Azərbaycan Respublikasının Prezidenti İlham Əliyevin 2009-cu il noyabrın 17-də imzaladığı Sərəncamla hər il noyabrın 9-u ölkədə Dövlət bayrağı günü kimi qeyd edilir. Azərbaycan Respublikası Əmək Məcəlləsinin 105-ci maddəsinə əsasən bu bayram ölkədə qeyri-iş günü olan bayramların siyahısına daxil edilib.

Tarixə nəzər salsaq Dövlət bayrağı gününün qeyd olunması Azərbaycan Xalq Cümhuriyyətinin tarixi ilə bağlıdır. Azərbaycan Xalq Cümhuriyyətinin üçrəngli Dövlət bayrağı ilk dəfə 1918-ci il noyabrın 9-da Bakıda, hökumətin iclasında qəbul edilib və iclasın keçirildiyi Azərbaycan Xalq Cümhuriyyəti Nazirlər Şurasının binası üzərində qaldırılıb və 1920-ci ilin aprel ayınadək dövlət statusuna malik olmuşdur. Dövlət bayrağındakı üç rəngin ifadə etdiyi və XX əsrin əvvəllərindəki milli istiqlal ideologiyamızın üç təməl prinsipini təşkil edən “Türkçülük, müasirlik və islamçılıq” düsturunun müəllifi görkəmli Azərbaycan mütəfəkkiri Əli Bəy Hüseynzadədir. Azərbaycan Xalq Cümhuriyyətinin yadigarı olan bu bayraq bizim azadlıq məfkurəsinə, milli-mənəvi dəyərlərə və ümumbəşəri ideallara sadiqliyimizi nümayiş etdirir. Daha ətraflı »

Müharibə dövründə xalq öz dəmir yumruğunu, birliyini və gücünü nümayiş etdirə bildi

Prezident İlham Əliyev deyib: “Mən işğal dövründə deyirdim, bir neçə dəfə deyirdim, hər birimiz azadlıq gününü, bu müqəddəs günü öz işimizlə yaxınlaşdırmalıyıq, yaxınlaşdırırdıq və yaxınlaşdırdıq.”

İşğal altında olan torpaqlarımızın düşməndən azad edilməsi və Azərbaycanın bütün sərhədləri boyunca bayrağımızın dalğalanması bütün dövrlərdə dövlət siyasətinin mütləq prioriteti və strateji hədəfi olub.

Bu məqsədlə uzun illər ərzində danışıqlar masasında prinsipiallıq göstərən Azərbaycan, eyni zamanda, güclü ordu yaradırdı.

Ordunun döyüş qabiliyyəti möhkəmləndi, yüksəldi, ordumuz müasir silah-sursat, texnika ilə təchiz edildi. Azərbaycanda hərbi sənaye kompleksinin yaradılması ölkənin hərbi qüdrətini artırdı.

Bütün regional layihələrdən təcrid olunmuş Ermənistandan fərqli olaraq Azərbaycan transmilli layihələr ilə regionda tamamilə yeni mənzərə yaratdı.

Beynəlxalq təşkilatlarla səmərəli əməkdaşlıq tərəfdaş ölkələrinin sayının artmasına səbəb olmuşdur. Azərbaycan münaqişə boyunca bütün aparıcı beynəlxalq təşkilatlarla əməkdaşlıq edib və münaqişənin həlli üçün hüquqi bazanı hazırlayıb.

Dağlıq Qarabağ münaqişəsinin nizamlanması üçün 24 mart 1992-ci ildə təsis olunmuş ATƏM-in (sonradan ATƏT) Minsk Qrupu fəaliyyətinin 29 ili ərzində məsələnin həllinə yox, dondurulmasına çalışmış və bununla da illər ərzində aparılan danışıqlar nəticəsiz qalmışdır. Daha ətraflı »

