarəsində sürücü, Əsli isə kəndin fermasında sağıcı işləyirdi. Normal dolanışıqları vardı. 3 yaşında qızı Gülaba, 1 yaş 2 aylıq oğlu Ələkbər qayğısız böyüyürdülər.
Əslinin dediklərindən
–Aereport yolunda yaşayırdıq. Orada evimizi tikdirən zaman ermənilər “tikin axırda bizim olacaq”. –deyirdilər. Daha ətraflı »

MƏDƏNİYYƏTİN MƏDƏNİYYƏTSİZ VƏZİYYƏTİ

(Felyeton)

“Bala Kirpi” geyinib-keçindi, fotoaparatını boynundan asdı, qələmini əlinə götürdü və üz tutdu kəndlərdəki mədəniyyət obyektlərinə tərəf. İstəyirdi ki, öyrənsin görək mədəniyyətimizlə məşğul olan adamlar neyləyirlər, nə iş görürlər, oralarda vəziyyət necədir?
O, hər yanı gəzdi. Bəzi kəndlərdəki mədəniyyət yerlərinin mədəniyyətsiz vəziyyətini görəndə yazığı ağlamaq tutdu, göz yaşlarını saxlaya bilmədi, oturub zırın-zırın ağladı. Neyləyəydi bu bədbəxt?! Ağlamalı şeyə ağlayarlar da. Doyunca ağlayıb toxtayandan sonra öz-özünə fikirləşdi: Nə yaxşı bu kitabxanaların fəaliyyətini dövlət başçısı dayandırdı. “Bu mədəniyyət deyilən şoğərib ki, var ha, hər şey ondan başlayır: səviyyə də, qanacaq da, tərbiyə də, tərbiyəsizlik də. Bir sözlə, adamlıq deyilən bir şey varsa, onun da mayasında mədəniyyət durur. Millətin millət kimi tanınmasında da bu mədəniyyət deyilən nəsnəni qoyurlar ortalığa, əgər ondan səndə yoxdursa, çəkil dur qıraqda, qağa, səni heç kim vecinə almayacaq. Mədəniyyəti çatışmayan insana, uzaq olsun, elə ayama qoyurlar ki, bu adı dilə gətirməyə də utanırsan.

Mədəniyyətsiz tayfa, mədəniyyətsiz adam kimi mədəniyyətsiz kənd, mədəniyyətsiz şəhər də olur. Bu kəlmələri eşitmişik. Amma mədəniyyətsiz mədəniyyət anlayışına mən ömrüm boyu rast gəlməmişdim, bunu da gözlərimlə gördüm.

Bir neçə il əvvəl rayonumuzda mədəniyyət və turizm şöbəsi deyilən bir idarənin adı vardı. Həm rayon mərkəzində, həm də digər yaşayış məntəqələrində onun klubları, kitabxanaları, mədəniyyət evləri əhaliyə gecə-gündüz mədəni xidmətdə bulunurdular–kitab oxudurdular, tamaşalar göstərirdilər, pulsuz konsertlər verirdilər, görüşlər keçirirdilər, bir sözlə, Daha ətraflı »

Həkim mütləq ictimai xadim və fəal mübariz olmalı, öz humanist fikirlərini, xeyirxah tədbirlərini sözlə ifadə etməyib, əhalinin sağlamlığı üçün yollar axtarmalı, fəaliyyət göstərməlidir.
V.V.Verasayev,
məşhur həkim, yazıçı
Son zamanlar yeni iş yerlərinin açılması, tikinti-quruculuq işlərinin sürətlə getməsi rayonumuzun əsaslı şəkildə inkişafına təkan vermişdir. Buna nümunə olaraq uşaq xəstəxanasının yanında açılan “Diaqnostik Tibb Mərkəzi”ni göstərmək olar. Bu sağlamlıq ocağının baş həkimi Mehdiyev Ramiz Bağır oğludur. Öncə bu xəstəxananın səliqə-səhmanı nəzərimi cəlb etdi. Daha ətraflı »

AZƏRBAYCAN RESPUBLİKASININ PREZİDENTİ İLHAM ƏLİYEV TƏRTƏR HAQQINDA:

…Bu gün Tərtər rayonu uğurla inkişaf edir. Sosial-iqtisadi inkişaf göz qabağındadır. Düşmənlə  üz-üzə dayanan tərtərlilər həmişə Azərbaycan dövlətçiliyinin möhkəmlənməsində  xüsusi rol oynamışlar.                

Tərtər rayonunda işlər düzgün qurulub. Mən rayonda dəfələrlə olmuşam. Xüsusilə  son vaxtlar burada gedən quruculuq-abadlıq işləri məni çox sevindirir. Əminəm ki, sizi də sevindirir.

Tərtər şəhəri abadlaşıb, gözəlləşib. Bu gün Tərtər müasir, abad şəhərdir, rayon inkişaf edir, vətəndaşlar daha da yaxşı yaşayırlar.

