DÖVLƏT QURUCULUĞU, STRATEJİ SABİTLİK VƏ
AZƏRBYACAN MODELİNİN FORMALAŞMASI

Müasir Azərbaycan dövlətçiliyinin ideoloji, institusional və geosiyasi əsaslarının formalaşmasında Ulu Öndər Heydər Əliyevin rolu sistemli və çoxşaxəli xarakter daşıyır. Onun siyasi fəaliyyəti dövlətçilik fəlsəfəsinin, milli inkişaf modelinin və xarici siyasət doktrinasının konseptual əsaslarının yaradılması ilə səciyyələnir. Heydər Əliyev fenomenini siyasi analitik baxımdan dəyərləndirərkən, onun fəaliyyətini üç əsas müstəvidə təhlil etmək məqsədəuyğundur: dövlət quruculuğu və institusional sabitlik, enerji diplomatiyası və geosiyasi balanslaşdırma, eləcə də milli identiklik və legitimlik istehsalı.
1993-cü ildə Heydər Əliyevin hakimiyyətə qayıdışı Azərbaycanın müstəqillik tarixində dövlətin dağılma trayektoriyasından çıxarılması cəhdi kimi qiymətləndirilməlidir. Həmin dövrdə ölkə faktiki olaraq paralel hakimiyyət mərkəzlərinin formalaşdığı, silahlı qrupların siyasi proseslərə birbaşa təsir göstərdiyi və regionlar üzrə idarəetmə boşluqlarının ya-randığı bir mühitdə fəaliyyət göstərirdi. Mərkəzi hakimiyyətin qərarları periferiyada icra olunmur, dövlət institutları formal xarakter daşıyır, siyasi legitimlik isə ciddi şəkildə aşınmışdı.
Heydər Əliyevin ilk addımları situasiyanın mahiyyətinə uyğun olaraq operativ sabitləşdirmə tədbirlərindən ibarət oldu. O, əvvəlcə siyasi hakimiyyətin parçalanmış strukturunu konsolidasiya etməyə yönəldi. Bunun üçün həm siyasi dialoq, həm də sərt inzibati qərarlar paralel şəkildə tətbiq olundu. Ayrı-ayrı silahlı qrupların zərərsizləşdirilməsi, qeyri-rəsmi güc mərkəzlərinin ləğvi və ordunun vahid komandanlıq altında birləşdirilməsi dövlətin qüdrətlənməsində mühüm rol oynadı.
Eyni zamanda, Heydər Əliyev siyasi legitimliyində idarəetmənin effektivliyi və sabitlik vədi üzərindən qurulmasının vacibliyini nəzərə aldı. Onun ritorikasında və praktikasında “sabitlik” anlayışı əsas siyasi kapitala çevrildi. Cəmiyyət üçün prioritet artıq təhlükəsizlik və idarəolunanlıq idi. Daha ətraflı »

Tərtər Rayon İcra Hakimiyyətinin, YAP rayon təşkilatının, rayon Mərkəzi Xəstəxanası Publik Hüquqi Şəxsin və Qarabağ Regional Mədəniyyət İdarəsinin Tərtər rayonu üzrə nümayəndəliyinin birgə təşkilatçılığı ilə rayon Mədəniyyət Mərkəzində Akademik Zərifə xanım Əliyevanın anadan olmasının 103-cü ildönümü münasibətilə tədbir keçirilib.
Əvvəlcə tədbir iştirakçıları mərkəzi meydanda Ulu Öndər Heydər Əliyevin abidəsini ziyarət edib önünə gül-çiçək dəstələri düzüb, xatirəsini ehtiramla yad ediblər.
Tədbirdə rayon icra hakimiyyətinin başçısı Müstəqim Məmmədov, YAP rayon təşkilatının sədri Eldar Əsədov, məhkəmə və hüquq-mühafizə orqanlarının rəhbərləri, rayon icra hakimiyyəti başçısı aparatının məsul əməkdaşları, idarə, müəssisə və təşkilat rəhbərləri, səhiyyə, təhsil, mədəniyyət işciləri, bələdiyyə sədrləri və rayon içtimaiyyətinin nümayəndələri iştirak ediblər.
Əvvəlcə tədbir iştirakçıları akademik Zərifə xanım Əliyevanın həyat və fəaliyyətini əks etdirən foto sərgiyə baxıblar.
Sonra tədbir rayon Mədəniyyət Mərkəzinin zalında davam etdirilib. Daha ətraflı »

