PAMBIQÇILIQDA QABAQCIL TƏCRÜBƏNİN ÜNVANI

Respublika Prezidenti İlham Əliyevin ölkə iqtisadiyyatının neftdən asılılığını aradan qaldırmaq məqsədilə böyük uzaqgörənliklə verdiyi tapşırıq və tövsiyələr uğurla reallaşdıqca respublikamızın iqtisadi mənzərəsi də dəyişib yeniləşir. Kənd təsərrüfatında ənənəvi sahə olan pambıqçılığı inkişaf etdirmək, bu sahədə əvvəlki şöhrəti qaytarmaq barədə dövlət başçısının müəyyən etdiyi istiqamət ölkənin pambıqçılıq rayonlarında qeyri-adi bir canlanma yaratdı. Torpaqdan küsdürülən, əli işdən soyuyan kəndli yeni həvəslə, xoş arzularla bərəkətli çöllərə qədəm qoydu. Bolluğa, firavanlığa, xoş güzarana aparan bu halal zəhmət yolunun yolçularına Tərtər kəndlisi də böyük ümidlərlə qoşuldu. Yeni qədəm qoyduğu ot basmış, gəlişi-gedişi seyrəlmiş tarla yolu ürəyi təpərli, bolluq həvəsli Tərtər kəndlisinə çoxdan tanış idi. Yaxşı bilirdi ki, bu yol şöhrət yoludu. Yaxşı bilirdi ki, bu yolun yolçularının, ağ örpəkli tarlaları hünər meydanına çevirib xarüqələr yaradan əmək adamlarının adına nəğmələr qoşulur, şeirlər yazılır. Onlar mötəbər məclislərə dəvətlər alır, el-obanın xeyir–şər məclislərinin yuxarı başında əyləşirlər. Daha ətraflı »

Regionların sosial-iqdisadi inkişafına dair Dövlət Proqramlarının icrası ilə əlaqədar yerlərdə aqrar sahənin,o cümlədən maldarlığın inkişafına xüsusi diqqət yetirilir.
Azərbaycan Respublikasnın Prezidenti İlham Əliyevin 19 avqust 2015-ci il tarixli Sərəncamı ilə süni mayalanma yolu ilə alınmış hər buzova görə subsidiyanın verilməsi və heyvandarlığın cins tərkibinin yaxşılaşdırılmasına dövlət dəstəyi respublikanın hər yerində olduğu kimi, Tərtər rayonunda da heyvandarlığın inkişafına təkan vermişdir.
Damazlıq işinin məqsədi cinsindən və növündən asılı olmayaraq, kənd təsərrüfatı heyvanlarının genetik potensialını və məhsuldarlıq keyfiyyətini yaxşılaşdırmaqdır. Əhalinin heyvandarlıq məhsulları ilə təminatının daha da yaxşılaşdırılması, yüksək məhsuldarlığa malik olan heyvanların baş sayının artırılması və bu sahəyə marağın gücləndirilməsi üçün süni mayalanma yolu ilə alınmış hər baş buzova görə heyvan sahiblərinə 100 (yüz) manat həcmində subsidiya müəyyən edilmişdir. Daha ətraflı »

Cəbhə bölgəsində yerləşən Tərtər rayonunda kənd təsərrüfatının digər sahələri kimi arıçılıq da ilbəil inkişaf edir. Belə ki, beş il əvvəl rayonda 180 arıçılıq təsərrüfatı mövcud idisə, hazırda 242 ailə bu işlə məşğul olur. Rayonda arı ailələrinin sayı da hər il artmaqdadır. Əgər 2015-ci ildə rayonda 2434 arı ailəsi var idisə, indi arı ailələrinin sayı 2881-ə çatıb.
Rayonun arıçıları hər il Bakı şəhərində keçirilən arıçılıq məhsullarının respublika sərgi-satış yarmarkasına müxtəlif çeşiddə arıçılıq məhsulları çıxarırlar.
Bu yaxınlarda Azərbaycan Arıçılar Assosiasiyasının Tərtərdə rayon şöbəsi yaradılıb. İyirmi ilə yaxın müddətdə arıçılıqla məşğul olan Bəkir Ağayev assosiasiyanın rayon şöbəsinin sədri seçilib. O, Azərbaycan Arıçılar Assosiasiyasının rayon şöbəsinin yaradılmasını yüksək qiymətləndirərək, bunun Tərtərdə arıçılığın inkişafına töhfə verəcəyini deyib. Daha ətraflı »

