QARŞIDA BİZİ ŞUŞALI GÜNLƏR GÖZLƏYİR

Möhtərəm Prezidentimiz İlham Əliyev tərəfindən 2022-ci ilin “Şuşa ili” elan edilməsi nəinki Azərbaycan xalqını, bütün türk dünyasını sevindirdi. Bu xəbər yeni il gecəsinə xüsusi bir əhval-ruhiyyə, Şuşa abu-havası gətirdi.
Ulu Öndər Heydər Əliyev Şuşa haqqında demişdir: “Şuşa Azərbaycanın ən əziz və böyük tarixi olan bir guşəsidir. Şuşanı yaradanlar, Şuşa şəhərini quranlar, Şuşa qalasını tikənlər Azərbaycan torpağının sahibləri olublar və Qarabağda Azərbaycan torpağının da-im qorunması, saxlanması üçün Şuşa şəhərini, qalasını yaradıblar. Bu, Azərbaycan xalqının, əcdadlarımızın yaratdığı böyük abidədir, təkcə şəhər deyil, böyük bir tarixi abidədir”.
Ümummilli Liderimizin ən layiqli siyasi varisi olan Prezident, Ali Baş Komandan İlham Əliyevin gərgin, yorulmaz fəaliyyətinin bəhrəsi olaraq, nəhayət, 28 ildən sonra Şuşa şəhəri işğaldan azad edildi. Ata vəsiyyətini şərəflə yerinə yetirən Qalib Sərkərdə sonsuz qürur hissi ilə bu xəbəri xalqa çatdırdı: “Şuşa indi azaddır. Biz Şuşaya qayıtmışıq. Biz bu tarixi Qələbəni döyüş meydanında qazandıq. 2020-ci il noyabrın 8-i Azərbaycan tarixində əbədi qalacaqdır. Bu tarix əbədi yaşayacaq. Bu, bizim Şanlı Qələbəmizin, Zəfərimizin günüdür!”
Mənfur düşmən Azərbaycanın incisi olan Şuşa şəhərini tanınmaz hala salmışdır. Qələbəmizdən ötən bir ildən artıq müddətdə burada bərpa işlərinə başlanılmış, bir sıra mədəni tədbirlər keçirilmiş, qədim şəhər yenidən öz qoynunda minlərlə qonağı, o cümlədən xarici qonaqları qarşılamışdır.
2021-ci ilin iyun ayının 15-də Şuşa şəhərində Azərbaycan ilə Türkiyə arasında tarixi Bəyannamə imzalanmışdır. Şuşa Bəyannaməsi geniş geosiyasi məkanda sabitliyin, təhlükəsizliyin, sosial-mədəni və iqtisadi tərəqqinin yeni mərhələyə keçməsini təmin edə biləcək sənəddir.
Beləliklə də, 2022-ci ildə 270 illiyini qeyd edəcəyimiz Şuşa şəhərinin bərpasının sürətləndirilməsi üçün bölgədə sülhün və əmin-amanlığın təmin edilməsi də daim diqqət mərkəzində olan məsələlərdən biridir və bu da tarixi Şuşa Bəyannaməsində öz əksini tapıb.
Şuşa haqqıında danışmaqla mövzu bitmir. Nə yaxşı ki, bundan sonra biz daim Şuşalı günlər yaşayacaq, bunun gözəlliyindən zövq alacağıq.

Svetlana Bağırova

Tərtər Rayon İcra Hakimiyyətinin başçısı Müstəqim Məmmədov, hüquq-mühafizə orqanlarının rəhbərləri, rayon ictimaiyyətinin nümayəndələri Dünya Azərbaycanlılarının Həmrəylik günü və Yeni təqvim ilinin başlanması münasibəti ilə Mərkəzi Meydanda Ulu Öndər Heydər Əliyevin abidəsini və Şəhidlər Abidə Kompleksini ziyarət edərək, abidələrin önünə gül-çiçək dəstələri düzmüş, əziz xatirələrini ehtiramla anmışlar.

