Ələsgərov Habil Rəşid oğlu

1967-ci il avqust ayının 22-də Tərtər rayonunun Köçərli inzibati ərazi vahidinin Köçərli kəndində anadan olmuşdur. Orta təhsilini Azad Qaraqo-yunlu kənd orta məktəbində aldıqdan sonra 1985-1987-ci illərdə keçmiş Sovet Ordusu sıralarında həqiqi hərbi xidmətdə olmuşdur. Qarabağ uğrunda müharibə başlanan vaxt rayon hərbi komissarlığı tərəfindən Milli Ordu sıralarına səfərbər edilir. 1993-cü ilin iyul ayından 703 saylı hərbi hissədə xidmət etməklə Ağdərə rayonunun ərazisində gedən döyüşlərdə iştirak etmişdir. 1994-cü il fevral ayının 14-də Ağdərə ərazisində gedən döyüşdə həlak olmuşdur. Köçərli kənd qəbiristanlığında dəfn olunub.
Evli idi. Sənan adlı bir oğlu və Vüsalə adlı bir qızı var. Övladları ailəlidir-lər. Ailəsi Tərtər rayonunun Köçərli kəndində yaşayır.

“Vətən mənə oğul desə nə dərdim, mamır olub qayasında bitərdim.Yazıma məhz bu sözlərlə başlamaq istədim. “Bu torpaq, bu vətən bizimdir”– deyib canını, qanını torpaqlarımızın bütövlüyü naminə qurban verən igid və mərd oğullarımız ən uca məqama– şəhidliyə çatdılar. Şəhidlərimiz hər zaman bizim qəlbimizdədir, onlar hər za-man xatirələrimizdə yaşayır və yaşayacaqlar! Hər birimiz daima onların ailələrinin, valideynlərinin yanında olmalıyıq və oluruq. Bu, bizim bir Azərbaycan vətəndaşı olaraq borcumuzdur.
27 sentyabr 2020-ci il adi günlərdən biri idi. Ancaq yenə mənfur düşmənlərimiz dinc dayanmadı. Bu dəfə isə hər şey tamamilə başqa cür oldu. Prezidentimiz, Ali Baş Komandan İlham Əliyev əks hücum əməliyyatının başladığını xalqa bildirdi. Təbii ki, xalq olaraq biz hər birimiz Prezidentimizin, Ordumuzun arxasında dayandıq.
Yaşı çatan, çatmayan, əli silah tutan hər kəs müharibəyə getmək, düşməndən ağrı-acı ilə dollu işğal illərinin qisasını almaq istəyirdi. Belə gənc, mərd oğullarımızdan biri də Mehdiyev Yasən Alim oğlu idi. Vətən müharibəsi başlayan zaman Yasən həqiqi hərbi xidmətdə idi.
Xalqımız hər dövrdə ermənilərlə mübarizə aparıb. Onların bizim xalqımıza etdiyi zülmləri, işgəncələri, torpaq davasını Yasən həm məktəbdə müəllimlərindən, həm də evdə valideynlərindən eşidib. Özü isə hər şeyi dərk edəndən onun ürəyində düşmənə qarşı bir nifrət, qisas hissi oyanıb. Həmişə onlardan qisasımızı alacağımızı, torpaqlarımızı geri qaytaracağımızı danışarmış. Daha ətraflı »

Qəhrəmanlıq elə zirvədir ki, illər ötdükcə daha aydın görünür

Birinci Qarabağ müharibəsi şəhidləri olan Poladlı kəndinin sakini Nizami Salahovun və Mamırlı kəndinin sakini Müşviq İsmayılovun şəhidliyə qovuşduqları vaxtdan 30 il ötür.

Şəhid Nizami Salahov 1964-cü il noyabr ayının 13-də Tərtər rayonunun Poladlı kəndində anadan olmuşdur. Orta təhsilini Mamırlı kənd tam orta məktəbində aldıqdan sonra keçmiş Sovet Ordusu sıralarında xidmət etmişdir. Qarabağ uğrunda müharibə başlayan vaxt Tərtər rayonunun Mamırlı kəndində kolxozçu işləmişdir. 1993-cü ilin noyabr ayında Tərtər rayon hərbi komissarlığı tərəfindən Milli Ordu sıralarına hərbi xidmətə çağırılmışdır. Hərbi xidmətini 703 saylı hərbi hissədə keçirmiş və Ağdərə istiqamətində ge-dən döyüşlərdə iştirak etmişdir.
27 aprel 1994-cü il tarixdə Ağdərə rayonunun Seysulan kəndi uğrunda gedən döyüşlərdə şəhid olmuşdur.
Evli idi. Aygün, Laləzər adlı iki qızı və Nurəddin adlı bir oğlu var. Poladlı kənd ­­­­­­­­­qəbiristanlığında dəfn edilib. Daha ətraflı »

