Hörmətli tərtərlilər, əziz bacı və qardaşlarım!
Hər birinizi müqəddəs Ramazan bayramı münasibəti ilə ürəkdən təbrik edir, sizə cansağlığı, bol ruzi-bərəkət və sülh arzulayıram.
Ayların sultanı olan Ramazan öz mənəvi dəyərlərinə görə müsəlman aləmində müstəsna əhəmiyyət kəsb edir. Bu ay ilk növbədə mənəvi paklıq, saflıq, bərabərlik, mərhəmət ayıdır, insanları bir-birinə yaxınlaşdıran, imkanlıların imkansızlara əl uzatdığı bir aydır. Tanrı məqamında Ramazan ayının savabı çox uca tutulur.
70-illik sovet rejimi dövründə islamın digər vacib dəyərləri kimi Ramazan ayının məziyyətlərini də bizə unutdurmaga çalışsalar da, bu mümkün olmamışdır. İndi müstəqil ölkəmizdə dövlətdin münasibətlərinin tənzimlənməsi sahəsində çox mühüm uğurlar əldə edilib. Bu münasibətlərdə milli-mənəvi dəyərlərimizin, dinimizə uyğun qaydaların gözlənilməsi əsas şərt sayılır. Hazırda Azərbaycan xalqı milli-mənəvi, islami dəyərlərin qloballaşan dünyada qorunması üçün bütün imkanlardan istifadə edir.
Ramazan ayı ərzində hər kəs Ulu Yaradandan arzu və istəklərinin hasil olunması üçün dualar edir. Allah dualarınızı qəbul etsin.
Rəbbimiz ümumi arzumuzu – Qarabağ münaqişəsinin həllində bizə kömək olsun, qaçqın və köçkün soydaşlarımız öz yurd-yuvalarına dönsünlər.
Sizi bir daha “Qurani–Kərimin” nazil olduğu müqəddəs Ramazan ayının başa çatması münasibəti ilə təbrik edir, hər birinizə Azərbaycanımızın daha da çiçəklənməsi naminə yeni-yeni uğurlar arzulayıram.

İnkişaf yolu və müasirlik
İyulun 22-də Azərbaycan milli mətbuatının yaranmasının 140-cı ili tamam olur. Azərbaycan jurnalistikasının kеçdiyi şərəfli və keşməkeşli yol məhz 1875-ci il iyul ayının 22-dən – “Əkinçi” qəzetinin ilk nömrəsinin işıq üzü gördüyü gündən başlanır. Azərbaycan jurnalistləri bu günü öz peşə bayramları kimi qeyd edirlər. Daha ətraflı »

Tərtər rayonunun iqtisadiyyatının əsasını kənd təsərrüfatı təşkil edir. Rayon üzrə ümumi məhsul buraxılışının 41,4 faizi kənd təsərrüfatının hesabına formalaşır. Kənd təsərrüfatının prioritet istiqamətlərindən biri də taxılçılıqdır. 2015-ci ildə rayonda ümumi əkin sahələrinin 41 faizini taxıl məhsulları təşkil edir. Daha ətraflı »

Milli -mənəvi dəyərlərimizin təbliğatşısı

2005-ci il avqustun 20-də 7 illik fasilədən sonra rayonumuzun qəzeti yenidən işıq üzü gördü. Qərara alındı ki, 1991-ci ildən “Tərtər” kimi oxucularının görüşünə gələn qəzetin adı dəyişdirilərək “Yeni Tərtər” olsun. Bunun da səbəbi vardı. Çünki İlham Əliyev Prezident seçiləndən sonra ölkə yeni inkişaf mərhələsinə qədəm qoymuşdu. Ulu Öndər Heydər Əliyevin siyasi xəttini uğurla davam etdirən möhtərəm Prezident bölgələrin inkişafına xüsusi diqqət yetirirdi. Digər rayonlar kimi, Tərtərdə də böyük quruculuq işləri görülürdü. Bu dəyişikliyi, inkişafı işıqlandırmaq, eyni zamanda rayonun tarixi baxımından maraqlı bir dövrünü qələmə alaraq gələcək nəsillərə çatdırmaq üçün rayon qəzetinin fəaliyyətini bərpa etmək vacib idi. Daha ətraflı »