TƏRTƏRLİLƏR ZƏFƏR GÜNÜNÜ QÜRUR HİSSİ İLƏ QEYD EDİRLƏR

Müasir tariximizin ən şərəfli bayramlarından olan 8 noyabr– Zəfər Gününü bu il ikiqat qürur hissi ilə qeyd edirik. Bayramlarımızın sırasına daha biri – milli sərvətimiz olan Dövlət Suverenliyi Günü əlavə olunub.
Artıq biz xalq olaraq işğal tariximizin kədərini deyil, düşmən tapdağından azad edilmiş və Azərbaycan bayrağı dalğalanan şəhər günlərinin təntənəsini yaşayırıq. Təqvimlərimizdəki qara tarixlər qırmızı rəngə boyanıb. Elə həyatımız özü də bu istiqamətdə dəyişib.
Uzun illər– iki əsr ərzində millətimizə qarşı edilən zülmlərə, haqsızlığa, ədalətsizliklərə, iztirablara son qoyulub. Bu azadlıq yolunda canlarından keçən şəhidlərimizin ruhları da indi şaddır. Əbədiyyətə qovuşan o ruhlar bütöv, suveren vətənin səmasından Qarabağ və Şərqi Zəngəzur torpağının yüksəlişini seyr edir, onların qanı ilə yoğrulmuş bu yerlərin necə sürətlə dəyişməsini, doğma yurd yerlərinə qayıdan insanların sevincini görüb rahatlıq tapır.
Bu gün Azərbaycan başdan-başa bayram libasını geyinib. Hər yerdə qürurumuz, namusumuz olan Azərbaycan bay-rağı dalğalanır. O bayraq ki, Müzəffər Ali Baş Komandan, Azərbaycan Respublikasının Prezidenti İlham Əliyev onu doğma Şuşamızda, Xankəndidə, Füzulidə, Cəbrayılda, Zəngilanda, Qarabağın və Şərqi Zəngəzurun düşməndən azad edilmiş hər bir şəhərində dalğalandırdı.
44 günlük Vətən müharibə-sində Ali Baş Komandanın hər bir kəndin, şəhərin azad edilməsi haqqında verdiyi məlumatları həyatımızda eşitdiyimiz ən gözəl sözlər kimi qəbul edirdik. Azərbaycan xalqı bütün tarixi boyu heç zaman belə birlik və güc nümayiş etdirməmişdi. Milyonların ürəyi Prezidentimizlə, Ordumuzla bir döyünürdü. Bir gözümüz ağlayır, bir gözümüz sevinirdi. Bir tərəfdən şəhidlərimizi qarşılayır, dəfn edir, bir tərəfdən isə bu qəhrəman oğulların sayəsində azadlığına qovuşan torpaqlarımızın sevincini yaşayırdıq.
44 günlük Vətən müharibəsi və bundan sonrakı lokal antiterror əməliyyatı Tərtərin və tərtərlilərin də həyatını tamamilə dəyişdi. 30 illik gərginliyə, erməni terroruna, dinc insanlara qarşı törədilən cinayətlərə birdəfəlik son qoyuldu. Biz düşmənlə üzbəüz mərdliklə dayandıq, mübarizə apardıq və qalib olduq!
Müharibə dövründə Tərtər ən çox düşmən hücumuna məruz qalan rayonlardan biri idi.
Azərbaycan Respublikasının Prezidenti, Müzəffər Ali Baş Komandan İlham Əliyev tərtərlilər haqqında deyib: “Tərtər sakinləri qəhrəmandırlar. Onlar burada, döyüş bölgəsində düşmənlə üz-üzə dayanıblar və atılan, evlərinə düşən mərmilər onların iradəsinə zərrə qədər təsir etməmişdir.” Daha ətraflı »

