Bu kimi fikirlər olduqca əsassız iddiadır. Əksinə, Azərbaycan məhz hər hansı ittifaqı nəzərdə tutan inteqrasiya proseslərinə (RF-Belarus İttifaqı) qoşulmadığına görə,  RF ilə ikitərəfli sənəd imzalayır. Avropa İitifaqı ilə münasibətlərdə də analoji vəziyyət yarandıgından , Azərbaycan “Şərq tərəfdaşlığı” proqramına deyil, ikitərəfli sazişin bağlanmasına üstünlük verdi və artıq bu istiqamətdə çox ciddi irəliləyişlər var. Müqavilə ilə tərəflərin toxunulmazlığına, ərazi bütövlüyünə, suverenliyinə, müstəqil siyasətinə zəmanət verən sənəd necə “SSRİ-nin bərpası”nı şərtləndirə bilər?

Birmənalı şəkildə qəbul etmək lazımdır ki, bundan sonra SSRİ-nin hər hansı şəkildə bərpası, geriyə qayıdış mümkün deyil. Müttəfiqlik sazişi ilə ittifaq sazişini eynişəldirənlər ciddi şəkildə yanılırlar.

Qərəzkarlar Prezident İlham Əliyevin fevralın 2-də gənclərlə görüşündə SSRİ dövründə Azərbaycan torpaqlarının Ermənistana necə verilməsi hadisələri barədə söylədiklərinə , Prezidentin  bir sıra Sovet rəhbərlərinin Azərbaycan xalqına qarşı xəyanətini vurğulamasına diqqət yetirsələr,  kimlərinsə Azərbaycan hakimiyyətinin SSRİ-ni bərpa etmək prosesində guya iştirakı barədə danışması, yəqin ki, onların bütövlükdə   Azərbaycan dövlətinin yürütdüyü siyasətdən bixəbəliklərindən qaynaqlanır.

                                                                                                                                                                                         Eldar Əsədov,

                                                                                                                                                                                  YAP Tərtər Rayon

                                                                                                                                                                               Təşkilatının sədri

Dövlət başçısının Moskvaya səfəri, Vladimir Putinlə apardığı müzakirələr, imzalanan Müttəfiqlik Bəyannaməsinin məzmunu və əldə edilən nəticələr yenidən Azərbaycanın Cənubi Qafqazın lider dövləti olaraq qəbul edilməsini təsdiqləyir, ölkəmizlə Rusiyanın əməkdaşlığı strateji səviyyəyə yüksəltməkdə maraqlı tərəf kimi çıxış etdiyini göstərir.

2022-ci 22 fevral tarixli Moskva Bəyannaməsi ilə Azərbaycan və Rusiya arasında münasibətlər keyfiyyətcə yeni müttəfiqlik səviyyəsinə yüksəlir. Bəyannamənin 43 bəndi var və qarşılıqlı fəaliyyətin ən mühüm sahələrini əhatə edir. Bəyannamədə aşağıdakılar qeyd olunub: Rusiya və Azərbaycan öz münasibətlərini müttəfiqlik qarşılıqlı fəaliyyəti əsasında qurur, aktual beynəlxalq problemlər üzrə eyni və ya yaxın mövqelər tutmaqla o cümlədən ikitərəfli səviyyədə də daxil olmaqla konstruktiv əməkdaşlığı dərinləşdirirlər, eləcə də qarşılıqlı maraq kəsb edən məsələlər üzrə beynəlxalq təşkilat və forumlar çərçivəsində qarşılıqlı fəaliyyət göstərirlər.

Bundan başqa ölkələr tərəflərdən birinin fikrincə sülhə təhlükə yarada bilən, sülhü pozan və ya tərəflərdən birinin təhlükəsizlik maraqlarına təsir edən vəziyyət yarandığı, eləcə də bu cür vəziyyətin yaranması təhdidi olduğu təqdirdə onun nizamlanması məqsədilə təxirəsalınmaz məsləhətləşmələrin aparılmasına hazırlıqlarını ifadə edirlər.

Tərəflər milli maraqlara cavab verən və üçüncü ölkələrə qarşı yönəlməyən ikitərəfli hərbi-siyasi əməkdaşlığı inkişaf etdirir, hərbi qarşılıqlı əməkdaşlığı dərinləşdirəcəklər.