Günəş şüaları insan orqanizmi üçün həm faydalı, həm də zərərlidir. Burada da hər şey təbii ki, dozadan asılıdır. Günəş şüaları altında uzun müddət qaldıqda günvurma baş verir. Günvurma hadisələri ən çox dəniz kənarında istirahət zamanı, günəş altında işləyən zaman, uşaqlar açıq havada oynayan zaman baş verir. Daha ətraflı »

Rayon 8 avqust 1930-cu ildə təşkil edilmişdir. 10 sentyabr 1939-cu ilədək Cera-bert, 1991-ci ilə qədər Mardakert, həmin tarixdən ləgv olunana kimi Ağdərə adlanıb. 1992-ci ilin oktyabrında Azərbaycan hökümətinin qərarı ilə Ağdərə rayonu ləğv edilərək ərazisi Tərtər, Ağdam, Kəlbəcər rayonları arasında bölünmüşdür.
1992-ci ildə Azərbaycan ordusunun hücumu nəticəsində Ağdərə rayonu ərazisinin bir çox hissəsi erməni işğalçılarından azad edilir. Lakin 7 iyul 1993-cü ildə ermənilər Ağdərə şəhərini və rayonun bir çox kəndlərini yenidən işğal etdilər. Hal-hazırda keçmiş Ağdərə rayo-nunun bir neçə kəndi Azərbaycanın nəzarətində olsa da, Ağdərə şəhəri də daxil olmaqla bir çox əraziləri ermənilərin nəzarəti altındadır. Daha ətraflı »

Zorakılıq hazırkı dünyanın ən eybəcər sifətlərindən biridir. Elə bil ki, zorlu-zorsuz əyyamı gəlib. Kim zorludursa, söz onundur, diktə və “qanun” onun tərəfindədir. İstəsə döyər, istəsə əzər, istəsə öldürər. Bu, ictimai icma qu- ruluşundan üzü bəri belədir və belə də davam edir. Lakin zorakılıq Allahın sevmədiyi işdir. Bu, şeytan vəsvəsəsinin məhsuludur. Daha ətraflı »

Rayonumuzun cəbhə bölgəsinə yaxın olan yaşayış məntəqələrindən biri də Qarağacı kənd İnzibati Ərazi Dairəsidir. Nümayəndəlik Qarağacı, Yuxarı Qaradağlı və Qapanlı kəndlərini əhatə edir. Bu kəndlərdə 710 təsərrüfat vardır, əhalisinin sayı 3 min nəfərə yaxındır. Ərazidə 103 məcburi köçkün ailəsi məskunlaşıb. Köçkünlərin sayı 365 nəfərdi.
Əhalinin əsas məşğuliyyəti əkinçilik və heyvandarlıqdır.
Nümayəndəliyin ərazisi 1975 hektardı. Bunun 1291 hektarı pay torpaqlarıdır. Daha ətraflı »

Hər il olduğu kimi bu il də ümumtəhsil məktəblərində yüzlərlə şagird IX və XI siniflər üzrə buraxılış imtahanları verdilər.
Imtahanların ilkin nəticələri barədə rayon təhsil şöbəsindən məlumat aldıq.
Məlumatda bildirilir ki, rayonun 44 ümumtəhsil mü-əssisəsində IX siniflər üzrə 801 nəfər, 34 tam orta məktəblərində isə XI siniflər üzrə 675 nəfər şagird buraxılış imtahanları verib.
Imtahanlar mərkəzləşdirilmiş qaydada test üsulu ilə aparılıb. IX siniflərdə “ana dili” və “riyaziyyat”, XI siniflərdə isə “ana dili”, “riyaziyyat” və “xarici dil” fənləri üzrə buraxılış imtahanları keçirilib. Daha ətraflı »

Fövqəladə Hallar Nazirliyinin Qarabağ Regional Mərkəzi Gənclər Mərkəzində Qarabağ Regional Mərkəzinin əhatə etdiyi rayonlarda “Fövqəladə halların qarşısının alınması və nəticələrinin aradan qaldırılması sahəsində fəaliyyətin koordinasiya edilməsi məsələləri, dənli və texniki bitkilərin yığılması, daşınması və emalı dövründə təhlükəsizlik qaydaları və su hövzələrində insanların təhlükəsizliyinin təmin edlməsi” mövzularında müşavirə keçirib. Daha ətraflı »