Tərtər Rayon İcra Hakimiyyətinin, Səfərbərlik və Hərbi Xidmətə Çağırış üzrə Dövlət Xidmətinin Tərtər rayon şöbəsinin birgə təşkilatçılığı ilə Prezident, Müzəffər Ali Baş Komandan İlham Əliyevin müvafiq sərəncamlarına əsasən ərazilərimizin işğaldan azad olunması uğrunda aparılan hərbi əməliyyatlarda iştirak edərək igidlik və şücaət göstərmiş, vəzifə borcunu ləyaqətlə və vicdanla, döyüş tapşırıqlarını uğurla yerinə yetirərək Vətən müharibəsi zamanı şəhidlik zirvəsinə yüksəlmiş tərtərli igidlərin ailələrinə və Vətən müharibəsi iştirakçılarına orden və medalların təqdimetmə mərasimi keçirilib.
Tədbirdə Tərtər Rayon İcra Hakimiyyətinin başçısı Müstəqim Məmmədov, Səfərbərlik və Hərbi Xidmətə Çağırış üzrə Dövlət Xidmətinin Tərtər rayon şöbəsinin rəisi Elşən Abdullayev, şəhidlərin ailə üzvləri, qazilər, Qarabağ Müharibəsi veteranları və ictimaiyyət nümayəndələri iştirak ediblər.
Rayon icra hakimiyyətində keçirilən tədbirdə öncə ölkəmizin suverenliyi, ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.
Rayon rəhbəri Müstəqim Məmmədov çıxış edərək 31 dekabr-Dünya Azərbaycanlılarının Həmrəylik Günü və Yeni təqvim ilinin başlanması münasibətilə tədbir iştirakçılarını təbrik edib. Vətənə layiqli oğullar verdiklərinə görə şəhid ailələrinə, vətən üçün öz sağlamlıqlarını itirən qazilərimizə minnətdarlığını bildirib. Daha ətraflı »

Rayon İcra Hakimiyyətində keçirilən görüşdə rayon rəhbəri Müstəqim Məmmədov qonaqları salamlayaraq 44 günlük Vətən müharibəsində qazandığımız şanlı Qələbədən danışıb. Qeyd edib ki, Müzəffər Ali Baş Komandan İlham Əliyevin rəhbərliyi ilə düşmən üzərində qazanılan şanlı Qələbədə Ordumuzun, döyüşlərdə iştirak edən əsgər və zabitlərimizin qəhrəmanlığı heç zaman unudulmayacaq. Biz döyüşlərdə şəhid olmuş soydaşlarımızın ruhu qar-şısında baş əyir, onlara Ulu Tanrıdan rəhmət diləyirik. Eyni zamanda, qanlı döyüşlərdə yaralanıb qazi olmuş vətəndaşlarımız da vardır. Dövlətimizin başçısı İlham Əliyev və Birinci vitse-prezident Mehriban xanım Əliyeva hər zaman şəhid ailələrinin və qazilərin yanındadır. Onların problemlərinin həlli istiqamətində böyük işlər görülür.
Görüşdə çıxış edənlər şəhidlərimizin qanının yerdə qalmadığını, tarixi bir Zəfərin qazanıldığını və bu qələbədə hər bir əsgərin Vətən qarşısındakı borcunu şərəflə yerinə yetirdiyini söyləyiblər. Qeyd olunub ki, torpaqlarımızın azadlığı uğrunda canlarından keçən şəhidlərimiz heç zaman unudulmayacaq, onların əziz xatirəsi qəlbimizdə daim yaşayacaq. Daha ətraflı »

Rayon İcra Hakimiyyətinin və “Vəkiloğlu” MMC-nin birgə təşkilatçılığı ilə 44 günluk Vətən Müharibəsi şəhidləri və qazi övladlarının iştirakı ilə 31dekabr–Dünya Azərbaycanlılarının Həmrəylik Günü və Yeni təqvim ilinin başlanması münasibətilə bayram şənliyi keçirilib.
“Tərtər” istirahət mərkəzində keçirilən bayram tədbirində Tərtər Rayon İcra Hakimiyyətinin başçısı Müstəqim Məmmədov, hüquq-mühafizə orqanlarının rəhbərləri, şəhid ailələri, müharibə veteranları, qazilər və onların fidan balaları iştirak ediblər.
Əvvəlcə torpaqlarımızın azadlığı uğrunda canlarından keçən Vətən oğullarının əziz xatirəsi 1 dəqiqəlik sükutla yad edilib. Azərbaycan Respublikasının Dövlət Himni səsləndirilib.
Tədbirdə çıxış edən Tərtər Rayon İcra Hakimiyyətinin başçısı Müstəqim Məmmədov 31 dekabr – Dünya Azərbaycanlılarının Həmrəyliyi Günü və Yeni təqvim ilinin başlanması münasibətilə tədbir iştirakçılarını təbrik edib. Bildirib ki, Silahlı Qüvvələrin Müzəffər Ali Baş Komandanı İlham Əliyevin rəhbərliyi Daha ətraflı »