Onlar həmçinin təhlükəsizliyin təmin edilməsi, sülhün və sabitliyin qorunub-saxlanması məqsədilə bir-birinə BMT Nizamnaməsi, ayrı-ayrı beynəlxalq müqavilələr əsasında və tərəflərdən hər birinin beynəlxalq-hüquqi öhdəliklərini nəzərə almaqla hərbi yardım göstərilməsi imkanını nəzərdən keçirə bilərlər. Daha ətraflı »

Dövlətlərarası münasibətləri tənzimləyən və qarşılıqlı hörmət, biri-birinin daxili işlərinə qarışmamaq prinsiplərini özündə əks etdirən sənədlərin imzalanmaya hazırlanması hərtərəfli təhlil tələb edir. Odur ki, Müttəfiqlik sənədinin hazırlanması və tərəflər arasında razılaşdırılması uzun sürən prosesdən keçir. Prezident İlham Əliyev hələ Yeni  illə əlaqədar xalqa müraciətində Rusiya ilə əlaqələrin keyfiyyətcə yeni səviyyəyə qalxacağının anonsunu vermişdi.  Bu baxımdan Bəyannamənin imzalanması heç də yeni gündəmə çıxan məsələ deyil və  məsələnin  regionda gedən son proseslərlə əlaqələndirilməsi düzgün olmazdı.

Rusiyanın dünyadan təcrid olunma səbəbi kimi iddia olunan  Ukrayna mövzusuna bu sənədin heç bir aidiyyatı yoxdur. Bu sənəd Rusiya ilə Azərbaycanın ikitərəfli münasibətlərini tənzimləyir.Bəyannamənin üçüncü ölkələrə münasibətə və ya xarici siyasi kursuna heç bir mənfi təsiri yoxdur. Eyni zamanda Azərbaycanın Rusiya ilə müttəfiqlik münasibətləri həm milli maraqlar baxımından, həm də yürüdülən müstəqil siyasətdə rəsmi Bakının prioritet hesab etdiyi məsələlərdə prinsipial mövqe nümayiş etdirməsinə mane olmayacaq.

Bir məsələni də anlamaq lazımdır ki,  Azərbaycan Qoşulmama Hərəkatına sədrlik edən ölkə kimi heç bir bloka qoşulmur və ölkəmiz qonşuları ilə münasibətləri yüksələn xətt üzrə inkişaf etdirir. Hətta Ermənistanla da normallaşma prosesinin sürətlənməsində maraqlıdır. Məsələ heç də Putinə nəyin ehtiyac olmasında deyil. Azərbaycan özü maraqlıdır ki, xarici müdaxilələr üçün heç bir boşluq buraxmasın, öz müstəqilliyini daha da gücləndirsin və bu tarazlaşdırılmış siyasət Azərbaycanın milli maraqlarını qoruyur və təmin edir.

Eldar Əsədov,

YAP Tərtər rayon

Təşkilatının sədri

1992-ci il fevralın 25-dən 26-na keçən gecə Ermənistan silahlı qüvvələri bütün beynəlxalq hüquq normalarını pozaraq, mühasirədəki Xocalı şəhərinin dinc əhalisinin üzərinə ağır hərbi texnika yeridib, onlara misli görünməmiş qəddarlıqla divan tutub, şəhər vandallıqla yerlə-yeksan edilib. Bu Azərbaycan xalqına qarşı deyil, bütün bəşəriyyətə qarşı yönəlmiş bir cinayət hadisəsidir. Bu cinayət nəticəsində 613 nəfər dinc azərbaycanlı vəhşicəsinə qətlə yetirilib, onlardan 63-üuşaq, 106-sı qadın, 70-i qoca olub. Nəticədə 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Bundan başqa, 487 dinc sakin ağır yaralanıb, 1275 nəfər girov götürülüb. Girov götürülənlərdən 150 nəfərin, o cümlədən 68 qadının və 26 uşağın taleyi naməlumdur.

Ümummilli lider Heydər Əliyev Xocalının o dövrdəki ölkə rəhbərliyi tərəfindən tamamilə müdafiəsiz buraxılmasına etirazını belə bildirmişdir: “O zamankı iqtidarın Azərbaycanın milli müstəqilliyinə və xalqımıza qarşı xəyanətkar mövqeyi, öz konstitusion vəzifə borcuna cinayətkar laqeydliyi, ardı-arası kəsilməyən siyasi hakimiyyət oyunları, respublikada baş alıb gedən anarxiya və başıpozuqluq, ayrı-ayrı siyasətbazların məkrli şəxsi ambisiyaları bu tarixi faciənin törədilməsinə birbaşa şərait yaratmışdır. Uzun müddət dörd tərəfdən düşmən əhatəsində taleyin ümidinə buraxılmış vətəndaşlarımızın imdad dolu harayı qulaqardına vurulmuş, Xocalının xilas olunması üçün real imkanların mövcudluğuna baxmayaraq, günahsız əhali məqsədyönlü şəkildə bu milli qırğına sürüklənmişdir. Xocalı soyqırımı erməni faşizminin iç üzünü bir daha açıb göstərməklə, təkcə Azərbaycan xalqına qarşı deyil, bütün bəşəriyyətə qarşı yönəlmiş tarixi cinayətdir və beynəlxalq hüquqa uyğun olaraq sivilizasiyalı dünya tərəfindən məhkum olunmalıdır”. Daha ətraflı »

