Cari ilin may ayının  18-də Litva Respublikasının Prezidenti  cənab  Gitanas Nausedanın ölkəmizə  rəsmi səfərə gəlmişdir. Səfər zamanı hər iki ölkənin Prezidenti mətbuata bəyanatla çıxış etmişdilər. Möhtərəm Prezidentimiz  çıxışı  zamanı Litva ilə ölkəmiz arasında olan münasibətlərə toxunaraq qeyd etdi ki, ölkələrimiz uzun müddətdir  ki, strateji tərəfdaş olaraq fəaliyyət göstərirlər. Ölkə başçımız  bildirdi ki, ölkələrimiz arasındakı güclü siyasi əlaqələr mövcuddur. Məhz bu siyasi əlaqələr hər iki dövlətin  bir çox məsələlərin həllində  yaxınlaşmasına müsbət təsirini göstərir.

Qeyd etmək lazımdır ki, bu cür yaxınlaşma hər iki dövlətin iş adamları arasında  biznes əlaqələrinin inkişafında son dərəcə təsir göstərir. Bu baxımdan mayın 18-də Bakıda, Heydər Əliyev Mərkəzində keçirilmiş Azərbaycan-Litva biznes forumu iki ölkə arasında biznes mühiti, sərmayə imkanları barədə məlumatların mübadiləsi əsasında  işgüzar əlaqələrin qurulması üçün yaxşı imkan yarandı.  Forumdakı çıxışında dövlət başçımız vurğuladı ki, yaxın zamanlarda bir araya gələcək birgə hökumətlərarası komissiya işgüzar dairələrin səylərini əlaqələndirərək hər iki ölkədə iş qurmaq üçün çoxlu imkanlar yaradacaq. Bu gün Azərbaycan dövlətində  biznes inkişf etdirmək,  ölkədə iqtisadi əlaqələri qurmaq  mühiti çox əlverişlidir.

Prezident cənab İlham Əliyev  ölkəmizin  hazırkı vəziyyətini  analiz edərkən bildirdi ki, – “Azərbaycan BMT Nizamnaməsinin ölkəmizə verdiyi özünü müdafiə hüququndan tam yararlandı. Azərbaycan təxminən 30 il danışıqlara sadiq qaldı. Uzun müddət ərzində ölkəmiz işğalçı Ermənistana qarşı beynəlxalq ictimaiyyət tərəfindən sanksiyaların tətbiq edilməsinə çağırırdı. Əgər sanksiyalar tətbiq edilsəydi, onda, ola bilsin, heç müharibə olmazdı. Lakin əfsuslar olsun ki, Ermənistana qarşı heç bir sanksiya tətbiq edilmədi. Azərbaycan ərazi bütövlüyünü hərbi-siyasi yolla özü bərpa etdi. BMT-nin Təhlükəsizlik Şurasının Ermənistanın qoşunlarının dərhal çıxarılmasını tələb edən qətnamələrini ölkəmiz özü icra etdi. Müharibənin başa çatmasından keçən dövr ərizndə sülh və qarşılıqlı əməkdaşlığa üstünlük verən Azərbaycanın təklif etdiyi 5 prinsip BMT Nizamnaməsi, Helsinki Yekun Aktı və beynəlxalq hüquq normalarına uyğundur. Ermənistanın həmin prinsipləri qəbul etdiyini ehtiva edən ilkin mövqeyinə sadiq qalması sülh sazişinin imzalanması üçün əsas yaradır. Təəssüf ki, Ermənistanın məsuliyyətsiz mövqeyi narahatlıq doğurur. Azərbaycan işçi qrupunu vaxtında yaratmışdır və nümayəndə heyətini ezam etməyə hazır idi. Lakin, aprelin 29-da Ermənistanın razılaşdırılmış görüşü ləğv etməsi artıq prosesin davamlı olmasına əngəl kimi qiymətləndirilməlidir”.

İkinci Qarabağ müharibəsindən sonra Azərbaycan dövləti  Cənubi Qafqaz regionunda  sülhün,  digər dövlətlərlə əməkdaşlığın, qarşılıqlı əlaqələrin  qurulması üçün bütün imkanlardan maksimum istifadə edir ki,  bu da ölkəmizin  regionda olan yüksək nüfuzundan xəbər verir.

