Tərtər Rayon İcra Hakimiyyətinin başçısı Müstəqim Məmmədov hüquq-mühafizə orqanlarının rəhbərləri, YAP rayon Təşkilatının sədri Eldar Əsədov və Tərtər Cümə Məscidinin axundu Sadiq Cəfərovla birlikdə rayonun Umudlu kəndindən olan Vətən müharibəsi şəhidi Abbasov Elvin Şamil oğlunun ikinci ildönümü ilə əlaqədar Bərdə şəhərində yaşayan  ailəsini ziyarət edib, onların qayğıları ilə maraqlanıb.

Qeyd edək ki, Elvin Abbasov 1992-ci il may ayının 6-da Tərtər rayonunun Umudlu kəndində anadan olub.

Azərbaycan Respublikası Daxili İşlər Nazirliyinin Daxili Qoşunlarının baş çavuşu olan Elvin 2020-ci il sentyabrın 27-də başlayan Vətən müharibəsi zamanı Şuşanın azadlığı uğrunda gedən döyüşlərdə vuruşub. Noyabrın 7-də Şuşa döyüşləri zamanı şəhid olub.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatıldığı və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Respublikasının Prezidenti cənab İlham Əliyevin müvafiq sərəncamları ilə “Vətən uğrunda” və “Şuşanın azad olunmasına görə” medalları ilə təltif edilib.

Şəhid Elvin Abbasov və onun kimi igid Vətən oğullarının xatirəsi xalqımızın qəlbində əbədi yaşayacaq.

Şəhidin ailə üzvləri onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanmım Əliyevaya öz  minnnətdarlıqlarını bildiriblər.

Allah bütün şəhidlərmizə rəhmət, qazilərimizə, veteranlarımıza isə can sağlığı  versin!

QƏHRƏMAN TƏRTƏR– İKİNCİ STALİNQRAD

Məlum olduğu kimi, Tərtər iki əsrə yaxın bir dövr ərzində mənfur ermənilərlə qonşu olub. Onlar bu tarixi saxtalaşdırmaq istəsələr də, özləri də bilmədən rayonumuzun Şıxarx qəsəbəsində “Marağa-150” abidəsini ucaltmaqla, bu yerlərə gəlmə olduqlarını açıq-aşkar bildiriblər.Televiziya kanallarımızın arxivində bu abidənin açılışı və orada çıxış edən erməni rəsmilərin etirafları da saxlanılır.
Prezident İlham Əliyevin Sərəncamına əsasən, Şıxarxdakı bu abidənin qalıqları saxlanılmaqla, ətrafı abadlaşdırılıb. Həmçinin ermənilərin gəlmə olduqlarını bildirən tarixi sübutlar eksponat kimi burada nümayiş etdirilir.
Köç saldıqları torpaqlarla kifayətlənməyən, böyük xülyalarla yaşayan ermənilər daim bizə zərbə vurmağa çalışıblar. Hər zaman da Tərtəri möhkəm bir qala kimi qarşılarında görüb, geri çəkilməyə məcbur olublar.
Birinci Qarabağ müharibəsində də belə olub, Aprel hadisələrində də, 44 günlük Vətən müharibəsində də. 30 ilə yaxın bir müddətdə atəşkəs olsa da, keçmiş cəbhəyanı kəndlərdə atəş səsləri bir gün də olsa kəsilməyib. Buna baxmayaraq, Tərtərdə bir ailə də evini tərk etməyib, yanan işıqlarımız ermənilərin gözünə ox kimi batıb.
Birinci Qarabağ müharibəsində tərtərlilər nəinki bir qarış torpağımızı belə ermənilərə verməyiblər, hətta onları nankorcasına yiyələndikləri torpaqlardan uzaqlaşdırıblar.
Ölkə Prezidenti Ali Baş Komandan İlham Əliyev tərtərlilər haqqında belə deyib: “Tərtər sakinləri qəhrəmandırlar. Onlar burada, döyüş bölgəsində, düşmənlə üz-üzə dayanıblar və atılan, evlərinə dəyən mərmilər onların iradəsinə zərrə qədər təsir etməmişdir”. Daha ətraflı »