Uşaqlar bayram tədbirinə xüsusi hazırlaşmışdılar. Əvvəlcə bağçanın müdiri Hicran Hüseynova uşaqları Dünya Azərbaycanlılarının Həmrəylik və Yeni təqvim ilinin başlanması münasibəti ilə təbrik edib, onlara sülh, əmin-amanlıq, firavan həyat arzulayıb. Şaxta baba və Qar qızın şənliyə gəlməsi balacaları çox sevindirib. Onlar yolkanın başına toplaşaraq Şaxta babaya, Qar qıza öyrəndikləri şeirləri, mahnıları oxuyub, onlarla rəqs edərək əylənib, maraqlı kompozisiyalar nümayiş etdiriblər.
Tədbirdə Tərtər Rayon İcra hakimiyyətinin başçısı Müstəqim Məmmədov da iştirak edib. Rayon rəhbəri uşalqarı bayram münasibəti ilə təbrik edərək onlara ən xoş arzularını çatdırıb, Azərbaycan Respublikası Prezidenti cənab İlham Əliyevin, Birinci vitse-prezident Mehriban xanım Əliyevanın uşaqlara göstərdiyi diqqət və qayğıdan danışıb. Qeyd olunub ki, Ulu Öndərin qurucusu olduğu müstəqil Azərbaycanda uşaqların vətənpərvərlik ruhunda böyüməsinə xüsusi diqqət göstərilir.
Bayram şənliyində Seydimli kənd körpələr evi-uşaq bağçasının adını daşıdığı şəhid Əli Vəliyevin yeganə övladı olan Cavidin oğlu Əli Vəliyevin ad günü də qeyd olunub. Şəhid babasının adını daşıyan 5 yaşlı Əli Vəliyevi bağçanın kollektivi ad günü münasibəti ilə təbrik edərək balacalarla birgə onun ad günü tortunu kəsiblər.
Bayram şənliyi maraqlı və yaddaqalan olub. Tədbirdə xatirə şəkilləri çəkilib.

Mərasimdə Tərtər Rayon İcra Hakimiyyətinin başçısı Müstəqim Məmmədov, Səfərbərlik və Hərbi Xidmətə Çağırış üzrə Dövlət Xidmətinin Tərtər rayon şöbəsinin rəisi Elşən Abdullayev, şəhid ailələri, qazilər, müharibə veteranları, kənd sakinləri və ictimaiyyət nümayəndələri iştirak ediblər.
Tədbirdə ilk olaraq Vətənimizin bütövlüyü uğrunda canlarından keçən şəhidlərimizin əziz xatirəsi yad edilib, Tərtər “Cümə” məscidinin imamı Sadiq Cəfərov onların ruhuna dua oxuyub.
Çıxış edən rayon rəhbəri Müstəqim Məmmədov tarixə 44 günlük müharibə kimi düşən Vətən müharibəsindən, Azərbaycan Ordusunun qəhrəmanlığından, qazandığı şanlı Qələbədən, şəhidlərin gənclərə nümunə olan qısa, lakin şərəfli ömür yolundan danışıb.
Tədbirdə İntiqam Mənsimlinin şərəfli döyüş yolundan qürur hissi ilə danışılıb. Bildirilib ki, Azərbaycan Ordusunun əsgəri İntiqam Mənsimli 1998-ci il iyunun 6-da rayonumuzun Kəngərli kəndində anadan olub. Oktyabrın 16-da Talış istiqamətində Daha ətraflı »

Rayonun körpələr evi-uşaq bağçalarında 31 dekabr-Dünya Azərbaycanlılarının Həmrəylik günü və Yeni il bayramı münasibəti ilə şənliklər keçirilib. Balacalar yolkanın ətrafına toplaşaraq Şaxta babaya, Qar qıza şeirlər söyləyib, mahnı oxuyub, səhnəcik göstərib, onlarla birgə rəqs edib, şənləniblər.
Tərtər Rayon İcra Hakimiyyətinin başçısı Müstəqim Məmmədov körpələr evi-uşaq bağçalarında keçirilən şənliklərdə iştirak edib. O, çıxış edərək körpə fidanları qarşıdan gələn bayram münasibəti ilə təbrik edib, ən xoş arzularını çatdırıb.
İcra başçısı qeyd edib ki, bugün uşaqlar daha xoş-bəxt, daha sevinclidirlər. Çünki onlar qalib ölkənin vətəndaşlarıdırlar.
Sonra icra başçısı Azərbaycanda uşaq siyasətinin əsasının Ulu Öndər tərəfindən qoyulduğunu, onun uşaqları sonsuz məhəbbətlə sevdiyini, uşaqlara böyük diqqət və qayğıyla yanaşdığını, “Uşaqlar bizim gələcəyimizdir”,-dediyini dilə gətirib. Daha ətraflı »