Təəssüflə qeyd etmək lazımdır ki, 10 noyabr 2020 –ci il tarixli  koputaliyasına imza atmış  Ermənistan bölgədə yaranmış  reallıqlara   əməl etmək fikrindən müxtəlif bəhanələrlə  qaçmaq istəyir. Ancaq Ermənistan gec-tez Azərbaycanın onların qarşısında qoyduğu şərtlərlə razılaşıb, sülh müqaviləsinə imza atacaq.

Eldar Əsədov,

YAP Tərtər rayon təşkilatın sədri

“Hüquq Dünyası” Hüquqi Təblığatİctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi ilə “Psixoloqların rolunu gücləndirilməklə uşaq hüquqlarının müdafiəsinin təşkili” layihəsini həyata keçirir. Layihənin əsas məqsədi postmüharibə dövründə müharibənin təsirlərinə məruz qalan bölgələrdə psixoloqların bilik və bacarıqlarının artırmaqla, uşaqlara keyfiyyətli psixoloji dəstək göstərmək, uşaq hüquqlarının qorunması və təbliğində  psixoloqlarıinn rolunu gücləndirməkdən ibarətdir.

Layihə çərçivəsində  Tərtər rayon İcra Hakimiyyəti ilə əməkdaşlıq çərçivəsində Tərtər rayonunda psixoloqlar üçün seminar həyata keçirilmişdir. Seminarı Tərtər rayon  icra hakimiyyətinin ictimai-siyasi və humanitar məsələlər şöbəsinin baş məsləhətçisi Məmmədli Rəqsanə açaraq, qonaqları salamlamış, həyata keçirilən layihəni yüksək qiymətləndirmiş, seminarların postmüharibə dövründə keçirilməsinin xüsusi əhəmiyyətini qeyd etmişdir.

“Hüquq Dünyası” Hüquqi Təbliğat İctimai Birliyinin sədri  Zaur Quliyev çıxış edərək layihənin məqsəd və  vəzifələri haqqında məlumat vermiş, seminar iştirakçılarına uğurlar arzulamışdır. Layihə rəhbəri  tarix üzrə fəlsəfə doktoru, dosent Müzəffər Hüseynov “Psixoloqların rolunu gücləndirilməklə uşaq hüquqlarının müdafiəsinin təşkili” layihə çərçivəsində həyata keçirilən fəaliyyətlər haqqında geniş məlumat vermiş, Vətən müharibəsində qələbəmizin qazanılmasında igid oğullarımızın qəhrəmanlığından söz açmış, post müharibə  dövründə psixoloqların üzərinə də ciddi və  məsuliyyətli bir vəzifənin düşdüyünü bildirmişdir.

Digər çıxış edənlər Qarabağ regional Təhsil Şöbəsinin metodisti  Gülxar Abbasova, Sosial Xidmətlər Agenliyinin Qarabağ  regional filialının əməkdaşı Fazil Abbasov layihənin qarşılıqlı əməkdaşlıq çərçivəsində  həyata keçirilməsinin vacibliyini vurğulamış, seminara uğurlar arzulamışlar.

Layihə üzrə ekspert, psixologiya üzrə  fəlsəfə doktoru, psixoloq Elmira Mirzəyeva seminar zamanı müharibənin təsirlərinə məruz qalmış rayonlarda  postmüharibə  dövründə  uşaqların psixoloji durumu, Vətən müharibəsinin gedişində  müharibənin acı  nəticələri ilə üzləşmiş uşaqlarda yaranmış stress və  gərginlik fonunda  uşaqlara psixoloji dəstəyin həyata keçirilməsində psixoloqların rolunun gücləndirilməsinin zəruriliyi, şəhid və  qazı övladlarına göstərilən psixoloji xidmətlər  və  uşaqların asudə vaxtının və sosial mühitə inteqrasiya olunmasıın təşkilində məktəb psixoloqunun və  uşaq birliyinin rolu məsələləri mövzusunda təqdimatlar etmiş və  mövzu ətrafında müzakirələr aparılmışdır.

Layihənin davamlılığı olaraq, layihə ekspertinin mentor dəstəyi ilə seminarlarda iştirak etmiş psixoloqların hər birinin öz yaşadığı və  fəaliyyət göstərdiyi  icmada “1 iyun – Uşaqların Beynəlxalq müdafiəsi günü” münasibətilə tədbir və  psixoloji yardım günlərinin təşkil olunması nəzərdə tutulur.