Tərtər Rayon İcra Hakimiyyətinin təşəbbüsü və təşkilatçılığı ilə rayon Mədəniyyət Mərkəzində “Yeni Tərtər” qəzetinin redaktoru, “Qızıl qələm” mükafatı laureatı Svetlana Bağırovanın “Tərtərin tarix yazan oğulları” kitabının təqdimatı olub.
Təqdimatda şəhid ailələri, qazilər, rayon icra hakimiyyətinin başçısı Müstəqim Məmmədov, Qarabağ İqtisadi rayonuna daxil olan işğaldan azad edilmiş ərazilərdə Azərbaycan Respblikası Prezidentinin xüsusi nümayəndəsinin müavini Bəşir Hacıyev, hüquq-mühafizə orqanlarının rəhbərləri, Milli Məclisin deputatı Sahib Alıyev, akademik Vaqif Abbasov, “Azərbaycan” və “Respublika” qəzetlərinin bölgə müxbirləri Lazım Quliyev, Vəli Vəliyev və ictimaiyyət nümayəndələri iştirak ediblər.
Tədbir iştirakçıları əvvəlcə torpaqlarımızın ərazi bütövlüyü uğrunda canlarını fəda etmiş şəhidlərin xatirəsini bir dəqiqəlik sükutla yad ediblər, sonra dövlər himni səsləndirilib.
Kitabın müəllifi Svetlana Bağırova şəhidlərimizin xatirəsinə həsr olunmuş “Tərtərin tarix yazan oğulları” kitabı haqqında məlumat verib. Tarix yazan tərtərli oğullardan, müzəffər Ali Baş Komandan, qalib sərkərdə cənab İlham Əliyevin rəhbərliyi ilə qazanılan tarixi Zəfər Günündən danışıb. Bu Zəfəri bizə yaşadan şəhidlərimizin ailələrinə, müharibənin canlı şahidləri, bədənlərində qəlpə gəzdirən Vətən müharibəsi əlillərinin problemlərinə hər kəsin diqqət və qayğı göstərməsini ölkə rəhbərinin bir vəzifə kimi qarşıya qoyduğunu bildirib. Daha ətraflı »

8 noyabr–Zəfər Günündə Tərtər Rayon İcra Hakimiyyətinin təşkilatçılığı ilə Şıxarx qəsəbəsi ərazisində şəhidlərin xatirəsinə yeni salınmış “Vətən bağı”nda ağacəkmə aksiyası keçirilib.
Aksiyada şəhid ailələri, qazilər, rayon icra hakimiyyətinin başçısı Müstəqim Məmmədov, Milli Məclisin deputatı Sahib Alıyev, hüquq-mühafizə orqanlarının rəhbərləri, akademik Vaqif Abbasov, “Azərbaycan” və “Respublika” qəzetlərinin bölgə müxbirləri Lazım Quliyev, Vəli Vəliyev və ictimaiyyət nümayəndələri iştirak ediblər.
Tədbir iştirakçıları öncə Azərbaycanın ərazi bütövlüyü uğ-runda canlarından keçən şəhidlərin xatirəsini anıblar.
İcra başcısı Müstəqim Məmmədov ağacəkmə aksiyasında iştirak edən şəhid ailələri ilə söhbət apararaq, onların qayğıları ilə maraqlanıb. Bildirib ki, Vətən uğrunda döyüşlərdə igidlik göstərmiş şəhidlərimizin həyat yolu və qəhrəmanlığı hər bir gənc üçün örnəkdir.
Aksiya çərçivəsində 550 ədəd müxtəlif növ meyvə ağacı əkilib. Əkilən ağaclar suvarılıb, onlara aqrotexniki qulluq göstərilib.
Aksiyada iştirak edən şəhid ailələri və qazilər onlara göstərilən diqqət və qayğıya görə Müzəffər Ali Baş Komandan cənab İlham Əliyevə və Birinci vitse-prezident Mehriban xanım Əliyevaya öz təşəkkürlərini bildiriblər.

9 Noyabr-Azərbaycan Respublikasının Dövlət Bayrağı Günü münasibəti ilə Tərtər Rayon İcra Hakimiyyətinin başçısı Müstəqim Məmmədov Yeni Azərbaycan Partiyasının inzibati binasında tərtərli qazilərlə görüşüb, onları şanlı Zəfər və Dövlət Bayrağı Günü münasibətilə təbrik edib, müstəqilliyimizin, zəfər dolu günlərimizin rəmzi olan üçrəngli bayrağımızın hər zaman yüksəklərdə dalğalanmasını arzu edib. Azərbaycan Respublikasının Prezidenti cənab İlham Əliyevin 17 noyabr 2009-cu il Sərəncamı ilə hər il noyabr ayının 9-nun Azərbaycan Respublikasının Dövlət Bayrağı Günü kimi qeyd edildiyini bildirib. Azərbaycan oğullarının 44 günlük Vətən müharibəsində Azərbaycan bayrağını daha yüksək zirvələrə qaldırdığını, işğaldan azad edilmiş torpaqlarımızda dalğalandırdığını qürur hissi ilə qeyd edən icra başçısı dövlət tərəfindən şəhid və qazi ailələrinə göstərilən diqqət və qayğını da dilə gətirib, Ulu Tanrıdan torpaqlarımızın ərazi bütövlüyü uğrunda canından keçən şəhidlərimizə rəhmət, qazilərimizə cansağlığı arzulayıb.
Sonra rayon rəhbəri redaktoru olduğu “Tərtərin tarix yazan oğulları” kitabını qazilərə təqdim edib.
Görüşdə iştirak edən qazilər onlara göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnnətdarlıqlarını bildiriblər.