Prezident İlham Əliyevin 2017-ci il 21 fevral tarixində imzaladığı Sərəncama əsasən Mehriban Arif qızı Əliyeva Azərbaycan Respublikasının Birinci vitse-prezidenti təyin olunub.

2017-ci il 21 fevral tarixində Təhlükəsizlik Şurasının iclasında Mehriban xanım Əliyeva ölkənin Birinci vitse-prezidenti kimi ilk çıxışı zamanı qeyd etmişdir: “Biz fəxr edirik ki, son illər ölkəmizdə baş verən müsbət meyillərdə, dəyişikliklərdə, inkişafda Azərbaycanın beynəlxalq arenada nüfuzunun artmasında biz kiçik də olsa öz töhfəmizi verməyi bacarmışıq. Mən əminəm ki, vəzifədən asılı olmayaraq, insan öz yolunu, peşəsini seçəndə hər hansı bir işinə, əməyinə vicdanla yanaşmalı, qarşısına aydın məqsədlər qoyub, bu məqsədlərə nail olmağa çalışmalı, söz və işlərində bütöv olmalıdır… Mən sizi əmin edirəm ki, gələcək fəaliyyətimi məhz bu prinsiplər əsasında qurmağa çalışacağam. Ölkəmizin və xalqımızın maraqlarını hər şeydən üstün tutacağam, Azərbaycana layiqincə xidmət etməyə çalışacağam”. Daha ətraflı »

XOCALIYA ƏDALƏT

Bu il Xocalı faciəsindən 30 il ötür. 1992-ci ilin fevral ayında Xocalının azərbaycanlı əhalisinə qarşı misli görünməmiş soyqırım törədilmişdir. Xocalı Soyqırımı kimi tanınan bu qanlı faciə nəticəsində minlərlə azərbaycanlı öldürülmüş və əsir götürülmüş, şəhər özü yerlə-yeksan edilmişdir. 1992-ci ilin 25 fevral tarixindən 26 fevrala keçən gecə keçmiş SSRİ-nin 366-cı alayının köməyi ilə Ermənistan silahlı qüvvələri Xocalı şəhərini ələ keçirmişdir. Faciənin baş verdiyi gecədən əvvəl Xocalı sakinləri şəhərdə qalmış və (təxminən 2500 nəfər) şəhərə hücum başladıqdan sonra azərbaycanlıların məskunlaşdığı ən yaxın yerə çatmaq üçün şəhərdən çıxmağa cəhd etmişlər. Lakin onların bu planı baş tutmadı. Xocalını məhv edən işğalçılar mülki əhaliyə qarşı xüsusi amansızlıq törətmişlər. Xocalının yüzlərlə günahsız sakininin vəhşicəsinə qətlə yetirilməsi Azərbaycan Respublikasının Dağlıq Qarabağ bölgəsi ərazisində baş verən silahlı münaqişə zamanı törədilmiş ən qanlı cinayətlərdən biri idi. Ermənistan silahlı qüvvələri və xarici hərbi birləşmələr Xocalıdan və ətraf yerlərdən çıxa bilməmiş insanların demək olar ki, hamısını vəhşicəsinə qətlə yetirmişlər. Ermənistan rəsmiləri münaqişə zamanı törətdikləri cinayətlərə, o cümlədən Xocalı əhalisinə qarşı törətdikləri vəhşiliklərə görə məsuliyyəti inkar edir, faktları saxtalaşdıraraq, öz mülahizələrinə uyğunlaşdırırlar. Azərbaycan Respublikasının hüquq-mühafizə orqanlarının əlində olan yetərli informasiya ilə yanaşı, faciənin törədilməsi ilə bağlı Ermənistanın məsuliyyətini həmçinin çoxsaylı müstəqil mənbələr və faciə şahidlərinin ifadələri də təsdiqləyir. Daha ətraflı »

44 günlük Vətən müharibəsindəki şanlı qələbəmizdən sonra qarşıda duran əsas hədəf işğaldan azad edilmiş ərazilərimizdə quruculuq-bərpa işlərini həyata keçirmək, Böyük Qayıdış proqramının icrasını uğurla başa çatdırmaqdır.