Seminar iştirakçıları olan psixoloqlar  vacib və  aktual layihəni dəstəklədikləri üçün Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə, layihənin uğurlu icrasına görə “Hüquq Dünyası” Hüquqi Təblığat İctimai Birliyinə öz təşəkkürlərini  bildirmiş, gələcəkdə belə layihələrin davam etdirilməsinin faydalı, maraqlı olmaqla bərabər, gələcəyimiz olan uşaqların təhlükəsiz, psoxoloji və emosional baxımdan sağlam böyüməsində  mühüm rolu olduğunu ifadə etmişlər.

Sonda iştirakçılara sertifikatlar təqdim olunmuş, xatirə fotoşəkili çəkilmişdir

Prezident İlham Əliyev mayın 4-də Vahid Hacıyevi Zəngilan rayonuna xüsusi nümayəndə təyin olunması ilə bağlı videoformatda qəbul edib.

Geniş və əhatəli çıxışında Prezident İlham Əliyev Şərqi Zəngəzur iqtisadi rayonuna daxil olan Zəngilan rayonunda görüləcək işləri təhlil edib və konkret tapşırıqlar verib.

Qeyd olunub ki, Zəngilan rayonu azad edilmiş digər rayonlarımız kimi böyük dağıntılara məruz qalmışdır. Ermənistan işğalçı qüvvələri Zəngilan rayonunu demək olar ki, yerlə-yeksan etmişlər. Zəngilan şəhərində cəmi 1-2 salamat bina qalıb, o binalardan da Ermənistan işğalçıları – hərbçilər istifadə edirdilər. Zəngilanın bütün kəndləri yerlə-yeksan edilib. Bu, bir daha erməni vandalizminin eybəcər sifətini bütün dünyaya göstərir.

Zəngilan rayonunda tarixi-dini abidələrinin bərpası işləri artıq başlanıb. Heydər Əliyev Fondunun maliyyə dəstəyi ilə Zəngilan şəhər məscidi indi əsaslı şəkildə təmir olunur. Bu məsciddən cəmi bir divar qalmışdı. Zəngilanda mövcud olan acı mənzərə azad edilmiş bütün başqa torpaqlarda da mövcuddur.

Bildirilib ki, keçmiş məcburi köçkünlərin azad edilmiş torpaqlara tezliklə qayıtması əsas məsələlərdən biridir. Zəngilan birinci rayondur ki, keçmiş məcburi köçkünlər yaxın gələcəkdə oraya qayıdacaqlar. Birinci pilot layihə Zəngilanın Ağalı kəndində həyata keçirilir. Ağalı kəndi faktiki olaraq yenidən qurulur, böyük və rahat kənd olacaq. Ağalı kəndinin timsalında hər kəs işğaldan azad olunmuş ərazilər ilə bağlı Azərbaycanın planlarını görə bilər. Təhlükəsizlik, rahatlıq, rifah, məşğulluq və gələcək inkişaf – əsas amillərdir. Burada da dövlət nə mümkünsə edir, bütün güclər səfərbər olunub. Maliyyə vəsaiti səfərbər edilib. Keçən il və bu il bu məqsədlər üçün hər il üzrə 2,2 milyard manat vəsait nəzərdə tutulub, yəni, toplam 4,4 milyard manat. Təxirəsalınmaz işlərin görülməsi üçün əlavə vəsait ayrılacaqdır. Daha ətraflı »

