Bu günün qeyd olunması barədə qərar Ümumdünya Demokratik Gənclər Federasiyası tərəfindən 1945-ci ilin 29 oktyabr -10 noyabrda Londonda keçirilmiş konfransda qəbul edilib. Gənclər günü MDB məkanında və Şərqi Avropa ölkələri arasında ilk dəfə olaraq, Azərbaycanda qeyd olunub. 1994-cü il iyulun 24-də Gənclər, İdman və Turizm Nazirliyinin yaradılması bu istiqamətdə daha mühüm tədbirlərin həyata keçirilməsinə geniş imkan yaratdı. Belə ki, müstəqil Azərbaycan gənclərinin ilk ümumrespublika forumunun keçirilməsi, 2 fevralın Azərbaycan gəncləri günü elan edilməsi, “Dövlət gənclər siyasəti haqqında” fərman və digər fəaliyyət proqramlarının təsdiqi gənclərə ayrılan böyük qayğının göstəricisidir.
Prezident İlham Əliyevin imzaladığı “Azərbaycan gəncliyi 2017-2021-ci illərdə Dövlət Proqramı”nın təsdiq edilməsi haqqında sərəncamı gəncliyin inkişafında növbəti mərhələnin təmin edilməsini nəzərdə tutan mühüm sənəddir.

1995-ci ildə qəbul olunmuş Konstitusiya müstəqil Azərbaycanın ilk, ümumilikdə isə respublikanın dördüncü Konstitusiyasıdır.
Azərbaycanın ilk Konstitusiyası 1921-ci ilin mayın 19-da I Ümumazərbaycan Sovetlər Qurultayında qəbul olunub. Azərbaycan SSR Konstitusiyasının 1921-ci il SSRİ Konstitusiyasına uyğunlaşdırılmış yeni redaksiyası 1925-ci il martın 14-də IV Ümumazərbaycan Sovetlər Qurultayında qəbul edilib.
Azərbaycan müstəqillik əldə etdikdən sonra yeni Konstitusiyanın hazırlanması zərurəti meydana çıxıb. Bunun üçün Prezident Heydər Əliyevin rəhbərliyi ilə xüsusi komissiya yaradılıb, Konstitusiya layihəsi ümumxalq müzakirəsinə çıxarılıb. 1995-ci il noyabrın 12-də referendumla müstəqil Azərbaycanın ilk Konstitusiyası qəbul olunub. 2002-ci ilin avqustunda və 2009-cu ilin martında referendum yolu ilə Konstitusiyaya əlavə və dəyişikliklər edilib. Noyabrın 12-si ölkəmizdə Azərbaycan Respublikasının Konstitusiya günü kimi qeyd edilir.

Xalqımızın istiqlal mübarzəsinin əsas mərhələlərindən biri olan 17 noyabr–Milli Dirçəliş Günü Azərbaycanın müstəqilliyinin bərpa edilməsində tarixi rol oynayıb.
Mixail Qorbaçov hakimiyyətinin dəstəyi ilə ermənilər Dağlıq Qarabağda azərbaycanlılara qarşı haqsız ərazi iddialarına başladı. Ermənilərin Topxanada törətdikləri vəhşiliklər, Ağdamda isə iki azərbaycanlını qətlə yetirmələri Bakıda milli hissləri alovlandırdı. 1988-ci ildən başlayaraq Azərbaycanda milli istiqlal hərəkatı geniş vüsət aldı. Milyonlarla insanın toplaşdığı Azadlıq Meydanında səslənən tələblərin mahiyyəti getdikcə dəyişərək müstəqil dövlət qurmaq ideyası milli düşüncəyə hakim kəsildi. Daha ətraflı »

Pambıq universal texniki bitkidir və onun ölkə üçün böyük əhəmiyyəti vardır. Pambığın xalq təsərrüfatı əhəmiyyəti onun lifveren bitkilər içərisində əsas yer tutmasıdı. Uzun illər ərzində dünyanın toxuculuq sənayesinin işlətdiyi lifin 70-
80 faizi yalnız pambıqdan alınırdı. Son illərdə sellüza və sintetik liflərdən toxuculuq sənayesində geniş miqyasda isdifadə edilsə də pambıq lifi yenə də toxuculuq sənayesində əsas xammal sayılır. Beləliklə məlum olur ki, pambıq lifi toxuculuq sənayesinin əsasını təşkil etməklə, təyyarəqayırma, kimya, aftomobilqayırma və s. sənaye sahələrində geniş tətbiq olunur. Daha ətraflı »