1991-ci il oktyabrın 2-də Tərtər rayonunun Köçərli kəndində doğulub. 1998-ci ildə Köçərli kənd tam orta məktəbinin birinci sinfinə daxil olub. 2008-ci ildə onuncu sinfi bitirib. 2009-ci ilin oktyabrın 2-də həqiqi hərbi xidmətə çağırılıb. Hərbi xidməti Naxçıvanın Şahbuz rayonunda keçib. Cəmi 10 ay əsgərlik çəkib. 2010-cu il iyulun 17-də ildırım vurması nəticəsində kardiogen şok keçirərək şəhid olub. Subay idi. Ailənin 2 övladından biri idi. Köçərli kəndində dəfn olunub. Ailəsi Köçərli kəndində yaşayır. Atası Asif 2021-ci il aprelin 16-da ürək çatışmazlığından dünyasını dəyişib. Bacısı ailəli olub, 2 övladı var. Hazırda anası Etibar Hüseynova ilə birgə yaşayır.

1 iyul 1961-ci ildə Tərtər rayonunun Borsunlu kəndində doğulub. Orta məktəbi 1976-ci ildə həmin kənddə bitirib. 1977-ci ildə hərbi xidmətə çağırılıb. 1979-cu ildə Rusiyada aviasiya polkunda həqiqi hərbi xidmətini başa vurub.Qayıtdıqdan sonra Mingeçevir şəhərində yaşayıb, işləyib.
Bibisi oğlu Talıstan Axundov erməni vəhşiliyindən şəhid olduqdan sonra Murad dözməyərək 19-92-ci ilin fevralından Mingəçevir Özünümüdafiə Batalyonu-na yazılıb. Batalyon keçmiş Marquşevan kəndində yerləşirdi. Ağdərə istiqamətində gedən döyüşlərdə ermənilərə qarşı vuruşub, 1993-cü ilin iyul ayının 23-də döyüş yoldaşlarının nəşini çıxararkən mühasirəyə düşərək şəhid olub, 25 iyulda ailəsinə xəbər verilib. Nəşi tapılmayıb.
Ailəlidir. 2 oğlu qalıb, Şahin və Tural. Muradgil özləri 3 qardaş, 4 bacı olublar. Hazırda anası Zərifə oğlu Müşfiqlə birlikdə Borsunluda, Muradın oğlanları isə Mingəçevir şəhərində yaşayırlar.
Son zamanlarda Mingəçevir şəhərində şəhid Murad Təmrazovun adına bulaq istifadəyə verilib.

Sentyabrın 10-u 1965-ci ildə Tərtər rayonunun Borsunlu kəndində doğulub. 1972-ci ildən 1977-ci ilə kimi Borsunlu tam orta məktəbində oxuyub. 1978-ci ildə Gəncə şəhərində yaşayan xalasıgildə qalaraq 37 nömrəli məktəbdə oxuyub. 1982-ci ildə həmin məktəbi bitirib. 19-83-cü ildə Tərtər rayon komissarlığından həqiqi hərbi xidmətə çağırılıb. Əsgərlik xidməti Əfqanıstanda keçib. Bu müdətdə “Hərbi xidmətə görə” medalı ilə təltif olunub. 1985-ci ildə hərbi xidməti başa çatıb. Qayıtdıqdan sonra Gəncə şəhərində yaşayıb, işləyib.
1992-ci ilin mayından könüllü olaraq Ağdam rayon özünümüdafiə dəstəsinə yazılıb. Döyüş yolu Ağdam, Ağdərə istiqamətindən keçib. Axırıncı döyüşü Şırxavənd istiqamətində olub. 12 iyunda mühasirəyə düşüb, tankın üstündə vurulub. Nəşi tapılmayıb.
Nofəl Əsgərov ailəli olub. Həyat yoldaşı Zərxarə rəhmətə gedib. 2 qızı- Lalə və Naciyə Bakı və Gəncə şəhərlərində yaşayırlar.

1956-cı ildə Azadqaraqoyunlu kəndində doğulub. Doğma kəndində yaşayıb, tikinti işlərinin ustası kimi fəaliyyət göstərib. 1992-ci il aprelin 12-də könüllü olaraq polis dostu ilə birgə döyüşdə olan döyüşçülərimizə sila-sursat apararkən mühasirəyə düşüb, şəhid olub. 5 gündən sonra, 17 aprel tarixdə nəşi götürülərək Evoğlu kənd qəbiristanlığında dəfn olunub.
2015-ci ildə məhkəmə qərarı ilə şəhidlik statusu verilib. Ailəli olub. 2 qızı, 1 oğlu var. Həyat yoldaşı Tankarova Cəmilə Musa qızı, oğlu Tanrıverdiyev Natiq, qızları Xatirə və Gülbəniz Bakı və Gəncə şəhərlərində yaşayırlar.