XALQIN XİLASKARI

Azərbaycan xalqının Ümummilli Lideri Heydər Əliyev müasir dünya tarixinə parlaq və silinməz iz qoymuş böyük şəxsiyyət, qeyri-adi zəka, fitri istedad sahibi, müdrik dövlət xadimi kimi düşmüşdür. Böyük və mənalı ömrünü xalqına, Azərbaycanın möhkəmlənməsinə və yüksəlişinə həsr etmiş Ulu Öndər Heydər Əliyev özünün siyasi fəhmi və müdrikliyi ilə zəngin dövlətçilik məktəbi, yüksək idarəçilik ənənəsi yaratmış və Ümummilli Lider zirvəsinə yüksəlmişdir. Onun yaratdığı dövlət idarəçiliyi məktəbi – müstəqilliyimizi qorumaq, Vətənə, xalqa, dövlətçiliyə sədaqətlə xidmət etmək və bu yolda canını belə əsirgəməmək kimi dəyərlərdən qaynaqlanır.
Müstəsna xidmətləri ilə əbədilik qazanan Ümummilli Lider Heydər Əliyevin mənalı həyat yolu, zəngin və çoxşaxəli irsi tükənməz ibrət məktəbidir. Ötən illərə nəzər salarkən Azərbaycan xalqının öz müdrik liderinin rəhbərliyi ilə qazanmış olduğu mühüm tarixi nailiyyətlərin bir daha şahidi oluruq. İntibah və milli şüurun oya-nışı Heydər Əliyevin hakimiyyətə gəlişi ilə başlamış, müstəqilliyimiz məhz onun sayəsində əbədi və dönməz xarakter almışdır. Ölkəmiz dünyada layiq olduğu mərtəbəyə Ulu Öndərin uzaqgörənliyi, müdrikliyi, qətiyyəti, dəmir iradəsi, zəngin dövlətçilik təcrübəsi sayəsində yüksələ bilmişdir. Heydər Əliyevin ölkə rəhbərliyinə gəlişi keçmiş SSRİ-nin geridə qal-mış respublikalarından biri sayılan Azərbaycanda həyat ritmini büsbütün dəyişdi, ölkədə görünməmiş canlanma və yüksəliş, tikinti-quruculuq işləri başlandı. Heydər Əliyevin gərgin fəaliyyəti nəticəsində iqtisadiyyat, sənaye və kənd təsərrüfatında, mədəniyyət və təhsil sahəsində böyük uğurlar əldə edildi, çoxsaylı sənaye müəssisələri, mədəniyyət və təhsil ocaqları, tibb müəssisələri inşa edildi, yeni yaşayış massivləri salındı, yollar tikildi, ucqar rayonlara qaz xətləri çəkildi. Daha ətraflı »

ÖLKƏMİZDƏKİ TOLERANTLIQ VƏ MULTİKULTURALİZM MÜHİTİ HEYDƏR ƏLİYEV SİYASƏTİNİN BƏHRƏSİDİR

Hər bir dövlətin və xalqın uğurlarında liderlərin böyük rolu olmuşdur. Azərbaycan xalqı xoşbəxtdir ki, onun Ulu Öndər Heydər Əliyev kimi əbədiyaşar lideri var.
Dövlətimizin müstəqilliyinin qorunub saxlanılma-sında, Azərbaycanın dünya dövlətləri arasında tanınmasında, mövcud iqtisadi inkişafın, hərtərəfli tərəqqinin təməlində Ümummilli Lider Heydər Əliyevin inkişaf strategiyası, onun müəyyənləşdirdiyi daxili və xarici siyasət xətti dayanır.
“Mənim üçün hər şeydən əziz mənim xalqımdır, vətənimdir, mənim torpağımdır” deyən Ümummilli Lider eyni zamanda Azərbaycanda yaşayan bütün xalqların, bütün dinlərin nümayəndələrinin rahat yaşaması, eyni qayğı ilə əhatə olunması üçün sərəncamlar imzalayır, tapşırıqlar verirdi. Məhz Heydər Əliyevin həyata keçirdiyi daxili və xarici siyasət nəticəsində bu gün Azərbaycanda bütün dünyanı heyran qoyan multikultural model yaranmışdı.
Təsadüfi deyil ki, Azərbaycanda qonaq olan əcnəbilər bu Şərq ölkəsində müxtəlif dünyagörüşlərin, dini inancların, siyasi əqidələrin, fərqli mədəniyyətlərin bu dərəcədə normal, sivil birgəyaşayışına heyranlıqlarını gizlədə bilmirlər. Bu cür birgəyaşayış ilk növbədə böyük öndərimizin humanist düşüncələrinin, onun həyata keçirdiyi siyasətin bəhrəsi kimi bərqərar olmuş multikultural dəyərlərin qorunub inkişaf etdirilməsi nəticəsində mümkün olmuşdur. Multikulturalizm və tolerantlıq Azərbaycan xalqının həyat tərzidir. Daha ətraflı »