ONUN ARZUSU AZƏRBAYCAN GƏNCLİYİNİ
SAVADLI, VƏTƏNPƏRVƏR VƏ XOŞBƏXT GÖRMƏK İDİ

Azərbaycan Respublikasının Prezdenti cənab İlham Əliyev deyib: “Heydər Əliyev şəxsiyyəti, Heydər Əliyev dühası bugünkü Azərbaycanın uğurlu inkişafının təməlində dayanan bir amildir”.
Uğurla inkişaf edən, Şanlı Zəfər qazanan, övladları sülh və əmin-amanlıq şəraitində yaşayan suveren, müstəqil bir ölkənin gənci olaraq, bu xoşbəxt həyatı bizə bəxş edən Ümummilli Liderimiz haqqında danışmaq, onun keçdiyi ömür yolunun səhifələrini vərəqləmək olduqca qürurverici və məsuliyyətlidir.
Ulu Öndər Heydər Əliyev 1923-cü il mayın 10-da Azərbaycanın Naxçıvan şəhərində dəmiryolçu Əlirza Əliyevin ailəsində dünyaya gəlib. O zaman hələ heç kim bilmirdi ki, bu körpə əbədi bir günəş olaraq Azərbaycanın səmasında parlayacaq və xalqımızı xoşbəxt gələcəyə aparacaq. Onun fitri istedadı, bilikləri qavramaq bacarığı, insanlarla ünsiyyət qurmaq xüsusiyyəti, zəhmətsevərliyi hələ məktəb illərindən özünü göstərib. Özü də bu istedad yazlnız bir sahə üzrə deyildi. Vaxtilə təhsil aldığı Naxçıvan Pedaqoji Texni-kumunda, sonra Azərbaycan Sənaye İnstitutunun memarlıq fakültəsində təhsil aldığı illərdə müəllimləri və tələbə yoldaşları gənc Heydərin bacarıqlarına heyran olurdular. O, teatr tamaşalarında iştirak edir, dərslərini əla oxuyur, eyni zamanda sadəliyi, səmimiliyi, nizam-intizamı ilə yoldaşlarına nümunə göstərilirdi. Zaman keçsə də, dövr dəyişə də, Ümummilli Liderimizin həyatı barədə əldə etdiyimiz biliklər, faktlar biz gənclərin dünyagörüşünün formalaşmasında, Vətənimizə sədaqət ruhunda böyüməyimizdə müstəsna rol oynayacaq.
Böyük Vətən müharibəsinin başlaması nəticəsində Heydər Əliyev Sənaye İnstitutunda təhsilini yarımçıq qoymuş və əmək fəaliyyətinə başlamışdır. Daha ətraflı »

Tərtər Rayon İcra Hakimiyyətinin, YAP rayon təşkilatının, rayon Mərkəzi Xəstəxanası Publik Hüquqi Şəxsin və Qarabağ Regional Mədəniyyət İdarəsinin Tərtər rayonu üzrə nümayəndəliyinin birgə təşkilatçılığı ilə rayon Mədəniyyət Mərkəzində Akademik Zərifə xanım Əliyevanın anadan olmasının 103-cü ildönümü münasibətilə tədbir keçirilib.

Əvvəlcə tədbir iştirakçıları mərkəzi meydanda Ulu Öndər Heydər Əliyevin abidəsini ziyarət edib önünə gül-çiçək dəstələri düzüb, xatirəsini ehtiramla yad ediblər.

Tədbirdə rayon icra hakimiyyətinin başçısı Müstəqim Məmmədov, YAP rayon təşkilatının sədri Eldar Əsədov, məhkəmə və hüquq-mühafizə orqanlarının rəhbərləri, rayon icra hakimiyyəti başçısı aparatının məsul əməkdaşları, idarə, müəssisə və təşkilat rəhbərləri, səhiyyə, təhsil, mədəniyyət işciləri, bələdiyyə sədrləri və rayon içtimaiyyətinin nümayəndələri iştirak ediblər.

