SELEKSİYAÇI MAHMUD DAYI

2020-ci ilin ilk aylarından yaranmış psixoloji gərginlik–pande-miyanın yayılması sanki xeyrimi-zişərimizi urvatsız hala gətirdi. Hətta bir-birimizlə münasibətdə ehtiyatlılıq yaratdı. Hər an, hər yerdə yoluxma qorxumuzu artırdı. Nə toy etmək arzusunda olan toy edə bildi, nə də yas mərasimi düşən ölüsünə urvatlı yas verə bildi. Qəfləti yaranan bu bəla sanki bütün fikirləri qarışdırıb, insanları çaş-baş saldı. Bütün xeyirşər məclisləri dayandırıldı, əlamətdar günlər, ad günləri üçün təşkil olunan kiçik məclislər belə keçirilmədi. Günlər adiləşdi, özü də necə adiəşdi?…
Belə adi günlərin birində telefonuma bir zəng gəldi.
Tanıdığım, hörmətini saxladığım insanlardan biri olan Tərtər şəhər 2 saylı məktəb-liseyin direktoru Gülarə Əkbərova hal-əhval tutduqdan sonra bu günlərdə dünyasını dəyişmiş bir həmyerlimiz haqqında xeyli yana-yana danışdı. Xahiş etdi ki, əgər rayon qəzetimizdə onun haqqında bir məqalə çap olunarsa, o insanın ruhunu sevindirmiş ola-rıq, ona hörmət əlamətimiz olar–dedi.
Rəhmətə gedən həmyerlimiz rayonumuzun tanınmış ziyalısı haqqında yazmaq mənim üçün bir şərəf işi olduğunu söyləyərək, onu redaktor Tofiq müəllimin bilməsi və razılığı ilə yazılması daha yaxşı olar dedim. Daha ətraflı »

                                                                      QONŞULUQ

Ta qədimdən bizim milli-adət-ənənələrimizdə qonşuluq mühüm yer tutur. Qonşuluqla bağlı çoxlu sayda xalq arasından çıxma atalar sözləri də vardır. “Ən yaxın qohumun kimdir?”, soruşulanda cavab: “Ən yaxın qonşum” deyilib. “Qonşunu 2 inəkli istə ki, özün 1 inəkli olasan”. “Uzaq qohumdansa yaxın qonşu yaxşıdır”. “Qonşu qonşu olsa, bağ çəpəri neyləyir?” və s. bu qəbildən olan çoxlu atalar sözləri bu günümüzədək gəlib çıxmışdır.
Yaxşı yadımdadır, böyüklərimiz söyləyərdilər ki, qonşu-qonşunun malına xor baxmaz. Bir qonşunun bağının meyvəsi digərinə tökülsə də əl vurmazdılar. Deyərdilər ki, nə olsun bizim bağda bitib, əgər o qonşuya keçibsə artıq onun sayılır. Qonşuya tərəf əyilən budağın meyvəsini yığmağı ayıb bilərdilər.
Yadıma bir qədər əvvəlin qonşuları düşdü. O zamanların böyüklərinin də, kiçiklərinin də qonşular haqqında düşüncə tərzi sanki fərqli idi. İnsanların bir-birinə qarşı hörməti, mərhəməti çox idi. Qonşular arasında bu günkü reallıq-ların nümunəsi olan hündür hasarlar yoxuydu. Sanki indiki bu hündür hasarlar yaxşı nə varıydısa hamısına son qoydu, inamı, etibarı azaltdı. Elə bil qonşular arasındakı əvvəlki mehribançılığı şübhələr, bir az da paxıllıq və qısqanclıq əvəz etdi. Daha ətraflı »

Hələ cari ilin əvvəllərindən, ölkəmizdə koronavirus infeksiyası qeydə alınmadığı vaxtlardan Azərbaycan Respublikasının Prezidenti İlham Əliyevin tapşırığına əsasən bu xəstəliyin yayılmaması üçün müəyyən tədbirlərin hazırlanıb, həyata keçirilməsinə başlanmışdır. Bu məqsədlə xüsusi xəstəxanalar ayrılmış, müasir avadanlıqlarla təchiz olunmuş laboratoriyalar alınıb gətirilmiş və digər lazımi hazırlıq işləri görülmüşdür. Sonrakı cərəyan edən hadisələr ölkə Prezidentinin uzaqgörənliyini bir daha təsdiq etmiş və pandemiyaya çevrilən bu xəstəliyin geniş yayılmaması və xəstələrin müalicə olunması üçün həyata keçirilməli olan vacib tədbirlər sahəsində Azərbaycanda heç bir ciddi problem yaşanmamışdır.