Tarixə qovuşan 2017-ci il ərazimizdəki fermer və ailə fermer təsərrüfatları üçün də yaddaqalan oldu. Belə ki, fermerlərimiz həm pambıq, həm də şəkər çuğunduru sahələrindən yüksək məhsul götürüb, ailə büdcələrini xeyli möhkəmləndirdilər.
Miri Rzayev becərdiyi 20 hektar çuğundur sahəsinin hər hektarından 70 ton, Anar Şirinov 4 hektarın hər hektarından 50 ton məhsul götürüblər.
Şəkər çuğunduru kimi pambıq sahələri də aqrotexniki qaydalar əsasında becərildiyindən Mütalib Rzayev hektardan 36 sentner, Firuz Rzayev 10 hektarın hər hektarından 35 sentner, İlham Ağayev, Anar Şirinov, Allahverdi Qənbərov və başqaları nəzərdə tutulandan xeyli çox məhsul götürdülər.
Hal-hazırda cari ilin yaztarla işlərinə hazırlıq məqsədilə 135 hektar çuğundur sahəsində qış şumu başa çatıb. Fermerlər şumdan əvvəl torpaq altına yemləmə kübrəsi verib, qış aratı aparırlar.

Gülustan ƏHMƏDOVA,
Hüsənli kənd İƏD üzrə nümayəndə

Azərbaycan Respublikası Dövlət Statistika Komitəsinin statistik işlər haqqında proqramına uyğun olaraq, rayon statistika idarəsinin rəhbərliyi altında və ərazi icra nümayəndəliklərinin iştirakı ilə 2018-ci il yanvarın 1-i vəziyyətinə rayon ərazisində mal-qara və quşların tam uçotu aparılmışdır.
İribuynuzlu mal-qara. 2018- ci il yanvarın 1-i vəziyyətinə rayonda 27367 baş iribuynuzlu mal-qara, o cümlədən 12022 baş inək və camış olmuş və onların sayı il ərzində müvafiq olararq 2,2 və 0,6 faiz artmışdır.
2018-ci il yanvarın 1-i vəziyyətinə iribuynuzlu mal-qaranın rekord həddə çatması ilə yanaşı, onların sayı 2010-cu il yanvarın 1-nə nisbətən 3462 baş və ya 14,5 faiz, 2017-ci il yanvarın 1-nə nisbətən isə 590 baş və ya 2,2 faiz çoxalmışdır.
Son 10 il (2008-2017-ci illər) ərzində inək və camışların sayı 10805 başdan 12022 başa çatmaqla 11,3 faiz artmış, mövcud iribuynuzlu mal-qaranın 43,9 faizi inək və camışlar, 1284 başı və ya 4,7 faizi düyələr təşkil etmişdir.
Mövcud iribuynuzlu mal-qaranın 27197 baş və ya 99,4 faizini inək naxırı, 170 baş və ya 0,6 faizini camış naxırı təşkil edir. Daha ətraflı »

Rayon üzrə 2017-ci ilin məhsulu üçün kənd təsərrüfatı bitkilərinin əkin sahəsi 26 min 36,4 hektar olmuşdur. Əkin sahəsinin 9843,2 hektarını və yaxud 37,8 faizini dənli və dənli paxlalı bitkilər, 6316,4 hektarını və yaxud 24,3 faizini texniki bitkilər, 1583,3 hektarını və yaxud 6,1 faizini kartof, bostan və tərəvəz bitkiləri, 8293,5 hektarını və yaxud 31,8 faizini yem bitkiləri təşkil etmişdir.
2017-ci ildə dənli və dənli paxlalı bitkilərin əkini əvvəlki ilə nisbətən 2721.8 hektar və yaxud 21,7 faiz azalmışdır. Bu azalma texniki bitkilərin əkin sahələrinin artımı ilə əlaqədardır. Yalnız qarğıdalı əkini 131 hektar və yaxud 85,6 faiz artmışdır. Nəticədə 2017-ci ildə qarğıdalı nəzərə alınmaqla ilkin çəkidə 36 min 274,7 ton taxıl məhsulu toplanmışdır.
Kartof kənd təsərrüfatı məhsullarının istehsalında mühüm yer tutur. 2017-ci ildə 498 hektar kartof sahəsindən 5458,6 ton kartof istehsal edilmişdir. Hər hektar kartof sahəsindən orta məhsuldarlıq 2016-cı ilə nisbətən 0,4 sentner artaraq 109,6 sentnerə çatmışdır. Daha ətraflı »