Əvvəlcə tədbir iştirakçıları akademik  Zərifə xanım Əliyevanın həyat və fəaliyyətini əks etdirən foto sərgiyə baxıblar.

Sonra  tədbir rayon Mədəniyyət Mərkəzinin zalında davam etdirilib. Daha ətraflı »

Aprelin 15-də Tərtər Rayon İcra Hakimiyyətinin və YAP Tərtər rayon təşkilatının birgə təşkilatçılığı ilə YAP Tərtər rayon təşkilatının inzibati binasında akademik Zərifə xanım Əliyevanın anım gününə həsr olunmuş tədbir keçirilib.

Tədbirdə Tərtər Rayon İcra Hakimiyyəti başçısı aparatında İctimai-siyasi və humanitar məsələlər sektorunun müdiri Zabil Paşayev, YAP Tərtər rayon təşkilatının sədr müavini Azər Ağayev, rayonda fəaliyyət göstərən idarə, müəssisə və təşkilatların əməkdaşları və ictimaiyyət nümayəndələri iştirak ediblər.

Əvvəlcə Ümummilli Lider Heydər Əliyevin, akademik Zərifə xanım Əliyevanın və torpaqlarımızın ərazi bütövlüyü uğrunda canlarını qurban vermiş şəhidlərin ruhu bir dəqiqəlik sükutla yad edilib.

Tərtər rayon İcra Hakimiyyəti başçısı aparatında İctimai-siyasi və humanitar məsələlər sektorunun müdiri Zabil Paşayev tədbiri açaraq, Zərifə xanım Əliyevanın həyat və elmi fəaliyyəti barədə məruzə edib. Bildirib ki, 1981-ci ildə oftalmologiyanın inkişafına verdiyi böyük töhfəyə – görmə orqanının peşə patologiyası sahəsində apardığı elmi tədqiqatlara görə professor Zərifə xanım Əliyeva oftalmologiya aləmində ən yüksək mükafata – SSRİ Tibb Elmləri Akademiyasının akademik M.İ.Averbax adına mükafatına layiq görülüb. Professor Zərifə Əliyeva həmin mükafata layiq görülən ilk qadın idi.

Sonra YAP Tərtər rayon təşkilatının sədr müavini Azər Ağayev Azərbaycanın görkəmli alimi, Əməkdar elm xadimi, tibb elmləri doktoru, professor, Azərbaycan Elmlər Akademiyasının həqiqi üzvü Zərifə Əziz qızı Əliyevanın zəngin mənəviyyata sahib əsl ziyalı olmasından, ölkəmizdə tibb sahəsinin inkişafına əhəmiyyətli töhfələr verməsindən danışıb.

Rayon Mərkəzi xəstəxanasının oftomoloqu Yeganə Əlişova, Heydər Əliyev Mərkəzinin bələdçisi  Əzizə Kərimova çıxış edərək, alimin oftalmologiyanın aktual məsələlərinə dair uzunmüddətli araşdırmalarının uğurlu nəticələrindən, tədqiqatlarında irəli sürülən yeni və effektli müalicə metodlarından, kompleks profilaktik tədbirlərinin qısa müddətdə müvəffəqiyyətlə geniş tətbiqindən söhbət açıblar. Qeyd olunub ki, Azərbaycanda oftalmologiya məktəbinin ilk tədqiqat mərkəzi olaraq ixtisaslaşdırılmış elmi tədqiqat laboratoriyası, məhz akademik Zərifə Əliyevanın təşəbbüsü ilə yaradılib. Həkimlik etikasını bütün elmi və pedaqoji fəaliyyəti boyu daim diqqət mərkəzində saxlayan Zərifə Əliyeva respublikada yüksəkixtisaslı kadrların hazırlanması işinə gərgin əmək sərf etmiş, gənc alimlərin və həkim-oftalmoloqların böyük bir nəslini formalaşdırmışdır. Zərifə xanım Əliyevanın çoxcəhətli elmi, tibbi fəaliyyəti təkcə, öz dövrü üçün deyil, bu gün üçün də mühüm əhəmiyyət kəsb edir, aktuallığını qoruyur və onun xatirəsi həmişə xalqımızın qəlbində yaşayır.