Noyabrın 8-də Tərtər Rayon Mədəniyyət Mərkəzində rayon İcra Hakimiyyətinin təşkilatçılığı ilə 8 Noyabr–Zəfər Gününə həsr olunmuş “Zəfərin mübarək, Azərbaycan!” adlı konsert proqramı təşkil olunub.
Tədbir iştirakçıları öncə Ulu Öndər Heydər Əliyevin abidəsini və şəhidlərin xatirəsinə ucaldılmış abidə kompleksini ziyarət edərək, önünə gül-çiçək dəstələri düzüblər.
Sonra rayon Mədəniyyət Mərkəzinin foyesində Zəfər Gününə həsr olunmuş məktəblilərin əl işlərindən ibarət sərgiyə baxıblar.
Rayon Mədəniyyət Mərkəzinin zalında davam etdirilən tədbirdə əvvəlcə Azərbaycan Respublikasının Dövlət Himni səsləndirilib və Vətən uğrunda qəhrəmancasına həlak olmuş şəhidlərimizin əziz xatirəsi bir dəqiqəlik sükutla yad edilib. Zəfər Gününün tarixi haqqında geniş məlumat verilib.
Bərdə Regional Mədəniyyət İdarəsinin Tərtər nümayəndəliyinin hazırladığı konsert proqramı təqdim edilib, rayonun ümumtəhsil məktəblərinin şagirdlərinin ifasında vətənpərvərlik mövzusunda mahnılar və şeirlər ifa olunub.
Yüksək vətənpərvərlik duyğuları və coşqu ilə keçən konsert proqramı iştirakçılar tərəfindən böyük məmnunluq və razılıqla qarşılanıb.
Sonda tədbirdə fəal iştirak edən məktəblilərə rayon rəhbəri tərəfindən təşəkkürnamələr təqdim edilib.

Tərtərdə tarixi Zəfər Günü ilə bağlı silsilə tədbirlər davam edir. Tərtər Rayon İcra Hakimiyyəti Səfərbərlik və Hərbi Xidmətə Çağırış üzrə Dövlət Xidmətinin Tərtər Rayon Şöbəsi ilə birlikdə “Zəfərin mübarək, Vətən!” adlı tədbir keçirib.
Tədbirdə hüquq-mühafizə orqanlarının rəhbərləri, şəhid ailələri, müharibə əlilləri və veteranlar, dövlət qurumlarının, ictimaiyyətin nümayəndələri iştirak ediblər.
Tədbir iştirakçıları əvvəlcə Mərkəzi Meydanda Ulu Öndərin abidəsini, sonra isə Şəhidlərin Abidə Kompleksini ziyarət edib, onların xatriəsini ehtiramla yad ediblər.
Sonra tədbir rayon icra hakimiyyətinin akt zalında davam etdirilib. Öncə şəhidlərin ruhu bir dəqiqəlik sükutla yad edilib.
Tədbiri giriş sözü ilə açan Tərtər Rayon İcra Hakimiyyətinin başçısı Müstəqim Məmmədov Vətən müharibəsində Müzəffər Ali Baş Komandan, qalib sərkərdə cənab İlham Əliyevin rəhbərliyi altında qazanılan Şanlı Zəfər Günündən, rəşadətli Azərbaycan Ordusunun müharibədə qazandığı qələbədən, ordumuzun döyüş taktikasından, 44 günlük Vətən müharibəsində torpaqlarımızın ərazi bütövlüyünü təmin edən şəhidlərimizdən, öz sağlamlıqlarını Vətənə qurban verən qazilərmizdən bəhs edib. Daha ətraflı »

Şəhid Adil Həsənov adına Buruc kənd tam orta məktəbində keçirilən tədbir şəhidlər Ruslan Şahbazova, Orxan Şəmilova və Mübariz Nəcəfova həsr olumuşdu. Tədbirin keçirilməsində məqsəd məktəbin ən fəal siniflərinə şəhidlərimizin adlarının verilməsi və əbədiləşdirilməsidir. 3-cü sinfə 44 günlük Vətən Müharibəsi şəhidi Ruslan Şahbazovun, 6-cı sinfə 2008-ci il-də mənfur ermənilərin təxribatı nəticəsində şəhid olmuş Orxan Şəmilovun, 8-ci sinfə isə Birinci Qarabag müharibəsi şəhidi Mübariz Nəcəfovun adları verildi. Hər üç sinifdə Vətənimizin ərazi bütövlüyü, torpaqlarımızın azadlığı uğrunda və erməni vandalizmi nəticəsində şəhid olmuş igidlərin keçdiyi həyat yolunu xatırladan məlumatlar, şəkillər vurulub, xüsusi guşələr yaradılıb. Məktəbin müəllim və şagirdləri əvvəlcə şəhidlərin uyuduğu məzarları ziyarət edib, üstünə gül-çiçəklər düzüb, evlərinə gedərək valideynləri yad ediblər.
Sonra tədbir məktəbin klubunda geniş proqramla davam etdirildi.
Məktəbin müəllimləri Tacirə Məmmədli, Şəhanə Hüseynova, Ziyafət Almasova, Nüşabə Misirova qonaqlara şəhidlər haqqında ətraflı məlumatlar verdilər. Daha ətraflı »