QIŞLAMA ÜÇÜN NORMAL ŞƏRAİT YARADILIB

Bu yazı çapa hazırlanan dövrdə rayonumuzun təsərrüfatlarında 27 min 139 baş iri mal saxlanılır. Onların 11 min 929 başı ana inəklərdir. Bundan başqa təsərrüfatlarda 70 min 558 baş qoyun, keçi bəslənilir.
Bu sahədə çalışan qabaqcıl fermerlərdən biri Eldəniz Əliyevin başçılıq etdiyi “Tufan” MMC-də 67 baş iribuynuzlu mal-qara, 1591 baş qoyun-keçi bəslənir. Fermer Murad Paşayevin təsərrüfatında isə 418 baş qoyun bəslənilir. Belə iri heyvandarlıq kompleksindən biri də Bəyimsarov kəndində fermer Habil İsmayılovun rəhbərlik etdiyi təsərrüfatdır. Kompleksdə 300 baş Hol-landiya cinsli mal-qara var.
Burada bəslənən malların 150 başı sağılandır. Malların çoxaldılması həm süni mayalanma, həm də təbii üsulla həyata keçirilir. Hər gün təsərrüfatdan Bərdə Süd Emalı Zavoduna 2,5-3 ton süd göndərilir. Burada soyuducu anbar da var.
Adları yuxarıda qeyd olunan fermerlərin mal-qara bəsləmək üçün müasir tipli kompleksləri var. Daha ətraflı »

Təsərrüfatın yaxşı gəlir gətirən sahələrindən biri də tingçilikdir. Bizim Ələsgərli, Bayandur və Yenikənd kəndlərində əksər insanlar əsasən ting əkib becərir, onları calayır, sonra ilin payız, qış fəsillərində tingləri bazara çıxarıb satırlar. Tingçilikdən, calaqçılıqdan yaxşı qazanc götürür, ailə büdcələrini bu hesaba möhkəmləndirirlər.
Ələsgərli kəndində Əbil Əliyevi hamı yaxşı təsərrüfatçı, işgüzar bir əmək adamı kimi tanıyır. İxtisasca aqronomdur. Hər il 3 hektar sahədə ting əkir, calayır və becərir. Bu ailə ata-babadan tingçiliklə məşğul olub. İndi də bu peşəni ailənin böyük oğlu Əbil davam etdirir. İşlərin görülməsində ona bütün ailə üzvləri kömək edirlər.
Əbil hər il həyətyanı torpaq sahəsində 80-100 min müxtəlif növ ağac tingi becərir. Bu tinglər içə-risində müxtəlif növ meyvə, yaşıl dekorativ bəzək ağacları, Eldar şamı, zeytun, badam çoxluq təşkil edir. Daha ətraflı »

Kəndimizdə əkinçiliklə məşğul olub öz işini yaxşı bilən əmək adamlarından biri də fermer Firuz Rzayevdir. O, bu il 21 hektar sahədə taxıl, 18 hektarda şəkər çuğunduru, 10 hektarda isə pambıq əkib becərmişdi.
İlin payız fəsli öz ömrünü başa vurmaq üzrədir.
Firuz 21 hektar taxıl sahələrinə aqrotexniki qaydalar əsasında qulluq etdiyi üçün, hər hektardan 60 sentner buğda götürdü. Bu, təsərrüfatlar arasında ən yüksək göstəricidir.
18 hektar şəkər çuğunduru sahəsinin isə hər hektarından İmişli şəkər zavoduna 70 ton məhsul təhvil verib. Becərdiyi 10 hektar pambıq sahəsində də məhsul toplanışı başa çatıb. Pambıqçılıqda da çəkilən zəhmət bəhrəsini verib. Hektarın məhsuldarlığı 30 sentner olub. Daha ətraflı »

Tərtərdə baramaçılığın inkişafı ilə əlaqədar yeni tut bağları salınır. Bələdiyyə və xüsusi mülkiyyətə aid torpaqlarda tut tinglərinin əkilməsi üçün lazım olan şərait yaradılıb. Ümumilikdə, cari ildə rayon ərazisində 139 min tut tinginin əkini planlaşdırılıb ki, bunun da artıq 30 mini əkilib. Hazırda tut tinglərinin əkilməsi prosesi davam edir. Təşkil olunan növbəti əkin zamanı torpağa 10 minə qədər Çin Xalq Respublikasından gətirilmiş ting basdırılıb.
Qeyd edək ki, ötən il Tərtərdə 31 min 357 ədəd tut tingi əkilib. Onlardan 30 min ədədi Çin Xalq Respublikasından, 1357 ədədi isə Bərdə Meşə Mühafizə və Bərpası Müəssisəsindən gətirilib.
Rayon ərazisində yeni tut bağlarının salınması və köhnə bağların bərpası üçün görülən işlər davam etdirilir.

“Yeni Tərtər”