Ümumdünya Turizm Günü münasibəti ilə rayonumuzda Heydər Parkında tədbir keçirilib. Tədbirdə klub və kitabxana işçiləri, ictimaiyyətin nümayəndələri iştirak ediblər. Həmin gün sərgidə tarix diyarşünaslıq muzeyinin eksponatları, mərkəzi kitabxana sisteminin turizmə aid kitabları, Heydər Əliyev Mərkəzində rəsm dərnəyi üzvlərinin əl işləri nümayiş olunub.
Tədbiri Tərtər Rayon Mərkəzləşmiş Kitabxana Sisteminin direktoru Ulduzə Qurbanova açıb, bu günün tarixi barədə məlumat verib. Bura toplaşanlar sərgiyə çıxarılan bütün eksponatlara maraqla tamaşa ediblər.
Sonda Tərtər Rayon Uşaq Musiqi Məktəbi və “Tərtər” Xalq kollektivinin iştirakı ilə konsert proqramı olub.

“Yeni Tərtər”

MUĞAMIN SEHRİ

Milli musiqimizin tacı sayılan muğamlar Azərbaycan musiqisinin özülünü təşkil edir. İnsanda ülvi hisslər oyadır, həyatda, mənəvi aləmimizdə nur çələnginə bənzəyir muğam. Muğamlarımıza qulaq asdıqca zənginləşirik, bəsit fikirlərdən uzaqlaşaraq büllurlaşıb, paklaşırıq, xeyir-xahlığa can atırıq, bu qarışıq həyatımızda qəhrəmanlıq salnaməsinə çevrilir muğam.
Azərbaycan muğamları ifaçıdan–ifaçıya ötürülərək inkişaf etdirilmiş, bu günümüzə kimi gəlib çıxaraq milli sərvətimizə çevrilmişdir.
Azərbaycan musiqisinin banisi Üzeyir Hacıbəyov yeddi əsas muğamların psixoloji-emosional təsirindən bəhs edərək qeyd edir ki, “Rast” dinləyicilərdə mərdlik və gümrahlıq hissi, “Şur” şən, lirik əhval-ruhiyyə, “Segah” məhəbbət hissi, “Şüştər” dərin kədər, “Cahargah” həyacan və ehtiras, “Bayatı-Şiraz” qəmginlik, “Humayun” daha dərin bir kədər hissi oyadır. Daha ətraflı »

Bu gün sizə bir qızcığazdan söhbət açmaq istəyirəm. Öz rəqsi ilə tədbirlərdə iştirak edən Nərmin balamızdan.
Nərmin Həsənli hal-hazırda Buruc kənd tam orta məktəbinin V sinif şagirdidir. 2015-ci ildən uşaq yaradıcılıq mərkəzində “rəqs” dərnəyinin üzvüdür. Lap kiçik yaşlarından rəqsə böyük marağı olub. O, rəqslə yanaşı həm də rəsm çəkmək qabiliyyətinə malikdir. Öz xəyallarındakı nağılları rəsmlərində canlandırır. Sanki rənglərin dilini bilir.
Tərtər rayonunda keçrilən konsert proqramlarında tez-tez iştirak edir. Nərmin bacarığına görə uşaq yaradıcılıq mərkəzinin fəxri fərmanı ilə təltif olunub. Daha ətraflı »

Yaddaşlarda qalan insanlar var ki, onlar öz peşələri, sənətləri ilə xatırlanır, gördükləri hər bir işdə məsuliyyətləri və bacarıqları, sadəlikləri və təvazökarlıqları ilə iz buraxırlar. Yaxşı yadımdadır. Gəncliyimin, necə deyərlər, “allı-güllü” vaxtları– 1970-1980-ci illər idi. Ölkəmizdə pambıq yığımının gəlhagəl dövrləri idi. Mövsüm ərzində, demək olar ki, hər gün camaatı tarlalara səsləyən, gündəlik pambıq yığımının nəticələrini rayon əhalisinə çatdıran, təşviqat maşınında şəhəri dörd dolanan o zaman rayon mədəniyyət evində metodist işləyən Mirzə Məmmədov idi. Beynəlxalq Mədəniyyət Günü münasibətilə onunla görüşüb söhbət etdim. Yaddaşımda qalan bu insanı daha yaxından tanımağa çalışdım. Heç deməyəsən Mirzə müəllimin bir sirli dünyası varıymış. Bunu söhbət zamanı hiss etdim.
Bütün müsahibələrim kimi onun da həyatı ilə maraqlandım.
–Mirzə müəllim, öncə özünüz haqqında bir az məlumat verin. Kimsiniz? Harda doğulub, yaşamısınız? Təhsiliniz nədir? Daha ətraflı »