Tərtər Rayon Polis Şöbəsinin təşkilatçılığı ilə rayonumuzun Xoruzlu kənd tam orta məktəbində “Narkotikə yox deyək!” və erkən nigah mövzularına həsr olunmuş tədbir keçirilib. Əvvəlcə tədbir iştirakçıları məktəbdəki Şəhidlər abidəsinin önünə gül-çiçək dəstələri düzüb, Vətən uğrunda canından keçmiş soydaşlarımızın əziz xatirəsini bir dəqiqəlik sükutla yad ediblər.
Tədbirdə rayon Polis Şöbəsinin rəisi, polis polkovniki Elçin Qasımov ümumbəşəri bəla olan narkomaniya ilə bağlı ölkəmizdə həyata keçirilən tədbirlərdən danışıb. Qeyd edib ki narkomaniya ilə mübarizə yalnız dövlət orqanlarının, polisin deyil, hər bir vətəndaşın işi olmalıdır. Xüsusilə ailələrdə valideynlər övladlarına qarşı diqqətli olmalı, öz nümunələri ilə sağlam həyat tərzini təşviq etməlidirlər.
Tədbirdə rayon mərkəzi xəstəxanasının Ailə, Sağlamlıq Mərkəzinin şöbə müdiri Bəkir Nağıyev, rayon təhsil sektorunun aparıcı mütəxəssisi Mahir Qurbanov, “Yeni Tərtər” qəzetinin redaktoru Svetlana Bağırova narkotiklərdən istifadənin və erkən nigahın fəsadlarından danışıb və şagirdlərə asudə vaxtlarını səmərəli keçirməyi, ayıq-sayıq olmağı tövsiyə ediblər.
Məktəbin direktoru Elşən Səfərov maraqlı və aktual tədbir üçün qonaqlara təşəkkür edib.
Sonda mövzu ilə bağlı videoçarx göstərilib və iştirakçıları maraqlandıran suallar cavablandırılıb.

“Yeni Tərtər”

44 günlük Vətən müharibəsində döyüş əməliyyatlarında göstərdiyi şəxsi qəhrəmanlığa görə “Vətən Müharibəsi Qəhrəmanı” adına layiq görülmüş oğullarımızdan biri də rayonumuzun Cəmilli kəndinin sakini Azər Abdullazadədir. Azər bu şərəfli ada 19 yaşında layiq görülüb. Bu günlərdə Azər Abdullazadəni redaksiyamıza dəvət edib, qəzetimiz üçün müsahibə verməsini xahiş etdik. O dedi:

– Vətən müharibəsi başlayanda, müddətli həqiqi hərbi xidmətimi başa vurmağıma üç gün qalmışdı. Mənim əmim Natiq Abdullayev I Qarabağ müharibəsi şəhididir, atam isə həmin müharibənin iştirakçısıdır. Ailə ənənələrimizi davam etdirərək, mən də döyüşlərə qatıldım. Tankçı idim. Xidmət etdiyim müddətdə bu peşəni öyrənmişdim. Sentyabrın 30-da yaralandım, bir gün sonra yenidən cəbhəyə qayıtdım. 11 oktyabra qədər düşmənin xeyli texnikasının sıradan çıxarılmasına nail oldum və 25 hərbçisini məhv etdim. Tankımız Cəbrayıla doğru irəliləyirdi. Hər alınan rayon, kənd hərbçilərimizin ürəyinin təpərini artırır, qolumuza güc-qüvvət verirdi. Var gücümüzlə düşmənin üzərinə gedir, ana torpağımızı onların tapdağından azad edirdik.
Oktyabrın 11-də idarə etdiyim tank vuruldu və alışdı. Tankın içərisində üç nəfər idik. Leytenant Murad Nağıyev şəhidlik zirvəsinə ucaldı, məni isə sürücü-mexanik Elsevər Hümbətli yanan tankın içindən çıxararaq, üstümü torpaqla örtdü və alovu söndürdü. Daha ətraflı »