Bu gün müasir cəmiyyətimizi internetsiz təsəvvür etmək qeyri mümkündür. İnternet vasitəsi ilə çoxsaylı informasiyalar alınır. Bunun üçün müəyyən texnologiyalardan istifadə bacarığı və ona olan tələbat nəzərdə tutulur. Bəzən bu texnologiyalardan istifadə çətinləşir, peşəkarlara müraciət etməli oluruq. Belə peşəkarlardan biri Tərtər Telekommunikasiya qov-şağında çalışan, həm iş yoldaşları, həm də rayon ictimaiyyəti tərəfindən hörmətlə qarşılanan Taleh Hüseynovdur.
Dədə-babadan xalqımız arasında belə bir deyim var: “Filankəs canlara dəyən oğlandır”. Talehlə söhbətimdən sonra mən də belə qərara gəldim ki, elə bizim bu mütəxəssis Taleh də “canlara dəyən oğlandır”.
O, rayonumuzun Qaraağacı kəndində sadə bir ailənin övladıdır. Atası Saleh də, anası Pərvanə də öz zəhməti ilə dolanan insanlardır. İki oğullarını da elə belə böyüdüb, tərbiyə ediblər. Taleh ailənin kiçik oğludur. Qaraağacı kənd orta məktəbini bitirdikdən sonra Bakı şəhərində Rabitə və Nəqliyyat kollecinə daxil olub. Rabitə qovşağı və kommutator sistemləri fakültəsində qiyabi təhsil alıb. 2012-ci ildən rayon Telekommunikasiya qovşağında telefon montyoru kimi fəaliyyətə başlayıb. 2014-cü ildə internet şöbəsində reklam meneceri, 2021-ci ildə isə informasiya texnologiyaları mütəxəssisi vəzifələrinə təyin olunub. Bu müddətdə gənc Taleh bir az da püxtələşib, sevdiyi peşənin mütəxəssisinə çevrilib. Hazırda həmyaşıdları arasında öz mədəni rəftarı və peşəkarlığı ilə fərqlənənlərdəndir. Talehin bu rəftarı rayon sakinləri arasında xətir-hörmət qazanmasına səbəb olub. Onun çöhrəsində sanki bir nur topası birləşib. İşi ilə əlaqəli çağırıldığı hər yerdə çöhrəsindəki nurdan “pay” qoyub çıxır. Daha ətraflı »

  Aprelin 29-da ADA Universitetində “Cənubi QAfqaz: İnkişaf və əməkdaşlıq mövzusunda beynəlxalq konfrans keçirilib. Prezident İlham Əliyev konfransda giriş nitqi söyləyib.

Prezident İlham Əliyev bildirib ki,  ermənilər tərəfindən 30 ilə yaxın davam edən işğal ərzində bütün şəhərlərimiz və kəndlərimizdə barbarlıq və vandalizm aktları həyata keçirilib, bütün şəhər və kəndlər dağıdılıb. Kütləvi dağıntılar Birinci Qarabağ müharibəsinin deyil, 30 il çəkən işğal zamanı Ermənistanın törətdiyi barbarlıq və vandalizmin nəticəsidir. Bütün kəndlərimiz və şəhərlərimizin əksər hissəsi dağıdılıb və yerlə-yeksan edilib. Bəzi rayonlarda, məsələn, Kəlbəcərdə, Laçında və qismən, Zəngilanda və Şuşada rəsmən Ermənistan hökumətinin sponsorluq etdiyi qeyri-qanuni məskunlaşma proqramı həyata keçirilmişdir. Bu, beynəlxalq konvensiyaların kobud pozulmasıdır.

Şuşa Bəyannaməsini imzalamaqla biz Türkiyə ilə həm sözdə, həm də əməldə bir olduğumuzu bütün dünyaya bəyan etdik. Bəyannamə əməkdaşlığın mahiyyətini rəsmiləşdirdi, çünki biz onsuz da istənilən şəkildə müttəfiq idik, bütün sahələrdə, o cümlədən hərbi və müdafiə sənayesi sahəsində.

Azərbaycan Ermənistanla sülh müqaviləsinin imzalanması üçün 5 prinsip təklif edib və sonda Ermənistan hökuməti pozitiv yanaşaraq bu təklifləri qəbul edib. Bu prinsiplər Ermənistanla imzalanacaq sülh müqaviləsinin əsasını təşkil edəcək. Əgər sülh müqaviləsi imzalanarsa və həmin təməl prinsiplər həyata keçərsə, onda Qafqazda sülh uzunmüddətli və dayanıqlı olacaq. Daha ətraflı »

28 aprel 2022-ci il tarixdə Azərbaycanın mədəniyyət paytaxtı olan  Şuşa şəhərində  işə başlayan “Cənubi Qafqaz: İnkişaf və əməkdaşlıq” mövzusunda beynəlxalq konfransın ideyası 2021-ci ilin aprelin 13-də Prezident İlham Əliyevin iştirakı ilə ADA Universitetində keçirilən “Cənubi Qafqaza yeni baxış: münaqişədən sonra inkişaf və əməkdaşlıq” mövzusunda beynəlxalq konfransda yaranmışdı. Qarabağda beynəlxalq konfransın keçirilməsi təşəbbüsü ilk olaraq ADA Universitetində keçirilmiş konfransda  təklif etmiş olunmuş  və Möhtərəm Prezidenimiz bu təklifi müsbət qiymətləndirmiş  və Prezidentimizin tapşırığına əsasən keçiriləcək  tədbir  “Beynəlxalq Şuşa Forumu” kimi yeni ad altında təşkil edilmişdir.

