Bayram günlərində bizə Bakıdan qonaqlar gələcək. Yadımdadır ki, bundan əvvəlki illərdə qonaqların gəlişinə bir qədər narahat olurduq. Çünki yaşadığımız binanın görkəmi o qədər də ürəkaçan deyildi, küçəmiz də ki, palçıqlı. İndi bütün bunlar keçmişdə qaldı. 2018-ci ildə binamızın dam örtüyü dəyişdirildi, fasad hissəsi rəngləndi. Həmçinin küçəmiz elə abadlaşdı ki, indi şəhər küçələrindən də rahatdır. Eləcə də burada tərtərlilərin fəxri olan, igid döyüşçü Ədalət Paşayevin büstü qoyulub. Gecə işıqlanması var. Qonaqlarımızın yanında üzümüz ağ olacaq.
Həyatımızdakı bu gözəl dəyişikliklərə görə dövlətimizin başçısı İlham Əliyevə və rayon rəhbərliyinə minnətdarlığımızı bildiririk.

Çinarə NAĞIYEVA,
Ədalət PAŞAYEV küçəsinin sakini

Yeni il yaxınlaşır. Hərbçilərimiz bu bayramı alnıacıq, üzüağ qarşılayırlar. Torpaqlarımızın keşiyində sayı dayanaraq, üzərimizə düşən vəzifələri şərəflə yerinə yetiririk.
Sakinlər də bizi yaddan çıxarmırlar, gərgin xidmətdən sonra hərbi hissəyə qayıdan əsgərlərimizlə maraqlı görüşlər təşkil olunur, “Açıq qapı” günləri keçirilir.
Qeyd edim ki, hərbi hissədə nümunəvi şərait yaradılıb. Odur ki, gənc əsgərlərin valideynləri narahat olmasınlar. Biz xidmətimizi də yüksək səviyyədə yerinə yetirəcək, bayramı da lazımınca qeyd edəcəyik.
Yeni ilə hər birimiz böyük arzu ilə qədəm qoyuruq: o gün olsun, Ali Baş Komandanın əmri ilə torpaqlarımızı düşmən tapdağından azad edək, qalib əsgər adını daşıyaq.

Vüqar ŞIXLİNSKİ,
“N” saylı hərbi hissənin komandiri

Qoç
2019, həm maddi baxımdan, həm də karyera baxımından qoçlar üçün gözəl bir il olacaq. Xaricə səyahət gözlənilir.
Buğa
2019 buğa bürcü üçün dəyişiklik ili olacaq. Maddi məsələlərə diqqət etməsi lazımdır, çünki bu dəyişiklikdə pula ehtiyacı olacaq.
Əkizlər
Əkizlər üçün 2019 -cu il münasibətlərini növbəti mərhələyə aparacaqları bir il ola bilər, eyni zamanda maddi mənada qazanclar əldə edəcəklər.
Xərçəng
Səhiyyə və iş məsələlərində çox gözəl bir il keçirəcək olan xərçənglər eyni zamanda fərqli bir dost mühitinə də girə bilərlər.
Şir
Karyera məsələsində dəyişikliklər və nailiyyətlər gözlənilir. Şirlərin eşq həyatı 2019-ci ildə hərəkətli keçəcək.
Qız
Qız bürcü üçün 2019 təhsillə bağlı irəliləyişlərin yaşanacağı bir il ola bilər. Eyni zamanda ailə arasında yaşanan bəzi problemlər varsa, bunların həll edilməsi üçün lazım olan addımlar atılacaq. Daha ətraflı »

Azərbaycanda Yeni il süfrəsində hansı qidaların olması ilə bağlı inanclar yoxdur. Amma Finlandiyada Yeni il süfrəsi gavalı kiseli və düyü sıyığı olmadan təsəvvür edilmir.
Rusiyada Yeni il gecəsi süfrəyə mütləq müxtəlif yeməklər, salatlar, içkilər, piroqlar qoyulur. İnanca görə, süfrə nə qədər dolu və gözəl olarsa, qarşıdan gələn il də elə olacaq. Xəmirdən müxtəlif heyvan fiqurları bişirilib gələn qonaqlara paylanır. Almaniyada isə süfrəyə 12 ədəd soğan qoyurlar, amma yemək üçün yox, gələn ilin hava proqnozlarını müəyyənləşdirmək üçün. Onlar gələcək ilin ayları timsalında on iki ədəd baş soğanı götürüb alt tərəflərini kəsir və ora duz səpərək süfrəyə düzürlər. Saat 12-ni vuran kimi soğanlara baxırlar. Hansı soğan duzu əridib udubsa, o aylar yağmurlu, qalanları isə quraqlıq keçəcək.