Tərtər şəhər Uşaq Gənclər Şahmat Məktəbində İsmayıllı İntellektual Oyunlar klubu Azərbaycan Respublikası Prezidenti yanında Gənclər Fondunun maliyyə dəstəyi və Tərtər Rayon İcra Hakimiyyətinin təskilatçılığı ilə “Nə? Harada? Nə Zaman?” yarışı ücün seçim turu keçirib.İki turdan ibarət olan yarışda 8 komanda iştirak edib. Final raundunda daha çox xal toplayan Köçərli kənd tam orta məktəbinin komandası Şəki şəhərində keçiriləcək final turuna vəsiqə əldə edib.

“Yeni Tərtər”

ŞƏHİD ABİDƏSİ ÖNÜNDƏ DÜŞÜNCƏLƏR

Canını Vətən yolunda qurban vermiş bir şəhidin, yaxın dostum, Elman Süleyman oğlu Hüseynovun abidəsi önündə dayanmışam. Fikrimdən nələr keçmir ki?!
İnsan ömrü bir ulduz axışı qədərdi–bir anlıq, bir kiprik çalımı. Və elə insan ömrünün fəlsəfəsi də budur: Doqquz ay ana bətni, fani olan bu dünyada bir anlıq həyat və əbədi gediş! Bu dünyadan o dünyaya-bir addımlıq yol, milyon illərdir Yer belə, Göy belə, varlıq da belə… Gəlimlər, gedimlər!…
İndi abidəyə dönmüş Milli Qəhrəman Elman Hüseynovla məni qırılmaz dostluq telləri bir-birimizə bağlayırdı. Həm şəxsi həyatda, həm də birgə iş şəraitində çox yaxın sirdaş idik. Mən öz xatirələrimdə bu barədə əvvəllər də ətraflı yazmışam. Lakin bu dəfə ayrı məqamlardan danışmaq istəyirəm.
1983-cü il idi. Mirbəşir (indiki Tərtər) Elektromexanika zavodunda direktor Rauf Həsənzadə ilə yola getmədiyim üçün işdən çıxmışdım. Gənclik dostum Oqtay Musayev o vaxtlar rayon partiya komitəsində işləyirdi. Mənə dedi ki, rayon Xalq Nəzarəti Komitəsinin inspektoru Məhəmməd Əliyevi raykoma təlimatçı gətiriblər, onun yeri boşdur, Elman müəllimə mən xahiş edərəm, özün də bir müraciət elə, bəlkə alındı. Daha ətraflı »

KEÇMİŞ DÖYÜŞÇÜNÜN
ARZULARI

Qarabağ savaşı insanlarımızın Vətən sevgisinin bir daha nümayişinə çevrildi. Əli silah tutan hər kəsata da, oğul da, hətta cəsur, qorxmaz qızlarımız da mənfur erməniyə qarşı savaşa qatıldı. Vətənimizin ərazi bütövlüyü uğrunda mərdliklə döyüşdü. Onlar ya şəhid oldular, ya da ki, qazi. Hansı qazini dindirsən keçdiyi döyüş yolundan çətinliklərə baxmayaraq, vətən uğrunda candan keçməyə hazır olduqlarından böyük sayqı ilə danışır. Belə döyüşçülərdən biri də Qasımov Şükür İsgəndər oğludur.
Şükür Qasımov 1956-cı ildə Tərtər rayonunun Balakəngərli kəndində anadan olub. Orta təhsilini Cəmilli kənd məktəbində alıb. Hələ yeniyetməlik illərində rəssam olmaq arzusu ilə yaşayıb. Orta
məktəbi 1973-cü ildə bitirdikdə gecikdiyindən ali məktəbə qəbul ola bilməyib. 1974-cü ildə Çingiz İldırım adına Politexnik İnstitutunun mexanika fakültəsinin axşam şöbəsinə daxil olub. Elə həmin il həqiqi hərbi xidmətə çağrılıb. Kirov vilayətində daxili qoşunlarda xidmət keçib. 1976-cı ildə hərbi xidmətini başa vuraraq qayıdıb və təhsilini davam etdirib. İnstitutda oxuduğu illərdə həm də Gəncə şəhərində Hərbi Aviasiya polkunda müqaviləli hərbi qulluqda çalışıb. 1983-cü ildə institutu bitirərək Mirbəşir (Tərtər) rayonunun “Özbəkistan” kolxozunda təchizat mühəndisi vəzifəsində işləyib. Daha ətraflı »