Prezident İlham Əliyevin koronavirusla mübarizə sahəsində görülən tədbirlər və sosial-iqtisadi vəziyyətlə bağlı keçirdiyi müşavirədə göstərmişdir ki, koronavirusa qarşı mübarizə işində müsbət dinamika müşahidə olunur. Bu müsbət dinamika deməyə əsas verir ki, görülmüş bütün tədbirlər müsbət nəticə verir. Bu tədbirlər nəticəsində vəziyyət bu günə qədər nəzarət altındadır. Son günlər yoluxanların sayı sağalanların sayından xeyli aşağıdır.

Koronavirus xəstəliyi bundan sonra da nəzarət altında saxlanılacaq. İlk günlərdən, bu xəstəlik meydana çıxandan dərhal sonra bütün lazımi qabaqlayıcı tədbirlər görüldü. Bunun nəticəsində biz bu vəziyyətdən az itkilərlə çıxırıq.

Bu işdə həkimlərimizin çox böyük əməyi vardır. Məhz həkimlərin yorulmaz fəaliyyəti nəticəsində Azərbaycanda bu xəstəlikdən ölənlərin sayı aşağı səviyyədədir. Bu gün 46 xəstəxana ancaq koronavirus xəstələrinə xidmət göstərir. Həmin xəstəxanaların 41-i son 17 il ərzində tikilib və ya əsaslı şəkildə təmir edilib, müasir avadanlıqlarla təchiz olunub. Daha ətraflı »

Azərbaycan xalqının qəhrəmanlıq səlnaməsi XXI əsrdə də davam edir. Azərbaycan torpaqlarını işğal edən Ermənistana qarşı bu gün də bütün cəbhə boyu mərd oğullarımız mənfur düşmənlə üz-üzə durub və qəhrəmancasına mübarizə aparırlar. Ata-babalarımızdan əmanət olaraq aldığımız, üzərində xoşbəxt və firavan  yaşadığımız, yer üzünün cənnəti olan bu gözəl yurdumuzu, onun üzərində atalarımızın qurduqları sivilizasiya və mədəniyyət xəzinələrini, dilimizi, mənəviyyatımızı qoruya bilmək, yaşatmaq və gələcək nəsillərə ötürmək üçün onu müdafiə etməyə hər an hazır olmalıyıq. Xüsusilə ölkə Prezidenti, Ali Baş Komandan İlham Əliyevin ordumuzun güclənməsi və möhkəmlənməsi üçün göstərdiyi diqqət və qayğı öz uğurlu nəticələrini verir. Aparılan ardıcıl və məqsədyönlü siyasət nəticəsində Silahlı Qüvvələrimizin hərbi-texniki təchizat səviyyəsi, nizam-intizamı və döyüş ruhu kifayət qədər yüksəkdir. Ən mühüm məqamlardan biri bundan ibarətdir ki, bu gün Azərbaycan cəmiyyətində Silahlı Qüvvələrimizə böyük inam var. Silahlı Qüvvələrimiz hər bir vətəndaşın qürur mənbəyidir. Daha ətraflı »

                                                                             TƏBRİK

Azərbaycan Milli Mətbuatının 145 illiyi münasibəti ilə Tərtər rayon İcra Hakimiyyətinin başçısı Müstəqim Məmmədov “Yeni Tərtər” qəzetinin əməkdaşlarını təbrik etmişdir. Təbrikdə deyilir: “Həsən bəy Zərdabinin rəhbərliyi ilə 1875-ci ilin 22 iyul tarixində işıq üzü görən “Əkinçi” qəzeti ilə əsası qoyulmuş Milli Mətbuat bu 145 ildə təlatümlü və keşməkeşli ömür yolu keçmişdir. Özündən sonra “Əkinçi”nin bir çox sələfləri meydana gəlmiş və onlar Milli Mətbuatın inkişafında əvəzolunmaz rol oynamışlar.
Azərbaycan Respublikasının Prezidenti cənab İlham Əliyevin imzaladığı Sərəncam ilə Azərbaycan Milli Mətbuatının 145 illik yubileyinin ölkəmizdə geniş qeyd olunması, KİV-lərə birdəfəlik yardımların göstərilməsi, mətbuat işçilərinin sosial müdafiəsinin gücləndirilməsi tədbirləri, həmçinin milli mətbuatın inkişafındakı xidmətlərinə görə jurnalistlərin fəxri adlarla təltif edilməsi haqqında ölkə rəhbərinin verdiyi sərəncamlar mətbuata və mətbuat işçilərinə göstərilən qayğının bariz nümunəsidir. Daha ətraflı »