Konfrans iştirakçıları  Azərbaycan Respublikasının Prezidenti cənab İlham Əliyevin  aprelin 29-da ADA Universitetində “Cənubi Qafqaz: İnkişaf və əməkdaşlıq” mövzusunda beynəlxalq konfransda etdiyi  çıxışında    ciddi və hər bir vətəndaşı düşündürən məqamlara aydınlıq gətirmiş, önəmli məsələlərə toxunmuşdur.  Azərbaycanın o cümlədən ,Cənubi  Qafqazda yeni dövrün – sülh və əməkdaşlıq dövrünün  təşviq etdiyini vurğulayan Prezident İlham Əliyev deyib: “Azərbaycan Ermənistanla sülh müqaviləsinin imzalanması üçün 5 prinsipi təklif edib və sonda Ermənistan hökuməti pozitiv yanaşaraq bu təklifləri qəbul edib. Bu prinsiplər Ermənistanla imzalanacaq sülh müqaviləsinin əsasını təşkil edəcək. Eyni zamanda, Ermənistan bu prinsiplərə əsaslanaraq Azərbaycanla delimitasiya prosesinin başlanması üçün birgə işçi qrupunun yaradılmasına razılıq verib. Düşünürəm ki, bütün bunlar İkinci Qarabağ müharibəsindən sonra baş verən pozitiv siqnaldır”.

Bir müddət əvvəl Azərbaycan Ermənistana münaqişənin normallaşması üçün5 prinsipdən ibarət təklif göndərmişdir. Hazırda normallaşma prosesinin əsas komponenti Azərbaycanın irəli sürdüyü 5 maddədən ibarət təklif və bunun əsasında predmetli danışıqların aparılmasından ibarətdir. Bu prinsiplər Beynəlxalq Qaydalar çərçivəsində oldugundan  Avropa İttifaqı da  Azərbaycanın təkliflərini dəstəkləyir. Başqa çıxış yolu olmayan  Ermənistanın isə Azərbaycanın beş prinsipini qəbul etməkdən başqa yolu yoxdur. Çünki bunun əksinə getmək sülhə və təhlükəsizliyə qarşı çıxmaq kimi qəbul olnmalıdır. Prezident İlham Əliyev ADA Universitetində “Cənubi Qafqaz: İnkişaf və əməkdaşlıq” mövzusunda beynəlxalq konfransda bu barədə fikirlərini açıqlayıb. Dövlət başçısı bildirib ki, bizim açıq bəyan edilmiş və beynəlxalq ictimaiyyət tərəfindən qəbul olunmuş sülh gündəliyimiz və təşəbbüslərimiz Cənubi Qafqazda regional inkişaf üçün yeni imkanların yaradılmasına yönəldilib.

Regionda yeni  sülh və əməkdaşlıq erasının fəal şəkildə olmasından geniş söhbət açan Möhtərəm Prezidentimiz aşağıdakı hədəfləri açıqlayaraq göstərdi ki, “Biz gələcəyə baxmalıyıq və Cənubi Qafqaz inteqrasiya edilmiş təhlükəsizlik və əməkdaşlıq, eləcə də ümumi rifah məkanı olmalıdır”.

Azərbaycan Respublikası ilə Türkiyə Respublikası arasında imzalanan Şuşa Bəyannaməsi ölkəmizin diplomatik tarixinin ən mühüm sənədlərindən biridir Bəyannamə 30 ilə yaxın bir müddətdə işğal altında olmuş və 44 günlük Vətən müharibəsində qazanılan Zəfərin  nəticəsində Cənubi Qafqazın bənzərsiz gözəlliyi ilə  fərqlənən – Şuşa şəhərində imzalanıb. Bu mühüm hadisə möhtərəm cənab Prezident İlham Əliyevin hərbi-siyası strategiyasının təntənəsinin növbəti parlaq nümunəsi idi. Şuşa Bəyannaməsinin imzalanması dünyaya mesaj və eyni zamanda region üçün yeni tarixi gerçəklik demək idi.