Birinci Qarabağ müharibəsində itkin düşmüş və şəxsiyyəti müəyyənləşdirilən şəhidlərdən olan Mustafayev Möhübbət Qənimət oğlu Tərtər rayonunda dəfn edilib.
Şəhidin qarşılanma mərasimində Tərtər Rayon İcra Hakimiyyətinin başçısı Müstəqim Məmmədov, Kəlbəcər Rayon İcra Hakimiyyətinin başçısı Azər Qocayev, hüquq mühafizə orqanlarının rəhbərləri, dövlət qulluqçuları, şəhər sakinləri, şəhidin ailə üzvləri, qazilər, idarə, müəssisə və təşkilatlarının kollektivləri, İctimai Birlik rəhbərləri, təhsil, səhiyyə və mədəniyyət işçıləri, KİV-nin nümayəndələri, ictimaiyyət nümayəndələri və din xadimləri iştirak ediblər.
Şəhidlər Abidə-Kompleksində şəhidlə vida mərasimi keçirilib. Qafqaz Müsəlmanları İdarəsinin səlahiyyətli nümayəndəsi, Tərtər Cümə Məscidinin imamı Sadiq Cəfərov şəhidin ruhuna dualar oxuyub.
Vida mərasimində Tərtər Rayon İcra Hakimiyyətinin başçısı Müstəqim Məmmədov və Kəlbəcər Rayon İcra Hakimiyyətinin başçısı Azər Qocayev çıxış edərək şəhidlərimizə Allahdan rəhmət, yaxınlarına səbr diləyiblər. Müzəffər Ali Baş Komandan cənab İlham Əliyevin rəhbərliyi ilə 44 günlük Vətən müharibəsində hərbçilərimizin göstərdiyi rəşadətdən danışaraq, qazanılan tarixi qələbə ilə şəhidlərimizin qanının yerdə qalmadığını vurğulayıblar. Daha ətraflı »

8 Noyabr – Zəfər Günü ərəfəsində Tərtər Rayon İcra Hakimiyyətinin başçısı Müstəqim Məmmədov Hacallı kəndində 3-cü dərəcəli Vətən müharibəsi əlili Sarıyev İntiqam İlham oğlunun ailəsini ziyarət edib, onun səhhəti, qayğıları ilə maraqlanıb və yeni tikdirdiyi fərdi yaşayış evinə baxış keçirərək, xeyir-dua verib.
Rayon rəhbəri Şanlı Azərbaycan Ordusunun əsgəri kimi torpaqlarımızın işğaldan azad edilməsində göstərdiyi igidliyə görə ona təşəkkürünü bildirib.
Görüş zamanı qazimiz Vətən müharibəsində keçdiyi döyüş yolundan və aparılan uğurlu əməliyyatlarda iştirakından danışıb.
Qeyd edək ki, Vətən müharibəsi qazisi İntiqam Sarıyev Talış-Suqovuşan istiqamətində gedən döyüşlərdə iştirak edib və yaralanıb.
Torpaqlarımızın işğaldan azad olunması zamanı döyüş tapşırıqlarını və xidməti vəzifələrini yerinə yetirərkən fərqləndiyinə görə o, respublika Prezidenti cənab İlham Əliyevin müvafiq Sərəncamı ilə “Suqovuşanın azad olunmasına görə” və “Cəsur döyüşçü” medalları ilə təltif edilib.
İntiqamın atası İlham Sarıyev də Birinci Qarabağ müharibəsi qazisi olub, dünyasını dəyişib.
İcra başçısı ulu Tanrıdan bütün şəhidlərimizə və dünyasını dəyişmiş qazilərə rəhmət diləyib.

Sentyabrın 20-də xalqımız Müzəffər Ali Baş Komandan, Prezident İlham Əliyevin Sərəncamı ilə təsis edilmiş Azərbaycanın Suverenliyi Gününü qeyd etdi. İndi isə Zəfər tariximizi bayram edirik.
Dövlət başçısının dediyi kimi, biz bu günlərə addım-addım yaxınlaşırdıq. Hamının ümid dolu gözləri Ali Baş Komandana dikilmişdi. Prezident yürütdüyü xarici və daxili siyasətlə səbrlə, inamla bizləri qələbəyə doğru aparırdı. Gecə-gündüz döyüş hazırlığını artıran əsgər və zabit də, ölkənin iqtisadi, elmi potensialını yüksəldən sadə vətəndaşlar da inanırdılar ki, vaxt gələcək və bu xalq bir yumruq kimi birləşərək torpaqlarımızın azad edilməsi uğrunda mübarizəyə qalxacaq.
Mənim övladım Anar Əliyev Naxçıvan Əlahiddə Ümumqoşun Ordusunun Xüsusi Təyinatlı təcrübəli zabiti idi. Bu səviyyəyə çatmaq üçün o, böyük, çətin və şərəfli bir yol keçmişdi. Fitri istedadı, çalışqanlığı, qarşısına qoyduğu məqsədə çatmaq üçün göstərdiyi inadkarlığı sayəsində gənc yaşlarında bir neçə ömrə sığa bilməyəcək qədər işlərə imza atmışdı. Topladığı təcrübə əsasında kəşfiyyata aid kitab yazmaq istəyirdi. Anar özünü qisas gününə hazırlayırdı. Bu məqam yetişdikdə Naxçıvandaydı. Komandanlığa müraciət edərək könüllü olaraq döyüşlərə qatıldı. Onun keçdiyi döyüş yolu, göstərdiyi qəhrəmanlıqlar qürurumuz, gənc nəsil üçün isə örnəkdir. Daha ətraflı »