Bununla bərabər rayonun sosial-iqtisadi inkişafına da böyük diqqət göstərilmişdir.

Tərtər sakinləri qəhrəmandırlar. Onlar burada döyüş bölgəsində, düşmənlə üz-üzə möhkəm dayanıblar və atılan, evlərinə dəyən mərmilər onların iradəsinə zərrə qədər təsir etməmişdir.

Mən 10 il bundan əvvəl Prezident kimi birinci dəfə Tərtər rayonunda olmuşam, bu yerdə vətəndaşlarla görüşmüşəm. O vaxt Tərtərin siması tam başqa idi. Bu gün Tərtər müasir, abad şəhərdir, rayon inkişaf edir, vətəndaşlar daha da yaxşı yaşayırlar. Daha ətraflı »

Azərbaycan xalqı bu günü heç vaxt yaddan çıxarmayacaq və gələcəkdə də hər il bu gün qeyd olunmalıdır. Azadlıq, müstəqillik uğrunda, Vətən uğrunda özlərini qurban verən şəhidlərimizin hamısının xatirəsini həmişə qəlbimizdə yaşatmalıyıq.

İlham Əliyev
Azərbaycan Respublikasının Prezidenti

Tərtər rayonunda 20 yanvar şəhidlərinin xatirəsinə həsr olunmuş tədbir Şəhidlərin xatirəsinə ucaldılmış Abidənin önündən başlandı. Abidənin önünə gül-çiçək dəstələri qoydular.
Tədbir iştirakçıları 20 yanvar faciəsinə həsr olunmuş məktəblilərin əl işlərindən ibarət sərgiyə baxdılar. Sonra tədbir rayon Gənclər Mərkəzində davam etdirildi.
Rayon icra hakimiyyətinin başçısı Müstəqim Məmmədov məruzə ilə çıxış etdi. Bildirdi ki, Azərbaycan xalqının tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrindən 29 il keçir. Keçmiş sovet dövlətinin hərb maşınının həmin gün Azərbaycan xalqına qarşı həyata keçirdiyi vəhşi terror aktı insanlığa qarşı törədilmiş ən ağır cinayətlərdən biri kimi bəşər tarixində qara səhifə olaraq qalacaqdır. Milli azadlığı, ölkəsinin ərazi bütövlüyü uğrunda mübarizəyə qalxmış dinc əhaliyə divan tutulması, kütləvi terror nəticəsində yüzlərlə günahsız insanın qətlə yetirilməsi və yaralanması totalitar sovet rejiminin süqutu ərəfəsində onun cinayətkar mahiyyətini bütün dünyaya bir daha nümayiş etdirdi. Daha ətraflı »

ŞƏHİDLƏR QEYRƏT SALNAMƏSİDİR

Deyirlər ki, hər qaranlıq gecənin bir işıqlı sabahı var. Lakin 1990-cı il yanvarın 19-dan 20-nə keçən gecə Bakı səhərini işıqlı sabaha deyil, qanlı sabaha açdı.
Həmin gecə Azərbaycan xalqının tarixinə həm qara, həm də şanlı hərflərlə yazıldı.
Ana Vətənim, Azərbaycan! Sən alovlardan, odlardan keçib, odlar diyarı kimi tarixə düşdün. Sənin hər qarış torpağında, hər daşında Babək vüqarı, Nəsimi mətanəti, Koroğlu mərdliyi görünür.
20 Yanvar gecəsi… Həmin gecə XI Qızıl Ordu qoşunları Bakı şəhərini al qanına boyadı. Nə böyük vəhşilik, nə böyük dəhşət, ilahi! Həmin gecə qoca da, xəstə də, körpə də amansız düşmənin gülləsinə tuş gəldi. Həmin gecənin dəhşətləri nə göyə sığdı, nə də yerə, ilahi! Daha ətraflı »

20 Yanvar faciəsinin 29-cu ildönümü ilə əlaqədar YAP Tərtər Rayon Təşkilatı Qadınlar Şurasının təşkilatçılığı ilə tədbir keçirildi.
Tədbirdə rayonun təhsil, səhiyyə, mədəniyyət, idarə, müəssisə və təşkilatlarında çalışan qadınlar, eləcə də yerli mətbuat nümayəndələri iştirak etdilər.
Tədbir iştirakçıları öncə 20 Yanvar şəhidlərinin xatirəsini bir dəqiqəlik sükutla yad etdilər.
Tədbiri giriş sözü ilə açan YAP rayon təşkilatı aparatının rəhbəri Kamil Məmmədov 20 Yanvar faciəsinin tariximizdə təkcə faciə kimi deyil, eyni zamanda xalqın öz azadlığı və dövlət müstəqilliyi uğrunda apardığı mübarizə günü kimi də qeyd olunduğunu bildirdi.
YAP rayon təşklatı Qadınlar Şurasının sədri Xatirə Məmmədova tədbirdə “20 Yanvar qan yaddaşımızdır” mövzusunda məruzə etdi. Daha ətraflı »