1929-cu ildə Tərtər rayonunun Qapanlı kəndində anadan olub. Həmin kənddə yaşayıb, çalışıb. 2004-cü il fevral ayının 16-da Qapanlı kəndinin otlaq sahəsində özünə məxsus qoyunları otararkən qonşu Seysulan kəndi istiqamətindən snayperlə başından vurularaq şəhid olub. Qapanlı kənd qəbiristanlığında dəfn olunub.
Ailəli olub. Akim, Qanboy, Elxan, Bəhlul adlı 4 oğlu, Xalidə, Fəridə, Validə adlı 3 qızı qalıb. Övladları ailəlidirlər. Nəvələri var. Ailəsi üçün Tərtər rayonunun Qapanlı kəndində 3 otaqlı fərdi ev tikilib. Həyat yoldaşı rəhmətə gedib. Oğlu və nəvələri kənddə yaşayırlar.

Birinci Qarabağ müharibəsində itkin düşmüş və şəxsiyyəti müəyyənləşdirilən şəhidlərdən olan Yaqubov Fəqan Misir oğlu Tərtər rayonunda dəfn edilib. Fəqan naməlum şəhid kimi Bakı şəhərindəki Şəhidlər xiyabanında dəfn olunmuşdu.

Şəhidlə vida mərasimi ailəsinin yaşadığı Tərtər rayonunun Sarıcalı kəndində keçirilib. Mərasimdə Tərtər Rayon İcra hakimiyyətinin başçısı Müstəqim Məmmədov, hüquq-mühafizə orqanlarının rəhbərləri, YAP rayon təşkilatının sədri, şəhidlərin ailə üzvləri, qazilər, veteranlar, idarə, müəssisə, təşkilat kollektivləri, təhsil, səhiyyə, mədəniyyət işçiləri və ictimaiyyət nümayəndələri iştirak edib.

Vida mərasimində Tərtər Rayon İcra Hakimiyyətinin başçısı Müstəqim Məmmədov çıxış edərək şəhidlərimizə Allahdan rəhmət, yaxınlarına səbr diləyib. Müzəffər Ali Baş Komandan cənab İlham Əliyevin rəhbərliyi ilə 44 günlük Vətən müharibəsində hərbçilərimizin göstərdiyi rəşadətdən danışaraq qazanılan tarixi qələbə ilə şəhidlərimizin qanının yerdə qalmadığını vurğulayıb.

Cənazə namazı qılındıqdan sonra şəhidin nəşi kənd qəbiristanlığında torpağa tapşırılıb, dualar oxunub. Dəfn zamanı yaylım atəşi açılıb. Daha ətraflı »

Tərtərli oğulların şücaəti

Birinci Qarabağ müharibəsi şəhidi Cəfərov Vüqar Asdan oğlu 1968-ci il yanvar ayının 17-də Tərtər rayonunun Əskipara kəndində anadan olmuşdur. Həmin kənd orta məktəbində orta təhsil almışdır. 1986- 1988-ci illərdə keçmiş Sovet Ordusu sıralarında xidmət etmişdir. Hərbi xidmətdən qayıtdıqdan sonra 18 №-li Yol İstismarı İdarəsində qaynaqçı işləyirdi. Qarabağ uğrunda müharibə şiddətlənən vaxt Tərtər bölgəsində özünümü-dafiə batalyonu yaradılarkən, erməni işğalçılarının torpaqlarımızda törətdikləri vəhşililklərə qarşı əldə silah mübarizə aparmaq məqsədilə bu batalyonun tərkibinə yazılmışdır. 1992-ci il iyun ayının 3-də keçmiş Ağdərə rayonunun Qırmızıkənd kəndi yaxınlığında Tərtər Batalyonu döyüşə hazırlaşarkən keçid yollarına düzülmüş mina partlayışı nəticəsində şəhid olmuşdur.
Ailəli idi. İlqar adında bir oğlu var. Əskipara kənd qəbiristanlığında dəfn edilib.
Bu günlərdə Tərtər Rayon İcra Hakimiyyətinin başçısı Müstəqim Məmmədov YAP rayon təşkilatının sədri Eldar Əsədov və rayon Ağsaqqallar şurasının sədri Faiq Məmmədovla birlikdə rayonun Əskipara kəndində Vüqar Cəfərovun ailəsini ziyarət edib, onların problemləri və qayğıları ilə maraqlanıblar.
Görüşdə rayon rəhbəri Birinci Qarabağ müharibəsində, 44 günlük Vətən müharibəsində və lokal xarakterli antiterror əməliyyatları zamanı tərtərli oğulların döyüşlərdə göstərdiyi sücaətlərdən söhbət açıb, hər birinin qısa, lakin mənalı ömür yolunun gənclərə örnək olduğunu, belə igid oğullar böyütdükləri üçün şəhid valideyinləri qarşısında baş əydiyini bildirib, qazanılan tarixi zəfərdən sonra işğaldan azad olunmuş torpaqlarda aparılan nəhəng quruculuq işlərindən söhbət açıb. Daha ətraflı »