“Azərbaycanda bütün infrastruktur layihələri ardıcıl şəkildə icra edilir. Məhz, bu layihələrin icrası nəticəsində ölkəmiz sürətlə inkişaf edib, eyni zamanda digər sahələrin də tərəqqisinə əlavə təkan verib”. Bu gün ölkəmizin 30-dan çox elektrik stansiyası var və bu, enerji təhlükəsizliyini təmin edir. Hətta, Azərbaycan nəinki özünü elektrik enerjisi ilə təmin edir, bu enerjini ixrac belə edir: “Bununla yanaşı, ölkəmizdə qazlaşdırma 96 faizə çatıb və bu, dünya miqyasında ən yüksək göstəricilərdən biridir. Təsadüfi deyildir ki, Davos Ümumdünya İqtisadi Forumunun hesabatına əsasən hava nəqliyyatının səmərəliliyinə görə Azərbaycan dünyada 11-ci, dəmir yollarının səmərəliliyinə görə isə 12-ci yerdədir. Avtomobil yollarının keyfiyyətinə görə Azərbaycan 27-ci yerdədir. Bütövlükdə infrastrukturla bağlı olan vəziyyətə görə Azərbaycan dünya miqyasında 34-cü yerdədir”
.“Ölkəmizdə həyata keçirilən infrastruktur layihələri arasında içməli su və meliorasiya layihələri də xüsusi əhəmiyyət kəsb edir. 2004-cü ildə Azərbaycanda içməli su ilə təminat 40 faiz səviyyəsində olduğu halda, bu gün 70 faizə çatıb. Daha ətraflı »

Azərbaycan dövləti və onun rəhbəri İlham Əliyev şəhid ailələrinin, müharibə əlillərinin və veteranlarının qayğılarını daim diqqət mərkəzində saxlayır, mövcud çətinliklərin həllinə daim dəstək göstərir, bu qəbildən olan insanların həyat tərzinin və sosial rifah halının yaxşılaşması üçün mümkün bütün tədbirləri həyata keçirirlər. Bakının Xətai rayonunda şəhid ailələrinə, müharibə əlillərinə mənzillərin və avtomobillərin təqdim olunması zamanı Prezident İlham Əliyevin nitqi ölkə başçısı səviyyəsində bu vacib sahəyə olan münasibətin məntiqi təzahürüdür. Bu tədbirdə prezident qeyd etmişdir ki,  şəhid ailələrinin, müharibə əlillərinin problemləri daim diqqət mərkəzindədir və son illər ərzində bu istiqamətdə çox böyük işlər görülüb.  8 mindən çox şəhid ailəsi, müharibə əlili mənzillərlə təmin edilib və 7 minə yaxın avtomobil verilibdir. Bu il 1500 şəhid ailəsi, müharibə əlili dövlət tərəfindən mənzillərlə təmin edilir və ediləcəkdir. Bütün mənzillər ən yüksək keyfiyyətlə tikilən yeni evlərdədir. Daha ətraflı »

Erməni quldurlarının varlığı sanki qandan-qadadan, qatillikdən və vəhşilikdən yoğrulub, onlar dəfələrlə azərbaycanlıdır deyə qocaya-cavana, kişiyə-qadına, böyüyə-uşağa baxmadan amansızcasına qətillər törədiblər, dinc və əliyalın insanları min-bir əzabla öldürüblər, işgəncə veriblər. Diri-diri gözlərini çıxarıblar, əzalarını doğrayıblar, yenə də bəsdir deməyiblər. Bu erməni xisləti, məkiri və qəddarlığı indi də davam edir. Torpaqlarımızın 20 faizini işğal edən mənfur ermənilər əlavə ərazilər zəbt etmək məqsədi ilə tez-tez basqınlar törədir və mülki əhalini atəşə tuturlar. Bu dəfə isə iyulun 12-dən etibarən Ermənistan Respublikası Silahlı Qüvvələri Tovuz rayonu istiqamətində xaincəsinə,
qəsdən və hədəflənmiş şəkildə yaşayış məntəqələrimizi, dinc əhalini iri çaplı silahlardan və ağır artilleriya qurğularından intensiv atəşə tutub. Bunun nəticəsində həmin kəndlərdə yaşayan mülki əhaliyə, dövlət əmlakına, o cümlədən infrastruktur obyektlərinə ciddi ziyan dəyib.
Dəymiş ziyanın aradan qaldırılması məqsədilə Ölkə Prezidenti tərəfindən “Azərbaycan Respublikasının Tovuz rayonunu Ermənistan Respublikası Silahlı Qüvvələrinin intensiv atəşə tutması nəticəsində Daha ətraflı »