Tərtər Rayon Mədəniyyət Mərkəzində Milli Teatr Günü münasibəti ilə Yevlax Mədəniyyət Mərkəzinin Kukla Xalq Teatrı tədbir keçirdi.
Tədbirdə bildirildi ki, bu gün Azərbaycan teatrı yaranmasının 144-cü ildönümü qeyd edilir. Azərbaycan teatr sənəti qədim və zəngin tarixi yol keçib.
1873-cü il martın 10-da Bakı realnı məktəbinin teatr həvəskarları truppası tərəfindən M. F. Axundzadənin “Sərgüzəşti-vəziri-xani-Lənkəran” komediyası nümayiş etdirilib. Bu tamaşa ilə Azərbaycanda milli teatrın əsası qoyulub. Bu şərəfli işdə Həsən bəy Zərdabi və Nəcəf bəy Vəzirov mühüm rol oynayıblar.
Uzun və şərəfli tarixi yol keçmiş Azərbaycan teatrının inkişafında son illərdə yeni mərhələ başlayıb.
Teatrlarımızın yeni inkişaf yoluna çıxmasında Azərbaycan xalqının Ümummilli Lideri Heydər Əliyevin xidmətləri misilsizdir. Ulu Öndərin bu siyasəti hazırda Azərbaycan Prezidenti İlham Əliyev tərəfindən uğurla davam etdirilir. 2009-cu il mayın 18-də dövlət başçısı “Azərbaycan teatrı 2009-2019-cu illərdə” Dövlət Proqramını təsdiq edib. Daha ətraflı »

Əsaslı təmirdən sonra yeni istifadəyə verilmiş Tərtər Rayon Mədəniyyət Mərkəzində Azərbaycan Respublikasının Əməkdar artistləri Gülüstan Əliyeva və Teyyub Aslanın iştirakı ilə “Ey Vətən” adlı konsert oldu.
Əvvəlcə rayon icra hakimiyyətinin başçısı Müstəqim Məmmədov Prezident İlham Əliyevin rəhbərliyi ilə ölkəmizdə, o cümlədən Tərtərdə gedən sosial-iqtisadi inkişafdan danışdı. Sonra incəsənət ustalarına öz təşəkkürünü bildirdi və tədbir iştirakçılarını 31 dekabr Dünya Azərbaycanlılarının Həmrəyliyi Günü və Yeni il bayramları münasibəti ilə təbrik etdi. Daha ətraflı »

MUSİQİNİN BƏXŞ ETDİYİ XOŞBƏXTLİK

Milli Musiqi Günü münasibətilə Tərtər Rayon Musiqi Məktəbinin müəllimi Sevil Teymurova ilə əlaqə saxladım. Musiqimizdəki uğurlardan söhbət açdıq. Sevil müəllım bildirdi ki, hələ orta məktəbin aşağı siniflərində oxuyarkən musiqiyə bağlı insan olub. Rəqsə gedib, milli rəqslərimzi ifa edib. Böyüdükcə bu həvəs daha da çoxalıb. Bunu görən böyükləri onu yeddiillik musiqi məktəbinin fortepiano şöbəsinə gətiriblər. Burada təcrübəli müəllimlərdən dərs alıb. Sonralar təhsilini Asəf Zeynallı adına musiqi kollecində davam etdirib, 1976-cı ildən rayon musiqi məktəbində müəllim işləyir. 1998-ci ildən isə məktəbdə fəaliyyət göstərən iki şöbədən birinə–fortepiano şöbəsinə rəhbərlik edir. Artıq qırx ildir ki, burada müəllim kimi fəaliyyət göstərir.
Sevil müəllim deyir ki, Azərbaycan musiqisi çox zəngindir. Bizim muğamımız, xalq və bəstəkar mahnılarımız, aşıq havalarımız var. Milli Musiqi günü isə dahi bəstəkar, milli operamızın banisi Üzeyir Hacıbəyovun doğum günü qeyd edilir. Hamıya məlumdur ki, gündən-günə musiqimiz inkişaf edir. Dahi bəstəkarımız Üzeyir Hacıbəyovun yazdığı muğam operaları “Leyli və Məcnun”, “Şeyx Sənan”, “Əsli və Kərəm”, “Rüstəm və Söhrab”, “Şah Abbas və Xurşudbanu”, Zülfüqar Hacıbəyovun “Aşıq Qərib”, Müslüm Maqomayevin “Şah İsmayıl” operaları musiqi tariximizə daxil olmuş yaradıcılıq nümunələridir. Daha ətraflı »