                                                 “HƏR QAPIMIZI DÖYƏN BALAMIN QONAĞIDIR”

Növbəti dəfə yollanıram o evə. Ömrünün 25-ci payızında şəhadətə qovuşan Mehdi Məmmədovun evinə. O evə hər gedişimdə yol boyu fikrimdə bir az sonra dərdli gözlərində gəlişimi sevinclə qarşılayan Laləzar ananı canlandırıram. İndi bir ziyarətgaha çevrilən evinin qapısını hər gələnə ürəklə, qəribə bir sevinclə açır. Onunla hər görüşümdə də hiss etdiyim məhz bu idi. Dərdli gözlərdəki o sevincin adı – təsəllidir. Bəli, o bundan sanki təsəlli alır. Bu evi ziyarət edənləri şəhid balasının, tək ciyərparəsi Mehdinin qonaqları sanır. Düşüncələrimdə gəldiyim qənaəti söhbətimiz əsnasında dilə gətirdi:
– Mehdi qonaqpərvər bir uşaq idi, müəllimə. Onun mülayim xasiyyəti bütün qohum-qonşuları özünə cəlb edirdi. Bu ev bir gün qonaqsız olmayıb onun sağlığında. İndi də elə bilirəm ki, hər qapımızı döyən balamın qonağıdı və o günlərdi.
Laləzar ana öz övladı ilə hər zaman qürur duyub. Mehdi Sarıcalı kəndinin ən yaxşı gənclərindən biri olub. Gənc olmasına baxmayaraq, bir ağsaqqal düşüncəsi, təmkini olub. Hər kəs ona hörmət edir və sevirdi.
Ailədə bir bacı və bir qardaş olan Mehdi uşaqlıqdan çox çətinliklə böyümüşdü. Ailənin həm oğlu, həm kişisi idi. Ana və bacısının, evinin bütün ehtiyacları onun çiyinlərində idi. Ata qayğısı görməmişdi, atasız böyümüşdü Mehdi. O, anası və bacısına maddi ehtiyac hiss etdirməmək üçün gecə-gündüz işləyirdi. Halal zəhmətlə ailəsini keçindirirdi. Bir arzusu vardı. Anası yaxşı şəraitdə yaşasın deyə təzə bir ev tikmək istəyirdi. Daha ətraflı »

Şəhid Abbasov Elvin Şamil oğlu əslən Umudlu kəndindəndir. Birinci Qarabağ müharibəsi zamanı ailəsi Ağdərə rayonunun Umudlu kəndindən məcburi köçkün düşüb. Bərdə rayonunun Hacılı kəndində yaşasalar da, Tərtər rayonu Umudlu kənd inzibati ərazi dairəsində qeydiyyata götürülüblər. Elvin Abbasov isə 1993-cü il mayın 6-da Tərtərdə anadan olub. Orta təhsilini başa vurduqdan sonra həqiqi hərbi xidmətə çağrılıb. Əsgəri xidməti uğurla başa çatıb. Hərbidə olan nizam-intizam qulluq müddətində Elvini özünə cəlb edib, orduda xidmət etmək marağı yaradıb. Əsgəri borcunu verib qayıtdıqdan az sonra müddətdən artıq xidmətə yazılır. Daxili qoşunların “N” saylı hərbi hissəsində xüsusi təyinatlı dəstədə baş çavuş kimi fəaliyyət göstərir. Vətən müharibəsi başlayanda artıq 8 il idi ki, müddətdən artıq xidmət edirdi. Bu müddətdə hərbi işi daha mükəmməl mənimsəmişdi. Yarasalar adlandırılan bölükdə ona xüsusi ad verilmişdi –“Boyka” adı ilə tanınırdı. Döyüş hazırlığı və hərbi bacarığı ilə fərqlənirdi “Boyka”.
Tarixə Vətən müharibəsinin ilk günü kimi yazılan 27 sentyabr 2020-ci il. Elvin Abbasov şiddətli döyüşlərin getdiyi əraziyə – Cəbrayıl istiqamətinə göndərilir. Onun döyüş yolu Cəbrayıldan, Xocavənddən, Zəngilandan, Daşaltıdan, Hadrutdan keçib. Bu ərazilərdə güclü döyüşlərdən öz şücaəti ilə çıxıb “Boyka”. Daha ətraflı »