Tədbirdə rayon İcra Hakimiyyətinin əməkdaşları, YAP rayon təşkilatının ərazi partiya təşkilat sədrləri, idarə, müəssisə, təşkilat üzvləri, şəhid ailələrinin üzvləri, müharibə iştirakçıları və ictimaiyyət nümayəndələri iştirak ediblər.
Əvvəlcə Ümummilli Liderin və 31 mart–soyqrım qurbanlarının, torpaqlarımızın suverenliyi uğrunda canlarından keçən şəhidlərin ruhu bir dəqiqəlik sükutla yad edilib.
Sonra rayon icra hakimiyyəti başçısı aparatında İctimai-siyasi və humanitar məsələlər sektorunun müdiri Zabil Paşayev xalqımızın ermənilər tərəfindən təkcə ötən əsrdə 4 dəfə soyqırıma və deportasiyaya məruz qaldığını xatırladıb. Minlərlə azərbaycanlının xüsusi amansızlıqla, o döv-rə qədər görünməyən işgəncələrlə qətlə yetirildiyini, on minlərlə insanın yurd-yuvasından didərgin salındığnı, yüzlərlə kəndlərimizin yandırılaraq xarabalığa çevrildiyini, memarlıq incilərinin, məktəblərin, xəstəxanaların, məscid və digər abidələrin dağıdıldığını söyləyib. Ermənilərin 1988-ci ildə daha böyük iddia ilə azərbaycanlılara qarşı təcavüzə başlamasından, Sumqayıt hadisələrindən, 20 Yanvar, Xocalı faciələrindən bəhs edib. Birinci Qarabağ müharibəsində bir milyondan artıq azərbaycanlının öz tarixi torpaqlarından Daha ətraflı »

RUZİLİ ADAM

Hər dövrün özünün sayılıb-seçilən insanları olub. Ötən əsrin ortalarında Tərtər rayonunda belələrindən biri Kəniş Namazov idi.
Namazov Kəniş Məmməd oğlu 1909-cu ildə rayonumuzun Borsunlu kəndində anadan olub. Azərbaycan Dövlət Qiyabi Pedaqoji Universitetini bitirib. 1933-cü ildə doğma kəndində müəllim kmi fəaliyyətə başlayıb, sonralar həmin məktəbin direktoru təyin edilib.
1955-ci ildə Kəniş Namazov rayon partiya komitəsinin katibi, bir müddət sonra isə Mirbəşir (indiki Tərtər) rayon İcraiyyə Komitəsinin sədri seçilib. Tərtərlilərin yaddaşında Kəniş müəllim məsuliyyətli, tələbkar bir insan kimi qalıb. Deyilənə görə, tənbəlləri, aciz insanları sevmirdi. Bildirirdi ki, Allah zəhməti sevən insanın ruzisini yetirir.
1959-cu ildən Kəniş Namazov tədarük kontorunun direktoru, rayon istehlak cəmiyyətinin sədri, kolxozlararası tikinti şurasının sədri vəzifələrində çalışıb. 1964-cü ildə Engels adına kolxozun sədri seçilib. Uzun illər Tərtərdə çörək zavodunun direktoru işləyib.
Azərbaycan SSR Ali Sovetinin deputatı seçilib. Deputat olduğu müddətdə sessiyalarda rayonun abadlaşdırılması ilə bağlı mühüm təkliflərlə çıxış edib və bunların reallaşdırılmasına səy göstərib.
1971-ci ildə Ulu Öndər Heydər Əliyev rayonumuzda sakinlərlə görüşü keçirirlər, bu görüşdə Kəniş Namazov çıxış edib.
Ulu Öndər onun çıxışını diqqətlə dinləyib və Bakıya qayıtdıqdan sonra Mərkəzi Komtədən rayona nümayəndə göndərilib. Tərtərin gələcək inkişafı ilə bağlı tədbirlər müəyyənləşdirilib. Kəniş müəllim Ümummilli Liderin qarşısında çıxış etməsini həmişə qürur hissi ilə xatırlayır və bu barədə gənclərə həvəslə danışırdı.
Kəniş müəllimin 6 övladı olub, 5 oğul, 1 qız. Təhsilə böyük önəm verən bu insanın bütün övladları ali məktəb bitirib.
Hər dövrün özünün mükafatları olub. Kəniş Namazov “Şərəf nişanı” ordeni və müxtəlif medallarla təltif edilib. Övladları deyirlər ki, ən böyük mükafatı atalarını tanıyanların onun haqqında “çörəkli adam idi” söyləməsidir.