TURİZMİ İNKİŞAF ETDİRMƏLİYİK

Azərbaycanda Ümumdünya Turizm Günü 2001-ci ildən, Azərbaycan Beynəlxalq Turizm Təşkilatına üzv olduğu vaxtdan qeyd olunur
Son illər respublikamızda turizm sahəsində dövlət siyasətini həyata keçirən aidiyyatı qurumlar tərəfindən ölkəmizin mövcud turizm potensialının beynəlxalq aləmdə tanınması, turistlərin Azərbaycana çox saylı səfərlərinin təşkili, turizmin müxtəlif növlərinin inkişaf etdirilməsi, müasir turizm infrastrukturunun yaradılması sahəsində məqsədyönlü işlər görülməkdədir. Azərbaycanın zəngin təbiətə malik olması ölkəmizdə bu sahənin inkişafı üçün əlverişli imkanlar yaradıb.
Azərbaycanda turizmin inkişafı üçün Prezident İlham Əliyevin təsdiq etdiyi “Azərbaycan Respublikasında 2010-2014-cü illərdə turizmin inkişafına dair Dövlət Proqramı” və bu proqrama uyğun çox-saylı layihələr həyata keçirilir.
Turizmin inkişafı üçün ilk növbədə infrastruktur lazımdır və bu infrastruktur da Azərbaycanda gündən-günə artır. Təkcə Bakıda yox, regionlarda, rayon mərkəzlərində, istirahət üçün yararlı əksər yerlərdə çoxulduzlu mehmanxanalar fəaliyyət göstərir. Azərbaycana gələn turistlərin sayı ildən-ilə artır. “Azərbaycan 2020: gələcəyə baxış” adlı inkişaf konsepsiyasında da ölkədə turizmin inkişafı üzrə müvafiq hədəf və məqsədlər əks olunub. Daha ətraflı »

Bu gün Ümummilli Lider Heydər Əliyevin 18 dekabr 2000-ci il tarixli sərəncamı ilə hər il avqustun 2-də qeyd olunur.
Azərbaycan kino sənətinin tarixi 1898-ci il iyunun 21-dən başlayır. İlk filmlər fotoqraf və nasir Aleksandr Mişon tərəfindən çəkilmiş xronika süjetləri (“Bibihey-bətdə neft fontanı yanğını”, “Balaxanıda neft fontanı”, “Şəhər bağında xalq gəzintisi”, “Qafqaz rəqsi” və s.) və bir bədii kinosüjetdən (“İliş-din”) ibarət idi.
1915-ci ildə Qafqazda Pirone qardaşlarının açdığı səhmdar cəmiyyətləri (ticarət evləri) tərəfindən Bakı, Tiflis, İrəvan şəhərlərində prokat kontorları yaradıl-mışdı. 1915-ci ildə adı çəki Daha ətraflı »

Tərtər rayon Mədəniyyət Mərkəzində Dini Qurumlarla İş üzrə Dövlət Komitəsinin (DQİDK) sifarişi ilə çəkilən “Fitnə” filmi nümayiş etdirilmişdir.
Tədbirdə Dini Qurumlarla İş üzrə Dövlət Komitəsinin Ağcabədi Bölgəsi üzrə şöbə müdiri Nəcəf Əlizadə, rayon ictimaiyyətinin nümayəndələri, müəllim və şagirdlər, rayon dindarları və ziyalılar iştirak etmişlər.
Tərtər Rayon İcra Hakimiyyətinin İctimai-siyasi və humanitar məsələlər şöbəsinin müdir müavini – dini qurumlarla işin təşkilatçısı Elvin Umudov çıxış edərək dini radikalizmə qarşı mübarizənin psixoloji, hüquqi, siyasi və mənəvi aspektlərindən bəhs edən “Fitnə” filminin radikalizmə qarşı mübarizədə önəmli təsir gücünə malik olduğunu bildirmişdir.
Sonra “Fitnə” sənədli filminə baxış olub. Filmin nümayişindən sonra iştirakçılar ekran əsərinin əhəmiyyətini yüksək qiymətləndirib, onun hazırlanmasında əməyi olanlara təşəkkürlərini bildiriblər.

“Yeni Tərtər”