Bu günlərdə Rusiya Fedarasiyasının Sankt-Peterburq şəhərində MDB dövlət başçılarının qeyri-rəsmi Zirvə toplantısı keçirilib. Azərbaycan Respublikasının Prezidenti İlham Əliyev Zirvə toplantısında iştirak edib.
MDB dövlət başçılarının qeyri-rəsmi Sankt-Peterburq görüşü işgüzar və səmimi şəraitdə keçib.
Tədbir əsnasında Prezident İlham Əliyevin Ermənistanın baş naziri vəzifəsini icra edən Nikol Paşinyan ilə də söhbəti olub. Söhbət zamanı Ermənistan-Azərbaycan münaqişəsinin həlli üzrə danışıqların davam etdirilməsinə dair müzakirələr aparılıb. Eyni zamanda, söhbət çərçivəsində Ermənistan və Azərbaycan arasında saxlanılan şəxslərin qarşılıqlı şəkildə dəyişdirilməsi məsələsi də müzakirə olunub.
Bildirilib ki, “hamının hamıya” prinsipi əsasında dəyişdirmə tam olmalı və o cümlədən Dilqəm Əsgərov və Şahbaz Quliyev onların arasında yer almalıdır. Daha ətraflı »

AZƏRBAYCAN XALQ CÜMHURİYYƏTİ DÖVRÜNDƏ DÖVLƏT–DİN MÜNASİBƏTLƏRİ

Müstəqilliyin elan olunması çar hökumətinin milli müstəmləkəçilik əsarətindən yorulmuş və öz milli dövlətini yaratmaq arzusunda olan xalqımızın istəyi idi. Həmin illərdə Azərbaycan gənclərinin imperiyanın və dünyanın müxtəlif təhsil ocaqlarına göndərilməsi öz bəhrəsini verirdi. Bu gənclər təhsillərini başa vurub vətənə qayıtdıqdan sonra milli demokratik hərəkatın yaranmasında və inkişafında böyük rol oynadılar. Qeyd etmək istəyirəm ki, xaricdə təhsil alıb vətəninə, xalqına layiqincə xidmət edən gənclərdən biri də həmyerlimiz, Tərtərin Azadqaraqoyunlu kəndinin sakini Behbudağa Cavanşir olub. Behbudağa Cavanşir müstəqil respublikanı quranlardan biri, ilk Daxili İşlər naziri idi.
Avropada mütərəqqi ideyalarla tanış olan gənc mütəxəssislər xalqın milli-mənəvi sərvətlərinin, onun qan yaddaşının, adət-ənənələrinin, dininin özünə qaytarılması istiqamətində ardıcıl və yorulmaz fəaliyyət göstərirdilər. Daha ətraflı »

“Alimləri eşidin, çünki onlar dünyanın çırağı, axirətin nurudurlar. Alimlərə hörmət edən şəxs elə bil mənə hörmət edir”
Məhəmməd Peyğəmbər
50 il əvvəl bir müdrik ağ-saqqaldan eşitmişəm: “Bütün dövrlərdə haqsızlıqlar olub və olacaq, ancaq həmişə yaxşılar pislərdən çox olmuşdur. Bu cür olmasaydı dünya çoxdan alt-üst olardı”. Mən buna inanmışam!
Məlum həqiqətdir ki, ömür zirvəsini aşan hər bir kamil insan keçdiyi yola nəzər salır, həyatında qisməti olan acı-şirini, sevinc-kədəri, etdikləri yaxşılıq-pislikləri və nəhayət, nə qoyub getdiyini yad edir, ölçüb-biçir, öz ömrünə qiymət veirir.
Öz həyatımı yada salanda yüzlərlə gözəl, ağıllı, ədalətli, tələbkar, qayğıkeş, təmiz, zəhmətkeş, təmənnasız maddi-mənəvi köməkliklər göstərən əsl insanları görmüşəm. Daha ətraflı »