“YENİ TƏRTƏR”

Tərtər Rayon İcra Hakimiyyətinin, Qarabağ Regional Mədəniyyət İdarəsinin Tərtər nümayəndəliyinin və Qaraağacı bələdiyyəsinin birgə təşkilatçılığı ilə ilaxır çərşənbə — Torpaq çərşənbəsi rayonun Qapanlı kəndində böyük coşqu ilə qeyd olunub.

Tədbirdə Tərtər Rayon İcra Hakimiyyətinin başçısı Müstəqim Məmmədov, Milli Məclisin deputatı Anar Məmmədov, hüquq-mühafizə orqanlarının rəhbərləri, məhkəmə sədrləri, YAP rayon təşkilatının sədri, mədəniyyət işçiləri, kənd ağsaqqalları və sakinlər iştirak ediblər.

Tədbir başlamazdan əvvəl rəsmi qonaqlar və kənd sakinləri tərəfindən kənddə şəhidlərin xatirəsinə ucaldılmış abidə ziyarət edilib. Vətən uğrunda canından keçən qəhrəman övladlarımızın əziz xatirəsi ehtiramla yad olunaraq abidə önünə gül dəstələri qoyulub.

Mərasimin rəsmi hissəsində aparıcılar Novruz çərşənbələri haqqında geniş məlumat verərək, Torpaq çərşənbəsinin dördüncü, sonuncu çərşənbə olduğunu və təbiətin tamamilə oyanışını, torpağın canlanmasını simvolizə etdiyini vurğulayıblar.

Tərtər Rayon İcra Hakimiyyətinin başçısı Müstəqim Məmmədov kənd sakinlərini bayram münasibətilə təbrik edərək, hər kəsə sağlamlıq, bol ruzi və bərəkət arzulayıb. Rayon rəhbəri çıxışında xüsusi olaraq bildirib: “Bu il Bahar bayramı bizim üçün ikiqat sevinclidir. Çünki təbiətin oyanışı olan Novruzla mənəvi saflaşma ayı olan müqəddəs Ramazan bayramı eyni vaxta təsadüf edir. Bu gözəl təsadüf xalqımızın milli və dini dəyərlərinin vəhdətini bir daha nümayiş etdirir. Arzu edirəm ki, dualarımızın qəbul olunduğu bu günlərdə ocaqlarınızın odu sönməsin, süfrələriniz həmişə bərəkətli olsun.”

Milli Məclisin deputatı Anar Məmmədov çıxış edərək bayramın tarixi əhəmiyyətindən, dövlətimizin milli adət-ənənələrimizə verdiyi yüksək önəmdən bəhs edib və bütün kənd sakinlərini səmimi qəlbdən təbrik edərək xoş arzularını çatdırıb.

Kəndin mərkəzi meydanı bayram əhval-ruhiyyəsində xüsusi zövqlə bəzədilib. El ağsaqqalı Dədə Qorqud gəlişi ilə məclisi nurlandırıb, öz xeyir-duasını verib. Ardınca atlıların meydana daxil olması bayram təntənəsini daha da artırıb.

Daha sonra rayon rəhbəri tərəfindən alovlandırılan bayram tonqalı hər yanı nura boyayıb. Qonaqlar sakinlər ilə birlikdə ocaqda, sac üstündə bişən kətənin, qovurğanın dadına baxıb, çərşənbə şirniyyatlarından dadıblar. Tonqal başında kəndin gəncləri milli musiqimizin sədaları altında “Yallı” gedib, idmançılar isə öz məharətlərini göstəriblər. Şirin söhbətlər edilib, qədim adət-ənənələr və inanclar bir daha yada salınıb.

Bayram tədbiri çərçivəsində kəndin ağsaqqalı Məzahir Həsənov evində ziyarət edilib, eyni zamanda 4 aztəminatlı ailəyə baş çəkilərək onların bayramı təbrik olunub və onlara bayram sovqatları təqdim edilib.