Hazırda həyatımızı internetsiz, sosial şəbəkəsiz təsəvvür etmək qeyrimümkündür.
Bu şəbəkələrdə yayımlanan videogörüntülərin müəlliflərindən biri də həmyerlimiz Zahir Əsədovdur. Onu bir gün kamerasız təsəvvür etmək mümkün deyildir.
Bu günlərdə Zahirlə söhbət edib, barəsində yazmaq istədiyimi bildirdim. Məmnunluq göstərərək, imkanlaşdırıb görüşəcəyimizi vəd etdi və işinin çoxluğuna baxmayaraq, dediyi vaxt redaksiyamızın qonağı oldu. Bəzi suallarla ona müraciət etdim.
–Necə olub ki, məhz bu peşəni seçmisiniz?
–1998-ci ildə hərbi xidmətdən sonra Rusiyada qardaşımla birgə yaşamalı oldum. Bir rus qonşumuz varıydı. Mənə kamera ilə işləməyi təklif etdi. Gündəngünə artan marağımı görən qardaşım mənə kiçik əl kamerası aldı. Hələ orda ikən kiçik çəkilişlər etməyə başladım. Nəhayət, Azərbaycana qayıtdım. Artıq kamera ilə işləməyi özümə peşə seçdim. Həvəskar kimi gördüyüm iş püxtələşməyimə səbəb oldu və bir də gördüm ki, operatoram. Daha ətraflı »

ÜSYANKAR ŞAİR

Klassik Azərbaycan ədəbiyyatının görkəmli nümayəndəsi olan Nəsiminin poeziyası çox qiymətli mövqeyə malikdir. O, anadilli ədəbiyyatı zənginləşdirmiş və ədəbi məktəb yaratmışdır. Nəsimi Yaxın və Orta Şərqdə ədəbi məktəb yaradan ilk Azərbaycan şairidir.
Çox ağır dövrdə yaşamış, sürgünlərə məruz qalmışdı. Ancaq öz əqidəsi uğrunda mübarizə aparmış heç zaman sarsılmamışdır. “Başımı top edib yenə meydana girmişəm” sözləri bir daha onun amalını təsdiq edir. Yaradıcılığında aparıcı janr–qəzəl olan ustad haqqında mötəbər fikirlər mövcuddur.
Qəzəllərindəki musiqi ahəngdarlığı şeirə yeni bir gözəllik gətirir, mənəvi birlik himni kimi səslənir. Bu qüdrətli söz ustadı ilahi sevgi ilə yaşayan insanı kamil hesab edir. “Sığmazam” qəzəlində göstərir: insanın varlığı o qədər böyükdür ki, hər iki cahana sığmır. Bu şeir şairin Daha ətraflı »

Yaşadığımız dövrün ən ciddi problemləri sırasında narkomaniya və alkoqolizm ön cərgələrdə qərarlaşıb. Son zamanlar bu problem bütün dünya ölkələri arasında geniş yayılmış və ciddi fəsadların yaranmasına səbəb olmuşdur. Əlbəttə, ətraflı fikirləşəndə bir çox ailələrin dağılmasına, xəstəliklərin əmələ gəlməsinə, yol qəzaları, təcavüzlər və bir çox digər cinayət hadisələrinin baş verməsinə səbəb məhz alkoqolizm və narkomaniyadır. Narkotik və alkoqola vərdiş edən insanların övladları problemdən əziyyət çəkir və bu onların sağlamlığına ciddi zərbə vurur. Daha ətraflı »