Qarabağ müharibəsi illərində düşmən hücumlarına vaxtaşırı məruz qalan bölgələrdən biri də Tərtər rayonu idi. Bu rayonun ermənilər üçün çox böyük strateji əhəmiyyəti vardı. Düşmən Yevlaxdan keçən Kür çayının körpüsünədək olan ərazini məhz Tərtəri işğal etməklə ələ keçirmək niyyətində idi. Amma həm Tərtərin, həm də digər bölgələrdən köməyə gəlmiş igid oğulların qanı, canı bahasına yağılar bu ərazinin bir qarış torpağını belə ala bilmədilər, əksinə, özlərinin yaşadıqları o vaxtkı Mardakert (Ağdərə) rayonunun 17 kəndini tərk etməyə məcbur oldular.
Tərtərin müdafiəsində 1991-1994-cü illərdə minlərlə Azərbaycan oğlu şəhidlik zirvəsinə ucaldı, əlil oldu, bəziləri itkin düşdü, lakin bu torpağa ermənilərin murdar ayaqlarının dəyməsinə imkan vermədilər. Daha ətraflı »

Həyatımızdakı bütün müvəffəqiyyətlər əməklə bağlıdır. Halal zəhməti ilə çörək qazanan şəxslər cəmiyyət içində üzüağ, alnıaçıq, nüfuzlu olurlar. Hər kəs əməyi ilə bu həyatda mövqe tutur. Lakin zəhmət dedikdə tək fiziki işdən yox, həm də zehni işdən söhbət gedir. Necə deyərlər: “Adam ağır zəhmətlə alim olur”. Hansı sahəni fərqi yoxdur, özünə peşə seçən zaman gərək ona qarşı səndə maraq ola. Bir sözlə, arzuladığın deyil, bacardığın işlə məşğul ol. Valideynlərin təkidi ilə seçim edənlər, bu sənətdə yarımçıq qala bilərlər. Bir məşhur aforizm var: “O xalq xoşbəxt xalqdır ki, hər kəs öz bacardığı işlə məşğuldur”. Dahi şairimiz Nizami Gəncəvinin dediyi kimi: “Kamil bir palançı olsa da insan yaxşıdır yarımçıq papaqçılıqdan”. Əlbəttə, sənətin pisi yoxdur. Belə bir atalar sözü var: “Sənətkar günortaya qədər ac qalar”. Bu sözlərin dərin mənası var. Hər bir müəllimin, valideynin borcu gənc nəsldə əməyə məhəbbət oyatmaqdan, çalışmaqdan, yorulmamağa və mübariz olmağa alışdırmaqdan ibarət olmalıdır. İnsan var ki, özünə əziyyət vermək istəmir. Lakin unutmaq lazım deyil ki, zəhmətlə qazanılan hər bir şey dəyərli, əməksiz başa gələn isə qiymətsiz olur və tez itirilir. Ölkəmiz daim əməksevər, bacarıqlı oğul və qızları ilə tanınıb. Daha ətraflı »

BİR ATANIN ARZUSU

İltifat Məmmədov Qaradağlı kəndində yaşayır. Qarabağ müharibəsi veteranıdır. Ermənistan-Azərbaycan-Dağlıq Qarabağ hadisələri tüğyan edən vaxt İltifat həqiqi hərbi xidmətə çağrılıb. O, “Tərtər Özünümüdafiə Batalonu”nda xidmət edib. Keçdiyi döyüş yolundan danışması üçün onu redaksiyaya dəvət etdik.
Elə ilk söhbətindən müharibənin ona vurduğu zərbənin təsirini hiss etdim.. Danışarkən xeyli əziyyət çəkirdi. Fikirlərini çətinliklə olsa da mənə çatdırırdı. Bildirdi ki, bu cür vəziyyətə qalmasının səbəbi Madagiz uğrunda gedən döyüşdə yanına mərmi düşməsi olub. O zaman başının arxasından ağır zərbə alıb. Hətta bir neçə gün özünü bilməyib. Sağaldıqdan sonra yenidən batalyona qayıdaraq torpaqlarımızın müdafiəsi uğrunda mübarizəni davam etirib.
İltifat bildirdi ki, 1992-ci ildən 1996-ci ilə kimi “Tərtər Özünümüdafiə Batalyonu”nun tərkibində Ağdərə ətrafı kəndlər uğrunda gedən döyüşlərdə iştirak edib.
Ani olaraq fikrə getdi və özünü toplayaraq sözə başladı: Daha ətraflı »