QƏLƏBƏYƏ 2-3 SAAT QALMIŞ ŞƏHİD OLDU

Cahangir Surxayzadə 1996-cı il iyulun 9-da rayonumuzun Qaynaq kəndində doğulmuşdu. Ailədə iki qardaş idilər. Böyüyü Babək, kiçiyi isə Cahangir idi.
2016-ci ildə əsgəri borcunu layiqincə yerinə yetirən Cahangir elə o vaxtdan müddətdən artıq hərbi qulluqçu kimi yenidən orduya qayıtmışdı. DİN-in Daxili Qoşunlarında xidmət edirdi. 4 il müddətində fiziki hazırlığını, biliyini artıraraq, peşəkar hərbçi kimi püxtələşmişdi.
Cahangir müharibənin ilk günündən döyüşlərə qatılıb. Müzəffər Ordumuzun tərkibində sürətlə irəliləyərək, torpaqlarımızın işğaldan azad olunmasında yaxından iştirak edib. Onun sorağı Füzulidən, Cəbrayıldan, Qubadlıdan, Daşaltıdan gəlirdi. Hər telefon zəngi ilə sanki ailəsinə dünyanı bağışlayırdı: o qədər sevinclə, fəxrlə danışırdı ki!
O, kiçik dəstələrlə düşmənin arxasına keçib lazımi məlumatları gətirir, mühasirədə qalan yoldaşlarının xilas edilməsində, yaralı və şəhidlərin döyüş meydanından çıxarılmasında şücaət göstərirdi. Dağlıq ərazilərin relyefinə tez uyğunlaşırdı. Sanki elə bu yerlərdə doğulmuşdu. Bununla bağlı ona sual veriləndə deyirdi: “Bura Vətəndir! Nə olsun ki, indiyə kimi bu yerləri görməmişik. Doğma torpağımızın hər daşı, hər ağacı döyüş tapşırığının yerinə yetirilməsində bizə kömək edir”.
Gələcəklə bağlı çoxlu arzuları vardı Cahangirin… Daha ətraflı »

CANIMIZ, ÜRƏYİMİZ BAYRAĞIMIZ

Noyabrın 9-u Azərbaycanda Dövlət Bayrağı Günüdür.
Dövlət Bayrağı Günü Prezident İlham Əliyevin 2009-cu il 17 noyabr tarixli “Azərbaycan Respublikasının Dövlət Bayrağı Gününün təsis edilməsi haqqında” Sərəncamı ilə təsis edilib. Həmin il dekabrın 4-də Milli Məclis noyabrın 9-nu Dövlət Bayrağı Günü kimi rəsmiləşdirib.
Azərbaycanın dövlət bayrağı 1918-ci il noyabrın 9-da Cümhuriyyət Hökumətinin iclasında qəbul edilib. 1920-ci ilin aprelində Cümhuriyyətin süqutundan sonra endirilən üçrəngli bayrağımız 70 il sonra – 1990-cı il noyabrın 17-də Naxçıvan Muxtar Respublikası Ali Məclisinin sədri Heydər Əliyevin təşəbbüsü və rəhbərliyi ilə keçirilən sessiyanın qərarı ilə Naxçıvan Muxtar Respublikasında yenidən ucaldılıb. Bundan bir qədər sonra – 1991-ci il fevralın 5-də Azərbaycan Ali Sovetinin qərarına əsasən həmin üçrəngli bayraq dövlət bayrağı kimi qəbul olunub. Həmin il oktyabrın 18-də “Azərbaycan Respublikasının dövlət müstəqilliyi haqqında” Konstitusiya Aktı ilə Azərbaycan Respublikası Azərbaycan Xalq Cümhuriyyətinin varisi kimi onun dövlət rəmzlərini, o cümlədən Dövlət Bayrağını bərpa edib.
2004-cü il iyunun 8-də “Azərbaycan Respublikası Dövlət Bayrağının istifadəsi qaydaları haqqında” Azərbaycan Respublikasının Qanunu ilə bu sahədə qanunvericilik bazası təkmilləşdirilib. Daha ətraflı »