Fakt odur ki, Möhtərəm Prezidentimiz cənab İlham Əliyev düşünülmüş daxili və xarici siyasət yeritməklə, az itkilərlə ölkədə, bölgədə və bütün dünyada sülh proseslərinə, eləcə də beynəlxalq aləmə mühüm örnək olduğunu sübut edir.

Eldar Əsədov

YAP Tərtər rayon

təşkilatının sədri

O, baharın ən gözəl çağında – aprelin 28-də anadan olmuşdu. Özü də elə bahar kimiydi – zərif, gözəl, eyni zamanda güclü və qüdrətli.
Baharda torpaq oyanır, həyat canlanır. Zərifə xanım Əliyeva da insanları bahar kimi sevindirirdi, onların gözlərinə nur bəxş edirdi.
Həm də onun qismətinə xalqımızın böyük oğlu, Ümummilli Liderimiz Heydər Əliyevin həyat yoldaşı olmaq kimi bir missiya düşürdü. Milyonların gözünə nur bəxş edən qadın özü bu müqəddəs ocağın nuru idi.
Zərifə xanımın onlarla, bəlkə də yüzlərlə titulunun sırasında ən şərəflisi anadır – Azərbaycan xalqının sevimlisinə, qəhrəmanına çevrilən Prezident İlham Əliyevin anası.
Ulu Öndər Heydər Əliyev ölkəmizin müstəqilliyini əbədi və sarsılmaz etdi, onun siyasi varisi olan İlham Əliyev isə torpaqlarımızı işğaldan azad edərək bizə bütöv bir Azərbaycanın vətəndaşları olmaq hissini yaşatdı. Hər ikisinin həyatının ilham mənbəyi olan Zərifə xanım Əliyevanın keçdiyi şərəfli ömür yolu xalqımız üçün örnəkdir.
Bu gün Zərifə xanımın davamçısı olan, bu ocağın “çırağını yandıran” Azərbaycanın Birinci vitse-prezidenti Mehriban xanım Əliyeva da öz humanizmi, xeyirxahlığı, vətənpərvərliyi ilə o böyük yolun yolçusudur.
Doğum günündə Zərifə xanımı minnətdarlıq hissi ilə xatırlayırıq. Belə insanlar heç zaman unudulmur.

Svetlana Bağırova

EL ŞAİRİ SURXAY DƏQİQ

Səfərov Surxay Umud oğlu 1922-c- ildə Tərtər rayonunun Evoğlu kəndində anadan olmuşdur. 1941-ci ildə Evoğlu kənd orta məktəbinin X sinfini bitirmiş, ehtiyac olduğuna görə rayonun müxtəlif kəndlərində müəllimlik etmişdir. Atası Səfərov Umud 1937-ci il repressiya qurbanlarından biri olmuşdur (1956-cı ildə bəraət almışdır). Odur ki, Surxay hərbi xidmətə çağırılmamış, müharibəyə göndərilməmişdir. Gənc yaşlarından yaradıcılığa başlamış, şeirləri müəllimlərinin və kənd əhalisinin diqqətini cəlb etmişdir.
Səməd Vurğunun yaradıcılığı onun üçün əsl ilham mənbəyi olmuşdur. Dəfələrlə Səməd Vurğunla görüşmək ona qismət olmuşdur. Surxayın yaradıcılığına diqqət və qayğı ilə yanaşan şair ona “Dəqiq” təxəllüsünü vermişdir.Yazılarının birində Surxay müəllim Vurğunu ustadı hesab edərək belə

Qəlbim döyündükcə coşacağam mən,
Kükrəyib dəniz tək daşacağam mən,
Hələ min-min nəğmə qoşacağam mən,
Çünki Vurğun kimi söz ustadım var.

Şairin ölümündən kədərlənən Dəqiq “Deyə bilmirəm” şeirini yazmışdır. Eyni zamanda Səməd Vurğunun həyat və yaradıcılığını əks etdirən “Vurğun” mənzum dramını yaratmışdır. Əsərin yalnız bir hissəsi durur. Şair özü ”Yeni il şərəfinə sağlıq” şeirində həmin drama işarə edərək yazmışdır: Daha ətraflı »