22 iyul – Azərbaycanda Milli Mətbuat Günü kimi qeyd olunur.
Dövrün görkəmli ziyalısı Həsən bəy Zərdabinin 22 iyul 1875-ci ildə nəşr etdir-diyi “Əkinçi” qəzeti ilə əsası qoyulmuş Azərbaycan milli mətbuatı bütün dövrlərdə həqiqət carçısı olmuş, cəmiyyəti düşündürən problemləri, dövrün mütərəqqi ideyalarını əks etdirmiş, xalqımızın maariflənməsində, milli və bəşəri dəyərlərin təbliğində mühüm rol oynayıb. Azərbaycanda maarifçilik hərəkatının formalaşmasında əsas rol oyna-mış “Əkinçi”nin əsas məqsədi fanatizmi, cəhaləti aradan qaldırmaq, xalqı elmə, maarifə, tərəqqiyə çağırmaq, onun elmi-mədəni səviyyəsini yüksəltmək olub. Çox ciddi senzura altında cəmi 56 nömrəsi çapdan çıxan “Əkinçi” qəzetinin nəşrinə 1877-ci ildə qadağa qoyulmuşdur.
Buna əsas səbəb kimi Rusiya-Türkiyə müharibəsinin başlanması və qəzetin siyasi mövzulara da toxunması olub.XX əsrin əvvəllərində mətbuat orqanları Azərbaycanda milli-azadlıq hərəkatının əsas istiqamətverici qüvvəsini təşkil etmiş, milli oyanış, milli özünüdərk proseslərinin aparıcı vasitələrindən biri olublar. Milli siyasi mətbuatın təşəkkül dövrü adlandırılan 1905-1907-ci illərdə KİV-lər Azərbaycan cəmiyyətinin siyasi və ideoloji fəallığının artırılmasında mühüm rol oynayıblar. Daha ətraflı »

                                                             BİR OCAĞIN İSTİSİ

Başı bəlalar çəkən doğma Tərtərim! Nə yaxşı ki qoynunda həmişə mərd insanların olub. Onlar adlarını tarixə yazıb. Hər dövrünün yaddaşlara həkk olunmuş oğlu, qızı olub, doğma Tərtərim. Onlar sənin övladlarındır, səndən bəhrələnib, sənə güvənib qol-qanad açıblar. Məhs tərtərli adı ilə qü-rurlanıblar, sənin tarixində iz qoyaraq, adı-nı yaşadıblar. Bu dünən də belə idi, bu gün də belədir, sabah da belə olacaq, mənim doğma rayonum!
Hər dəfə belə övladlarının həyatından bəhs edib, nəsə yazanda mən də qürur du-yuram. Nə yaxşı ki, sənin övladın olaraq qoynunda böyüyüb boy atmışam mənim doğma, mərd Tərtərim!
Bu gün də sənin tarixində izi qalan insanlardan söz açacağam. Bunun üçün bir ailənin qonağı olub, saçını illərin sınağında ağartmış, gözlərinin nurunu şagirdlərinə vermiş, ömrünü zərrə-zərrə doğma rayonunun övladlarının savadlanmasına həsr etmiş bir qadın, qayğıkeş ana, nəvələrinin nağıl dünyası, yetirmələrinin dilində unu-dulmayaraq hər an xatırlanan Validə müəllimlə söhbət edirəm.
Məqsədim təkcə onun özündən yazmaq deyil. Bu, mülayim sifətli insanın xatirələrində həm dünəni, həm bu günü, həm də sabahı Daha ətraflı »