Bu baxımdan Prezident, Müzəffər Ali Baş Komandan İlham Əliyevin işğaldan azad olunmuş rayonlara davamlı səfərləri mühüm əhəmiyyət kəsb edir.

Prezident İlham Əliyev və birinci xanım Mehriban Əliyeva fevralın 13-də Ağdam rayonuna səfəri və bu səfər çərçivəsində təməlqoyma mərasimlərində iştirak etdiyi layihələr dağıdılmış şəhərlərimizin, kəndlərimizin qısa müddət ərzində yenidən qurulacağına, insanların öz doğma el-obasına qayıdacağına, işğal altında olmuş ərazilərimizdə həyatın yenidən canlanacağına olan inamı daha da möhkəmləndirib.

Azərbaycan Prezidenti işğaldan azad edilən ərazilərimizin qurulmasına, orada insanların yaxşı yaşayışı üçün bütün şəraitin yaradılmasına, iş yerlərinin açılmasına çox böyük diqqət göstərir.Torpaqlarımızı Ordumuzun qüdrəti ilə azad etdiyi kimi, dövlətimizin qüdrəti ilə qurub inşa edəcək. Belə ki, Ağdam şəhərində sənaye parkının ilk rezidentləri tərəfindən yaxın gələcəkdə istifadəyə veriləcək yeni müəssisələrin təməl daşı qoyuldu. Artıq 5 rezident işə başlayır. 190 hektar ərazidə qurulacaq Ağdam Sənaye Parkının ilk müəssisələri artıq bu sahədə ilk addımlarını atmağa başlayır. Şəhərinin gələcək inkişaf planlarında, ilk növbədə, yaşayış binalarının inşası və iş yerlərinin açılması nəzərdə tutulmuşdur. Burada yaşayacaq ağdamlıların işlə təmin olunması üçün iş yerlərinin yaradılması ilə bağlı əlavə addımlar da atılacaqdır. Yaxın gələcəkdə Ağdam Sənaye Parkında onlarla müəssisə işə başlayacaqdır. İqtisadi resursları, təbii ehtiyatları, enerji mənbələri, yeraltı metal filizi yataqları, termal suları, tikinti materialları üçün xammal bazası, nəqliyyat-tranzit, turizm imkanları və s. azad edilmiş ərazilərimizə investor marağını da artırır. Ağdamın Qarabağ regionundakı strateji coğrafi mövqeyi, Qarabağla digər bölgələrin qovuşuğunda yerləşməsi, insan resursları potensialı və infrastruktura çıxış imkanları şəhərin gələcəkdə Qarabağın sənaye mərkəzinə çevrilməsi imkanlarını genişləndirir. Ağdam Sənaye Parkının yaradılması da məhz bu məqsədə xidmət edir. Daha ətraflı »

Fevralın 4-də Bakıda, “Gülüstan” sarayında Cənub Qaz Dəhlizi Məşvərət Şurası çərçivəsində nazirlərin VIII toplantısı keçirilib. Azərbaycan Respublikasının Prezidenti İlham Əliyev toplantıda iştirak edib. XXI əsrin ən böyük layihələrindən biri olan Cənub Qaz Dəhlizi dörd seqmentdən – “Şahdəniz Mərhələ-II”, Cənubi Qafqaz Boru Kəməri, TANAP və TAP qaz boru kəmərlərindən ibarətdir. Prezident İlham Əliyevin təşəbbüsü ilə yaradılan Cənub Qaz Dəhlizi Məşvərət Şurası çərçivəsində nazirlərin toplantısına hər dəfə Azərbaycan ev sahibliyi edir. Bu isə ölkəmizin layihədə aparıcı rolunu təsdiqləyən mühüm amillərdən biridir. Ötən il toplantı pandemiya səbəbindən videokonfrans formatda keçirilsə də, bu dəfə müvafiq şərtlərə əməl etməklə Avropa İttifaqının komissarları, ABŞ, Böyük Britaniya, Türkiyə, Gürcüstan, İtaliya, Yunanıstan, Bolqarıstan, Albaniya, Xorvatiya, Macarıstan, Monteneqro, Rumıniya, Serbiya, Şimali Makedoniya, Moldova, Bosniya və Herseqovina, Ukrayna və Türkmənistanın yüksək səviyyəli nümayəndələri Bakıda bir araya gəldilər. Daha ətraflı »