Tərtərin Qarabağ həsrətli şairəsi

Yazıçı-publisist, şair, folklorçu, “Aşıq Pəri” məclisinin və “Tərtərin səsi” ədəbi birliyinin üzvü olmuş, təcrübəli pedaqoq Nübar Mədətli. Bəli, mənim nənəmdir haqqında danışacağım Tərtər şairəsi. O şairə ki, ömrünün yarıdan çoxunu təhsilə, elmə, yazarlığa o, cümlədən Qarabağ mövzusunda yazılara həsr edib.
Nübar xanım 1933-cü ildə Qarabağda–Ağdam rayonunun Baş Qərvənd kəndində dünyaya göz açmışdı. Atası Əsəd kişi Qarabağdakı bəy nəslindən olduğuna görə, ona Əsəd bəy deyə müraciət edirmişlər (nənəmin danışdıqlarına istinadən). Nənəm həmişə “mən bəy qızıyam” deyə çox qürurla, iftixarla atasından danışardı. Əsəd baba köməyə ehtiyacı olanlara yardım edər, ona uzanan əli geri çevirməz, bir sözlə, adının yanındakı bəy isminin haqqını laiqincə verərmiş. Nübar xanım da bu üstün xarakterlərindən birini atasından almışdır.
Uşaqlıq çağları Böyük Vətən Müharibəsi illərilə üst-üstə düşdüyü üçün 5-ci sinfə qədər çətinliklə təhsil almışdı. 5-ci sinifdən etibarən təhsilini Ağdam şəhərindəki internat məktəbində davam etdirir və bitirdikdən sonra – 1949-cu ildə Müəllimlər İnstitutuna daxil olur. İnstitut təhsilini başa vurduqdan sonra təyinatla Tərtər rayonunun Hüsənli kəndinə göndərilmişdir. O, burada gələcək həyat yoldaşı Məcid müəllim Məmmədovla tanış olur, onunla ailə qurur və 1951-ci ildən rayonun Azadqaraqoyunlu kəndində yaşayır. Onlar birlikdə həmin kəndin məktəbində işləməyə başlayırlar. Daha ətraflı »

Yolayrıcında işıqforlar quraşdırılıb

Tərtər-Hindarx avtomobil yolunun 5-ci kilometrində, Ələsgərli və Düyərli kəndlərinin yolayrıcında işıqfor olmadığına görə, vətəndaşlar piyada zolağı ilə yolu təhlükəsiz keçə bilmir və burada tez-tez avtomobil qəzaları baş verirdi.
Tərtər Rayon İcra Hakimiyyətinin başçısı Müstəqim Məmmədovun Düyərli və Ələsgərli kəndlərində keçirdiyi səyyar qəbul-görüşləri zamanı sakinlər bu məsələnin həllində köməklik göstərməsini rayon rəhbərindən xahiş ediblər.
Bununla bağlı rayon icra hakimiyyətinin başçısı tərəfindən aidiyyəti dövlət qurumlarına rəsmi müraciət ünvanlanmış, problemin həlli ilə bağlı məsələ qaldırılmışdır.
Hazırda problem həllini tapıb, yolayrıclarında işıqforlar quraşdırılıb.

Məhəmməd ŞİRİNOV,
Ələsgərli kəndinin sakini