Əziz xalqımız, Torpaq çərşənbəniz mübarək! Eviniz isti, ruziniz bol, ocağınız həmişə gur yansın!

Tərtər Rayon İcra Hakimiyyətinin başçısı Müstəqim Məmmədov İlaxır çərşənbə – Torpaq çərşənbəsi münasibətilə rayonun Mamırlı kəndində keçirilən bayram tədbirində iştirak edib.

Tədbir kəndin mərkəzində, bayram əhval-ruhiyyəsində xüsusi zövqlə bəzədilmiş meydanda təşkil olunub. Rayon rəhbəri əvvəlcə meydanda qalanmış böyük çərşənbə tonqalını alovlandırıb.

İcra başçısı kənd sakinləri ilə görüşərək onları həm Novruz bayramı, həm də bu il eyni vaxta təsadüf edən müqəddəs Ramazan ayı münasibətilə təbrik edib. O, çıxışında milli-mənəvi dəyərlərimizdən, Novruzun gətirdiyi birlik və bərabərlik ənənələrindən bəhs edərək, hər bir evə ruzi-bərəkət və cansağlığı arzulayıb.

Şənlik proqramı kənd gənclərinin ifasında şən musiqilər və ritmik rəqslərlə davam edib. Gənclər birliyin rəmzi olan “Yallı” rəqsini ifa edərək bayram coşqusuna xüsusi rəng qatıblar.

Bayramın əvəzolunmaz personajları olan Keçəl və Kosa isə öz çıxışları, məzəli deyişmələri və xalq oyunlarını canlandırmaqla sakinlərə xoş anlar yaşadıblar. Onların gəlişi, xüsusən uşaqlar arasında böyük sevincə səbəb olub, bayramın qədim adətləri meydanda bir daha canlanıb.

Tədbir Mamırlı kənd sakinlərinin böyük sevinci və yüksək bayram təntənəsi ilə başa çatıb.

Tərtər şəhərinin Mərkəzi Meydanında Tərtər Rayon İcra Hakimiyyəti və Qarabağ Regional Mədəniyyət İdarəsinin Tərtər nümayəndəliyinin birgə təşkilatçılığı ilə Novruzun müjdəçisi İlaxır Çərşənbə -Torpaq çərşənbəsi münasibətilə möhtəşəm bayram şənliyi keçirilib.

Tədbirdə Tərtər Rayon İcra Hakimiyyətinin başçısı Müstəqim Məmmədov, Milli Məclisin deputatı Anar Məmmədov, hüquq-mühafizə orqanlarının rəhbərləri, məhkəmə sədrləri, YAP rayon təşkilatının sədri, idarə, müəssisə və təşkilat rəhbərləri, kollektivlər, mədəniyyət işçiləri və çoxsaylı şəhər sakinləri iştirak ediblər.

Bayramın rəmzi olan möhtəşəm tonqalı Tərtər Rayon İcra Hakimiyyətinin başçısı Müstəqim Məmmədov alovlandırıb.

Daha sonra çıxış edən rayon rəhbəri sakinləri bayram münasibətilə təbrik edərək qeyd edib ki, Novruz xalqımızın milli varlığını, qədim tarixini və zəngin mədəniyyətini özündə birləşdirən ən əziz bayramdır. Vurğulayıb ki, builki çərşənbə şənlikləri Müzəffər Ali Baş Komandan İlham Əliyevin rəhbərliyi ilə qazanılan Zəfərin sevincini yaşayaraq ölkəmizin hər yerində, o cümlədən Tərtərdə yüksək əhval-ruhiyyə ilə qeyd edilir. O, hər bir evə ruzi-bərəkət, xalqımıza əmin-amanlıq və daimi inkişaf arzulayıb.

Tədbir rayon Mədəniyyət Mərkəzinin hazırladığı rəngarəng konsert proqramı ilə davam edib. Milli geyimli rəqs qruplarının ifasında təqdim olunan xalq rəqsləri meydana xüsusi rəng qatıb, ifa olunan şən musiqilər sakinlərin bayram sevincini daha da artırıb.