Prezident İlham Əliyev fevralın 2-də Azərbaycan Gəncləri Gününün 25 illiyinə həsr olunmuş Gənclər Forumunda iştirak etmiş və gənclər qarşısında çıxış etmişdir.Cənab Prezident ilk öncə gənclər gününün tarixi və ölkənin gənclərlə iş sahəsində keçdiyi çətin və şərəfli yol haqqında danışdı. Bildirildi ki, müstəqilliyin ilk illərində vəziyyət çox ağır idi. Ölkə qarşısında çox böyük, ciddi, fundamental problemlər dayanmışdı. Sahibkarlıq çox aşağı səviyyədə idi. Dövlət qurumları yeni idarəetmə üsuluna yiyələnə bilməmişdilər. İqtisadi tənəzzül hər yerdə özünü büruzə verirdi. Neft-qaz kontraktları təzəcə imzalanmışdı. 1994-cü ildə “Əsrin kontraktı” imzalanmışdı. 1996-cı ildə “Şahdəniz” qaz yatağı üzrə kontraktın imzalanması da əlavə ümidlər verdi. Eyni zamanda yüz minlərlə məcburi köçkün ağır vəziyyətdə yaşayırdı, öz doğma torpaqlarından qovulmuş insanlar çadırlarda, vaqonların altında, uyğunsuz binalarda yaşayırdı. Nizami ordu yaradılmamışdı və nizami ordunun olmaması Birinci Qarabağ müharibəsindəki məğlubiyyətə gətirib çıxardı. Amma bütün bunlara baxmayaraq, Ulu Öndər hər zaman olduğu kimi, uzaqgörənlik göstərərək məhz gənclərə üz tutdu, onları dəvət etdi, onlara öz tövsiyələrini verdi və gəncləri gələcək inkişaf üçün təşkilatlandırmaq və hazırlamaq üçün əməli-praktiki addımlar atıldı. Ulu Öndər Heydər Əliyevin Sərəncamı ilə Azərbaycanda Gənclər Günü təsis edildi. O gündən bu günə qədər fevralın 2-də Gənclər Günü qeyd edilir. Bütün bu müddət ərzində gənclər siyasəti daim dövlətin prioritetləri sırasındadır. Daha ətraflı »

Ölkə ərazisində 19 yanvar tarixindən 26 yanvar 2022-ci il tarixədək təmizlik-abadlıq həftəsi keçirilib. Bu tədbirə rayonun idarə, müəssisə və təşkilatları ilə birgə rayon sakinləri də cəlb edilmişlər.
İdarəmiz üzrə təmizlik həftəsində görüləcək işlər barədə tədbirlər planı tutulmuş və görülməsi nəzərdə tutulan işlərin qrafiki tərtib edilmiş, işlərin mütəşəkkil icrasına məsul şəxslər müəyyənləşdirilmişdir. Təmizlik həftəsində işlərin görülməsinə 1 ədəd yedəkli traktor, 2 ədəd “KamAZ” markalı, 1 ədəd “Şaqman” markalı yükdaşıyan maşın, 2 ədəd yükləyici və 270 nəfər işçi qüvvəsi cəlb edilmişdir.
Şəhərin Sahil, Şah İsmayıl Xətai, Cavanşir, Teymur Rəhimov, Elman Hüseynov küçələrində, Heydər Əliyev prospektində, Tərtər-Bərdə, Tərtər-Gəncə, Tərtər-Suqovuşan yollarında təmizlik-abadlıq, ağacların budanması, su arxlarının çəkilməsi və sair işlər görülmüşdür. 320 kubmetr məişət tullantıları daşınaraq zərərsizləşdirilmişdir. Bu işlərin görülməsində sürücülərdən Elbrus Məmmədov, Səməddin Məmmədov, Akif Orucov, elektrik mişarı ilə ağackəsən Vüqar Alməmmədov, briqadirlər Vüqar Əzizovun, Məhyəddin Quliyevin, Şahin Məmmədovun, Rəşad Həsənovun briqadaları, süpürgəçilər Cəmalə Səfərova, Rəqsanə Nəbiyeva, Təranə Şabanova, Məlahət Nəbiyeva, Bahar Babayeva, fəhlələrdən Elçin Əsgərov, Anar İbrahimov fərqlənmişlər.
Təmizlik həftəsinin mütəmadi təşkili şəhər ərazisində təmizliyin qorunmasına, udduğumuz havanın gigiyenik baxımdan saflığına səbəb olur. Həm də rayon ictimaiyyəti arasında razılıq hissi ilə qarşılanır.

Saleh Qəhrəmanov,
Tərtər Şəhər Kommunal
Təsərrüfatı İdarəsinin rəisi